ଭଞ୍ଜନଗର: ଉପରେ ଆତଙ୍କର ଆକାଶ, ତଳେ ଭରା ନଈର ଭୟ । ଯାତ୍ରାର ପାଦେ ପାଦେ ବିପଦ । ୟା ଭିତରେ ପଦ୍ମାବତୀକୁ ପାର୍ କରିବାକୁ ଜୀବନ ଲାଗୁଛି ବାଜି । ମୃତ୍ୟୁ ସହ ଲଢ଼େଇ କରି ସ୍କୁଲ୍ରେ ପହଞ୍ଚୁଛନ୍ତି ଏ ପିଲାମାନେ । ଟିକେ ଭାରସାମ୍ୟ ହରାଇଲେ ମୃତ୍ୟୁ ସୁନିଶ୍ଚିତ । କାରଣ ଗୋଡ଼ ଖସିଗଲେ, ଏପଟେ ଚାହିଁ ବସିଛି କେନାଲ୍, ଆଉ ସେପଟେ ଆଁ କରି ରହିଛି ପଦ୍ମାବତୀର ଭଉଁରୀ । ନଦୀ ଉପରେ ପ୍ରାୟ ଶହେ ଫୁଟ୍ ଉଚ୍ଚରେ ନିର୍ମିତ ଫ୍ଲାଏ ଓଭର କେନାଲର ଗାର୍ଡ ୱାଲ୍ । ଯାହା ସାଜିଛି ଲୋକଙ୍କ ପାଇଁ ଲାଇଫ୍ଲାଇନ୍ । କାରଣ ଚଲାବାଟର ଏଠି ବିକଳ୍ପ ନାହିଁ ।
ଗଞ୍ଜାମ ଜିଲ୍ଲା ସୋରଡ଼ା ବ୍ଲକର ଉପାନ୍ତ ଅଞ୍ଚଳ ଭାବେ ଜଣାଶୁଣା ଆମ୍ବିଳଆମ୍ବ ଓ ଆଉକିଛି ଗାଁ । ବାହାରକୁ ଯିବାକୁ ହେଲେ ବହୁ ଦୂର ବୁଲିବୁଲି ଯିବାକୁ ହେବ । ତେଣୁ ଗାଁ ପାଖ ପଦ୍ମାବତୀ ନଦୀ ଉପରେ ହରଭଙ୍ଗୀ ସେଚ ପ୍ରକଳ୍ପ ଦ୍ଵାରା ନିର୍ମିତ ଏହି କେନାଲର ଗାର୍ଡ ଉପରେ ସମସ୍ତେ ଯିବା ଆସିବା କରନ୍ତି । ପାଣି ନଥିବା ବେଳେ କେନାଲ ଭିତର ଗାର୍ଡ ୱାଲ୍ ତଳେ ମୁଣ୍ଡ ନୁଆଁଇ ଯିବା ଆସିବା କରି ହେବ । ପାଣି ଥିଲେ ଗାର୍ଡ ୱାଲ୍ ହିଁ ଭରସା ।
ହୁଏତ ନୂଆ ପୋଲଟିଏ ନିର୍ମାଣ କରି ଦେଲେ ଏ ଗାଁ ଲୋକଙ୍କ ସମସ୍ୟା ସବୁଦିନ ପାଇଁ ଦୂର ହୋଇଯିବ । ଯଦି ସେତିକି ନହେଉଛି, କେନାଲ ଉପରେ କଂକ୍ରିଟ୍ ଢଳାଇ କରି ବାଡ଼ା ତିଆରି କରିଦେଲେ ମଧ୍ୟ ଜୀବନ ବଞ୍ଚିଯିବ। ହେଲେ ଏକଥା ବୁଝୁଛି କିଏ ?
https://www.facebook.com/nandighoshatv/videos/1256465164538958/
ଏସଟିଏଫର ସ୍ୱତନ୍ତ୍ର ସ୍କ୍ୱାଡ୍ ପିପିଲି ଅଞ୍ଚଳରେ ଚଢ଼ାଉ କରି ଦେହ ଦଲାଲ ଇବ୍ରାହିମ୍, ମାଷ୍ଟର ମାଇଣ୍ଡ ଦିଦି ସମେତ ୮ ଜଣଙ୍କୁ ଅଟକ ରଖି ପଚରାଉଚରା କରୁଛି । ଏଥିସହ ପୁରୁଣା ଭୁବନେଶ୍ୱର ଅଞ୍ଚଳରେ ଏସଟିଏଫ ଟିମ୍ ଚଢ଼ାଉ କରିଛି । ବାଂଲାଦେଶ ଲିଙ୍କର ଏସଟିଏଫ ତନାଘନା କରୁଛି ।
ସୁରଟର ଏହି ଘଟଣା ସମସ୍ତଙ୍କୁ ଆଶ୍ଚର୍ଯ୍ୟ କଲାଭଳି । ପେଷାରେ ବ୍ୟବସାୟୀ ଥିବା ଭାବନଗରର ରାକେଶ ନିଜ ବାନ୍ଧବୀ ସ୍ୱାତୀଙ୍କ ଝିଅ ସହ ପୁଅର ବାହାଘର ଠିକ୍ କରିଥିଲେ । ବିବାହ ପାଇଁ ପ୍ରସ୍ତୁତି ମଧ୍ୟ ଚାଲିଥିଲା । ତେବେ ୧୦ ଦିନ ହେବ ୪୮ ବର୍ଷୀୟ ରାକେଶ ଓ ୪୬ ବର୍ଷୀୟ ସ୍ୱାତୀ ନିଖୋଜ ହୋଇଯାଇଥିଲେ ।
ଯାହାକୁ ନେଇ ସ୍ଥାନୀୟ ଅଞ୍ଚଳରେ ନାନା ଚର୍ଚ୍ଚା ହେଉଛି । ସେମାନଙ୍କ କିଛି ଘନିଷ୍ଠ ବନ୍ଧୁଙ୍କ କହିବା ଅନୁଯାୟୀ ଦୁହେଁ କଲେଜ ବେଳରୁ ଦୁହିଁଙ୍କୁ ଭଲ ପାଉଥିଲେ । ଏପରିକି ପୂର୍ବରୁ ସମ୍ପର୍କରେ ଥିଲେ । ଉଭୟଙ୍କ ନିଖୋଜ ନେଇ ଦୁଇ ପରିବାର ପକ୍ଷରୁ ଥାନାରେ ଏତଲା ଦିଆଯାଇଛି ।
ଟ୍ରାଫିକ୍ ନିୟନ୍ତ୍ରଣ ପାଇଁ ବିଏମସି ଓ କମିଶନରେଟ୍ ପୋଲିସ ସ୍ୱତନ୍ତ୍ର ଡ୍ରାଇଭ ଆରମ୍ଭ କରିଛନ୍ତି । ବେଆଇନ୍ ପାର୍କିଂ ଉଚ୍ଛେଦ ଚାଲିଛି । ଏଣିକି
