ବିଟ୍ରେନ୍ : ବିଶ୍ୱର ବୈଜ୍ଞାନିକ ଏବଂ ଅନୁସନ୍ଧାନକାରୀମାନେ କରୋନାଭାଇରସ୍ ବିରୁଦ୍ଧରେ ଲଢ଼ିବା ପାଇଁ ଟିକା ପ୍ରସ୍ତୁତ କରିବାରେ ଜଡିତ ଅଛନ୍ତି । ତେବେ ଅନେକ ଦେଶ ଟିକା ପ୍ରସ୍ତୁତ କରି ଦେବା ପାଇଁ ଦାବି କରିଛନ୍ତି । ତଥାପି, ବଜାରକୁ ଆସିବା ପୂର୍ବରୁ ଏହି ଟିକାକୁ ଅନେକ ପରୀକ୍ଷା ଦେଇ ଗତି କରିବାକୁ ପଡିବ । ତାପରେ ଏହା ଲୋକଙ୍କ ପାଇଁ ଉପଲବ୍ଧ କରାଯିବ । ଏହି ପରିପ୍ରେକ୍ଷୀରେ ବ୍ରିଟେନର ଅକ୍ସଫୋର୍ଡ ୟୁନିଭରସିଟି ଖୁବ ଦ୍ରୁତ ଗତିରେ କାର୍ଯ୍ୟ କରୁଛି । ଗତ ସପ୍ତାହରେ ବିଶ୍ୱବିଦ୍ୟାଳୟର ଜେନେର୍ ଇନଷ୍ଟିଚ୍ୟୁଟ୍ କରୋନା ଭ୍ୟାକ୍ସିନ୍ ର ମାନବ ପରୀକ୍ଷା ଆରମ୍ଭ କରିଛି ।

ମେ ମାସ ଶେଷ ସୁଦ୍ଧା ୬,୦୦୦ ରୁ ଅଧିକ ଲୋକଙ୍କ ଉପରେ ଏହି ଟିକା ପରୀକ୍ଷା କରିବାକୁ ଅନୁଷ୍ଠାନ ଚାହୁଁଛି । ଏଥିପାଇଁ ବ୍ରିଟିଶ ସରକାର ଏହି ଅନୁଷ୍ଠାନକୁ ୨୦୦ ମିଲିୟନ୍ (୧୮୦ କୋଟି ଟଙ୍କା) ପ୍ରଦାନ କରିବାକୁ ପ୍ରତିଶୃତି ଦେଇଛନ୍ତି। ଏହି ସମୟରେ, ଅନୁଷ୍ଠାନର ରେସୁସ୍ ମାକାକ୍ ପ୍ରଜାତିର ମାଙ୍କଡ଼ ଉପରେ ଏକ ଟିକା ପରୀକ୍ଷା ଫଳାଫଳ ମଧ୍ୟ ଆସିଛି । ଭ୍ୟାକ୍ସିନ୍ ‘ChAdOx1 nCoV-19’ ମାଙ୍କଡମାନଙ୍କୁ କରୋନା ଜୀବାଣୁ ସହ ଲଢ଼େଇ କରିବାରେ ପ୍ରଭାବଶାଳୀ ବୋଲି ଦର୍ଶାଯାଇଛି ।

କରୋନାଭାଇରସ୍ ଭ୍ୟାକ୍ସିନ୍ କରିବାକୁ ଦାବି କରୁଥିବା ଅଧିକାଂଶ ଦେଶ ଛୋଟ ଛୋଟ ପରୀକ୍ଷଣ କରୁଛନ୍ତି। ଅନ୍ୟପଟେ ଅକ୍ସଫୋର୍ଡ ୟୁନିଭରସିଟି ମେ’ ମାସ ଶେଷ ସୁଦ୍ଧା ହଜାର ହଜାର ମାନବଙ୍କ ଉପରେ ପରୀକ୍ଷା କରିବାକୁ ପ୍ରସ୍ତୁତ ହେଉଛି । ଦି ନ୍ୟୁୟର୍କ ଟାଇମ୍ସର ଏକ ରିପୋର୍ଟ ଅନୁଯାୟୀ ବ୍ରିଟେନ ଟିକା ପ୍ରସ୍ତୁତ କରିବା ଦୌଡ଼ରେ ଆଗରେ ରହିଛି । ସେହିଭଳି ରିପୋର୍ଟରେ କୁହାଯାଇଛି ଯେ ଅକ୍ସଫୋର୍ଡ ନିର୍ମିତ ଟିକା ରେସୁସ୍ ମାକାକ୍ ପ୍ରଜାତିର ମାଙ୍କଡମାନଙ୍କ ଉପରେ ସମ୍ପୂର୍ଣ୍ଣ ପ୍ରଭାବଶାଳୀ ବୋଲି ପ୍ରମାଣିତ ହୋଇଛି ।

ସୂଚନା ଅନୁସାରେ, ଅକ୍ସଫୋର୍ଡ ୟୁନିଭରସିଟି ମାର୍ଚ୍ଚ ମାସରେ ମୋଣ୍ଟାନାସ୍ଥିତ ନ୍ୟାସନାଲ ଇନଷ୍ଟିଚ୍ୟୁଟ୍ ଅଫ୍ ହେଲ୍ଥର ରକି ମାଉଣ୍ଟେନ୍ ଲ୍ୟାବ୍ ରେ ୬ଟି ମାଙ୍କଡ ଉପରେ ଏହାର ଟିକା ପରୀକ୍ଷା କରିଥିଲା। ଏହା ପରେ ମାଙ୍କଡ଼ମାନଙ୍କୁ କରୋନା ଭାଇରସ ସଂସ୍ପର୍ଶରେ ଅଣାଯାଇଥିଲା । ଅର୍ଥାତ୍ ସେମାନଙ୍କୁ ବହୁ ପରିମାଣରେ କରୋନା ଜୀବାଣୁ ଦିଆଯାଇଥିଲା । ଅନ୍ୟ କେତେକ ମାଙ୍କଡ଼ ମଧ୍ୟ କରୋନା ଜୀବାଣୁ ସଂସ୍ପର୍ଶରେ ଆସିଥିଲେ । ଅନୁସନ୍ଧାନରୁ ଜଣାପଡିଛି ଯେ ଟିକା ଦିଆଯାଉଥିବା ମାଙ୍କଡ଼ମାନେ ପ୍ରାୟ ଚାରି ସପ୍ତାହ ପରେ ମଧ୍ୟ ସୁସ୍ଥ ଥିଲେ ।

ନୂଆଦିଲ୍ଲୀ: ମେ’ ୪ ପରେ ଆହୁରି କୋହଳ ହୋଇପାରେ ଲକଡାଉନ କଟକଣା । ଏନେଇ କେନ୍ଦ୍ରସରକାରଙ୍କ ଗୃହମନ୍ତ୍ରାଳୟ ଇସାରା ଦେଇଛି । ତେବେ ଲକଡାଉନ ପରେ କେନ୍ଦ୍ର ଜାରି କରିବାକୁ ଯାଉଛି ନୂଆ ଗାଇଡଲାଇନ୍‌ । ନୂଆ ଗାଇଡଲାଇନରେ ଗ୍ରୀନ୍‌ ଜୋନ ଓ ୟେଲୋ ଜୋନ୍‌ରେ ଥିବା ଜିଲ୍ଲା ଗୁଡିକରେ କୋହଳସୀମାର ପରିସର ବୃଦ୍ଧି ହୋଇପାରେ । ତେବେ ରେଡ୍‌ ଓ ଅରେଞ୍ଜ ଜୋନ୍‌ରେ ପୂର୍ବବତ ଜାରି ରହିପାରେ କଟକଣା । ଏନେଇ ନୂଆ ଗାଇଡଲାଇନ ଆସିଲେ ସବୁ ସ୍ପଷ୍ଟ ହେବ ବୋଲି ଟୁଇଟ୍‌ କରି ସୂଚନା ଦେଇଛନ୍ତି ଗୃହ ମନ୍ତ୍ର।ଳୟ ମୁଖପାତ୍ର ।

New guidelines to fight #COVID19 will come into effect from 4th May, which shall give considerable relaxations to many districts. Details regarding this shall be communicated in the days to come.#Corona Update#StayHomeStaySafe @PMOIndia @HMOIndia @MoHFW_INDIA

— PIB – Ministry of Home Affairs (@PIBHomeAffairs) April 29, 2020

ଅହମ୍ମଦାବାଦ୍‌: ସାରା ବିଶ୍ୱକୁ ଏବେ କରୋନା ଚିନ୍ତା । ବିଶ୍ୱର ବଡ଼ ବଡ଼ ବୈଜ୍ଞାନିକମାନେ କରୋନା ଭ୍ୟାକ୍ସିନ୍‌ ପ୍ରସ୍ତୁତ କରିବାରେ ଲାଗିପଡ଼ିଛନ୍ତି । ଭ୍ୟାକ୍ସିନ୍‌ ପ୍ରସ୍ତୁତି ପାଇଁ ବିଭିନ୍ନ ଫାର୍ମା କମ୍ପାନୀ ଦିନ ରାତି ଏକ କରିଦେଇଛନ୍ତି । ଭାରତରେ ପୁଣେ ସ୍ଥିତ ସିରମ୍‌ ଇନ୍‌ଷ୍ଟିଚ୍ୟୁଟ୍‌ ପରେ ଏବେ ହେଷ୍ଟର ବାୟୋସାଇନ୍ସେସ୍‌ ମଧ୍ୟ କରୋନା ପାଇଁ ଭ୍ୟାକ୍ସିନ୍‌ ପ୍ରସ୍ତୁତ କରିବାକୁ ଘୋଷଣା କରିଛି । କମ୍ପାନୀ ପକ୍ଷରୁ ଏହି ଘୋଷଣା ପରେ ସେୟାର ବଜାରରେ ଏହାର ଦର ୨୦ ପ୍ରତିଶତ ବୃଦ୍ଧି ପାଇଛି ।

ବୁଧବାର ଅହମ୍ମଦାବାଦ ସ୍ଥିତ ଫାର୍ମାସ୍ୟୁଟିକାଲ୍ କମ୍ପାନୀ ହେଷ୍ଟର ବାୟୋସାଇନ୍ସେସ୍‌ର କହିବାନୁଯାୟୀ, ଇଣ୍ଡିଆନ୍ ଇନଷ୍ଟିଚ୍ୟୁଟ୍ ଅଫ୍ ଟେକ୍ନୋଲୋଜି, ଗୌହାଟି ସହ ମିଶି ସେ COVID-19 ଭ୍ୟାକ୍ସିନ ପ୍ରସ୍ତୁତ କରିବ । ଏନେଇ ଗତ ଏପ୍ରିଲ୍ ୧୫ରେ ଚୁକ୍ତି ମଧ୍ୟ ହୋଇସାରିଛି । ଏହି ଟିକା ଏଭିଆନ୍ ପେରାମଇକ୍ସୋଭାଇରସ୍ ଭେକ୍ଟର ପ୍ଲାଟଫର୍ମ ଉପରେ ଆଧାରିତ ହେବ ବୋଲି କମ୍ପାନୀ ପକ୍ଷରୁ କୁହାଯାଇଛି ।

ଏହା ପୂର୍ବରୁ ପୁଣେର ସିରମ୍ ଇନଷ୍ଟିଚ୍ୟୁଟ୍ ଦାବି କରିଛି ଯେ, ଆସନ୍ତା ସେପ୍ଟେମ୍ବର-ଅକ୍ଟୋବର ସୁଦ୍ଧା କରୋନା ଭ୍ୟାକ୍ସିନ୍‌ ବଜାରକୁ ଛାଡ଼ିବ । ଯାହାର ମୂଲ୍ୟ ପ୍ରତି ଡୋଜ୍‌ ପିଛା ୧୦୦୦ ଟଙ୍କା ରହିବ ।

ନ୍ୟୁଜ୍ ଏଜେନ୍ସି ପିଟିଆଇର କହିବାନୁଯାୟୀ, ହେଷ୍ଟର ବାୟୋସାଇନ୍ସେସ୍ ସିଇଓ ତଥା ଏମଡି ଆର. ଗାନ୍ଧୀ କହିଛନ୍ତି କୋଭିଡ୍‌-୧୯ ଭାଇରସ୍‌କୁ ଧ୍ୱଂସ କରିବାକୁ, ଆଇଆଇଟି ଗୌହାଟି ଏବଂ ହେଷ୍ଟର ମଳିତ ଭାବେ ଭ୍ୟାକ୍ସିନ୍‌ ପ୍ରସ୍ତୁତ କରୁଛନ୍ତି । ଆଇଆଇଟି ଗୌହାଟିକୁ ହେଷ୍ଟର ପକ୍ଷରୁ ସମ୍ପୂର୍ଣ୍ଣ ସହଯୋଗ କରାଯାଉଛି । ଏହି ଭ୍ୟାକ୍ସିନ୍‌ ବଜାରରେ ବିକ୍ରି ଉପଯୋଗୀ ହେବା ଭଳି ପ୍ରସ୍ତୁତ କରାଯିବ ।

ତେବେ ଏହି ଘୋଷଣା ପରେ, ବୁଧବାର ହେଷ୍ଟର ବାୟୋସାଇନ୍ସେସର ଶେୟାର ଆଶାତୀତ ଭାବେ ବୃଦ୍ଧି ପାଇଛି । ଏକକାଳିନ ୨୦ ପ୍ରତିଶତ ଉପରକୁ ଉଠିଛି ଶେୟାର ଦର । ବିଏସ୍‌ଇରେ ଏହାର ଆଜିର କାରବାର ୧୩୬୬ରେ ସୀମିତ ରହିଥିଲା ।

କରୋନା ଭାଇରସ୍‌ ଏବେ ସାରା ବିଶ୍ୱ ପାଇଁ ଚିନ୍ତାର ବିଷୟ ପାଲଟିଛି । ବିଶ୍ୱରେ ପ୍ରାୟ ୩୦ ଲକ୍ଷ ଲୋକ ଏବେ ଆକ୍ରାନ୍ତ ଥିବା ବେଳେ ୨ ଲକ୍ଷ ଲୋକ କରୋନା ଆକ୍ରାନ୍ତ ଯୋଗୁଁ ମୃତ୍ୟୁ ବରଣ କରିସାରିଲେଣି । ଏହାରି ମଧ୍ୟରେ ଏବେ ଖବର ଆସିଛି, ଚୀନ୍‌ରେ କରୋନା ଭଳି ଆହୁରି ୧୫୦୦ ଭୟଙ୍କର ଭାଇରସ୍‌ ଗଚ୍ଛିତ ଅଛି । ଉହାନ୍‌ ସହରର ଇନ୍‌ଷ୍ଟିଚ୍ୟୁଟ୍‌ ଅଫ୍‌ ଭାଇରୋଲୋଜି ଲ୍ୟାବ୍‌ରେ ହିଁ ଏହି ଭାଇରସ୍‌ ପ୍ରସ୍ତୁତ କରି ରଖାଯାଇଛି ।

ରିପୋର୍ଟ ଅନୁଯାୟୀ, ଚାଇନାର ଏହି ଲ୍ୟାବ୍‌ରେ ୧୫ ଶହରୁ ଅଧିକ ମାରାତ୍ମକ ଭାଇରସ୍‌ ଷ୍ଟକ୍‌ ରହିଛି । ଯାହାର ରିସର୍ଚ୍ଚ ଏବେ ବି ଚାଲିଛି । ଏଥିରୁ ଅନୁମାନ କରାଯାଇପାରିବ ଯେ, ଯଦି କରୋନା ଭଳି ଅନ୍ୟ ଭାଇରସ୍‌ ଲ୍ୟାବରୁ ବାହାରକୁ ଚାଲି ଆସନ୍ତି ତେବେ ମାନବ ଜାତିର ଅବସ୍ଥା କ’ଣ ହେବ ? ତେବେ ଏଥିରୁ ସ୍ପଷ୍ଟ ଜଣାପଡ଼ୁଛି ଯେ, ଚୀନ୍‌ ପ୍ରତି ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଥିବା କ୍ରୋଧ ଅଯଥା ନୁହେଁ ।

ଲ୍ୟାବ୍‌ର ଏକ ବଡ଼ ଫ୍ରିଜ୍‌ ମଧ୍ୟରେ ସବୁ ଭାଇରସ୍‌କୁ ସୁରକ୍ଷିତ ଭାବେ ରଖାଯାଇଛି । ଅନ୍ୟପଟେ ଏହି ଭାଇରସ୍‌କୁ ନେଇ ଏବେ ବି ରିସର୍ଚ୍ଚ ଜାରି ରହିଛି । ତେବେ ଏଠି ପ୍ରଶ୍ନ ଉଠୁଛି ସାରା ବିଶ୍ୱକୁ ହାନୀ ପହଞ୍ଚାଇଲା ଭଳି ଏହି ଭାଇରସ୍‌କୁ କାହିଁକି ଗଚ୍ଛିତ ରଖାଯାଇଛି । ଯଦି କୌଣସି କାରଣ ବସତଃ ଏହା ଲିକ୍‌ ହୋଇଯାଏ ତେବେ ବିଶ୍ୱ ପାଇଁ ବଡ଼ ବିପଦ ଆସିପାରେ ।

ବ୍ରିଟିଶ ଗଣମାଧ୍ୟମ, ଦି ଡେଲି ମେଲ୍ ଗ୍ରୁପ୍‌ ପକ୍ଷରୁ ଏହା ଦାବି କରାଯାଇଛି ଯେ, ସେହି ଲାବ୍‌ରେ ୧୫୦୦ ଭାଇରସ୍‌ ଏବେ ବି ମହଜୁଦ୍‌ ରହିଛି । ଉକ୍ତ ଗଣମାଧ୍ୟମ ସଂସ୍ଥାର ଜଣେ ସାମ୍ବାଦିକ, ଲ୍ୟାବ୍‌ର ଭିତର ଫଟୋ ଭାଇରାଲ କରିଛନ୍ତି । ଲ୍ୟାବ୍‌ର ଏଭଳି ଫଟୋ ପୂର୍ବରୁ ମଧ୍ୟ ଭାଇରାଲ ହୋଇଛି । ସେତେବେଳେ ଚୀନ୍‌ର ଏହି ଲ୍ୟାବ୍‌କୁ ଏସିଆର ସବୁଠାରୁ ବଡ଼ ଭାଇରସ୍‌ ବ୍ୟାଙ୍କ ବୋଲି କୁହାଯାଇଥିଲା ।

ବାସ୍ତବରେ ବୁହାନ୍‌ ଇନ୍‌ଷ୍ଟିଚ୍ୟୁଟ୍‌ ଅଫ୍‌ ଭାଇରୋଲୋଜିରେ ଏଭଳି ଏକ ଳ୍ୟାବ୍‌ ରହିଛି ଯେଉଁଠି ଅନେକ ମାରାତ୍ମକ ଭାଇରସ୍‌ ଉପରେ ପରୀକ୍ଷଣ କରାଯାଉଛି । ବ୍ରିଟିସ୍‌ ଗଣମାଧ୍ୟମର ଦାବି ଅନୁଯାୟୀ, ଲ୍ୟାବ୍‌ର ଯେଉଁ ଫ୍ରିଜ୍ରେ ଗୁଡ଼ିକରେ ଏଭଳି ମାରାତ୍ମକ ଭାଇରସ୍‌ ରହିଛି, ସେହି ଫ୍ରିଜ୍‌ ଗୁଡ଼ିକର ଲକ୍‌ ଭଙ୍ଗାଯାଇଛି । ଆଉ ସେହି ଫ୍ରିଜ୍‌ ଚାରିପଟେ ଘେରାବନ୍ଦୀ କରାଯାଇଛି ।

ତେବେ ଏଠି ଏକ ଗୁରୁତ୍ୱପୂର୍ଣ୍ଣ କଥା ହେଲା, ଚୀନ୍‌ ନିଜ ଲ୍ୟାବ୍‌ରେ ରଖିଥିବା ୧୫୦୦ ରୁ ଅଧିକ ଭାଇରସ୍‌ ପାଇଁ ଆମେରିକା ମଧ୍ୟ ଦାୟୀ । କାରଣ ବାଦୁଡ଼ି ଉପରେ ରିସର୍ଚ୍ଚ କରିବା ପାଇଁ ଆମେରିକା ଚୀନ୍‌କୁ କହିଥିଲା । ଏଥିପାଇଁ ଗତ ୨୦୧୫ରୁ ଆମେରିକା ଚୀନ୍‌କୁ ଫଣ୍ଡିଂ ମଧ୍ୟ କରୁଛି । ଏନେଇ ଡୋନାଲ୍ଡ ଟ୍ରମ୍ପ ପୂର୍ବରୁ ସ୍ୱୀକାର କରି ସାରିଛନ୍ତି । ଏହି ବାଦୁଡ଼ି ରିସର୍ଚ୍ଚରୁ ହିଁ କୋଭିଡ଼-୧୯ ଭାଇରସ୍‌ ଉତ୍ପନ୍ନ ହୋଇଛି ବୋଲି କୁହାଯାଉଛି ।