ସନ୍ଧ୍ୟାରୁ ସ୍ୱାଭାବିକ ହେବ ୟେସ୍ ବ୍ୟାଙ୍କ: ଆସନ୍ତାକାଲି ଫେରିବ ମହାପ୍ରଭୁଙ୍କ ଟଙ୍କା
ପୁରୀ: ଆସନ୍ତାକାଲି ଫେରିବ ୟେସ୍ ବ୍ୟାଙ୍କରେ ଥିବା ମହାପ୍ରଭୁଙ୍କ ୫୪୫ କୋଟି ଟଙ୍କା । ୟେସ୍ ବ୍ୟାଙ୍କରୁ ଉଠାଇ ଜାତୀୟକରଣ ବ୍ୟାଙ୍କରେ ରଖାଯିବ ଏହି ଟଙ୍କା । ଇ-ଟ୍ରାନ୍ସଫର ମାଧ୍ୟମରେ ଏହି ଟଙ୍କା ଫେରିବ ବୋଲି ଶ୍ରୀମନ୍ଦିର ପ୍ରଶାସନ ପକ୍ଷରୁ ସୂଚନା ଦିଆଯାଇଛି ।
ଆଜି ସନ୍ଧ୍ୟାରୁ ୟେସ୍ ବ୍ୟାଙ୍କ ପୁନଃ କାର୍ଯ୍ୟକ୍ଷମ ହେଉଥିବା ବେଳେ ଫିକ୍ସ ଡିପୋଜିଟ୍ ଥିବା ମହାପ୍ରଭୁଙ୍କ ଟଙ୍କାର ଆସନ୍ତାକାଲି ମାଚ୍ୟୁରିଟି ପୂରୁଥିବାରୁ ଟଙ୍କା ଉଠିବ ବୋଲି ଜଣାପଡ଼ିଛି । ତେବେ ସମସ୍ତଙ୍କ ଟଙ୍କା ଉଠାଣ ନେଇ ଶ୍ରୀମନ୍ଦିର ପ୍ରଶାସନ ପକ୍ଷରୁ ୟେସ୍ ବ୍ୟାଙ୍କ କର୍ତ୍ତୃପକ୍ଷଙ୍କୁ ଚିଠି ଲେଖି ଜଣାଯାଇଛି ।
ଉଲ୍ଲେଖଯୋଗ୍ୟ ଯେ, ମହାପ୍ରଭୁଙ୍କ ଟଙ୍କା ଫେରସ୍ତ ପାଇଁ ପୂର୍ବରୁ ରାଜ୍ୟ ଅର୍ଥମନ୍ତ୍ରୀ ନିରଞ୍ଜନ ପୂଜାରି କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କୁ ଚିଠି ଲେଖି ଜଣାଇଥିଲେ । ଏଥିହସିତ ବିଜେଡି ପ୍ରତିନିଧିଦଳ ମଧ୍ୟ କେନ୍ଦ୍ର ଅର୍ଥମନ୍ତ୍ରୀଙ୍କୁ ଭେଟି ମହାପ୍ରଭୁଙ୍କ ଟଙ୍କା ସମ୍ପର୍କରେ ଆଲୋଚନା କରିଥିଲେ ।
ତେବେ କେନ୍ଦ୍ରମନ୍ତ୍ରୀ ନିର୍ମଳା ମହାପ୍ରଭୁଙ୍କ ଟଙ୍କାଟିଏ ବି ଏପଟେ ସେପଟେ ଖର୍ଚ୍ଚ ହେବନି ଏବଂ ଏହା ସମ୍ପୂର୍ଣ୍ଣ ସୁରକ୍ଷିତ ଅଛି ବୋଲି ନିର୍ଭୟ ବାଣୀ ଶୁଣାଇଥିଲେ । ମହାପ୍ରଭୁଙ୍କ ଟଙ୍କା ନେଇ ରାଜ୍ୟବିଧାନସଭାରେ ମଧ୍ୟ ଆଲୋଚନା ହୋଇଛି ଏବଂ ମହାପ୍ରଭୁଙ୍କ ଟଙ୍କାକୁ ଏକ ଘରୋଇ ବ୍ୟାଙ୍କରେ ଜମା କରାଯିବା ନେଇ ତଦନ୍ତ ପାଇଁ ଏକ ଗୃହ କମିଟି ଗଠିତ ହୋଇଛି ।
ଶ୍ରୀମନ୍ଦିର ଟଙ୍କା ଫେରାଇ ଆଣିବା ପାଇଁ ସରକାରଙ୍କ ଅଭୟବାଣୀ, ତଥାପି ଗୃହ କମିଟି ପାଇଁ ବିରୋଧୀଙ୍କ ଜିଦ୍
କରୋନା ନାଁରେ ଯୁବତୀଙ୍କୁ କମେଣ୍ଟ କରି ଛେଚା ଖାଇଲେ ଯୁବକ
ଭୁବନେଶ୍ୱର: ମଦ୍ୟପ ଯୁବକଙ୍କର ଉନ୍ମତ କାଣ୍ଡ । ରାଜଧାନୀରେ କରୋନାକୁ ନେଇ ଯୁବତୀଙ୍କୁ କମେଣ୍ଟ । ଆଉ ତାପରେ ନିର୍ଧୁମ ଛେଚା ଖାଇଲେ ମଦ୍ୟପ ଯୁବକ । କଳ୍ପନା ଛକ ପେଟ୍ରୋଲ ପମ୍ପ୍ରେ ଘଟିଛି ଏଭଳି ଘଟଣା । ଅଭିଯୋଗ ପରେ ପୋଲିସ ମଦ୍ୟପ ଯୁବକଙ୍କୁ ଥାନାରେ ଅଟକ ରଖିଛି ।
ସୂଚନା ଅନୁଯାୟୀ, ଗତ ରାତି ୧୧ଟା ୪୫ ମିନିଟରେ କିଛି ଯୁବତୀ ପେଟ୍ରୋଲ ପକାଇବା ପାଇଁ କଳ୍ପନା ପେଟ୍ରୋଲ ପମ୍ପକୁ ଆସିଥିଲେ । ସେହି ସମୟରେ କିଛି ମଦ୍ୟପ ଯୁବକ ସେମାନଙ୍କୁ କରୋନ କହି ବାରମ୍ବାର କମେଣ୍ଟ ମାରିଥିଲେ ।
ଯୁବତୀ ମାନେ ସେମାନଙ୍କୁ ଏହା କାହିଁକି କହୁଛ କହିବାରୁ ମଧ୍ୟ ସେ ଅଟକି ନଥିଲେ । ଏହା ପରେ ମଦ୍ୟପ ଯୁବକ ମାନେ ପେଟ୍ରୋଲ ପମ୍ପ୍ରେ ଥିବା ଅଧିକାରୀ ମାନଙ୍କୁ ହେଲମେଟ ଦ୍ୱାରା ଆକ୍ରମଣ କରିଥିଲେ । ଏହା ପରେ ଉକ୍ତ ଯୁବତୀ ମାନେ ସେହି ମଦ୍ୟପ ଯୁବକ ମାନଙ୍କୁ ନିର୍ଧୁମ୍ ମାଡ଼ ମାରିଥିଲେ । ଏହାପରେ ସ୍ଥାନୀୟ ଲୋକେ ୩ ଯୁବକଙ୍କୁ ନିର୍ଧୁମ ମାଡ଼ ମାରିଥିଲେ । ପରେ ବଡ଼ଗଡ଼ ଥାନାରେ ଯୁବତୀ ଓ ପେଟ୍ରୋଲ ପମ୍ପ୍ ପକ୍ଷରୁ ଅଭିଯୋଗ କରାଯାଇଛି ।
ଆମେରିକାରୁ ଆସୁଛନ୍ତି ଗୀତା ମେହେଟ୍ଟା, କୋଭିଡ-୧୯ରେ ପଞ୍ଜିକରଣ କଲେ ମୁଖ୍ୟମନ୍ତ୍ରୀ
ଭୁବନେଶ୍ୱର: କରୋନାକୁ ନେଇ ସରକାର ସଚେତନ କରୁଛନ୍ତି । ସଂକ୍ରମଣ ରୋକିବାକୁ ଅହରହ ଉଦ୍ୟମ କରାଯାଉଛି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ନିଜେ ସଚେତନ କରୁଛନ୍ତି । ବିଦେଶରୁ ଓଡ଼ିଶା ଆସୁଥିବା ଲୋକଙ୍କ ପାଇଁ ସରକାର ଖୋଲିଛନ୍ତି ୱେବସାଇଟ୍ https://covid19.odisha.gov.in/ । ବିଦେଶରୁ ଆସୁଥିଲେ ଏହି ୱେବସାଇଟରେ ପଞ୍ଜିକରଣ କରିବାକୁ ରାଜ୍ୟ ସରକାର ନିର୍ଦ୍ଦେଶାବଳୀ ଜାରି କରିଛନ୍ତି ।
I have registered my sister’s details in the Government portal for persons coming from abroad. I appeal all of you to also register details about your family members and friends coming from abroad. This will help protect #Odisha from #CoronaVirus#Register4Covid19SafeOdisha
— Naveen Patnaik (@Naveen_Odisha) March 18, 2020
ଏହି ପରିପ୍ରେକ୍ଷୀରେ ମୁଖ୍ୟମନ୍ତ୍ରୀ କୋଭିଡ-୧୯ରେ ନିଜ ଉଭଣୀ ଗୀତା ମେହେଟ୍ଟାଙ୍କ ନାଁ ପଞ୍ଜିକରଣ କରିଛନ୍ତି । ଏନେଇ ନିଜେ ମୁଖ୍ୟମନ୍ତ୍ରୀ ଟ୍ୱିଟ୍ କରି ସୂଚନା ଦେଇଛନ୍ତି । ଏଥିସହ ବିଦେଶରୁ ଆସୁଥିବା ଅନ୍ୟ ବ୍ୟକ୍ତିବିଶେଷ ମଧ୍ୟ ଉକ୍ତ ୱେବସାଇଟରେ ନାଁ ପଞ୍ଜିକରଣ କରିବାକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସମସ୍ତଙ୍କୁ ଅନୁରୋଧ କରିଛନ୍ତି । ଏହାଦ୍ୱାରା ସଂକ୍ରମଣକୁ ରୋକାଯାଇ ପାରିବ ବୋଲି କହିଛନ୍ତି ମୁଖ୍ୟମନ୍ତ୍ରୀ ।
ବିଦେଶରୁ ଆସୁଥିବା ବ୍ୟକ୍ତି ବିଶେଷ ପହଞ୍ଚିବାର ୨୪ ଘଣ୍ଟା ମଧ୍ୟରେ ପୋର୍ଟାଲରେ ପଞ୍ଜିକରଣ କରିବାକୁ କୁହାଯାଇଛି । ଏଥିସହ କରୋନା ଲକ୍ଷ୍ୟଣ ଦେଖାଗଲେ ତାଙ୍କୁ ୧୪ ଦିନ ପାଇଁ ଆଇସୋଲେସନରେ ରଖାଯିବ । ଏପରିକି ସେମାନଙ୍କ ପାଇଁ ସରକାର ୧୫ ହଜାର ଟଙ୍କା ଆର୍ଥିକ ସହାୟତା ଘୋଷଣା କରିଛନ୍ତି । ପୋର୍ଟାଲ୍ ବ୍ୟତୀତ ୧୦୪ ନିଃଶୁଳ୍କ ନମ୍ବରରେ ମଧ୍ୟ ପଞ୍ଜିକରଣ କରିହେବ ।
କରୋନା ମୁକାବିଲା ଦିଗରେ ସରକାରଙ୍କୁ ସହଯୋଗ ଲାଗି ପୁରୀ ଗଜପତିଙ୍କ ଅପିଲ୍
ସରକାରଙ୍କ ନିୟମକୁ ମାନି ଗତକାଲି ପୁରୀ ଗଜପତି ମହାରାଜା ଦିବ୍ୟସିଂହ ଦେବ, IAS ଭୀନିଲ କ୍ରୀଷ୍ଣା ପୋର୍ଟାଲ ନିଜ ନାଁ ପଞ୍ଜିକରଣ କରିଥିଲେ । ରାଜ୍ୟ ଯୋଜନା ବୋର୍ଡର ଉପାଧ୍ୟକ୍ଷ ସଞ୍ଜୟ ଦାସ ବର୍ମା ମଧ୍ୟ ପୋର୍ଟାଲରେ ବିଦେଶରୁ ଫେରିଥିବା ତାଙ୍କ ପୁଅଙ୍କ ନାଁ ପଞ୍ଜିକରଣ କରିଥିଲେ ।
ସୋସିଆଲ ମିଡିଆରେ ଭାଇରାଲ ହେଉଛି ତମ୍ବୁରେ ତିଆରି ପାକିସ୍ତାନ ଆଇସୋଲେସନ କ୍ୟାମ୍ପ
ନୂଆଦିଲ୍ଲୀ: ସାରା ବିଶ୍ୱ ଏବେ କରୋନା ପାଇଁ ସଚେତନ । ଏହି ଭାଇରସରୁ ନିଜକୁ ଦୂରେଇ ରଖିବା ପାଇଁ ସରକାର ଏବଂ ସ୍ୱାସ୍ଥ୍ୟ ବିଭାଗ ପକ୍ଷରୁ ବହୁ ପଦକ୍ଷେପ ନିଆଯାଉଛି । ଏହା ସହ ଜନସାଧାରଣ ମଧ୍ୟ ଭାଇସରକୁ ନେଇ ଖୁବ ସଚେତନ । କରୋନା ସଂକ୍ରମିତ ଦେଶ ଗୁଡ଼ିକରେ ସରକାର ଆଇସୋଲେସନ ରୁମ ତିଆରି କରିଛନ୍ତି ଯେଉଁଥିରେ ଭାଇସର ଦ୍ୱାରା ସଂକ୍ରମିତ ରୋଗୀ ମାନଙ୍କୁ ଚିକିତ୍ସା କରାଯାଇପାରିବ ।
ତେବେ କରୋନାଭାଇରସ୍ ସଂକ୍ରମଣରେ ପାକିସ୍ତାନ ଏହାର ଏକ ବୃହତ୍ ଦିନିକିଆ ସ୍ପାଇକ୍ ରେକର୍ଡ କରିଛି । ଯାହା ୧୮୪ କୁ ପହଞ୍ଚିଛି । ଅକାମି କ୍ୱାରେଣ୍ଟାଇନ ପ୍ରକ୍ରିୟା ରିପୋର୍ଟ ହେତୁ ୧୮୪ ସଂକ୍ରମିତ ମଧ୍ୟରୁ ୧୩୪ ଜଣ ଦେଶର ଟାଫଟନ୍ ସୀମା କ୍ରସିଂରେ ଏକ କ୍ୱାରେଣ୍ଟାଇନ କ୍ୟାମ୍ପରେ ରହୁଥିବା ସୂଚନା ମିଳିଛି ।
ସରକାରୀ ତଥ୍ୟ ଅନୁଯାୟୀ ପାକିସ୍ତାନରେ କରୋନାଭାଇରସ୍ କାରଣରୁ କୌଣସି ମୃତ୍ୟୁ ରେକର୍ଡ ହୋଇନାହିଁ। ତେବେ କରୋନା ସଂକ୍ରମିତ ମାନଙ୍କୁ ସଠିକ ଡାକ୍ତରୀ ଚିକିତ୍ସା ଦେବା ବଦଳରେ ପାକିସ୍ତାନରେ ସଂକ୍ରମିତ ମାନେ ତମ୍ବୁ ଭିତରେ ରହୁଛନ୍ତି । ଗୋଟେ ତମ୍ବୁରେ ରହୁଛନ୍ତି ପାଞ୍ଚ ଜଣ । ନା ଠିକରେ ଖାଇବାକୁ ମିଳୁଛି ନା ଅଛି ଗାଧୋଇବାର ସୁବିଧା । କପଡ଼ାରେ ତିଆରି ଛୋଟ ଛୋଟ ତମ୍ବୁରେ ଶୌଚ କରୁଛନ୍ତି ଲୋକେ ।
ମାର୍ଚ୍ଚ ୩ ରେ ତମ୍ବୁକୁ ଅଣାଯାଇଥିବା ଜଣେ କରୋନା ସଂକ୍ରମିତଙ୍କ କହିବା ଅନୁଯାୟୀ, ‘ଆମେ ତମ୍ବୁରେ ଶୋଇଛୁ, ପାଞ୍ଚ ଜଣ ଲୋକ ଗୋଟିଏ ତମ୍ବୁରେ ଅଛନ୍ତି କାରଣ ଏଠାରେ ଜାଗା ଅଭାବ ରହିଛି। ପର୍ଯ୍ୟାପ୍ତ ବାଥରୁମ କିମ୍ବା ପର୍ଯ୍ୟାପ୍ତ ଜଳ ନାହିଁ। କରୋନା ସ୍କ୍ରିନିଂ ପାଇଁ ସିଷ୍ଟମ ଦାବି କରିଥିବାବେଳେ ସେଥିପ୍ରତି କେହି ଧ୍ୟାନ ଦେଉନାହାନ୍ତି । ସ୍ୱାସ୍ଥ୍ୟ ବିଭାଗ ପକ୍ଷରୁ ଔଷଧ ମଧ୍ୟ ଯୋଗାଇ ଦିଆଯାଉନଥିବା ଅଭିଯୋଗ କରିଛନ୍ତି ଲୋକେ ।’
ତମ୍ବୁରେ ଅସୁବିଧାର ସାମ୍ନା ହେଉଥିବା ସଂକ୍ରମିତ ମାନଙ୍କର ଏକ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଏହି ଭିଡିଓରେ ଧାଡ଼ିରେ ତମ୍ବୁ ଗୁଡ଼ିକ ରହିଛି । ଦିନରେ ଲୋକେ ଖରାରେ ସିଝୁଥିବା ବେଳେ ରାତିରେ ଥଣ୍ଡା ପବନରେ ଲୋକେ ହନ୍ତସନ୍ତ ହେଉଛନ୍ତି । ସକାଳେ ଠିକ ଭାବରେ ଜଳଖିଆ ମିଳୁନାହିଁ । ଶିଶୁ ଏବଂ ମହିଳା ମାନେ ଏଥିରେ ଅଧିକ ହଇରାଣ ହେଉଥିବା ଦେଖିବାକୁ ମିଳୁଛି ।
ଜଙ୍ଗଲ ରକ୍ଷା କରିବାକୁ ଅଣ୍ଟା ଭିଡିଛନ୍ତି ଗ୍ରାମର ମହିଳା…
କେନ୍ଦୁଝର: କେନ୍ଦୁଝର ଜିଲ୍ଲା ଘଟଗାଁ ବ୍ଲକ ଶଗଡିଆ ଗ୍ରାମର କିଛି ମହିଳା ଜଙ୍ଗଲ ସୁପକ୍ଷା ପାଇଁ ନିଆରା ପଦକ୍ଷେପ ଆପଣାଇଛନ୍ତି । ରାତି ପାହିଲେ ସଂୟ୍ୱ ସହାୟିକା ଗୋଷ୍ଠୀର ମହିଳାମାନେ ସାଙ୍ଗରେ ଖାଦ୍ୟ ଓ ପାଣି ବୋତଲ ଧରି ଗ୍ରାମ ନିକଟସ୍ଥ ଜଙ୍ଗଲକୁ ବାହାରି ଯାଉଛନ୍ତି । ସଂୟ୍ୱ ସହାୟିକାର ୩ ଜଣ ମହିଳା ଜଙ୍ଗଲ ସୁରକ୍ଷା ପାଇଁ ଏଭଳି ନିଷ୍ପତ୍ତି ନେଇଛନ୍ତି । ଜଙ୍ଗଲରେ ପ୍ରବେଶ କରୁଥିବା କାଠ ମାଫିଆଙ୍କ ଉପରେ କଡା ନଜର ରଖୁଛନ୍ତି । କାଠ ଚୋରଙ୍କୁ ସାବାଡ କରିବା ପାଇଁ ସର୍ବଦା ପ୍ରସ୍ତୁତ ରହୁଛନ୍ତି । କେବଳ ଜଙ୍ଗଲ ଜଗିବା ଓ ସଚେତନତା କରିବାରେ ସେମାନେ ସିମିତ ନାହାନ୍ତି । ଲୋକେ ଗଛ କାଟିଲେ ସେମାନଙ୍କୁ ଦଣ୍ଡ ଦେବା ପାଇଁ ମଧ୍ୟ ପ୍ରସ୍ତୁତ ରହୁଛନ୍ତି ଏହି ମହିଳାମାନେ ।
କେବଳ ସେତିକି ନୁହେଁ ଉଜୁଡି ଯାଇଥିବା ଜଙ୍ଗଲରେ ନୂତନ ସବୁଜିମା ଆଣିବା ପାଇଁ ଯୋଜନା କରୁଛନ୍ତି । ଗାଁ ନିକଟରେ ରହିଥିବା ସଂରକ୍ଷିତ ଜଙ୍ଗଲ ଦିନକୁ ଦିନ ପଦା ହୋଇଯାଉଛି । କାଠ ଚୋରଙ୍କ ପାଦୃଭାବ ଦିନକୁ ଦିନ ବଢିଚାଲିଛି । ନିଜ ଜଙ୍ଗଲକୁ ନିଜେ ସୁରକ୍ଷା ଦେବା ପାଇଁ ମହିଳାମାନେ ଏହି ପଦକ୍ଷେପ ଗ୍ରହଣ କରିଛନ୍ତି । ତେବେ ଗ୍ରାମ ମହିଳାମାନଙ୍କର ଏହି ପ୍ରକାର ପ୍ରୟାସକୁ ସାଧାରଣରେ ବେଶ ପ୍ରସଂଶା କରାଯାଉଛି । ଯାହା ସେମାନଙ୍କୁ ଉତ୍ସାହିତ କରୁଛି । ଜଙ୍ଗଲକୁ ସୁରକ୍ଷା ଦେବା ପାଇଁ ମହିଳାମାନେ ଏହି ପଦକ୍ଷେପ ଗ୍ରହଣ କରିବା ସହ ସଚେତନତା ବାର୍ତ୍ତା ପ୍ରଦାନ କରୁଥିବା ପ୍ରକାଶ କରିଛନ୍ତି ।
ପ୍ରତିଷେଧକମୂଳକ ପଦକ୍ଷେପ ନେଇ ଚିଠି ଲେଖି ଅବଗତ କଲେ ମୁଖ୍ୟମନ୍ତ୍ରୀ
ସାରା ବିଶ୍ୱକୁ ବ୍ୟାପିବାରେ ଲାଗିଛି କରୋନା ଜୀବାଣୁ । ଏହାର ପ୍ରଭାବରେ COVID-19 ରୋଗରେ ଆକ୍ରାନ୍ତ ହେଉଛନ୍ତି ଲୋକେ । ଏଥିରୁ ବଞ୍ଚିବାଲାଗି ନିର୍ଦ୍ଦିଷ୍ଟଭାବେ ସେଭଳି କିଛି ଔଷଧ ବାହାରିନଥିବା ବେଳେ ସଚେତନାତା ଓ ସତର୍କତା ଦ୍ୱାରା ହିଁ ଏହାକୁ ବ୍ୟାପିବାରୁ ରୋକାଯାଇପାରିବ । ଏଣୁ ଏହାକୁ ରୋକିବା ଲାଗି ରାଜ୍ୟସରକାରଙ୍କ ପକ୍ଷରୁ ବିଭିନ୍ନ ପ୍ରତିଷେଧକମୂଳକ ପଦକ୍ଷେପ ଗ୍ରହଣ କରାଯାଇଛି । ଯେଉଁ ବିଷୟରେ ଗ୍ରାମ ପଞ୍ଚାୟତ, ପଞ୍ଚାୟତ ସମିତି ଓ ଜିଲ୍ଲା ପରିଷଦମାନଙ୍କ ଚିଠି ଲେଖି ଅବଗତ କରାଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।
ଚିଠିରେ ମୁଖ୍ୟମନ୍ତ୍ରୀ ହାଡ଼ଫୁଟି ରୋଗର ଉଦାହରଣ ଦେଇ କରୋନାର ଗମ୍ଭୀରତା ସମ୍ପର୍କରେ ମଧ୍ୟ ଅବଗତ କରାଇଛନ୍ତି । ସଂକ୍ରମଣଠାରୁ ନିଜକୁ ଦୂରେଇରଖିବା ହେଉଛି ସବୁଠାରୁ ବଡ଼ ସୁରକ୍ଷା । ମା’ମାନେ ଯେପରି ହାଡ଼ଫୁଟି ପାଇଁ ଆମ ସମସ୍ତଙ୍କୁ ୧୪ ଦିନ ପର୍ଯ୍ୟନ୍ତ ଅଲଗା ରଖି ଘରେ ଆମର ଯତ୍ନ ନେଉଥିଲେ । ଆମକୁ କରୋନା ପାଇଁ ମଧ୍ୟ ସେହିପରି ବ୍ୟବସ୍ଥା କରିବାକୁ ପଡ଼ିବ ବୋଲି କହିଛନ୍ତି ମୁଖ୍ୟମନ୍ତ୍ରୀ
ହିତାଧିକାରୀଙ୍କ ସ୍ୱାସ୍ଥ୍ୟାବସ୍ଥାକୁ ଦୃଷ୍ଟିରେ ରଖି ମଧୁବାବୁ ପେନସନ୍ ଯୋଜନା, ଏବଂ ଜାତୀୟ ସାମାଜିକ ସହାୟତା କାର୍ଯ୍ୟକ୍ରମ ଅନ୍ତର୍ଗତ ଯୋଜନାରେ ପ୍ରଦାନ କରାଯାଉଥିବା ମାସିକ ଭତ୍ତା ଆଗାମୀ ୪ ମାସ ପାଇଁ ଏକକାଳୀନ ସମସ୍ତ ହିତାଧିକାରୀଙ୍କୁ ପ୍ରଦାନ କରିବା ପାଇଁ ନିଷ୍ପତ୍ତି ନିଆଯାଇଛି । ଜନସମାବେଶକୁ ସୀମିତ ରଖିବା ନିମନ୍ତେ ଏହି ଭତ୍ତା ରାଶିକୁ ହିତାଧିକାରୀମାନଙ୍କୁ ସେମାନଙ୍କ ନିଜ ଗାଁରେ ହିଁ ପ୍ରଦାନ କରାଯିବ ।
ଏଥିନିମନ୍ତେ ଆସନ୍ତା ମାର୍ଚ୍ଚ ୧୯ ତାରିଖରେ ହେବାକୁ ଥିବା ପ୍ରତ୍ୟେକ ଗ୍ରାମପଞ୍ଚାୟତ ସଭାରେ ଗ୍ରାମଓ୍ୱାରୀ ଭତ୍ତା ବଣ୍ଟନ ତାରିଖ ଓ କାର୍ଯ୍ୟକ୍ରମ ସ୍ଥିରୀକୃତ କରାଯିବ ।
NFSରେ ଅନ୍ତର୍ଭୁକ୍ତ ସମସ୍ତ ହିତାଧିକାରୀଙ୍କୁ ଆସନ୍ତା ଏପ୍ରିଲ ୧ ଠାରୁ ୧୫ ମଇ ପର୍ଯ୍ୟନ୍ତ ଅର୍ଥାତ ୪୫ ଦିନ ମଧ୍ୟରେ ୩ ମାସ ପାଇଁ ଚାଉଳ, ଗହମ ଏବଂ କିରୋସିନ ଇତ୍ୟାଦି ଅତ୍ୟାବଶ୍ୟକୀୟ ଜିନିଷ ଯୋଗାଇ ଦିଆଯିବ । ରାସନ ଦୋକାନମାନଙ୍କୁ ଗହଳି ମୁକ୍ତ ରଖି ଅତ୍ୟାବଶ୍ୟକୀୟ ସାମଗ୍ରୀ ଯୋଗାଇ ଦିଆଯିବାର ବ୍ୟବସ୍ଥା କରାଯାଇଛି ।
ଦେଶ ବାହାରୁ ଓଡ଼ିଶା ଆସୁଥିବା ପ୍ରତ୍ୟେକ ବ୍ୟକ୍ତି ରେଜିଷ୍ଟ୍ରେସନ୍ ରେଗୁଲେସନ୍ ଅନୁଯାୟୀ ନିଜକୁ ପଞ୍ଜିକୃତ କରାଇବା ସହିତ ନିଜ ଗୃହରେ ୧୪ ଦିନ ସଙ୍ଗରୋଧ କରି ରହିବେ । ଉକ୍ତ ସଙ୍ଗରୋଧ ସମୟ ସୀମା ସଫଳତାର ସହିତ ଶେଷ କରିଥିବା ପଞ୍ଚକୃତ ବ୍ୟକ୍ତିମାନଙ୍କୁ ୧୫ ହଜାର ଟଙ୍କା ପ୍ରୋତ୍ସାହନ ରାଶି ପ୍ରଦାନ କରାଯିବ । ଗ୍ରାମ ପଞ୍ଚାୟତର ସଭ୍ୟମାନେ ସ୍ଥାନୀୟ ସ୍ୱାସ୍ଥ୍ୟ ଅଧିକାରୀମାନଙ୍କୁ ଦେଶ ବାହାରୁ ଆସିଥିବା ବ୍ୟକ୍ତିଙ୍କର ପଞ୍ଜିକରଣ ପାଇଁ ସୂଚନା ଦେବେ ।
ତେବେ ଅନ୍ୟ ରାଜ୍ୟରୁ ଆସୁଥିବା ବ୍ୟକ୍ତିମାନଙ୍କ ପାଇଁ ରାଜ୍ୟସ୍ତରରେ କୌଣସି ରେଜିଷ୍ଟ୍ରେସନ୍ ଆବଶ୍ୟକ ନାହିଁ ।
ତେବେ ୬୦ ବର୍ଷରୁ ଊର୍ଦ୍ଧ୍ୱ ସମସ୍ତ ବୟସ୍କ ବ୍ୟକ୍ତିଙ୍କୁ ଯଥାସମ୍ଭବ ଘରେ ରହିବା ନିମନ୍ତେ ପରାମର୍ଶ ଦିଆଯାଇଛି ।
ଆସନ୍ତା ୩୧ ମାର୍ଚ୍ଚ ପର୍ଯ୍ୟନ୍ତ ରାଜ୍ୟର ସମସ୍ତ ଅଙ୍ଗନଓ୍ୱାଡି କେନ୍ଦ୍ର ବନ୍ଦ କରିବା ପାଇଁ ନିର୍ଦ୍ଦେଶ ଦିଆଯାଇଛି ତେଣୁ ୩ରୁ ୬ ବର୍ଷ ଶିଶୁମାନଙ୍କ ପାଇଁ ଉଦ୍ଧିଷ୍ଟ ସକାଳ ଜଳଖିଆ ଏବଂ ଗରମ ରନ୍ଧା ଖାଦ୍ୟ ପାଇଁ ସମସ୍ତ ଶୁଖିଲା ରାସନ୍ ଅଙ୍ଗନଓ୍ୱାଡି କର୍ମୀ ଓ ସହାୟିକାମାନେ ହିତାଧିକାରୀମାନଙ୍କ ଗୃହରେ ସିଧାସଳଖ ଯୋଗାଇ ଦେବାର ବ୍ୟବସ୍ଥା କରିବେ ।
ପ୍ରତି ଗ୍ରାମରେ ଅତ୍ୟାବଶ୍ୟକୀୟ ଏବଂ ଜୀବନ ରକ୍ଷାକାରୀ ଔଷଧ ରାଜ୍ୟର ସମସ୍ତ ସରକାରୀ ସ୍ୱାସ୍ଥ୍ୟକେନ୍ଦ୍ରରେ ଥିବା ନିରାମୟ କାଉଣ୍ଟରରେ ଉପଲବ୍ଧ କରାଯିବାର ବ୍ୟବସ୍ଥା ହୋଇଛି ।
ପ୍ରତ୍ୟେକ ଗ୍ରାମ ପଞ୍ଚାୟତରେ ବିଜୁଳି, ପାଣି ଶୌଚାଳୟ ଏବଂ ପାଓ୍ୱାର ବେକ୍ ଅପ୍ ସୁବିଧା ଥିବା ଏକ ନିର୍ଦ୍ଧିଷ୍ଟ ଘରକୁ ପ୍ରସ୍ତୁତ ରଖାଯିବ । ଏଥିପାଇଁ ପଞ୍ଚାୟତିରାଜ ଓ ପାନୀୟ ଜଳ ବିଭାଗ ୫ ଲକ୍ଷ ଟଙ୍କା ମଞ୍ଜୁର କରିସାରିଛି ।
ପୃଥିବୀ ଆଡ଼କୁ ମାଡ଼ି ଆସୁଛି ବିଶାଳକାୟ ଉଲ୍କାପିଣ୍ଡ, ଏପ୍ରିଲ ୨୯ରେ ପୃଥିବୀ…
ଆମେରିକାର ମହାକାଶ ଗବେଷଣକାରୀ ସଂସ୍ଥା ନାସା ପୃଥିବୀ ଅଭିମୁଖେ ଦ୍ରୁତ ଗତିରେ ବଢୁଥିବା ଏକ ବିଶାଳକାୟ ଉଲକା ପିଣ୍ଡର ସନ୍ଧାନ କରିଛି। କୁହାଯାଉଛି ଯେ, ଏହି ଉଲକା ପିଣ୍ଡ ମାଉଣ୍ଟ ଏଭରେଷ୍ଟଠୁ ମଧ୍ୟ ଅନେକ ଗୁଣ ବଡ ହେବ।
ମାତ୍ର ନାସାର କହିବା କଥା ଏହି ଉଲକା ପିଣ୍ଡ ନେଇ ଆତଙ୍କିତ ହେବାର ଆବଶ୍ୟକତା ନାହିଁ। କାରଣ ଏହା ପୃଥିବୀରୁ ଅନେକ କିଲୋମିଟର ଦୂର ଦେଇ ଗତି କରିବ । ଅନ୍ୟପଟେ କିଛି ବୈଜ୍ଞାନିକ ଏହା ପୃଥିବୀ ସହିତ ଧକ୍କା ହେବାର ଆଶଙ୍କା ପ୍ରକାଶ କରିଛନ୍ତି।
ଘଣ୍ଟା ପ୍ରତି ୩୧,୩୧୯ କିଲୋମିଟର ବେଗରେ ଆସୁଥିବା ଏହି ଉଲକା ପିଣ୍ଡକୁ ୫୨୭୬୮ ର ନାମ ଦିଆଯାଇଛି। ଏହି ଉଲକା ପିଣ୍ଡକୁ ନାସା ସର୍ବ ପ୍ରଥମେ ୧୯୯୮ରେ ଦେଖିଥିଲା। ଏହି ଗ୍ରହଟି ମାର୍ଚ୍ଚ ୧୮ ରେ ୧୧:୧୫ ରେ ପୃଥିବୀ ନିକଟକୁ ଆସିବ ବୋଲି ଆଶା କରାଯାଉଛି । ଗ୍ରହର କେନ୍ଦ୍ରଠାରୁ ପ୍ରାୟ ୩.୯ ନିୟୁତ ମାଇଲ ଦୂରରେ ରହିଛି । ଏପ୍ରିଲ ୨୯ରେ ପୃଥିବୀ ନିକଟ ଦେଇ ଗତି କରିପାରେ ।
ଶେଷ ରେକର୍ଡ ହୋଇଥିବା ଏୟାରବର୍ଷ୍ଟ ରୂଷିଆ ଚେଲାବିଙ୍କସ୍ ସହର ଉପରେ ଘଟିଥିଲା । ଯାହା ସୂର୍ଯ୍ୟଙ୍କଠାରୁ ୩୦ ଗୁଣ ଅଧିକ ଉଜ୍ଜ୍ୱଳ ଆଲୋକ ଉତ୍ପାଦନ କରିଥିଲା ଏବଂ ୧୮୦ ଟି ଆଖି ଯନ୍ତ୍ରଣା ଏବଂ ୭୦ ଟି ଅସ୍ଥାୟୀ ଫ୍ଲାସ୍ ଦୃଷ୍ଟିହୀନତା ସୃଷ୍ଟି କରିଥିଲା।
ଏହି ବିଷୟରେ ଡାକ୍ଟର ଷ୍ଟିଭନ ପ୍ରାଭଦୋ ଏକ ବୟାନ ଜାରି କରି କହିଛନ୍ତି ଯେ, ଉଲକା ପିଣ୍ଡ ୫୨୭୬୮ ସୂର୍ଯ୍ୟ ଚାରି ପଟେ ଥରେ ପରିଭ୍ରମଣ କରିବାରେ ୧୩୪୦ ଦିନ କିମ୍ବା ୩ ବର୍ଷ ୭ ଦିନ ସମୟ ନେଇଥାଏ।