ୱାସିଂଟନ୍:  ଆମେରିକାକୁ ଗ୍ରାସ କରିଛି କରୋନା । ବର୍ତ୍ତମାନ ସୁଧା ଆମେରିକାରେ ୭୧ହଜାରରୁ ଅଧିକ ଲୋକଙ୍କ କରୋନା ସଂକ୍ରମଣରେ ମୃତ୍ୟୁ ହୋଇ ଥିବା ବେଳେ ୧୨ଲକ୍ଷରୁ ଅଧିକ ଲୋକ ସଂକ୍ରମିତ ହୋଇଛନ୍ତି । ଏବେ ସେଠାରେ କରୋନା ପାଇଁ ସଂଘର୍ଷ କରୁଥିବା ଆମେରିକାର କିଛି ଲୋକଙ୍କୁ ୧୭୩ବର୍ଷ ପୂର୍ବେ କରିଥିବା ସାହାଯ୍ୟ ପାଇଁ ଟଙ୍କା ମିଳୁଛି । ଆସନ୍ତୁ ଜାଣିବା ସମ୍ପୂର୍ଣ୍ଣ ଘଟଣା ସମ୍ପର୍କରେ  ।    ୧୮୪୭ ମସିହାରେ ମୁଳ ଆମେରିକୀୟ ଜନଜାତି  ଗ୍ରେଟ୍ ପୋଟାଟୋ ମହାମାରୀ ସମୟରେ ଆୟରଲାଣ୍ଡର ଲୋକଙ୍କ ପାଖକୁ  ୧୭୦ ଡଲାରର ସାହାଯ୍ୟ ପଠାଇଥିଲେ । ଏବେକା ସମୟରେ ଏହାର ମୁଲ୍ୟ ୩.୭ଲକ୍ଷ ଟଙ୍କା ।

୧୭୩ବର୍ଷ ପୂର୍ବରୁ ସାହାଯ୍ୟ ପାଇଥିବା ଆୟରଲାଣ୍ଡର ଲୋକେ ଆମେରିକୀୟ ଜନଜାତିକୁ ଏବେ କରୋନା ଭାଇରସ୍ ସମୟରେ ସାହାଯ୍ୟ କରୁଛି । ଏହି କମ୍ୟୁନିଟି କରୋନାରେ ବହୁତ ଅଧିକ ପ୍ରଭାବିତ ହୋଇଛି ।

ଆମେରିକାର ନାଭାଜୋ ଜାତି ରହୁଥିବା  ଅଞ୍ଚଳରେ ୩ ମେ ପର୍ଯ୍ୟନ୍ତ ୭୩ ଲୋକଙ୍କ କରୋନା କରାଣରୁ ମୃତ୍ୟୁ ହୋଇସାରିଛି, ଯେବେ କି ୨୩୭୩ଲୋକ କରୋନାରେ ସଂକ୍ରମିତ ଅଛନ୍ତି । ଗଣମାଧ୍ୟମ ସୂଚନା ଅନୁସାରେ ନବାଜୋ ନେସନର ୪୦ ପ୍ରତିଶତ ଲୋକଙ୍କ ଘରେ ପାଣିର ସପ୍ଲାଏ ନାହିଁ ଏବଂ ୧୦ ପ୍ରତିଶତ ଲୋକଙ୍କ ଘରେ ବିଦ୍ୟୁତ୍ ମଧ୍ୟ ନାହିଁ ।

ଏହାସହ, ସହାୟତା ପାଇଁ କ୍ରାଉଡଫଣ୍ଡିଂ ୱେବସାଇଟ୍ GoFundMeରେ ଏକ ଅଭିଯାନ ଆରମ୍ଭ ହୋଇଛି । ଯେଉଁଠାରେ ଏପର୍ଯ୍ୟନ୍ତ ସହାୟତା ପାଇଁ ୨୩ ଲକ୍ଷ ଡଲାରରୁ ଅଧିକ ଟଙ୍କା ମିଳିଛି । ଏହାର ଏକ ବଡ଼ ଅଂଶ ଆୟର୍ଲାଣ୍ଡରୁ ସାହାଯ୍ୟ କରିଥିବା ଶହ ଶହ ଲୋକଙ୍କର ।

କୁହାଯାଏ ଯେ ଆୟର୍ଲାଣ୍ଡର ଲୋକମାନେ ୧୮୪୭ ମସିହାରେ ପଡ଼ୋଶୀ ଆମେରିକୀୟଙ୍କ ସାହାଯ୍ୟକୁ ଭୁଲି ନାହାଁନ୍ତି । ୨୦୧୭ରେ, ଆୟର୍ଲାଣ୍ଡର କାଉଣ୍ଟି କର୍କରେ କିଣ୍ଡ୍ରେଡ୍ ସ୍ପିରିଟ୍ସ ନାମକ ୯ଟି ମୂର୍ତ୍ତି ସ୍ଥାପନ କରାଯାଇଥିଲା । ୨୦୧୮ରେ, ଆୟର୍ଲାଣ୍ଡର ପ୍ରଧାନମନ୍ତ୍ରୀ ଲିଓ ବରାଡକର ନାଭାଜୋ ଜାତିର ଲୋକଙ୍କ ପାଇଁ ବୃତ୍ତି ଘୋଷଣା କରି କହିଥିଲେ ଯେ, ଦୁଇ ସମ୍ପ୍ରଦାୟର ଲୋକଙ୍କ ମଧ୍ୟରେ ସମ୍ପର୍କ ପବିତ୍ର । ସେ ଏହା ମଧ୍ୟ କହିଥିଲେ ଯେ ଆମେ ଆପଣଙ୍କ ଦୟାକୁ ଆମେ କେବେବି ଭୁଲି ନାହୁଁ ଏବଂ ଭୁଲି ପାରିବୁ ନାହିଁ।

ନୂଆଦିଲ୍ଲୀ: ଆଜି ଯେତେବେଳେ ସମଗ୍ର ବିଶ୍ୱ କରୋନାଠୁ ବଞ୍ଚିବାକୁ ସଂଘର୍ଷ କରୁଛି, ଏଭଳି ପରିସ୍ଥିତିରେ ସାବୁନ ଏକମାତ୍ରା ସାହାରା ପାଲଟିଛି । କିନ୍ତୁ ଆପଣ କେବେ ଚିନ୍ତା କରିଛନ୍ତି କି ଏହି କରୋନା ସମୟରେ ସାହାରା ହୋଇଥିବା ସାବୁନ କିପରି ଆପଣଙ୍କ ହାତରେ ପହଞ୍ଚିଛି ? କରୋନା ସମୟରେ ସାମାନ୍ୟ ଦେଖାଯାଉଥିବା ସାବୁନ୍ କିପରି ସ୍ୱତନ୍ତ୍ର ? ଜୀବନ ରକ୍ଷାକାରୀ ସାବୁନ୍ କିପରି ଓ କେବେ ଜନ୍ମ ହୋଇଛି ? କିଏ ଏହାର ଉଦ୍ଭାବକ ? ଏବଂ ସାବୁନ୍ କିପରି ମାନବିକତାର ସୁପର ସେଭର୍ ହେଲା ?

ସାବୁନର ଇତିହାସ ୬୦୦୦ ବର୍ଷ ପୁରୁଣା

୨୦ ସେକେଣ୍ଡରେ କରୋନାକୁ ମାରୁଥିବା ସାବୁନର ଇତିହାସ ପ୍ରାୟ ୬୦୦୦ ବର୍ଷ ପୁରୁଣା । ସାବୁନ୍ ଯାହାକୁ ଇଂରାଜୀରେ ସୋପ କୁହାଯାଏ ଏହି ଶବ୍ଦର ଉତ୍ପତ୍ତି ରୋମର ମାଉଣ୍ଟ ସୈପୋରୁ ହୋଇଛି । ରୋମରେ ଥିବା ମାଉଣ୍ଟ ସୈପୋ ନାମକ ଏକ ପାହାଡ ଉପରେ ଦେବତାମାନଙ୍କ ପାଇଁ ବଳି ଦିଆଯାଇଥାଏ । ବଳି ପରେ ରହିଯାଇଥିବା ପଶୁମାନଙ୍କର ଚର୍ବି ଏବଂ କାଠର ପାଉଁଶ ମିଶ୍ରଣକୁ ପାହାଡ ତଳେ ତିବର ନଦୀରେ ପକାଇ ଦିଆଯାଇଥାଏ । ପରେ ସେହି ନଦୀରେ କପଡ଼ା ଧୋଉଥିବା ବା ସଫା କରୁଥିବା ମହିଳାମାନେ ଏହାକୁ ବ୍ୟବହାର କରିଥିଲେ ଏବଂ ପରେ ଏହାକୁ ଦେବତାମାନଙ୍କର ଉପହାର ବୋଲି ମାନି ନେଇଥିଲେ । ତେବେ ଏହି ମିଶ୍ରଣରୁ ହିଁ ସାବୁନର ଉତ୍ପତ୍ତି ହୋଇଥିବା ବିବେଚନା କରାଯାଉଛି ।

ସାବୁନ ବିଷୟରେ ପ୍ରଥମେ ଲିଖିତ ଭାବେ ଇରାକର ଗିରସୁ ସହରରୁ ମିଳିଥିଲା ​। ଗିରସୁରେ ମିଳିଥିବା କ୍ୟୁନିଫାର୍ମ ଶିଳାରେ ସାବୁନର ବର୍ଣ୍ଣନା ଲିଖିତ ଭାବେ ରହିଛି । ରାସାୟନିକ ପୂରାତତ୍ତ୍ୱବିତ୍ ମାର୍ଟିନ ଲେବିଙ୍କ ଅନୁଯାୟୀ, ଏହି ଶିଳାଲେଖା ୪,୫୦୦ ବର୍ଷ ପୂର୍ବେ ଲେଖାଯାଇଥିଲା।

ଆଜି ଆମେ ଯେଉଁ କଠିନ ସାବୁନକୁ ଦେଖୁଛେ ତାହାର ପ୍ରମାଣ ୨୮୦୦ ବର୍ଷ ପୂର୍ବେ ମିଳିଥିଲା । ପ୍ରାୟ ୨୮୦୦ ବର୍ଷ ପୂର୍ବେ ବେବିଲୋନିଆନ, ମେସୋପୋଟାମିଆନ୍ ଏବଂ ଇଜିପ୍ଟୀୟମାନେ ଚର୍ବି, ତେଲ ଏବଂ ଲୁଣ ମିଶ୍ରଣ କରି ସାବୁନ୍ ତିଆରି କରିଥିଲେ । ୨୮୦୦ ବର୍ଷ ପୂର୍ବେ ସାବୁନ ବାସନ ଏବଂ ସଫା କରିବା ପାଇଁ ବ୍ୟବହୃତ ହେଉଥିଲା, ଗାଧୋଇବା ଏବଂ ହାତ ଧୋଇବା ପାଇଁ ନୁହେଁ ।

ସାବୁନ ପ୍ଲେଗ୍ ମହାମାରୀର କାରଣ ବୋଲି ବିବେଚନା କରାଯାଉଥିଲା

ଆଜି ସାବୁନ ଯାହା କରୋନା ବିରୁଦ୍ଧରେ ରକ୍ଷା କବଚ ସାଜିଛି । ଇତିହାସରେ ଏପରି ଏକ ସମୟ ଥିଲା ଯେତେବେଳେ ସାବୁନ ମହାମାରୀର କାରଣ ବୋଲି ବିବେଚନା କରାଯାଇଥିଲା । ୧୫ ତମ ଶତାବ୍ଦୀରେ ୟୁରୋପରେ ସର୍ବସାଧାରଣ ବାଥରୁମ ରହିଥିଲା । ଯେଉଁଥିରେ ସ୍ନାନ ପାଇଁ ସାବୁନର ମିଶ୍ରଣ ବ୍ୟବହୃତ ହେଉଥିଲା । ମୂଷାମାନଙ୍କଠାରୁ ପ୍ଲେଗ୍ ମହାମାରୀ ରୋଗ ବ୍ୟାପିଥିଲା କିନ୍ତୁ ଲୋକମାନେ ବିଶ୍ୱାସ କରୁଥିଲେ ଯେ ସର୍ବସାଧାରଣ ବାଥରୁମ ସାବୁନ ପାଇଁ ଏହି ମହାମାରୀ ବ୍ୟାପୁଛି । ତେଣୁ ଶରୀରରେ ସାବୁନ ଲଗାବାକୁ ବନ୍ଦ କରିଦିଆ ଯାଇଥିଲା । କିନ୍ତୁ ଏହି ସମୟରେ ଲୋକମାନେ ପୋଷାକ ଧୋଇବା ପାଇଁ ସାବୁନ ବ୍ୟବହାର କରୁଥିଲେ |

୧୭ ତମ ଶତାବ୍ଦୀ ପରେ ସର୍ବ ସାଧାରଣ ବାଥରୁମରେ ଏହାର ବ୍ୟବହାର ପୁନଃ ଆରମ୍ଭ ହୋଇଥିଲା । ଏବଂ ଲୋକମାନେ ସାବୁନ ତିଆରି କରିବାର ନୂତନ ଉପାୟ ମଧ୍ୟ ଆବିଷ୍କାର କରିଲେ । ଏହା ଘରର ମହିଳାମାନଙ୍କ ପାଇଁ ଏକ ନିୟମିତ କାର୍ଯ୍ୟରେ ପରିଣତ ହେଲା ଏବଂ ଏହା ଏକ ଶିଳ୍ପ ପରି ବିବେଚନା କରାଗଲା ।

ଉନବିଂଶ ଶତାବ୍ଦୀରେ ସାବୁନ କାରବାର ଆରମ୍ଭ ହୋଇଥିଲା

ଉନବିଂଶ ଶତାବ୍ଦୀରେ ଆମେରିକୀୟ ଲୋକମାନେ ଭାବିଥିଲେ ଯେ ସେମାନେ ଏଥିରୁ ଟଙ୍କା ରୋଜଗାର କରିପାରିବେ ।  ଏଥିପାଇଁ ସେମାନେ କୃଷକମାନଙ୍କଠାରୁ ପଶୁ ଚର୍ବି ଏବଂ କାଠ ପାଉଁଶ କିଣିଥିଲେ । ସେ ସାବୁନ ତିଆରି କରି ବିକ୍ରେତାମାନଙ୍କୁ ଲୋକମାନଙ୍କ ପାଖକୁ ପଠାଇଲେ । ଏହାପରେ ସାବୁନ୍ ବହୁତ୍ ଶୀଘ୍ର ସମସ୍ତ ଷ୍ଟୋର୍‌ରେ ପହଞ୍ଚିଲା । ଏହାର ପରିଣତି ସାବୁନ ଏବେ ଆପଣଙ୍କ ହାତରେ । ୬ହଜାର ବର୍ଷ ପୂରୁଣା ସାବୁନ ଏବେ କରୋନା ଯୁଦ୍ଧ ପାଇଁ ଅସ୍ତ୍ର ପାଲଟିଛି ।