ବଲାଙ୍ଗୀର: ବଲାଙ୍ଗୀର ଜିଲ୍ଲା ବେଲପଡା ଥାନା ଦର୍ଲିମୁଣ୍ଡା ଗାଁରେ ଲୋମହର୍ଷଣକାରୀ ଘଟଣା । ଗାଁ ମୁଣ୍ଡରେ ଗୋଡାଇ ଗୋଡାଇ ବାପ ପୁଅଙ୍କୁ ହତ୍ୟା । ଜମିବାଡ଼ି ଓ ପୂର୍ବଶତ୍ରୁତାକୁ କେନ୍ଦ୍ର କରି ଏହି ହତ୍ୟାକାଣ୍ଡ ଘଟିିଥିବା କୁହାଯାଉଛି । ମୃତକ ହେଲେ ମୋତିଲାଲ ଓ ମଝିଆଁ ପୁଅ ଛନ୍ଦମଣୀ ବନ୍ଛୋର ।
କିଛି ଦିନ ପୂର୍ବେ ଦର୍ଲିମୁଣ୍ଡା ଗାଁର ବନଛୋର୍ ଓ ରାଉତ ପରିବାର ମଧ୍ୟରେ ବଚସା ହୋଇଥିଲା । ପରେ ସନ୍ଧ୍ୟାରେ ଏହା ଗୋଷ୍ଠୀ ସଂଘର୍ଷର ରୂପ ଧାରଣ କରିଥିଲା । ଏଥିରେ ରାଉତ ପରିବାର ପକ୍ଷରୁ ପ୍ରଥମେ ଧାରୁଆ ଅସ୍ତ୍ର ଓ ଠେଙ୍ଗାରେ ଆକ୍ରମଣ କରାଯାଇଥିଲା । ଫଳରେ ଘଟଣାସ୍ଥଳରେ ବାପା ମୋତିଲାଲ ଓ ମଝିଆଁ ପୁଅ ଛନ୍ଦମଣୀ ବନ୍ଛୋରଙ୍କ ମୃତ୍ୟୁ ଘଟିଛି ।
ସେହିଭଳି ଏହି ଘଟଣାରେ ମୋତିଲାଙ୍କ ବଡ଼ପୁଅ ହେମନ୍ତ ଓ ସାନପୁଅ ମଧ୍ୟ ଗୁରୁତର ହୋଇଛନ୍ତି । ହେମନ୍ତଙ୍କୁ ଗୁରୁତର ଅବସ୍ଥାରେ ବଲାଙ୍ଗିର ଡାକ୍ତରଖାନାରେ ଭର୍ତ୍ତି କରାଯାଇଛି ।
ଅନ୍ୟପଟେ ଆକ୍ରମଣକାରୀ ରାଉତ ପରିବାରର ମଧ୍ୟ ୫ ରୁ ୭ ଜଣ ଆହତ ହୋଇଥିବା ଜଣାପଡ଼ିିଛି । ସେମାନଙ୍କ ମଧ୍ୟରୁ ବାଲ୍ମିକୀ ରାଉତ ଓ ଫକୀର ରାଉତ ନାମକ ଦଇ ଜଣ ବ୍ୟକ୍ତଙ୍କୁ ବଲାଙ୍ଗିର ଡାକ୍ତରଖାନାରେ ଭର୍ତି କରାଯାଇଛି । ବେଲପଡ଼ା ପୋଲିସ ଘଟଣାର ତଦନ୍ତ ଆରମ୍ଭ କରିଛି । ଅଭିଯୁକ୍ତ ମାନଙ୍କୁ ଗିରଫ କରିବା ପାଇଁ ମୃତକଙ୍କ ପରିବାର ଓ ସଂପର୍କୀୟମାନେ ଦାବି କରିଛନ୍ତି ।
ଅନ୍ୟପଟେ ମୃତକ ବନ୍ଛୋର୍ ପରିବାର ପ୍ରଥମେ ଆସି ଆକ୍ରମଣ କରିଥିବା ନେଇ ରାଉତ ପରିବାର ପକ୍ଷରୁ ଅଭିଯୋଗ କରାଯାଇଛି । ଅକ୍ରମଣକାରୀ ମଙ୍ଗଳୁ ରାଉତକୁ ପୋଲିସ ଅଟକ ରଖି ଅଧିକ ତଦନ୍ତ ଜାରି ରଖିଛି ।
