ଭୁବନେଶ୍ୱର: ଭିଜିବ ସାରା ଓଡ଼ିଶା । ଆଜିଠୁ ଦୁଇ ଦିନ ଧରି ରାଜ୍ୟର ଅଧିକାଂଶ ଜିଲ୍ଲାରେ ବର୍ଷା ସମ୍ଭାବନା ରହିଛି । ଦକ୍ଷିଣ ରାଜସ୍ଥାନ ଠାରୁ ପଶ୍ଚିମବଙ୍ଗ ପର୍ଯ୍ୟନ୍ତ ଏକ ଟ୍ରପ ଲାଇନ ସହ ଉତ୍ତର ପ୍ରଦେଶ ଓ ତାର ଆଖପାଖ ଅଚଂଳରେ ଏକ ସାଇକ୍ଲୋନିକ ସର୍କୁଲେସନ ସୃଷ୍ଟି ହୋଇଛି । ଯାହା ଫଳରେ ଆଗାମୀ କିଛି ଦିନ ରାଜ୍ୟରେ ପାଗ କୋହଲା ରହିବା ସହ ବର୍ଷାର ଆଶଙ୍କା ରହିଛି ।
ତେବେ ରାଜ୍ୟରେ ଦକ୍ଷିଣ ପଶ୍ଚିମ ମୌସୁମୀ ବାୟୁ ସକ୍ରିୟ ଥିବା ବେଳେ ରାଜସ୍ଥାନ ଠାରୁ ପଶ୍ଚିମ ଉତ୍ତରପ୍ରଦେଶ ଆଡକୁ ଏକ ଟ୍ରପ ଲାଇନ ସୃଷ୍ଟି ହୋଇଛି । ଏହାର ପ୍ରଭାବରେ ପଶ୍ଚିମ ଓ ଉତ୍ତର ଓଡିଶା ସମେତ ଦକ୍ଷିଣ ଓଡ଼ିଶାର ବିଭିନ୍ନ ଜିଲ୍ଲାରେ ବର୍ଷା ହେବାର ସମ୍ଭାବନା ରହିଛି । ମୌସୁମୀ ସକ୍ରିୟ ଥିବା କାରଣରୁ ରାଜ୍ୟରେ ଏଣିକି ନିୟମିତ ବର୍ଷା ହେବ ବୋଲି ପାଣିପାଗ ବିଭାଗ ପକ୍ଷରୁ କୁହାଯାଇଛି ।
ଅନ୍ୟପଟେ ଜୁନ ୧ ଠାରୁ ରାଜ୍ୟରେ ସ୍ୱାଭାବିକ ଠାରୁ ଅଧିକ ୩୫ ମିଲିମିଟର ବୃଷ୍ଟି ରେକର୍ଡ କରିଛି ଆଚଂଳିକ ପାଣିପାଗ କେନ୍ଦ୍ର । ଠିକ ସେହିଭଳି ୪ଟି ଜିଲ୍ଲା ବଲାଙ୍ଗୀର, ନବରଙ୍ଗପୁର, ଯାଜପୁରରେ ସ୍ୱାଭାବିକ ଠାରୁ କମ୍ ବର୍ଷା ରେକର୍ଡ କରାଯାଇଛି।
ଲଦାଖରୁ ଅରୁଣାଚଳପ୍ରଦେଶ ପର୍ଯ୍ୟନ୍ତ LACରେ ସେନା ଯେକୈାଣସି ସ୍ଥିତିର ସାମନା କରିବାକୁ ସଜାଗ ରହିଛି । ଅରୁଣାଚଳ ପ୍ରଦେଶ, ଉତ୍ତାରଖଣ୍ଡ, ହିମାଚଳପ୍ରଦେଶ ଓ ଲଦାଖ LACର ଫରୱାଡ ଘାଟିରେ ଭାରତୀୟ ସେନା ଅତିରିକ୍ତ ସେନା ମୁତୟନ କରିସାରିଛି । ସେହିପରି LAC ଉପରେ ଭାରତୀୟ ବାୟୁସେନା ପକ୍ଷରୁ କଡା ନଜର ରଖାଯାଇଛି।
