ଭୁବନେଶ୍ୱର: ଓଡ଼ିଶା ପାଇଁ ଶୁଭ ଖବର । ରାଜ୍ୟରେ ପହଞ୍ଚିଛି କରୋନା ଔଷଧ ବା ପ୍ରତିଷେଧକ । ଏନେଇ ସୂଚନା ଦେଇଛନ୍ତି ସ୍ୱାସ୍ଥ୍ୟ ସଚିବ ପ୍ରଦିପ୍ତ ମହାପାତ୍ର । ରେମଡେସିଭିର ନାମକ କରୋନା ପ୍ରତିଷେଧକ ଓଡ଼ିଶାର ସବୁ ହସ୍ପିଟାଲରେ ପହଞ୍ଚିଥିବା କହିଛନ୍ତି ଶ୍ରୀ ମହାପାତ୍ର । ସେ କହିଛନ୍ତି ସବୁ ହସ୍ପିଟାଲକୁ ଏହି ଔଷଧ ପହଞ୍ଚି ସାରିଛି ବୋଲି ଡ୍ରଗ୍ସ କଣ୍ଟୋଲର ସ୍ପଷ୍ଟ କରି ସାରିଛନ୍ତି ।
ହେଲେ ଏହି ଔଷଧ ସ୍ୱଳ୍ପ ପରିମାଣର ରହିଛି । ଅଧିକ ଷ୍ଟକ୍ ଆସି ନାହିଁ । ତେଣୁ ଯେଉଁ କରୋନା ରୋଗୀ ଅଧିକ ଗୁରୁତର ଥିବେ ସେମାନଙ୍କୁ ଏହି ଔଷଧ ଦିଆଯିବ ବୋଲି ନିଷ୍ପତ୍ତି ହୋଇଛି । ରେମଡେସିଭିର ନାମକ ଏହି ଔଷଧକୁ ଆସିଏମ୍ଆର୍ ପକ୍ଷରୁ ଅନୁମତି ଦିଆଯାଇଛି । କରୋନା ରୋଗୀଙ୍କୁ ଏହି ଔଷଧ ଦିଆଯାଇପାରିବ ।
ତେବେ ରେମଡେସିଭିର ସମ୍ପୂର୍ଣ୍ଣ ଭାବେ କରୋନା ଭୂତାଣୁକୁ ନଷ୍ଟ କରି ମଣିଷକୁ ସୁସ୍ଥ କରିବା ଭଳି ଔଷଧ ହୋଇନଥିଲେ ମଧ୍ୟ ଏହା କରୋନା ଭୂତାଣୁକୁ କିଛି ମାତ୍ରାରେ ନଷ୍ଟ କରିବାରେ ସଫଳ ହୋଇଛି । ଏନେଇ ପରୀକ୍ଷା କରାଯିବା ପରେ ଏହି ଔଷଧକୁ ରୋଗୀଙ୍କୁ ଦିଆଯିବା ନେଇ ଅନୁମତି ଦିଆଯାଇଛି । ଏହି ଔଷଧ ଦ୍ୱାରା ମୃତ୍ୟୁ ସଂଖ୍ୟାକୁ ନିୟନ୍ତ୍ରଣ କରାଯାଇପାରିବ ବୋଲି ବିଶେଷଜ୍ଞମାନେ କହିଛନ୍ତି । କରୋନା ସଂକ୍ରମଣକୁ ଏହା ରୋକିପାରିବ ନାହିଁ କିନ୍ତୁ କିଛି ମାତ୍ରାରେ ଗୁରୁତର ରୋଗୀଙ୍କୁ ସହାୟକ ହେବ ବୋଲି ମତ ପ୍ରକାଶ ପାଇଛି ।
ତେବେ ପିଲାଙ୍କ ପାଠପଢ଼ାକୁ ଦୃଷ୍ଟିରେ ରଖି ସରକାର ଅନ୍ଲାଇନ୍ କ୍ଲାସ୍ର ବ୍ୟବସ୍ଥା କରିଛନ୍ତି । ଘରୋଇ ସ୍କୁଲମାନେ ନିଜ ନିଜର ପିଲାଙ୍କୁ ଅନ୍ଲାଇନ୍ ମାଧ୍ୟମରେ ପାଠ ପଢ଼ାଇବା ଆରମ୍ଭ କରିସାରିଥିବା ବେଳେ ଏବେ ରାଜ୍ୟ ସରକାର ମଧ୍ୟ ସ୍କୁଲ୍ ଛାତ୍ରଛାତ୍ରୀଙ୍କୁ ଅନ୍ଲାଇନ୍ରେ ପାଠ ଫଢ଼ାଇବା ପାଇଁ ନିଷ୍ପତ୍ତି ନେଇସାରିଛନ୍ତି । ମୋବାଇ ଆପ୍ ମାଧ୍ୟମରେ ଛାତ୍ରଛାତ୍ରୀ ଘରେ ବସି ଅନ୍ଲାଇନ୍ରେ ପାଠ ପଢ଼ିପାରିବେ ।
