ନୂଆଦିଲ୍ଲୀ: ଚୀନ୍ ଗଲବାନା ଘାଟିରେ ଏପ୍ରିଲ ୨୦୨୦ ସ୍ଥିତିକୁ ଦେଖି ପଛକୁ ହଟିବାକୁ ନିଷ୍ପତ୍ତି ନେଇଥିଲା ଏବଂ ପେଟ୍ରୋଲିଂ ପଏଣ୍ଟ ୧୪ରୁ ନିଜର ଷ୍ଟ୍ରକଚର ଏବଂ ଗାଡ଼ି ଗୁଡ଼ିକୁ ହଟାଇ ଦେଇଛନ୍ତି । ଅନ୍ୟପଟେ ପେଟ୍ରଲିଂ ପଏଣ୍ଟ ୧୫ ଉପରୁ ଚୀନ ତାର ପ୍ରାୟ ୨୦ଟି ଟେଣ୍ଟ ସହ ୨ଶହ ଯାବାନଙ୍କୁ ପଛକୁ ହଟାଇଛି । ଘାଟିର କିଛି ଫଟୋ ଭାଇରାଲ ହେଉଛି ଯେଉଁଥିରେ ସ୍ପଷ୍ଟ ନଜର ଆସିଛି ଯେ, ଯେତେବେଳେ ଚୀନ ସୈନିକମାନେ ଟେଣ୍ଟ ଏବଂ ଷ୍ଟକଚର ତିଆରି କରିବାକୁ ଚେଷ୍ଟା କରିଥିଲେ ସେତେବେଳେ ଭାରତୀୟ ସେନା ଏହାକୁ ବିରୋଧ କରି ଚୀନ ସୈନିକଙ୍କୁ ଘଉଡ଼ାଇ ଦେଇଥିଲେ ।
ଏହି ଫଟୋଟି ପେଟ୍ରୋଲିଂ ପଏଣ୍ଟ ୧୪ର । ଜାତୀୟ ଗଣମାଧ୍ୟମକୁ ମିଳିଥିବା ଏକ ରିପୋର୍ଟ ଅନୁସାରେ ୧୫ ଏବଂ ୧୬ ଜୁନ ପରେ ଭାରତୀୟ ସେନା ସେଠାରେ ସେନା ଶକ୍ତି ବଢାଇଥିଲା କାହିଁକି ନାଁ ଚୀନର ବିସ୍ତାରବାଦୀ ନୀତି ଅନୁସାରେ ଚୀନ ନିଜର ସୀମା ପାରକରି ଆଗକୁ ଆସିବାକୁ ଚାହୁଁଥିଲା । ଗୋଟିଏ ଫଟୋରେ ସ୍ପଷ୍ଟ ଦେଖାଯାଇଛି ଯେ, ଯେତେବେଳେ ଚୀନ ସୈନିକମାନେ ଟେଣ୍ଟ ଏବଂ ଷ୍ଟ୍ରକଚର ତିଆରି କରିବାକୁ ପ୍ରୟାସ କଲେ ସେତେବେଳେ ଭାରତୀୟ ସେନା ଏହାର ବିରୋଧ କରିଥିଲା ।
ଦ୍ୱିତୀୟ ଫଟୋରେ ଟେଣ୍ଟ ଦେଖାଯାଉଛି । ଏପ୍ରିଲ ୨୦୨୦ ସ୍ଥିତି ଅନୁସାରେ ଚିନ୍ ସୈନିକ ଏଠାରେ କିଛି ବି ନିର୍ମାଣ କରିପାରିବ ନାହିଁ କାରଣ ଏହା ହେଉଛି ଭାରତର ଅଂଶ ଏବଂ ଏହା ଚିନ ସୀମା ବାହାରେ ରହିଛି । ଯଦିଓ ଚିନ କିହିଛି ଯେ, ତାହା ଚୀନର ଅଶଂ ଏବଂ ଏହାକୁ ଭାରତୀୟ ସେନା ଖାରଜ କରିଛି । ତେଣୁ ଚୀନ ଏହି ସ୍ଥାନରୁ ତାର ପୂରା ସୈନିକଙ୍କୁ ହଟାଇ ଦେଇଛି । ଏହାପରେ ବି ଭାରତୀୟ ସେନା ସେଠାରେ ସଜାଗ ରହିଛି ।
ତୃତୀୟ ଫଟୋରେ ଗଲବାନ ନଦୀର ପ୍ରଖର ସ୍ରୋତ ଦେଖାଯାଇଛି ଏବଂ ଏହାସହ ଭାରତୀୟ ସେନାର ଦୁଇ ଜଣ ଯବାନ ଏକ ଲୁହାର ପ୍ଲେଟ ନେଇ ନଦୀ ପାର ହେଉଥିବା । ପ୍ରକୃତରେ ଏହା ହେଉଛି ଏକ ରିଡର ବ୍ରିଜ୍ ଯାହା ଏହି ନଦୀର ପ୍ରଖର ସ୍ରୋତକୁ ପାର କରିବାକୁ ଲଗାଯାଇଥାଏ କିନ୍ତୁ ଚୀନ ସୈନିକମାନେ ଏହାକୁ ଭାଙ୍ଗି ଦେଇଥିଲେ । ଭାରତୀୟ ସେନା ଏହାକୁ ରୋକିବା ପରେ ବି ସେମାନେ ମାନି ନଥିଲେ ।
