ନ୍ୟୁଜର୍ସୀ: ମହାମାରୀ କାରଣରୁ ସବୁ ପ୍ରକାର ବ୍ୟବସାୟ ଏବେ ଠପ୍ । ଏଭଳି ପରିସ୍ଥିତିରେ ଦିନ ମଜୁରୀଆଙ୍କ କଥା କହିଲେ ନ ସରେ । ଏବଂ ବିଭିନ୍ନ ହୋଟେଲରେ କାର୍ଯ୍ୟରତ କର୍ମଚାରୀଙ୍କ ମଧ୍ୟ ସମାନ ଅବସ୍ଥା । ହୋଟେଲ ବଜାର ବନ୍ଦ ଥିବାରୁ ସଂଘର୍ଷ କରୁଛନ୍ତି ଏମାନେ । କିନ୍ତୁ ଏଭଳି ପରିସ୍ଥିତିରେ ଯିଏ ସହାୟତାର ହାତ ବଢାଇଦେଉଛି ସେମାନେ ଖୁସି ହୋଇ କାନ୍ଦିପକାଉଛନ୍ତି । ଏଭଳି ଏକ ଘଟଣା ନ୍ୟୁଜର୍ସିର ଏକ ରେଷ୍ଟୁରାଣ୍ଟର । ଯେତେବେଳେ ହୋଟେଲର ଜଣେ କର୍ମଚାରୀ ତାଙ୍କର ଜଣେ ନୀତିଦିନିଆ ଗ୍ରାହକଙ୍କୁ ଖାଇବାକୁ ଦେଇଥିଲେ ଏବଂ ସେ ଟିପ୍ ଆକାରରେ ଦେଇଥିଲେ ପ୍ରାୟ ୧୦୦୦ଡଲାର ବା ୭୫,୧୯୫ଟଙ୍କା । ସେତେବେଳେ କର୍ମଚାରୀ ଜଣଙ୍କ କାନ୍ଦିପକାଇଥିଲେ । ଦି ଷ୍ଟାରବିଂ ଆର୍ଟିଷ୍ଟ ରେଷ୍ଟୁରାଣ୍ଟର ମାଲିକ ଆର୍ନୋଲ୍ଡ ଟେକ୍ସେରା କହିଛନ୍ତି ଯେ ସେ ହେଉଛନ୍ତି ତାଙ୍କ ରେଷ୍ଟୁରାଣ୍ଟର ନିୟମିତ ଗ୍ରାହକ ଏବଂ ୨୦୦୧ ମସିହାରୁ ସେ ଏହି ରେଷ୍ଟୁରାଣ୍ଟକୁ ଲଗାତାର ଆସନ୍ତି ।
ଭାବୁକ ହୋଇ କାନ୍ଦି ପକାଇଲେ କର୍ମଚାରୀ
ଟେକ୍ସେରା କହିଛନ୍ତି, ‘ଗ୍ରାହକ ଏବଂ ତାଙ୍କ ପରିବାର ରେଷ୍ଟୁରାଣ୍ଟରେ ଖାଇବା ପରେ ସେଠାରୁ କିଛି ନ କହି ଚାଲିଗଲେ । ଯେତେବେଳେ ଖାଦ୍ୟପଦାର୍ଥ ଭାଢୁଥିବା ୱେଟର ତାଙ୍କୁ ଦିଆଯାଇଥିବା ଟିପ୍ ଦେଖିଲେ, ସେ ଭାବପ୍ରବଣ ହୋଇ କାନ୍ଦିବାକୁ ଲାଗିଲେ । ଏହା ପରେ ଆଉ ଜଣେ କର୍ମଚାରୀ ମଧ୍ୟ କାନ୍ଦିବାକୁ ଲାଗିଲେ । ଏହା ପରେ ଯେତେବେଳେ ମୁଁ ଟିପ୍ ଏବଂ ଏହା ସହିତ ଲେଖାଯାଇଥିବା ଏକ ନୋଟ୍ ପଢିଲେ, ମୁଁ ମଧ୍ୟ କାନ୍ଦିବାକୁ ଲାଗିଲି । ତାଙ୍କ ନୋଟ୍ ପଢି, ମୁଁ ଏହି ସଙ୍କଟପୂର୍ଣ୍ଣ ସମୟରେ ତାଙ୍କର ଉଦାରତା ଦେଖି ଅତ୍ୟନ୍ତ ଭାବପ୍ରବଣ ହୋଇଗଲି ।’
ଗ୍ରାହକ ଧନ୍ୟବାଦ କରିଥିଲେ
ଗ୍ରାହକ ଜଣଙ୍କ ଟିପ୍ ସହ ଏକ ନୋଟ୍ ଛାଡିଛନ୍ତି ଯେଉଁଥିରେ ସେ ଏହି ଚ୍ୟାଲେଞ୍ଜିଂ ସମୟରେ କାର୍ଯ୍ୟ ଜାରି ରଖିଥିବାରୁ ତାଙ୍କୁ ଧନ୍ୟବାଦ ଦେଇଥିଲେ । ଆମେ ତୁମର ସୁସ୍ୱାଦୁ ଖାଦ୍ୟ, ସୁନ୍ଦର ବ୍ୟବହାର ଏବଂ ଉତ୍ତମ ପରିବେଶ ପାଇଁ ଆମେ ବହୁତ କୃତଜ୍ଞ । ଆମେ ଚାହୁଁଛୁ ତୁମେ ଜାଣ ଯେ ଆମେ ସମସ୍ତଙ୍କୁ ବହୁତ ଭଲପାଉଛୁ । ତେବେ ଏହି ନୋଟର ଶେଷରେ ସେ ଏହି ଟିପ୍ ସେଠାରେ କାର୍ଯ୍ୟ କରୁଥିବା ସବୁ କର୍ମଚାରୀଙ୍କ ପାଇଁ ବୋଲି ଲେଖିଥିଲେ ।
ରାମଦାସ ମହାରାଜ କହିଛନ୍ତି ଯେ ମୋର ଲକ୍ଷ ଲକ୍ଷ ଶିଷ୍ୟ ନେପାଳରେ ରୁହନ୍ତି ଏବଂ ଆସନ୍ତାକାଲିଠାରୁ ଲକ୍ଷ ଲକ୍ଷ ଭକ୍ତ ରାସ୍ତାରେ ବିରୋଧ କରିବେ। କେ.ପି ଶର୍ମା ଓଲିଙ୍କୁ ଏକ ମାସ ମଧ୍ୟରେ ପ୍ରଧାନମନ୍ତ୍ରୀ ପଦର ଇସ୍ତଫା ଦେବାକୁ ପଡିବ । ମୁଁ ଏହି ଧର୍ମାଦେଶ ଜାରି କରୁଛି । ମୋର ଶିଷ୍ୟମାନେ ରାସ୍ତାକୁ ଓହ୍ଲାନ୍ତୁ ଏବଂ ଓଲିଙ୍କୁ ସତ୍ତାରୁ ବାହାର କରନ୍ତି ।
ରାମ ଦଳ ଟ୍ରଷ୍ଟର ସଭାପତି ରାମ ଦାସ ମହାରାଜ କହିଛନ୍ତି ଯେ ସମଗ୍ର ବିଶ୍ୱର ସାଂସ୍କୃତିକ ରାଜଧାନୀ ଅଯୋଧ୍ୟା । ବେଦ, ରାମାୟଣ କିମ୍ବା ପୁରାଣରେ ଦେଖନ୍ତୁ, ଏହା ସ୍ପଷ୍ଟ ଭାବରେ କହିଛି ଯେ ଯେଉଁଠାରେ ସରଯୁ ଅଛି, ସେଠାରେ ଅଯୋଧ୍ୟା ଅଛି | ନେପାଳରେ କୌଣସି ସରଯୁ ନାହିଁ । ସମଗ୍ର ଭୂମଣ୍ଡଳରେ ରାଜା ରହୁଥିଲେ ଓ ସମସ୍ତଙ୍କ ଚକ୍ରବର୍ତ୍ତୀ ସମ୍ରାଟ ଭାରତ ଉତ୍ତରପ୍ରଦେଶର ଅଯୋଧ୍ୟାର ମହାରାଜା ଥିଲେ।
ଧର୍ମଗୁରୁ ମହନ୍ତ ପରମହଂସ କହିଛନ୍ତି, କେପି ଶର୍ମା ନିଜେ ନେପାଳୀ ନୁହଁନ୍ତି । ସେ ସମଗ୍ର ନେପାଳକୁ ପାକିସ୍ତାନ ଭଳି ଭିକାରୀ କରିବା ପାଇଁ ଲାଗି ପଡିଛନ୍ତି | ନେପାଳର ଲୋକମାନଙ୍କ ସହ ପ୍ରତାରଣା କରୁଛନ୍ତି । ନେପାଳର ଦୁଇ ଡଜନରୁ ଅଧିକ ଗାଁ ଚୀନ୍ ଦଖଲ କରିଛି । ତାକୁ ଲୁଚାଇବା ପାଇଁ ସେମାନେ ଭଗବାନ ରାମଙ୍କ ନାମରେ ଆଶ୍ରୟ ନେଉଛନ୍ତି ।
ରାମ ମନ୍ଦିର ଟ୍ରଷ୍ଟର ସଦସ୍ୟ ମହନ୍ତ ଦୀନେନ୍ଦ୍ର ଦାସ କହିଛନ୍ତି, ଅଯୋଧ୍ୟା ଆମ ପାଇଁ ଗୋଟିଏ ଏବଂ ଅଯୋଧ୍ୟା ଏଇଠି ହିଁ ରହିବ । ରାଜନୀତିରେ କେହି କିଛି ବି କହିପାରିବେ, କିନ୍ତୁ ମୁଖ୍ୟ ଅଯୋଧ୍ୟା ସେଇଟା ଯେଉଁଠି ସରଯୁ ମାତା ଅଛନ୍ତି । ପ୍ରଭୁ ରାମଚନ୍ଦ୍ରଙ୍କ ଅଯୋଧ୍ୟା ଏଇଠି ଅଛି ।