ଭୁବନେଶ୍ୱର: ଭୁବନେଶ୍ୱରରେ ପୁଣି ଆରମ୍ଭ ହେଲା ବୁଲା କୁକୁରଙ୍କ ବନ୍ଧ୍ୟାକରଣ ଓ ଟୀକାକରଣ କାର୍ଯ୍ୟକ୍ରମ । କରୋନା କଟକଣା ଯୋଗୁଁ ବିଏମ୍ସି ପକ୍ଷରୁ ପୂର୍ବରୁ ଚାଲିଥିବା ଏହି କାର୍ଯ୍ୟକ୍ରମକୁ ବନ୍ଦ ରଖାଯାଇଥିଲା । ଉଭୟ ବିଏମ୍ସି ଓ ପ୍ରାଣୀସମ୍ପଦ ବିଭାଗ ପକ୍ଷରୁ ମିଳିତ ଭାବେ ଏହାକୁ କାର୍ଯ୍ୟକାରୀ କରାଯାଉଛି । ଏଥିପାଇଁ ବିଏମ୍ସିର ଦୁଇଟି ସ୍ୱତନ୍ତ୍ର ଟିମ୍ ଗଠନ କରାଯାଇ ବୁଲା କୁକୁରଙ୍କୁ କାବୁ କରାଯାଉଛି ।
କିଛି ଦିନର ବ୍ୟବଧାନରେ ଭୁବନେଶ୍ୱରରେ ପୁଣି ଆରମ୍ଭ ହେଲା ବୁଲା କୁକୁରଙ୍କୁ ଧରିବା କାର୍ଯ୍ୟକ୍ରମ । କୁକୁରଙ୍କୁ ଧରି କରାଯାଉଛି ସେମାନଙ୍କର ବନ୍ଧ୍ୟାକରଣ ଓ ଟୀକାକରଣ । ଏଥିପାଇଁ ବିଏମ୍ସି ପକ୍ଷରୁ ଦୁଇଟି ସ୍ୱତନ୍ତ୍ର ଟିମ୍ ଗଠନ କରାଯାଇଛି । ପ୍ରତ୍ୟେକ ଟିମ୍ରେ ଅଛନ୍ତି ୩ ଜଣ ଲେଖାଏଁ ତାଲିମ୍ ପ୍ରାପ୍ତ କର୍ମଚାରୀ । ସେମାନଙ୍କୁ ଏଥିପାଇଁ ଦିଆଯାଇଛି ବିଭିନ୍ନ ସରଞ୍ଜାମ । ଦୈନିକ ବିଭିନ୍ନ ଅଞ୍ଚଳରୁ ପ୍ରାୟ ୨୦ରୁ ୨୫ଟି ବୁଲା କୁକୁରଙ୍କୁ ଧରାଯାଉଛି ।
ଦିନକୁ ଦିନ ବୃଦ୍ଧି ପାଉଥିବା ବୁଲା କୁକୁରଙ୍କ ସଂଖ୍ୟାକୁ ନିୟନ୍ତ୍ରଣ କରିବାକୁ ପୁଣି ଆରମ୍ଭ ହୋଇଛି ସ୍ୱତନ୍ତ୍ର ‘ଏବିସି’ ବା ‘‘ଆନିମଲ ବାର୍ଥ କଣ୍ଟ୍ରାଲ’’ କାର୍ଯ୍ୟକ୍ରମ । ବୁଲା କୁକୁରଙ୍କୁ ଧରି ସେମାନଙ୍କ ବନ୍ଧ୍ୟାକରଣ କରାଯିବା ସହ ସେମାନଙ୍କୁ ଆଣ୍ଟିରବିସ୍ ଟୀକା ଦିଆଯାଉଛି । ଫଳରେ ସେହି କୁକୁରଙ୍କ କାମୁଡ଼ାରେ ଆଉ କେହି ସମସ୍ୟାର ସମ୍ମୁଖୀନ ହେବେ ନାହିଁ । ତେବେ ବର୍ତ୍ତମାନ କେବଳ ଲୋକଙ୍କ ଅଭିଯୋଗ ଭିତ୍ତିରେ ବିଭିନ୍ନ ଅଞ୍ଚଳରୁ ବୁଲା କୁକୁରଙ୍କୁ ଧରାଯାଉଛି ।
(ଶକ୍ତିଧର ରାଜଗୁରୁ)
ଲିଖିତ ଦଲିଲ ଅନୁସାରେ ସୁଶାନ୍ତଙ୍କ ପରିବାର ତରଫରୁ ଫେବୃୟାରୀ ୧୯ ଏବଂ ୨୫ରେ ସୁଶାନ୍ତଙ୍କ ଜୀବନକୁ ବିପଦଥିବା ନେଇ ଅଭିଯୋଗ ଦାଖଲ ହୋଇଥିଲେ ମଧ୍ୟ ମୁମ୍ବାଇ ପୋଲିସ କୌଣସି ପଦକ୍ଷେପ ନେଇ ନଥିଲେ । ଅନ୍ୟ ପକ୍ଷରେ ଏଭଳି କୌଣସି କଥାକୁ ନେଇ ଅଭିଯୋଗ ଆସି ନଥିବା ଖଣ୍ଡନ କରିଛି ମୁମ୍ବାଇ ପୋଲିସ୍ । ଏହି ମାମଲାରେ ମୁମ୍ବାଇ ପୋଲିସ ଏଫଆଇଆର ରୁଜୁ କରିନଥିବା ଏବଂ ମୃତ୍ୟୁର ତଦନ୍ତ ଠିକ ଦିଗରେ ହୋଇନଥିବା ମଧ୍ୟ ଅଭିଯୋଗ ହୋଇଛି । ଯଦିଓ ଏହାର ପ୍ରାରମ୍ଭିକ ତଦନ୍ତ ହୋଇଛି, ତେବେ ତାହା ମଧ୍ୟ ଏକ ସପ୍ତାହରୁ ଅଧିକ ନୁହେଁ ।
