ଗଞ୍ଜାମ: ଗଞ୍ଜାମ ଜିଲ୍ଲା ଦିଗପହଣ୍ଡି ବ୍ଳକ ଚୌଧୁରୀ ଟିକରପଡ଼ା ଗାଁରେ କୋଭିଡ କଟକଣାକୁ ଫୁ । ଗାଁରେ ନିୟମକୁ ଉଲ୍ଲଂଘନ କରି ସାର୍ବଜନିକ ଭାବେ ଗଣେଶ ପୂଜା ଆୟୋଜନ କରାଯବା ସହ ଦୋକାନ ବଜାର ଖୋଲା ରହିଥିଲା । ଏନେଇ ଅଭିଯୋଗ ପାଇବା ପରେ ଦିଗପହଣ୍ଡି ତହସିଲଦାର ତଥା ଏକ୍ଜିକ୍ୟୁଟିଭ୍ ମାଜିଷ୍ଟ୍ରେଟ୍ ଅଦ୍ଵୈତ କୁମାର ସ୍ୱାଇଁ ଏନ୍ଫୋର୍ସମେଣ୍ଟ ସ୍କ୍ୱାର୍ଡ୍ ଏବଂ ନୂଆପଡ଼ା ଫାଣ୍ଡି ପୋଲିସ ସହ ଗାଁରେ ପହଞ୍ଚିଥିଲେ ।
ଆୟୋଜିତ ହୋଇଥିବା ପୂଜା ବନ୍ଦ ପାଇଁ ନିର୍ଦ୍ଦେଶ ଦେବା ସହ ଦୋକାନ ବଜାର ବନ୍ଦ କରିଥିଲେ । ବେଆଇନ ଭାବେ ଖୋଲାଯାଇଥିବା ୨ଟି ରାସନ ଦୋକାନକୁ ସିଲ୍ କରିଥିଲେ ଅଧିକାରୀ । ଏହି ଖବର ଗାଁରେ ପ୍ରଚାର ପରେ ବହୁ ସଂଖ୍ୟକ ଯୁବକ ଘଟଣା ସ୍ଥଳରେ ପହଞ୍ଚି ତହସିଲଦାରଙ୍କ ସହ ଯୁକ୍ତିତର୍କ କରିଥିଲେ ।
ଗାଁ ନଦୀ ପଠାରୁ ବେଆଇନ ବାଲି ଚାଲାଣ, ବେଧଡ଼କ ଜୁଆ ଖେଳ କାହିଁକି ବନ୍ଦ କରାଯାଉନାହିଁ ବୋଲି ପ୍ରଶ୍ନ କରିଥିଲେ । ପରେ ତହସିଲଦାରଙ୍କୁ ସନ୍ଧ୍ୟା ପ୍ରାୟ ୬ଟା ରୁ ରାତି ପ୍ରାୟ ୯ ଟା ଯାଏଁ ଉତ୍ତ୍ୟକ୍ତ ଜନତା ଘେରାଉ କରିଥିଲେ । ଘଟଣା ସ୍ଥଳରୁ ତହସିଲଦାର ଫେରିବା ବେଳେ ଗ୍ରାମବାସୀ ପୁଣି ଗାଡି ଉପରକୁ ପଥର ମାଡ କରିଥିଲେ ।
ଖବର ପାଇ ବ୍ରହ୍ମପୁର ଉପଜିଲ୍ଲାପାଳ, ନୂଆଗାଁ ଥାନା ଆଇଆଇସିଙ୍କୁ ଘଟଣା ସମ୍ପର୍କରେ ସୂଚନା ଦେଇଥିଲେ । ସୂଚନା ପାଇଁ ପୋଲିସ ଫୋର୍ସ ଗାଁରେ ପହଞ୍ଚି ତହସିଲଦାରଙ୍କୁ ଉଦ୍ଧାର କରିଛି ।
କହିରଖୁଛୁ ପ୍ରଥମେ କରୋନା ମହାମାରୀ ଏବଂ ପରେ ବାତ୍ୟା କାରଣରୁ ଜୁନ ମାସ ଆରମ୍ଭରୁ ପିଲା ମାନଙ୍କୁ ଇଣ୍ଟରନେଟ ସମ୍ବଦ୍ଧୀୟ ସମସ୍ୟାର ସାମ୍ନା କରିବାକୁ ପଡ଼ୁଛି । ପଢାରେ କୌଣସି ପ୍ରକାରର ସମସ୍ୟା ନ ହେଉ ସେଥିପାଇଁ ଛାତ୍ରଛାତ୍ରୀଙ୍କୁ ଲମ୍ବା ରାସ୍ତା ଅତିକ୍ରମ କରିବାକୁ ପଡ଼ୁଛି । ବାତ୍ୟା ଯିବାର ପ୍ରାୟ ଏକ ମାସ ବିତି ଯାଇଥିବା ପରେ ମଧ୍ୟ ସ୍ଥିତି ସୁଧୁରିନି । ଏଭଳି ପରିସ୍ଥିତିରେ ଏକ ପିଲା National Commission for Protection of Child Rightsରେ ପହଞ୍ଚିଛି । ଖୁବଶୀଘ୍ର ଇଣ୍ଟରନେଟ ସମସ୍ୟା ସମାଧାନ ହୋଇଯବି ବୋଲି ସୁନିଶ୍ଚିତ କରିଛନ୍ତି ଆୟୋଗର ଅଧ୍ୟକ୍ଷ ପ୍ରିୟାଙ୍କ କାନୁନଗୋ । ଏଥିପାଇଁ ସେମାନେ ଜିଲ୍ଲା ଅଧିକାରୀ ଏବଂ ସଲ୍ୟୁଲାର କମ୍ପାନୀ ସହିତ ଯୋଗଯୋଗ କରିଛନ୍ତି ।