ଭୁବନେଶ୍ୱର: ବିଧାନସଭାରେ ରାଜସ୍ୱ କ୍ଷେତ୍ର ସଂପର୍କିତ ୨୦୧୮ ପାଇଁ ସିଏଜି ରିପୋର୍ଟ ଉପସ୍ଥାପିତ ହୋଇଛି । ୨୦୧୭-୧୮ରେ ରାଜସ୍ୱ ଆୟ ୪୨.୬୦ ପ୍ରତିଶତକୁ ବୃଦ୍ଧି ହୋଇଛି । ଏଥିସହ ୭୯୫.୧୮ କୋଟି ଟଙ୍କାର ରାଜସ୍ୱହାନୀ ହୋଇଛି । ବିଭିନ୍ନ ଦ୍ରବ୍ୟର ଭୁଲ ଶ୍ରେଣୀ କରଣ ଯୋଗୁଁ ୬୪.୦୭ ଲକ୍ଷ ଟଙ୍କାର କ୍ଷତି ହୋଇଛି । ଲଘୁ ଖଣିଜ ଦ୍ରବ୍ୟ ଉପରେ ପ୍ରବେଶ କର ନିର୍ଦ୍ଧାରଣ ହୋଇନଥିଲା । ଫଳରେ ୫୬.୫୨ ଲକ୍ଷ ଟଙ୍କାର କର ଓ ଜରିମାନା ଅନାଦେୟ ରହିଛି । ୪୧ ହଜାର ୧୫୯ ଜଣ ବ୍ୟବସାୟୀ ଜିଏସଟିରେ ପଞ୍ଜୀକରଣ କରିନାହାନ୍ତି ।
ସେପଟେ ଅନୁଚିତ ସମୀକ୍ଷା ଫଳରେ ୭୩.୭୩ ଲକ୍ଷ ସୁଧ ଆଦାୟ ବିଳମ୍ବ ହୋଇଛି । ମହୁଲି ମଦ ବ୍ୟବସାୟୀ ଅବକାରୀ ମାର୍ଗଦର୍ଶିକା ପାଳନ କରିନାହାନ୍ତି । ଲାଇସେନ୍ସଧାରୀଙ୍କ ଠାରୁ ମନମୁଖି ଜରିମାନା ଆଦାୟ ହୋଇଛି । ସେପଟେ ମୋଟର ଯାନ କର ଓ ଜରିମାନା ଆଦାୟ ନେଇ ଆପତ୍ତି ଉଠାଇଲେ ସିଏଜି । ୫୩.୪୮ କୋଟି ଟଙ୍କାର ଜରିମାନା ଅନାଦେୟ ରହିଛି । କୋଇଲା ଉତ୍ତୋଳନରୁ ମଧ୍ୟ ୧୧୨.୨୬ କୋଟି ଟଙ୍କାର କମ୍ ରାଜସ୍ୱ ଆଦାୟ ହୋଇଛି ।
ଅପରପକ୍ଷରେ ଓଡ଼ିଶାରେ ସର୍ଚ୍ଚ କମିଟି ପକ୍ଷରୁ ୩ଟି ନାଁ ସୁପାରିଶ କରାଯିବ । ତନ୍ମଧ୍ୟରୁ ଜଣଙ୍କୁ ରାଜ୍ୟପାଳ ନିଜ ବିଚାର ଅନୁସାରେ ନିଯୁକ୍ତି କରିବେ । କାହାକୁ ନିଯୁକ୍ତି କରିବେ, ସେ କଥା ପଚାରିବାର ବି ଆବଶ୍ୟକତା ନାହିଁ । ଏହି ଉଦାହରଣରୁ ସ୍ପଷ୍ଟ ଯେ, ଓଡ଼ିଶାରେ କୁଳପତିମାନଙ୍କ କ୍ଷମତାକୁ ସଙ୍କୁଚିତ କରାଯାଉନାହିଁ । ଓଡ଼ିଶା ବିଶ୍ୱବିଦ୍ୟାଳୟ ସଂଶୋଧନ ବିଧେୟକ-୨୦୨୦ ଗୃହୀତ ହେବା ପରେ ଏକ ବିତର୍କରେ ଭାଗ ନେଇ ଉଚ୍ଚଶିକ୍ଷା ମନ୍ତ୍ରୀ ଡକ୍ଟର ଅରୁଣ ସାହୁ କହିଛନ୍ତି ।
