ନନ୍ଦିଘୋଷ ବ୍ୟୁରୋ : ପାକିସ୍ତାନ ଆତଙ୍କୀ ସଂଗଠନ ଜୈସ ଏ ମହମ୍ମଦକୁ ଝଟକା । ମସୁଦ ଅଜହରର ବଡ଼ ଭାଇ ମହମ୍ମଦ ତାହିର ଅନୱର ମୃତ । ୨ ଦଶନ୍ଧି ଧରି ଜୈସ ର ସେନା ମୁଖ୍ୟଭାର ସମ୍ଭାଳୁଥିଲା ଅନୱର । ତେବେ କେଉଁ ପରିସ୍ଥିତିରେ ତାର ମୃତ୍ୟୁ ହୋଇଛି ସେନେଇ ସ୍ପଷ୍ଟ କରାଯାଇ ନାହିଁ । ତାହିର ଅନୱର ଜୈସ ଏ ମହମ୍ମଦର ପ୍ରମୁଖ ଭୂମିକା ନିର୍ବାହ କରୁଥିଲା । ଦୀର୍ଘ ଦିନ ଧରି ସଂଗଠନ ସହ ରହିଥିଲା ତାହିର । ତେବେ ୬୨ ବର୍ଷ ବୟସରେ ତାର ମୃତ୍ୟୁ ହୋଇଥିବା ସୂଚନା ମିଳିଛି । ତାହିର ଜନାଜା ସୋମବାର ରାତିରେ ଉଠିଥିବା ଜଣାପଡ଼ିଛି । ଏହାପରେ ବହାବଲପୁର ସ୍ଥିତ ଜାମିଆ ମସଜିଦ ଉସମାନ ଅଲ୍ଲୀରେ ନମାଜ ଏ ଜନାଜା କରାଯିବ । ଏହି ଜନାଜାରେ ବହୁ ସଂଖ୍ୟାରେ ଲୋକ ସାମିଲ ହେବେ । ଜୈସ ଏ ମହମ୍ମଦ ଓ ମସୁଜ ଆଜହର ଭାରତେର ଅନେକ ଆତଙ୍କୀ ହମଲା କରିଛି । ତେବେ କେଉଁ ପରିସ୍ଥିତିରେ ତାହିରର ମୃତ୍ୟୁ ହୋଇଛି ତାହ ସଂଗଠନ ପକ୍ଷରୁ ସ୍ପଷ୍ଟ କରାଯାଇ ନାହିଁ ।

ନନ୍ଦିଘୋଷ ବ୍ୟୁରୋ :  ଇରାନର ଇସଫହାନକୁ ପୁଣି ଆମେରିକା ଓ ଇସ୍ରାଏଲର ଟାର୍ଗେଟ। ସହରରେ ଥିବା ଏକ ବୃହତ ଅସ୍ତ୍ର ଗୋଦାମ ଉପରେ ହୋଇଛି ହମଲା। ପ୍ରାୟ ୯୦୦ କିଲୋଗ୍ରାମର ବଙ୍କରଭେଦୀ ବୋମାରେ ଅସ୍ତ୍ର ଗୋଦାମର ବିପୁଳ କ୍ଷତି ହୋଇଥିବା ସୂଚନା ମିଳିଛି। ସେଠାରେ ଆଣବିକ ଅସ୍ତ୍ରଶସ୍ତ୍ର ମହଜୁଦ ଥିବାରୁ ଏହାକୁ ଟାର୍ଗେଟ କରିଥିଲେ ଆମେରିକା ଓ ଇସ୍ରାଏଲ। ଏୟାରଷ୍ଟ୍ରାଇକ ପରେ ସେଠାରେ କ୍ରମାଗତ ନିଆଁ ଜଳୁଥିବା ପରିଲକ୍ଷିତ ହୋଇଛି। ଇସଫାହନରେ ପ୍ରାୟ ୨୩ ଲକ୍ଷ ଲୋକ ବସବାସ କରୁଥିବାବେଳେ ଏହି ସହରରେ ରହିଛି ଇରାନର ବାଦର ସାମରିକ ଏୟାରବେସ। ସେପଟେ ଆମେରିକୀୟ MQ-9 ରିପର ଲଙ୍ଗରେଞ୍ଜ ମାନବବିହୀନ ଏରିଆଲ ଭେହିକଲକୁ ଖସାଇ ଦେଇଛି ଇରାନ। ତେଣେ ଇସ୍ରାଏଲର ଜେରୁଜେଲମରେ ୧୦ଟି ବିସ୍ଫୋରଣ ଘଟିଥିବା ଜଣାଯାଇଛି।

ମଧ୍ୟପ୍ରାଚ୍ୟ ଯୁଦ୍ଧକୁ ଏକମାସ ବିତିଥିଲେ ସୁଦ୍ଧା ସମାଧାନ ନେଇ କୌଣସି ରାସ୍ତା ବାହାରିପାରୁ ନାହିଁ । ଏହାରି ଭିତରେ ନିଜ ଦେଶରେ ବିରୋଧର ଶିକାର ହୋଇଛନ୍ତି ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ । ଆମେରିକାର ପାରମ୍ପରିକ ସହଯୋଗୀ ମଧ୍ଯ ଖୋଲାଖୋଲି ସମର୍ଥନ ଦେଉ ନାହାନ୍ତି । ତେଣୁ ଇରାନକୁ ଧ୍ବଂସ କରିବାକୁ ଚେତାବନୀ ଦେଉଥିବା ଟ୍ରମ୍ପଙ୍କ ସ୍ବର ଦିନକୁ ଦିନ ବଦଳିବାରେ ଲାଗିଛି । ଯୁଦ୍ଧ ବିରତି ନେଇ ଆଲୋଚନା ଜାରି ରହିଥିବା ଟ୍ରମ୍ପ କହୁଥିବାବେଳେ କୌଣସି ଆଲୋଚନା ହୋଇ ନଥିବା ସ୍ପଷ୍ଟ କରିଛି ତେହେରାନ । ଏଥିରୁ ସ୍ପଷ୍ଟ ହେଉଛି ଏହି ଭୟଙ୍କର ଯୁଦ୍ଧ ଭିତରେ ଏକା ହୋଇଯାଇଛନ୍ତି ଉଭୟ ଆମେରିକା ଓ ଇସ୍ରାଏଲ । ୨୮ ଫେବୃଆରୀରୁ ଆରମ୍ଭରୁ ଆକ୍ରମଣାତ୍ମକ ରଣନୀତି ରଖିଥିବା ଦୁଇଦେଶର ସ୍ଥିତି ଏବେ ବଦଳିବାରେ ଲାଗିଥିବା ନଜରକୁ ଆସିଛି । ତଥାପି ମୁହଁଟାଣ ରଖିବାକୁ ଗୋଟିଏ ପରେ ଗୋଟିଏ ଚେତାବନୀ ଦେଇ ଚାଲିଛନ୍ତି ରାଷ୍ଟ୍ରପତି ଟ୍ରମ୍ପ । ସବୁ ଚେତାବନୀର କଡ଼ା ଜବାବ ଦେଇଛି ଇରାନ । ଇରାନ ପକ୍ଷରୁ ଇରାକ ଉପରେ ବଡ଼ ଆକ୍ରମଣ କରାଯାଇଛି ।ସୁଲେମାନୀ ସ୍ଥିତ ଅମେରିକା ୟୁନିଭର୍ସିଟିକୁ ଟାର୍ଗେଟ କରିଛି ତେହେରାନ । ସେପଟେ ୨୪ ଘଣ୍ଟା ଭିତେର ଇସ୍ରାଏଲ ଉପରେ ୪୩ ହମଲା କରାଯାଇଥିବା ଦାବି କରିଛି ହିଜବୁଲ୍ଲା । ସେପଟେ ବର୍ତ୍ତମାନ ସୁଦ୍ଧା ଇରାନର ୧୧ ହଜାର ସ୍ଥାନକୁ ମିଳିତ ସେନା ଟାର୍ଗେଟ କରିଥିବା ହ୍ବାଇଟ ହାଉସ ପକ୍ଷରୁ ସୂଚନା ଦିଆଯାଇଛି । ଆମରିକା ବିଦେଶ ମନ୍ତ୍ରୀ ମାର୍କୋ ରୁବିୟୋ କହିଛନ୍ତି, ଇରାନର ମିସାଇଲ ଓ ଡ୍ରୋନ ଉତ୍ପାଦନ କେନ୍ଦ୍ର ପୂରା ନଷ୍ଟ କରିବାକୁ ଚାଲିଛି ଯୋଜନା । ହର୍ମୁଜ ପ୍ରଣାଳୀ ମୁକ୍ତ କରିବାକୁ ଆମେରିକୀୟ ସେନା ମୁତୟନ ହୋଇଛନ୍ତି । ଇରାନ ଯଦି ହର୍ମୁଜ ପ୍ରଣାଳୀ ଉପରେ କଟକଣା ବନ୍ଦ ନକରେ ତେବେ ସ୍ଥିତି ଭୟଙ୍କର ହେବ । ଇସ୍ରାଏଲ ଓ ଆମେରିକା ଇରାନ ରାଜଧାନୀ ତେହେରାନ ସମେତ ଅନ୍ୟ ପ୍ରମୁଖ ସହରଗୁଡ଼ିକରେ ଗତକାଲି ରାତି ସାରା ଆକ୍ରମଣ କରିଛନ୍ତି। ଆମେରିକା ଏବେ ସ୍ଥଳଯୁଦ୍ଧ ପାଇଁ ଜୋରଦାର ପ୍ରସ୍ତୁତି ଚଳାଇବା ସହ ପଶ୍ଚିମ ଏସିଆ ରାଷ୍ଟ୍ରଗୁଡ଼ିକରେ ୫୭ ହଜାର ଆମେରିକୀୟ ସୈନ୍ୟ ଠୁଳ କଲାଣି । ଇତିମଧ୍ୟରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଇରାନକୁ କଡ଼ା ଚେତାବନୀ ଦେଇ କହିଛନ୍ତି, ଯଦି ଖୁବ୍ଶୀଘ୍ର ଯୁଦ୍ଧ ଶେଷ ପାଇଁ ଇରାନ ଓ ଆମେରିକା ମଧ୍ୟରେ କୌଣସି ଚୁକ୍ତି ନ ହୁଏ ତେବେ ଆମେ ଇରାନର ବିଦ୍ୟୁତ୍ କେନ୍ଦ୍ର ଓ ଖାର୍ଗ ଦ୍ବୀପକୁ ସମ୍ପୂର୍ଣ୍ଣ ଧ୍ବଂସ କରିଦେବୁ ।