ନୂଆଦିଲ୍ଲୀ : ଉପରାଷ୍ଟ୍ରପତି ନିର୍ବାଚନ ପ୍ରସଙ୍ଗ । ଇଣ୍ଡି ମେଣ୍ଟ ପକ୍ଷରୁ ଆଜି ବସୁଛି ବୈଠକ । ଏଆଇସିସି ସଭାପତି ମଲ୍ଲିକାର୍ଜୁନ ଖଡ଼ଗେଙ୍କ ବାସଭବନରେ ମଧ୍ୟାହ୍ନ ସାଢେ ୧୨ଟାରେ ବସିବ ବୈଠକ । ଯୋଗ ଦେବେ ବିରୋଧୀ ମେଣ୍ଟର ପ୍ରମୁଖ ନେତା । କାହାକୁ ପ୍ରାର୍ଥୀ କରିବେ ଏହାକୁ ନେଇ ନିଷ୍ପତ୍ତି ନେବ ଇଣ୍ଡି ମେଣ୍ଟ । ଜାତୀୟ ଗଣତାନ୍ତ୍ରିକ ମେଣ୍ଟ NDA ତାର ଉପରାଷ୍ଟ୍ରପତି ପ୍ରାର୍ଥୀ ଘୋଷଣା କରିଛି ।
NDA ଦ୍ୱାରା ମହାରାଷ୍ଟ୍ର ରାଜ୍ୟପାଳ ସିପି ରାଧାକୃଷ୍ଣନଙ୍କୁ ପ୍ରାର୍ଥୀ କରାଯାଇଛି । ଏହି ଗୁରୁତ୍ୱପୂର୍ଣ୍ଣ ଘୋଷଣା ପରେ, ବିରୋଧୀ ଦଳ ମଧ୍ୟ ଆଜି ଉପରାଷ୍ଟ୍ରପତି ପ୍ରାର୍ଥୀ ପାଇଁ ଏକ ବୈଠକ କରୁଛନ୍ତି । ଏବେ ଦେଖିବାକୁ ବାକି ଅଛି ଯେ ବିରୋଧୀ ଦଳ ମଧ୍ୟ ଦକ୍ଷିଣ ରାଜନୀତି ଉପରେ ଜୋର ଦେଉଛନ୍ତି ନା ଏକ ନୂତନ ମୁହଁ ସାମ୍ନାକୁ ଆଣିବେ ।
