ନନ୍ଦିଘୋଷ ବ୍ୟୁରୋ: ପୁରୀ ରେଳଷ୍ଟେସନରେ ଦୀର୍ଘ ସମୟ ଧରି ଅଟକିଲା ଟ୍ରେନ୍ । ପୁରୀ-ଶାଲିମାର ଶ୍ରୀଜଗନ୍ନାଥ ଏକ୍ସପ୍ରେସର S4 ବଗିରେ ବୈଷୟିକ ତ୍ରୁଟି ଯୋଗୁଁ ଦୀର୍ଘସମୟ ପର୍ଯ୍ୟନ୍ତ ଟ୍ରେନଟି ୮ ନମ୍ବର ପ୍ଲାଟଫର୍ମରେ ଅଟକି ରହିଥିଲା । ଗତକାଲି ରାତିରେ ପୁରୀ ରେଳଷ୍ଟେସନରେ ଏଭଳି ସ୍ଥିତି ଦେଖିବାକୁ ମିଳିଛି । ପୁରୀ-ଶାଲିମାର୍ ଶ୍ରୀଜଗନ୍ନାଥ ଏକ୍ସପ୍ରେସର S4 ବଗିର ଏୟାର ବେଲୋ ଲିକେଜ୍ ରହିଥିବା ଯୋଗୁଁ ଅଟକି ରହିଥିଲା । ଗତକାଲି ଟ୍ରେନଟି ରାତି ୧୦.୪୦ରେ ୮ ନମ୍ବର ପ୍ଲାଟଫର୍ମରୁ ଛାଡିବାକୁ ଥିବାବେଳେ ତ୍ରୁଟି ଥିବା ବଗିର ମରାମତି ଯୋଗୁଁ ପ୍ରାୟ ରାତି ୧.୩୦ ପର୍ଯ୍ୟନ୍ତ ଟ୍ରେନ୍ ଛାଡିନଥିଲା। ବୈଷୟିକ ତ୍ରୁଟି ଥିବା ବଗିଟି ମରାମତି ହେବାପରେ ଟ୍ରେନ୍ ଚଳାଚଳ ସ୍ୱଭାବିକ୍ ହୋଇଥିଲା ।
ଗୁଜରାଟ ଦ୍ଵାରକାରେ ବର୍ଷା ବିତ୍ପାତ, ବୁଡ଼ି ରହିଛି ଶହ ଶହ ଏକର ଜମି
ନନ୍ଦିଘୋଷ ବ୍ୟୁରୋ: ଗୁଜରାଟ ଦ୍ଵାରକାରେ ବର୍ଷା ବିତ୍ପାତ। ପାଣିରେ ବୁଡିଛି ଶହ ଶହ ଏକର ଚାଷ ଜମି। ପୋରବନ୍ଦର ଓ ଜୁନାଗଡ ପ୍ରବଳ ବର୍ଷା ରେକର୍ଡ ହୋଇଛି। ଜୁନାଗଡ଼ରେ ୧୨ ଘଣ୍ଟା ମଧ୍ୟରେ ୩୩୧ ମିଲିମିଟର ବର୍ଷା ହୋଇଛି। ସେହିପରି ପୋବବନ୍ଦରରେ ମଧ୍ୟ ବର୍ଷାରୁ ନାହିଁ ନଥିବା ସ୍ଥିତି ଉପୁଜିଛି। ପାଣିରେ ଫସିଥିବା ୪୬ ଜଣ ପିଲାଙ୍କୁ ଉଦ୍ଧାର କରିଛି ଏନଡିଆରଏଫ୍ ଟିମ। ମୁମ୍ବାଇରେ ଗତକାଲି ୧୦୭.୪ ମିମି ବର୍ଷା ହୋଇଛି। ଠାଣେରେ ପାଣି ଭର୍ତ୍ତି ଖଣିରେ ପଡ଼ି ଜଣେ ବ୍ୟକ୍ତିଙ୍କ ମୃତ୍ୟୁ ହୋଇଛି। ପାଲଘର ବନ୍ୟାରେ ଫସି ରହିଥିବା ୪୨ ଜଣ ଶ୍ରମିକଙ୍କୁ ଏନଡିଆରଏଫ ମଧ୍ୟ ଉଦ୍ଧାର କରିଛି। ଲୋକେ ଘର ମଧ୍ୟରେ ଫସି ରହିଛନ୍ତି। ଉଦ୍ଧାରକାରୀ ଦଳ ଲୋକଙ୍କୁ ରେସକ୍ୟୁ ବୋଟ ଜରିଆରେ ଉଦ୍ଧାର କରିଛନ୍ତି। ଜୁନାଗଡ଼ ଅଂଚଳରେ ୬୦୦ ଲୋକଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତର କରାଯାଇଛି। ପୋରବନ୍ଦରରେ ୫୦ ଜଣଙ୍କୁ ସ୍ଥାନାନ୍ତର କରାଯାଇଛି। ଜୁନାଗଡ ବନଥଲି ଅଂଚଳରେ ୨୭୮ ମିଲିମିଟର ବର୍ଷା ରେକର୍ଡ ହୋଇଛି। ସେପଟେ ମହାରାଷ୍ଟ୍ର ନାସିକରେ ପ୍ରବଳ ବର୍ଷାରୁ ବନ୍ୟାସ୍ଥିତି ସୃଷ୍ଟି ହୋଇଛି। ଗଙ୍ଗାପୁର ଡ୍ୟାମରୁ ପ୍ରବଳ ମାତ୍ରାରେ ପାଣି ଛାଡିବାରୁ କୃଷ୍ଣା ନଦୀର ଜଳସ୍ତର ବୃଦ୍ଧି ପାଇଛି। ନାସିକର ଆଖପାଖ ଅଂଚଳରେ ବନ୍ୟା ପରିସ୍ଥିତି ସୃଷ୍ଟି ହୋଇଛି।….
ଦିଲ୍ଲୀର ୫ ସ୍କୁଲକୁ ବୋମା ଧମକ
ନନ୍ଦିଘୋଷ ବ୍ୟୁରୋ: ଦିଲ୍ଲୀର ୫ ସ୍କୁଲକୁ ବୋମା ଧମକ। ଦ୍ଵାରକା ସେକ୍ଟର-୫ରେ ଥିବା ବିଜିଏସ୍ ଇଣ୍ଟରନ୍ୟାସନାଲ ପବ୍ଲିକ ସ୍କୁଲ ସମେତ ୫ ସ୍କୁଲକୁ ମିଳିଛି ଧମକ। ୪ ଦିନ ମଧ୍ୟରେ ତୃତୀୟଥର ଲାଗି ସ୍କୁଲମାନଙ୍କୁ ମିଳିଛି ଏପରି ବୋମାରେ ଉଡ଼ା ଦେବାକୁ ଧମକ। ଖବର ପାଇବା ପରେ ଦିଲ୍ଲୀ ପୋଲିସ ଓ ଅଗ୍ନିଶମବାହିନୀର ଟିମ ପହଞ୍ଚି ଖାନତଲାସି ଆରମ୍ଭ କରିଛନ୍ତି। ଗତ ସୋମବାର ଦିନ ଦିଲ୍ଲୀର ୩୦ରୁ ଅଧିକ ସ୍କୁଲକୁ ସମାନ ଧମକ ମିଳିଥିଲା। ଯାହା ପରେ ଏହି ଧମକ ମିଥ୍ୟା ବୋଲି ଜଣାପଡ଼ିଥିଲା।ବୁଧବାର ଦିନ ରାଜଧାନୀ ଦିଲ୍ଲୀର ପ୍ରାୟ ୫୦ଟି ସ୍କୁଲକୁ ଇ-ମେଲ୍ ମାଧ୍ୟମରେ ପୁଣି ଥରେ ବୋମା ଧମକ ମିଳିଥିଲା। ଯାହାକୁ ପରେ ମିଥ୍ୟା ବୋଲି ଘୋଷଣା କରାଯାଇଥିଲା। ଡିଏଭି ପବ୍ଲିକ୍ ସ୍କୁଲ, ଫେଥ୍ ଏକାଡେମୀ, ଡୁନ୍ ପବ୍ଲିକ୍ ସ୍କୁଲ, ସର୍ବୋଦୟ ବିଦ୍ୟାଳୟ, ରାହୁଲ ମଡେଲ୍ ସ୍କୁଲ, ଦ୍ୱାରକାର ମ୍ୟାକ୍ସଫୋର୍ଟ ସ୍କୁଲ, ମାଲବ୍ୟ ନଗରର ଏସକେଭି ଏବଂ ପ୍ରସାଦ ନଗରର ଆନ୍ଧ୍ର ସ୍କୁଲକୁ ବୋମା ଧମକ ମିଳିଥିବା ଜଣାଡିଛି। ଇ-ମେଲ୍ ଜରିଆରେ ଟେରରାଇଜର୍ସ ୧୧୧ ନାମକ ଗୋଷ୍ଠୀ ଦେଇଛି ଧମକ। ମଙ୍ଗଳବାର ରାତିରେ ସ୍କୁଲଗୁଡ଼ିକୁ ପଠାଯାଇଥିବା ଧମକପୂର୍ଣ୍ଣ ମେଲରେ ଗୋଷ୍ଠୀ ୨ ହଜାର ଡଲାର କ୍ରିପ୍ଟୋ କରେନ୍ସି ଦାବି କରିଥିଲା ।
ଆହୁରି ୭ ଦିନ ଧରି ରାଜ୍ୟର ବିଭିନ୍ନ ଜିଲାରେ ପ୍ରବଳ ବର୍ଷା..
ନନ୍ଦିଘୋଷ ବ୍ୟୁରୋ: ସପ୍ତାହକ ପାଇଁ ବର୍ଷା ଆଲର୍ଟ ଦେଲା ଆଂଚଳିକ ପାଣିପାଗ କେନ୍ଦ୍ର । ରାଜ୍ୟରେ ଜାରି ରହିଛି ମୌସୁମି ଜନିତ ବର୍ଷା। ଆହୁରି ୭ ଦିନ ଧରି ରାଜ୍ୟର ବିଭିନ୍ନ ଜିଲାରେ ହାଲୁକାରୁ ମଧ୍ୟମ ଧରଣ ବର୍ଷା ଜାରି ରହିବ ବୋଲି କହିଛି ପାଣିପାଗ ବିଭାଗ। କିଛି ସ୍ଥାନ ମାନଙ୍କରେ ବିଜୁଳି, ଘଡ଼ଘଡ଼ି ଜନିତ ବର୍ଷା ସମ୍ଭାବନା ଥିବା ବେଳେ ଉତ୍ତର ଓଡିଶାର କିଛି ଜିଲ୍ଲା ଓ ଉପକୂଳବର୍ତ୍ତୀ କିଛି ଜିଲ୍ଲାରେ ବର୍ଷା ସମ୍ଭାବନା ନେଇ ୟେଲୋ ଆଲର୍ଟ ଜାରି କରିଛି ପାଣିପାଗ ବିଭାଗ । ସେପଟେ ଆଜିପାଇଁ ବାଲେଶ୍ଵର, ଭଦ୍ରକ, କେନ୍ଦୁଝର, ମୟୁରଭଞ୍ଜ, ଝାରସୁଗୁଡ଼ା, ବରଗଡ଼ ଓ ସମ୍ବଲପୁର ଜିଲ୍ଲାର କିଛି କିଛି ସ୍ଥାନମାନଙ୍କରେ ପ୍ରବଳରୁ ଅତି ପ୍ରବଳ ବର୍ଷା ସମ୍ଭାବନା ଥିବାବେଳେ ଉତ୍ତର ଓଡିଶାର ବି କିଛି ଜିଲ୍ଲା ମାନଙ୍କରେ ବିଜୁଳି ଘଡ଼ଘଡ଼ି ଜନିତ ପ୍ରବଳ ବର୍ଷା ସମ୍ଭାବନା ରହିଛି। ୩୦ରୁ ୪୦ କିମି ବେଗରେ ପବନ ବହିବାର ସମ୍ଭାବନା ରହିଛି। ସେପଟେ ରାଜ୍ୟରେ ନିଅଣ୍ଟିଆ ବର୍ଷା ହୋଇନାହିଁ ବୋଲି ସ୍ପଷ୍ଟ କରିଛି ଆଂଚଳିକ ପାଣିପାଗ କେନ୍ଦ୍ର ।
ଆସିକାରେ ପାଗଳ କୁକୁର ଆତଙ୍କ
ନନ୍ଦିଘୋଷ ବ୍ୟୁରୋ: ଗଂଜାମ ଆସିକାରେ ପାଗଳ କୁକୁର ଆତଙ୍କ। ଧରାକୋଟ ଅଂଚଳରେ ପାଗଳ କୁକୁର କାମୁଡାରେ ୧୨ ଜଣ ଆହତ ହୋଇଛନ୍ତି। ସମସ୍ତ ଆହତଙ୍କୁ ଆସିକା ମେଡିକାଲରେ ଭର୍ତ୍ତି କରାଯାଇଛି। ଧରାକୋଟ ଥାନା ଅନ୍ତର୍ଗତ କୁଶରାଵ ଗ୍ରାମରେ ପାଗଳା କୁକୁର ଆତଙ୍କ ଦେଖାଦେଇଛି। ବରିଗୁଡ଼ା, କୁଶରାବ ଓ ଲଷ୍ମୀପୁର ଗାଁର 12 ଜଣଙ୍କୁ କାମୁଡି ଲହୁ ଲୁହାଣ କରିଛି ପାଗଳା କୁକୁର। କୁଶରାଵ ଗାଁର 7 ଜଣ ବରିଗୁଡ଼ା ଗ୍ରାମର 4 ଜଣ ଓ ଲଷ୍ମୀପୁର ଗ୍ରାମର ଜଣେ କୁକୁର କାମୁଡ଼ାର ଶିକାର ହୋଇଛନ୍ତି। ଏହି ତିନି ଗ୍ରାମରେ ଏବେ ଲୋକେ ଆତଙ୍କିତ ଅବସ୍ଥାରେ ରହିଛନ୍ତି।
ଆଜି ୧୨ ଘଣ୍ଟିଆ ଦେବଗଡ଼ ବନ୍ଦ
ନନ୍ଦିଘୋଷ ବ୍ୟୁରୋ: ଆଜି ୧୨ ଘଣ୍ଟିଆ ଦେବଗଡ଼ ବନ୍ଦ। ଜିଲ୍ଲା ମୁଖ୍ୟ ଚିକିତ୍ସାଳୟ ପୁରୁଣା କୋଠାରେ 24 ଘଣ୍ଟିଆ ସ୍ୱାସ୍ଥ୍ୟ ସେବା ଯୋଗାଇବା ଦାବିରେ ଜିଲ୍ଲା ଯୁବ ଏକତା ମଞ୍ଚ ବନ୍ଦ ଡାକରା ଦେଇଛି।ଦେବଗଡ଼ ଜିଲ୍ଲା ମୁଖ୍ୟ ଚିକିତ୍ସାଳୟ କୋଠା ପରିବର୍ତ୍ତନ ପରଠାରୁ ସହରବାସୀଙ୍କ ମଧ୍ୟରେ ଦେଖା ଦେଇଥିବା ଅସନ୍ତୋଷ ଆନ୍ଦୋଳନର ରୂପ ନେଇଛି । ସହର ମଧ୍ୟ ସ୍ଥଳୀରେ ଥିବା ଜିଲ୍ଲା ମୁଖ୍ୟ ଚିକିତ୍ସାଳୟକୁ ସହର ଠାରୁ ୬ କିମି ଦୂର ନୁଆଁବାଲିରୋଇ ମୌଜାକୁ ସ୍ଥାନାନ୍ତର ପରେ ପ୍ରାଥମିକ ଚିକିତ୍ସା ପାଇଁ ମଧ୍ୟ ଜନସାଧାରଣଙ୍କୁ ଅଯଥା ଖର୍ଚ୍ଚାନ୍ତ ହେବା ସହ ଅସୁରକ୍ଷିତ ପରିବେଶରେ ଯିବାକୁ ପଡୁଛି। ଜରୁରୀକାଳୀନ ପ୍ରାଥମିକ ଚିକିତ୍ସା ଅଭାବରୁ ଏକ ମାସ ମଧ୍ୟରେ ଏକାଧିକ ବ୍ୟକ୍ତିଙ୍କ ମଧ୍ୟ ମୃତ୍ୟୁ ଘଟିଥିବା ଦେଖିବାକୁ ମିଳିଥିଲା।ଏହାର ପ୍ରତିବାଦରେ ଯୁବ ଏକତା ମଞ୍ଚ ପକ୍ଷରୁ ଆଜି 12 ଘଣ୍ଟିଆ ଦେବଗଡ଼ ବନ୍ଦ ପାଳନ କରାଯାଉଛି। ସକାଳ 6 ରୁ ସନ୍ଧ୍ୟା 6 ପର୍ଯ୍ୟନ୍ତ ଦେବଗଡ଼ ରେ ଦୋକାନ ବଜାର ସହ ଅଖ ଚକ ବନ୍ଦ ରହିବା ନେଇ ଘୋଷଣା କରାଯାଇଛି । ବନ୍ଦ ଡାକରା କୁ ସ୍ୱତଃ ସମର୍ଥନ ଜଣାଇ ମହିଳା, ପୁରୁଷ, ଯୁବ ସମସ୍ତ ବର୍ଗର ଜନ ସାଧାରଣ ଆନ୍ଦୋଳନ କୁ ଓଲ୍ହାଇ ପୁରୁଣା ପୋଷ୍ଟ ଅଫିସ ଛକ, ବିର୍ସା ମୁଣ୍ଡା ଛକ ଓ ଆମ୍ବେଦକର ଛକ ଠାରେ ଜାତୀୟ ରାଜପଥ ଅବରୋଧ କରିବାରୁ ରାସ୍ତାର ଉଭୟ ପାର୍ଶ୍ଵରେ ଶହଶହ ଯାନବାହାନ ଅଟକି ରହିଛି । କୌଣସି ଅପ୍ରିତିକର ପରିସ୍ଥିତି ଆଶଙ୍କା ରେ ଜିଲ୍ଲା ପୁଲିସ ପକ୍ଷରୁ ସହର ରେ ପାଟ୍ରୋଲିଂ ବ୍ୟବସ୍ଥାକୁ ବଢ଼ାଇ ଦିଆଯିବା ସହ ସହରର ବିଭିନ୍ନ ସ୍ଥାନରେ ପୋଲି ମୁତୟନ କରାଯାଇଛି ।…
ଗୌତମ ଗମ୍ଭୀରଙ୍କୁ ନେଇ ଏମିତି କହିଲେ ଦିନେଶ କାର୍ତ୍ତିକ
ନନ୍ଦିଘୋଷ ବ୍ୟୁରୋ: ନିକଟରେ ଇଂଲଣ୍ଡ ବିପକ୍ଷ ଟେଷ୍ଟ ସିରିଜକୁ ୨-୨ରେ ସମାପ୍ତ କରିଛି ଭାରତ । ବିଦେଶ ମାଟିରେ ଦମଦାର ପ୍ରଦର୍ଶନ କରିଥିଲା ଭାରତ । ଟିମ ଇଣ୍ଡିଆର ପ୍ରଦର୍ଶନକୁ ନେଇ ମୁଖ୍ୟ ପ୍ରଶିକ୍ଷକ ଗୌତମ ଗମ୍ଭୀରଙ୍କୁ ମଧ୍ୟ ପ୍ରଶଂସା କରାଯାଇଛି । ନିଜର ପ୍ରଶିକ୍ଷଣ, ଦଳ ଚୟନ ସାଙ୍ଗକୁ ନିଜର ଭାବମୂର୍ତ୍ତି ପାଇଁ ମଧ୍ୟ ବେଶ ଚର୍ଚ୍ଚାରେ ରହିଥିଲେ ଗୌତମ ଗମ୍ଭୀର । ତେବେ ପୂର୍ବତନ ଓ୍ବିକେଟ କିପର ବ୍ୟାଟ୍ସମ୍ୟାନ ଦୀନେଶ କାର୍ତ୍ତିକ ଏହାକୁ ନେଇ ଏକ ମଜାଳିଆ ଢ଼ଙ୍ଗରେ ଖୁଲାସା କରିଛନ୍ତି ।
ଦିନେଶ କାର୍ତ୍ତିକ ଏକ ମଜାଦାର ଖୁଲାସା କରିଛନ୍ତି ଯେ ପ୍ରଶଂସକମାନେ ଭାରତ -ଇଂଲଣ୍ଡ ସିରିଜରେ ଗମ୍ଭୀରଙ୍କ ମୁହଁରେ ହସ ନ ଦେଖିବା ପାଇଁ ଅଭିଯୋଗ କରିଛନ୍ତି । ଦି ହଣ୍ଡ୍ରେଡ୍ ଟୁର୍ଣ୍ଣାମେଣ୍ଟର ଏକ ପ୍ରସାରଣ ସମୟରେ ଏହି ମଜାଦାର ଘଟଣା ସାମ୍ନାକୁ ଆସିଥିଲା , ଯେତେବେଳେ କାର୍ତ୍ତିକ ଟ୍ରେଣ୍ଟ ରକେଟ୍ସ ପ୍ରଶିକ୍ଷକ ଆଣ୍ଡି ଫ୍ଲାୱାରଙ୍କ ସହ କଥା ହେଉଥିଲେ । ଟ୍ରେଣ୍ଟ ରକେଟ୍ସ ମାଞ୍ଚେଷ୍ଟର ଅରିଜିନାଲ୍ସ ବିପକ୍ଷରେ ସାତ ୱିକେଟରେ ବିଜୟୀ ହୋଇଥିଲା । ଏହି ମ୍ୟାଚ୍ ପରେ, କାର୍ତ୍ତିକ ହାଲୁକା ଭାବରେ କହିଛନ୍ତି ଯେ ୟୁକେ ପ୍ରଶଂସକମାନେ ସ୍କାଏ ସ୍ପୋର୍ଟସକୁ ଏକ ଚିଠି ଲେଖିଛନ୍ତି ଯେଉଁଥିରେ ସେମାନେ ତିନି ଜଣଙ୍କ ବିଷୟରେ ଅଭିଯୋଗ କରିଛନ୍ତି ଯେଉଁମାନେ ସାରା ଗ୍ରୀଷ୍ମ ଋତୁରେ ହସି ନାହାଁନ୍ତି । ସେମାନଙ୍କ ମଧ୍ୟରେ ପ୍ରଥମ ନାମ ଗୌତମ ଗମ୍ଭୀର, ଦ୍ୱିତୀୟ ନାମ ପୂର୍ବତନ ଇଂଲଣ୍ଡ ଅଧିନାୟକ ନାସେର ହୁସେନ ଯିଏ କମେଣ୍ଟ୍ରୀ ବକ୍ସରେ ବସିଛନ୍ତି ଏବଂ ତୃତୀୟ ନାମ ଆଣ୍ଡି ଫ୍ଲାୱାର ।
ଏହା ପରେ, କାର୍ତ୍ତିକ ମଜାରେ ଫ୍ଲାୱାରଙ୍କୁ ପଚାରିଲେ , ‘ ଯେତେବେଳେ ତୁମେ ଜଣେ ପ୍ରଶିକ୍ଷକ ଭାବରେ ଡଗ୍ ଆଉଟରେ ବସିଛ, ଲୋକମାନେ ତୁମ ମୁହଁରେ ହସ କାହିଁକି ଦେଖିପାରିବେ ନାହିଁ ? ‘ ଏହାର ଉତ୍ତରରେ ଫ୍ଲାୱାର ହସି ହସି ଉତ୍ତର ଦେଲେ, ‘ ଲୋକମାନେ ମୋତେ ସମ୍ପୂର୍ଣ୍ଣ ଭୁଲ ବୁଝନ୍ତି, ଏବଂ ତୁମେ ଏହା ଭଲ ଭାବରେ ଜାଣ । ‘ କାର୍ତ୍ତିକ ଉତ୍ତର ଦେଲେ, ‘ ମୁଁ ନିଶ୍ଚିତ ଭାବରେ ଜାଣେ। ‘ ଏହି ମଜାଦାର ଘଟଣାର ଭିଡିଓ ଏବେ ସୋସିଆଲ ମିଡିଆରେ ବହୁତ ଭାଇରାଲ ହେଉଛି ।
ସର୍ବଭାରତୀୟ ନିଟ୍ ପିଜି ପରୀକ୍ଷାରେ ଟପ୍ପର ହେଲେ ଓଡିଶା ଛାତ୍ର ପୁସାନ ମହାପାତ୍ର
ନନ୍ଦିଘୋଷ ବ୍ୟୁରୋ: ସର୍ବଭାରତୀୟ ନିଟ୍ ପିଜି ପରୀକ୍ଷାରେ ଟପ୍ପର ହୋଇଛନ୍ତି ଓଡିଶା ଛାତ୍ର ପୁସାନ ମହାପାତ୍ର । କଟକ ଏସସିବି ମେଡିକାଲ କଲେଜରେ ପାଠ ପଢୁଥିବା ପୁସାନ ଟପ ଶହେ ଜଣଙ୍କ ଭିତରେ ରହିବେ ବୋଲି ଭାବି ନଥିଲେ । କିନ୍ତୁ ରେଜଲ୍ଟ ବାହାରିବା ପରେ ସେ ଟପ୍ପର ହୋଇଥିବା ଦେଖି ପ୍ରଥମେ ବିଶ୍ବାସ କରିପାରିନଥିଲେ । ତାଙ୍କ ଡାକ୍ତର ଭଉଣୀ ତାଙ୍କ ପାଇଁ ଥିଲେ ପ୍ରେରଣା । ମେଡିକାଲ ପାଠ୍ୟକ୍ରମ ପରେ ଗତ ବର୍ଷ ଠାରୁ ତାଙ୍କର ଇଣ୍ଟର୍ଣ୍ଣସିଭ ଚାଲିଥିଲା । ମାର୍ଚ୍ଚରେ ଇଣ୍ଟର୍ଣ୍ଣସିଭ ସରିଛି । ସେ ଜାନୁଆରୀରେ ପିଜି ପରୀକ୍ଷା ପାଇଁ ପାଠପଢା ଆରମ୍ଭ କରିଥିଲେ । ତାଙ୍କୁ ତାଙ୍କ ପରିବାର ସବୁବେଳେ ପାଠ ପଢାରେ ସହଯୋଗ କରିଛନ୍ତି । ଏଥିସହିତ ଏବେ ମେଡିକାଲ ପାଇଁ ପ୍ରସ୍ତୁତି ଚଳାଇଥିବା ଛାତ୍ରଛାତ୍ରୀମାନେ ରାଙ୍କ କଥା ନଭାବି କେବଳ ପରୀକ୍ଷାରେ ଭଲ କରିବାକୁ ଚେଷ୍ଟା କରିବାକୁ ସେ ପରାମର୍ଶ ଦେଇଛନ୍ତି । ଏନେଇ ତାଙ୍କୁ ଶୁଭେଚ୍ଛା ଜଣାଇଛନ୍ତି ମୁଖ୍ୟମନ୍ତ୍ରୀ ମୋହନ ମାଝୀ ।
୩ ଦିନିଆ ରୁଷ ଗସ୍ତରେ ବୈଦେଶିକ ମନ୍ତ୍ରୀ ଏସ ଜୟଶଙ୍କର
ସଂଚାର ବ୍ୟୁରୋ: ଆମେରିକାର ଟାରିଫ ମାଡର ଜବାବ ତୈଳଦର ରିହାତିରେ। ଭାରତକୁ ରୁଷ ରପ୍ତାନୀ କରୁଥିବା ତୈଳଦର ଉପରେ ୫ ପ୍ରତିଶତ ରିହାତି ପ୍ରଦାନ କରିଛି ରୁଷିଆ। ତୈଳ ଆମଦାନୀ କରୁଥିବାରୁ ଭାରତ ଉପରେ ୨୫ ପ୍ରତିଶତ ଟାରିଫ ଲଗାଇଥିଲା ଆମେରିକା। ଏହାର ଜବାବରେ ରୁଷ ତୈଳଦର ଉପରେ ୫ ପ୍ରତିଶତ ରିହାତି ଦେଇଛି। ରିହାତି ଦରରେ ଭାରତକୁ ଅଶୋଧିତ ତୈଳ ଯୋଗାଣ ଜାରି ରଖିବ ବୋଲି କହିଛି ରୁଷ। ପ୍ରାୟ ସମାନ ସ୍ତରର ତେଲ ଭାରତ ଆମଦାନୀ କରିବ। ତେବେ ଏହି ରିହାତିକୁ ଏକ ବାଣିଜ୍ୟିକ ଗୁପ୍ତ ଭାବରେ ବର୍ଣ୍ଣନା କରିଛି ରୁଷିଆ। ସେପଟେ ୩ ଦିନିଆ ରୁଷିଆ ଗସ୍ତରେ ଥିବା ବୈଦେଶିକ ମନ୍ତ୍ରୀ ଏସ ଜୟଶଙ୍କରଙ୍କ ଆଜି ଦ୍ଵିତୀୟ ଦିନ। ଭାରତ-ରୁଷ ସମ୍ପର୍କ, ସମସାମୟିକ ବିଶ୍ୱ ଭୂ-ରାଜନୀତି ଏବଂ ଭାରତର ଦୃଷ୍ଟିକୋଣ ଉପରେ ଆଲୋଚନା କରିଥିଲେ ଜୟଶଙ୍କର। ବାଣିଜ୍ୟ, ଅର୍ଥନୀତି, ବିଜ୍ଞାନ, ପ୍ରଯୁକ୍ତିବିଦ୍ୟା ଏବଂ ସାଂସ୍କୃତିକ ସହଯୋଗ ଉପରେ ଆଲୋଚନା ହୋଇଛି। ବୈଦେଶିକ ମନ୍ତ୍ରୀ ରୁଷ ପ୍ରତିପକ୍ଷ ସର୍ଗେ ଲାଭରୋଭଙ୍କୁ ମଧ୍ୟ ଭେଟିବା ସହ ଦ୍ୱିପାକ୍ଷିକ କାର୍ଯ୍ୟସୂଚୀ ସମୀକ୍ଷା କରିଛନ୍ତି ଏସ ଜୟଶଙ୍କର।
ବ୍ରହ୍ମପୁର ବିଶ୍ଵବିଦ୍ୟାଳୟରେ ଦୁଇଗୋଷ୍ଠୀ ପିଟାପିଟି : ସାନଖେମୁଣ୍ଡି ବିଧାୟକ ରମେଶ ଜେନାଙ୍କ ନେତୃତ୍ବରେ ଗୋପାଳପୁର ଥାନା ଘେରାଉ
ନନ୍ଦିଘୋଷ ବ୍ୟୁରୋ: ବ୍ରହ୍ମପୁର ବିଶ୍ଵବିଦ୍ୟାଳୟରେ ଦୁଇଗୋଷ୍ଠୀ ପିଟାପିଟି।କିଛି ଛାତ୍ର ଆହତ ହୋଇଥିବା ବେଳେ ବ୍ରହ୍ମପୁର ବିଶ୍ଵବିଦ୍ୟାଳୟରେ ଛାତ୍ର ଅଶାନ୍ତି ଦେଖାଦେଇଛି। କ୍ଯାମ୍ପସ୍ ଭିତରେ ଏହି ଘଟଣା ଘଟିଛି।ଆହତଙ୍କ ମଧ୍ୟରୁ କିଛି ଛାତ୍ର ବ୍ରହ୍ମପୁର MKCGରେ ଚିକିତ୍ସିତ ହୋଇଛନ୍ତି। ଯୁକ୍ତିତର୍କରୁ ଦୁଇ ଗୋଷ୍ଠୀ ମଧ୍ୟରେ ମାରପିଟ୍ ହୋଇଥିବା ସୂଚନା ମିଳିଛି। ହସ୍ପିଟାଲରେ ପ୍ରତିକ୍ରିୟା ରଖିଛନ୍ତି ଜଣେ ଆହତ ଛାତ୍ର। ସେପଟେ ବିଶ୍ଵବିଦ୍ୟାଳୟରେ ଛାତ୍ରଙ୍କୁ ଅଣଛାତ୍ରଙ୍କ ଆକ୍ରମଣ ଘଟଣାରେ ଛାତ୍ରଙ୍କୁ ନ୍ୟାୟ ପ୍ରଦାନ ଦାବିରେ ଗୋପାଳପୁର ଥାନା ଘେରାଉ କରାଯାଇଥିଲା। ସାନଖେମୁଣ୍ଡି ବିଧାୟକ ରମେଶ ଜେନାଙ୍କ ନେତୃତ୍ବରେ ଥାନା ଘେରାଉ ହୋଇଥିଲା। ରମେଶ ଜେନାଙ୍କ ସମେତ ପ୍ରାୟ ୧୦୦ରୁ ଅଧିକ କଂଗ୍ରେସ କର୍ମୀ ଓ ବିଶ୍ବବିଦ୍ୟାଳୟର ଛାତ୍ର ମାନେ ଘେରାଉରେ ସାମିଲ ହୋଇଥିଲେ।
ଗତକାଲି ରାତିରେ ବିଶ୍ବବିଦ୍ୟାଳୟରେ ଅଣଛାତ୍ର ପ୍ରବେଶ କରି ଜଣେ ଛାତ୍ରଙ୍କୁ ଆକ୍ରମଣ କରିଥିଲେ।ଅଣଛାତ୍ରର ଆକ୍ରମଣରେ ଗୁରୁତର ଆହତ ହୋଇଥିଲେ ସାମ୍ବାଦିକ ଓ ଗଣଯୋଗାଯୋଗ ବିଭାଗର ଛାତ୍ର ଅଭିଳାଷ ମିଶ୍ର।