ବିଜେପି ସରକାରକୁ ଡରନି । ବିଜେଡିକୁ ଆହୁରି ସୁଦୃଢ କର । ଲୋକଙ୍କ ସେବା କର । ନୂଆପଡ଼ାର ବିଜେଡି ନେତା ଓ କର୍ମୀଙ୍କୁ ଭେଟିବା ଅବସରେ ଏହି ଟିପ୍ସ ଦେଇଛନ୍ତି ବିଜେଡି ସୁପ୍ରିମୋ ନବୀନ ପଟ୍ଟନାୟକ । ଏ ନେଇ ସାମ୍ବାଦିକ ସମ୍ମିଳନୀ କରି ବିଜୁ ମହିଳା ଜନତା ଦଳର ସଭାନେତ୍ରୀ ତଥା ନୂଆପଡ଼ାର ବିଧାୟିକା ପ୍ରାର୍ଥୀ ସ୍ନେହାଙ୍ଗିନୀ ଛୁରିଆ କହିଛନ୍ତି ଯେ, ନୂଆପଡ଼ା ନୂଆପଡ଼ାର ସ୍ଥାନୀୟ ବିଜେଡି ନେତା ଓ କର୍ମୀଙ୍କୁ ଭେଟି ବିଜେଡି ସଭାପତି ନବୀନ ପଟ୍ଟନାୟକ ଖୁସି ହୋଇଛନ୍ତି । ନୂଆପଡ଼ା ଉପନିର୍ବାଚନ ନେଇ ନବୀନଙ୍କ ସହ ବିସ୍ତୃତ ଆଲୋଚନା ହେଲା । ନେତା ଓ କର୍ମୀଙ୍କ ଉତ୍ସାହ ଦେଖି ନବୀନ ନିଜର ଖୁସି ଜାହିର କରିଥିବାବେଳେ କର୍ମୀ ମଧ୍ୟ ଖୁସି ଜାହିର କରିଛନ୍ତି । ଏହି ଅବସରରେ ଦଳକୁ ଆହୁରି ସୁଦୃଢ କରିବାକୁ ନବୀନ କର୍ମୀଙ୍କୁ ପରାମର୍ଶ ଦେଇଛନ୍ତି । ଉପନିର୍ବାଚନରେ ବୁଥ ରିଗିଂର ଜବାବ ଦିଆଯିବ । ୪୧ଟି ବୁଥରେ ୯୦ ପ୍ରତିଶତରୁ ଅଧିକ ଭୋଟିଂ ହୋଇଛି । ଲୋକଙ୍କ ଲାଇନ ନ ଥିବା ବେଳେ ଏତେ ଭୋଟିଂ କିପରି ହୋଇଥିଲା । ଲୋକଙ୍କୁ ଡରାଇ ଧମକାଇ ଭୋଟ ହାସଲ କରାଯାଇଛି । ବିଭିନ୍ନ ସଂସ୍ଥାଙ୍କୁ ଲଗାଇ ଲୋକଙ୍କୁ ଧମକାଇଥିଲା ବିଜେପି । ବିଜେଡି ନେତାଙ୍କ ଘରେ ରେଡ କରାଇଥିଲା ବିଜେପି ନିର୍ବାଚନ ଜିତିଛି ବୋଲି ଆରୋପ ଲଗାଇଛନ୍ତି ସ୍ନେହାଙ୍ଗିନୀ । ଲୋକଙ୍କୁ ଡରାଇ ଧମକାଇ ନିର୍ବାଚନ ଜିତିଛି ବିଜେପି । ଏହାର ଜବାବ ଆଗାମୀ ଦିନରେ ଦିଆଯିବ । ନୂଆପଡ଼ାବାସୀଙ୍କ ହୃଦୟରେ ନବୀନ ଅଛନ୍ତି । ଧାନ ବିକିବାକୁ ଚାଷୀଙ୍କୁ ଟୋକନ ମିଳିନାହିଁ । କଟନୀ ଛଟନୀ କରାଯାଉଛି । ଚାଷୀ ଅଭାବୀ ବିକ୍ରିର ଶିକାର ହେଲାଣି ବୋଲି ଅଭିଯୋଗ କରିଛନ୍ତି ସ୍ନେହାଙ୍ଗିନୀ ।