କୁଞ୍ଜରେ ଶୋଭା ପାଉଛନ୍ତି ରାଧାକୃଷ୍ଣ । ଚାଲିଛି ରାଧାକୃଷ୍ଣଙ୍କ ରାହାସ ଯାତ୍ରା । ପ୍ରସିଦ୍ଧ ରାହାସ ଯାତ୍ରା ପାଇଁ ଉତ୍ସବମୁଖର ଯାଜପୁର ଜିଲ୍ଲା ରସୁଲପୁର ବ୍ଲକର ହରିପୁର ଅଞ୍ଚଳ । ବିଭିନ୍ନ ମଠ ମନ୍ଦିରରେ ପ୍ରସ୍ତୁତ ସୁସଜ୍ଜିତ କୁଞ୍ଜରେ ପୂଜା ପାଉଛନ୍ତି ପ୍ରଭୁ ରାଧାକୃଷ୍ଣ ଓ ଜଗନ୍ନାଥ । କୁଞ୍ଜର ଅବର୍ଣ୍ଣନୀୟ ସୌନ୍ଦର୍ଯ୍ୟ ସାଙ୍ଗକୁ ରାଧାକୃଷ୍ଣଙ୍କୁ ଦେଖିବାକୁ ଆଖପାଖ ଅଞ୍ଚଳ ସମେତ ଜିଲ୍ଲା ଓ ଜିଲ୍ଲା ବାହାରୁ ହଜାର ହଜାର ଶ୍ରଦ୍ଧାଳୁଙ୍କ ସୁଅ ଛୁଟୁଛି।…
ବାଇଟ-1 ଶଙ୍କର୍ଷଣ ଦାସ, ପୂଜକ
ବାଇଟ- 2 ମିତାଲୀ ସାହୁ, ଶ୍ରଦ୍ଧାଳୁ
ଭିଓ୨- କିମ୍ବଦନ୍ତୀ ଅନୁସାରେ ପଞ୍ଚଦଶ ଶତାବ୍ଦୀରେ ଶ୍ରୀ ଚୈତନ୍ୟ ଦେବ ଶ୍ରୀକ୍ଷେତ୍ର ଯିବା ବାଟରେ ହରିପୁର ଅଞ୍ଚଳରେ କିଛି ସମୟ ଅଟକିଥିଲେ। ସେହି ସମୟରେ ଏହି ଅଞ୍ଚଳର ଅନେକ ଲୋକ ରାଧାକୃଷ୍ଣଙ୍କ ପ୍ରେମରେ ବିଭୋର ହୋଇଯାଇଥିଲେ। ଆଉ ସେବେଠାରୁ ଏହି ଅଞ୍ଚଳରେ ପାଳିତ ହୋଇଆସୁଛି ରାହାସ ଯାତ୍ରା । ଏବେ ଏହି ଅଞ୍ଚଳରେ ୭ଟି ସ୍ଥାନରେ କୁଞ୍ଜ ପ୍ରସ୍ତୁତ କରାଯାଇ ରାଧାକୃଷ୍ଣଙ୍କ ରାହାସ ଯାତ୍ରା ପାଳନ କରାଯାଉଛି। ଏଥିସହିତ ଶ୍ରଦ୍ଧାଳୁଙ୍କ ମନୋରଞ୍ଜନ ପାଇଁ ମୀନାବଜାର ଓ ଅପେରା ଆୟୋଜନ କରାଯାଇଛି । ଲୋକେ ମୀନାବଜାର ବୁଲି ସୁସ୍ବାଦୁ ଖାଦ୍ୟ ଓ ଦୋଳିର ମଜା ନେବା ସହ ଘରକରଣା ସାମଗ୍ରୀ କିଣି ନେଉଛନ୍ତି। ସେପଟେ ଚଳିତବର୍ଷ ୧୦ଟି ନାମିଦାମୀ ଯାତ୍ରାପାର୍ଟି ଯାତ୍ରା ପରିବେଷଣ କରୁଛନ୍ତି। …
ବାଇଟ- 4 ପ୍ରିୟଙ୍କା, ସ୍ଥାନୀୟ ବାସିନ୍ଦା
ବାଇଟ- 6 ଅଜୟ କୁମାର ସାହୁ, ଆୟୋଜକ
ଫାଭିଓ- କାର୍ତ୍ତିକ ପୂର୍ଣ୍ଣିମାରୁ ଆରମ୍ଭ ହୋଇଥିବା ଏହି ରାହାସ ଯାତ୍ରା ଆସନ୍ତାକାଲି ସରିବ ।
କୁଞ୍ଜରେ ଶୋଭା ପାଉଛନ୍ତି ରାଧାକୃଷ୍ଣ: ଚାଲିଛି ରାଧାକୃଷ୍ଣଙ୍କ ରାହାସ ଯାତ୍ରା
ମହିଳାଙ୍କୁ ରୋଜଗାରର ବାଟ ଦେଖାଇଛି ଫୁଲ ଝାଡୁ
ବଦଳିଛି ସମୟ, ସଶକ୍ତ ହେଉଛନ୍ତି ମହିଳା । ଘରର ଚାରିକାନ୍ଥରୁ ବାହାରି କରୁଛନ୍ତି ରୋଜଗାର । କଟକ ଜିଲ୍ଲା ନରସିଂହପୁର ବ୍ଲକ ଅଲରା ପଂଚାୟତ ଲେମ୍ବୋ ବନ୍ଧସାହି ଗାଁରେ ମହିଳାଙ୍କୁ ରୋଜଗାର ଦେଉଛି ଫୁଲଝାଡୁ । ବନ୍ଧସାହି ଗାଁରେ ୪ଟି SHGର ୪୦ରୁ ଉର୍ଦ୍ଧ୍ଵ ମହିଳା ଏକାଠି ହୋଇ ପ୍ରସ୍ତୁତ କରୁଛନ୍ତି ଫୁଲ ଝାଡୁ । ମହିଳାମାନଙ୍କୁ ଝାଡୁ ତିଆରି କରିବାରେ ପୁରୁଷ ମାନେ ସାହାଯ୍ୟ ମଧ୍ୟ କରୁଛନ୍ତି । ଆଉ ଝାଡୁକୁ ବଜାରରେ ବିକ୍ରି କରି ମହିଳାମାନେ ମାସିକ ମୁଣ୍ଡ ପିଛା ୮ ରୁ ୧୦ ହଜାର ଟଙ୍କା କରୁଛନ୍ତି ରୋଜଗାର ।
ଲେମ୍ବୋ ବନ୍ଧସାହି ଗାଁରେ ଏମବିକେ ନିରୂପମା ନାୟକଙ୍କର ତତ୍ୱବାଧାନରେ ଚାରୋଟି ମିଶନ ଶକ୍ତି ମହିଳା ଗ୍ରୁପକୁ ନେଇ ଗୋଟିଏ ପିଜି ଗ୍ରୁପ ଗଠିତ ହୋଇଛି । ଯେଉଁଥିରେ ୪୦ରୁ ଉର୍ଦ୍ଧ୍ଵ ମହିଳା ସାମିଲ ହୋଇଛନ୍ତି । ମହିଳାମାନେ କଞ୍ଚାମାଲ ପାଇଁ ବ୍ୟାଙ୍କରୁ ୨୦ ଲକ୍ଷ ଟଙ୍କାର ଋଣ ଆଣି କରୁଛନ୍ତି ବ୍ୟବସାୟ । ଅନ୍ୟପଟେ ଆଗାମୀ ଦିନରେ ମହିଳା ମାନଙ୍କୁ ମେସିନ ସହ ଭୁବନେଶ୍ଵର ଓ କଟକରେ ଝାଡୁର ବିକ୍ରିବଟା ପାଇଁ ସୁବିଧା ଯୋଗାଇ ଦିଆଯିବ ବୋଲି କହିଛନ୍ତି ବିଡିଓ । ଫୁଲଝାଡୁକୁ ମହିଳାମାନେ ନରସିଂହପୁର, ଚମ୍ପେଶ୍ୱର, ବାଲିଝରି, ଗୋପପୁର ଓ ବଡମ୍ବା ଆଦି ସପ୍ତାହିକ ହାଟରେ ବିକ୍ରି କରି ବେଶ ଦୁଇ ପଇସା ରୋଜଗାର କରୁଛନ୍ତି ।
ନୂଆ ସରକାରରେ ଚାଲିଛି କଣ ? ୧ ଲକ୍ଷ ଟଙ୍କା ଦେଲେ ଗାଁକୁ ଯିବ ବିଦ୍ୟୁତ
ନୂଆ ସରକାରରେ ଚାଲିଛି କଣ ? ବିଦ୍ୟୁତ ସଂଯୋଗୀକରଣ ପାଇଁ ଖୋଲାଖୋଲି ଲାଞ୍ଚ ମାଗୁଛନ୍ତି ଅଧିକାରୀ । ୧ ଲକ୍ଷ ଟଙ୍କା ଦେଲେ ଗାଁକୁ ଯିବ ବିଦ୍ୟୁତ । ନଚେତ ଗାଁରେ ଜଳିବନି ବିଜୁଳି ଆଲୁଅ । ଏଭଳି ସଙ୍ଗୀନ ଅଭିଯୋଗ ଆସିଛି ଗଜପତି ଜିଲ୍ଲା ରା.ଉଦୟଗିରି ବ୍ଲକ ପୁରୁଣାପାଣି ପଞ୍ଚାୟତ ତରବଙ୍ଗ ଗାଁରୁ । ତରବଙ୍ଗ ଗାଁରେ ଶହେରୁ ଉର୍ଦ୍ଧ୍ଵ ଆଦିବାସୀ ପରିବାର ବସବାସ କରିଆସୁଛନ୍ତି । କିନ୍ତୁ ଏଯାଏଁ ଗାଁକୁ ବିଦ୍ୟୁତ ସଂଯୋଗ ହୋଇପାରିନାହିଁ । ଫଳରେ ସନ୍ଧ୍ୟା ହେଲେ ଘନ ଅନ୍ଧକାର ଭିତରେ ବିତାଇବାକୁ ପଡୁଛି ଜୀବନ ।
ଜିଲ୍ଲା ସଦରମହକୁମା ଠାରୁ ୧୧୦ କିଲୋମିଟର ଦୂରରେ ପାହାଡ ଜଙ୍ଗଲ ଘେରା ପରିବେଶ ମଧ୍ୟରେ ଅବସ୍ଥିତ ତରବଙ୍ଗ ଗାଁ । ଗାଁରେ ସରକାରଙ୍କ ପକ୍ଷରୁ ପାଣି ଟାଙ୍କି ବସିଛି କିନ୍ତୁ ପାଣି ଉଠାଇବା ମଟରକୁ ବିଜୁଳି ସଂଯୋଗ ନାହିଁ । ସେହିଭଳି ସ୍ମାର୍ଟ ସ୍କୁଲକୁ ବିଦ୍ୟୁତ ସଂଯୋଗୀକରଣ ହୋଇନଥିବାରୁ ଏଲିଇଡି ଜରିଆରେ ପିଲା ପାଠ ବି ପଢିପାରୁନାହାନ୍ତି । ପୂର୍ବ ସରକାରଙ୍କ ସମୟରେ ଗାଁରେ ସୋଲାର ପ୍ୟାନେଲ ବସାଯାଇ ସମସ୍ତ ଘରକୁ ଆଲୁଅ ବ୍ୟବସ୍ଥା କରାଯାଇଥିଲା । କିନ୍ତୁ ରକ୍ଷଣାବେକ୍ଷଣ ଅଭାବରୁ ଉକ୍ତ ସୋଲାର ପ୍ୟାନେଲଟି ଖରାପ ହୋଇଯିବାରୁ ବିଦ୍ୟୁତ ଯୋଗାଣ ଠପ ହୋଇପଡିଛି । ସମସ୍ୟା ସଂପର୍କରେ ଗ୍ରାମବାସୀ ବାରମ୍ବାର ସରକାରଙ୍କ ଦୃଷ୍ଟି ଆକର୍ଷଣ କରିଥିଲେ ସୁଦ୍ଧା ଫଳ ଶୂନ । ଅନ୍ୟପଟେ ଗାଁକୁ ବିଦ୍ୟୁତ ଯୋଗାଇଦେବାକୁ ବିଭାଗୀୟ ଅଧିକାରୀ ଟଙ୍କା ମାଗୁଥିବା ଅଭିଯୋଗ ହୋଇଛି । ଏପଟେ ଗାଁକୁ ଯଥାଶୀଘ୍ର ବିଦ୍ୟୁତ ଯୋଗାଇଦେବାକୁ ପଦକ୍ଷେପ ନିଆଯିବ ବୋଲି କହିଛନ୍ତି ଅତିରିକ୍ତ ଜିଲ୍ଲାପାଳ। ତରବଙ୍ଗ ଗାଁକୁ କେବେ ମିଳିବ ବିଜୁଳି ସଂଯୋଗ ? ଗାଁକୁ ସରକାର ବିନା ହାତଗୁଞ୍ଜାରେ ବିଜୁଳି କନେକ୍ସନ ଦେବେ ନା ନାହିଁ ? ନା ପ୍ରଶାସନର ପ୍ରତିଶୃତି ପାଣିର ଗାର ପାଲଟୁଛି ତାହା ଉପରେ ରହିବ ସମସ୍ତଙ୍କ ନଜର ।
ନୂଆପଡାରେ ନିରପେକ୍ଷ ନିର୍ବାଚନ ନେଇ ସନ୍ଦେହ ପ୍ରକଟ କରି CEOଙ୍କୁ ଅଭିଯୋଗ କଲା ବିଜେଡି
ନୂଆପଡାରେ ନିରପେକ୍ଷ ନିର୍ବାଚନ ନେଇ ସନ୍ଦେହ ପ୍ରକଟ କରିଛି ବିଜେଡି । ସାମ୍ବାଦିକ ସମ୍ମିଳନୀ କରି ଦଳ ଅଭିଯୋଗ କରି କହିଛି, ଗତକାଲି ଗଞ୍ଜାମରୁ ଏକ ଇଭିଏମ ଟ୍ରକ ନୂଆପଡ଼ାରେ ପହଞ୍ଚିଛି । ଏହାକୁ ସିଇଓ କେମିତି ଗ୍ରହଣ କଲେ ବୋଲି ପଚାରିଛି ବିଜେଡି । ନୂଆପଡା ଜିଲ୍ଲାପାଳ, SP ଓ IG ହିମାଂଶୁ ଲାଲ ନିରପେକ୍ଷ ନିର୍ବାଚନ କରାଇ ଦେଉ ନାହାନ୍ତି । IG ସରକାରୀ ପକ୍ଷର ଗୁମାସ୍ତା ପରି କାମ କରୁଛନ୍ତି । ୩୨ଟି ଅତି ସମ୍ବେଦନଶୀଳ ବୁଥର ତଥ୍ୟ ଆଜି ବିଜେଡି CEOଙ୍କୁ ଜଣାଇଛି । ଯେଉଁଠି ଏହି ସବୁ EVM ବ୍ୟବହାର କରାଯିବ । ଏହି ସବୁ ବୁଥ ଗୁଡିକରେ ଗୁଣ୍ଡାଗିରି କରିବାକୁ ବିଜେପି ଟାର୍ଗେଟ କରୁଛି । ଟଙ୍କା ବଣ୍ଟା ଯାଉଛି, ଛତିଶଗଡ ଲୋକ ପୋଲିସ ଡ୍ରେସରେ ଆସୁଛନ୍ତି । ଏପରି ସ୍ଥିତିରେ କେମିତି ନିରପେକ୍ଷ ନିର୍ବାଚନ ନେଇ ବିଶ୍ୱାସ ଆସିବ ବୋଲି ପ୍ରଶ୍ନ କରିଛି ବିଜେଡି ।
ତେବେ ଏବର CEOଙ୍କ ଉପରେ ବିଶ୍ୱାସ ଅଛି ବୋଲି ତାଙ୍କୁ ଏସବୁ ଅଭିଯୋଗ ଜଣାଇଛୁ । ସିଇଓ କହୁଛନ୍ତି ଭୋଟ ଟ୍ୟାମ୍ପରିଂ ହୋଇପାରିବ ନାହିଁ । ତାହା ହେଲେ ଏତେ ଭୋଟ ଚୋରି ଅଭିଯୋଗ କେଉଁଠୁ ଆସୁଛୁ ? ଯଦି ନିରପେକ୍ଷ ନିର୍ବାଚନ ନ ହୁଏ ତେବେ ବିଜେଡି ରାଜରାସ୍ତାକୁ ଓଲ୍ହାଇବ ବୋଲି ଚେତାବନୀ ଦେଇଛନ୍ତି ବିଜେଡି ମିଡିଆ ସଂଯୋଜକ ଲେନିନ ମହାନ୍ତି । ସେହିପରି ବିଜେଡି ସାଂସଦ ସୁଲତା ଦେଓ କହିଛନ୍ତି, ଆଚରଣ ବିଧି କଣ କେବଳ ବିରୋଧୀ ଦଳ ପାଇଁ ? ପ୍ରୀତି ଘଡ଼ାଇ ରହୁଥିବା ଘରେ ବିନା ୱାରେଣ୍ଟରେ ରେଡ କଲେ । ଜୁନେଦ, ମନୋଜ ମିଶ୍ରଙ୍କ ଘରେ ରେଡ କଲେ । କିଛି ମିଳିଲାନି । ଦେଢ଼ ବର୍ଷ ହେଲା କାମ କରି ନାହାନ୍ତି ସରକାର । କାହାକୁ ମୁହଁ ଦେଖାଇ ପାରୁ ନାହାନ୍ତି । ବିଜେପି ବିଧାୟକ ନିହାର ମହାନନ୍ଦ ନିର୍ବାଚନ ସାଇଲେନ୍ସ ପିରିଅଡରେ କେମିତି ନୂଆପଡାରେ ବୁଲୁଛନ୍ତି ? ଜିଲ୍ଲାପାଳ ଫୋନ ଉଠାଉ ନାହାନ୍ତି । ତେଣୁ CEO କେଉଁଠି ଏହି EVM ଅଛି ବୋଲି ଦେଖନ୍ତୁ ବୋଲି କହିଛନ୍ତି ସୁଲତା । ବିଜେପି ବିଧାୟକ ନିହାର ମହାନନ୍ଦ ବିଜେଡି ପ୍ରାର୍ଥୀ ସ୍ନେହାଙ୍ଗିନୀ ଛୁରିଆଙ୍କ ଚରିତ୍ର ସଂହାର କରି ପାରିବେନି । ବିଜେଡି ବହୁ ମାତ୍ରାରେ ନୂଆପଡା ଜିତିବ ବୋଲି କହିଛନ୍ତି ବିଜେଡି ନେତ୍ରୀ ମିନତୀ ବେହେରା ।
ନୂଆପଡ଼ାରେ ଥିବାବେଳେ ବିଜେପି ଏକ ପଂଚାୟତରେ ଟଙ୍କା ବାଣ୍ଟୁ ଥିଲେ । ବିଜେଡିର ଦୁଇ ନେତା ଏମାନଂକୁ ଧରି ପୋଲିସକୁ ଦେଲେ । ହେଲେ ଟଙ୍କା ବାଣ୍ଟୁଥିବା ନେତାଙ୍କୁ ଛାଡି ତାଙ୍କୁ ଧରିଥିବା ବିଜେଡି ନେତାଙ୍କୁ ଅଟକ ରଖିଲେ । ହାରିବା ଭୟରେ ଆଗ ବିକ୍ରମ ପଣ୍ଡାଙ୍କୁ ଗିରଫ କଲେ । ତା ପରେ ନବୀନ ପଟ୍ଟନାୟକଙ୍କୁ ନେଇ ମିଛ କହିବାକୁ ଚେଷ୍ଟା କଲେ । ବେଇମାନ ଜୟ ଢୋଲକିଆ ଆଖିରେ ମେନ୍ଥୋ ପ୍ଲସ ଲଗାଇ କନ୍ଦାଇଲେ । ଯାହାକୁ ଲୋକେ କୁମ୍ଭୀର କାନ୍ଦଣା ବୋଲି କହିଲେ । ବିଜେପି ରାଜେନ୍ଦ୍ର ଢୋଲକିଆଙ୍କ ପତ୍ନୀଙ୍କୁ ମିଛ କହିବାରେ ବ୍ୟବହାର କଲେ । ବିଜେପି ହାରିବା ଜାଣିଲେଣି । ଅନ୍ଧ ଭକ୍ତ କି ବିଜେପିକୁ ନୀତି ନିୟମ ଦେଖା ଯାଉନି । ନିର୍ବାଚନ କମିସନଙ୍କୁ ଏହା ଦେଖା ଯାଉନି । ଆଜି ଥାନା ଆଗରେ ସ୍ନେହାଙ୍ଗିନୀ ଛୁରିଆ ଓ ବିଜେଡି ନେତା ଧାରଣା ଦେଇଛନ୍ତି ।
ନୂଆପଡ଼ାରେ ହେଉ ମୁକ୍ତ ଓ ଅବାଧ ନିର୍ବାଚନ: ବିଜେଡି ସୁପ୍ରିମୋ ନବୀନ ପଟ୍ଟନାୟକଙ୍କ ଅପିଲ
ନୂଆପଡ଼ାରେ ହେଉ ମୁକ୍ତ ଓ ଅବାଧ ନିର୍ବାଚନ। ବିଜେଡି ସୁପ୍ରିମୋ ନବୀନ ପଟ୍ଟନାୟକ ଏନେଇ ଅପିଲ କରିଛନ୍ତି। ଜିଲ୍ଲା ପ୍ରଶାସନ ଓ ପୋଲିସ ନିରପେକ୍ଷ ଭାବେ ନିର୍ବାଚନ ପରିଚାଳନା କରନ୍ତୁ। ଏହାସହ ସାଇଲେଣ୍ଟ ପିରିୟଡ଼ରେ ବିଭ୍ରାଟକୁ ନେଇ ମଧ୍ୟ ଉଦବେଗ ପ୍ରକାଶ କରିଛନ୍ତି ନବୀନ। ଜିଲ୍ଲା ବାହାରର ନେତାଙ୍କୁ ତଡ଼ିବା ପାଇଁ ପଦକ୍ଷେପ ନେବାକୁ ଅପିଲ କରିଛନ୍ତି। ନବୀନ କହିଛନ୍ତି, ନିର୍ବାଚନକୁ ପରିଚାଳନା କରିବା ହେଉଛି ଗଣତନ୍ତ୍ର ହଲମାର୍କ। କିନ୍ତୁ ନୂଆପଡ଼ା ଉପନିର୍ବାଚନର ନିରବ ଅବଧିରେ ଏହାର ବ୍ୟତିକ୍ରମ ହେବା ଅତ୍ୟନ୍ତ ଦୁଃଖଦାୟକ ଓ ଆଇନ ବିରୁଦ୍ଧ। ନିର୍ବାଚନ କମିଶନଙ୍କ ଗାଇଡଲାଇନ ଅନୁସାରେ, ସାଇଲେଣ୍ଟ ପିରିୟଡରେ ଜିଲ୍ଲା ବାହାରର କୌଣସି ରାଜନେତା ଓ ପ୍ରଚାରକ ରହିପାରିବେ ନାହିଁ। କିନ୍ତୁ ବିଶ୍ବସ୍ତ ସୂତ୍ରରୁ ମିଳିଥିବା ଖବର ଅନୁଯାୟୀ ଏହି ନିୟମର ଖୋଲାଖୋଲି ଉଲ୍ଲଂଘନ ହେଉଛି। ବିଜେପିର କିଛି ଜିଲ୍ଲା ବାହାରର ନେତା ଏବେ ବି ନୂଆପଡ଼ାରେ ଅବାଧରେ ବୁଲିବା ସହ ଭୋଟରକୁ ଅନୈତିକ ଭାବେ ପ୍ରଭାବିତ କରିବାକୁ ଚେଷ୍ଟା କରୁଛନ୍ତି। ଯାହା ଅତ୍ୟନ୍ତ ଚିନ୍ତାଜନକ। ଯେତେବେଳେ ସ୍ଥାନୀୟ ବିଜେଡି ନେତା ଏନେଇ ଅଭିଯୋଗ କରୁଛନ୍ତି, ତାଙ୍କୁ ପୋଲିସ ଅଟକ ରଖୁଛି।
ଏହା ସୂଚାଇ ଦେଉଛି ଯେ, ଜିଲ୍ଲା ପ୍ରଶାସନ ଓ ସ୍ଥାନୀୟ ପୋଲିସ ଶାସକ ଦଳର ହାତବାରିସି ସାଜି ନିର୍ବାଚନର ନିରପେକ୍ଷତାକୁ ଭଣ୍ଡୁର କରିବାକୁ ଉଦ୍ୟମ କରୁଛନ୍ତି। ଏହା ଗଣତନ୍ତ୍ରର ମୂଳଦୂଆକୁ ପ୍ରଭାବିତ କରିବା ସହ ଲୋକଙ୍କ ବିଶ୍ବାସକୁ ନଷ୍ଟ କରୁଛନ୍ତି। ଏଭଳି କାର୍ଯ୍ୟ ଯଦି ଅବୈଧ ଭାବେ ଜାରି ରହେ, ତେବେ ନୂଆପଡ଼ା ଉପନିର୍ବାଚନର ବିଶ୍ବସନୀୟତା ଉପରେ ବଡ଼ ପ୍ରଶ୍ନବାଚୀ ସୃଷ୍ଟି କରିବ। ତେଣୁ ନିର୍ବାଚନ କମିଶନ ତୁରନ୍ତ ଏଦିଗରେ ପଦକ୍ଷେପ ନେବାକୁ ଅପିଲ କରିଛନ୍ତି ବିଜେଡି ସଭାପତି ନବୀନ ପଟ୍ଟନାୟକ। ସାଇଲେଣ୍ଟ ପରିୟଡ଼କୁ କଡ଼ାକଡ଼ି ପାଳନ କରାଯାଉ। ନିର୍ବାଚନ କମିଶନ ଜିଲ୍ଲା ବାହାରର ରାଜନେତାଙ୍କ ତୁରନ୍ତ ବାହାର କରାଯାଉ। ଏହାସହ ଜିଲ୍ଲା ପ୍ରଶାସନ ଓ ପୋଲିସ ମିଳିତ ଭାବେ ପଦକ୍ଷେପ ନେଇ ନିରପେକ୍ଷତାର ସହିତ ନିର୍ବାଚନର ପ୍ରକ୍ରିୟାକୁ ପବିତ୍ରତାର ସହିତ ପାଳନ କରିବାକୁ ଦାବି କରିଛନ୍ତି ନବୀନ। ଭାରତୀୟଭାବେ ଗଣତନ୍ତ୍ରର ଏହି ମହାନ ପର୍ବକୁ ପାଳନ କରିବା ପାଇଁ ଯୁଗ ଯୁଗ ଧରି ପୂର୍ବ ପୂରୁଷଙ୍କ ତ୍ୟାଗ ଓ ବଳିଦାନ ଫଳ ସ୍ବରୂପ ପାଇଛନ୍ତି। ପ୍ରତ୍ୟେକ ସାମ୍ବିଧାନିକ ସଂସ୍ଥା ବିଶେଷ କରି ନିର୍ବାଚନ କମିଶନ ମୁକ୍ତ ଓ ଅବାଧ ନିରପେକ୍ଷ ନିର୍ବାଚନ ପରିଚାଳନା ପାଇଁ ପ୍ରତିଶୃତି ହେବା ଦରକାର।
ଅଳିଆ ବିକ୍ରି କରି ଭାରତ ସରକାର ମାଲାମାଲ: କିଣି ହେବ ୭ଟି ବନ୍ଦେ ଭାରତ ଟ୍ରେନ୍
ଅଳିଆ ବିକ୍ରି କରି ଭାରତ ସରକାର ମାଲାମାଲ: କିଣି ହେବ ୭ଟି ବନ୍ଦେ ଭାରତ ଟ୍ରେନ୍
ନନ୍ଦିଘୋଷ ବ୍ୟୁରୋ: ସରକାରୀ ଅଫିସରେ ଥିବା ପୁରୁଣା ଅଦରକାରୀ ଜିନିଷ ବଡ଼ ସମସ୍ୟା ସୃଷ୍ଟି କରିଥାନ୍ତି । ଏଗୁଡିକ ଅଫିର ବହୁ ସ୍ଥାନ ମାଡି ବସୁଥିବା ବେଳେ କାମକାର୍ଯ୍ୟରେ ବି ସମସ୍ୟା ଦେଖା ଦେଇଥାଏ । ହେଲେ ଏବେ ଭାରତ ସରକାର ଏହି ଅଳିଆକୁ ସଫା କରିବା ସହ ବିକ୍ରି ମଧ୍ୟ କରୁଛନ୍ତି । ଆଉ ଯାହା ରୋଜଗାର ହେଉଛି ଜାଣିଲେ ଆପଣଙ୍କ ହୋସ୍ ଉଡିଯିବ । କାରଣ ସଦ୍ୟ ମିଳିଥିବା ତଥ୍ୟ ଅନୁସାରେ ଭାରତ ସରକାର ଯେତେ ଟଙ୍କାର ଅଳିଆ ବିକ୍ରି କରିଛନ୍ତି ସେଥିରେ ୭ଟି ବନ୍ଦେ ଭାରତ ଟ୍ରେନ୍ କିଣି ହେବ ।
ଆଶ୍ଚର୍ଯ୍ୟ ଲାଗୁଥିଲେ ବି କଥାଟା ସତ । ସରକାରୀ ଅଫିସରେ ଅକ୍ଟୋବରରେ ଚାଲିଥିବା ଏକ ମାସର ସ୍ବଚ୍ଛତା ଅଭିଯାନରୁ ସରକାର ଅଦରକାରୀ ଦ୍ରବ୍ୟ ବିକ୍ରି କରି ୮୦୦ କୋଟି ଟଙ୍କା ରୋଜଗାର କରିଛନ୍ତି । ଏହି ଟଙ୍କାରେ ୭ଟି ବନ୍ଦେ ଭାରତ ଟ୍ରେନ କିଣାଯାଇ ପାରିବ ବୋଲି କୁହାଯାଉଛି । ଏହି ଅଭିଯାନରେ ପ୍ରାୟ ୨୩୩ ଲକ୍ଷ ବର୍ଗ ଫୁଟ ସ୍ଥାନ ଖଶଲି କରାଯାଇଛି । ବଡ଼ କଥା ହେଲା ଗତ ୫ ବର୍ଷରେ ଏମିତି ଅଭିଯାନରେ ସରକାର ଅଳିଆ ବିକ୍ରି କରି ୪୧୦୦ କୋଟି ଟଙ୍କା ରୋଜଗାର କରିଛନ୍ତି । ଯାହା ଏକ ବଡ଼ ସ୍ପେଶ ମିଶନ କିମ୍ବା ଏକାଧିକ ଚନ୍ଦ୍ରାୟାନ ମିଶନର ବଜେଟ ସହ ସମାନ ।
ଅଳିଆ ବିକ୍ରି ଉପରେ ଗୁରୁତ୍ବ
କେନ୍ଦ୍ରୀୟ କାର୍ମିକ ମନ୍ତ୍ରୀ ଜିତେନ୍ଦ୍ର ସିଂ କହିଛନ୍ତି, ଏହି ସଫେଇ ଅଭିଯାନ ସମୟରେ ସରକାରୀ ସଂସ୍ଥା ଓ ଏହାର ସହକାରୀ କମ୍ପାନୀରେ ୯୨୩ ଲକ୍ଷ ବର୍ଗ ଫୁଟ ସ୍ଥାନ ଖାଲି କରାଯାଇଛି । ସୋସିଆଲ ମିଡିଆ ଏକ୍ସରେ ପୋଷ୍ଟ କରି ମନ୍ତ୍ରୀ ଲେଖିଛନ୍ତି, ଗତ ୫ ବର୍ଷରେ ବିଶେଷ ଅଭିଯାନରେ ଖାଲି ହୋଇଥିବା ସ୍ଥାନରେ ଏକ ବଡ଼ ମଲ କିମ୍ବା ଏକାଧିକ ବଡ଼ ପ୍ରୋଜେକ୍ଟ ଆରମ୍ଭ କରାଯାଇ ପାରିବ ।
ସୂଚନାଯୋଗ୍ୟ, କେନ୍ଦ୍ର ସରକାର ୨୦୨୧ରେ ସ୍ଥିର କରିଥିଲେ ପ୍ରତିବର୍ଷ ଦୁଇ ଅକ୍ଟୋବରରୁ ୩୧ ଅକ୍ଟୋବର ପର୍ଯ୍ୟନ୍ତ ସରକାରୀ ସଂସ୍ଥାରେ ଏହି ବିଶେଷ ସଫେଇ ଅଭିଯାନ ଚାଲିବ ।
ଟ୍ରକରେ ଯେଉଁ EVM ଆସିଛି ତାକୁ କେମିତି ଗ୍ରହଣ କରିଛି ପ୍ରଶାସନ ? ଜିଲ୍ଲାପାଳ CEOଙ୍କୁ ଏ ବିଷୟରେ ଜଣାଇଛନ୍ତି କି ?
ନନ୍ଦିଘୋଷ ବ୍ୟୁରୋ : ନୂଆପଡାରେ ନିରପେକ୍ଷ ନିର୍ବାଚନ ନେଇ ସନ୍ଦେହ ପ୍ରକଟ କରିଛି ବିଜେଡି । ସାମ୍ବାଦିକ ସମ୍ମିଳନୀ କରି ଦଳ ଅଭିଯୋଗ କରି କହିଛି, ଗତକାଲି ଗଞ୍ଜାମରୁ ଏକ ଇଭିଏମ ଟ୍ରକ ନୂଆପଡ଼ାରେ ପହଞ୍ଚିଛି । ଏହାକୁ ସିଇଓ କେମିତି ଗ୍ରହଣ କଲେ ବୋଲି ପଚାରିଛି ବିଜେଡି । ନୂଆପଡା ଜିଲ୍ଲାପାଳ, SP ଓ IG ହିମାଂଶୁ ଲାଲ ନିରପେକ୍ଷ ନିର୍ବାଚନ କରାଇ ଦେଉ ନାହାନ୍ତି । IG ସରକାରୀ ପକ୍ଷର ଗୁମାସ୍ତା ପରି କାମ କରୁଛନ୍ତି । ୩୨ଟି ଅତି ସମ୍ବେଦନଶୀଳ ବୁଥର ତଥ୍ୟ ଆଜି ବିଜେଡି CEOଙ୍କୁ ଜଣାଇଛି । ଯେଉଁଠି ଏହି ସବୁ EVM ବ୍ୟବହାର କରାଯିବ । ଏହି ସବୁ ବୁଥ ଗୁଡିକରେ ଗୁଣ୍ଡାଗିରି କରିବାକୁ ବିଜେପି ଟାର୍ଗେଟ କରୁଛି । ଟଙ୍କା ବଣ୍ଟା ଯାଉଛି, ଛତିଶଗଡ ଲୋକ ପୋଲିସ ଡ୍ରେସରେ ଆସୁଛନ୍ତି । ଏପରି ସ୍ଥିତିରେ କେମିତି ନିରପେକ୍ଷ ନିର୍ବାଚନ ନେଇ ବିଶ୍ୱାସ ଆସିବ ବୋଲି ପ୍ରଶ୍ନ କରିଛି ବିଜେଡି । ତେବେ ଏବର CEOଙ୍କ ଉପରେ ବିଶ୍ୱାସ ଅଛି ବୋଲି ତାଙ୍କୁ ଏସବୁ ଅଭିଯୋଗ ଜଣାଇଛୁ । ସିଇଓ କହୁଛନ୍ତି ଭୋଟ ଟ୍ଯାମ୍ପରିଂ ହୋଇପାରିବ ନାହିଁ । ତାହା ହେଲେ ଏତେ ଭୋଟ ଚୋରି ଅଭିଯୋଗ କେଉଁଠୁ ଆସୁଛୁ ? ଯଦି ନିରପେକ୍ଷ ନିର୍ବାଚନ ନ ହୁଏ ତେବେ ବିଜେଡି ରାଜରାସ୍ତାକୁ ଓଲ୍ହାଇବ ବୋଲି ଚେତାବନୀ ଦେଇଛନ୍ତି ବିଜେଡି ମିଡିଆ ସଂଯୋଜକ ଲେନିନ ମହାନ୍ତି । ସେହିପରି ବିଜେଡି ସାଂସଦ ସୁଲତା ଦେଓ କହିଛନ୍ତି, ଆଚରଣ ବିଧି କଣ କେବଳ ବିରୋଧୀ ଦଳ ପାଇଁ ? ପ୍ରୀତି ଘଡ଼ାଇ ରହୁଥିବା ଘରେ ବିନା ୱାରେଣ୍ଟରେ ରେଡ କଲେ । ଜୁନେଦ, ମନୋଜ ମିଶ୍ରଙ୍କ ଘରେ ରେଡ କଲେ । କିଛି ମିଳିଲାନି । ଦେଢ଼ ବର୍ଷ ହେଲା କାମ କରି ନାହାନ୍ତି ସରକାର । କାହାକୁ ମୁହଁ ଦେଖାଇ ପାରୁ ନାହାନ୍ତି । ବିଜେପି ବିଧାୟକ ନିହାର ମହାନନ୍ଦ ନିର୍ବାଚନ ସାଇଲେନ୍ସ ପିରିଅଡରେ କେମିତି ନୂଆପଡାରେ ବୁଲୁଛନ୍ତି ? ଜିଲ୍ଲାପାଳ ଫୋନ ଉଠାଉ ନାହାନ୍ତି । ତେଣୁ CEO କେଉଁଠି ଏହି EVM ଅଛି ବୋଲି ଦେଖନ୍ତୁ ବୋଲି କହିଛନ୍ତି ସୁଲତା । ବିଜେପି ବିଧାୟକ ନିହାର ମହାନନ୍ଦ ବିଜେଡି ପ୍ରାର୍ଥୀ ସ୍ନେହାଙ୍ଗିନୀ ଛୁରିଆଙ୍କ ଚରିତ୍ର ସଂହାର କରି ପାରିବେନି । ବିଜେଡି ବହୁ ମାତ୍ରାରେ ନୂଆପଡା ଜିତିବ ବୋଲି କହିଛନ୍ତି ବିଜେଡି ନେତ୍ରୀ ମିନତୀ ବେହେରା । ନୂଆପଡ଼ାରେ ଥିବାବେଳେ ବିଜେପି ଏକ ପଂଚାୟତରେ ଟଙ୍କା ବାଣ୍ଟୁ ଥିଲେ । ବିଜେଡିର ଦୁଇ ନେତା ଏମାନଂକୁ ଧରି ପୋଲିସକୁ ଦେଲେ । ହେଲେ ଟଙ୍କା ବାଣ୍ଟୁଥିବା ନେତାଙ୍କୁ ଛାଡି ତାଙ୍କୁ ଧରିଥିବା ବିଜେଡି ନେତାଙ୍କୁ ଅଟକ ରଖିଲେ । ହାରିବା ଭୟରେ ଆଗ ବିକ୍ରମ ପଣ୍ଡାଙ୍କୁ ଗିରଫ କଲେ । ତା ପରେ ନବୀନ ପଟ୍ଟନାୟକଙ୍କୁ ନେଇ ମିଛ କହିବାକୁ ଚେଷ୍ଟା କଲେ । ବେଇମାନ ଜୟ ଢୋଲକିଆ ଆଖିରେ ମେନ୍ଥୋ ପ୍ଲସ ଲଗାଇ କନ୍ଦାଇଲେ । ଯାହାକୁ ଲୋକେ କୁମ୍ଭୀର କାନ୍ଦଣା ବୋଲି କହିଲେ । ବିଜେପି ରାଜେନ୍ଦ୍ର ଢୋଲକିଆଙ୍କ ପତ୍ନୀଙ୍କୁ ମିଛ କହିବାରେ ବ୍ୟବହାର କଲେ । ବିଜେପି ହାରିବା ଜାଣିଲେଣି । ଅନ୍ଧ ଭକ୍ତ କି ବିଜେପିକୁ ନୀତି ନିୟମ ଦେଖା ଯାଉନି । ନିର୍ବାଚନ କମିସନଙ୍କୁ ଏହା ଦେଖା ଯାଉନି । ଆଜି ଥାନା ଆଗରେ ସ୍ନେହାଙ୍ଗିନୀ ଛୁରିଆ ଓ ବିଜେଡି ନେତା ଧାରଣା ଦେଇଛନ୍ତି ।
ଶିଶୁ କନ୍ୟା ବୋଲି ହେଲା ଅଲୋଡ଼ା ; ଆଉ ଅଜବ ଢଙ୍ଗରେ ତାକୁ ଜଙ୍ଗଲରେ ଛାଡି ଦେଲେ ବାପା ମାଆ
ନନ୍ଦିଘୋଷ ବ୍ୟୁରୋ : ଶିଶୁ କନ୍ୟା ବୋଲି ହେଲା ଅଲୋଡ଼ା । ଆଉ ଅଜବ ଢଙ୍ଗରେ ତାକୁ ଜଙ୍ଗଲରେ ଛାଡି ଦେଲେ ବାପାମାଆ । ସଫାସୁତରା କଲେ, ନୂଆ ପୋଷାକ ପିନ୍ଧାଇଲେ ଖୁବ ଯତ୍ନ ସହକାରେ ଜଙ୍ଗଲରେ ଛାଡିଦେଇ ଫେରାର ମାରିଲେ ନିଷ୍ଠୁର ବାପାମାଆ । ଏମିତି ଏକ ଘଟଣା ଘଟିଛି ଝାରସୁଗୁଡ଼ା କାଦୋବାହାଲ ଜଙ୍ଗଲରେ । ଶିଶୁଟି କଇଁ କଇଁ ହୋଇ କାନ୍ଦୁଥିବା ବେଳେ ଶିଶୁର କାନ୍ଦ ଶୁଣି ସେହି ସମୟରେ ରାସ୍ତା ଦେଇ ଯାଉଥିବା ଜଣେ ବ୍ୟକ୍ତିଙ୍କର ଦୃଷ୍ଟି ପଡ଼ିଥିଲା । ସେ ଶିଶୁଟିକୁ ଉଦ୍ଧାର କରି ପୋଲିସକୁ ସୂଚନା ଦେଇଥିଲେ। ତେବେ ପୋଲିସ ଏବଂ ସ୍ଥାନୀୟ ବ୍ୟକ୍ତିମାନେ ଶିଶୁ କନ୍ୟାକୁ ଜିଲ୍ଲା ମୁଖ୍ୟ ଚିକତ୍ସାଳୟରେ ଭର୍ତ୍ତି କରି ଚିକିତ୍ସା କରୁଛନ୍ତି । ଶିଶୁର ପରିଚୟ ମିଳି ପାରିନାହିଁ । ଶିଶୁ କନ୍ୟା ହେଲା ବୋଲି ଶିଶୁଟି ଅଲୋଡ଼ା ହୋଇଗଲା ଏବଂ ଜଙ୍ଗଲରେ ମା ଛାଡ଼ି ଦେଇଥିବା ଆଲୋଚନା ହେଉଛି । ଏବେ ଶିଶୁ କନ୍ୟାକୁ CWC ହେପାଜତରେ ନେବ ବୋଲି ସୂଚନା ମିଳିଛି।
ହେଲିକପ୍ଟରରେ ବିହାର ପ୍ରଚାର, ଘଣ୍ଟାକୁ ଭଡ଼ା ୯ ଲକ୍ଷ; ଜାଣନ୍ତୁ କିଏ କେତେ ଉଡ଼ାଇଲେ
ହେଲିକପ୍ଟରରେ ବିହାର ପ୍ରଚାର, ଘଣ୍ଟାକୁ ଭଡ଼ା ୯ ଲକ୍ଷ; ଜାଣନ୍ତୁ କିଏ କେତେ ଉଡ଼ାଇଲେ
ନନ୍ଦିଘୋଷ ବ୍ୟୁରୋ: ବିହାର ବିଧାନସଭା ମତଦାନ ପାଇଁ ଗତକାଲି ପ୍ରଚାର ଶେଷ ହୋଇଛି । ଦ୍ବିତୀୟ ପର୍ଯ୍ୟାୟରେ ୧୧୨ ଆସନରେ ଆସନ୍ତାକାଲି ଅର୍ଥାତ ୧୧ ନଭେମ୍ବରରେ ଭୋଟ ପଡ଼ିବ । ବିହାରରେ ଚଳିତ ନିର୍ବାଚନରେ ହେବିଓ୍ବେଟଙ୍କ ଦମଦାର ପ୍ରଚାର ଦେଖିବାକୁ ମିଳିଥିଲା । ସବୁ ରାଜନୈତିକ ଦଳ ନିଜ ନେତାଙ୍କ ଜରିଆରେ ଭୋଟରଙ୍କୁ ନିଜ ସପକ୍ଷରେ ନେବାକୁ କୌଣସି ସୁଯୋଗ ଛାଡି ନଥିଲେ । ଆଉ ପ୍ରଚାର ପାଇଁ କେବଳ ସଡ଼କ ପଥରେ ନୁହେଁ, ଆକାଶ ପଥରେ ବି ଭରପୂର ବ୍ୟବହାର କରାଯାଇଥିଲା । ଶୀଘ୍ର ଶୀଘ୍ର ପ୍ରଚାର କରିବା ଉଦ୍ଦେଶ୍ୟରେ ରାଜନୈତିକ ଦଳମାନେ ହେଲିକପ୍ଟର ପାଇଁ କୋଟି କୋଟି ଟଙ୍କା ଉଡାଇ ଦେଲେ ।
ତଥ୍ୟ ଅନୁସାରେ ନିର୍ବାଚନ ପ୍ରଚାର ପାଇଁ ପାଟନା ଏୟାରପୋର୍ଟରୁ ପ୍ରତିଦିନ ୨୫ ଡେଲିକପ୍ଟର, ୧୨ ଚାର୍ଟାର୍ଡ ପ୍ଲେନ ନେତାଙ୍କୁ ନେବା ଆଣିବାରେ ଲାଗିଥିଲେ । ତେବେ ପ୍ରଶ୍ନ ଉଠୁଛି, ପ୍ରଚାର ପାଇଁ ଆକାଶ ପଥ ବ୍ୟବହାର କରିବା କିଛି ନୂଆ କଥା ନୁହେଁ । ଏବେ କାହିଁକି ଚର୍ଚ୍ଚା ହେଉଛି । କାରଣ ହେଲା, ଗତ ସପ୍ତାହ ହେବ ବିହାରରେ ପ୍ରଚାର ପାଇଁ ହେଲିକପ୍ଟର ବ୍ୟବହାରରେ ଯେଉଁ ସ୍ପିଡ ଦେଖିବାକୁ ମିଳିଲା ତାହା ଆଗରୁ କେବେ ହୋଇ ନଥିଲା ।
ରିପୋର୍ଟ ଅନୁସାରେ,ନିର୍ବାଚନ ପ୍ରଚାରର ଶେଷ ସପ୍ତାହରେ ଆକାଶ ପଥରେ ପ୍ରଚାର ପରିମାଣ ବହୁଳ ବଢ଼ି ଯାଇଥିଲା । ପ୍ରଥମ ପର୍ଯ୍ୟାୟରେ ୧୨୧ ଆସନରେ ମତଦାନ ହୋଇଥିଲା । ଅକ୍ଟୋବର ୨୫ରୁ ନଭେମ୍ବର ୪ ତାରିଖ ମଧ୍ୟରେ ୨୧୦ ଥର ଆକାଶ ପଥର ବ୍ୟବହାର କରାଯାଇଥିଲା । ଦେଖିବାକୁ ଗଲେ ପ୍ରତିଦିନ ୧୫ରୁ ୧୮ ହେଲିକପ୍ଟର ନେତାଙ୍କୁ ପାଟନାରୁ ପ୍ରଚାର ସ୍ଥଳ ପର୍ଯ୍ୟନ୍ତ ନେଇଥିଲେ ।
ସେହିପରି ଦ୍ବିତୀୟ ପର୍ଯ୍ୟାୟରେ ୧୨୨ ଆସନ ପାଇଁ ଆସନ୍ତାକାଲି ଭୋଟ ହେବ । ତେବେ ୧ରୁ ୯ ନଭେମ୍ବର ମଧ୍ୟରେ ପ୍ରଚାର ପାଇଁ ୨୪୦ ଥର ହେଲିକପ୍ଟରରେ ପ୍ରଚାର କରାଯାଇଛି । ପ୍ରଚାରର ଶେଷ ତିନି ଦିନରେ ଏହାର ବହୁଳ ବ୍ୟବହାର ଦେଖିବାକୁ ମିଳିଥିଲା । ଓ ପ୍ରତିଦିନ ହାରାହାରି ୨୦ରୁ ୨୩ ଥର ହେଲିକପ୍ଟର ଆକାଶରେ ଉଠିଥିଲା । ସେହିପରି ପ୍ରଚାରର ଶେଷ ଦିନ ବିଭିନ୍ନ ଦଳର ନେତା ୨୬ ଥର ହେଲିକପ୍ଟର ବ୍ୟବହାର କରିଥିଲେ ।
ଶେଷ ଦିନରେ ତେଜସ୍ବୀଙ୍କ ୧୬ ଜନସଭା
ରାଷ୍ଟ୍ରୀୟ ଜନତା ଦଳ ଆରଜେଡି ନେତା ତଥା ମହାସଙ୍ଗଠନ ତରଫରୁ ମୁଖ୍ୟମନ୍ତ୍ରୀ ପଦ ଦାବିଦାର ତେଜସ୍ବୀ ଯାଦବ ପ୍ରଚାରର ଶେଷ ଦିନରେ ୧୬ ଜନସଭାକୁ ସମ୍ବୋଧନ କରିଥିଲେ । ଓରବଲ, ରୋହତାସ ଓ ଜହାନାବାଦରେ ପ୍ରଚାର ପାଇଁ ଯେ ଆକାଶ ମାର୍ଗର ବ୍ୟବହରା କରିଥିଲେ ।
କେବଳ ବିପକ୍ଷ ଦୁହଁନ୍ତି, ସପକ୍ଷବାଦୀ ଦଳର ନେତାମାନେ ମଧ୍ୟ ଜନସଭାରେ ପହଞ୍ଚିବାକୁ ସମ୍ବୋଧିତ କରିଥିଲେ । ପ୍ରଚାରର ଶେଷ ଦିନରେ କେନ୍ଦ୍ର ଗୃହମନ୍ତ୍ରୀ ଅମିତ ଶାହ ଅରବଏ ଏବଂ ସାସାରାମରେ, ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ଔରଙ୍ଗାବାଦ ଓ ସାସାରାମରେ ଜନସଭାକୁ ସମ୍ବୋଧିତ କରିଥିଲେ । ବିଜେପିର ଅନ୍ୟ ତୁଙ୍ଗ ନେତାଙ୍କ ମଧ୍ୟରେ ଉତ୍ତର ପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ସୁପୋଲରେ ପ୍ରଚାର କରିଥିଲେ । ସେହିପରି କେନ୍ଦ୍ରମନ୍ତ୍ରୀ ଜୀତନ ରାମ ମାଝୀ ନଓ୍ବାଦା, ଗୟା, ଓରଙ୍ଗାବାଦ ଓ ଶିବହରାରେ ପ୍ରଚାର କରିଥିଲେ ।
ଶେଷ ଦିନିରେ କିଏ କିଏ ଉଡ଼ିଲେ ହେଲିକପ୍ଟରରେ ?
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ମୁଖ୍ୟମନ୍ତ୍ରୀ ନୀତୀଶ କୁମାର, କଂଗ୍ରେସ ନେତା ରାହୁଲ ଗାନ୍ଧି, ଲୋକ ଜନଶକ୍ତି ପାର୍ଟି (ରାମବିଲାସ) ନେତା ଚିରାଗ ପାସଓ୍ବାନ, ଉପମୁଖ୍ୟମନ୍ତ୍ରୀ ସମ୍ରାଟ ଚୌଧୁରୀ ମଧ୍ୟ ହେଲିକପ୍ଟରରେ ଉଠି ପ୍ରଚାର କରିଥିଲେ । ଏମାନଙ୍କ ବ୍ୟତୀତ ବିଜୟ କୁମାର ସିହ୍ନା, ଜେଜେପି ପାର୍ଟି ନେତା ତେଜ ପ୍ରତାପ ଯାଦବ ଏବଂ କଂଗ୍ରେସ ନେତ୍ରୀ ପ୍ରୀୟଙ୍କା ଗାନ୍ଧି ଜନସଭାକୁ ସମ୍ବୋଧିତ କରିଥିଲେ ।
ହେଲିକପ୍ଟର ଭଡ଼ା
ପ୍ରଚାର ପାଇଁ ବ୍ୟବହାର ହୋଇଥିବା ୨୫ ହେଲିକପ୍ଟରରୁ ୧୫ଟି ବିଜେପି, ଜେଡିୟୁ, ଆରଜେଡି ଓ କଂଗ୍ରେସ ଦୁଇଟି ଲେଖାଏଁ, ଏଲଜେପି, ହିନ୍ଦୁସ୍ତାନୀ ଆବାମ ମୋର୍ଚ୍ଚା, ତେଜ ପ୍ରତାପ ଓ ଅନ୍ୟ ଦଳର ନେତା ଥରେ ଲେଖାଏଁ ହେଲିକପ୍ଟର ବ୍ୟବହାର କରିଥିଲେ । ତେବେ ହେଲିକପ୍ଟରରେ ଦିଆଯାଉଥିବା ସୁବିଧା ଅନୁସାରେ ଏହାର ଭଡ଼ା ଲାଗୁ ହେଉଥିଲା । ସୋଫା, ବିଛଣା, ଗାଧୁଆ ଘର, ଖାଇବା ପିଇବା ସୁବିଧା ଆଧାରରେ ଘରୋଇ ଜେଟ ଉପରେ ଭିନ୍ନ ଭିନ୍ନ ଭଡ଼ା ଲାଗୁଥିଲା । ଯାହା ଘଣ୍ଟାକୁ ୪ ଲକ୍ଷରୁ ୯ ଲକ୍ଷ ପର୍ଯ୍ୟନ୍ତ ଥିଲା ।
୪ ଯାତ୍ରୀଙ୍କୁ ନେଇ ଯାଉଥିବା ସିଙ୍ଗିଲ ଇଞ୍ଜିନ ବାଲା ହେଲିକପ୍ଟରର ମୂଲ୍ୟ ଘଣ୍ଟାପ୍ରତି ପ୍ରାୟ ୧.୫ ଲକ୍ଷ ଟଙ୍କା ରହିଥିଲା । ସେହିପରି ଡବଲ ଇଞ୍ଜିନ ମଡେଲର ମୂଲ୍ୟ ୨.୫ ଲକ୍ଷରୁ ୪ ଲକ୍ଷ ଟଙ୍କା ରହିଥିଲା । ଏୟାରପୋର୍ଟ ସୂତ୍ର ଅନୁସାରେ, ନିର୍ବାଚନ ପ୍ରଚାର ପାଇଁ ଆସୁଥିବା ହେବିଓ୍ବେଟ୍ ନେତା ପ୍ରଥମେ ଚାର୍ଟାର୍ଡ ପ୍ଲେନରେ ପାଟନା ଏୟାରପୋର୍ଟକୁ ଆଓୁଥିଲେ । ଏହାପରେ ହେଲିକପ୍ଟରରେ ବିହାରର ବିଭିନ୍ନ ସ୍ଥାନକୁ ପ୍ରଚାର ପାଇଁ ଯାଉଥିଲେ । ଏହି ନେତାଙ୍କୁ ୪ରୁ ୫ ଚାର୍ଟର୍ଡ ବିମାନ ପ୍ରତିଦିନ ନେବା ଆଣିବା କରୁଥିଲେ । ସବୁକୁ ମିଶାଇଲେ ବିମାନ ପ୍ରଚାର ପାଇଁ ଖର୍ଚ୍ଚ କୋଟି କୋଟି ଟଙ୍କା ହେବ ।
ଖାଦ୍ୟରେ ବିଷ ମିଶାଇବାର ଆତଙ୍କବାଦୀ ଷଡ଼ଯନ୍ତ୍ର ! ଖୁଲାସା କଲା ଗୁଜରାଟର ଏଟିଏସ୍
ନନ୍ଦିଘୋଷ ବ୍ୟୁରୋ : ଅହମଦାବାଦରୁ ଗିରଫ ହୋଇଥିବା ୩ ସନ୍ଦିଗ୍ଧ ଆଇଏସ୍ ଆତଙ୍କବାଦୀଙ୍କ ସଂପର୍କରେ ଆସିଛି ଚାଞ୍ଚଲ୍ୟକର ତଥ୍ୟ। ସେମାନଙ୍କ ମଧ୍ୟରୁ ଜଣେ ହେଉଛି ଡାକ୍ତର। ସେ ବଜାରର ଖାଦ୍ୟପଦାର୍ଥରେ ବିଷ ମିଶାଇବାକୁ ଷଡ଼ଯନ୍ତ୍ର କରିଥିଲା ବୋଲି ସୂଚନା ମିଳିଛି। ଏଥିପାଇଁ ସେ ରିସିନ ନାମକ ଏକ ଅତ୍ୟନ୍ତ ବିଷାକ୍ତ ରାସାୟନିକ ପଦାର୍ଥ ପ୍ରସ୍ତୁତ କରୁଥିଲା। ତିନିଟି ସହରରେ ଖାଦ୍ୟ ମାର୍କେଟରେ ସର୍ଭେ କରିଥିଲା। ଗତ ୬ ମାସ ଭିତରେ ସେ ଦିଲ୍ଲୀର ଆଜାଦପୁର ମଣ୍ଡି, ଅହମଦାବାଦର ନରୋଦା ଫଳ ମାର୍କେଟ ଓ ଲକ୍ଷ୍ନୌର ଆରଏସଏସ୍ ଅଫିସ ରେକି କରିଥିଲା। ଏହି ସବୁ ସ୍ଥାନରେ ପ୍ରବଳ ଜନଗହଳି ହୋଇଥାଏ। ଅଭିଯୁକ୍ତର ନାଁ ହେଲା ଅହମଦ ମହିଉଦ୍ଦିନ ସୟିଦ। ଜଡ଼ା ମଞ୍ଜିରୁ ଏହି ରିସିନ ପ୍ରସ୍ତୁତ କରିବାକୁ ସେ ଯୋଜନା କରିଥିଲା। ଅଧିକ ପରିମାଣରେ ଏହା ବ୍ୟବହାର କଲେ ଜଣକ ମୃତ୍ୟୁ ବି ହୋଇପାରେ। ତେବେ ଏପରି ଷଡ଼ଯନ୍ତ୍ର ଆଗରୁ କେହି କରିଥିବାର ସୂଚନା ନାହିଁ ପୋଲିସ କହିଛି। ତାଠୁ ମିଳିଥିବା ସାମଗ୍ରୀକୁ ନେଇ ଏବେ ପୋଲିସ ତଦନ୍ତ କରୁଛି, କେଉଁଠୁ ଏସବୁ ସାମଗ୍ରୀ ସେ ଆଣିଥିଲା ଓ କଣ କଣ ପରୀକ୍ଷା ନିରୀକ୍ଷା କରିଥିଲା। ସେ ଚୀନରୁ ଏମବିବିଏସ୍ କରିଥିଲା। ଆଇଏସ୍ ର ସ୍ଥାନୀୟ ମୁଖ୍ୟ ସହିତ ଯୋଗାଯୋଗରେ ଥିଲା। ସୟିଦ ହାଇଦ୍ରାବାଦର ହୋଇଥିବା ବେଳେ ଗିରଫ ହୋଇଥିବା ବାକି ଦୁଇ ଜଣ ଆଜାଦ ସୁଲିଆନ ଶେଖ୍ ଓ ମହମ୍ମଦ ସୁହେଲ ମହମ୍ମଦ ସଲେଇ ଉତ୍ତର ପ୍ରଦେଶର। ଗତକାଲି ଏହି ତିନି ଜଣଙ୍କୁ ଅହମଦାବାଦରୁ ଗିରଫ କରିଥିଲା। ଏମାନେ ସମସ୍ତେ ସ୍ଲିପର୍ ସେଲ୍ ଭାବେ କାମ କରୁଥିଲେ। ବର୍ଷେ ହେଲା ଏଟିଏସ୍ ର ରାଡାରରେ ଥିଲେ ଏମାନେ। ପକ୍କା ପ୍ରମାଣ ମିଳିବା ପରେ ଗିରଫ କରାଯାଇଛି।