ନୂଆଦିଲ୍ଲୀ: ଟାଇମ୍ ମାଗାଜିନ ରିଡର ପୋଲରେ ଶାହରୁଖ ଖାନ ମୋଷ୍ଟ ଇନଫ୍ଲୁଏନସିଆଲ ପର୍ସନାଲିଟି (ସର୍ବାଧିକ ପ୍ରଭାବଶାଳୀ ବ୍ୟକ୍ତି) ଭାବେ ନର୍ବାଚିତ ହୋଇଛନ୍ତି । ୨୦୨୩ ଟାଇମ ୧୦୦ ପୋଲରେ ପ୍ରଥମ ସ୍ଥାନରେ ରହିଥିବା କିଙ୍ଗ ଖାନଙ୍କୁ ୪ପ୍ରତିଶତ ଭୋଟ ମିଳିଛି । ସେହିପରି ଦ୍ୱିତୀୟ ସ୍ଥାନରେ ରହିଛନ୍ତି ବୁର୍କା ଓ ହିଜାବକୁ ବିରୋଧ କରି ଆନ୍ଦୋଳନ କରିଥିବା ଇରାନୀ ମହିଳାଙ୍କ ଗ୍ରୁପ । ତୃତୀୟ ସ୍ଥାନରେ ସାରା ବିଶ୍ୱର କୋଭିଡ ସ୍ୱାସ୍ଥ୍ୟକର୍ମୀ ରହିଛନ୍ତି । ବ୍ରିଟେନର ପ୍ରିନ୍ସ ହାରି ଏବଂ ତାଙ୍କ ପତ୍ନୀ ଚତୁର୍ଥ ସ୍ତାନରେ ରହିଥିବାବେଳେ ଫୁଟବଲର ଲିଓନେଲ ମେସି ୫ମ ସ୍ଥାନରେ ରହିଛନ୍ତି ।

ଟାଇମ ମାଗାଜିନ ମୁତାବିକ ଏହି ସର୍ଭେରେ ସାରା ବିଶ୍ୱର ୧.୨ ମିଲିୟନ ଲୋକ ଭାଗ ନେଇ ଭୋଟ୍ ଦେଇଥିଲେ । ଶାହରୁଖ ଖାନଙ୍କୁ ଏହି ପୋଲରେ ସର୍ବାଧିକ ୪ ପ୍ରତିଶତ ଭୋଟ୍ ମିଳିଛି । ଦ୍ୱିତୀୟ ସ୍ଥାନରେ ରହିଥିବା ବୁର୍ଖାକୁ ବିରୋଧ କରୁଥିବା ଇରାନୀ ମହିଳାମାନଙ୍କୁ ୩ ପ୍ରତିଶତ ଭୋଟ୍ ମିଳିଛି । ଇରାନୀ ମହିଳାଙ୍କୁ ମାଗାଜିନର ୨୦୨୨ର ପର୍ସନ ଅଫ୍ ଦ ଇୟରର ଟାଇଟଲ ମଧ୍ୟ ମିଳିଛି । ଚତୁର୍ଥ ସ୍ଥାନରେ ପ୍ରିନ୍ସ ହାରି ଏବଂ ମେଗନ ରହିଛନ୍ତି ଯାହାଙ୍କୁ ୧.୯ ପ୍ରତିଶତ ଭୋଟ୍ ମିଳିଛି । ଚଳିତବର୍ଷ ହାରି ଯେଉଁଠି ନିଜର ବାୟୋଗ୍ରାଫୀ ସ୍ପେୟାରକୁ ନେଇ ବହୁତ ଚର୍ଚ୍ଚାରେ ରହିଥିଲେ, ସେଠି ମେଗନ ଆର୍କିଟାଇପ୍ସ ନାମକ ଏକ ପୋଡକାଷ୍ଟକୁ ହୋଷ୍ଟ କରିଥିଲେ । ଏହି କାରଣ ଥିଲା ଯେ ରୟାଲ ଫ୍ୟାମିଲିର ଦୁଇ ସଦସ୍ୟଙ୍କୁ ନେଇ ବହୁତ ଚର୍ଚ୍ଚା ହୋଇଥିଲା ।

ଫୁଟବଲର ଲିୟୋନେଲ ମେସି ୧.୮ପ୍ରତିଶତ ଭୋଟ ସହ ସୂଚୀରେ ୫ମ ସ୍ଥାନରେ ରହିଛନ୍ତି । Time.com ମୁତାବକ ୨୦୨୩ର ମୋଷ୍ଟ ଇନଫ୍ଲୁଏନସାଲ ପିପୁଲର ବାର୍ଷିକ ସୂଚୀ ଚଳିତ ବର୍ଷର ୧୩ ତାରିଖରେ ଜାରି କରାଯିବ । ୨୦୨୨ରେ ଏହି ସୂଚୀରେ ଗୌତମ ଆଦାନୀ, କରୁଣା ନନ୍ଦୀ ଏବଂ ଖୁରମ ପରଭେଜଙ୍କ ଭଳି ହସ୍ତିଙ୍କ ନାଁ ରହିଥିଲା । ଟାଇମ ରିଡର ୧୦୦ ପୋଲରେ ଅଭିନେତା, ମିଚେଲେ ୟୋହ, ଆଥେଲେଟ ସେରେନା ୱିଲିୟମ୍ସ, ମେଟା ସିଇଓ ମାର୍କ ଜୁକରବର୍ଗ ଏବଂ ବ୍ରାଜିଲିଆନ ପ୍ରେସିଡେଣ୍ଟ ଲୁଇଜ ଇନାସିଓ ଲୁଲା ଡା ସିଲଭାଙ୍କ ଭଳି ଷ୍ଟାର ପୋଲରେ ଭାଗ ନେଇଥିଲେ । ହେଲେ ଏମାନଙ୍କୁ ସମସ୍ତଙ୍କୁ ପଛରେ ପକାଇ ଶାହରୁଖ ଖାନ ଶୀର୍ଷ ସ୍ଥାନ ଅଧିଗ୍ରହଣ କରିଛନ୍ତି ।