ନନ୍ଦିଘୋଷ ବ୍ୟୁରୋ: ମାଓ ନେତାଙ୍କ ଆତ୍ମସମର୍ପଣ। ମାଲକାନଗିରି ସୀମାନ୍ତ ତେଲଙ୍ଗାନାର ୱାରଙ୍ଗଲ ପୋଲିସ ନିକଟରେ ଆତ୍ମସମର୍ପଣ କରିଛନ୍ତି ଜଣେ ହାର୍ଡକୋର ମାଓବାଦୀ। କୁଖ୍ୟାତ ୮ଲକ୍ଷ ଇନାମୀ ମାଓ ନେତା ମାଣ୍ଡା ରୁବେନ୍ ଓରଫ ମଙ୍ଗନ୍ନା ଆତ୍ମସମର୍ପଣ କରିଛି। ୪୪ ବର୍ଷ ଧରି ମାଓ ସଙ୍ଗଠନରେ କାର୍ଯ୍ୟରତ ଦକ୍ଷିଣ ବସ୍ତର ମାଓ ଡିଭିଜନ୍ କମିଟି ସମ୍ପାଦକ ମାଓବାଦୀ ମାଣ୍ଡା ରୁବେନ୍ ଓରଫ ମଙ୍ଗନ୍ନା ଆତ୍ମସମର୍ପଣ କରି ମୁଖ୍ୟସ୍ରୋତକୁ ଫେରିଛନ୍ତି। ତେଲେଙ୍ଗାନା ୱାରାଙ୍ଗଲର ପୋଲିସ କମିଶନରଙ୍କ ଉପସ୍ଥିତିରେ ମଙ୍ଗନ୍ନା ସରେଣ୍ଡର କରିଛି। ତେଲେଙ୍ଗାନା ସରକାର ଏବଂ ପୋଲିସ ବିଭାଗ ଦ୍ୱାରା ପ୍ରଦାନ କରାଯାଇଥିବା ବିଭିନ୍ନ କଲ୍ୟାଣକାରୀ ପଦକ୍ଷେପ, ଶାରୀରିକ ଅସୁସ୍ଥତା ଏବଂ ମୁଖ୍ୟସ୍ରୋତକୁ ଫେରିଥିବା ଲୋକଙ୍କ ପ୍ରତି ଦେଖାଯାଇଥିବା ସମର୍ଥନ ଦ୍ୱାରା ଅନୁପ୍ରାଣିତ ହୋଇ ପରିବାର ସହିତ ଏକ ଶାନ୍ତିପୂର୍ଣ୍ଣ ଜୀବନଯାପନ କରିବାକୁ ନିଷ୍ପତ୍ତି ନେଇ ପୋଲିସ ସମ୍ମୁଖରେ ଆତ୍ମସମର୍ପଣ କରିଥିବା କହିଛନ୍ତି। ମଙ୍ଗନ୍ନା ଛତିଶଗଡ, ଆନ୍ଧ୍ର, ଓଡିଶା ଓ ତେଲେଙ୍ଗନାର ଅନେକ ବଡ ବଡ ମାଓ ହିଂସାକାଣ୍ଡରେ ଜଡିତ ଥିଲା। ତାଙ୍କର ଆତ୍ମସମର୍ପଣ ମାଓ ସଙ୍ଗଠନ ପାଇଁ ଏକ ଶକ୍ତ ଧକ୍କା ଓ ପୋଲିସ ପାଇଁ ଏକ ବଡ ସଫଳତା ବୋଲି କୁହାଯାଉଛି। ଗତ ୪୪ ବର୍ଷ ଧରି ସେ ମାଓ ସଙ୍ଗଠନରେ କାର୍ଯ୍ୟ କରି ଆସୁଥିଲା। ପ୍ରାୟ ଏକ ବର୍ଷ ପୂର୍ବେ ଗିରଫ ହୋଇ ଛତିଶଗଡର ଜଗଦଲପୁର ଜେଲରେ ଥିବା ବେଳେ ସେଠାରେ ଫେରାର ହୋଇଯାଇଥିଲା। ଫେରାରର ବର୍ଷ ପରେ ଆତ୍ମସମର୍ପଣ କରିଛନ୍ତି। ଆତ୍ମସମର୍ପଣ ନୀତି ଅନୁଯାୟୀ ତାଙ୍କୁ ଥଇଥାନ କରାଯିବ ବୋଲି ପୋଲିସ ପକ୍ଷରୁ କୁହାଯାଇଛି।
ପୀତବାସ ପଣ୍ଡା ହତ୍ୟା ଘଟଣା : ଆସିଲା ପୋଷ୍ଟମର୍ଟମ ରିପୋର୍ଟ
ବ୍ରହ୍ମପୁରର ବିଜେପି ନେତା ତଥା ବରିଷ୍ଠ ଆଇନଜୀବୀ ପୀତବାସ ପଣ୍ଡା ହତ୍ୟା ଘଟଣା। ଆସିଲା ପୋଷ୍ଟମର୍ଟମ ରିପୋର୍ଟ। ପୀତବାସଙ୍କୁ ୯ MM ପିସ୍ତଲରୁ କରାଯାଇଛି ଗୁଳି। ତାଙ୍କ ମେରୁଦଣ୍ଡରୁ ଏକ ୯ ମିଲିମିଟରର ଗୁଳି ବାହାରିଛି। ମେରୁଦଣ୍ଡରୁ ବାହାରିଲା ଗୁଳି। ଗୁଳିଟି ବହୁ ଗୁରୁତ୍ବପୂର୍ଣ୍ଣ ଶୀରା ପ୍ରଶୀରାକୁ ନଷ୍ଟ କରିଥିବା ବ୍ଯବଛେଦ ରିପୋର୍ଟରୁ ପ୍ରକାଶ। ଅତ୍ୟଧିକ ରକ୍ତସ୍ରାବ ଯୋଗୁଁ ପୀତବାସଙ୍କ ମୃତ୍ୟୁ ହୋଇଥିବା ରିପୋର୍ଟରେ ଉଲ୍ଲେଖ କରାଯାଇଛି।
ରାଜଧାନୀରେ ପୋଲିସକୁ ମାଡ଼ ଅଭିଯୋଗ
ନନ୍ଦିଘୋଷ ବ୍ୟୁରୋ: ରାଜଧାନୀରେ ପୋଲିସକୁ ମାଡ଼ ଅଭିଯୋଗ । ଯୁବତୀଙ୍କୁ ଅସଦାଚରଣ ଅଭିଯୋଗ ପରେ ତଦନ୍ତ ପାଇଁ ଯାଇଥିବା ପୋଲିସକୁ ମାଡ଼ । ପିସିଆର ଭଙ୍ଗାରୁଜା ଉଦ୍ୟମ କରିଛନ୍ତି ଉତ୍ତ୍ୟକ୍ତ ଲୋକେ । ଭୁବନେଶ୍ବର ତମାଣ୍ଡୋ ଥାନା ଅଞ୍ଚଳରେ ଘଟିଛି ଏଭଳି ଘଟଣା। K4 ରେ ଏକ ଯୁବତୀଙ୍କୁ ଅସଦାଚରଣ ନେଇ ଗତକାଲି ରାତି ପ୍ରାୟ ୧୦ ଟା ସମୟରେ ଥାନାରେ ଅଭିଯୋଗ ହୋଇଥିଲା । ଖବର ପାଇ ଘଟଣାସ୍ଥଳରେ ପିସିଆର ପହଞ୍ଚିଥିଲା। ବିଳମ୍ବରେ କାହିଁକି ପହଞ୍ଚିଥିବାରୁ ସ୍ଥାନୀୟ ଲୋକେ ଓ ଅଭିଯୋଗକାରୀଙ୍କ ପକ୍ଷରୁ ପିସିଆର ଭାଙ୍ଗିବାକୁ ଉଦ୍ୟମ ସହ ପୋଲିସକୁ ଆକ୍ରମଣ କରିବାକୁ ପଛାଇ ନଥିଲେ । ତୁରନ୍ତ ୩ଟି ପିସିଆର ଭ୍ୟାନ ଘଟଣାସ୍ଥଳରେ ପହଞ୍ଚିଥିଲା। ଭଡାରେ ଥିବା ଯୁବତୀଙ୍କୁ ଘର ମାଲିକ ଅସଦାଚରଣ କରିଥିବା ନେଇ ଅଭିଯୋଗ ହୋଇଛି । ସେପଟେ ଘର ମାଲିକଙ୍କ ପରିବାର ଲୋକେ ପାଲଟା ଅଭିଯୋଗ ଆଣିଛନ୍ତି । ଭଡା ଟଙ୍କା ମାଗିବାରୁ ଭଡାଟିଆ ମିଛ ଅଭିଯୋଗ ଆଣିଥିବା କହିଛନ୍ତି । ଅନ୍ୟପଟେ ପୋଲିସକୁ ମାଡ଼ ମାରିବା ଅଭିଯୋଗରେ ତୃତୀୟ କେସ ରୁଜୁ ହୋଇଛି । ମୋଟ ୩ଟି କେସର ତଦନ୍ତ କରିବା ସହ ୫ ରୁ ଉର୍ଦ୍ଧ୍ବ ବ୍ୟକ୍ତିଙ୍କୁ ଅଟକ ରଖି ପଚରାଉଚରା କରୁଛି ପୋଲିସ ।
ଆଜି ଭାରତୀୟ ବାୟୂସେନା ଦିବସ, ଜାଣନ୍ତୁ ଅପରେସନ୍ ସିନ୍ଦୂରକୁ ନେଇ କଣ କହିଲେ ବାୟୁସେନା ମୁଖ୍ୟ
ନନ୍ଦିଘୋଷ ବ୍ୟୁରୋ: ଆଜି ଭାରତୀୟ ବାୟୂସେନା ଦିବସ । ଚଳିତ ବର୍ଷ ଭାରତ ଏହାର ୯୩ ତମ ଭାରତୀୟ ବାୟୁସେନା ଦିବସ ପାଳନ କରୁଛି ।୧୯୫୦ରେ ଭାରତ ଗଣତନ୍ତ୍ର ରାଷ୍ଟ୍ର ହେବା ପରେ ସେହି ଦଳ ‘ଭାରତୀୟ ବାୟୁ ସେନା’ ନାମରେ ପରିଚିତ ହେଲା । ପ୍ରତିବର୍ଷ ଅକ୍ଟୋବର ୮ ତାରିଖରେ ଭାରତୀୟ ବାୟୂସେନା ଦିବସ ପାଳନ କରାଯାଇଥାଏ । ତେବେ ଚଳିତ ବର୍ଷ ମଧ୍ୟ ମହାଆଡ଼ମ୍ବରରେ ପାଳନ କରାଯାଉଛି । ଆଜି ଗାଜିଆବାଦର ହିଣ୍ଡନରେ ବାୟୂସେନା ପକ୍ଷରୁ ମୁଖ୍ୟ ପରେଡ ହେଉଛି । ଏହି ଅବସରରେ ବାୟୁସେନା ମୁଖ୍ୟ ଏୟାର ଚିଫ୍ ମାର୍ଶାଲ୍ ଏ ପି ସିଂହ ଗାର୍ଡ ଅଫ୍ ଅନର୍ ନିରୀକ୍ଷଣ କରିଥିଲେ। ସେ କହିଛନ୍ତି ଯେ ପାକିସ୍ତାନର ଆତଙ୍କବାଦୀ ଘାଟି ବିରୁଦ୍ଧରେ ଅପରେସନ୍ ସିନ୍ଦୂର ସମୟରେ ଭାରତୀୟ ବାୟୁସେନାର କୃତିତ୍ୱ ପାଇଁ ଦେଶ ଗର୍ବିତ। କାର୍ଯ୍ୟକ୍ରମ ସମୟରେ ଏକ ଭବ୍ୟ ପରେଡ୍ ଏବଂ ଏୟାର ଶୋ ଅନୁଷ୍ଠିତ ହୋଇଥିଲା। କାର୍ଯ୍ୟକ୍ରମ ପୂର୍ବରୁ, ପ୍ରତିରକ୍ଷା କର୍ମଚାରୀ ମୁଖ୍ୟ ଜେନେରାଲ ଅନିଲ ଚୌହାନ, ମୁଖ୍ୟ ବାୟୁସେନା ମୁଖ୍ୟ ମାର୍ଶାଲ ଏପି ସିଂହ, ସ୍ଥଳସେନା ମୁଖ୍ୟ ଜେନେରାଲ ଉପେନ୍ଦ୍ର ଦ୍ୱିବେଦୀ ଏବଂ ନୌସେନା ମୁଖ୍ୟ ଆଡମିରାଲ ଦିନେଶ କେ ତ୍ରିପାଠି ଶ୍ରଦ୍ଧାଞ୍ଜଳି ଅର୍ପଣ କରିବାକୁ ଜାତୀୟ ଯୁଦ୍ଧ ସ୍ମାରକୀକୁ ଯାଇଥିଲେ।
ସେପଟେ ଏହି କାର୍ଯ୍ୟକ୍ରମରେ ସ୍ଥଳସେନା ମୁଖ୍ୟ, ନୌସେନା ମୁଖ୍ୟଙ୍କ ସହ ପୂର୍ବତନ ବାୟୂସେନା ଅଧିକାରୀମାନେ ମଧ୍ୟ ଯୋଗ ଦେଇଥିଲେ । ଏହି ଅବସରରେ ଭାରତୀୟ ବାୟୁସେନା ମୁଖ୍ୟ ଏୟାର ଚିଫ୍ ମାର୍ଶାଲ୍ ଏପି ସିଂହ କହିଛନ୍ତି ଯେ ଅପରେସନ୍ ଇଣ୍ଡସ୍ ସମୟରେ, ଭାରତୀୟ ବାୟୁସେନା ସଂଘର୍ଷ କ୍ଷେତ୍ରରୁ ଭାରତୀୟ ନାଗରିକମାନଙ୍କୁ ବାହାର କରିବା ପାଇଁ ଦ୍ରୁତ ଗତିରେ ପ୍ରତିକ୍ରିୟା ଦେଇଥିଲା। ଏହା ବ୍ୟତୀତ, ଆନ୍ତର୍ଜାତୀୟ ସଙ୍କଟ ସମୟରେ IAF ଅନ୍ୟ ଦେଶଗୁଡ଼ିକୁ ରିଲିଫ୍ ସାମଗ୍ରୀ ଏବଂ କର୍ମଚାରୀମାନଙ୍କୁ ବିମାନରେ ପଠାଇଛି। ବିପଦପୂର୍ଣ୍ଣ ପରିସ୍ଥିତିରେ ମଧ୍ୟ IAF ପ୍ରାୟତଃ ଆଶା ଆଣିଥିବା କରୁଣା, ଗତି ଏବଂ ନିର୍ଭରଯୋଗ୍ୟତା ନିଜ ଆଗରେ ସେବାର ସର୍ବୋଚ୍ଚ ଆଦର୍ଶକୁ ପ୍ରତିଫଳିତ କରେ।
#WATCH | Ghaziabad, Uttar Pradesh: Indian Air Force Chief Air Chief Marshal AP Singh inspects the parade at Hindon Air Base, where Air Force Day celebrations are taking place.
(Video: ANI/Indian Air Force) pic.twitter.com/AkVffTFbEy
— ANI (@ANI) October 8, 2025
ବିହାର ରାଜନୀତିରେ ଚିରାଗ ଫ୍ୟାକ୍ଟର, ମିଳିବ କେତେ ଆସନ ?
ନନ୍ଦିଘୋଷ ବ୍ୟୁରୋ: ବିହାର ନିର୍ବାଚନ ତାରିଖ ଘୋଷଣା ହେବା ପରେ ରାଜନୈତିକ ମାହୋଲ ବେଶ ସରଗରମ ହେବାରେ ଲାଗିଛି । ଆସନ ଭାଗବଣ୍ଟାକୁ ଏବେ କସରତ ଆରମ୍ଭ ହୋଇଛି । ସେପଟେ ମହାଗଠବନ୍ଧନ ପକ୍ଷରୁ ଆସନ ବୁଝାମଣା ଏକପ୍ରକାର ଶେଷ ପର୍ଯ୍ୟାୟରେ ପହଞ୍ଚିଛି । ଏପଟେ ଏନଡିଏ ମେଣ୍ଟ ମଧ୍ୟରେ ଏଯାବତ ଆସନ ଭାଗବଣ୍ଟା ସରିନାହିଁ । ଏଲଜେପି (ରାମ ବିଳାସ ପାସଓ୍ବାନ)ଙ୍କ ଦଳ ଅଧିକ ଆସନରେ ଲଢ଼ିବା ଲାଗି ଦାବି କରୁଥିବାବେଳେ ବିଜେପି ଏବଂ ଜେଡିୟୁ କେତେ ଆସନରେ ନିର୍ବାଚନ ଲଢ଼ିବେ ଏହାକୁ ନେଇ ମଧ୍ୟ ପ୍ରଶ୍ନ ଉଠିଛି ।
ଏହାରି ଭିତରେ ଏଲଜେପି ଅଧ୍ୟକ୍ଷ ଚିରାଗ ପାଶଓ୍ବାନ ନିଜ ପିତାଙ୍କୁ ମନେ ପକାଇଛନ୍ତି । ସେ ନିଜର ସୋସିଆଲ ମିଡିଆରେ ଲେଖିଛନ୍ତି କି, ମୁଁ ପିତାଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରୁଛି । ବିହାର ଏବଂ ବିହାରୀଙ୍କ ସ୍ବପ୍ନ ସାକାର କରିବା ଲାଗି ମୁଁ ପ୍ରତିବନ୍ଧ । ଏହା ସେ ଲେଖିଛନ୍ତି କି, ବାପା ମୁଁ ଆପଣଙ୍କ ପଥକୁ ଅନୁସରଣ କରୁଛି । ଏହା ମଧ୍ୟ କହିଛନ୍ତି ଯେ ରାମବିଳାସ ପାସୱାନ ଯେଉଁ ବିହାରର ବ୍ୟାପକ ଏବଂ ସର୍ବାଙ୍ଗୀନ ବିକାଶର ସ୍ୱପ୍ନ ଦେଖିଥିଲେ ତାହା ସାକାର କରିବାର ସମୟ ଆସିଛି। ସେ କହିଛନ୍ତି, “ଆପଣ ମୋ କାନ୍ଧରେ ଯେଉଁ ଦାୟିତ୍ୱ ଦେଇଛନ୍ତି ତାହା ପୂରଣ କରିବା ମୋ ଜୀବନର ଉଦ୍ଦେଶ୍ୟ ଏବଂ କର୍ତ୍ତବ୍ୟ।”
ସେପଟେ ପ୍ରକାଶ ପାଣ୍ଡେ ଲେଖିଛନ୍ତି କି, ବିହାରର ଯୁବପିଢ଼ି ଏବେ ଯୁବ ବିହାର ସହିତ ଆଗକୁ ବଢ଼ିବାକୁ ଚାହୁଁଛି । ଏକ ଯୁବ ବିହାର ଗଢ଼ି ତୋଳିବା ପାଇଁ… ଆଜି, ବିହାରର ପ୍ରତ୍ୟେକ ଘରେ, ପ୍ରତ୍ୟେକ ଗଳିରେ ଏବଂ ପ୍ରତ୍ୟେକ ଗାଁରେ ଯଦି କୌଣସି ମୁହଁ ଲୋକପ୍ରିୟ, ତେବେ ତାହା ହେଉଛି ମୋର ନେତା। ଯାହାଙ୍କ ନୀତି ଲୋକମାନେ ଅନୁସରଣ କରିବାକୁ ଚାହାଁନ୍ତି ସେ ହେଉଛନ୍ତି ମୋର ନେତା। ନା ଜାତି, ନା ଧର୍ମ, ନା ସମ୍ପ୍ରଦାୟ, ଆମର ନେତାମାନେ ବିହାରୀ ଏବଂ ବିହାର ବିଷୟରେ କଥା ହୁଅନ୍ତି ନାହିଁ। ବିହାର ଏଥିରେ ଗର୍ବିତ, ପ୍ରତ୍ୟେକ ବିହାରୀ ଗର୍ବିତ। ଏହା ହେଉଛି ବିହାରର ଘୋଷଣା। ବିହାର ଚିରାଗମ୍ୟ ହେବ! ଜୟ ବିହାର!! ଜୟ ଚିରାଗ!”
ତେବେ ରାଜ୍ୟରେ ଏବେ ଚିରାଗଙ୍କ କ୍ରେଜ ବଢ଼ିଥିବା କୁହାଯାଉଥିବାବେଳେ ତାଙ୍କ ଦଳ ଅଧିକ ଆସନରେ ଲଢ଼ିବ ବୋଲି କୁହାଯାଉଛି । ଏନଡିଏ ସହଯୋଗୀ ଜିତନରାମ ମାଞ୍ଜୀଙ୍କ ଦଳ ମଧ୍ୟ ଏବେ ଅଧିକ ଆସନରେ ଲଢ଼ିବା ଲାଗି ଦାବି ଧରିଛି । ଏହାରି ଭିତରେ ବିଜେପି ଏବଂ ଆରଜେଡି କେତେ ଆସନ ଲାଗି ପ୍ରାର୍ଥୀ ଘୋଷଣା କରୁଛନ୍ତି ତାହା ଉପରେ ରହିଛି ସମସ୍ତଙ୍କ ନଜର ।
ବାଇକକୁ ଧକ୍କା ଦେଲା ଟ୍ରଲର: ମା ମୃତ, ପୁଅ ଗୁରୁତର
ନନ୍ଦିଘୋଷ ବ୍ୟୁରୋ: ଟ୍ରଲର ଧକ୍କାରେ ମା ମୃତ ପୁଅ ଗୁରୁତର। ସୁନ୍ଦରଗଡ଼ କୁତ୍ରା ଥାନା ଅନ୍ତର୍ଗତ ଗଡ଼ପୋଷ ଛକରେ ଘଟିଛି ଏ ଦୁର୍ଘଟଣା। ୧୦ ନମ୍ବର ରାଜ୍ୟ ରାଜପଥ ବିଜୁ ଏକ୍ସପ୍ରେସ ୱେରେ ଆଜି ସକାଳ ପ୍ରାୟ ୮ଟା ସମୟରେ ଏହି ଦୁର୍ଘଟଣା ଘଟିଛି। ଏକ ବାଇକକୁ ଧକ୍କା ଦେଇଥିଲା ଟ୍ରଲର। ଧକ୍କା ଦେବାରୁ ଘଟଣାସ୍ଥଳରେ ମାର ମୃତ୍ୟୁ ହୋଇଥିବାବେଳେ ପୁଅ ଗୁରୁତର ଥିବା ଜଣାପଡ଼ିଛି। ଦୁର୍ଘଟଣା ପରେ ସ୍ତାନୀୟ ଲୋକେ ରାସ୍ତାକୁ ଅବରୋଧ କରିଛନ୍ତି। କୁତ୍ରା ପୋଲିସ ଘଟଣାସ୍ଥଳରେ ପହଞ୍ଚି ଲୋକଙ୍କୁ ବୁଝା ସୁଝା କରୁଛି। ଦୁର୍ଘଟଣା ଘଟାଇ ଥିବା ଟ୍ରଲରକୁ ବଡ଼ଗାଁ ଥାନାରେ ଅଟକ ରଖାଯାଇଛି।
ଭୁବନେଶ୍ୱର ଖାରବେଳ ନଗର ବସ୍ତିରେ ବୁଲିଲା ବୁଲଡୋଜର
ନନ୍ଦିଘୋଷ ବ୍ୟୁରୋ: ଭୁବନେଶ୍ୱର ଖାରବେଳ ନଗର ବସ୍ତି ଅଞ୍ଚଳରେ ବୁଲିଲା ବୁଲଡୋଜର। ୟୁନିଟ ୩ ଶ୍ରୀୟା ଛକ ଠାରୁ ବ୍ଲାଇଣ୍ଡ ସ୍କୁଲ ରାସ୍ତାରେ ବିଏମସି ପକ୍ଷରୁ ବଡ଼ ଧରଣର ଉଚ୍ଛେଦ ଚାଲିଛି। ଖାରବେଳ ନଗର ଥାନା ପୋଲିସ, ବିଏମସି ଏନଫୋର୍ସମେଣ୍ଟ ସ୍କ୍ବାଡ ଓ ବରିଷ୍ଠ ଅଧିକାରୀଙ୍କ ଉପସ୍ଥିତିରେ ଜବରଦଖଲ ଉଚ୍ଛେଦ କରାଯାଇଛି। ରାସ୍ତାକୁ ଅବରୋଧ କରିଥିବା କବାଡିଆ ଦୋକାନକୁ ହଟାଯାଇଛି। ସମ୍ଭାବ୍ୟ ଅପ୍ରୀତିକର ପରିସ୍ଥିତିକୁ ନଜରରେ ରଖି ବ୍ୟାପକ ପୋଲିସ ମୁତୟନ ଅଛନ୍ତି। । ଉଚ୍ଛେଦ ପୂର୍ବରୁ ନୋଟିସ କରିଥିଲା ବିଏମସି। କବିଡ଼ିଆ ମାନେ ରାସ୍ତାର ଉଭୟ ପାର୍ଶ୍ଵରେ ଆବର୍ଜନା କରି ରଖି ଥିଲେ । ରାସ୍ତାକଡ଼ ଅବରୋଧ ସହିତ ଡ୍ରେନ ଜାମ ସହ ଦୁର୍ଗନ୍ଧରେ ଫାଟୁଥିଲା ଅଞ୍ଚଳ।
ଗୁଣୁପୁରରେ ଫୁଟିଲା ଗୁଳି
ନନ୍ଦିଘୋଷ ବ୍ୟୁରୋ: ରାୟଗଡ଼ା ଜିଲ୍ଲା ଗୁଣୁପୁରରେ ଫୁଟିଲା ଗୁଳି। ଜଣେ ବ୍ୟକ୍ତିଙ୍କୁ ଗୁଳିକରି ହତ୍ୟା ଅଭିଯୋଗ ହୋଇଛି । ଆନ୍ଧ୍ର-ଓଡିଶା ସୀମାନ୍ତ ଶିକ୍ଲା ପାହାଡ ଉପରେ ଗୁଳିକରି ହତ୍ୟା କରିଛନ୍ତି ଦୁର୍ବୃତ୍ତ। ମୃତକ ହେଲେ ଆନ୍ଧ୍ର ପାର୍ବତୀପୁର ଅଞ୍ଚଳର କୁଭେଲା ବରେୟା। କେଉଁ କାରଣରୁ ହତ୍ୟା ହୋଇଛି ଅସ୍ପଷ୍ଟ ରହିଛି । ଘଟଣାସ୍ଥଳରେ ରାମନାଗୁଡ଼ା ପୋଲିସ୍ ସାଇଣ୍ଟିଫିକ୍ ଟିମ୍ ସହାୟତାରେ ତଦନ୍ତ ଜାରି ରଖିଛି।ବ୍ୟକ୍ତି ଜଣକ ଅନେନ ଦିନ ଧରି ଆନ୍ଧ୍ରରୁ ଆସି ପାହାଡ ଉପରେ ରହି ଚାଷ କରି ବଞ୍ଚୁଥିଲେ।
ମହୁମାଛି ଆକ୍ରମଣରେ ୭ ଗୁରୁତର
ନନ୍ଦିଘୋଷ ବ୍ୟୁରୋ: ମହୁମାଛି ଆକ୍ରମଣରେ ୭ ଗୁରୁତର। ଢେଙ୍କାନାଳ ପରଜଙ୍ଗ ଥାନା ବସୁଲେଈ ଗ୍ରାମରେ ମହୁମାଛିଙ୍କ ଅତର୍କିତ ଆକ୍ରମଣରେ ୭ ଜଣ ଗୁରୁତର ହୋଇଛନ୍ତି । ବସୁଲେଈ ଗ୍ରାମ ନିକଟରେ ଯାଇଥିବା ରେଙ୍ଗାଳି ବାମପାର୍ଶ୍ଵ ଶାଖା କେନାଲର ପୂର୍ତ୍ତବିଭାଗ ରାସ୍ତାରେ ଲୋକମାନେ ଯିବାଆସିବା କରୁଥିବା ବେଳେ ହଠାତ ମହୁମାଛି ମାନେ ଅତର୍କିତ ଆକ୍ରମଣ କରିଥିଲେ । ଫଳରେ ସେହି ସମୟରେ ଯାଉଥିବା ଲୋକେ ମହୁମାଛି ମାନେ ଆକ୍ରମଣର ଶିକାର ହୋଇଥିଲେ। ମହୁମାଛିଙ୍କ ଭୟଙ୍କର ଆକ୍ରମଣ ଫଳରେ ଲୋକମାନେ ରାସ୍ତାରେ ନିଜ ବାଇକ ଫିଙ୍ଗି ଦେଇ ଏଣେତେଣେ ଧାଇଁବା ସହ ନିଜ ଜୀବନ ବଞ୍ଚାଇବାକୁ ଚେଷ୍ଟା କରିଥିଲେ । ମହୁମାଛିଙ୍କ ଆକ୍ରମଣ ଏତେ ଭୟଙ୍କର ଥିଲା ଯେ ଜଣେ ଛୋଟ ଝିଅ ଭୟରେ ନିକଟରେ ଥିବା କେନାଲକୁ ପଶିଯାଇ ନିଜ ଜୀବନ ବଞ୍ଚାଇଥିଲା । ଏହିପରି ଭାବରେ ବେଶ ସମୟ ଧରି ସେହି ରାସ୍ତାରେ ମହୁମାଛି ମାନେ ଆତଙ୍କ ସୃଷ୍ଟି କରିଥିବା ବେଳେ ସ୍ଥାନୀୟ ଗ୍ରାମବାସୀ ମାନେ କେନାଲ ଭିତରେ ପଶିଥିବା ଛୋଟ ଝିଅ ସମେତ ଅନ୍ୟ ମାନଙ୍କୁ ଉଦ୍ଧାର କରିଥିଲେ । ସମସ୍ତଙ୍କ ସ୍ୱାସ୍ଥ୍ୟବସ୍ଥା ଗୁରୁତର ଥିବାରୁ ଗ୍ରାମବାସୀଙ୍କ ସହାୟତାରେ ଆହତଙ୍କୁ ତାଳଚେର ସ୍ଥିତ ମଣ୍ଡାପାଳ ମେଡିକାଲକୁ ସ୍ଥାନାନ୍ତର କରଯାଇଛି ।.
ରୋହିତଙ୍କ ହାତରୁ ଅଧିନାୟକ ପଦ ଯିବା ପ୍ରସଙ୍ଗ : ଏମିତି କହିଲେ ବରୁଣ ଚକ୍ରବର୍ତ୍ତୀ
ନନ୍ଦିଘୋଷ ବ୍ୟୁରୋ: ଅଷ୍ଟ୍ରେଲିଆ ଗସ୍ତ ପାଇଁ ଭାରତୀୟ ଦଳ ଘୋଷଣା କରାଯାଇଛି । ଦିନିକିଆରେ ରୋହିତଙ୍କୁ ଅଧିନାୟକ ପଦରୁ ହଟାଇ ଗିଲଙ୍କୁ ଦାୟିତ୍ବ ଦିଆଯାଇଛି । ତେବେ ଅଭିଜ୍ଞ ଖେଳାଳିଙ୍କଠାରୁ ଅଧିନାୟକ ପଦ ଛଡ଼ାଇ ନେବାକୁ ନେଇ ଚର୍ଚ୍ଚା ଜୋର ଧରିଛି । ତେବେ ରୋହିତ ଏବଂ କୋହଲିଙ୍କୁ ଏହି ସିରିଜ ଲାଗି ଚୟନ କରାଯାଇଥିବାବେଳେ କୁହାଯାଉଛି କି, ଏହା ସେମାନଙ୍କ ଶେଷ ସିରିଜ ହୋଇପାରେ । ସେପଟେ ପ୍ରଥମଥର ଲାଗି ମୁହଁ ଖୋଲିଛନ୍ତି ରୋହିତ । ସେ କହିଛନ୍ତି କି, ମୁଁ ଅଷ୍ଟ୍ରେଲିଆ ବିପକ୍ଷରେ ଖେଳିବାକୁ ଭଲପାଏ । ମୁଁ ଅଷ୍ଟ୍ରେଲିଆରେ ଖେଳିବାକୁ ଭଲପାଏ । ସେଠାକାର ଲୋକମାନେ କ୍ରିକେଟକୁ ବହୁତ ଭଲ ପାଆନ୍ତି, ସେଥିଲାଗି ସେଠାରେ ଖେଳିବାକୁ ଭଲଲାଗେ ।
Fast pitches, bouncers, and the Hitman sending them into the stands! 🔥
Can't wait to watch him return in action 🔜 in the ODIs vs AUS! 😍 #CEATCricketAwards2025 👉 10th & 11th OCT, 6 PM on Star Sports & JioHotstar pic.twitter.com/2XxweDFlV7
— Star Sports (@StarSportsIndia) October 7, 2025
ରୋହିତ ଶର୍ମାଙ୍କୁ ଚାମ୍ପିଅନ୍ସ ଟ୍ରଫି ଜିତିବା ପାଇଁ ସିଏଟ ପୁରସ୍କାରରେ ଏକ ସ୍ୱତନ୍ତ୍ର ପୁରସ୍କାର ମିଳିଥିଲା। ସେହି ଉତ୍ସବରେ ଟି-୨୦ ଅନ୍ତର୍ଜାତୀୟ ବୋଲର ଅଫ୍ ଦି ଇୟର ଭାବରେ ସମ୍ମାନିତ ହୋଇଥିବା ବରୁଣ ଚକ୍ରବର୍ତ୍ତୀ ଟିମ୍ ଇଣ୍ଡିଆର ମୁଖ୍ୟ ପ୍ରଶିକ୍ଷକ ଗୌତମ ଗମ୍ଭୀରଙ୍କ ବିଷୟରେ ଏକ ଗୁରୁତ୍ୱପୂର୍ଣ୍ଣ ବକ୍ତବ୍ୟ ଦେଇଥିଲେ। ସେ କହିଥିଲେ ଯେ ଗମ୍ଭୀର ଦଳ ଭିତରେ ଏକ ସ୍ପାର୍ଟାନ ମାନସିକତା ସୃଷ୍ଟି କରିଛନ୍ତି, “ତୁମକୁ ନିଜର ସର୍ବୋତ୍ତମ ଦେବାକୁ ପଡିବ। ଦଳକୁ ଜିତାଇବା ପାଇଁ ପଡ଼ିଆରେ ସବୁକିଛି ଦେବାକୁ ପଡିବ।” ବରୁଣ କହିଥିଲେ ଯେ ଗମ୍ଭୀରଙ୍କ ସହିତ, ଆପଣ ମଧ୍ୟମ ପ୍ରଦର୍ଶନ କଳ୍ପନା କରିପାରିବେ ନାହିଁ।
#WATCH | Mumbai | On working with Indian cricket team head coach Gautam Gambhir, Indian cricketer Varun Chakaravarthy said, "… He brings a Spartan mentality to the team where there is no option of losing. You have to bring your best and give everything on the ground. When he's… pic.twitter.com/6E2b1Fs2k7
— ANI (@ANI) October 8, 2025