ରାଜ୍ୟରେ ଏ ପର୍ଯ୍ୟନ୍ତ ମଣ୍ଡି ଖୋଲିନି। ଚାଷୀ ଧାନ ରଖି ରଖି ଋଣ ବୋଝରେ ସଢ଼ୁଛନ୍ତି। ୩୦୦ ୟୁନିଟ ବିଜୁଳି ଛାଡ ପାଇଁ ନିର୍ବାଚନ ପ୍ରତିଶ୍ରୁତି ବଦଳରେ ସ୍ମାର୍ଟମିଟର ନାଁରେ ବିଦ୍ୟୁତ୍ ଖାଉଟିଙ୍କୁ ଶୋଷଣ କରୁଛନ୍ତି । ମନରେଗା ଯୋଜନାର ପୁନଃପ୍ରଚଳନ ନ ହେଲେ ଦାଦନ ବଢ଼ିବ। ଏସବୁ ଦାବି ନେଇ କଂଗ୍ରେସ ପଲ୍ଲୀରୁ ଦିଲ୍ଲୀ ପର୍ଯ୍ୟନ୍ତ ଆନ୍ଦୋଳନ ଡ଼ାକରା ଦେଇଛି। ଏ ପରିପ୍ରେକ୍ଷୀରେ ଖୋର୍ଦ୍ଧାରେ ଜିଲ୍ଲା କଂଗ୍ରେସ ସଭାପତି ରାଜୀବ ପଟ୍ଟନାୟକଙ୍କ ନେତୃତ୍ବରେ ଆୟୋଜିତ ସାମ୍ବାଦିକ ସମ୍ମିଳନୀ ଦଳର ନେତା ସରାକାରଙ୍କୁ ଘେରିଛନ୍ତି । ପୂର୍ବତନ ପିସିସି ସଭାପତି ଜୟଦେବ ଜେନା, ବରିଷ୍ଠ କଂଗ୍ରେସ ନେତା ସୁରେଶ ରାଉତରାୟ, ଶିଶିର ପରିଡ଼ା, ପୃଥ୍ବୀବଲ୍ଲଭ ପଟ୍ଟନାୟକ, ସ୍ୱାଗତିକା ପଟ୍ଟନାୟକ ପ୍ରମୁଖ ଯୋଗ ଦେଇ ବିଜେପି ସରକାର ଚାଷୀଙ୍କ ପାଇଁ ଶୋଇପଡିଛି ବୋଲି କଟାକ୍ଷ କରିଛନ୍ତି । ଚାଷୀଙ୍କ ଦୁଃଖ ନ ଶୁଣିଲେ କଂଗେସ ଆଗାମୀ ଦିନରେ ବ୍ୟାପକ ଆନ୍ଦୋଳନ କରିବ ବୋଲି ଦଳ କହିଛି ।
ରାମ ମନ୍ଦିରରେ ନମାଜ ପଢିବାକୁ ଉଦ୍ୟମ ବେଳେ ଯୁବକଙ୍କୁ ଅଟକ ରଖିଲା ପୋଲିସ…
ନନ୍ଦିଘୋଷ ବ୍ୟୁରୋ ; ଅଯୋଧ୍ୟା ରାମ ମନ୍ଦିର ପରିସରରେ ଜଣେ ମୁସଲମାନ ଯୁବକ ନମାଜ ପାଠ କରିବାକୁ ଚେଷ୍ଟା କରୁଥିବା ମାମଲା ସାମ୍ନାକୁ ଆସିଛି । ମନ୍ଦିର ପରିସରରେ ନମାଜ ପଢୁଥିବା ଯୁବକ ଜଣକ ଏକ ନିର୍ଦ୍ଦିଷ୍ଟ ସମ୍ପ୍ରଦାୟର ବୋଲି କୁହାଯାଉଛି । ଗିରଫ ଯୁବକ ରାମ ମନ୍ଦିର ପରିସରରେ ନମାଜ ପଢାଇବାକୁ ଚେଷ୍ଟା କରିଥିଲେ । ପୋଲିସ ନମାଜ ପଢିବାକୁ ଚେଷ୍ଟା କରୁଥିବା ଉକ୍ତ ଯୁବକକୁ ଅଟକ ରଖିଛି । ପୋଲିସ ଅଟକାଇବା ପରେ ସେ ସମ୍ପ୍ରଦାୟ ସମର୍ଥନରେ ସ୍ଲୋଗାନ ଦେବା ଆରମ୍ଭ କରିଥିଲେ । ଯୁବକ ଜଣକ କାଶ୍ମୀରର ଶୋପିଆନର ବାସିନ୍ଦା ଅହମ୍ମଦ ଶେଖ୍ ବୋଲି ଜଣାପଡିଛି ।
ମନ୍ଦିର ପରିସରରେ ଉପସ୍ଥିତ ଥିବା ଲୋକଙ୍କ କହିବାନୁସାରେ , ସୁରକ୍ଷା କର୍ମୀ ଯୁବକଙ୍କୁ ଅଟକ ରଖିବା ସମୟରେ ନାରାବାଜି ଆରମ୍ଭ କରିଦେଇଥିଲେ । ଫଳରେ ଉପସ୍ଥିତ ଥିବା ସୁରକ୍ଷା କର୍ମୀ ତାଙ୍କୁ ତୁରନ୍ତ ଅଟକାଇ ଥିଲେ । ଘଟଣା ସମ୍ପର୍କରେ ଗୁଇନ୍ଦା, ସ୍ଥାନୀୟ ପୋଲିସ ଏବଂ ବରିଷ୍ଠ ପ୍ରଶାସନିକ ଅଧିକାରୀମାନଙ୍କୁ ତୁରନ୍ତ ଅବଗତ କରାଯାଇଥିଲା । ଯୁବକଙ୍କୁ ପଚରାଉଚରା କରାଯାଉଛି। ତାଙ୍କ କାର୍ଯ୍ୟ ପଛରେ କାରଣ ଜାଣିବା ପାଇଁ ପୁଙ୍ଖାନୁପୁଙ୍ଖ ତଦନ୍ତ ଚାଲିଛି।
ରିପୋର୍ଟ ଅନୁଯାୟୀ, ଅହମଦ ଶେଖ ଗେଟ୍ ଡି- ୧ ଦେଇ ମନ୍ଦିରରେ ପ୍ରବେଶ କରିଥିଲେ । ଯୁବକ ଜଣକ ରାମ ମନ୍ଦିର ପରିସରର ଦକ୍ଷିଣ ପ୍ରାଚୀରରେ ପ୍ରାର୍ଥନା କରୁଥିଲେ, ସେତେବେଳେ କିଛି ଲୋକ ତାଙ୍କୁ ଦେଖିପାରିଲେ। ସୁରକ୍ଷା କର୍ମୀମାନେ ତାଙ୍କୁ ଅଟକାଇବାକୁ ଚେଷ୍ଟା କରିଥିଲେ। ଉତ୍ତେଜନା ପରେ, ସୁରକ୍ଷା ବାହିନୀ ଯୁବକକୁ ଅଟକ ରଖିଥିଲେ । ଗୁଇନ୍ଦା ସଂସ୍ଥା, ପୋଲିସ ଏବଂ ବରିଷ୍ଠ ଅଧିକାରୀମାନେ ଯୁବକଙ୍କୁ ପଚରାଉଚରା କରୁଛନ୍ତି।
ମନ୍ଦିର ପରିସରରେ ନମାଜ ପାଠ କରିବା ଘଟଣା ପରେ ପୋଲିସ ସକ୍ରିୟ ହୋଇଛି । ସହରରେ କାଶ୍ମୀର ଶାଲ ବିକ୍ରୟ କରୁଥିବା ଲୋକଙ୍କୁ ମଧ୍ୟ ପୋଲିସ ଅଟକ ରଖିଛି ଏବଂ ପଚରାଉଚରା କରୁଛି । ଘଟଣାଟି ଆଜି ସକାଳେ ଘଟିଥିବା ଜଣାପଡ଼ିଛି। ତଥାପି, ରାମ ମନ୍ଦିର ଟ୍ରଷ୍ଟ ଏ ବିଷୟରେ କୌଣସି ବିବୃତ୍ତି ଜାରି କରିନାହିଁ ।
ଡାକ୍ତର ଅଭାବ ନେଇ ଖବର ସଂଗ୍ରହ କରିବାକୁ ଯାଇଥିବା ସାମ୍ବାଦିକଙ୍କୁ ଦୁର୍ବ୍ୟବହାର
ଗଞ୍ଜାମ ଜିଲ୍ଲା ପୁରୁଷୋତ୍ତମପୁର ମେଡିକାଲରେ ANM ଦିଦିଙ୍କ ଔଦ୍ଧତ୍ୟ। ମେଡିକାଲରେ ଡାକ୍ତର ଅଭାବ ନେଇ ଖବର ସଂଗ୍ରହ କରିବାକୁ ଯାଇଥିବା ସାମ୍ବାଦିକଙ୍କୁ ଦୁର୍ବ୍ୟବହାର । ୪ଟି ବୈଦ୍ୟୁତିକ ଗଣମାଧ୍ୟମର ପ୍ରତିନିଧିଙ୍କୁ ନାଲି ଆଖି ଦେଖାଇବା ସହ ମାଡ ମାରିବାକୁ ଧମକ । ଔଷଧ ବିତରଣ କେନ୍ଦ୍ରରେ କବାଟ ବନ୍ଦ କରି ସିକ୍ୟୁରିଟି ଗାର୍ଡ କମ୍ପ୍ୟୁଟର ଚଳାଉଥିବା ବେଳେ ANM ସଂଯୁକ୍ତା ପାତ୍ର ପାଖରେ ବସି ରହିଥିଲେ । କ୍ୟାମେରା ଦେଖି ଚିହିଁକି ଉଠିଲେ ଦିଦି। ସାମ୍ବାଦିକଙ୍କୁ ନାଲି ଆଖି ଦେଖାଇବା ସହ ମାଡ ମାରିବାକୁ ଧମକ ଦେଇଥିଲେ।
କେନ୍ଦୁଝରରେ ହଜାର ହଜାର ଅଜଣା ପୋକଙ୍କୁ ନେଇ ଆତଙ୍କିତ ଲୋକେ
କେନ୍ଦୁଝର ଜିଲ୍ଲା ଆନନ୍ଦପୁର ପୌରପରିଷଦ ୧୪ ନମ୍ବର ୱାର୍ଡ ଝାଡ଼େଶ୍ୱର କଲୋନୀରେ ଅଜଣା ପୋକ ଆତଙ୍କ। ହଜାର ହଜାର ପୋକ ଆତଙ୍କରେ ଆତଙ୍କିତ ବାସିନ୍ଦା । ଦୀର୍ଘ ୪ ଦିନ ଧରି ଅଚାନକ ଏହି ପୋକ ଗୁଡିକ ଧାଡି ବାନ୍ଧି ଘର ଭିତରେ ପଶୁଛନ୍ତି । ଲୋକଙ୍କ ଜୀବନ ଜୀବିକା ପ୍ରଭାବିତ କରିଛି। ଲୋକମାନେ ହାତରେ ଝାଡୁ ଧରି ପୋକ ମାରିବାକୁ ଚେଷ୍ଟା କରୁଛନ୍ତି । କୌଣସି ବିଷ ମଧ୍ୟ ଏହି ପୋକଙ୍କ ଉପରେ ପ୍ରଭାବ ପକାଇ ପାରୁନାହିଁ। ଘରର ରୋଷେଇ ଘରେ ପୋକ ଗୁଡିକ ପଶୁଥିବାରୁ ରୋଷେଇ ବନ୍ଦ ହୋଇଯାଉଛି। ତୁରନ୍ତ ଏହାର କିଛି ସମାଧାନ ପାଇଁ ୱାର୍ଡବାସୀ ଦାବି କରିଛନ୍ତି ।
ରାଉରକେଲାରେ ବିମାନ ଦୁର୍ଘଟଣା, ୬ ଆହତ
ରାଉରକେଲାରେ ବିମାନ ଦୁର୍ଘଟଣା, ୬ ଆହତ
ନନ୍ଦିଘୋଷ ବ୍ୟୁରୋ: ରାଉରକେଲାରେ ବିମାନ ଦୁର୍ଘଟଣା । ଭୁବନେଶ୍ବରରୁ ରାଉରକେଲା ଯାଉଥିବା ବେଳେ ଦୁର୍ଘଟଣାଗ୍ରସ୍ତ ହେଲା ଇଣ୍ଡିଆ ଓ୍ବାନ ବିମାନ । ୯ ସିଟ ବିଶିଷ୍ଟ ବିମାନରେ ପାଇଲଟ ଏବଂ ୬ ଜଣ ଯାତ୍ରୀ ଥିଲେ । ଦୁର୍ଘଟଣାରେ ଦୁଇ କ୍ରୁ ମେମ୍ବର ଏବଂ ୪ ଜଣ ଯାତ୍ରୀ ଆହତ ହୋଇଛନ୍ତି ।
ବିମାନଟି ଉଡ଼ାଣ ଭରିବାର କିଛି ସମୟ ପରେ ଯାତ୍ରୀକ ତ୍ରୁଟି ଦେଖା ଦେଇଥିଲା । ପରେ ଏହା ସୁନ୍ଦରଗଡ଼ ଜଲଦା ଜ ବ୍ଲକ ନିକଟରେ ଦୁର୍ଘଟଣାଗ୍ରସ୍ତ ହୋଇଥିଲା । ଯାତ୍ରୀ ଏବଂ ପାଇଲଟଙ୍କୁ ଉଦ୍ଧାର କରାଯାଇ ଆମ୍ବୁଲାନ୍ସରେ ମେଡିକାଲ ନିଆଯାଇଛି । ଦୁର୍ଘଟଣା କେମିତି ହେଲା ? ଏହାର କାରଣ କ’ଣ ? ତଦନ୍ତ କରାଯିବ ବୋଲି ପରିବହନ ମନ୍ତ୍ରୀ କହିଛନ୍ତି ।
ଆମେରିକାରୁ ଭାରତକୁ ଆସିଲା ଡାକରା, ବିରଳ ମୂର୍ତ୍ତିକା ଉପରେ ଶେଷ ହେବ ଚୀନର ଦବଦବା
ଆମେରିକାରୁ ଭାରତକୁ ଆସିଲା ଡାକରା, ବିରଳ ମୂର୍ତ୍ତିକା ଉପରେ ଶେଷ ହେବ ଚୀନର ଦବଦବା
ନନ୍ଦିଘୋଷ ବ୍ୟୁର: ଆଜିର ଦିନରେ ସ୍ମାର୍ଟଫଷାନଠାରୁ ଆରମ୍ଭ କରି ଦେଶ ସୁରକ୍ଷାରେ ମୁତୟନ ଫାଇଟର ଜେଟ୍, ସମସ୍ତ ଅତ୍ୟାଧୁନିକ ଟେକ୍ନୋଲୋଜି କ୍ରିଟିକାଲ ମିନେରାଲ ଅର୍ଥାତ ରେୟର ଅର୍ଥ ଉପରେ ନିର୍ଭର କରୁଛି । ଏବେ ଏହି ରେୟର ଅର୍ଥକୁ ନେଇ ବଡ଼ ପରିବର୍ତ୍ତନ ହେବାକୁ ଯାଉଛି । ଏହି କ୍ଷେତ୍ରରେ ଚୀନର ଦବଦବା ଶେଷ କରିବାକୁ ଆମେରିକା ବଡ଼ ପଦକ୍ଷେପ ନେଇଛି । ଆମେରିକା ଅର୍ଥମନ୍ତ୍ରୀ ସ୍କଟ ବେମେଣ୍ଟ ସ୍ପଷ୍ଟ କରିଛନ୍ତି, ଓ୍ବାସିଂଟନରେ ହେବାକୁ ଥିବା G7 ଦେଶର ଅର୍ଥମନ୍ତ୍ରୀଙ୍କ ବୈଠକକୁ ଭାରତ ଓ ଅଷ୍ଟ୍ରେଲିଆକୁ ଆମନ୍ତ୍ରଣ କରାଯାଇଛି । ସୋମବାର ହେବାକୁ ଥିବା ଏହି ବୈଠକର ମୁଖ୍ୟ ଏଜେଣ୍ଡା ଆଗରୁ ସ୍ପଷ୍ଟ ଅଛି । ବିଶ୍ବରେ ମହତ୍ବପୂର୍ଣ୍ଣ ଖଣିଜ ରପ୍ତାନୀ ଚେନକୁ ସୁରକ୍ଷିତ କରିବା ଓ କୌଣସି ଗୋଟିଏ ଦେଶ ଉପରେ ନିର୍ଭର ନକରିବା ଉପରେ ଗୁରୁତ୍ବ ଦିଆଯାଉଛି ।
ଓ୍ବାଟିଂଟନରେ ପ୍ରସ୍ତୁତ ହେଉଛି ନୂଆ ରଣନୀତି
ଏହି ବୈଠକର ଅଧ୍ୟକ୍ଷତା ନିଜେ ଆମେରିକା ଟ୍ରେଜେରୀ ସେକ୍ରେଟାରୀ ସ୍କଟ ବେମେଣ୍ଟ କରୁଛନ୍ତି । ଏକ ସାକ୍ଷାତକାରରେ ସେ କହିଛନ୍ତି, ଗତ ଗ୍ରୀଷ୍ମରେ ହୋଇଥିବା G7 ଶିଖର ସମ୍ମିଳନୀ ପରଠାରୁ ଏହା ଉପରେ ଚର୍ଚ୍ଚା କରିବାକୁ ଚାପ ପଡୁଛି । ଅର୍ଥମନ୍ତ୍ରୀ ଡିସେମ୍ବରରେ ଏକ ଭର୍ଚୁଆଲ ବୈଠକ କରିଥିଲେ । ହେଲେ ଏବେ ହେବାକୁ ଥିବା ସିଧାସଳଖ ଚର୍ଚ୍ଚା ହେବାକୁ ଗୁରୁତ୍ବ ଦିଆଯାଉଛି ।
ବେମେଣ୍ଟ ସ୍ପଷ୍ଟ କରିଛନ୍ତି ଭାରତକୁ ଏହି ବୈଠକ ପାଇଁ ସ୍ବତନ୍ତ୍ର ଭାବେ ନିମନ୍ତ୍ରଣ କରାଯାଇଛି । ତେବେ ସେ ଏହା ବି କହିଛନ୍ତି ଭାରତ ଏହାକୁ ସ୍ବୀକାର କରିଛି କି ନାହିଁ ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇନି । ଏହି ନିମନ୍ତ୍ରଣର ଏଥିପାଇଁ ଗୁରୁତ୍ବ ରହୁଛି କାରଣ G7 ସମୂହ ନିଜର ଆବଶ୍ୟକତା ପାଇଁ ବହୁଳ ଭାବେ ଚୀନ ଉପରେ ନିର୍ଭର କରୁଛନ୍ତି । ଏବେ ଏହି ଦେଶମାନେ ଚାହୁଁଛନ୍ତି ଭାରତ ପରି ସହଯୋଗୀ ଏହି ନିର୍ଭରତାକୁ କମ କରିବାର ମାଧ୍ୟମ ହେଉ ।
ରେୟର ଅର୍ଥ ଉପରେ ଚୀନର ଦବଦବା
ରେୟର ଅର୍ଥ ଏଲିମେଣ୍ଟ ଓ କ୍ରିଟିକାଲ ମିନେରାଲ୍ସ ଉପରେ ଚୀନର ଏକତରଫା ନିୟନ୍ତ୍ରଣ ରହିଛି । IFA ରିପୋର୍ଟ ଅନୁସାରେ କପର, ଲିଥିୟମ, କୋବାଲ୍ଟ, ଗ୍ରାଫାଇଟ ଓ ରେୟର ଅର୍ଥ ରିଫାଇନିଂରେ ୪୭ରୁ ୮୭ ପ୍ରତିଶତ ଭାଗିଦାରୀ ଚୀନର ରହୁଛି । କେବଳ କେବୁଲ ବ୍ୟାଟେରୀ ଓ ରିୟୁଜେବୁଲ ଏନର୍ଜୀ ନୁହେଁ ସେମିକଣ୍ଡକ୍ଟର ଓ ରକ୍ଷା ଉପକରଣ ନିର୍ମାଣ ପାଇଁ ଏହା ବହୁତ ଜରୁରୀ । ନିକଟ ଅତୀତରେ ଚୀନ ଜାପାନକୁ ରେୟର ଅର୍ଥ ଓ ଚୁମ୍ବକ ରପ୍ତାନୀ କରିବା ଉପରେ ପ୍ରତିବନ୍ଧକ ଲଗାଇବା ପଶ୍ଚିମ ଦେଶଙ୍କ ଚିନ୍ତା ବଢ଼ାଇ ଦେଇଛି । ଏମିତି ସ୍ଥିତିରେ ପଶ୍ଚିମ ଦେଶଙ୍କୁ ଏହି ଡରା ଲାଗୁଛି କି ଭବିଷ୍ୟତରେ ଯଦି ଏହାର ଆମଦାନୀରେ ବାଧା ସୃଷ୍ଟି ହୁଏ ତେବେ ସେମାନଙ୍କ ଅର୍ଥବ୍ୟବସ୍ଥା ଓ ସୁରକ୍ଷା ବିପଦରେ ପଡିଯିବ ।
ଗୋଦାମରେ ଚାଉଳ ନଷ୍ଟ ହେଉଛି, ଲୋକଙ୍କୁ ଅଧିକ ୫ କେଜି ଚାଉଳ ଦିଅନ୍ତୁ: : ଅରୁଣ ସାହୁ
ରାସନ କାର୍ଡରେ ଏବେ ୫କେଜି ଚାଉଳ ଦେଉଛନ୍ତି l ସରକାର ଆଉ ୫କେଜି ଚାଉଳ ଦେବାକୁ ନିଷ୍ପତ୍ତି ନେଇଥିଲେ l ଗୋଦାମରେ ଏବେ ଚାଉଳ ନଷ୍ଟ ହେଉଛି l ହେଲେ ସରକାର କିନ୍ତୁ ଅଧିକ ୫କେଜି ଚାଉଳ ଦେଉନାହାନ୍ତି ବୋଲି କହି ସରକାରଙ୍କୁ ଘେରିଛନ୍ତି ବିଜେଡି ବିଧାୟକ ଅରୁଣ ସାହୁ । ନଷ୍ଟ ହେବା ପୂର୍ବରୁ ସରକାର ଲୋକଙ୍କୁ ଚାଉଳ ଦେଇ ଦିଅନ୍ତୁ ବୋଲି ଅରୁଣ କହିଛନ୍ତି । ନିଜର ଅପାରଗତା ଲୁଚାଇବା ପାଇଁ ସରକାର ରାସନ ଭେଳିକି କରୁଛନ୍ତି ବୋଲି ସେ ଅଭିଯୋଗ କରିଛନ୍ତି । ଓଡିଶା ସରକାର ଲୋକଙ୍କୁ ଭୁଆଁ ବୁଲାଉଛନ୍ତି l ଦରଦାମ ବଢୁଛି, ତେଣୁ ସରକାର ଏପରି ନିଷ୍ପତ୍ତି ନେଇଛନ୍ତି l
ଓଡ଼ିଶାରେ ବର୍ତ୍ତମାନ ଚାଉଳ ପର୍ଯ୍ୟାପ୍ତ ମାତ୍ରାରେ ରହିଥିବା ବେଳେ ଗୋଦାମ ଖାଲି ହେଉନାହିଁ । ଅନ୍ୟପକ୍ଷରେ ଗୋଦାମରେ ଚାଉଳ ନଷ୍ଟ ହେଉଥିବା ବେଳେ ତାହାକୁ ଲୋକଙ୍କ ମଧ୍ୟରେ ବାଣ୍ଟି ଦେବାକୁ ଅରୁଣ କହିଛନ୍ତି ।
ପୁଣି ଶ୍ରୀମନ୍ଦିର ଭିତର ଫଟୋ ଭାଇରାଲ
ପୁଣି ଶ୍ରୀମନ୍ଦିର ଭିତର ଫଟୋ ଭାଇରାଲ। ଶ୍ରୀମନ୍ଦିର ଭିତରେ ଫଟୋ ଉଠାଇ ଭାଇରାଲ କରିଛନ୍ତି ମୋହିତ ନାମକ ଯୁବକ। ନିଜ ଇନଷ୍ଟାଗ୍ରାମ ଆଇଡିରେ ଅପଲୋଡ଼ କରିଛନ୍ତି ଶ୍ରୀମନ୍ଦିର ଭିତର ଫଟୋ। ଶ୍ରୀମନ୍ଦିର ଆନନ୍ଦ ବଜାରରେ ଫଟୋ ଉଠାଇଥିବା ଦେଖିବାକୁ ମିଳିଛି। ଫଟୋ ଭାଇରାଲ ପରେ ଶ୍ରୀମନ୍ଦିରର ସୁରକ୍ଷାକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି।
ଅଶାନ୍ତ ଇରାନ, ଜଳୁଛି ତେହରାନ; ଗଲାଣି ୨୧୭ ଜୀବନ
ଅଶାନ୍ତ ଇରାନ, ଜଳୁଛି ତେହରାନ; ଗଲାଣି ୨୧୭ ଜୀବନ
ନନ୍ଦିଘୋଷ ବ୍ୟୁରୋ: ଦିନକୁ ଦିନ ହିଂସ୍ର ହେବାରେ ଲାଗିଛି ଇରାନରେ ରାଜନୈତିକ ସଙ୍କଟ । ପୂରା ଦେଶରେ ପ୍ରଦର୍ଶନକାରୀ ଧାର୍ମିକ ନେତୃତ୍ବ ବିରୋଧରେ ଆନ୍ଦୋଳନ କରୁଛନ୍ତି । ଯାହା ଧିରେ ଧିରେ ହିଂସ୍ରା ହେବାରେ ଲାଗିଛି । ବିଶେଷ କରି ଗତ ଦୁଇ ସପ୍ତାହ ହେବ ଏହା ଅଧିକରୁ ଅଧିକ ଉଗ୍ର ହେବାରେ ଲାଗିଛି । ଶୁକ୍ରମାର ରାତିରେ ଦେଶ ଭିତରେ ଆନ୍ଦୋଳନକାରୀ ବୋବାଲ କରିଛନ୍ତି । ବିଶେଷ କରି ରାଜଧାନୀ ତେହରାନ ଏକ ପ୍ରକାର ପ୍ରଦର୍ଶନକାରୀଙ୍କ କବଜାକୁ ଚାଲି ଯାଇଛି । ଯେଉଁଠି ଦେଖିବେ ସେଠି ନିଆଁ ଜଳୁଥିବା ଦେଖିବାକୁ ମିଳୁଛି । ଆଉ ଏମିତି ସ୍ଥିତିରେ ବର୍ତ୍ତମାନ ସୁଦ୍ଧା ୨୧୭ ଜଣଙ୍କ ମୃତ୍ୟୁ ଘଟିଥିବା ବେଳେ ୨ ହଜାରରୁ ଅଧିକ ଲୋକ ଆହତ ହୋଇଛନ୍ତି । ସ୍ଥିତି ବିଗୁଡୁ ଥିବା ବେଳେ ପୂରା ଦେଶରେ ଇଣ୍ଟରନେଟ୍ ସେବାକୁ ବନ୍ଦ କରିଦିଆଯାଇଛି ।
ଦରଦାମ ବୃଦ୍ଧି, ବିରୋଜଗାର ଓ ମୁଦ୍ରାରେ ହ୍ରାସକୁ ନେଇ ପ୍ରଦର୍ଶନ ହୋଇଥିଲା । ହେଲେ ଚାହିଁ ଚାହିଁ ଏହା କ୍ଷମତା ଓ ଧାର୍ମିକ ନେତୃତ୍ବ ବିରୋଧୀ ପ୍ରଦର୍ଶନରେ ପରିଣତ ହୋଇଯାଇଥିଲା । ଏବେ ଏହି ଆନ୍ଦୋଳନ କେବଳ ରାଜଧାନୀ ତେହରାନରେ ସୀମିତ ନାହିଁ । ଜଣେ ଡାକ୍ତର ନିଜ ନାମ ଗୋପନ ରଖିବା ସର୍ତ୍ତରେ କହିଛନ୍ତି, କେବଳ ତେହରାନର ୬ଟି ହସ୍ପିଟାଲରେ ପ୍ରାୟ ୨୧୭ ଜଣ ଆନ୍ଦୋଳନକାରୀଙ୍କ ମୃତ୍ୟୁ ଘଟିଛି । ଯେଉଁମାନଙ୍କ ମଧ୍ୟରେ ଅଧିକାଂଶଙ୍କ ମୃତ୍ୟୁ ଗୁଳି ବାଜିବାରୁ ହୋଇଛି ।
ରାଜଧାନ ତେହରାନ ବ୍ୟତୀତ ମଶହଦ, କୋମ, ଇଫସିହାନ, ମଶିରିୟେହ, କଜଓ୍ବିନ, ବୁଶହର, ଓ୍ବଜଦ ସହରରେ ବି ହିଂସକ ପ୍ରଦର୍ଶନ ଦେଖିବାକୁ ମିଳିଛି । ପ୍ରଦର୍ଶନକାରୀ ଏକାଧିକ ସ୍ଥାନରେ ନିଆଁ ଲଗାଇ ରାସ୍ତା ଅବରୋଧ କରିଛନ୍ତି ।
୨୧୭ ମୃତ୍ୟୁ, ୨ ହଜାରରୁ ଅଧିକ ଆହତ
ପ୍ରାୟ ଦୁଇ ସପ୍ତାହରୁ ଅଧିକ ହେବ ଇରାନରେ ପ୍ରଦର୍ଶନ ଚାଲିଛି । ବର୍ତ୍ତମାନ ସୁଦ୍ଧା ଏଥିରେ ୫ ଲକ୍ଷରୁ ଅଧିକ ଲୋକ ସାମିଲ ହୋଇ ସାରିଛନ୍ତି । ଦେଶର ପ୍ରାୟ ୪୦୦ ସ୍ଥାନରେ ବିକ୍ଷୋଭ ଚାଲିଛି । ପ୍ରଦର୍ଶନ ବେଳେ ସୁରକ୍ଷା କର୍ମୀଙ୍କ ସହ ମୁହାଁମୁହିଁ ସ୍ଥିତିରେ କେବଳ ରାଜଧାନୀ ତେହରାନରେ ୨୧୭ ଜଣଙ୍କ ମୃତ୍ୟୁ ଘଟିଛି । ଏହାସହ ୧୪ ଯବାନଙ୍କର ବି ମୃତ୍ୟୁ ଘଟିଛି । ବର୍ତ୍ତମାନ ସୁଦ୍ଧା ୨୩୦୦ ଲୋକଙ୍କୁ ପୋଲିସ ଗିରଫ କରିଛି ।
ମସଜିଦ ଓ ସରକାରୀ କୋଠାରେ ଲଗାଇଲେ ନିଆଁ
ଇରାନର ୨୦ଟି ପ୍ରାନ୍ତରେ ବର୍ତ୍ତମାନ ବିଦ୍ରୋହ ଚାଲିଛି । ୧୧୦ରୁ ଅଧିକ ସହରରେ ବଡ଼ ଧରଣର ପ୍ରଦର୍ଶନ କରାଯାଉଛି । ଆନ୍ଦୋଳନକାରୀ ହସ୍ପିଟାଲରେ ବି ଭଙ୍ଗାରୁଜା କରିଥିବା ଘଟଣା ପଦାକୁ ଆସିଛି । ଗତଦିନରେ ପ୍ରଦର୍ଶନକାରୀ IRGC କ୍ୟାମ୍ପ ଉପରେ ଆକ୍ରମଣ କରିଥିଲେ । ଏହାସହ ତେହରାନରେ ୨୬ଟି ବ୍ୟାଙ୍କକୁ ଲୁଟି ନେଇଛନ୍ତି ପ୍ରଦର୍ଶନକାରୀ । ସେତିକି ନୁହେଁ ୨୫ ମସଜିଦ ଓ ୧୦ ସରକାରୀ କୋଠାରେ ଆନ୍ଦୋଳନକାରୀ ନିଆଁ ଲଗାଇ ଦେଇଛନ୍ତି । ୪୨ଟି ଆପାର୍ଟମେଣ୍ଟକୁ କ୍ଷତି ପହଞ୍ଚି ଥିବା ବେଳେ ୪୮ ଅଗ୍ନିଶମ ଗାଡ଼ି ଓ ୪୨ ବସକୁ ଜଳାଇ ଦିଆଯାଇଛି ।
ତାହରାନ ମେୟର କହିଛନ୍ତି, ତେହରାନରେ ବଡ଼ ଧରଣର ଦଙ୍ଗା ଯୋଗୁଁ ସହରର ଭିତ୍ତିଭୂମିଙ୍କୁ ବ୍ୟାପକ କ୍ଷତି ଘଟିଛି । ସରକାରୀ ଟିଭିରେ ସେ କହିଛନ୍ତି, ଗୋଟିଏ ମେଡିକାଲକୁ ଆନ୍ଦୋଳନକାରୀ କ୍ଷତି ପହଞ୍ଚାଇଛନ୍ତି । ଦୁଇଟି ମେଡିକାଲ ସେଣ୍ଟର, 2୫ ମସଜିଦରେ ନିଆଁ ଲଗାଇ ଦିଆଯାଇଥିବା ବେଳେ ୨୬ ବ୍ୟାଙ୍କକୁ ଲୁଟି ନେଇଛନ୍ତି ପ୍ରଦର୍ଶନକାରୀ । ଏପରିକି ଚେକିଂ ପଏଣ୍ଟ ଓ ଇସଲାମିକ ରିଭୋଲ୍ୟୁସନାରୀ ଗାର୍ଡ ଫୋର୍ସ ମିଲିଶିୟା ବା ବିସିଜର ହେଡକ୍ବାର୍ଟର୍ସ ଉପରେ ବି ଆକ୍ରମଣ ହୋଇଛି ।
ବିବାହ ପାଇଁ ପ୍ରେମିକ ରାଜି ନହେବାରୁ ଥାନା ସମ୍ମୁଖରେ ଆତ୍ମହତ୍ୟା ପାଇଁ ଉଦ୍ୟମ କଲେ ପ୍ରେମିକା
ନୟାଗଡ଼ ଜିଲ୍ଲା ଫତେଗଡ଼ ଥାନା ଆଗରେ ଅଭାବନୀୟ ଘଟଣା । ବିବାହ ପାଇଁ ପ୍ରେମିକ ରାଜି ନହେବାରୁ ଥାନା ସମ୍ମୁଖରେ ଆତ୍ମହତ୍ୟା ପାଇଁ ଉଦ୍ୟମ କଲେ ପ୍ରେମିକା । ଥାନା ଆଗରେ ଯୁବତୀ ଜଣକ ପୋକମରା ଔଷଧ ପିଇ ଆତ୍ମହତ୍ୟା ଉଦ୍ୟମ କରୁଥିବା ବେଳେ ପ୍ରେମିକର ବାପା ଏବଂ ଫତେଗଡ଼ ଥାନା ପୋଲିସ ଯୁବତୀଙ୍କୁ ଅଟକାଇ ଥିଲେ । ଦୁହେଁ ପ୍ରେମିକ ଏବଂ ପ୍ରେମିକା କୋର୍ଟରେ ମ୍ୟାରେଜ୍ କରିବା ପାଇଁ ଆବେଦନ କରିବା ସହ ମନ୍ଦିରରେ ବିବାହ କରିଥାନ୍ତେ। କିନ୍ତୁ ବିବାହ କରିବା ପାଇଁ ପ୍ରେମିକ ଶିବ ନାରାୟଣ ପଣ୍ଡା ରାଜି ନହେବାରୁ ଯୁବତୀ ବିଷ ପିଇ ଆତ୍ମହତ୍ୟା ପଇଁ ଉଦ୍ୟମ କରିଥିଲେ। ଯୁବତୀଙ୍କ ଅଭିଯୋଗ କ୍ରମେ ଫତେଗଡ ଥାନା ପୋଲିସ ଶିବ ନାରାୟଣ ପଣ୍ଡାଙ୍କୁ ଗିରଫ କରିଛି।