ନୂଆଦିଲ୍ଲୀ : ରାହୁଲ ଗାନ୍ଧୀଙ୍କ ଦୁଇ ବର୍ଷ ଜେଲଦଣ୍ଡ ଉପରେ ସର୍ବୋଚ୍ଚ କୋର୍ଟଙ୍କ ରୋକ ପରେ କଂଗ୍ରେସ ଶିବିରରେ ସେଲିବ୍ରେସନ । କୋର୍ଟଙ୍କ ରାୟ ପରେ ପ୍ରଥମ ଟୁଇଟ କରି ରାହୁଲ କହିଛନ୍ତି, ଯାହାବି ଘଟୁ, ମୋ କର୍ତ୍ତବ୍ୟ ସମାନ ରହିବ । ଭାରତର ଆଦର୍ଶର ସୁରକ୍ଷା କରିବି ବୋଲି  ରାହୁଲ କହିଛନ୍ତି ।  କଂଗ୍ରେସର ତମାମ ନେତା ମଧ୍ୟ ଟୁଇଟ କରି ସୁପ୍ରିମକୋର୍ଟଙ୍କ ରାୟକୁ ସ୍ବାଗତ କରିଛନ୍ତି । ଘୃଣା ବିରୋଧରେ ପ୍ରେମର ବିଜୟ ହୋଇଛି । ସତ୍ୟମେବ ଜୟତେ, ଜୟହିନ୍ଦ ବୋଲି କଂଗ୍ରେସ ଅଫିସିଆଲ ଟୁଇଟର ହ୍ୟାଣ୍ଡେଲରେ ପୋଷ୍ଟ କରାଯାଇଛି ।

Come what may, my duty remains the same.

Protect the idea of India.

— Rahul Gandhi (@RahulGandhi) August 4, 2023

କଂଗ୍ରେସ ନେତ୍ରୀ ପ୍ରିୟଙ୍କା ଗାନ୍ଧୀ କହିଛନ୍ତି- ଗୌତମବୁଦ୍ଧଙ୍କ ବାଣୀ ଅନୁସାରେ ତିନିଟି ଜିନିଷକୁ ଲୁକ୍କାୟିତ କରିରଖାଯାଇପାରିବ ନାହିଁ । ତାହା ହେଲା- ସୂର୍ଯ୍ୟ, ଚନ୍ଦ୍ର ଓ ସତ୍ୟ । ସେ ସତ୍ୟମେବ ଜୟତେ କହିବା ସହ ସୁପ୍ରିମକୋର୍ଟଙ୍କୁ  ଧନ୍ୟବାଦ ଜଣାଇଛନ୍ତି ପ୍ରିୟଙ୍କା । ଟୁଇଟରରେ ସତ୍ୟବେଦ ଜୟତେ କହି ଭିଡିଓ ପୋଷ୍ଟ କରୁଛନ୍ତି କଂଗ୍ରେସ ନେତା । ରାହୁଲଙ୍କୁ ସାଂସଦ ପଦ ଫେରାଇବା ପ୍ରସଙ୍ଗରେ ବାଚସ୍ପତିଙ୍କୁ ଭେଟିଛନ୍ତି ଲୋକସଭା ବିରୋଧୀ ଦଳ ନେତା ଅଧୀର ରଞ୍ଜନ ଚୌଧୁରୀ । ମିଛ ମାମଲାରେ ରାହୁଲ ଗାନ୍ଧୀଙ୍କୁ ଫସାଇବାକୁ ଉଦ୍ୟମ କରାଯାଇଥିଲା । ଶେଷରେ ସତ୍ୟର ବିଜୟ ହୋଇଛି ବୋଲି ଅଧୀର ରଞ୍ଜନ ରହିଛନ୍ତି । ସୁପ୍ରିମକୋର୍ଟଙ୍କ ରାୟ ପୁରା ଦେଶ ପାଇଁ ବଡ଼ ବିଜୟ ବୋଲି କହିଛନ୍ତି ଆଲୋକ ଶର୍ମା । ରାହୁଲଙ୍କୁ ଦଣ୍ଡାଦେଶ ଉପରେ ସୁପ୍ରିମକୋର୍ଟଙ୍କ ରୋକ ପରେ ସିଂହ ପୁଣି ସଂସଦରେ ଗର୍ଜିବ ବୋଲି କହିଛନ୍ତି କଂଗ୍ରେସ ମୁଖପାତ୍ର ସୁପ୍ରିୟା ଶ୍ରୀନେତ । SCଙ୍କ ରାୟ ପୁରା ଦେଶ ପାଇଁ ବିଜୟ ବୋଲି କହିଛନ୍ତି ଆଲୋକ ଶର୍ମା ।