ବନ୍ୟାଞ୍ଚଳରେ ବିପନ୍ନଙ୍କୁ ଭେଟିଲେ ବିଜେଡି ନେତା
ବରୀ : ବନ୍ୟା ବିପନ୍ନଙ୍କ ନିକଟକୁ ଯାଇ ଦୁଃଖ ବୁଝିଲେ ବିଜୁଜନତା ଦଳର ରାଜ୍ୟ ସମ୍ପାଦକ ବିଶ୍ୱ ମଲ୍ଲିକ । ଯାଜପୁରରେ ପ୍ରମୁଖ ତିନୋଟି ନଦୀରେ ବନ୍ୟାଜଳ ଆସିବା ଦ୍ୱାରା ଜିଲ୍ଲାର ଚାରଟି ବ୍ଲକର ବିଭିନ୍ନ ଅଞ୍ଚଳ ପ୍ରଭାବିତ ହୋଇଛି । ଯାଜପୁର ,ବରୀ, ଦଶରଥପୁର, କୋରେଇ ବ୍ଲକର ଅନେକ ଗାଁ ଜଳବନ୍ଦି ରହିଛି । ଫଳରେ ଅନେକ ଲୋକ ବିଭିନ୍ନ ସମସ୍ୟାର ସମ୍ମୁଖୀନ ହେଉଛନ୍ତି ।
ପାଣି ଘେରରେ ରହିଥିବା ଲୋକଙ୍କ ପାଖକୁ ଯାଇ ଦୁଃଖ ବୁଝିବା ସହ ଶୁଖିଲା ଖାଦ୍ୟ ଯୋଗାଇ ଦେଇଛନ୍ତି ବିଜୁଜନତା ଦଳର ରାଜ୍ୟ ସମ୍ପାଦକ ବିଶ୍ୱ ମଲ୍ଲିକ । ଆଜି ବରୀ ନିର୍ଵାଚନ ମଣ୍ଡଳୀର ବନ୍ୟା ବିପନ୍ନଙ୍କ ନିକଟରେ ପହଞ୍ଚିଥିଲେ ବିଶ୍ୱ ମଲ୍ଲିକ । ରେବଲ ,ବୋଦୁଅ, ବରୀଲୋ ଗାଁକୁ ଯାଇ ଲୋକଙ୍କୁ ଶୁଖିଲା ଖାଦ୍ୟ ବଣ୍ଟନ କରିଥିଲେ । ଶୁଖିଲା ଖାଦ୍ୟ ପାଇ ଖୁସି ପ୍ରକାଶ କହିଛନ୍ତି ବନ୍ୟା ବିପନ୍ନ ।
