ନନ୍ଦିଘୋଷ ବ୍ୟୁରୋ : ଓଡ଼ିଶା ବିଧାନସଭାକୁ ସମ୍ବୋଧିତ କରିବେ ରାଷ୍ଟ୍ରପତି ଦ୍ରୌପଦୀ ମୁର୍ମୁ। ଏହି ସୂଚନା ଦେଇଛନ୍ତି ବିଜେପି ବିଧାୟକ ପୂର୍ଣ୍ଣଚନ୍ଦ୍ର ସେଠୀ। ରାଷ୍ଟ୍ରପତି ଶୀତ ଅଧିବେଶନରେ ବିଧାନସଭାକୁ ସମ୍ବୋଧନ କରିବେ। ପ୍ରଥମ ଥର ପାଇଁ ଓଡ଼ିଶା ବିଧାନସଭାକୁ ଜଣେ ରାଷ୍ଟ୍ରପତି ସମ୍ବୋଧନ କରିବେ। ଓଡ଼ିଶା ବିଧାନସଭାର ନିମନ୍ତ୍ରଣକୁ ଦ୍ରୌପଦୀ ମୁର୍ମୁ ଗ୍ରହଣ କରିଛନ୍ତି। କେଉଁ ଦିନ ସେ ସମ୍ବୋଧନ କରିବେ, ତାହା ରାଷ୍ଟ୍ରପତିଙ୍କ ଅଫିସ ପକ୍ଷରୁ ସ୍ଥିର କରାଯିବ। ଶୀତ ଅଧିବେଶନର କାର୍ଯ୍ୟସୂଚୀ ପ୍ରସ୍ତୁତ ହେବା ପରେ ତାହା ସ୍ପଷ୍ଟ ହେବ। ରାଷ୍ଟ୍ରପତି ବିଧାନସଭାକୁ ସମ୍ଵୋଧନ କରିବା ଏକ ସ୍ମରଣୀୟ ଅଭିଜ୍ଞତା ହେବ ବୋଲି କହିଛନ୍ତି ପୂର୍ଣ୍ଣ ସେଠୀ।
ବେଆଇନ ଗିରଫକୁ ପ୍ରତିବାଦ: ନୂଆପଡ଼ା ଥାନା ସମ୍ମୁଖରେ ବିଜେଡି ପ୍ରାର୍ଥୀ ସ୍ନେହାଙ୍ଗିନୀ ଛୁରିଆଙ୍କ ଧାରଣା
ନନ୍ଦିଘୋଷ ବ୍ୟୁରୋ : ବିଜେଡି କର୍ମୀଙ୍କୁ ପୋଲିସର ବେଆଇନ ଗିରଫର ପ୍ରତିବାଦ। ଗିରଫ ପ୍ରତିବାଦରେ ନୂଆପଡ଼ା ଥାନା ସମ୍ମୁଖରେ ବିଜେଡି ପ୍ରାର୍ଥୀ ସ୍ନେହାଗିଂନୀ ଛୁରିଆଙ୍କ ଧାରଣା। ବିଜେଡି ଜିଲ୍ଲା ସଭାପତି ଅବନୀ ଯୋଶୀଙ୍କ ନେତୃତ୍ବରେ ପ୍ରତିବାଦ ଚାଲିଛି I ବିଜେଡି କର୍ମୀଙ୍କୁ ଧରି ଗିରଫ କରି କୋର୍ଟ ଚାଲାଣ କରିଛି ପୋଲିସ ବୋଲି ଅଭିଯୋଗ କରିଛନ୍ତି ଜିଲ୍ଲା ସଭାପତି ଅବନୀ ଯୋଶୀ ।
ମାଆ ଟେଲର, ବାପା ଓ୍ବେଲ୍ଡର: କ୍ରିକେଟରେ ବିଶ୍ବ ରେକର୍ଡ କରିଥିବା ଆକାଶ କୁମାରଙ୍କ ସଂଘର୍ଷପୂର୍ଣ୍ଣ କାହାଣୀ
ମାଆ ଟେଲର, ବାପା ଓ୍ବେଲ୍ଡର: କ୍ରିକେଟରେ ବିଶ୍ବ ରେକର୍ଡ କରିଥିବା ଆକାଶ କୁମାରଙ୍କ ସଂଘର୍ଷପୂର୍ଣ୍ଣ କାହାଣୀ
ନନ୍ଦିଘୋଷ ବ୍ୟୁରୋ: କୁହାଯାଏ ଯଦି ନିଜ କାମ ପ୍ରତି ନିଷ୍ଠା ଓ ଭଲ ପାଇବା ଥିବ ତେବେ ସଫଳତା ଆପେ ଆପେ ଆପଣଙ୍କ ପାଦ ଛୁଇଁବ । ଆଉ ଏମିତି କିଛି କରି ଦେଖାଇଛନ୍ତି ଭାରତର ଉଦୟମାନ କ୍ରିକେଟର ଆକାଶ କୁମାରଙ୍କ କ୍ଷେତ୍ରରେ । ରଣଜୀ ଟ୍ରଫି-୨୦୨୫ର ପ୍ଲେଟ ଗ୍ରୁପ୍ ମ୍ୟାଚରେ ଆାକଶ କୁମାର ବିଶ୍ବ ରେକର୍ଡ କରି ଏହି ଉକ୍ତିକୁ ସତ କରି ଦେଖାଇଛନ୍ତି । ଆଉ କ୍ରିକେଟ ପ୍ରତି ଥିବା ତାଙ୍କର ଭଲ ପାଇବା ଏହାର ଏକ ବଡ଼ ଉଦାହରଣ ହୋଇ ରହିବ ।
କ୍ରିକେଟର ହେବାର ସ୍ବପ୍ନ ତ ସ୍କୁଲ ସମୟରୁ ଥିଲା । ହେଲେ ରାସ୍ତା ଏତେ ସହଜ ନଥିଲା । କାରଣ ପରିବାର ଆର୍ଥିକ ସ୍ଥିତି କ୍ରିକେଟ ଓ ତାଙ୍କ ମଝିରେ ପାଚେରୀ ହୋଇ ଛିଡ଼ା ହୋଇଥିଲା । ଆଉ ଏମିତି ସମୟରେ ଆକାଶଙ୍କୁ ସାହାରା ସାଜିଥିଲେ ତାଙ୍କ ଗରିବ ବାପାମାଆ । ଆକାଶଙ୍କ ମାଆ ଟେଲରିଂ କାମ କରନ୍ତି । ଆଉ ବାପା ଓ୍ବେଲ୍ଡିଂ କାମ । ଯେଣେ ତେଣେ ପ୍ରକାରେ ଘର ଚଳି ଯାଉଥିଲା । ହେଲେ ସେମାନେ ଆକାଶଙ୍କୁ ସେ ସମସ୍ତ ସୁବିଧା ଯୋଗାଇ ଥିଲେ ଯାହା ତାଙ୍କ କ୍ୟାରିୟର ପାଇଁ ଆବଶ୍ୟକ ଥିଲା ।
ବିଶ୍ବ ରେକର୍ଡ କରିବା ପରେ ଆକାଶ କହିଛନ୍ତି, ଘରର ଆର୍ଥିକ ସ୍ଥିତି ଭଲ ନଥିଲେ ବି ମାଆ ଓ ବାପା କେବେ କିଛି ଅଭାବ କରିନାହାନ୍ତି । ମୁଁ ଆଜି ଯେଉଁଠି ପହଞ୍ଚିଛି, ଯାହା ହାସଲ କରିଛି ତାହା କେବଳ ମୋ ମାଆ ଓ ବାପାଙ୍କ ପାଇଁ ପାଇଛି ।
ଡେବ୍ୟୁରୁ ବିଶ୍ବ ରେକର୍ଡ ପର୍ଯ୍ୟନ୍ତର ସଂଘର୍ଷ
୨୦୧୯ରେ ଆକାଶ କୁମାର ଚୌଧୁରୀ ମେଘାଳୟ ପାଇଁ ଫାଷ୍ଟ କ୍ଲାସ୍ ଡେବ୍ୟୁ କରିଥିଲେ । ନାଗାଲ୍ୟାଣ୍ଡ ବିପକ୍ଷରେ ଥିଲା ତାଙ୍କର ଡେବ୍ୟୁ ମ୍ୟାଚ୍ । ସେ ମେଘାଳୟ ତରଫରୁ ଲିଷ୍ଟ ଏ ଓ ଟି୨୦ ବି ଖଷଳିଛନ୍ତି । ଲିଷ୍ଟ ଏ ଡେବ୍ୟୁ ସିକ୍କିମ ଓ ଟି୨୦ ଡେବ୍ୟୁ ଗୁଜରାଟ ବିପକ୍ଷରେ କରିଥିଲେ ।
ନିଜ କ୍ରିକେଟ କ୍ୟାରିୟରେ ଆକାଶ ବହୁତ ଉତ୍ଥାନ ପତନ ଦେଖିଛନ୍ତି । ଅରୁଣାଚଳ ପ୍ରଦେଶ ବିପକ୍ଷରେ ବିଶ୍ବ ରେକର୍ଡ କରିବା ପୂର୍ବରୁ ଫାଷ୍ଟ କ୍ଲାସ କ୍ୟାରିୟରରେ ୧୦ଟି ଇଂନିସରେ ମାତ୍ର ଦୁଇଟି ଅର୍ଦ୍ଧ ଶତକ ମାରିଛନ୍ତି । ଏହି ସମୟରେ ୫ଟି ଇଂନିସରେ ୨୦ ରନ ବି କରି ନଥିଲେ । ରଣଜୀ ଟ୍ରଫିର ପ୍ଲେଟ ଗ୍ରୁପରେ ବିହାର ବିପକ୍ଷରେ ଅର୍ଦ୍ଧ ଶତକ ମାରିବା ପରେ ଆକାଶ କୁମାରଙ୍କ କାହାଣୀ ପୂରା ବଦଳି ଯାଇଥିଲା ।
ଭାଙ୍ଗିଲେ ୧୩ ବର୍ଷ ପୁରୁଣା ବିଶ୍ବ ରେକର୍ଡ
ଅରୁଣାଚଳ ପ୍ରଦେଶ ବିପକ୍ଷରେ ୧୧ ବଲରୁ ଫାଷ୍ଟ ପ୍ଲାସ ୫୦ ବନାଇବା ପରେ ଏବେ ତାଙ୍କୁ ଭିନ୍ନ ପରିଚୟ ଦେଇଛି । ୮ ନମ୍ବରରେ ବ୍ୟାଟିଂ କରିବାକୁ ଆସି ଲଗାତାର ୮ଟି ବଲରେ ୮ଟି ଛକ୍କା ମାରିଛନ୍ତି । ଯାହା ବିଶ୍ବର କୌଣସି ବ୍ୟାଟର କରିପାରିନାହାନ୍ତି । ଏହାପରେ ୧୧ ବଲରେ ଅର୍ଦ୍ଧ ଶତକ ମାରି ଫାଷ୍ଟ କ୍ଲାସ କ୍ରିକେଟରେ ୧୩ ବର୍ଷ ପୁରୁଣା ରେକର୍ଡ ଭାଙ୍ଗିଛନ୍ତି ।
ସବୁ କ୍ରିକେଟରଙ୍କ ପରି ଟିମ୍ ଇଣ୍ଡିଆ ପାଇଁ ଖେଳିବାକୁ ଆକାଶ କୁମାରଙ୍କ ଇଚ୍ଛା ରହିଛି । ହେଲା ତାଙ୍କ ମତ ହେଲା, ଏହା ମୋ ହାତରେ ନାହିଁ । ମୋ ହାତରେ କେବଳ ବଲ ଓ ବ୍ୟାଟ ରହିଛି । ଆଉ ମୋତେ ଏଥିରେ ଭଲ ପରଫର୍ମାନ୍ସ କରିବାକୁ ପଡିବ । ଆଉ ଏହାକୁ ଆଗକୁ ମୋତେ ବଜାଇ ରଖିବାକୁ ପଡ଼ିବ ।
ହସ୍ପିଟାଲ ଲକରରେ ଏକ-୪୭, ହନିମୁନରେ ଯିବା ପୂର୍ବରୁ ଗିରଫ ହେଲା ଡାକ୍ତର ଆଦିଲ
ନନ୍ଦିଘୋଷ ବ୍ୟୁରୋ : ଜମ୍ମୁ-କଶ୍ମୀର ପୋଲିସ୍ ଅନନ୍ତନାଗ ଜିଲ୍ଲାର ଜଣେ ଏମବିବିଏସ୍ ଡାକ୍ତରଙ୍କୁ ଗିରଫ କରିଛି। ଏହି ଡାକ୍ତର ଉତ୍ତରପ୍ରଦେଶର ସହରାନପୁରରେ ଅମ୍ବାଲା ରୋଡ୍ ସ୍ଥିତ ଫେମସ୍ ନାମକ ଏକ ହସ୍ପିଟାଲରେ ଚାକିରି କରୁଥିଲେ। ଡା. ଆଦିଲ ଅହମଦ ଫରିଦାବାଦରେ ୩୫୦ କିଲୋ ଆରଡିଏକ୍ସ ଲୁଚାଇ ରଖିଥିଲେ। ତାହା ମଧ୍ୟ ଜବତ ହୋଇଛି।
ଡାକ୍ତର ନୁହେଁ ଆତଙ୍କବାଦୀ
ଉତ୍ତରପ୍ରଦେଶର ସହରାନପୁରରେ ଜମ୍ମୁ-କଶ୍ମୀର ପୋଲିସ୍ ଡା. ଆଦିଲ ଅହମଦକୁ ଗିରଫ କରିଛି। ନିଷିଦ୍ଧ ଆତଙ୍କବାଦୀ ସଂଗଠନ ଜୈଶ-ଏ-ମହମ୍ମଦଙ୍କ ସମର୍ଥନରେ ପୋଷ୍ଟର ଲଗାଇବା ଅଭିଯୋଗରେ ପୋଲିସ୍ ତାଙ୍କୁ ଗିରଫ କରିଥିଲା। ଶ୍ରୀନଗର ପୋଲିସ୍ ସହରର ବିଭିନ୍ନ ଅଞ୍ଚଳରେ ଜୈଶ-ଏ-ମହମ୍ମଦଙ୍କ ପ୍ରଚାର ପୋଷ୍ଟର ପାଇବା ପରେ ଏକ ମାମଲା ଦାୟର କରିଥିଲା। ପୋଲିସ୍ ଆଦିଲକୁ ଧରିବା ସମୟରେ କଳ୍ପନା କରିନଥିଲା ଯେ,ସେମାନେ ଏଭଳି ଗୋଟିଏ ବଡ଼ ମାଛକୁ ଧରୁଛନ୍ତି ଯାହା ପାଖରେ ୩୫୦ କିଲୋ ଆରଡିଏକ୍ସ ଅଛି । ଯିଏ ଗୋଟିଏ ବଡ଼ ଧରଣର ଆତଙ୍କବାଦୀ ଆକ୍ରମଣ ପ୍ଲାନିଂ କରୁଛି ।
ଆଳୁ ଖୋଳୁ ଖୋଳୁ ମହାଦେବ
ଗତ କିଛି ଦିନରେ ଶ୍ରୀନଗରର ଅନେକ ଅଞ୍ଚଳରେ ଜୈଶ ଏ ମହମ୍ମଦଙ୍କ ପୋଷ୍ଟର ମିଳିଥିଲା। ପୋଲିସ୍ ଏହି ପୋଷ୍ଟର ଲଗାଇଥିବା ଲୋକଙ୍କ ଖୋଜ ଆରମ୍ଭ କରିଥିଲା। ସିସିଟିଭି ଫୁଟେଜ୍ ଯାଞ୍ଚ କଲାବେଳେ ଏଥିରେ ଜଣେ ବ୍ୟକ୍ତି ଦେଖାଯାଇଥିଲା। ପୋଲିସ୍ ସେହି ବ୍ୟକ୍ତିକୁ ଖୋଜିବା ଆରମ୍ଭ କରିଥିଲା । ତଦନ୍ତରୁ ଡାକ୍ତର ଆଦିଲର ନାମ ସାମ୍ନାକୁ ଆସିଥିଲା।
ଏହିପରି ପୋଲିସ୍ ଡା. ଆଦିଲ ପାଖରେ ପହଞ୍ଚିଲା
ପୋଲିସ୍ ଡା. ଆଦିଲଙ୍କ ବିଷୟରେ ସୂଚନା ଖୋଜିଲା ତ ଜଣାପଡ଼ିଲା ଯେ ସେ ଅନନ୍ତନାଗର ବାସିନ୍ଦା ଡା. ଆଦିଲ ଅହମଦ। ପୋଲିସ୍ ଅନନ୍ତନାଗରୁ ଜାଣିଲା ଯେ ଡା. ଆଦିଲ ସହରାନପୁରର ଏକ ଘରୋଇ ହସ୍ପିଟାଲରେ ଚାକିରି କରୁଛନ୍ତି। ପୋଲିସ୍ ଏଠାରେ ଥିବା ପୋଲିସ୍ ସହ ଯୋଗାଯୋଗ କରି ଅମ୍ବାଲା ରୋଡ୍ ସ୍ଥିତ ଘରୋଇ ହସ୍ପିଟାଲରେ ଚଢ଼ାଉ କରି ଡା. ଆଦିଲ ଅହମଦଙ୍କୁ ଅଟକାଇଲା।
ହନିମୁନରେ ଯାଉଥିଲା,ଗିରଫ ହେଲା
ଡା. ଆଦିଲଙ୍କୁ ସ୍ଥାନୀୟ ଅଦାଲତରେ ହାଜର କରାଯାଇଥିଲା, ଯେଉଁଠାରୁ ଶ୍ରୀନଗର ପୋଲିସ୍ ଟ୍ରାନଜିଟ୍ ରିମାଣ୍ଡ ପାଇଥିଲା। ପୋଲିସ୍ ଅନୁଯାୟୀ, ଡା. ଆଦିଲ ସହରାନପୁରରେ ହିଁ ଅନ୍ୟ ଜଣେ ମହିଳା ଡାକ୍ତରଙ୍କୁ ନିଜର ପ୍ରେମ ଜାଲରେ ଫସାଇଥିଲେ। ତା’ପରେ ସେ ୪ ଅକ୍ଟୋବରରେ ତାଙ୍କ ସହ ନିକାହ କରିଥିଲେ। ସେ ନିଜ ପତ୍ନୀଙ୍କ ସହ ହନିମୁନ୍ ଯିବାର ପ୍ରସ୍ତୁତି କରୁଥିଲେ ଯେ ୨୭ ଅକ୍ଟୋବର ରାତିରେ ତାଙ୍କୁ ଗିରଫ କରାଯାଇଥିଲା।
ଜେରା ସମୟରେ ଡା. ଆଦିଲ ପୋଲିସକୁ କହିଥିଲା ଯେ ସହରାନପୁରରେ ଚାକିରି କରୁଥିବା ସମୟରେ ସେ କିଛି ଦିନ ପୂର୍ବେ ଛୁଟି ନେଇ ନିଜ ଘର ଅନନ୍ତନାଗ ଯାଇଥିଲେ। ସେହି ସମୟରେ ସେ ଲୁଚାଚୋରାରେ ପୋଷ୍ଟର ଲଗାଇଥିଲା। ପୋଷ୍ଟର ଲଗାଇବା ପରେ ସେ ସହାନପୁର ଫେରି ଆସିଥିଲା। ସେଠାରେ ସେ ବିବାହ ମଧ୍ୟ କରିଥିଲା।
ଏହିପରି ୩୫୦ କିଲୋ ଆରଡିଏକ୍ସ ଜବତ ହେଲା
ପୋଲିସ ଚାପରେ ଡା. ଆଦିଲ ତା’ ପାଖରେ ଭାରୀ ପରିମାଣର ଗୋଲାବାରୁଦ ଥିବା ସ୍ୱୀକାର କରିଥିଲା । ତା’ପରେ ପୋଲିସ୍ ତାକୁ ହରିୟାଣାର ଫରିଦାବାଦ ନେଇଆସିଲା। ସେଠାରେ ଏକ ଭଡ଼ା ଘରେ ସେ ୩୫୦ କିଲୋ ଆରଡିଏକ୍ସ, ୨ ଏକେ ୪୭ ଏବଂ ଭାରୀ ପରିମାଣର ଜିଅନ୍ତା କାର୍ତ୍ତୁଜ ଲୁଚାଇ ରଖିଥିଲା। ପୋଲିସ୍ ଗିରଫଦାରୀ ସମୟରେ ମଧ୍ୟ ଡା. ଆଦିଲଙ୍କ ପାଖରୁ ତାଙ୍କ ହସ୍ପିଟାଲର ଲକରରୁ ଏକ ଏକେ ୪୭ ଜବତ କରିଥିଲା। ଏବେ ପୋଲିସ୍ ଆଗକୁ ଜେରା କରୁଛି ଯେ ସେ ଏତେ ଭାରୀ ସଂଖ୍ୟକ ଆରଡିଏକ୍ସ କେଉଁଠାରୁ ଆଣିଥିଲା ଏବଂ ତାହାର କ’ଣ କରିବାକୁ ଯୋଜନା କରୁଥିଲା।
ଫେମସ୍ ହସ୍ପିଟାଲରେ ଚାକିରି କରୁଥିଲା
ପୋଲିସ୍ କହିଛି ଯେ ଡା. ଅଦୀଲ ସହରାନପୁର ପୂର୍ବରୁ ଦିଲ୍ଲୀ ରୋଡ୍ ସ୍ଥିତ ଭି-ବ୍ରସ୍ ହସ୍ପିଟାଲରେ ମଧ୍ୟ କାମ କରିଛି। ଏପଟେ ଫେମସ୍ ହସ୍ପିଟାଲର ଆଡମିନ ଇନଚାର୍ଜ ଅସଲମ ଜାଇଦୀ କହିଛନ୍ତି ଯେ ଡା. ଆଦିଲଙ୍କ ନିଯୁକ୍ତି ପ୍ରାୟ ୬ ମାସ ପୂର୍ବେ ହୋଇଥିଲା। ସେ ବହୁତ ଶାନ୍ତ ରହୁଥିଲେ। କେବଳ ନିଜ କାମ ସହ କାମ ରଖୁଥିଲେ। ସେମାନଙ୍କୁ ଏହାର କୌଣସି ଅନୁମାନ ନଥିଲା ଯେ ସେ କ’ଣ କରୁଛନ୍ତି। ସେ କହିଛନ୍ତି ଯେ ତାଙ୍କୁ ନିଯୁକ୍ତି କରିବା ପୂର୍ବରୁ ଯାଞ୍ଚ କରାଯାଇଥିଲା। ତାଙ୍କର ଠିକଣା, ମେଡିକାଲ ସାର୍ଟିଫିକେଟ୍ ଏବଂ ରେଜିଷ୍ଟ୍ରେସନ୍ ସବୁ ବୈଧ ଥିବାରୁ ତାଙ୍କୁ ନିଯୁକ୍ତି ଦିଆଯାଇଥିଲା।
ଆସନ୍ତାକାଲି ନୂଆପଡ଼ା ଭୋଟ ; ନୂଆପଡାରୁ ବୁଥ ଅଭିମୁଖେ ବାହାରିଛନ୍ତି ପୋଲିଂ ପାର୍ଟି
ନନ୍ଦିଘୋଷ ବ୍ୟୁରୋ : ଆସନ୍ତାକାଲି ନୂଆପଡ଼ା ଭୋଟ । ନୂଆପଡାରୁ ବୁଥ ଅଭିମୁଖେ ବାହାରିଛନ୍ତି ପୋଲିଂ ପାର୍ଟି। ଆଜି ଅପରାହ୍ନ ସୁଦ୍ଧା ବିଭିନ୍ନ ବୁଥରେ ପହଞ୍ଚିବେ ସମସ୍ତ ଟିମ୍ । ତେଣୁ ଶେଷ ହୋଇଗଲାଣି ସମସ୍ତ ପ୍ରସ୍ତୁତି । କିଭଳି ଭାବେ ସୁରକ୍ଷିତ ଭାବେ ପୋଲିଂ ପାର୍ଟି ପହଞ୍ଚିବେ ସେଥିପାଇଁ ଜିଲ୍ଲା ପ୍ରଶାସନ ପ୍ରସ୍ତୁତ ଥିବା କହିଛନ୍ତି ନୂଆପଡ଼ା ଜିଲ୍ଲାପାଳ ମଧୁସୂଦନ ଦାସ । ସେପଟେ ମାଓ ପ୍ରବଣ ଅଂଚଳରେ କିଭଳି EVMପହଞ୍ଚିବ ସେନେଇ ସ୍ଵତନ୍ତ୍ର ବ୍ୟବସ୍ଥା କରାଯାଇଛି ।
ନୂଆପଡା ଉପ ନିର୍ବାଚନ ପାଇଁ ଆଜି ମାଓ ପ୍ରବଣ ଅଞ୍ଚଳକୁ ଯାଉଛି ଇଭିଏମ୍ । ନୂଆପଡ଼ା ନିର୍ବାଚନ ମଣ୍ଡଳୀର ସୁନାବେଡ଼ା ଅଞ୍ଚଳର ଯେଉଁ ୮ ଟି ମାଓ ପ୍ରବଣ ଅଞ୍ଚଳ ଅଛି ସେହି ସ୍ଥାନକୁ ଆଜି ବାୟୁସେନାର ସ୍ଵତନ୍ତ୍ର ହେଲିକେପ୍ଟର ଯୋଗେ EVMକୁ ଏୟାର ଲିଫ୍ଟ କରାଯାଉଛି ଯେହେତୁ ଏହି ଅଞ୍ଚଳରେ ମୋବାଇଲ ନେଟୱର୍କ ନାହିଁ ଓ ସମ୍ପୂର୍ଣ ମାଓ ପ୍ରବଣ ତେଣୁ EVMକୁ ଏୟାର ଲିଫ୍ଟ କରିବାପାଇଁ ନିର୍ବାଚନ କମିଶନ ନିର୍ଦ୍ଦେଶ ଦେଇଥିଲେ ତେବେ କିଭଳି ସୁରକ୍ଷିତ ଭାବେ ଏୟାର ଲିଫ୍ଟ କରାଯିବ ଏନେଇ ଲାଗି ପଡ଼ିଛି ଜିଲ୍ଲା ପ୍ରଶାସନ । ନୂଆପଡା ଗୋତମା ଏୟାର ଷ୍ଟ୍ରିଫରେ ପହଞ୍ଚିଲେ ୪୦ ଜଣିଆ ପୋଲିଂ ପାର୍ଟି । ଗୋତମା ଏୟାର ଷ୍ଟ୍ରିପରୁ ମାଓ ପ୍ରବଣ ସୁନାବେଡ଼ା ଅଞ୍ଚଳକୁ ଯିବ ଟିମ । ବାୟୁ ସେନାର ସ୍ଵତନ୍ତ୍ର ବିମାନରେ ଯିବେ ଟିମ୍ । କଡା ସୁରକ୍ଷାର ଯିବ ଟିମ୍ ।
ଅନଲାଇନରେ ମହାପ୍ରସାଦ ଯୋଗାଇବା ବିଜ୍ଞାପନ ଦେଇ ଜଣେ ଗିରଫ
ନନ୍ଦିଘୋଷ ବ୍ୟୁରୋ : ଅନଲାଇନରେ ମହାପ୍ରସାଦ ଯୋଗାଇବା ବିଜ୍ଞାପନ ଦେଇ ଜଣେ ଗିରଫ। ଗିରଫ ହେଉଛନ୍ତି ଭୁବନେଶ୍ୱରର ରିଅଲ୍ ଇଷ୍ଟେଟ୍ ବ୍ୟବସାୟୀ ଡିସ୍ପୋଜା ପଟ୍ଟନାୟକ। SHREE PRASAD.ORG ନାମକ ୱେବସାଇଟରେ ଅନଲାଇନ ମହାପ୍ରସାଦ ଅର୍ଡର ନେଇ ଦିଆଯାଇଥିଲା ବିଜ୍ଞାପନ। ଶ୍ରୀମନ୍ଦିର ସୁରକ୍ଷା ପ୍ରଶାସକ ଏନେଇ ସିଂହଦ୍ଵାର ଥାନାରେ ଏତଲା ଦେଇଥିଲେ । ୱେବସାଇଟରେ ଦିଆଯାଇଥିଲା ମୋବାଇଲ ନମ୍ବର। ୱେବସାଇଟରେ ଏଭଳି କାର୍ଯ୍ୟକଳାପ ମନ୍ଦିରର ପ୍ରତିଛବି ଏବଂ ପବିତ୍ରତାକୁ ବାଧା ଦେବାସହ ଭକ୍ତଙ୍କ ଧାର୍ମିକ ଭାବନାକୁ କରିଥିଲା ଆଘାତ। ଗିରଫ ବ୍ୟକ୍ତିଙ୍କ ବିରୁଦ୍ଧରେ ବିଭିନ୍ନ ଧାରାରେ ମାମଲା ରୁଜୁ କରାଯାଇଛି। ସେପଟେ ଯେକୌଣସି ବ୍ୟକ୍ତିବିଶେଷ ଅନଲାଇନରେ ମହାପ୍ରସାଦ ବିକ୍ରି କରିବା ଘଟଣା ନଜରକୁ ଆସିଲେ ସେମାନଙ୍କ ବିରୁଦ୍ଧରେ ଦୃଢ କାର୍ଯ୍ୟାନୁଷ୍ଠାନ ନିଆଯିବ ବୋଲି ଏସପି ପ୍ରତୀକ୍ ସିଂ କହିଛନ୍ତି।
୨ ମିନିଟ ବିଳମ୍ବରେ ପହଞ୍ଚିଲେ ରାହୁଲ ଗାନ୍ଧୀ: ମିଳିଲା ଏମିତି ଦଣ୍ଡ
ନନ୍ଦିଘୋଷ ବ୍ୟୁରୋ : କଂଗ୍ରେସ ନେତା ରାହୁଲ ଗାନ୍ଧୀ ମଧ୍ୟପ୍ରଦେଶର ପଚମାଢ଼ିରେ ଏକ କଂଗ୍ରେସ ତାଲିମ ଶିବିରରେ ଦୁଇ ମିନିଟ ବିଳମ୍ବରେ ପହଞ୍ଚିଥିଲେ। ଏହି ବିଳମ୍ବ ପାଇଁ ତାଙ୍କୁ ଦଣ୍ଡ ଦିଆଯାଇଥିଲା। ସେ ଦଣ୍ଡ ଗ୍ରହଣ କରିଥିଲେ। ଜଣେ ଦଳୀୟ କର୍ମୀଙ୍କ ଅନୁଯାୟୀ ତାଙ୍କୁ ଦଣ୍ଡ ସ୍ବରୂପ ତାଙ୍କୁ ଦଶଟି ପୁସ-ଅପ ‘ଦଣ୍ଡ’ ମାରିବାକୁ ପଡିଥିଲା । ସଂଗଠନ ସୃଷ୍ଟି ଅଭିଯାନ (SSA) ଅଧୀନରେ ଶିବିରରେ ବିଳମ୍ବରେ ପହଞ୍ଚିବା ପାଇଁ ରାହୁଲ ଗାନ୍ଧୀ ଦଶଟି ପୁସ-ଅପ ‘ଦଣ୍ଡ’ ମାରିଥିଲେ । AICC ତାଲିମ ବିଭାଗର ମୁଖ୍ୟ ସଚିନ ରାଓ ଅଂଶଗ୍ରହଣକାରୀମାନଙ୍କୁ ‘ଦଶଟି ପୁସ-ଅପ ଦଣ୍ଡ’ ନିୟମ ପାଳନ କରିବାକୁ ନିର୍ଦ୍ଦେଶ ଦେଇଥିଲେ। ଅଭିଯାନ ନଭେମ୍ବର ୧୧ରେ ଶେଷ ହୋଇଛି।
କଂଗ୍ରେସ ମିଡିଆ ସଂଯୋଜକ ଅଭିନବ ବାରୋଲିଆ କହିଛନ୍ତି, ଏହା ରାହୁଲ ଗାନ୍ଧୀଙ୍କ ପାଇଁ ନୂଆ କିମ୍ବା ଆଶ୍ଚର୍ଯ୍ୟଜନକ ନୁହେଁ। ଆମେ ଆମ ଶିବିରରେ ଶୃଙ୍ଖଳାକୁ କଡ଼ାକଡ଼ି ପାଳନ କରୁ । ସେ କହିଛନ୍ତି ଦଳ ଗଣତାନ୍ତ୍ରିକ ସମସ୍ତ ସଦସ୍ୟଙ୍କ ପାଇଁ ନିୟମ ସମାନ। ସମସ୍ତଙ୍କୁ ସମାନ ବ୍ୟବହାର କରାଯାଏ। ଆମ ଦଳରେ ଭାଜପା ପରି କୌଣସି ଏକଛତ୍ରବାଦ ନାହିଁ। ରାହୁଲ ଗାନ୍ଧୀ ପରେ ନିର୍ବାଚନ ପ୍ରଚାର ପାଇଁ ବିହାର ଯାଇଥିଲେ।
ସଚିନ ରାଓଙ୍କ ସହ ଯୋଗାଯୋଗ କରାଯିବାରୁ ସେ କହିଥିଲେ, ଶିବିରର ଅଧିକ ବିବରଣୀ ଆଲୋଚନା କରିବାକୁ ତାଙ୍କର ସ୍ବାଧୀନତା ନାହିଁ। ଦଳୀୟ ସଂଗଠନକୁ ମଜଭୁତ କରିବା ପାଇଁ ଏକ ପଦକ୍ଷେପ ସ୍ବରୂପ ଏହା ପାଞ୍ଚ ମାସ ମଧ୍ୟରେ ବିରୋଧୀ ଦଳ ନେତାଙ୍କ ମଧ୍ୟପ୍ରଦେଶର ଦ୍ୱିତୀୟ ଗସ୍ତ ଥିଲା। ଗତ ବର୍ଷ ଡିସେମ୍ବରରେ ବେଲାଗାଭିରେ କଂଗ୍ରେସ କାର୍ଯ୍ୟକାରିଣୀ (CWC) ବୈଠକ ସମୟରେ ସର୍ବଶିକ୍ଷା ଅଭିଯାନ (SSA) ଘୋଷଣା କରାଯାଇଥିଲା ।
ପ୍ରବାସୀଙ୍କୁ ନେଇ ଯାଉଥିବା ଡଙ୍ଗା ବୁଡ଼ିଲା ; ୭ ଜଣଙ୍କ ମୃତ୍ୟୁ ହୋଇଥିବା ସୂଚନା
ନନ୍ଦିଘୋଷ ବ୍ୟୁରୋ : ମାଲେସିଆ ଉପକୂଳରେ ପ୍ରବାସୀଙ୍କୁ ନେଇ ଯାଉଥିବା ଡଙ୍ଗା ବୁଡ଼ିଲା। ଏଥିରେ ୭ ଜଣଙ୍କ ମୃତ୍ୟୁ ହୋଇଥିବା ସୂଚନା ମିଳିଛି। ଡଙ୍ଗାରେ ଥିଲେ ପ୍ରାୟ ୯୦ ଜଣ ଯାତ୍ରୀ। ୧୩ ଜଣଙ୍କୁ ଜୀବୀତ ଉଦ୍ଧାର କରାଯାଇଛି। ମୃତ୍ୟୁସଂଖ୍ୟା ବୃଦ୍ଧି ପାଇବା ଆଶଂକା କରାଯାଉଛି। ମିଆଁମାରରୁ ପ୍ରବାସୀଙ୍କୁ ନେଇ ମାଲେସିଆ ଯାଉଥିଲା ଏହି ଡଙ୍ଗା। ଥାଇଲାଣ୍ଡ ସୀମା ନିକଟରେ ପ୍ରବାସୀଙ୍କୁ ନେଇ ଯାଉଥିବାବେଳେ ଏହି ଡଙ୍ଗା ବୁଡ଼ିଯାଇଥିଲା। ଡଙ୍ଗାଟି ବେଆଇନ ଭାବେ ଯାତ୍ରା କରୁଥିବା ପ୍ରବାସୀଙ୍କୁ ନେଇ ଯାଉଥିଲା। ଯେଉଁମାନେ ମିଆଁମାରରୁ ମାଲେସିଆ ଯାଉଥିଲେ। ମୋଟ ୩ଶହ ଯାତ୍ରୀ ବେଆଇନ ଭାବେ ଏକାଧିକ ଡଙ୍ଗାରେ ଯାତ୍ରା କରୁଥିବା ଜଣାପଡିଛି। ଥାଇଲ୍ୟାଣ୍ଡର ତାରୁତାଓ ଦ୍ୱୀପ ନିକଟରେ ବୁଡ଼ିଯାଇଥିଲା ପ୍ରବାସୀଙ୍କୁ ନେଇ ଯାଉଥିବା ଡଙ୍ଗା। ଅନ୍ୟ ଦୁଇଟି ଜାହାଜ ମଧ୍ୟ ନିଖୋଜ ହୋଇଯାଇଥିବା ଜଣାପଡିଛି।
କାଶ୍ମୀରରୁ ଗିରଫ ଆତଙ୍କବାଦୀ ବତାଇଲା ଠିକଣା: ଫରିଦାବାଦରୁ ୩ ଶହ କେଜି RDX ଜବତ, ବଡ଼ ଷଡଯନ୍ତ୍ର ଉପରୁ ହଟିଲା ପରଦା
କାଶ୍ମୀରରୁ ଗିରଫ ଆତଙ୍କବାଦୀ ବତାଇଲା ଠିକଣା: ଫରିଦାବାଦରୁ ୩ ଶହ କେଜି RDX ଜବତ, ବଡ଼ ଷଡଯନ୍ତ୍ର ଉପରୁ ହଟିଲା ପରଦା
ନନ୍ଦିଘୋଷ ବ୍ୟୁରୋ: ଜମ୍ମୁ ଓ କାଶ୍ମୀର ପୋଲିସକୁ ମିଳିଛି ବଡ଼ ସଫଳତା । କାଶ୍ମୀରରୁ ଗିରଫ ଆତଙ୍କବାଦୀ ଡକ୍ତର ଆଦିଲ ଅହମ୍ମଦ ରାଠର ତଥ୍ୟ ଅନୁସାରେ ହରିୟାଣାର ଫରିଦାବାଦରୁ ୩୦୦ କେଜି ଆରଡିଏକ୍ସ, ଗୋଟିଏ ଏକେ-୪୭ ରାଇଫଲ ଓ ପ୍ରଚୁର ପରିମାଣରେ ଗେଳା, ବାରୁଦ ଜବତ କରିଛି । ପଚରାଉଚରା ବେଳେ ଆଦିଲ ବହୁତ ଗୁରୁତ୍ବପୂର୍ଣ୍ଣ ତଥ୍ୟ ଦେଇଛି । ଏହାପୂର୍ବରୁ କାଶ୍ମୀରରେ ତା’ ଲକରରୁ ଏକେ-୪୭ ବନ୍ଧୁକ ଓ ଅନ୍ୟ ମାରଣାସ୍ତ୍ର ମିଳିଥିଲା ।
ପଚରା ଉଚରାରୁ ଜଣାପଡିଛି, କାଶ୍ମୀର ବାସିନ୍ଦା ଅନ୍ୟ ଜଣେ ଡକ୍ତର ଡ. ମୁଜମିଲ ଫରିଦାବାଦରେ ଏହି ଅସ୍ତର୍ଶସ୍ତ୍ର ଓ ଗୋଳାବାରୁଦ ଲୁଚାଇ ରଖିଥିଲା । ଉଭୟ ଏବେ ଜମ୍ମୁ ଓ କାଶ୍ମୀର ଜେଲରେ ରହିଛନ୍ତି ।
ବଡ଼ ଧରଣର ଆତଙ୍କବାଦୀ ଆକ୍ରମଣ ଯୋଜନା
ଆଦିଲକୁ ପଚରାଉଚରା ବେଳେ ମିଳିଥିବା ସୂଚନା ଅନୁସାରେ ଜମ୍ମୁ ଓ କାଶ୍ମୀର ପୋଲିସ ଫରିଦାବାଦରେ ଚଢ଼ାଉ କରିଥିଲା । ଜବତ ବିସ୍ଫୋଟକକୁ ଦେଖି ଅନୁମାନ କରାଯାଉଛି, ଏମାନେ ବଡ଼ ଧରଣର ଆକ୍ରମଣ ଷଡଯନ୍ତ୍ରର ଅଂଶ ହୋଇପାରନ୍ତି । ତଦନ୍ତକାରୀ ସଂସ୍ଥା ଏବେ ଏହି ନେଟଓ୍ବର୍କର ସହ ସମ୍ପୃକ୍ତ ଅନ୍ୟ ମାନଙ୍କୁ ଧରିବାକୁ ଧଡ଼ପଗଡ଼ ଆରମ୍ଭ କରିଦେଇଛି ।
ଶ୍ରୀନଗର ପୋଲିସର ଅପରେଶନ ଅଧୀନରେ ଏହାର ଖଉଲାସା ହୋଇଛି । ଯାଞ୍ଚ ବେଳେ ଏକ ଡକ୍ତର ନେଟଓ୍ବର୍କ ଉପରେ ନଜର ରଖାଯାଇଥିଲା । ଏମାନଙ୍କ ସମ୍ପର୍କ ଆତଙ୍କବାଦୀ ସଙ୍ଗଠାନ ଜେଶ ଏ ମୋହମ୍ମଦ ଓ ଗଜବତି ଉଲ ହିନ୍ଦ ସହ ଥାଇ ପାରେ ବୋଲି ପୋଲିସ ସନ୍ଦେହ କରୁଛନ୍ତି । ଯାଞ୍ଜରୁ ଏହା ମଧ୍ୟ ଜଣାପଡ଼ିଛି, ଡ. ମୁଜମିଲ ଫରିଦାବାଦର ଅଲ ଫଲାହ ମେଡିକାଲ କଲେଜରେ ଜୁନିୟର ଡାକ୍ତର ଭାବେ କାମ କରୁଥିଲା ।
ଜେଲରେ ବନ୍ଦ ଗ୍ୟାଙ୍ଗଷ୍ଟର ରାଜେଶ ମିଶ୍ରାଙ୍କ ପରିବାରର ପୂରା କୁଣ୍ଡଳି: ଘରୁ ବାହାରିଲା ଏତେ ଟଙ୍କା, ୨୨ ଘଣ୍ଟା ଗଣି ଗଣି ପୋଲିସ ହାଲିଆ
ଜେଲରେ ବନ୍ଦ ଗ୍ୟାଙ୍ଗଷ୍ଟର ରାଜେଶ ମିଶ୍ରାଙ୍କ ପରିବାରର ପୂରା କୁଣ୍ଡଳି: ଘରୁ ବାହାରିଲା ଏତେ ଟଙ୍କା, ୨୨ ଘଣ୍ଟା ଗଣି ଗଣି ପୋଲିସ ହାଲିଆ
ନନ୍ଦିଘୋଷ ବ୍ୟୁରୋ: ଉତ୍ତର ପ୍ରଦେଶ ପୋଲିସ ଇତିହାସରେ ପ୍ରଥମ ଘଟଣା । ଚୋରା ଚାଲାଣ ମାମଲା ଗିରଫ ହୋଇ ଜେଲରେ ଥିବା ଗ୍ୟାଙ୍ଗଷ୍ଟର ରାଜେଶ ମିଶ୍ରା ଘରୁ ମିଳିଲା ଏତେ ଟଙ୍କା ଯେ ଗଣି ଗଣି ପୋଲିସ ହାଲିଆ ହୋଇଗଲା । ପୋଲିସକୁ ଟଙ୍କା ଗଣିବାକୁ ଲାଗିଗଲା ୨୨ ଘଣ୍ଟା । ରାଜେଶ ଘରୁ ମୋଟ ୨.୦୧ କୋଟି ଟଙ୍କା, ୬ କିଲୋ ଗଞ୍ଜେଇ, ୫୭୭ ଗ୍ରାମ ସ୍ମାକ ଜବତ ହୋଇଛି । ରାଜେଶ ଜେଲରେ ରହି ଚୋରା ଚାଲାଣର ପୂରା ନେଟଓ୍ବର୍କ ଚଲାଉଥିଲା । ରାଜେଶର ପତ୍ନୀ ରାନି ଓ ପରିବାରର ଅନ୍ୟ ସଦସ୍ୟ ଗ୍ୟାଙ୍ଗର କାମ ବୁଝୁଥିଲେ । ୧୦, ୨୦, ୫୦, ୧୦୦ ଟଙ୍କିଆ ବିଡ଼ା ବିଡ଼ା ଟଙ୍କା ଜବତ ହୋଇଛି । ଗିରଫ ଅଭିଯୁକ୍ତଙ୍କ ମଧ୍ୟରେ ଅଛନ୍ତି, ରାଜେଶର ସ୍ତ୍ରୀ ରାନି, ପୁଅ ବିନାୟକ, ଝିଅ କୋମଲ, ଅଜିତ ମିଶ୍ର ଏବଂ ଅଜିତର ପୁଅ ୟଶ ।
୯ ନଭେମ୍ବର ସକାଳ ପ୍ରାୟ ସାଢ଼େ ୮ଟାରେ ପ୍ରୟାଗରାଜର ମାନିକପୁର ଥାନା ଅନ୍ତର୍ଗତ ମୁନ୍ଦିପୁର ଗାଁରେ ହଠାତ ପୋଲିସର ଏକାଧିକ ଗାଡି ଲାଗିଥିଲା । ଗାଁରେ ଥିବା ଏକ ପୁରୁଣା ପକ୍କା ଘର ଆଗରେ ଗାଡିଗୁଡିକ ଅଟକି ଥିଲା । ପୋଲିସକୁ ସୂଚନା ମିଳିଥିଲା, ଜେଲରେ ବନ୍ଦ ରାଜେଶ ଏହି ଘରୁ ତା’ କଳା ସାମ୍ରାଜ୍ୟର ନେଟଓ୍ବର୍କ ଚଲାଉଛି । ପ୍ରଥମେ ମଦ, ପରେ ଜମି କାରବାର ଓ ଏବେ ନିଶା କାରବାର ପାଇଁ ରାଜେଶ ପୂରା ଉତ୍ତର ପ୍ରଦେଶରେ କୁଖ୍ୟାତ । ଜେଲରେ ଥାଇ ରାଜେଶ ଡିଲ ଫାଇନାଲ କରିଥାଏ । ଆଉ ବାହାରେ ରାହି ତା’ ପରିବାର ଡେଲିଭରି ଓ ଟଙ୍କା ଆଦାୟ କରୁଥିଲେ ।
୨୨ ଘଣ୍ଟା ଟଙ୍କା ଗଣା
ପୋଲିସ କବାଟ ବାଢେଇବା ପରେ ପ୍ରଥମେ ରାଜେଶଙ୍କ ପରିବାର ଭିତରୁ ଲକ୍ କରି ଦେଇଥିଲେ । ପରେ ସେମାନେ କବାଟ ଖୋଲିବା ପରେ ପୋଲିସ ବଳ ଘରେ ପଶିଥିଲେ । ସେତେବେଳେ ଘରେ ରାଜେଶର ପତ୍ନୀ ରାନି, ପୁଅ ବିନାୟକ, ଝିଅ କୋମଲ, ସମ୍ପର୍କୀୟ ୟଶ ଏବଂ ଅଜିତ ମିଶ୍ରା ଥିଲେ । ଘର ଭିତର ଦୃଶ୍ୟ ଦେଖି ପୋଲିସ ଆଖି ତରାଟି ଯାଇଥିଲା । ଚାରିଆଡେ ଟଙ୍କା ବିଡ଼ା ଥୁଆ ହୋଇଥିବା ବେଳେ ବସ୍ତାରେ ଗଞ୍ଜେଇ ଓ ଲୁହା ଟ୍ରଙ୍କରେ ସ୍ମାକ ରଖାଯାଇଥିଲା । ଆଉ ଘରର କୋଟିଏ କୋଣରେ ଟଙ୍କା ଗଣିବାକୁ ଏକ ମେସିନ ଥୁଆ ହୋଇଥିଲା । ପୋଲିସ ୨ କୋଟି ୧ ଲକ୍ଷ ୫୫ ହଜାର ୩୪୫ ଟଙ୍କା ନଗତ ଜବତ କରିଥିଲା । ସେହିପରି ଜବତ ଗଞ୍ଜେଇ ଓ ସ୍ମାକର ମୂଲ୍ୟ ଆନୁମାନିକ ୩ କୋଟି ଟଙ୍କା ହେବ । ଚଢାଇ ମାତ୍ର ତିନି ଘଣ୍ଟାର ଥିଲା । ହେଲେ ଏତେ ଟଙ୍କା ଜବତ ହେଲା ଯେ, ଗଣିବାକୁ ୨୨ ଘଣ୍ଟା ଲାଗିଗଲା ।
ପୂର୍ବରୁ ସିଜ ହୋଇଛି ୩ କୋଟିରୁ ଅଧିକ ଟଙ୍କା
ତଦନ୍ତରୁ ଜଣାପଡ଼ିଛି ରାନି ଏବଂ ବିନାୟକ ରାଜେଶକୁ ଜେଲରୁ ବାହାର କରିବାକୁ ନକଲି କାଗଜପତ୍ର ପ୍ରସ୍ତୁତ କରି ଜାମିନ କରାଇ ସାରିଛନ୍ତି । ଏହା ଜଣାପଡ଼ିବା ପରେ ତାଙ୍କ ଉପରେ ଠକେଇ, ଷଡଯନ୍ତ୍ର ଓ ଗ୍ୟାଙ୍ଗଷ୍ଟର ଆକ୍ଟ ସମେତ ଏକାଧିକ ଧାରାରେ ମାମଲା ରୁଜୁ କରାଯାଇଛି । ପୋଲିସ ରେକର୍ଡ ଅନୁସାରେ ପୂର୍ବରୁ ଏହି ପରିବାରର ୩ କୋଟି ୬ ଲକ୍ଷ ୨୬ ହଜାର ୮୯୫ ଟଙ୍କାର ସ୍ଥାବର, ଅସ୍ଥାବର ସମ୍ପତ୍ତି ଜବତ କରାଯାଇଛି ।
ରାନି ମିଶ୍ରା: ଘରେ ବସି ମାଫିଆ କ୍ବିନ୍
ସ୍ଥାନୀୟ ପୋଲିସ ଅନୁସାରେ, ରାଜେଶ ମିଶ୍ରାର ପତ୍ନୀ ରାନି କେବଳ ଗୃହଣୀ ନଥିଲା । ରାଜେଶ ଜେଲ ଯିବା ପରେ ପୂରା କାମ ସେ ବୁଝୁଥିଲା । ଗାଁ ଲୋକେ ଏହି ପରିବାରକୁ ଏତେ ଡରୁ ଥିଲେ ଯେ କେହି ତା’ ଘର ଆଡ଼କୁ ଆଖି ଉଠାଇ ଚାହିଁବାକୁ ସାହସ କରୁ ନଥିଲେ । ଗ୍ରାମବାସୀଙ୍କ ଅନୁସାରେ, ଘର ଆଗରେ କେବେ କେବେ ଟ୍ରକ ଛିଡ଼ା ହେଉଥିଲା । କିଛି ଲୋକ ଯିବା ଆସିବା କରୁଥିଲେ । ଏ କଥା ପୂରା ଗାଁ ଜାଣିଥିଲା, ହେଲେ କେହି ମୁହଁ ଖୋଲିବାକୁ ସାହସ କରୁ ନଥିଲେ । କେଉଁ ଅଞ୍ଚଳକୁ କେତେ ମାଲ ଯିବ ଓ କେତେ ଟଙ୍କା ଆସିବା ତାହା ରାନି ଘରେ ବସି ଠିକ କରୁଥିଲା । ଜେଲରେ ଥିବା ସ୍ବାମୀ ରାଜେଶ ସହ ପ୍ରତିଦିନ ଫୋନରେ କଥା ହେଉଥିଲା । ଆଉ ରାଜେଶ କହିବା ଅନୁସାରେ ଡିଲ୍ ଫାଇନାଲ ହେଉଥିଲା ।