ନନ୍ଦିଘୋଷ ବ୍ୟୁରୋ : ଆମେରିକାର ରାଷ୍ଟ୍ରପତି ଭବନ ହ୍ଵାଇଟ୍ ହାଉସ ନିକଟରେ ଗୁଳିକାଣ୍ଡ। ଏଥିରେ ୩ ଜଣ ଆହତ ହୋଇଛନ୍ତି। ସେମାନଙ୍କ ମଧ୍ୟରୁ ଦୁଇ ଜଣ ହେଉଛନ୍ତି ସୁରକ୍ଷାକର୍ମୀ। ସେମାନଙ୍କର ଅବସ୍ଥା ଗୁରୁତର ଥିବା ଜଣାପଡ଼ିଛି। ଏହା ଏକ ଟାର୍ଗେଟେଡ୍ ସୁଟିଂ ବୋଲି କୁହାଯାଉଛି। ଏହି ଘଟଣାରେ ଜଣେ ସନ୍ଦିଗ୍ଧକୁ ଅଟକ ରଖାଯାଇଛି। ସେ ଆଫଗାନିସ୍ତାନ ବଂଶୋଦ୍ଭବ ବୋଲି ଜଣାପଡ଼ିଛି। ୨୦୨୧ରେ ଆଫଗାନିସ୍ତାନରୁ ଆମେରିକା ସୈନ୍ୟ ପ୍ରତ୍ୟାହାର ସମୟରେ ସେ ଆସିଥିଲା। ସୁରକ୍ଷାକର୍ମୀଙ୍କ ସହିତ ତାର ଗୁଳି ବିନିମୟ ହୋଇଥିଲା। ପୁରା ଅଞ୍ଚଳକୁ କର୍ଡନ କରି ତଦନ୍ତ ଖାନତଲାସି କରାଯାଇଛି। ଘଟଣାସ୍ଥଳରେ ପହଞ୍ଚିଛନ୍ତି ସିକ୍ରେଟ ଏଜେଣ୍ଟ ଓ ଏକ୍ସପ୍ଲୋସିଭ ବ୍ୟୁରୋ। ଏହି ଗୁଳିକାଣ୍ଡ ପରେ ହ୍ଵାଇଟ ହାଉସର ସୁରକ୍ଷା ପାଇଁ ଅଧିକ ୫୦୦ ସୁରକ୍ଷାକର୍ମୀ ମୁତୟନ କରିବାକୁ ନିର୍ଦ୍ଦେଶ ଦେଇଛନ୍ତି ରାଷ୍ଟ୍ରପତି ଡୋନାଲଡ ଟ୍ରମ୍ପ। ଏହା ଆଗରୁ ଗତ ଅଗଷ୍ଟ ମାସରେ ୩୦୦ ନ୍ୟାସନାଲ ଗାର୍ଡଙ୍କୁ ମୁତୟନ କରାଯାଇଥିଲା ହ୍ଵାଇଟ ହାଉସରେ। ଏହି କାଣ୍ଡ ଅଭିଯୁକ୍ତକୁ ବହୁତ ମହଙ୍ଗା ପଡ଼ିବ ବୋଲି କହିଛନ୍ତି ଟ୍ରମ୍ପ।
ହଂକଂରେ ବଡ଼ ଧରଣର ଅଗ୍ନିକାଣ୍ଡ : ୪୪ ଜଣଙ୍କ ମୃତ୍ୟୁ, ଶହ ଶହ ନିଖୋଜ
ନନ୍ଦିଘୋଷ ବ୍ୟୁରୋ : ହଂକଂ ଭୟଙ୍କର ଅଗ୍ନିକାଣ୍ଡ । ଏକ ଆପାର୍ଟମେଣ୍ଟରେ ନିଆଁ ଲାଗିଟିବା ଫଲରେ ୪୪ ଜଣଙ୍କର ମୃତ୍ୟୁ ହୋଇଛି । ପ୍ରାୟ ୩୦୦ଜଣ ଏବେ ବି ନିଖୋଜ ଅଛନ୍ତି । ସେମାନଙ୍କୁ ଖୋଜା ଚାଲିଛି। ଭୟଙ୍କର ଅଗ୍ନିକାଣ୍ଡ ତୀବ୍ର ହେବା ସହିତ ଶହ ଶହ ଲୋକ ନିଜ ଘର ଛାଡି ପଳାଇବାକୁ ବାଧ୍ୟ ହୋଇଥିଲେ । ଅଗ୍ନିଶମ କର୍ମଚାରୀମାନେ ନିଆଁ ଲିଭା କାର୍ଯ୍ୟରେ ନିୟୋଜିତ ହେବା ସମୟରେ ପ୍ରାୟ ୯୦୦ଲୋକଙ୍କୁ ଅସ୍ଥାୟୀ ଆଶ୍ରୟସ୍ଥଳକୁ ସ୍ଥାନାନ୍ତର କରାଯାଇଛି । ୧୪୦ ରୁ ଅଧିକ ଅଗ୍ନିଶମ ଗାଡି ଏବଂ ୬୦ ଟି ଆମ୍ବୁଲାନ୍ସ ନିୟୋଜିତ କରାଯାଇଛି। ଅନେକ ସ୍ଥାନୀୟ ଖବର ଅନୁସାରେ, ପୋଲିସ ଏହି ଘଟଣାରେ ତିନି ଜଣଙ୍କୁ ଗିରଫ କରିଛି। ସେମାନଙ୍କୁ ଦୋଷୀ ହତ୍ୟା ସନ୍ଦେହ କରାଯାଉଛି ଏବଂ ସେମାନେ ଅଗ୍ନିକାଣ୍ଡରେ ସମ୍ପୃକ୍ତ ଥାଇପାରନ୍ତି।
ହଂକଂରେ, ନବୀକରଣ ଚାଲିଥିବା ଏକ ୩୨ ମହଲା ଟାୱାର ବାହାରେ ବାଉଁଶ ଭାରା ଉପରେ ନିଆଁ ଲାଗିଥିଲା। ଏହା ଆଠ ଟାୱାର ହାଉସିଂ କମ୍ପ୍ଲେକ୍ସର ସାତଟି କୋଠାକୁ ଗ୍ରାସ କରିଥିଲା ।
ହଂକଂର ମୁଖ୍ୟ କାର୍ଯ୍ୟନିର୍ବାହୀ ଜନ୍ ଲି କହିଛନ୍ତି ଯେ ପ୍ରାଥମିକ ତଦନ୍ତ ଚାଲିଛି ଏବଂ ଜରୁରୀକାଳୀନ କର୍ମଚାରୀମାନେ ନିଖୋଜ ଲୋକଙ୍କୁ ଖୋଜୁଛନ୍ତି। ସେ କହିଛନ୍ତି ଯେ ପୋଲିସ ଏବଂ ଅଗ୍ନିଶମ ସେବା ବିଭାଗ ଅଗ୍ନିକାଣ୍ଡର କାରଣ ନିର୍ଣ୍ଣୟ କରିବା ପାଇଁ ଏକ ସ୍ୱତନ୍ତ୍ର ତଦନ୍ତ ଦଳ ଗଠନ କରିସାରିଛନ୍ତି। ଲି କହିଛନ୍ତି ଯେ ମଧ୍ୟରାତ୍ରି ପରେ ନିଆଁକୁ ନିୟନ୍ତ୍ରଣ କରାଯାଇଥିଲା।
ବାଲି ମାଫିଆଙ୍କ ଉପରେ ରେଡ୍, ୨୮ଟି ହାଇୱା ଜବତ
ଜଳେଶ୍ବର : ବାଲେଶ୍ୱର ଜିଲ୍ଲା ପ୍ରଶାସନ ଓ ପୋଲିସ ଜଲେଶ୍ୱର ତହସିଲ୍ ଅଧୀନ ଅଞ୍ଚଳରେ ଅବୈଧ ବାଲି ଉତ୍ତୋଳନ ଓ ପରିବହନ ବିରୋଧରେ ବଡ଼ ଧରଣର ଚଢ଼ଉ । ଏହି ଚଢ଼ାଉରେ ନେତୃତ୍ୱ ନେଇଛନ୍ତି ଜିଲ୍ଲାପାଳ ସୂର୍ଯ୍ୟବଂଶୀ ମୟୂର ବିକାଶ, ଏସ୍.ପି. ପ୍ରତ୍ୟୁଷ ଦିବାକର, ଉପ ଜିଲ୍ଲାପାଳ ଶିବ ମାଳବିୟ ଓ ଡି ଏସ ପି ସିଟି ମନିଷା ଶୌଗୁନ୍। ତହସିଲଦାର ଜଲେଶ୍ୱର ଶ୍ରୀ ସତ୍ୟଜିତ ମହାନ୍ତି ଓ ତାଙ୍କ ଦଳ ସହିତ ସ୍ଥାନୀୟ ଆରକ୍ଷୀ ନିରୀକ୍ଷକ ଉପସ୍ଥିତ ଥିଲେ। ଚଢ଼ଉ ସମୟରେ ଅନୁମତି ନ ଥାଇ ବାଲି ପରିବହନ କରୁଥିବା ୨୮ ଟି ହାଇୱାକୁ ଜବତ କରାଯାଇଛି । ଜିଲ୍ଲାପାଳ କହିଛନ୍ତି ଯେ, ଅବୈଧ ଖନନ ବିରୋଧରେ ଶୂନ୍ୟ ସହିଷ୍ଣୁତା ନୀତି ଗ୍ରହଣ କରାଯିବ ଓ ଆଗାମୀ ଦିନରେ ମଧ୍ୟ ଏପରି ରେଡ୍ ଜାରି ରହିବ। ଅପରାଧୀମାନଙ୍କ ବିରୋଧରେ ଓ ଏମ ଏମ ସି ଓ ଅନ୍ୟାନ୍ୟ ନିୟମାବଳୀ ଅନୁସାରେ ଆଇନଗତ ପଦକ୍ଷେପ ନିଆଯିବ।
ଓଡ଼ିଶାକୁ ନାହିଁ ବାତ୍ୟା ଭୟ, ଡିସେମ୍ବର ୩ ପରେ ହାଡ଼ଭଙ୍ଗା ଶୀତ
ଭୁବନେଶ୍ବର : ବଙ୍ଗୋପସାଗରରେ ଯୋଡା ବାତ୍ୟା । ହେଲେ ପଡିବନି ଓଡିଶା ଉପରେ ବଡ଼ ପ୍ରଭାବ । ୩୦ ରୁ ଡିସେମ୍ବର ୨ ତାରିଖ ଭିତରେ ଦକ୍ଷିଣ ଓଡିଶାରେ ହାଲୁକା ବର୍ଷା ସମ୍ଭାବନା । ଏବେ ସୁମଦ୍ରରେ ୨ଟି ସିଷ୍ଟମ ସକ୍ରିୟ ରହିଛି । ତେବେ ଦକ୍ଷିଣ ଆଣ୍ଡାମାନ ସାଗରରେ ସୃଷ୍ଟ ଗଭୀର ଅବପାତ ପଶ୍ଚିମ-ଉତ୍ତର ପଶ୍ଚିମ ଦିଗକୁ ଗତି କରି ବାତ୍ୟା ରୂପ ନେଇଛି । ଭାରତୀୟ ପାଣିପାଗ ବିଭାଗ ସୂଚନା ଅନୁସାରେ ବାତ୍ୟା ସେନୟାର ଇଣ୍ଡୋନେସିଆ ଉପକୂଳକୁ ଅତିକ୍ରମ କରିବ ବୋଲି ଚିତ୍ର ସ୍ପଷ୍ଟ ହୋଇଛି । ତେବେ ଏହି ସିଷ୍ଟମର ପ୍ରଭାବ ଓଡ଼ିଶାରେ ପଡୁ ନଥିବା ବେଳେ, ଶ୍ରୀଲଙ୍କା ଉପକୂଳ ସମୁଦ୍ରରେ ସୃଷ୍ଟି ଲଘୁଚାପ ୨୮ କିମ୍ବା ୨୯ ତାରିଖ ବେଳକୁ ବାତ୍ୟାରେ ପରିଣତ ହୋଇପାରେ । ସମ୍ଭାବ୍ୟ ବାତ୍ୟାର ପ୍ରଭାବ ତାମିଲନାଡୁ ଓ ଆନ୍ଧ୍ରରେ ରହିବ ବୋଲି ବିଭିନ୍ନ ମଡେଲ ଆକଳନ କରିଛନ୍ତି । ତେବେ ଶ୍ରୀଲଙ୍କା ଉପକୂଳରେ ସୃଷ୍ଟି ହେବାକୁ ଥିବା ସମ୍ଭାବ୍ଯ ବାତ୍ୟାର ପ୍ରଭାବରେ ୩୦ ରୁ ଡିସେମ୍ବାର ୨ ତାରିଖ ଭିତରେ ରାଜ୍ୟର ଦକ୍ଷିଣ ଓଡିଶାର କିଛି କିଛି ଜିଲ୍ଲା ମାନଙ୍କରେ ସାମନ୍ୟ ହୋଇପାରେ ବୋଲି ପୂର୍ବାନୁମାନ କରାଯାଇଛି । ରାଜ୍ୟରେ କିଛି ଦିନ ଧରି ତାପମାତ୍ରା ବୃଦ୍ଧି ପାଉଥିବା କାରଣରୁ ଶୀତ କୁମଛି । ଦୁଇ ଦୁଇଟି ସିଷ୍ଟମ ଆକ୍ଟିଭ କାରଣରୁ ବାୟୁମଣ୍ଡଳରେ ବଙ୍ଗୋପ ସାଗରରୁ ପ୍ରବେଶ କରୁଛି ଜଳୀୟ ବାସ୍ପ । ଏହା ପ୍ରଭାବରେ ଶୀତ କମୁଛି । ତେବେ ଆସନ୍ତା ୩ ତାରିଖ ବେଳକୁ ପୁଣି ବଢିବ ଶୀତ ।
ଆଜିଠାରୁ ବିଧାନସଭାର ଶୀତକାଳୀନ ଅଧିବେଶନ
ଭୁବନେଶ୍ବର : ଆଜିଠାରୁ ବିଧାନସଭାର ଶୀତକାଳୀନ ଅଧିବେଶନ। ପ୍ରଥମ ଦିନରେ ରାଷ୍ଟ୍ରପତି ଦ୍ରୌପଦୀ ମୁର୍ମୁ ବିଧାନସଭାକୁ ସମ୍ବୋଧିତ କରିବେ। ଅପରାହ୍ନ ୪ ଟା ୩୦ରେ ରାଷ୍ଟ୍ରପତି ପହଞ୍ଚିବେ ବିଧାନସଭାରେ। ପ୍ରାୟ ଏକ ଘଣ୍ଟାରୁ ଅଧିକ ସମୟ ରାଷ୍ଟ୍ରପତି ବିଧାନସଭାରେ ରହିବେ । ଓଡିଶା ବିଧାନସଭା ଇତିହାସରେ ପ୍ରଥମ ଥର ପାଇଁ ରାଷ୍ଟ୍ରପତି ସମ୍ବୋଧନ କରିବେ। ବିଧାୟକ, ନିମନ୍ତ୍ରିତ ଅତିଥି ଏବଂ ସରକାରୀ ଅଧିକାରୀ ମାନେ ଉପସ୍ଥିତ ରହିବେ। ରାଷ୍ଟ୍ରପତି ବିଧାନସଭାକୁ ସମ୍ବୋଧିତ କରିବା ସହ ମନ୍ତ୍ରୀ ଥିବା ସମୟରେ ବସୁଥିବା ଚାମ୍ବରକୁ ମଧ୍ୟ ବୁଲି ସ୍ମୃତି ସାଉଁଟିବେ। ଅନ୍ୟପଟେ ପ୍ରଥମ ଦିନରେ ପ୍ରଥମାର୍ଦ୍ଧ ସକାଳ ୧୧ ଟାରୁ ଆରମ୍ଭ ହେବ ଗୃହ। ପ୍ରଥମ ଦିନରେ ଗୃହର ଦିବଂଗତ ନେତାଙ୍କ ଉଦ୍ଦେଶ୍ୟରେ ଶୋକ ପ୍ରସ୍ତାବ ଆସିବ। ଏହାପରେ ଗୃହ ଦ୍ବିତୀୟାର୍ଦ୍ଧ ଯାଏ ମୁଲତବୀ ରହିବ । ନଭେମ୍ୱର ୨୭ରୁ ଡିସେମ୍ବର ୩୧ ଯାଏ ଚାଲିବ ଅଧିବେସନ । ୨୮ତାରିଖ ଦିନ ଗୁହରେ ଅତିରିକ୍ତ ବଜେଟ ଆଗତ ହେବ। ଅଧିବେଶନ ପୂର୍ବରୁ ୩ ପ୍ରମୁଖ ଦଳ ସେମାନଙ୍କ ରଣନୀତି ପ୍ରସ୍ତୁତ କରିଛନ୍ତି । ଶୀତ ଅଧିବେଶନ ବେଶ ଉଷ୍ମ ହେବ।
ଲମ୍ବା ସମୟର ଅଧିବେଶନ ପାଇଁ ବିରୋଧୀଙ୍କ ହାତରେ ଶାସକ ଦଳକୁ ଘେରିବାକୁ ମାଳମାଳ ପ୍ରସଙ୍ଗ ରହିଛି । ମୁଖ୍ୟ ବିରୋଧୀ ବିଜେଡି ନାରୀ ନିର୍ଯାତନା, ବାଘମାରୀ ନାବାଳିକା ଦୁଷ୍କର୍ମ, ଚାଷୀ ସମସ୍ୟା, ବିପର୍ଯ୍ୟସ୍ତ ଆଇନ ଶୃଙ୍ଖଳା, ପୀତିବାସ ହତ୍ୟାକାଣ୍ଡ, ଚୌଦ୍ବାର ଜେଲରୁ କଏଦୀ ଫେରାର ହେବା ଘଟଣା ସହ ରାଜ୍ୟ ସ୍ବାର୍ଥ ସମ୍ବଳିତ ଅନେକ ପ୍ରସଙ୍ଗ ଦଳ ଉଠାଇବ । ସେହିପରି କଂଗ୍ରେସ ଭୋଟ ଚୋରି ସହ ସମାନ ପ୍ରସଙ୍ଗ ଉଠାଇ ଶାସକ ଦଳକୁ ଘେରିବ । ବିଜେପି କହିଛି ସରକାର ସବୁ ପ୍ରସଂଗରେ ଉତ୍ତର ଦେବାକୁ ପ୍ରସ୍ତୁତ ।
ବଙ୍ଗୋପସାଗରରେ ଡବଲ ବାତ୍ୟା, ଓଡ଼ିଶା ଉପରେ ନାହିଁ ବଡ଼ ପ୍ରଭାବ
ବଙ୍ଗୋପସାଗରରେ ଡବଲ ବାତ୍ୟା, ଓଡ଼ିଶା ଉପରେ ନାହିଁ ବଡ଼ ପ୍ରଭାବ
ନନ୍ଦିଘୋଷ ବ୍ୟୁରୋ: ବଢୁଛି ବାତ୍ୟାର ଭୟ I ମାଲାକ୍କା ସମୁଦ୍ର ସନ୍ଧି ଓ ତା’ର ପାର୍ଶ୍ଵବର୍ତ୍ତୀ ଦକ୍ଷିଣ ଆଣ୍ଡାମାନ ସାଗର ଅଞ୍ଚଳରେ ସୃଷ୍ଟି ହେଲା ବାତ୍ୟା ସେନୟାର I ଏହା ଇଣ୍ଡୋନେସିଆ ଉପକୂଳକୁ ଅତିକ୍ରମ କରିବା ସମ୍ଭାବନା ରହିଛି । ଶ୍ରୀଲଙ୍କା ଉପକୂଳରେ ସୃଷ୍ଟି ହୋଇଥିବା ସିଷ୍ଟମ ଟି ବି ନେବ ବାତ୍ୟାର ରୂପ । ହେଲେ ଏହି ଦୁଇ ସିଷ୍ଟମର ପ୍ରଭାବ ବିଶେଷ ଭାବେ ଓଡିଶା ଉପରେ ପଡିବ ନାହିଁ ବୋଲି ଆକଳନ କରିଛି ପାଣିପାଗ କେନ୍ଦ୍ର ।
ଏବେ ସମୁଦ୍ରରେ ୨ଟି ସିଷ୍ଟମ ସକ୍ରିୟ ରହିଛି I ତେବେ ଦକ୍ଷିଣ ଆଣ୍ଡାମାନ ସାଗରରେ ସୃଷ୍ଟ ଗଭୀର ଅବପାତ ପଶ୍ଚିମ-ଉତ୍ତର ପଶ୍ଚିମ ଦିଗକୁ ଗତି କରି ଆଜି ସକାଳେ ବାତ୍ୟା ରୂପ ନେଇ ସାରିଛି I ଭାରତୀୟ ପାଣିପାଗ ବିଭାଗ ସୂଚନା ଅନୁସାରେ ବାତ୍ୟା ସେନୟାର ଇଣ୍ଡୋନେସିଆ ଉପକୂଳକୁ ଅତିକ୍ରମ କରିବ ବୋଲି ଚିତ୍ର ସ୍ପଷ୍ଟ ହୋଇଛି I ତେବେ ଏହି ସିଷ୍ଟମର ପ୍ରଭାବ ଓଡ଼ିଶାରେ ପଡୁ ନଥିବା ବେଳେ, ଶ୍ରୀଲଙ୍କା ଉପକୂଳ ସମୁଦ୍ରରେ ସୃଷ୍ଟି ଲଘୁଚାପ ୨୮ କିମ୍ବା ୨୯ ତାରିଖ ବେଳକୁ ବାତ୍ୟାରେ ପରିଣତ ହୋଇପାରେ । ସମ୍ଭାବ୍ୟ ବାତ୍ୟାର ପ୍ରଭାବ ତାମିଲନାଡୁ ଓ ଆନ୍ଧ୍ରରେ ରହିବ ବୋଲି ବିଭିନ୍ନ ମଡେଲ ଆକଳନ କରିଛନ୍ତି I ଶ୍ରୀଲଙ୍କା ଉପକୂଳରେ ସୃଷ୍ଟି ହେବାକୁ ଥିବା ସମ୍ଭାବ୍ୟ ବାତ୍ୟାର ପ୍ରଭାବ ନଭେମ୍ବର ୩୦ରୁ ଡିସେମ୍ବାର ୨ ତାରିଖ ଭିତରେ ରାଜ୍ୟର ଦକ୍ଷିଣ ଓଡିଶାର କିଛି ଜିଲ୍ଲାରେ ପଡ଼ିପାରେ ବୋଲି ପୂର୍ବାନୁମାନ କରାଯାଇଛି । ଏହାପ୍ରଭାବରେ ବିଜୁଳି ଘଡ଼ଘଡ଼ି ଜନିତ ହାଲୁକା ବର୍ଷା ହୋଇପାରେ ।
ସେପଟେ ରାଜ୍ୟରେ କିଛି ଦିନ ଧରି ତାପମାତ୍ରା ବୃଦ୍ଧି ପାଉଥିବା କାରଣରୁ ଶୀତ କମୁଛି । ଦୁଇ ଦୁଇଟି ସିଷ୍ଟମ ଆକ୍ଟିଭ କାରଣରୁ ବାୟୁମଣ୍ଡଳରେ ବଙ୍ଗୋପ ସାଗରରୁ ପ୍ରବେଶ କରୁଛି ଜଳୀୟ ବାସ୍ପ । ଏହା ପ୍ରଭାବରେ ଶୀତ କମୁଛି I ତେବେ ଆସନ୍ତା ୩ ତାରିଖ ବେଳକୁ ପୁଣି ବଢିବ ଶୀତ I ଆଗାମୀ ୭ ଦିନ ପର୍ଯ୍ୟନ୍ତ ରାଜ୍ୟରେ ବର୍ଷା ସମ୍ଭାବନା ନଥିବା ବେଳେ, ସର୍ବନିମ୍ନ ତାପମାତ୍ରା ରାଉରକେଲା ଓ ଦାରିଙ୍ଗବାଡ଼ିରେ ୧୦ ଡିଗ୍ରୀ ରେକର୍ଡ କରାଯାଇଛି I
ସରିଲା ବିଜେଡି ବିଧାୟକ ଦଳ ବୈଠକ: ରାଜ୍ୟରେ ଭୁଶୁଡ଼ି ପଡ଼ିଥିବା ଶାସନ ବ୍ୟବସ୍ଥାକୁ ପ୍ରସଙ୍ଗ କରିବ ବିଜେଡି
ସରିଲା ବିଜେଡି ବିଧାୟକ ଦଳ ବୈଠକ: ରାଜ୍ୟରେ ଭୁଶୁଡ଼ି ପଡ଼ିଥିବା ଶାସନ ବ୍ୟବସ୍ଥାକୁ ପ୍ରସଙ୍ଗ କରିବ ବିଜେଡି
ନନ୍ଦିଘୋଷ ବ୍ୟୁରୋ: ଆସନ୍ତାକାଲିଠାରୁ ଆରମ୍ଭ ହେବାକୁ ଯାଉଛି ବିଧାନସଭା ଶୀତ ଅଧିବେଶନ । ଏତିରେ ସରକାରଙ୍କୁ ଘେରିବାକୁ ରଣନୀତି ପ୍ରସ୍ତୁତ କରିଛି ବିରୋଧୀ ଦଳ ବିଜେଡି । ବିରୋଧୀ ଦଳ ନେତା ତଥା ବିଜେଡି ସୁପ୍ରିମୋ ନବୀନ ପଟ୍ଟନାୟକଙ୍କ ଅଧ୍ୟକ୍ଷତାରେ ବିଜେଡିର ବିଧାୟକ ଦଳ ବୈଠକ ହୋଇଯାଇଛି । ରାଜ୍ୟରେ ଭୁଶୁଡ଼ଇ ପଡ଼ିଥିବା ଶାସନ ବ୍ୟବସ୍ଥାକୁ ଦଳ ଗୃହରେ ପ୍ରସଙ୍ଗ କରି ରାଜ୍ୟବାସୀଙ୍କ ସ୍ବାର୍ଥ ପାଇଁ ସ୍ବର ଉତ୍ତୋଳନ କରିବାକୁ ଆଲୋଚନା ହୋଇଛି । ବୈଠକରେ ଦଳର ସମସ୍ତ ବିଧାୟକ ଯୋଗ ଦେଇଥିଲେ ।
ବୈଠକ ପରେ ଗଣମାଧ୍ୟମକୁ ପ୍ରତିକ୍ରିୟା ଦେଇଛନ୍ତି ବିରୋଧୀ ଦଳର ମୁଖ୍ୟ ସଚତକ ପ୍ରମିଳା ମଲ୍ଲିକ ଏବଂ ନୟାଗଡ଼ ବିଧାୟକ ଅରୁଣ ସାହୁ । ଦଳ ପକ୍ଷରୁ କୁହାଯାଇଛି, ଆସନ୍ତାକାଲିଠାରୁ ଆରମ୍ଭ ହେବାକୁ ଥିବା ବିଧାନସଭାରେ ବିଭିନ୍ନ ପ୍ରସଙ୍ଗରେ ସରକାରଙ୍କୁ ଘେରିବ ବିଜେଡି । ଦଳ ପକ୍ଷରୁ କୁହାଯାଇଛି, ବର୍ତ୍ତମାନ ରାଜ୍ୟରେ ଚାକିରି ସୃଷ୍ଟି ହେଉନାହିଁ । ବିଜେଡି ସରକାର ଅମଳରେ ଯେଉଁ ନିଯୁକ୍ତି ହୋଇଥିଲା ସେତିକି ହିଁ ରହିଛି । ଚାକିରି ବିକ୍ରି ଏକ ଧାରା ପାଲଟିଛି । ବାଲି ଓ ପଥର ମାଫିଆମାନେ ଆତଙ୍କରାଜ ଚଳାଇଛନ୍ତି । ରାଜ୍ୟରେ ଏତେ ଅଶାନ୍ତି କେବେ ଦେଖା ଦେଇ ନଥିଲା । ମହିଳା ସଶକ୍ତିକରଣ ବାଟବଣା ହୋଇଛି । ରାଜ୍ୟରେ ଚାଲିଥିବା ମାଳ ମାଳ ପ୍ରସଙ୍ଗକୁ ବିଜେଡି ବିଧାନସଭାରେ ପ୍ରମୁଖ ପ୍ରସଙ୍ଗ କରିବ ବୋଲି ଦଳ କହିଛି ।
କଂଗ୍ରେସ ବିଧାୟକ ଦଳ ବୈଠକ
ବିଧାନସଭା ଶୀତ ଅଧିବେଶନ ପୂର୍ବରୁ କଂଗ୍ରେସ ବିଧାୟକ ଦଳର ବୈଠକ ଅନୁଷ୍ଠିତ ହୋଇଯାଇଛି । କଂଗ୍ରେସ ବିଧାୟକ ଦଳ ନେତା ରାମଚନ୍ଦ୍ର କାଡାମଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ ୭ ଜଣ ବିଧାୟକ ଯୋଗ ଦେଇଥିଲେ । ବୈଠକରେ ଭୋଟ ଚୋରି, ବେକାରୀ ସମସ୍ୟା, ଆଇନଶୃଙ୍ଖଳା, ଦାଦନ, ଧାନମଣ୍ଡି ଆଦି ପ୍ରସଙ୍ଗରେ ଆଲୋଚନା ହୋଇଛି । ଏହାସହ ରାଜ୍ୟର ବିଭିନ୍ନ ଗୁରୁତ୍ବପୂର୍ଣ୍ଣ ପ୍ରସଙ୍ଗ ଅଧିବେଶନରେ ଉତ୍ଥାପନ କରାଯିବ ବୋଲି ଦଳ ପକ୍ଷରୁ କୁହାଯାଇଛି ।
ବିଜେପି ବିଧାୟକ ଦଳ ବୈଠକ
ସେହିପରି ବିଜେପିର ବିଧାୟକ ଦଳ ବୈଠକ ଅନୁଷ୍ଠିତ ହୋଇଯାଇଛି । ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ ଦଳର ସମସ୍ତ ବିଧାୟକ ଓ ମନ୍ତ୍ରୀ ଯୋଗ ଦେଇଛନ୍ତି । ଶୀତ ଅଧିବେଶନର ପ୍ରଥମ ଦିନରେ ମହାମହିମ ରାଷ୍ଟ୍ରପତିଙ୍କ ଉଦବୋଧନ କାର୍ଯ୍ୟକ୍ରମ ରହିଛି । ଏହାକୁ କିପରି ସୂଚାରୁ ରୂପେ କରାଯିବ ସେନେଇ ବୈଠକରେ ଆଲୋଚନା ହୋଇଛି । ସେହିଭଳି ଅତିରିକ୍ତ ବଜେଟ୍ ଓ ଅନ୍ୟାନ୍ୟ ପ୍ରସଙ୍ଗରେ ମଧ୍ୟ ବିସ୍ତୃତ ଆଲୋଚନା ହୋଇଛି । ସର୍ବୋପରି ବିରୋଧୀ ଦଳର ଅକ୍ରମଣକୁ ପ୍ରତିହତ ପାଇଁ ଶାସକ ଦଳ ବୈଠକରେ ରଣନୀତି ପ୍ରସ୍ତୁତ କରିଛି ।
ଭାରତ ଇତିହାସରେ ପ୍ରଥମ: ବିଧାନସଭାକୁ ଉଦବୋଧନ କରିବେ ମହାମହିମ ରାଷ୍ଟ୍ରପତି
ଭାରତ ଇତିହାସରେ ପ୍ରଥମ: ବିଧାନସଭାକୁ ଉଦବୋଧନ କରିବେ ମହାମହିମ ରାଷ୍ଟ୍ରପତି
ନନ୍ଦିଘୋଷ ବ୍ୟୁରୋ: ଓଡ଼ିଶା ବିଧାନସଭାକୁ ଉଦବୋଧନ କରିବେ ମହାମହିମ ରାଷ୍ଟ୍ରପତି ଦ୍ରୌପଦୀ ମୁର୍ମୁ । ଶୀତ ଅଧିବେଶନର ପ୍ରଥମ ଦିନରେ ଓଡ଼ିଶା ବିଧାନସଭାକୁ ସମ୍ବୋଧନ କରିବେ ମହାମହିମ । ମନ୍ତ୍ରୀ ଭାବେ ଯେଉଁ ଚାମ୍ବରରେ ବସୁଥିଲେ ସେଠାକୁ ଯିବେ ରାଷ୍ଟ୍ରପତି । ଆସନ୍ତାକାଲି ଅପରାହ୍ନ ସାଢେ ୪ଟାରେ ଉଦବୋଧନ ଦେବେ । ଏହା ହେବ ଭାରତ ବର୍ଷରେ ପ୍ରଥମ ଘଟଣା । ରାଷ୍ଟ୍ରପତି କ’ଣ କହିବେ, ତା’ଉପରେ ରହିଛି ସଭିଁଙ୍କ ନଜର । ଏଥିପାଇଁ ସଜେଇ ହୋଇଛି ବିଧାନସଭା ।
ଆସନ୍ତାକାଲି ଅପରାହ୍ନ ସାଢ଼େ ୪ଟାରେ ବିଧାନସଭାରେ ପହଞ୍ଚିବେ ରାଷ୍ଟ୍ରପତି ଦ୍ରୌପଦୀ ମୁର୍ମୁ । ବିଧାନସଭାରେ ପହଞ୍ଚିବା ପରେ ତାଙ୍କୁ ସ୍ବାଗତ କରାଯିବ । ଏହାପରେ ବିଧାୟକଙ୍କ ସହ ଫୋଟୋ ସେସନ୍ ରହିବ । ଶୀତ ଅଧିବେଶନକୁ ସମ୍ବୋଧନ କରିବା ପରେ ୧୧ ନମ୍ବର ରୁମକୁ ଆସି ସମୟ ବିତାଇବେ । ସେଠାରେ ପୁରୁଣା ସ୍ମୃତି ସାଉଣ୍ଟିବେ ରାଷ୍ଟ୍ରପତି ଦ୍ରୌପଦୀ ମୁର୍ମୁ । ୨୦୦୦ରୁ ୨୦୦୪ରେ ପରିବହନ ମନ୍ତ୍ରୀ ଥିବା ବେଳେ, ଯେଉଁ ଚାମ୍ବରରେ ବସୁଥିଲେ ସେଠାରେ କିଛି ସମୟ ରହିବା ପରେ ବିଧାନସଭାରୁ ବିଦାୟ ନେବେ । ସଂସଦୀୟ ବ୍ୟାପାର ମନ୍ତ୍ରୀ ମୁକେଶ ମହାଲିଙ୍ଗ କହିଛନ୍ତି, ରାଷ୍ଟ୍ରପତିଙ୍କ ଉଦବୋଧନକୁ ସମସ୍ତେ ଅପେକ୍ଷା କରି ରହିଛନ୍ତି । ସେହିପରି କଂଗ୍ରେସ ସ୍ବାଗତ କରିବା ସହ ରାଷ୍ଟ୍ରପତିଙ୍କୁ ସ୍ମାରକପତ୍ର ଦେବ । ଓଡ଼ିଶାକୁ ସ୍ୱତନ୍ତ୍ର ପ୍ୟାକେଜ ସାଙ୍ଗକୁ ମହାନଦୀ, ପୋଲାଭରମ୍ ପରି ସମସ୍ୟାର ସମାଧାନ ଦିଗରେ ଦାବିପତ୍ର ପ୍ରଦାନ କରାଯିବ । ରାଜ୍ୟର ସ୍ବାର୍ଥ କିଭଳି ପୂରଣ ହେବ ସେନେଇ ମଧ୍ୟ ଦାବି ଉଠାଇବ କଂଗ୍ରେସ । ବିଜେଡି ମଧ୍ୟ ରାଷ୍ଟ୍ରପତିଙ୍କ ଗସ୍ତକୁ ସ୍ବାଗତ କରିଛି ।
ବିଧାନସଭାରେ ଘଣ୍ଟାଏରୁ ଅଧିକ ସମୟ ରହିବେ ମହାମହିମ । ଏଥିପାଇଁ ବିଧାନସଭାରେ ସୁରକ୍ଷା ବ୍ୟବସ୍ଥାକୁ କଡ଼ାକଡ଼ି କରାଯାଇଛି ।
ଶୀତ ଅଧିବେଶନ ସୁରୁଖୁରୁରେ ସାରିବାକୁ ସର୍ବଦଳୀୟ ବୈଠକରେ ଆଲୋଚନା
ଶୀତ ଅଧିବେଶନ ସୁରୁଖୁରୁରେ ସାରିବାକୁ ସର୍ବଦଳୀୟ ବୈଠକରେ ଆଲୋଚନା
ନନ୍ଦିଘୋଷ ବ୍ୟୁରୋ: କାଲିଠାରୁ ଆରମ୍ଭ ହେବ ବିଧାନସଭାର ଶୀତ ଅଧିବେଶନ । ଏଥିପାଇଁ ବାଚସ୍ପତି ସୁରମା ପାଢ଼ୀଙ୍କ ଅଧ୍ୟକ୍ଷତାରେ ଶେଷ ହୋଇଛି ସର୍ବଦଳୀୟ ବୈଠକ । ଶୀତ ଅଧିବେଶନକୁ ସୁରୁଖୁରୁରେ ସାରିବାକୁ ହୋଇଛି ଆଲୋଚନା । ପୂରା ଅଧିବେଶନକୁ ସ୍ୱାଭାବିକ ଭାବେ ଚଳାଇବାକୁ ଉଭୟ ଶାସକ ଓ ବିରୋଧୀ ବିଧାୟକଙ୍କ ସହ ଆଲୋଚନା କରିଛନ୍ତି ବାଚସ୍ପତି ।
ବାଚସ୍ପତିଙ୍କ ଅଧ୍ୟକ୍ଷତାରେ ବସିଥିବା ସର୍ବଦଳୀୟ ବୈଠକରେ ମୁଖ୍ୟମନ୍ତ୍ରୀ, ଉପମୁଖ୍ୟମନ୍ତ୍ରୀ, ସଂସଦୀୟ ବ୍ୟାପାର ମନ୍ତ୍ରୀ, ଆଇନ ମନ୍ତ୍ରୀ ଉପସ୍ଥିତ ଥିଲେ । ସେହିପରି ବିରୋଧୀ ଦଳ ପକ୍ଷରୁ ବିରୋଧୀ ଦଳ ମୁଖ୍ୟ ସଚେତକ ପ୍ରମିଳା ମଲ୍ଲିକ ଏବଂ କଂଗ୍ରେସ ବିଧାୟକ ଦଳ ନେତା ରାମଚନ୍ଦ୍ର କାଡାମ ମଧ୍ୟ ସାମିଲ ହୋଇଥିଲେ । ଗୃହରେ ବିରୋଧୀ ବିଧାୟକଙ୍କୁ ଶାସକ ଦଳ ବିଧାୟକଙ୍କ ଭଳି ସମାନ ସମୟ କହିବାକୁ ଦିଆଯାଉ ବୋଲି ସର୍ବଦଳୀୟ ବୈଠକରେ ଦାବି କରିଥିଲେ ବିଜେଡି ଓ କଂଗ୍ରେସ ।
ଅଗ୍ନିବୀର ଭର୍ତ୍ତିରେ ବମ୍ଫର ବୃଦ୍ଧି: ଏଣିକି ପ୍ରତିବର୍ଷ ହେବ ଏକ ଲକ୍ଷ ନିଯୁକ୍ତି
ଅଗ୍ନିବୀର ଭର୍ତ୍ତିରେ ବମ୍ଫର ବୃଦ୍ଧି: ଏଣିକି ପ୍ରତିବର୍ଷ ହେବ ଏକ ଲକ୍ଷ ନିଯୁକ୍ତି
ନନ୍ଦିଘୋଷ ବ୍ୟୁରୋ: ଭାରତୀୟ ସେନାରେ କାମ କରିବାକୁ ଚାହୁଁଥିବା ଯୁବବର୍ଗଙ୍କ ପାଇଁ ଖୁସି ଖବର । ଶୀଘ୍ର ଭାରତୀୟ ସ୍ଥଳସେନା ଅଗ୍ନିବୀରରେ ଭର୍ତ୍ତି ଦୁଇଗୁଣା କରିବାକୁ ଯାଉଛି । ଆଗାମୀ ନିଯୁକ୍ତିରେ ପ୍ରାୟ ଏକ ଲକ୍ଷ ଯୁବବର୍ଗଙ୍କୁ ନିଆଯିବ । ୩ ବର୍ଷ ପୂର୍ବେ ୨୦୨୨ରୁ ପ୍ରତିବର୍ଷ ୪୦ ହଜାର ଅଗ୍ନିବୀରଙ୍କୁ ନିଯୁକ୍ତି ମିଳୁଥିଲା । ଯାହା ଏବେ ଦୁଇଗୁଣା ହେବାକୁ ଯାଉଛି ।
କାହିଁକି ତେବେ ଭର୍ତ୍ତି ?
ଏବେ ପ୍ରଶ୍ନ ଉଠୁଛି, ସେନା ଏତେ ସଂଖ୍ୟାରେ ଅଗ୍ନିବୀରଙ୍କୁ କହିଁକି ଭର୍ତ୍ତି କରିବାକୁ ଯାଉଛି । କାରଣ ବର୍ତ୍ତମାନ ସ୍ଥଳସେନାରେ ଏକ ଲକ୍ଷ ୮୦ ହଜାର ସୈନିକ ପଦବୀ ଖାଲି ରହିଛି । ୨୦୨୦-୨୧ରେ କରୋନା କାରଣରୁ ଦୁଇ ବର୍ଷ କୌଣସି ଭର୍ତ୍ତି କରାଯାଇନି । ପ୍ରତିବର୍ଷ ୬୦ରୁ ୬୫ ହଜାର ଯବାନ ଅବସର ନେଉଛନ୍ତି । ହେଲେ, ଏହି ସଂଖ୍ୟାରେ ସେନାରେ ଭର୍ତ୍ତି ହୋଇପାରୁନି । ଏମିତି ସ୍ଥିତିରେ ପ୍ରତିବର୍ଷ ୨୦ରୁ ୨୫ ହଜାର ଯବାନ ପଦବୀ ଖାଲି ରହୁଛି । ଅଗ୍ନିବୀର ଯୋଜନା ଆରମ୍ଭ ହେବା ପରେ ବି ଏହି ସମସ୍ୟାର ସମାଧାନ ହୋଇପାରୁନି ।
କେତେ ଅଗ୍ନିବୀରଙ୍କ ନିଯୁକ୍ତି ହେଲାଣି ?
ମିଳିଥିବା ତଥ୍ୟ ଅନୁସାରେ ୨୦୨୨ରୁ ୨୦୨୫ ଶେଷ ସୁଦ୍ଧା ଏକ ଲକ୍ଷ ୭୫ ହଜାର ଅଗ୍ନିବୀରଙ୍କ ଭର୍ତ୍ତି ହୋଇଛି କିମ୍ବା ହେବାକୁ ଅଛି । ହେଲେ ଏହି ସଂଖ୍ୟା ବି ସେନାରେ ଯବାନଙ୍କ ଅଭାବ ପୂରା କରିପାରୁନି ।
ଯୋଜନା କ’ଣ ?
ଆସନ୍ତାବର୍ଷରୁ ପ୍ରତିବର୍ଷ ଏକ ଲକ୍ଷ ଅଗ୍ନିବୀର ଭର୍ତ୍ତି କରାଯିବାକୁ ପ୍ରସ୍ତୁତି ଚାଲିଛି । ପ୍ରଥମ ଥର ୨୦୨୬ ଡିସେମ୍ବରରୁ ପୁରୁଣା ଅଗ୍ନିବୀରଙ୍କ ଅବସର ଆରମ୍ଭ ହେବ । ସଂଖ୍ୟା ସ୍ଥିର ରଖିବାକୁ ନୂଆ ପିଲାଙ୍କୁ ଅଧିକ ନେବା ଆବଶ୍ୟକ ହୋଇପଡିଛି । ସେହିପରି ସେନାରେ ଟ୍ରେନିଂ ସିଷ୍ଟମର କ୍ଷମତା ମଧ୍ୟ ବୃଦ୍ଧି କରାଯାଉଛି । କାରଣ ଅଧିକ ପିଲାଙ୍କୁ ଏକା ସାଙ୍ଗରେ ଉନ୍ନତମାନର ଟ୍ରେନିଂ ଯେମିତି ଦେଇ ହେବ ।
ସେନାର ଜଣେ ବଡ଼ ଅଧିକାରୀ କହିଛନ୍ତି, ସେନାରେ ଯେତିକି ପୋଷ୍ଟ କମ ରହିଛି, ସେତିକି ଭର୍ତ୍ତି କରାଯିବ । ଟ୍ରେନିଂ କ୍ବାଲିଟି କମ କରାଯିବା ନାହିଁ । ଯେତେ ପିଲା ଟ୍ରେନିଂ ସେଣ୍ଟର ସମ୍ଭାଳି ପାରିବ ସେତେ ଅଗ୍ନିବୀର ନେବୁ ।
ଯଦି ଆପଣ ଅଗ୍ନିବୀର ହେବାକୁ ପ୍ରସ୍ତୁତ ହେଉଛନ୍ତି, ତେବେ ଏହା ଆପଣଙ୍କ ପାଇଁ ବଡ଼ ଖୁସିର ଖବର । କାରଣ ଆଗାମୀ ବର୍ଷ ଅଧିକ ପିଲାଙ୍କୁ ସୁଯୋଗ ମିଳିବାକୁ ଯାଉଛି ।