ଜଳେଶ୍ୱର : ଘନ କୁହୁଡ଼ି ହେଲା କାଳ। ରାସ୍ତା କଡ଼ରେ ଛିଡା ହେଇଥିବା ଟ୍ରକକୁ ପିଟିଲା ବାଇକ । ଘଟଣାସ୍ଥଳରେ ୨ ଜଣଙ୍କ ମୃତ୍ୟୁ ଘଟିଥିବାବେଳେ ଜଣେ ଗୁରୁତର ଆହତ ହୋଇଛନ୍ତି । ବିଳମ୍ବିତ ରାତିରେ କମର୍ଦ୍ଦା ବିଦ୍ୟୁତ ବିଭାଗର କର୍ମଚାରୀମାନେ କାମ ସାରି ଫେରୁଥିବା ବେଳେ ଉଲୁଡା ନିକଟରେ ଘନ କୁହୁଡିରେ ଭାରସାମ୍ୟ ହରାଇ ଟ୍ରକ୍ କୁ ପଛପଟୁ ଧକ୍କା ଦେଇଥିଲେ । ଗୁରୁତର ଯୁବକଙ୍କୁ ବାଲିଆପାଳ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଛି ।
ଗୁଜରାଟ ଭଦୋଦରାରେ ଡଙ୍ଗା ବୁଡ଼ି ଘଟଣା; ୧୬ଜଣଙ୍କ ସଲିଳ ସମାଧି
ଗାନ୍ଧିନଗର : ଗୁଜରାଟ ଭଦୋଦରାରେ ଡଙ୍ଗା ବୁଡ଼ି ଘଟଣା । ଦୁର୍ଘଟଣାରେ ୧୪ ଛାତ୍ରଛାତ୍ରୀ ଓ ୨ ଜଣ ଶିକ୍ଷକ ମୃତ୍ୟୁ ଘଟିଛି । ଭଦୋଦରାର ହରକାନି ଦ୍ରଦରେ ବୁଡିଯାଇଛି ଡଙ୍ଗା । ଉଦ୍ଧାରକାରୀ ଟିମ ପହଞ୍ଚି ହ୍ରଦ ମଧ୍ୟରୁ ମୃତକଙ୍କ ମୃତଦେହ ଉଦ୍ଧାର କରିଛି । ଭଦୋଦରା ଉପକଣ୍ଠରେ ଥିବା ଏହି ହ୍ରଦକୁ ପିକନିକ୍ କରିବାକୁ ଯାଇଥିଲେ ଛାତ୍ରଛାତ୍ରୀ । ଉଦ୍ଧାର କାର୍ଯ୍ୟରେ ଏନଡିଆରଏଫର ଟିମ ମୁତୟନ ହୋଇଛନ୍ତି । ବୋଟରେ ମୋଟ ୨୭ ଜଣ ଥିବା ଭଦୋଦରା ଜିଲ୍ଲାପାଳ ସୂଚନା ଦେଇଛନ୍ତି । ଘଟଣାସ୍ଥଳରେ ଶୋକାକୁଳ ପରିସ୍ଥିତି ସୃଷ୍ଟି ହୋଇଛି ।
ପୁତନା ଓ ଅନ୍ୟ ରାକ୍ଷସଙ୍କ ନିଧନ ପରେ ମର୍ମାହତ କଂସ
ବରଗଡ଼ : ରାକ୍ଷସ ରାକ୍ଷସୀଙ୍କୁ କୃଷ୍ଣ ବଳରାମ ବଧ କରିବା ପରେ ଭୟଭୀତ ହୋଇଛି କଂସାସୁର । ଶତ୍ରୁ ଶକ୍ତିଶାଳୀ ଜାଣିବା ପରେ କିପରି କଳେବଳେ କୌଶଳେ କୃଷ୍ଣଙ୍କୁ ମାରିବ ସେନେଇ ଚିନ୍ତାରେ ମଥୁରା ନରେଶ । ଏଥିପାଇଁ ପାରିଷଦବର୍ଗଙ୍କ ସହ କରିଛନ୍ତି ବୈଠକ । ବରଗଡ଼ ଧନୁଯାତ୍ରାରେ ପଞ୍ଚମ ଦିନରେ ଆଜି ମହାରାଜା ବ୍ରହ୍ମଚାରୀ ଅଞ୍ଚଳରେ ଦିଗବିଜୟ କରିବେ ।
ସେହିପରି ଗୋପରେ କୃଷ୍ଣ ବଳରାମଙ୍କ ବାଲ୍ୟଲୀଳା, ଜାମଳାର୍ଜୁନ ଉଦ୍ଧାର, କାଳୀୟ ଦଳନ, ବିଶ୍ବରୂପ ଦର୍ଶନ ଦୃଶ୍ୟ ମଞ୍ଚସ୍ଥ ହେବ । ଗତକାଲି କୃଷ୍ଣଙ୍କୁ ମାରିବାକୁ କଂସ ରାକ୍ଷସୀ ପୁତନା ସମେତ ତୃଣା, ବକା, ଶକଟା, ଷଣ୍ଡା ଆଦି ରାକ୍ଷସଙ୍କୁ ପ୍ରେରଣ କରିଥିଲା । ତେବେ କୃଷ୍ଣଙ୍କୁ ମାରିବାର ସବୁ ଯୋଜନା ଫେଲ ମାରିଛି । ପୁତନାଙ୍କୁ ସ୍ଥନ୍ୟପାନ କରିବା ଆଳରେ ତାର ଜୀବନକୁ ଶୋଷଣ କରିଛନ୍ତି ଭଗବାନ ଶ୍ରୀକୃଷ୍ଣ । ସେହିପରି ତୃଣା, ବକା, ଶକଟା ଓ ଷଣ୍ଡାଙ୍କୁ ବଧ କରିଛନ୍ତି ବେନି ଭାଇ । ଏହି ଖବର ପାଇବା ପରେ ଭୟଭୀତ କଂସ ମହାରାଜ ଦିଗବିଜୟରୁ ଫେରି ପାରିଷଦ ବର୍ଗଙ୍କ ସହ ଆପାଦତାଳୀନ ବୈଠକ କରିଛନ୍ତି ।
ବାଇକ- ସ୍କୁଟି ମୁହାଁମୁହିଁ ଧକ୍କା; ୫ ମୃତ, ଜଣେ ଗୁରୁତର
ନନ୍ଦିଘୋଷ ବ୍ୟୁରୋ : ଭଞ୍ଜନଗର- ସୋରଡ଼ା ଥାନା ବରାଡ଼ି ନିକଟରେ ବାଇକ- ସ୍କୁଟି ମୁହାଁମୁହିଁ ଧକ୍କା । ଦୁର୍ଘଟଣାରେ ୫ ଜଣଙ୍କ ମୃତ୍ୟୁ ହୋଇଥିବାବେଳେ ଜଣେ ଗୁରୁତର ଆହତ ହୋଇଛନ୍ତି । ଘଟଣା ସ୍ଥଳରେ ସୋରଡ଼ା ପୋଲିସ ତଦନ୍ତ ଜାରି ରଖିଛି । ମୃତକମାନେ ହେଲେ ସୋରଡା ବିଦ୍ୟୁତ ବିଭାଗ କର୍ମଚାରୀ ରଜନୀ ଗୌଡ଼, ମହେନ୍ଦ୍ର ନାୟକ ଓ ଜୟନ୍ତ ବାଡତ୍ୟା । ଅନ୍ୟ ଦୁଇ ମୃତକ ହେଲେ ଦୁଲାଡର ଶ୍ରୀକାନ୍ତ ଗୌଡ଼ ଓ ମନୁ ଡାକୁଆ । ଦୁଲାଡର ପୂର୍ଣ୍ଣ ଗୌଡ ଆହତ ହୋଇଛନ୍ତି ।
ସୂଚନା ମୁତାବକ ଏକ ବାଇକରେ ୩ ଜଣ ବସି ଅସୁରବନ୍ଧ ଠାରୁ ସୋରଡା ଅଭିମୁଖେ ଆସୁଥିବା ବେଳେ ବିପରୀତ ଦିଗରୁ ବିଦ୍ୟୁତ୍ ବିଭାଗର ୩ ଜଣ କର୍ମଚାରୀ ଗୋଟିଏ ସ୍କୁଟିରେ ଆସୁଥିଲେ । ଦୁଇଗାଡ଼ି ମଧ୍ୟରେ ବରାଡି ନିକଟ ରେ ଠାରେ ମୁହାମୁହିଁ ଧକ୍କା ହୋଇଥିଲା । ଖବର ପାଇ ସୋରଡା ପୋଲିସ ଓ ଅଗ୍ନିଶମ ବିଭାଗ ଘଟଣା ସ୍ଥଳରେ ପହଞ୍ଚି ସମସ୍ତଙ୍କୁ ଉଦ୍ଧାର କରି ସୋରଡା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରକୁ ଆଣିଥିଲେ। ସେଠାରେ ୪ ଜଣଙ୍କୁ ଡାକ୍ତର ମୃତ ଘୋଷଣା କରିଥିଲେ । ଦୁଇ ଜଣ ଗୁରୁତରଙ୍କୁ ବ୍ରହ୍ମପୁର ବଡମେଡିକାଲକୁ ସ୍ଥାନାନ୍ତର ହୋଇଥିଲେ । ତେବେ ଅଧିକ ଗୁରୁତର ଥିବା ଜୟନ୍ତ ବାଡ଼ତ୍ୟାଙ୍କୁ ଭୁବନେଶ୍ୱର ନିଆଯିବା ବେଳେ ରାସ୍ତାରେ ତାଙ୍କର ମୃତ୍ୟୁ ଘଟିଥିଲା ।
ସୁନସୁନିଆ ଶାଗର ଫାଇଦା
ନନ୍ଦିଘୋଷ ବ୍ୟୁରୋ: ଆମ ଓଡିଶାରେ ଶାଗ ଲୋକଙ୍କର ବହୁତ ପ୍ରିୟା ହୋଇଥାଏ ବହୁତ ପ୍ରକାର ଶାଗ ଲୋକ ଏଠାରେ ଖାଇ ଥାନ୍ତି ଆପଣ ଅନ୍ୟ ରାଜ୍ୟ ମାନଙ୍କରେ ଏତେ ପ୍ରକାର ଶାଗ ଖାଇବାର ଦେଖି ନଥିବେ କିନ୍ତୁ ଓଡିଶାରେ ଶାଗ ବିନା ଚାଲିବ ନାହିଁ ଏଠାରେ ବହୁତ ପ୍ରକାର ଶାଗ ଆପଣ ଖାଇବାର ଲୋକଙ୍କୁ ଦେଖିଥିବେ । ତେବେ ଆପଣ ମାନେ ମଧ୍ୟ ଜାଣିଥିବେ ଯେ ଡକ୍ଟର ହୁଅନ୍ତୁ ବା ବୈଦ୍ୟ ସମସ୍ତେ ଶାଗ ଖାଇବା ପାଇଁ କୁହନ୍ତି କାହିଙ୍କିନା ଏଥିରେ ବହୁତ ପ୍ରକାର ପୋଶତିକ ଗୁଣ ହୋଇଥାଏ ଯାହା ଆମ ଶରୀରକୁ ବହୁତ ବଳବାନ କରିବା ସହ ଆମ ବହୁତ ପ୍ରକାର ଦୋଷ ଦୂର କରିଥାଏ ।
ସୁନସୁନିଆ ଶାଗ ଖାଇବା ଦ୍ଵାରା ଛୁଆ ମାନଙ୍କ ସ୍ମରଣ ଶକ୍ତି ଭଲ ରହିଥାଏ ଯାହା ଫଳ ସ୍ୱରୂପ ଛୁଆ ଭଲ ପାଠ ପଢନ୍ତି ଆଉ ଅନ୍ୟ ଶ୍ରେଣୀ ରେ ମଧ୍ୟ ଭଲ ରୁହନ୍ତି । ସୁନସୁନିଆ ଶାଗ ଗର୍ଭବତୀ ମହିଳାଙ୍କ ପାଇଁ ବହୁତ ଉତ୍ତମ ହୋଇଥାଏ କ୍ଯାହିଙ୍କିନା ଏହାକୁ ଖାଇବା ଦ୍ଵାରା ମହିଳାଙ୍କୁ ବହୁତ ପ୍ରକାର ଶକ୍ତି ମିଳିଥାଏ ଯାହା ତାଙ୍କ ସନ୍ତାନକୁ ସ୍ଵସ୍ଥ ରଖିଥାଏ । ସୁନସୁନିଆ ଶାଗ ବୁଢା ବୁଢୀ ମାନଙ୍କ ପାଇଁ ବି ବହୁତ ଲାଭକାରୀ ହୋଇଥାଏ । କେବଳ ସୁନସୁନିଆ ଶାଗ ନୁହ ଅନ୍ୟ ସବୁ ପ୍ରକାର ଶାଗ ବୁଢା ବୁଢୀ ମାନଙ୍କ ପାଇଁ ଲାଭକାରୀ ହୋଇଥାଏ କାହିଙ୍କିନା ଏହି ସବୁ ଶାଗ ଖାଇବା ଦ୍ଵାରା ଆଖି ଦ୍ରୁଷ୍ଟି ବଢିଥାଏ ଆଉ ଶରୀରରେ ଶକ୍ତି ଅନୁଭବ ହୋଇଥାଏ ।
ସୁନସୁନିଆ ଶାଗ ରସ ବାହାର କରି ମହୁ ସହ ମିଶାଇ ଛୁଆ ମାନଙ୍କୁ ଖୁଆଇଲେ ତାଙ୍କ ପତଳା ଝାଡା ବନ୍ଦ ହୋଇଥାଏ ଆଉ ହଜମ ଶକ୍ତି ବଢିବାକୁ ଲାଗିଥାଏ । ସୁନସୁନିଆ ଶାଗ ଖାଇଲେ ମଣିଷ ଶରୀରକୁ ବିଟାମିନ ବି ୧୨ ମିଳିଥାଏ ଯାହା ଆମ ଶରୀର ରୋଗ ପ୍ରତି ରୋଧକ କ୍ଷମତା ବଢାଇଥାଏ ଆଉ ଏହା ଖାଇବା ଦ୍ଵାରା ଆମ ଶରୀର ବହୁତ ପ୍ରକାର ରୋଗରୁ ବଞ୍ଚି ରହିଥାଏ । ଆଜିକା ସମୟରେ ବ୍ରଣ ସମସ୍ତଙ୍କ ପାଇଁ ବଡ ସମସ୍ୟା କିନ୍ତୁ କଣ ଆପଣ ଏହା ଜାଣିଛନ୍ତି ସୁନସୁନିଆ ଶାଗ ରସ ବାହାର କରି ବ୍ରଣ ଉପରେ ଲଗାଇଲେ ଯେତେ ଖରାପ ମୁହଁ ଥିଲେ ମଧ୍ୟ ବ୍ରଣ ଭଲ କରି ଚେହେରା ସୁନ୍ଦର କରିଥାଏ । ସୁନସୁନିଆ ଶାଗ ଦିନରେ ଖାଇବା ଉଚିତ ଏହାକୁ ରାତିରେ ଖାଇବା ଉଚିତ ନୁହ କାହିଙ୍କିନା ଏହା ରାତିରେ ଖାଇଲେ ଓଲଟା କାମ କରିଥାଏ ।
ଲୁଣ ନେଉଛି ବର୍ଷକୁ ୧୮ ଲକ୍ଷ ଜୀବନ
ନନ୍ଦିଘୋଷ ବ୍ୟୁରୋ: ଲୁଣ କାରଣରୁ ହେଉଛି ଅନେକ ରୋଗ, ବର୍ଷକୁ ଯାଉଛି ୧୮ ଲକ୍ଷ ଲୋକଙ୍କ ଜୀବନ ପ୍ରତ୍ୟେକ ବ୍ୟଞ୍ଜନର ସ୍ୱାଦ ବଢ଼ାଉଥିବା ଥି ଲୁଣ ଅନେକ ଗମ୍ଭୀର ସ୍ୱାସ୍ଥ୍ୟ ସମସ୍ୟାକୁ ନେଇ ଏବେ ବିବାଦ ଘେରରେ । ବିଶ୍ୱ ସ୍ୱାସ୍ଥ୍ୟ ସଂଗଠନ (ହୁ) ଅନୁସାରେ, ମାତ୍ରାଧିକଧି ଲୁଣ ବ୍ୟବହାର ଯୋଗୁ ବିଶ୍ୱରେ ୧୮.୯ ଲକ୍ଷ ଲୋକ ପ୍ରତି ବର୍ଷ ପ୍ରାଣ ହରାଉଛନ୍ତି । ଏହା ଉଚ୍ଚ ରକ୍ତଚାପ ଓ ଏକାଧିକଧି ହୃଦ୍ ସମସ୍ୟାର କାରଣ ହୋଇଛି । ଲୁଣରେ ଥିବା ଥି ସୋଡିୟମ୍ କୋଷିକାଗୁଡ଼ିଗୁଡ଼ିକର ସ୍ୱାଭାବିକ କାର୍ଯ୍ୟ କଳାପରେ ସାହାଯ୍ୟ କରେ । କ୍ଷୀର, ମାଂସ ଓ ମାଛ ଭଳି ଅନେକ ଖାଦ୍ୟରେ ଏହା ପ୍ରାକୃତିକ ରୂପେ ମିଳେ । କିନ୍ତୁ ମାତ୍ରାଧିକଧି ସୋଡିୟମ୍ ହୃଦ୍ଘାତ, ଷ୍ଟ୍ରୋକ୍, ଅପମୃତ୍ୟୁମୃ ତ୍ୟୁ ଆଶଙ୍କା ବଢ଼ାଏ ବୋଲି ବିଶ୍ୱ ସ୍ୱାସ୍ଥ୍ୟ ସଂଗଠନ ରିପୋର୍ଟରେର୍ଟ ସ୍ପଷ୍ଟ କରିଛି ବିଶ୍ୱ ସ୍ୱାସ୍ଥ୍ୟ ସଂଗଠନ ବୟସ୍କଙ୍କ ପାଇଁ ଦିନକୁ ୨୦୦୦ ମିଲିଗ୍ରାମ୍ରୁ ମ୍ ରୁ କମ୍ ସୋଡିୟମ୍ ଖାଇବାକୁସୁପା ସୁ ରିଶ କରିଛି । ଏହା ଗୋଟିଏ ଛୋଟ ଚାମଚଠୁ ଟିକିଏ କମ୍ । ତେବେ ପିଲାଙ୍କ ଆବଶ୍ୟକତା ଅନୁସାରେ ସୋଡିୟମ୍ ଦିଆଯିବା ଦରକାର ବୋଲି ଏହା ସ୍ପଷ୍ଟ କରିଛି । ଆୟୋଡାଇଡ୍ ଲୁଣ ଖାଇବାକୁମଧ୍ୟ ହୁ କହିଛି, ଯାହା ସୁସ୍ଥସୁ ମସ୍ତିଷ୍କ ବିକାଶ ପାଇଁ ଗୁରୁଗୁରୁତ୍ୱପୂର୍ଣ୍ଣପୂ ର୍ଣ୍ଣ । ଲୁଣ ଖାଇବା ସମ୍ପୂର୍ଣ୍ଣମ୍ପୂ ର୍ଣ୍ଣବନ୍ଦ କରିବା ଅସମ୍ଭବ କିନ୍ତୁ ମାତ୍ରାଧିକଧି ଲୁଣ ବ୍ୟବହାର ଅଭ୍ୟାସ କମାଇବା ସହିତ ପ୍ରକ୍ରିୟାକୃତ ଖାଦ୍ୟଠୁ ଦୂରରେ ରହି ସତେଜ ଖାଦ୍ୟ ଖାଇବାକୁ ବିଶ୍ୱ ସ୍ୱାସ୍ଥ୍ୟ ସଂଗଠନ ପ୍ରସ୍ତାବ ଦେଇଛି ।
ମଧ୍ୟପ୍ରାଚ୍ୟରେ ନିଆଁ, ଭାରତରେ ସଙ୍କଟ
ନନ୍ଦିଘୋଷ ବ୍ୟୁରୋ: ମଧ୍ୟପ୍ରାଚ୍ୟରେ ନିଆଁ, ଭାରତରେ ସଂକଟ। ଲୋହିତ ସାଗରରେ ନୌ-ପରିବହନ ବାଧାପ୍ରାପ୍ତ ହେବାରୁ ବିଦେଶରୁ ଆସୁଥିବା ଖାଦ୍ୟ ସାମଗ୍ରୀ ଓ ଅଶୋଧିତ ତୈଳ ଦର ବଢୁଛି। ଗତ ୨୪ ଘଣ୍ଟାରେ ଅଶୋଧିତ ତୈଳ ଦର ୭୭ ଡଲାରରୁ ବଢି ୭୮ ଡଲାରରେ ପହଞ୍ଚିଲାଣି। ବ୍ୟାରେଲ ୮୦ ଡଲାର ଉପରକୁ ଯାଇପାରେ। ଭାରତ ସରକାର ପ୍ରଭାବ ପଡ଼ିବନି ବୋଲି ଯେତେ କହିଲେ ବି ସ୍ଥିତି ଭଲ ନାହିଁ। ପୂର୍ବରୁ ଅଶୋଧିତ ତୈଳଦର ଆଶାତୀତ ହ୍ରାସ ବେଳେ ବି ପେଟ୍ରୋଲ ଡିଜେଲ୍ ଦର କମାଇନଥିଲେ କେନ୍ଦ୍ର ସରକାର। ସାଧାରଣ ନିର୍ବାଚନରେ ଦର ନକମାଇବାକୁ ମହଙ୍ଗା ନୌ-ପରିବହନକୁ ଆଳ କରିପାରନ୍ତି। ତେଣୁ ଖାଉଟି ଆହୁରି ମହଙ୍ଗା ମାଡ଼ ସହିବେ ସିନା ଆଶ୍ବସ୍ତି ମିଳିବନି।
ବିଗିଡ଼ିଲାଣି ମଧ୍ୟପ୍ରାଚ୍ୟ ସ୍ଥିତି । ଯୁଦ୍ଧ ସ୍ଥିତି ପାଇଁ ବଜାରରେ ଲାଗିଲାଣି ନିଆଁ। କେନ୍ଦ୍ର ସରକାର ଯେତେ ମନାକଲେ ବି ଭାରତରେ ତେଲ, ଡାଲି ମହଙ୍ଗା ହେଲାଣି। ଲୋହିତ ସାଗରରେ ହାଉଥି ବିଦ୍ରୋହୀ, ସୋମାଲିଆ ଜଳଦସ୍ୟୁଙ୍କ ଆକ୍ରମଣ ବଢିଚାଲିଛି। ପ୍ରଭାବିତ ହୋଇଛି ଅନ୍ତରାଷ୍ଟ୍ରୀୟ ନୌ-ପରିବହନ। ଇଉରୋପ ସମେତ ୫୬ଟି ଦେଶରେ ଅତ୍ୟାବଶ୍ୟକ ସାମଗ୍ରୀର ଅଭାବ ଦେଖାଦେଲାଣି। ଭାରତର ରିଫାଇନାରୀ ପାଖରେ ଅଶୋଧିତ ତୈଳ ଷ୍ଟକ୍ ବି ସରିଆସୁଛି। ଅଶୋଧିତ ତୈଳ ଦର ଶସ୍ତା ହେବାରୁ ଭାରତର ତୈଳ ବିପଣନ କମ୍ପାନୀଗୁଡ଼ିକ ଚଳିତ ଆର୍ଥିକ ବର୍ଷର ପ୍ରଥମ, ଦ୍ବିତୀୟ ଓ ତୃତୀୟ ତ୍ରୟମାସିକରେ ପ୍ରଚୁର ଲାଭ କରିଛନ୍ତି । ତୃତୀୟ ତ୍ରୟମାସିକରେ ତୈଳ କମ୍ପାନୀ ଲାଭ କରିଛନ୍ତି ୭୫ହଜାର କୋଟି ।
ଏବେ ପେଟ୍ରୋଲ ଓ ଡିଜେଲ ଲିଟର ପିଛା ୮ରୁ ୧୦ ଟଙ୍କା ଲାଭ କରୁଛନ୍ତି ତୈଳ କମ୍ପାନୀ। ଲୋହିତ ସାଗରରେ ସ୍ଥିତି ବିଗିଡ଼ିବା ପରେ ଗତ ୨୪ ଘଣ୍ଟାରେ ଅଶୋଧିତ ତୈଳ ବ୍ୟାରେଲ୍ ୭୭ ଡଲାରରୁ ୭୮ଡଲାରରେ ପହଞ୍ଚିଛି । ଯଦି ଦର ୮୦ରୁ ୯୦ ଡଲାର ହୁଏ, ତାହେଲେ ତୈଳ କମ୍ପାନୀ କ୍ଷତି ସହିବେ । ଆଗକୁ ସାଧାରଣ ନିର୍ବାଚନ ଥିବାରୁ କେନ୍ଦ୍ର ସରକାର ପେଟ୍ରୋଲ-ଡିଜେଲ ଦର ବୃଦ୍ଧି କରିବାକୁ ଦେବେନି। ଦେଢ଼ବର୍ଷ ହେଲାଣି ପେଟ୍ରୋଲ-ଡିଜେଲ ଦର ହ୍ରାସ ନହେବାରୁ ଲୋକେ ଅତିଷ୍ଟ ହେଲେଣି। ନିର୍ବାଚନ ପୂର୍ବରୁ ତୈଳ ଦର ହ୍ରାସ କରି କେନ୍ଦ୍ର ସରକାର ଲୋକଙ୍କୁ କିଛିଟା ଆଶ୍ବସ୍ତି ଦେବେ ବୋଲି ଆଶ ରଖିଥିଲେ। ହେଲେ ସେ ଆଶା ବି ଏବେ ଫିକା ପଡ଼ିଲାଣି।
ବିକଳ୍ପ ଜଳପଥ ଭାବେ ଦକ୍ଷିଣ ଆଫ୍ରିକାର କେପ୍ ଅଫ୍ ଗୁଡ୍ ହୋପ୍ ଏକମାତ୍ର ବାଟ । କିନ୍ତୁ ପଣ୍ୟବାହୀ ଜାହାଜକୁ ଲମ୍ବା ପଥ ଅତିକ୍ରମ କରିବାକୁ ଥିବାରୁ ନୌ-ପରିବହନ ଖର୍ଚ୍ଚ ଦୁଇଗୁଣ ବୃଦ୍ଧି ପାଇବ। ଏଭଳି ସ୍ଥିତି ଭାରତକୁ ଆସିବାକୁ ଅଶୋଧିତ ତୈଳ, ଡାଲି, ଖାଇବା ତେଲ ଦର ବୃଦ୍ଧି ପାଇବ। ଆଉ ଏହି ବର୍ଦ୍ଧିତ ଦର ଖାଉଟି ଗଣିବେ। ଗଲ୍ଫ ଅଫ୍ ଏଦେନ୍ ବାଟ ଦେଇ ପରିବହନ କରୁଥିବା ୧୮ଟି ଜାହାଜ କମ୍ପାନୀ ବିକଳ୍ପ ଜଳପଥ ଦେଇ ଆସିବାକୁ ସୁରକ୍ଷିତ ମଣୁଛନ୍ତି। ଆସନ୍ତା ଫେବ୍ରୁଆରୀରୁ ୟୁରୋପିଆନ୍ ୟୁନିୟନର ସ୍ବତନ୍ତ୍ର ସେନା ଲୋହିତ ସାହରରେ ପାଟ୍ରୋଲିଂ କରିବେ ବୋଲି ସୂଚନା ମିଳିଛି। ତେବେ ଇସ୍ରାଏଲ-ହମାସ, ଇସ୍ରାଏଲ- ହିଜବୁଲ୍ଲା, ସିରିଆ-ଇରାକ୍ ଓ ପାକିସ୍ତାନ ଉପରେ ଇରାନ୍ର ଆକ୍ରମଣ, ଇରାନ୍ ଉପରେ ପାକିସ୍ତାନର ପାଲଟା ଆକ୍ରମଣ, ମଧ୍ୟପ୍ରାଚ୍ୟରେ ସିହା-ସୁନ୍ନି ବିବାଦ ଅନ୍ତରାଷ୍ଟ୍ରୀୟ ନୌବାଣିଜ୍ୟ ସ୍ଥିତିକୁ ଆହୁରି ସଂଗୀନ କରିଛି।
ପୁଣି ବଦଳିଲା କେନ୍ଦ୍ର ସଡ଼କ ଓ ପରିବହନ ବିଭାଗ ନିୟମ
ନନ୍ଦିଘୋଷ ବ୍ୟୁରୋ: ପୁଣି ବଦଳିଲା କେନ୍ଦ୍ର ସଡ଼କ ଓ ପରିବହନ ବିଭାଗ ନିୟମ। ନମ୍ବର ପ୍ଲେଟ ପରେ ଏବେ ଫାସଟ୍ୟାଗ୍ ଉପରେ ନୂଆ ଆଇନ ଛାଟ। ଏହାକୁ ନେଇ ବିଭିନ୍ନ ମହଲରେ ବିରୋଧ ଆରମ୍ଭ ହେଲାଣି। କାରଣ ଜାନୁଆରୀ ୩୧ ସୁଦ୍ଧା କେଓ୍ବାଇସି ପୂରଣ ନକଲେ, ଅକାମୀ ହୋଇଯିବ ଫାସଟ୍ୟାଗ । ଧୀରେ ଧୀରେ ବିବାଦକୁ ଆସୁଥିବା ୱାନ୍ ଭେଇକିଲ ୱାନ୍ ଫାସଟ୍ୟାଗ୍ ଅଭିଯାନରେ ଏକାଧିକ ଫାସଟ୍ୟାଗ୍ ହୋଇଯିବ କଳାତାଲିକାଭୁକ୍ତ। ଏହାକୁ ନେଇ ଏବେଠାରୁ ଯାତ୍ରୀଙ୍କ ଭିତରେ ଅସନ୍ତୋଷ ଦାନା ବାନ୍ଧିଲାଣି।
କେନ୍ଦ୍ର ସରକାରଙ୍କ ମନମୁଖୀ ନିୟମ ଯୋଗୁ ଦୁଇ ସପ୍ତାହ ଭିତରେ ଦେଖିବାକୁ ମିଳିପାରେ ନୋଟବନ୍ଦୀ ପରି ଲମ୍ବା ଲାଇନ୍। ବାରମ୍ବାର ନିୟମ ପରିବର୍ତ୍ତନ କରି ଲୋକଙ୍କୁ ଅସୁବିଧାରେ ପକାଇବାରେ ଲାଗିଛି କେନ୍ଦ୍ର ସଡ଼କ ଓ ପରିବହନ ବିଭାଗ । ଗୋଟାଏ ଗାଡ଼ିରେ ଏକାଧିକ ଫାସଟ୍ୟାଗ୍ ଥିଲେ ଜାନୁଆରୀ ୩୧ ପରେ ଗୋଟିଏକୁ ଛାଡ଼ି ଅନ୍ୟ ସବୁ ଫାଷ୍ଟଟ୍ୟାଗ୍ ବ୍ଲାକଲିଷ୍ଟ ହୋଇଯିବ। ଫଳରେ ଫାସଟ୍ୟାଗ୍ ଉପଭୋକ୍ତାଙ୍କୁ ନିକଟସ୍ଥ ଟୋଲ ପ୍ଲାଜା କିମ୍ବା ବ୍ୟାଙ୍କର କଷ୍ଟମର କେୟାର ବାହାରେ ଲମ୍ବାର ଲାଇନରେ ଠିଆ ହେବାକୁ ପଡ଼ିବ। ଗୋଟିଏ ଫାସଟ୍ୟାଗ୍ ଏକାଧିକ ଗାଡ଼ିରେ ବ୍ୟବହାର କରାଯାଇ ପାରିବନି। ୱାନ୍ ଭେଇକିଲ ୱାନ୍ ଫାସଟ୍ୟାଗ୍ କାର୍ଯ୍ୟକ୍ରମ ଅଧୀନରେ ଆସନ୍ତା ଜାନୁଆରୀ ୩୧ ସୁଦ୍ଧା ଗାଡ଼ି ମାଲିକଙ୍କୁ ସେମାନଙ୍କ ଫାସଟ୍ୟାଗ୍ ପାଇଁ କେଓ୍ବାଇସି ପୂରଣ କରିବାକୁ ପଡ଼ିବ। ବାଲାନ୍ସ ଥିଲେ ବି ଅସଂପୂର୍ଣ୍ଣ କେଓ୍ବାଇସି ଥିବା ଫାସଟ୍ୟାଗକୁ ନିଷ୍କ୍ରିୟ କରିବା ସହ ବ୍ଲାକଲିଷ୍ଟ କରିଦେବେ ବ୍ୟାଙ୍କ। ଏକାଧିକ ଫାସଟ୍ୟାଗ୍ କ୍ଷେତ୍ରରେ ସଦ୍ୟତମ ଫାସଟ୍ୟାଗକୁ ଛାଡ଼ି ଅନ୍ୟ ସବୁକୁ ନିଷ୍କ୍ରିୟ କରାଯିବ। ହଠାତ୍ ଏ ନିୟମ ଆସିବାରୁ ସାଧାରଣ ଜନତା ଚିନ୍ତାରେ ପଡ଼ିଛନ୍ତି। କାରଣ ହାତରେ ଅଳ୍ପ ଦିନ ଅଛି। ଘର କାମ, ଅଫିସ୍ କାମ ଭିତରେ କେତେବେଳେ ସମୟ ବାହାର କରି ପୁଣି କେଓ୍ବାଇସି ପୂରଣ କରିବେ, ତାକୁ ନେଇ ଚିନ୍ତା ବଢିଛି।
ଟୋଲ୍ ପ୍ଲାଜାରେ ଗୋଟିଏ କମ୍ପାନିର ଫାସଟ୍ୟାଗ୍ କାମ ନକଲେ, ଲୋକେ ବାଧ୍ୟ ହୋଇ ଅନ୍ୟ କମ୍ପାନିର ଫାସଟ୍ୟାଗ୍ ଲଗାଉଛନ୍ତି। ଟୋଲ୍ ପ୍ଲାଜାରେ ଏଭଳି ସମସ୍ୟାର ତତ୍କାଳ ସମାଧାନ ହୋଇପାରୁଥିଲେ ଏକାଧିକ ଫାଷ୍ଟଟ୍ୟାଗ୍ ଲଗାଇବାକୁ ପଡୁନଥାନ୍ତା। ଏପଟେ ସଡ଼କ ସୁରକ୍ଷା ବିଶେଷଜ୍ଞଙ୍କ ମତ, ଫାସଟ୍ୟାଗ୍ ଆସିବା ପରେ ବି ଟୋଲ୍ ପ୍ଲାଜାରେ ନିରବଚ୍ଛିନ୍ନ ଯାତାୟାତ ସୁଗମ ହୋଇପାରିନି। ଅନେକ ସମୟରେ ଟୋଲ ପ୍ଲାଜାରେ ବହୁ ଗେଟ୍ ବନ୍ଦ ରହୁଛି। ଫଳରେ ଲୋକଙ୍କୁ ଏବେବି ଲାଇନ ଲଗାଇବାକୁ ପଡୁଛି। କେନ୍ଦ୍ର ସରକାର ପ୍ରଥମେ ଏସବୁ ସମସ୍ୟାର ସମାଧାନ କରନ୍ତୁ। ଦେଶରେ ଏବେ ୮କୋଟିରୁ ଅଧିକ ଫାସଟ୍ୟାଗ୍ ଉପଭୋକ୍ତା ଅଛନ୍ତି। ପ୍ରାୟ ୯୮ ପ୍ରତିଶତ ଗାଡ଼ିରେ ଫାସଟ୍ୟାଗ୍ ଲାଗିଛି । ନୂଆ ଫାସଟ୍ୟାଗ୍ ପ୍ଲେଟ ଜରିଆରେ ଲୋକଙ୍କୁ ଆର୍ଥିକ ବୋଝ ଦେଇ କେନ୍ଦ୍ର ସରକାର ରାଜସ୍ବ ସଂଗ୍ରହ କରିବାକୁ ଲକ୍ଷ୍ୟ ରଖିଥିବା ଅଭିଯୋଗ ହୋଇଛି। ଏ ପ୍ରସଙ୍ଗକୁ ରାଜ୍ୟ ସରକାରଙ୍କ ସଡ଼କ ସୁରକ୍ଷା ପରିଷଦ ବୈଠକରେ ଉପସ୍ଥାପନ କରାଯିବ।
ୱାର୍ଲଡ୍ ଓଡ଼ିଶା ସୋସାଇଟିର ତୃତୀୟ ପ୍ରତିଷ୍ଠା ଦିବସ ପାଳିତ
ନନ୍ଦିଘୋଷ ବ୍ୟୁରୋ: ଓଡ଼ିଶାର ସର୍ବାଙ୍ଗୀନ ଉନ୍ନୟନ ପାଇଁ ବିଶ୍ଵଭରି ଓଡ଼ିଆ ଭୌତିକ ଓ ବୌଦ୍ଧିକ ଅନୁଦାନ ପ୍ରଦାନ କରିବାକୁ ୱାର୍ଲଡ୍ ଓଡ଼ିଶା ସୋସାଇଟି ( ୱା.ଓ.ସୋ.) ପକ୍ଷରୁ ଆହ୍ବାନ ଦିଆଯାଇଛି। ସୋସାଇଟିର ତୃତୀୟ ପ୍ରତିଷ୍ଠା ଦିବସ ସଭାରେ ସଭାପତିତ୍ବ କରି ୱା.ଓ.ସୋ ର ଅଧ୍ୟକ୍ଷ କିଶୋର ଦ୍ବିବେଦୀ, ଓଡ଼ିଶା ବାହାରେ ବସବାସ କରୁଥିବା ଦେଢ଼ କୋଟି ପ୍ରବାସୀ ଓଡ଼ିଆ ସମୁଚିତ ଯୋଗଦାନ ପ୍ରଦାନ କଲେ ସୁନାର ଓଡ଼ିଶା ପୁନର୍ଗଠନ ନିଶ୍ଚିତ ଭାବେ ସମ୍ଭବପର ହୋଇପାରିବ ବୋଲି ଦମ୍ଭ ପ୍ରକାଶ କରିଥିଲେ। ବିଶେଷ କରି ୨୦୩୬ ମସିହାରେ ସ୍ଵତନ୍ତ୍ର ପ୍ରଦେଶ ଗଠନ ହେବାର ଶତାବ୍ଦୀ ପୂର୍ତ୍ତି କାଳରେ ଓଡ଼ିଶାକୁ ଦେଶର ଏକ ନମ୍ୱର ରାଜ୍ୟରେ ପରିଣତ କରିବାର ସ୍ବପ୍ନକୁ ସାକାର କରିବା ପାଇଁ ସାରା ଦୁନିଆର ସମସ୍ତ ଓଡ଼ିଆ ସହଯୋଗର ହାତ ବଢ଼ାଇବାକୁ ଶ୍ରୀ ଦ୍ବିବେଦୀ ନିବେଦନ କରିଥିଲେ।
ଉଭୟ ଆଭାସି ଓ ବାସ୍ତବ ଢଙ୍ଗରେ ଆୟୋଜିତ ଉତ୍କଳ ଉତ୍ସବ ନାମରେ ନାମିତ ୱା.ଓ.ସୋର ସଂସ୍ଥାପନା ଦିବସ ସମାରୋହ ବିପୁଳ ଭାବେ ସଫଳ ହୋଇଥିବା ଜଣାଯାଇଛି। ଏହି ଉପଲକ୍ଷେ ସୋସାଇଟି ତରଫରୁ ପ୍ରଥମଥର ପାଇଁ ଆନ୍ତର୍ଜାତିକ ସ୍ତରରେ ଦୁବାଇ ଠାରେ ଜାତୀୟ ସ୍ତରରେ ଗଜିଆବାଦ ଠାରେ ରାଜ୍ୟସ୍ତରରେ ଭୁବନେଶ୍ୱର ଠାରେ ଉତ୍ସବ ମାନ ବାସ୍ତବିକ ମଞ୍ଚରେ ଆୟୋଜନ କରାଯାଇଥିବା ବେଳେ ଡିଜିଟାଲ ଲିଙ୍କ ଜୁମ୍ ଜରିଆରେ ଆଭାସି ମଞ୍ଚରେ ସାରା ବିଶ୍ଵର ବିଭିନ୍ନ ଦେଶରୁ ଓଡ଼ିଆମାନେ ଏହି କାର୍ଯ୍ୟକ୍ରମରେ ସାମିଲ ହୋଇଥିବା ଦେଖାଦେଇଥିଲା। ଦୁବାଇରୁ ସୁଧାଶ୍ରୀ ଦାଶ ସୂଚାରୁ ରୂପେ ସଭା ସଞ୍ଚାଳନ କରିଥିଲେ। ନନ୍ଦନ ଦ୍ବିବେଦୀ ଦକ୍ଷତାର ସହିତ ଡିଜିଟାଲ କକ୍ଷକୁ ନିୟନ୍ତ୍ରଣ କରିଥିଲେ।
ସମାବେଶକୁ ସମ୍ବୋଧନ କରି ବିଶିଷ୍ଟ ଅତିଥି ରାଜ୍ୟ ସରକାରଙ୍କର ଭାଷା, ସାହିତ୍ୟ, ସଂସ୍କୃତି ଏବଂ ଓଡ଼ିଶା ପରିବାରର ନିର୍ଦ୍ଦେଶକ ଦିଲୀପ ରାଉତରାଏ, ଓଡ଼ିଶାର ବହୁବିଧ ବିବିଧତା ଓ ବ୍ୟାପକ ବୈଭବ କୁ ଆନ୍ତର୍ଜାତିକ ଦରବାରରେ ପରିଚିତ ଓ ପ୍ରତିଷ୍ଠିତ କରିବା ନେଇ ୱାର୍ଲଡ୍ ଓଡ଼ିଶା ସୋସାଇଟିର ସକ୍ରୀୟ ସାହାଯ୍ୟ କାମନା କରିଥିଲେ। ବରେଣ୍ୟ ଅତିଥି ଆଟମୋସସ୍ଫିଅର୍ ଗ୍ରୁପର ପରିଚାଳନା ନିର୍ଦ୍ଦେଶକ ସୌଭାଗ୍ୟ ମହାପାତ୍ର, ଓଡ଼ିଶାର ପର୍ଯ୍ୟଟନ କ୍ଷେତ୍ରକୁ ସମୃଦ୍ଧ କରିବା ନେଇ ୱା. ଓ.ସୋ ସାମ୍ନାରେ ଭରପୂର ସୁଯୋଗ ରହିଥିବା ପ୍ରକାଶ କରିଥିଲେ। ସୋସାଇଟି ର ପ୍ରତିଷ୍ଠାତ୍ରୀ ଡଃ ଅରୁନ୍ଧତୀ ଦେବୀ, କୋଭିଡ ର କରାଳ କାଳରେ ପଙ୍କରେ ପଦ୍ମ ଫୁଟିବା ଭଳି ୱା. ଓ.ସୋ ଜନ୍ମ ଧାରଣ କରି ଧରା ପୃଷ୍ଠର ୭୨ ଗୋଟି ଦେଶର ଓଡ଼ିଆଙ୍କୁ ଏକ ସୂତ୍ରରେ ବାନ୍ଧିବାକୁ ସକ୍ଷମ ହୋଇଥିବା ଦର୍ଶାଇଥିଲେ। ଏହି ଜୟଯାତ୍ରା ଆଗକୁ ଆହୁରି ପ୍ରଖର ଭାବେ ଜାରି ରହିବ ବୋଲି ଡଃ ଦେବୀ ଘୋଷଣା କରିଥିଲେ।
ଅଷ୍ଟ୍ରେଲିଆରୁ ୱା. ଓ.ସୋ ର ଉପାଧ୍ୟକ୍ଷ ଡଃ ନଳିନୀ ପତି, ୟୁ.କେ ରୁ ମହାସଚିବ ଶିବ ରଞ୍ଜନ ବିଶ୍ଵାଳ, ଦକ୍ଷିଣ କୋରିଆରୁ ସଂଯୁକ୍ତ ମହାସଚିବ ଡଃ ସୀତାଂଶୁ ଶେଖର ନନ୍ଦ, ଦୁବାଇରୁ ପ୍ରେସିଡିୟମ୍ ସଦସ୍ୟ ପ୍ରଦୀପ ରଥ, ସହ କୋଷାଧ୍ୟକ୍ଷ ସିଦ୍ଧାର୍ଥ ଦାସ, ବରିଷ୍ଠ ସଦସ୍ୟ ସୁଶାନ୍ତ ମହାପାତ୍ର, ସଞ୍ଜୟ ଦଳାଇ, ପ୍ରିୟଦର୍ଶୀ ପାଣିଗ୍ରାହୀ, ପ୍ରଶାନ୍ତ କୁମାର ମେହେର, ଓଡ଼ିଶାରୁ ଡଃ ରବି ନାରାୟଣ ବେହେରା, ଲିଲି ଜେନାମଣି, ଡଃ ସାଗର ରଞ୍ଜନ ତ୍ରିପାଠୀ, ହୃଷୀକେଶ ପାତ୍ର ଓ ମହାରାଷ୍ଟ୍ରରୁ ଆଲୋକ ରାଉତରାୟ ପ୍ରମୁଖ ସେମାନଙ୍କର ବକ୍ତବ୍ୟରେ ବିଗତ ତିନିବର୍ଷ ମଧ୍ୟରେ ୱା. ଓ.ସୋର କାରୁକାର୍ଯ୍ୟ ନେଇ ସମୀକ୍ଷା ଏବଂ ଭବିଷ୍ୟତର କାର୍ଯ୍ୟପନ୍ଥା ନେଇ ଯୋଜନା ନିର୍ଦ୍ଧାରଣ କରାଯିବା ଉପରେ ଆଲୋକପାତ କରିଥିଲେ। ଏହି ଅବସରରେ ଉଲ୍ଲେଖଯୋଗ୍ୟ ସେବା ପାଇଁ ଆଧ୍ୟାତ୍ମିକ ପ୍ରବକ୍ତା ସୌଭାଗ୍ୟ ମହାପାତ୍ର, ୱା. ଓ.ସୋର ଆମେରିକା ଅଧ୍ୟାୟର ସାଧାରଣ ସମ୍ପାଦକ ପ୍ରାନ୍ତଶ୍ରୀ ଜେନା, ଚଳଚ୍ଚିତ୍ର ପ୍ରଯୋଜକ ସନଲିସା ପଟେଲ, ବରିଷ୍ଠ ସାମ୍ବାଦିକ ଲକ୍ଷ୍ମୀ ନାରାୟଣ ବେବର୍ତ୍ତା, ଉତ୍କଳ ସାମ୍ବାଦିକ ସଂଘର ସଭାପତି ବିଭୂତି ଭୂଷଣ କର, ପ୍ରସିଦ୍ଧ କାର୍ଟୁନିଷ୍ଟ ପରେଶ ନାଥ, ଧର୍ମାଉପାସକ ନିର୍ମଳ ଧଳ, ପ୍ରବୀଣ ପ୍ରଶାସକ ଡଃ ଦେବେନ୍ଦ୍ର ମାଝୀ, ସୁନାମ ଧନ୍ୟ ଚାଟାର୍ଡ ଆକାଉଣ୍ଟାଣ୍ଟ ସୁଧୀର ଦାଶ, ଯୁବନେତା ମନୋଜ ନାୟକ, ଯୁବ ଶିଳ୍ପୋଦ୍ୟୋଗୀ ଦେବସ୍ମିତା ମହାନ୍ତି, ପ୍ରବୋଧ କୁମାର ସାମନ୍ତରା, ପ୍ରିୟ ରଂଜନ ପଟ୍ଟନାୟକ, ଅର୍ପଣ ମହାନ୍ତି, ମଧ୍ୟ ପ୍ରାଚ୍ୟ ସ୍ଥିତ ପ୍ରତିମ୍ବିବ ମିଡ଼ିଆର ମୁଖ୍ୟ ପ୍ରତାପ କୁମାର ନାୟକ, ୱା. ଓ.ସୋର କୁଏତ ଅଧ୍ୟାୟର ସଭାପତି ବିଶ୍ବରଂଜନ ସାହୁ, ମାତୃଭାଷା ପ୍ରଚାରକ ରାକେଶ କୁମାର ସାହୁ, ସମାଜସେବୀ ସୁଶାନ୍ତ ଦାସ, ଦେବରାଜ ମହାନ୍ତି, ଗୋବିନ୍ଦ ଚନ୍ଦ୍ର ବେହେରା, ରିତୁରାଣୀ ସାସମଲ, ପ୍ରିୟଙ୍କା ପ୍ରିୟଦର୍ଶିନୀ, ସୁଜାତା ପ୍ରିୟମ୍ବଦା ନନ୍ଦ, ଓଡ଼ିଶୀ ନୃତ୍ୟାଙ୍ଗନା ଦେବଦୀପ୍ତି ବିଶ୍ଵାଳ, ଯୁବ ମିଡିଆ ବିଶେଷଜ୍ଞ ସୁଧାଶ୍ରୀ ଦାଶ ଓ ଦିବ୍ୟାଶା ସାମନ୍ତରାୟ, ଆର ଆର ଇଭେଣ୍ଟସର ପ୍ରତିଷ୍ଠାତା ରମେଶ ବାରିକ ଓ ସିଇଓ ଶାଶ୍ଵତୀ ପତି, ଦ୍ରୋଣ ଉତ୍ପାଦକ ବୋଧିସତ୍ୱ ସଙ୍ଗପ୍ରୀୟ ଓ ଓମପ୍ରକାଶ ଦାସ, ଏୟାର ଲାଇନ୍ ପାଇଲଟ ମଧୁସ୍ମିତା ପଟ୍ଟନାୟକ, ରେକର୍ଡଧାରୀ ସ୍କୁବା ଡାଇଭର ତିସ୍ୟା ପାଣିଗ୍ରାହୀ, ପ୍ରସିଦ୍ଧ ଚ୍ଚିତ୍ରକାର ମୋନା ବିଶ୍ୱରୁପା ମହାନ୍ତି, ପ୍ରବାସୀ ଓଡ଼ିଆ ନେତୃବର୍ଗ ସୁଶାନ୍ତ କୁମାର ଚୌଧୁରୀ, ସୁଜୀତ କୁମାର ରାଉତରାୟ , ଉଦୀୟମାନ ଡିଜାଇନର ରାଜେଶ ବେହେରା, ସୁର ତରଙ୍ଗ ଷ୍ଟୁଡିଓ ର ପ୍ରତିଷ୍ଠାତା ପ୍ରିୟରଞ୍ଜନ ମହାନ୍ତି ଏବଂ ଶିଳ୍ପୀକା ନୃତ୍ୟବିଦ୍ୟାଳୟର ସମ୍ପାଦକ ବାସୁଦେବ ନାଥ ପ୍ରମୁଖଙ୍କୁ ସମ୍ବର୍ଦ୍ଧନା ପ୍ରଦାନ କରାଯାଇଥିଲା।
ମହୋତ୍ସବର ସ୍ଵତନ୍ତ୍ର ଆକର୍ଷଣ ରଙ୍ଗାରଙ୍ଗ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ ଥିଲା। ଏଥିମଧ୍ୟରେ ପ୍ରଖ୍ୟାତ ନୃତ୍ୟଶିଳ୍ପୀ ପୂର୍ଣ୍ଣଶ୍ରୀ ରାଉତଙ୍କର ଉଚ୍ଚକୋଟୀର ଓଡ଼ିଶୀ ନୃତ୍ୟ, ଆଚାର୍ଯ୍ୟ ଅଭିମନ୍ୟୁ, ପୁଷ୍ପାଞ୍ଜଳି ବାରିକ ଓ ସ୍ଵପ୍ନାରାଣୀ ରାଉତଙ୍କର ସୁମଧୁର ଭଜନ ଏବଂ ଅଜିତ କୁମାରଙ୍କର ସୁଗମ ସଙ୍ଗୀତ ପ୍ରସ୍ତୁତି ତଥା ଶିଳ୍ପୀକା ସଂସ୍ଥାର କଳାକାର ମାନଙ୍କ ଦ୍ଵାରା ମନଲୋଭା ଆଧୁନିକ ଓ ସମ୍ବଲପୁରୀ ଲୋକନୃତ୍ୟ ଏବଂ ସଙ୍ଗୀତ ପରିବେଷଣ ପ୍ରଭୃତି ଅନ୍ତର୍ଭୁକ୍ତ ଥିଲା। ଉତ୍କଳ ଉତ୍ସବ ଆୟୋଜନ କରିବାରେ ଭୁବନେଶ୍ୱର ଠାରେ ଆୟୋଜନ କମିଟିର ଅଧ୍ୟକ୍ଷ ଅଜୟ ଅଗ୍ରୱାଲ, ପାଳନ କମିଟିର ଅଧ୍ୟକ୍ଷା ଅନିନ୍ଦୀତା ଦାସ ଏବଂ ୱା. ଓ.ସୋ ର ଆଇଟି ବିଭାଗର ସାଧାରଣ ସମ୍ପାଦକ ଡଃ ରବି ନାରାୟଣ ବେହେରା, ଗାଜିଆବାଦ ଠାରେ ୱା. ଓ. ସୋ ର ନୂଆଦିଲ୍ଲୀ ଓ ଜାତୀୟ ରାଜଧାନୀ କ୍ଷେତ୍ର ଶାଖାର ମୁଖ୍ୟ ସଂଯୋଜକ ଉମାକାନ୍ତ ଜେନା ଓ ମହିଳା ଶାଖାର ଉପସଭାପତି ରୀତା ପାତ୍ର ଓ ଦୁବାଇ ଠାରେ ଅଭ୍ୟର୍ଥନା କମିଟିର ଅଧ୍ୟକ୍ଷ ଅମୀୟ ମିଶ୍ର, ୱା. ଓ.ସୋ ର ସାଂସ୍କୃତିକ ସାଧାରଣ ସମ୍ପାଦକ କାବେରୀ ବେହେରା, ବରିଷ୍ଠ କର୍ମକର୍ତ୍ତା ସୁଶାନ୍ତ କୁମାର ଚୌଧୁରୀ ଏବଂ ଦେବାଶିଷ ପାତ୍ର ପ୍ରମୁଖ ଅଗ୍ରଣୀ ଭୂମିକା ନିର୍ବାହ କରିଥିଲେ।
ଉପସ୍ଥିତ ମାନ୍ୟଗଣ୍ୟ ବ୍ୟକ୍ତିଙ୍କ ମଧ୍ୟରେ ପ୍ରିତୀଶ ଦାଶ, ଅକ୍ଷୟ ମହାନ୍ତି, କୃପାନିଧି ବିଶ୍ଵାଳ, ଦୀପକ ଦାସ, ଡଃ ଶୀତଳ କୁମାର ପାଲବାବୁ , ସିଦ୍ଧାର୍ଥ ଉପାଧ୍ୟାୟ, ପବିତ୍ର ମହାରଥ, ଦିଲ୍ଲୀପ ମହାନ୍ତି, ପ୍ରିୟତମା କର, ଆଶୀଷ ମିଶ୍ର, ଡଃ ନିର୍ମଳ ପଟ୍ଟନାୟକ, ଅଳ୍ପନା ପଟ୍ଟନାୟକ, ଡ଼ଃ ଅର୍ଚ୍ଚନା ବାରିକ ,ଜ୍ଞାନ ପ୍ରକାଶ ଜେନା,ରବି ମହାପାତ୍ର ଓ ପିତାମ୍ବର ବାରିକ ପ୍ରମୁଖ ସାମିଲ ଥିଲେ।
ଛାତ ଉପରେ ବଗିଚା, ପଳୁଛି ପରିବା
ଭୁବନେଶ୍ବର: ରୋଷେଇ ଶାଳର ମହଙ୍ଗା ମାଡରୁ ବଞ୍ଚାଉଛି ରୁଫଟପ ଗାର୍ଡେନ । ହାଣ୍ଡି ଶାଳକୁ ସମ୍ଭାଳିଛି ଛାତ ବଗିଚା । କମ ଖର୍ଚ୍ଚ ଓ ଦୁଇରୁ ତିନି ଘଣ୍ଟା ସମୟ ଦେଲେ ପନିପରିବା ଓ ଫଳର ରହିବନି ଅଭାବ। ଏହାକୁ ସତ କରିଦେଖାଇଛନ୍ତି ଭୁବନେଶ୍ବର ମୈତ୍ରୀ ବିହାର ଜଣେ ବାସିନ୍ଦା ।
ଗଛ ଲତାରେ ସବୁଜ ହୋଇଛି ସିମେଣ୍ଟ ଛାତ । ଭଳିକି ଭଳି ଫୁଲରେ ରଙ୍ଗୀନ ରୁଫଟପ ଗାର୍ଡେନ। ପନିପରିବା ଏବଂ ନାନା ଫଳରେ ଭର୍ତ୍ତି ଚାରିଦିଗ । ସୁସ୍ମିତାଙ୍କ ପରିଶ୍ରମ ସଫଳତା ପାଇଁ ଦେଖାଇଛି ବାଟ । ଆଉ ତାଙ୍କୁ ବାଧୁନି ରୋଷଇ ଶାଳାର ମହଙ୍ଗା ମାଡ଼ । ଭୁବନେଶ୍ବର ମୈତ୍ରୀ ବିହାର ବାସିନ୍ଦା ସସ୍ମିତା ସାହୁ ନିଜ ଉଦ୍ୟମରେ ଛାତର ଖୋଲା ସ୍ଥାନକୁ ଦେଇଛନ୍ତି ନୂଆରୂପ । ବନ୍ଧା କୋବି, ଫୁଲ କୋବି , ବାଇଗଣ , କଞ୍ଚା ଲଙ୍କା ,ଟମାଟ, ଅମୃତ ଭଣ୍ଡା, ଭଳି ଉତ୍କୃଷ୍ଟ ପନିପରିବା ସେ ଚାଷ କରିଛନ୍ତି । ଏ ହାସହ ଏହି ରୁଫଟପ ଗାର୍ଡେନରେ ଆମ୍ବ ଗଛ, କଟକି ବରକୋଳି , ଅଭୋଗର୍ଡ, ଆମ୍ବଡା, କଦଳୀ, ଅଙ୍ଗୁରୁ କୋଳି, ସେଓ,ପିଜୁଳି ଫଳାଇ ପାରିଛନ୍ତି । ମଲି ମାଳତୀ,ଟଗର ସେବତୀ, ଠାରୁ ଆରମ୍ଭ କରି ଦୁଇଶହ ପ୍ରକାରର ଫୁଲ ଗଛରେ ଭର୍ତ୍ତି ହୋଇଛି ସୁସ୍ମିତାଙ୍କ ଘର ଛାତ।
ଟିକିଏ ଫୁରସତ ମିଳିଲେ ଗଛଙ୍କ ଯତ୍ନରେ ଲାଗି ପଡନ୍ତି ସ୍ମିତା। ମାତ୍ର ଗୋଟେ ବର୍ଷ ପରିଶ୍ରମ କରିବା ସହିତ କମ ସମୟ ଦେଇ ଏହି ଗାର୍ଡେନ ସେ ପ୍ରସ୍ତୁତ କରିଛନ୍ତି । ପରିବା ଦର ବୃଦ୍ଧି ତାଙ୍କୁ ରୁଫଟପ ଗାର୍ଡେନ ପାଇଁ ଯୋଗାଇଥିଲା ଶଚ୍ଛାଶକ୍ତି । ସସ୍ମିତା ନିଜ ରୁଫଟପ ଗାର୍ଡେନ ପାଇଁ ରିଜିଓନାଲ ପ୍ଲାନେଟ ରିସୋର୍ଶ ସେଣ୍ଟର ପକ୍ଷରୁ ବେଷ୍ଟ ଗାର୍ଡେନର ଭାବେ ପୁରସ୍କୃତ ହୋଇଛନ୍ତି ।