ଭୁବନେଶ୍ବର: ଲୁଟେରାଙ୍କ ଭୂସ୍ବର୍ଗ ପାଲଟିଛି ରାଜଧାନୀ ଭୁବନେଶ୍ବର । କେତେବେଳେ ଆପାର୍ଟମେଣ୍ଟ ଲୁଟେରା ମାତୁଛନ୍ତି ତ ଆଉ କେତେ ବେଳେ ଝରକା ତଡ଼ା ଗ୍ୟାଙ୍ଗ । ମୋବାଇଲ ଓ ସୁନା ଚେନ୍ ଝମ୍ପା ଲୁଟେରା ତ ଦୌରାତ୍ମ୍ୟ ମଚାଇଛନ୍ତି । ଏବେ ଜଣେ ସୁନା ଦୋକାନୀ ଲୁଟର ଶିକାର ହୋଇଛନ୍ତି । ତାଙ୍କ ଦେକାନ ଆଗରୁ ସୁନା ଓ ରୁପା ଭର୍ତ୍ତି ବ୍ୟାଗ ଧରି ଚମ୍ପଟ ମାରିଛି ଲୁଟେରା । ଘଟଣା ଘଟିଛି ଏୟାର ଫିଲ୍ଡ ଥାନା ଅଞ୍ଚଳରେ । ସୁନା ଦୋକାନ ଆଗରୁ ଦୋକାନୀ ମାନସ କୁମାର ସାହୁଙ୍କ ଆଗରେ ହୋଇଛି ଲୁଟ୍ ।
ତଥ୍ୟ ଅନୁସାରେ ମାନସ ସବୁଦିନ ଭଳି ସୁନା ଓ ରୁପା ସାମଗ୍ରୀ ବ୍ୟାଗରେ ନେଇ ଦୋକାନ ବନ୍ଦ କରୁଥିବାବେଳେ ଏହି ଲୁଟ ହୋଇଥିଲା । ବ୍ୟ।ଗଟିକୁ ମାନସ ବାଇକରେ ରଖି ଦୋକାନ ତାଲା ପକାଉଥିଲେ । ଏହି ସମୟରେ ଦୁର୍ବୃତ୍ତ ବ୍ୟାଗଟିକୁ ଲୁଟି ନେଇଛି । ଲୁଟ ବେଳର ଭିଡିଓ ସିସିଟିଭିରେ ହୋଇଛି କଏଦ । ସିସିଟିଭି ଆଧାରରେ ପୋଲିସ ଘଟଣାର ତଦନ୍ତ କରୁଛି ।
