ମାଲକାନଗିରି : ନକଲି ଟଙ୍କା ଛାପୁଛନ୍ତ ମଖ୍ୟମନ୍ତ୍ରୀ ! ଛତିଶଗଡ ସୁକମାରେ ନକ୍ସଲ ବିରୋଧୀ ଅଭିଯାନ ଭିତରେ ପ୍ରଥମ ଥର ପାଇଁ ମାଓବାଦୀଙ୍କ ଠାରୁ ମିଳିଲା ଟଙ୍କା ଛାପା ଉପକରଣ। ୫୦, ୧୦୦, ୨୦୦ ଓ ୫୦୦ ଟଙ୍କା ନକଲି ନୋଟର ନମୁନା ଜବତ ହୋଇଛି। ସୁକମା ପୋଲିସ ପକ୍ଷରୁ ଏନେଇ ସୂଚନା ମିଳିଛି । ଟଙ୍କା ଅଭାବରେ ମାଓବାଦୀମାନେ ନକଲି ନୋଟ ବ୍ୟବହାର କରୁଥିବା ଜଣାପଡିଛି। କୋରାଜଗୁଡା ଜଙ୍ଗଲରୁ ବିପୁଳ ପରିମାଣର ନୋଟ ଜବତ ହୋଇଛି।
ଦିଲ୍ଲୀରେ ସୁଧୁରୁନି ଜଳ ସମସ୍ଯା, ତୃତୀୟ ଦିନରେ ଆପ୍ ନେତ୍ରୀ ଆତିଶିଙ୍କ ଅନଶନ
ନୂଆଦିଲ୍ଲୀ : ଦିଲ୍ଲୀରେ ସୁଧୁରୁନି ଜଳ ସମସ୍ଯା। ପ୍ରତିବାଦରେ ଆପ୍ ନେତ୍ରୀ ଆତିଶିଙ୍କ ଅନଶନ। ଗତ ଏକ ମାସ ଧରି ଦିଲ୍ଲୀରେ ପାନୀୟ ଜଳ ସମସ୍ଯା ଅତି ଉତ୍କଟ ଧାରଣ କରିଥିବାବେଳେ କେନ୍ଦ୍ର ସରକାର ଏଥିପ୍ରତି କର୍ଣ୍ଣପାତ କରୁ ନଥିବା ଅଭିଯୋଗ କରିଛନ୍ତି ଆତିଶି। ପ୍ରତିବାଦରେ ସେ ତିନି ଦିନ ଧରି ଅନଶନରେ ବସିଛନ୍ତି।
ଆତିଶି ଅଭିଯୋଗ କରିଛନ୍ତି ଆବଶ୍ଯକ ପରିମାଣ ଜଳ ହରିଆଣା ଛାଡୁ ନଥିବାରୁ ଦିଲ୍ଲୀରେ ପାନୀୟ ଜଳ ସଂକଟ ତୀବ୍ର ହୋଇଛି। କିଛିଦିନ ତଳେ ସ୍ଥିତିରେ ସୁଧାର ଆଣିବା ଦିଗରେ ପଦକ୍ଷେପ ନେବା ଲାଗି କେନ୍ଦ୍ର ଜଳଶକ୍ତି ମନ୍ତ୍ରୀଙ୍କ ନିକଟରେ ଆପ୍ ପକ୍ଷରୁ ଦାବି କରାଯାଇଥିଲା।
କଂଗ୍ରେସ ପକ୍ଷରୁ ବି ଜଳାଭାବ ପ୍ରତିବାଦରେ ଆନ୍ଦୋଳନ କରାଯାଇଥିଲା। ପାଣି ସମସ୍ଯାର ସମାଧାନ ଲାଗି ତୁରନ୍ତ ପଦକ୍ଷେପ ନେବା ଦାବିରେ କଂଗ୍ରେସ ପକ୍ଷରୁ ମଟକା ଫୋଡ ଆନ୍ଦୋଳନ ହୋଇଥିଲା। ଦିଲ୍ଲୀର ସମସ୍ତ ୨୮୦ ବ୍ଲକରେ ଏହି ଆନ୍ଦୋଳନ ହୋଇଥିଲା। ସେପଟେ ଦିଲ୍ଲୀରେ ଏବେ ବି ଶହ ଶହ ଲୋକ ଟ୍ଯାଙ୍କର ନିକଟରେ ଭିଡ ଜମାଉଛନ୍ତି। ଦିଲ୍ଲୀରେ ପାଣି ଲାଗି କଟକଣା ବି ବଳବତ୍ତର ରହିଛି।
ଯୌନ ନିର୍ଯାତନା ମାମଲା : କର୍ଣ୍ଣାଟକ ଜେଡିଏସ ନେତା ସୂରଜ ରେବନ୍ନା ଗିରଫ
ନୂଆଦିଲ୍ଲୀ : ଯୌନ ନିର୍ଯାତନା ମାମଲା। କର୍ଣ୍ଣାଟକ ଜେଡିଏସ ନେତା ସୂରଜ ରେବନ୍ନା ଗିରଫ। ସୁରଜ ହେଉଛନ୍ତି ପୂର୍ବତନ ଜେଡିଏସ ସାଂସଦ ପ୍ରଜ୍ବଳ ରେବନ୍ନାଙ୍କ ବଡ଼ ଭାଇ। ଜଣେ ପୁରୁଷଙ୍କ ସହ ଯୌନ କେଳଙ୍କାରୀ ଘଟଣାରେ ତାଙ୍କୁ ଗିରଫ କରିଛି ପୋଲିସ। ପୂର୍ବରୁ ଶତାଧିକ ମହିଳାଙ୍କୁ ଯୌନ ନିର୍ଯାତନା ଅଭିଯୋଗରେ ଗିରଫ ହୋଇଥିଲେ ପ୍ରଜ୍ବଳ।
ଗତ ଜୁନ ୧୬ ତାରିଖରେ କର୍ଣ୍ଣାଟକ ହାସନ ଜିଲ୍ଲାର ଏକ ଫାର୍ମ ହାଉସରେ ସୂରଜ ଜଣେ ୧୭ ବର୍ଷ ବୟସ୍କ ପୁରୁଷ କର୍ମୀଙ୍କୁ ଯୌନ ନିର୍ଯାତନା ଦେଇଥିଲେ ବୋଲି ସେହି ବ୍ଯକ୍ତିଜଣକ ଅଭିଯୋଗ କରିଥିଲେ। ସେପଟେ ଅଭିଯୋଗକୁ ଖଣ୍ଡନ କରିଛନ୍ତି ସୂରଜ। ସେ କହିଛନ୍ତି ଅଭିଯୋଗକାରୀ ତାଙ୍କୁ ୫ କୋଟି ଟଙ୍କା ମାଗିଥିଲେ। ମାତ୍ର ସେ ଦେଇ ନଥିବାରୁ ତାଙ୍କ ବିରୋଧରେ ଥାନାରେ ଅଭିଯୋଗ କରିଥିଲେ।
ସୂରଜଙ୍କ ବନ୍ଧୁ ଶିବକୁମାର ଗତ ୨୨ ତାରିଖରେ ସେହି କର୍ମୀଙ୍କ ବିରୋଧରେ କରିଥିଲେ ଅଭିଯୋଗ। ତାଙ୍କୁ କୁଆଡେ ସେହି କର୍ମୀଜଣଙ୍କ ୫ କୋଟି ଟଙ୍କା ଦାବି କରିଥିଲେ। ଯଦି ଏହି ଟଙ୍କା ନମିଳେ ତେବେ ସୂରଜଙ୍କ ବିରୋଧରେ ଯୌନ ନିର୍ଯାତନା ମାମଲା ଦାୟର କରିବେ ବୋଲି ଧମକ ଦେଇଥିଲେ। ଶିବକୁମାର କହିଛନ୍ତି, ସେହି ବ୍ଯକ୍ତିଜଣକ ତାଙ୍କୁ ପ୍ରଥମେ ଏକ ଚାକିରି ଲାଗି ଅନୁରୋଧ କରିବା ପରେ ସେ ସୂରଜଙ୍କ ଫୋନ ନମ୍ବର ଦେଇଥିଲେ। ପରେ ସେ ଉଭୟ ଶିବକୁମାର ଓ ସୂରଜଙ୍କୁ ବ୍ଲାକମେଲ କରୁଥିଲେ ବୋଲି ଶିବକୁମାର ଅଭିଯୋଗ କରିଛନ୍ତି।
ସୁପର-୮ ମୁକାବିଲାରେ ଅଷ୍ଟ୍ରେଲିଆକୁ ହରାଇଲା ଆଫଗାନିସ୍ତାନ
ନୂଆଦିଲ୍ଲୀ : ଟି-୨୦ ବିଶ୍ୱକପରେ ବଡ଼ ଓଲଟପାଲଟ। ସୁପର-୮ ମୁକାବିଲାରେ ଅଷ୍ଟ୍ରେଲିଆକୁ ହରାଇଲା ଆଫଗାନିସ୍ତାନ । ୧୪୯ ରନର ଟାର୍ଗେଟକୁ ପିଛା କରି ୧୨୭ ରନରେ ଅଲଆଉଟ୍ ହୋଇଛି କଙ୍ଗାରୁ ଟିମ୍ । ଆଜି ଟି-୨୦ ବିଶ୍ୱକପର ସୁପର-୮ ପର୍ଯ୍ୟାୟରେ ମୁହାଁମୁହିଁ ହେଇଥିଲେ ଅଷ୍ଟ୍ରେଲିଆ ଏବଂ ଆଫଗାନିସ୍ଥାନ। ପ୍ରଥମେ ବ୍ୟାଟିଂ କରି ଆଫଗାନିସ୍ତାନ ୧୪୮ ରନ୍ କରିଥିଲା।
ଓପନର ଗୁରବାଜ ୬୦ ଓ ଇବ୍ରାହିମ୍ ଜୋର୍ଡାନ ୫୧ ରନର ଇନିଂସ ଖେଳିଥିଲେ। ଜବାବରେ ୧୪୯ ରନର ବିଜୟ ଲକ୍ଷ ନେଇ ମଇଦାନକୁ ଓହ୍ଲାଇଥିବା ଅଷ୍ଟ୍ରେଲିଆ ୧୨୭ ରନରେ ଅଲଆଉଟ ହୋଇଥିଲା। ମାକ୍ସୱେଲ ୫୯ ରନ୍ କରି ଆଉଟ୍ ହୋଇଥିଲେ । ଆଫଗାନିସ୍ତାର ତାର ପରବର୍ତ୍ତି ବାଂଲାଦେଶ ସହ ଖେଳିବ। ସେହିପରି ଆସନ୍ତାକାଲି ଭାରତକୁ ଭେଟିବ ଅଷ୍ଟ୍ରେଲିଆ ।
ନିଟ୍ ପ୍ରଶ୍ନପତ୍ର ଲିକ୍ ମାମଲାର ଖୋଳତାଡ଼ କରିବ ସିବିଆଇ
ନୂଆଦିଲ୍ଲୀ : ଥମୁନି ନିଟ୍ ବିବାଦ। ନିଟ୍ ପ୍ରଶ୍ନପତ୍ର ଲିକ୍ ବିବାଦ ମାମଲାରେ କେନ୍ଦ୍ର ସରକାରଙ୍କ ବଡ଼ ଘୋଷଣା। ପରୀକ୍ଷା ବିଭ୍ରାନ୍ତ ମାମଲାରେ ତଦନ୍ତ କରିବ ସିବିଆଇ। ସିବିଆଇକୁ ତଦନ୍ତ ଭାର ହସ୍ତାନ୍ତର କରିଛି କେନ୍ଦ୍ର ଶିକ୍ଷା ମନ୍ତ୍ରଣାଳୟ। ଏପଟେ ଏନଟିଏ ଡିଜି ପଦରୁ ହଟିଛନ୍ତି ସୁବୋଧ କୁମାର ସିଂ। ତାଙ୍କ ସ୍ଥାନରେ ନିଯୁକ୍ତ ହୋଇଛନ୍ତି ଅବସରପ୍ରାପ୍ତ ଆଇଏଏସ ଅଧିକାରୀ ପ୍ରଦୀପ ସିଂ ଖାରୋଲା।
ନିଟ ଓ ୟୁଜିସି ନେଟରେ ଅନିୟମିତତାକୁ ନେଇ ସରକାର ଏହି ପଦକ୍ଷେପ ନେଇଛନ୍ତି। ପ୍ରଦୀପ ସିଂ ହେଉଛନ୍ତି ଇଣ୍ଡିଆନ ଟ୍ରେଡ ପ୍ରମୋସନ ଅର୍ଗାନାଇଜେସନର ଅଧ୍ଯକ୍ଷ ତଥା ମ୍ଯାନେଜିଂ ଏଡିଟର। ତାଙ୍କୁ ଏନଟିଏର ଅତିରିକ୍ତ ଦାୟିତ୍ବ ଦିଆଯାଇଛି। ଅନ୍ୟପଟେ ଆଜି ହେବାକୁ ଥିବା ନିଟ ପିଜି ପରୀକ୍ଷାକୁ ବାତିଲ କରାଯାଇଛି। ଦେଶର ବିଭିନ୍ନ ପରୀକ୍ଷା କେନ୍ଦ୍ରରେ ଅନିୟମିତତା ଆଶଙ୍କାରେ ଏହି ନିଷ୍ପତ୍ତି ନିଆଯାଇଛି। ନିଟ ପିଜି ପରୀକ୍ଷାରେ ଆଗୁଆ ସତର୍କତାମୂଳକ ପଦକ୍ଷେପ ଲାଗି ଏହି ପଦକ୍ଷେପ ନିଆଯାଇଥିବା କହିଛି ସ୍ବାସ୍ଥ୍ଯ ମନ୍ତ୍ରାଳୟ।
ଦେଶର ୩୦୦ ସହରର ୧ ହଜାରରୁ ଅଧିକ ପରୀକ୍ଷା କେନ୍ଦ୍ରରେ ପରୀକ୍ଷା କରାଯିବା ଲାଗି ଧାର୍ଯ୍ୟ ହୋଇଥିଲା। ଗତ କିଛି ଦିନ ଧରି ନିଟ ଓ ୟୁଜିସି ନେଟକୁ ନେଇ ସାରା ଦେଶରେ ପ୍ରତିବାଦ ଆନ୍ଦୋଳନ ହୋଇଥିଲା। ପ୍ରଶ୍ନପତ୍ର ଲିକଠାରୁ ଆରମ୍ଭ କରି ଲଜିଷ୍ଟିକ ଆଦି ସମସ୍ଯା ପ୍ରସଙ୍ଗରେ ବ୍ଯାପକ ଅସନ୍ତୋଷ ପ୍ରକାଶ ପାଇଥିଲା। ନିଟରେ ଅନିୟମିତତା ସହ ମାର୍କିଂରେ ତ୍ରୁଟି ଆଦି କାରଣରୁ ଏନଟିଏର ସ୍ବଚ୍ଛତାକୁ ନେଇ ପ୍ରଶ୍ନ ଉଠିଥିଲା।
କଣ୍ଟେନରକୁ ପଛପଟୁ ଧକ୍କା ଦେଇ ଜଳିଗଲା ଆମ୍ବୁଲାନ୍ସ
ଜଳେଶ୍ଵର : ଜଳେଶ୍ଵର ୬୦ ନମ୍ବର ଜାତୀୟ ରାଜପଥ ରୂପସା ନିକଟରେ କଣ୍ଟେନରକୁ ପଛପଟୁ ଧକ୍କା ଦେଇ ଜଳିଗଲା ୧୦୮ ଆମ୍ବୁଲାନ୍ସ। ରୋଗୀ ସମେତ ୪ ଗୁରୁତର ଅଛନ୍ତି। ସମସ୍ତଙ୍କୁ ବାଲେଶ୍ବର ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି। ବସ୍ତା ଡାକ୍ତରଖାନାରୁ ରୋଗୀ ନେଇ ବାଲେଶ୍ବର ଯାଉଥିଲା ଆମ୍ବୁଲାନ୍ସ। ଆମ୍ବୁଲାନ୍ସର ଫାର୍ମାସିଷ୍ଟଙ୍କୁ ଗୁରୁତର ଅବସ୍ଥାରେ କଟକ ସ୍ଥାନାନ୍ତର କରାଯାଇଛି।
ଜ୍ବରରେ ପଡିଲେ ମହାପ୍ରଭୁ, ଆଜି ଠାରୁ ଅଲାରନାଥଙ୍କ ଅନବସର ଦର୍ଶନ ଆରମ୍ଭ
ପୁରୀ : ସ୍ନାନ ପୂର୍ଣ୍ଣିମାରେ ଅତ୍ଯଧିକ ସ୍ନାନ ହେତୁ ଜ୍ବରରେ ପୀଡିତ ମହାପ୍ରଭୁ । ଅଣସର ଘରେ ଦଇତାପତି ସେବାୟତଙ୍କ ଦ୍ବାରା ୧୫ ଦିନ ଯାଏଁ ଚାଲିବ ଗୁପ୍ତ ଉପଚାର । ଏହି ଅବସରରେ ଆଜିଠାରୁ ଆରମ୍ଭ ହୋଇଛି ଅଲାରନାଥଙ୍କ ଅନବସର ଦର୍ଶନ । ଅଣସର ସମୟରେ ପ୍ରଭୁ ଅଲାରନାଥଙ୍କୁ ଦର୍ଶନ କଲେ ଶ୍ରୀମନ୍ଦିରେ ଶ୍ରୀଜିଉଙ୍କୁ ଦର୍ଶନ କରିବାର ପୂଣ୍ୟ ମିଳିଥାଏ ବୋଲି ବିଶ୍ବାସ ରହିଛି । ଏଥିପାଇଁ ବ୍ରହ୍ମଗିରି ସ୍ଥିତ ଅଲାରନାଥଙ୍କ ମନ୍ଦିରରେ ବ୍ଯାପକ ବ୍ଯବସ୍ଥା କରାଯାଇଛି । ଆଜିଠାରୁ ୧୩ ଦିନ ଯାଏଁ ଚାଲିବ ଦର୍ଶନ। ଭକ୍ତଙ୍କ ଭିଡ଼କୁ ଦୃଷ୍ଟିରେ ରଖି ପ୍ରଶାସନ ପକ୍ଷରୁ କରାଯାଇଛି ବ୍ଯାପକ ବ୍ଯବସ୍ଥା । ବ୍ଯାରିକେଡରେ ଯାଇ ଅଲାରନାଥଙ୍କୁ ଦର୍ଶନ କରୁଛନ୍ତି ଶ୍ରଦ୍ଧାଳୁ । ଅଲାରନାଥଙ୍କୁ ଦର୍ଶନ କରିବା ସହ କ୍ଷୀରି ଭୋଗ ପାଇବାକୁ ଶ୍ରଦ୍ଧାଳୁଙ୍କ ମଧ୍ଯରେ ଉତ୍ସାହ ଦେଖିବାକୁ ମିଳିଛି ।
କଂଗ୍ରେସର ନୈରାଶଜନକ ପ୍ରଦର୍ଶନର କାରଣ ଖୋଜିବ ଦଳ
ନନ୍ଦିଘୋଷ ବ୍ୟୁରୋ: କଂଗ୍ରେସର ନୈରାଶଜନକ ପ୍ରଦର୍ଶନର କାରଣ ଖୋଜିବ ଦଳ। ନିର୍ବାଚନରେ ପରାସ୍ତ ହେବା ପରେ ଧୀରେ ଧୀରେ ଦଳ ଭିତରେ ଅସନ୍ତୋଷ ବଢୁଛି । ସେଥିପାଇଁ ଖୁବଶୀଘ୍ର ଏଆଇସିସିର ଫ୍ଯାକ୍ଟ ଫାଇଣ୍ଡିଂ ଟିମ ଓଡ଼ିଶା ଆସୁଛି। ଟିମ ଆଗରେ ବରିଷ୍ଠ ନେତାମାନେ ଦଳର ପରାଜୟ ନେଇ ମତ ରଖିବା ସହ ସଂଗଠନ ମଜଭୁତ କରିବା ଉପରେ ଗୁରୁତ୍ବ ଦେବେ ବୋଲି କହିଛନ୍ତି ।
ଅନ୍ୟପଟେ କିଏ ଓ କାହିଁକି ପିସିସି ସଭାପତିଙ୍କ ଉପରେ କାଳିମାଡ଼ କଲେ ତାହାକୁ ନେଇ କଂଗ୍ରେସ ମହଲରେ ହଲଚଲ ସୃଷ୍ଟି ହୋଇଛି। ଆଉ ଏହାରି ଭିତରେ ପ୍ରତି ନିର୍ବାଚନରେ ଭୋଟହାର କମିବା ଦଳର ମଙ୍ଗୁଆଳମାନଙ୍କୁ ଚିନ୍ତାରେ ପକାଇଛି । ସେପଟ ସୁର କିନ୍ତୁ ନିଜ ବହିଷ୍କାର ଆଦେଶକୁ ଉଠାଇବା ପାଇଁ ଦିଲ୍ଲୀ ଯିବାକୁ ସଜବାଜ ଆରମ୍ଭ କରିଛନ୍ତି ।
କାହିଁକି ହାରିଲା କଂଗ୍ରେସ ? ପରାଜୟର ପୋଷ୍ଟ ମର୍ଟମ କରିବ ଏଆଇସିସି । ବଢୁଛି ଅସନ୍ତୋଷ, ପିସିସି ସଭାପତିଙ୍କୁ କାଳିମାଡ଼କୁ ନିନ୍ଦା । ଜୟଦେବ କହିଲେ, ଏକଜୁଟ ହେବାର ସମୟ । କଂଗ୍ରେସ ପରାଜୟ ପାଇଁ ଦାୟୀ କିଏ ? କେଉଁ କାରଣରୁ ପ୍ରତ୍ୟେକ ସାଧାରଣ ନିର୍ବାଚନରେ ଦଳର ଭୋଟ ହାର କମି କମି ଯାଉଛି ? ୨୦୨୪ରେ କଂଗ୍ରେସର ପରାଜୟ ପରେ ଧୀରେ ଧୀରେ ଦଳରେ ଅସନ୍ତୋଷ ବୃଦ୍ଧି ପାଇବାରେ ଲାଗିଛି ।
କେତେବେଳ ପିସିସି ସଭାପତି ଶରତ ପଟ୍ଟନାୟକଙ୍କୁ କାଳିମାଡ଼ ହେଉଛି ତ ଆଉ କେତେବେଳେ ନେତୃତ୍ବ ପରିବର୍ତ୍ତନ ପାଇଁ ଦିଲ୍ଲୀରେ ନେତା ଡେରା ପକାଉଛନ୍ତି । ଜଣକ ପରେ ଜଣେ ନେତା ପରାଜୟ କାରଣ ନେଇ ବାହାରେ ମୁହଁ ଖୋଲୁଛନ୍ତି । ତେବେ ଓଡ଼ିଶା ପରାଜୟର କାରଣ ଖୋଜିବାକୁ ଏଆଇସିସି ପକ୍ଷରୁ ଫ୍ଯାକ୍ଟ ଫାଇଣ୍ଡିଂ ଟିମ ଗଠନ ହୋଇଛି ।
କମିଟିର ଦୁଇଜଣ ସଦସ୍ୟ ଓଡ଼ିଶା ଆସିଲେ ସେମାନେ କାହିଁକି ଦଳର ଭୋଟହାର କମିଲା ସେ ନେଇ ତର୍ଜମା କରିବେ । ନେତାମାନେ ଦଳର ପରାଜୟ ନେଇ ମତ ରଖିବେ । ଅନ୍ଯପଟେ ପୂର୍ବତନ ପିସିସି ସଭାପତି ଜୟଦେବ ଜେନା କଂଗ୍ରେସ ଭବନରେ ପିସିସି ସଭାପତିଙ୍କୁ କାଳିମାଡ଼ ଘୃଣ୍ୟ ପରମ୍ପରା ବୋଲି କହି ପୂରା ଘଟଣାର ନିନ୍ଦା କରିଛନ୍ତି ।
ସେପଟେ ୨୦୦୪ରୁ ଲଗାତର କଂଗ୍ରେସର ଭୋଟହାର ୨୦ ବର୍ଷ ଧରି ହ୍ରାସ ପାଇବାରେ ଲାଗିଛି । ୨୦୦୪ରେ କଂଗ୍ରେସର ଭୋଟହାର ୩୩ ପ୍ରତିଶତ ଥିବା ବେଳେ ୨୦୦୯ ଏହା କମି ୨୯ ପ୍ରତିଶତ ହୋଇଥିଲା । ଏହାପରେ ୨୦୧୪ କଂଗ୍ରେସ ଭୋଟହାର ୨୬ ପ୍ରତିଶତ ଥିବା ବେଳେ ୨୦୧୯ରେ ଭୋଟ ପ୍ରତିଶତ ହ୍ରାସ ପାଇଁ ୧୬ ପ୍ରତିଶତରେ ପହଞ୍ଚିଥିଲା ।
ହେଲେ ୨୦୨୪ରେ କଂଗ୍ରେସର ବିଧାୟକ ସଂଖ୍ୟା ୧୪କୁ ବୃଦ୍ଧି ପାଇଥିବା ବେଳେ ଭୋଟହାର କିନ୍ତୁ ହ୍ରାସ ପାଇଁ ୧୩:୨୬ରେ ପହଞ୍ଚିଥିଲା । ଯାହାକି ଚିନ୍ତାର କାରଣ । ଅନ୍ୟପଟେ ରାଜନୈତିକ ସମୀକ୍ଷକମାନେ କଂଗ୍ରେସର କନ୍ଦଳ ଓ ଭୋଟହାର କମିବା ନେଇ ଭିନ୍ନ ଆକଳନ କରିଛନ୍ତି । ଏଆଇସିସି ଓଡ଼ିଶାକୁ ସେତେଟା ଫୋକସ କରୁନଥିବାରୁ କଂଗ୍ରେସର ଏପରି ସ୍ଥିତି ବୋଲି ସମୀକ୍ଷକ ମତ ଦେଇଛନ୍ତି ।
ସେପଟେ କଂଗ୍ରେସରୁ ୬ ବର୍ଷ ପାଇଁ ବହିଷ୍କୃତ ହୋଇଥିବା ବରିଷ୍ଠ ନେତା ସୁରେଶ ରାଉତରାୟ ଦଳକୁ ଫେରିବାକୁ ପ୍ରୟାସ ଆରମ୍ଭ କରିଛନ୍ତି । ଖୁବଶୀଘ୍ର ଦିଲ୍ଲୀ ଯାଇ ହାଇକମାଣ୍ଡ ସୋନିଆ ଗାନ୍ଧୀ ଓ ରାହୁଲ ଗାନ୍ଧିଙ୍କୁ ଭେଟି ତାଙ୍କ ପ୍ରତି ଅନ୍ୟାୟ ହୋଇଥିବା କହିବେ ବୋଲି କହିଛନ୍ତି । କଂଗ୍ରେସର ଗୋଷ୍ଠୀ କନ୍ଦଳ ଓ ନେତୃତ୍ବ ପରିବର୍ତ୍ତନ ଭିତରେ ଦଳର ଭୋଟହାର ରସାତଳକୁ ଯାଇଛି। ଯାହା ଦଳୀୟ ମଙ୍ଗୁଆଳଙ୍କ ଚିନ୍ତା ବଢାଇଛି।
ତାମିଲନାଡୁ ମଦମୃତ୍ୟୁ ଘଟଣା, ମୃତ୍ୟୁ ସଂଖ୍ୟା ୫୩କୁ ବୃଦ୍ଧି
ନନ୍ଦିଘୋଷ ବ୍ୟୁରୋ: ତାମିଲନାଡୁ ମଦମୃତ୍ୟୁ ଘଟଣାରେ ମୃତ୍ଯୁସଂଖ୍ଯା ହେଲା ୫୩। କାଲ୍ଲାକୁରୁଚିରେ ଘଟିଥିବା ଦୁଃଖଦ ଘଟଣାକୁ ନେଇ ସାରା ଅଞ୍ଚଳରେ ଖେଳିଯାଇଛି ଶୋକ। ଏହାକୁ ନେଇ ରାଜ୍ଯ ଅବକାରୀ ମନ୍ତ୍ରୀ ଏସ. ମୁଥୁସ୍ବାମୀଙ୍କ ଇସ୍ତଫା ଦାବି କରିଛି ବିଜେପି। ଶାସକ ଡିଏମକେ ବିରୋଧରେ ବି ଆନ୍ଦୋଳନ କରିଛି ବିଜେପି। ବର୍ତ୍ତମାନ ସୁଦ୍ଧା ୧୯୩ ଅସୁସ୍ଥଙ୍କ ମଧ୍ଯରୁ ୧୪୦ ଜଣ ନିରାପଦ ଅଛନ୍ତି ବୋଲି କହିଛନ୍ତି ଜିଲ୍ଲାପାଳ ଏମଏସ ପ୍ରଶାନ୍ତ। ୧୪ଜଣଙ୍କୁ ରିମାଣ୍ଡରେ ପୋଲିସ ନେଇଥିବାବେଳେ ସେମାନଙ୍କ ମଧ୍ଯରୁ ୪ଜଣଙ୍କ ମେଡିକାଲ ଯାଞ୍ଚ ଲାଗି ହସ୍ପିଟାଲକୁ ନିଆଯାଇଛି। ଘଟଣାର ତଦନ୍ତଭାର ତାମିଲନାଡୁ ପୋଲିସର ସିବିଆଇ ସିଆଇଡି ବ୍ରାଞ୍ଚକୁ ହସ୍ତାନ୍ତର କରାଯାଇଛି। ବିଭିନ୍ନ ମେଡିକାଲ କଲେଜରୁ ୫୬ ଜଣ ଡାକ୍ତରଙ୍କୁ ଅଣାଯାଇ ରୋଗୀ ସେବାରେ ନିୟୋଜିତ କରାଯାଇଛି।
ଆସନ୍ତାକାଲିଠୁ ଅଲାରନାଥରେ ଲାଗିବ ଭକ୍ତଙ୍କ ଗହଳି
ନନ୍ଦିଘୋଷ ବ୍ୟୁରୋ: ସ୍ନାନ ପୂର୍ଣ୍ଣିମାରେ ଅତ୍ଯଧିକ ସ୍ନାନ ହେତୁ ଜ୍ବରରେ ପୀଡିତ ହେବେ ମହାପ୍ରଭୁ। ଅଣସର ଘରେ ଦଇତାପତି ସେବାୟତଙ୍କ ଦ୍ବାରା ୧୫ ଦିନ ଯାଏଁ ଚାଲିବ ଗୁପ୍ତ ଉପଚାର। ଏହି ଅବସରରେ ଅଲାରନାଥରେ ବିଷ୍ଣୁ ରୂପରେ ଦର୍ଶନ ଦେବେ ମହାପ୍ରଭୁ। ଆସନ୍ତାକାଲି ଠାରୁ ଆରମ୍ଭ ହେବ ଅଲାରନାଥଙ୍କ ଅନବସର ଦର୍ଶନ। ଅଣସର ସମୟରେ ପ୍ରଭୁ ଅଲାରନାଥଙ୍କୁ ଦର୍ଶନ କଲେ ଶ୍ରୀମନ୍ଦିରେ ଶ୍ରୀଜିଉଙ୍କୁ ଦର୍ଶନ କରିବାର ପୂଣ୍ୟ ମିଳିଥାଏ ବୋଲି ବିଶ୍ବାସ ରହିଛି। ଏଥିପାଇଁ ବ୍ରହ୍ମଗିରି ସ୍ଥିତ ଅଲାରନାଥଙ୍କ ମନ୍ଦିରରେ ବ୍ଯାପକ ବ୍ଯବସ୍ଥା କରାଯାଇଛି। କାଲିଠାରୁ ୧୩ ଦିନ ଯାଏଁ ଚାଲିବ ଦର୍ଶନ। ଭକ୍ତଙ୍କ ଭିଡ଼କୁ ଦୃଷ୍ଟିରେ ରଖି ପ୍ରଶାସନ ପକ୍ଷରୁ କରାଯାଇଛି ବ୍ଯାପକ ବ୍ଯବସ୍ଥା। ବ୍ଯାରିକେଡରେ ଯାଇ ଅଲାରନାଥଙ୍କୁ ଦର୍ଶନ କରିବେ ଶ୍ରଦ୍ଧାଳୁ। ଅଲାରନାଥଙ୍କୁ ଦର୍ଶନ କରିବା ସହ କ୍ଷୀରି ଭୋଗ ପାଇବାକୁ ଶ୍ରଦ୍ଧାଳୁଙ୍କ ମଧ୍ଯରେ ଉତ୍ସାହ ଦେଖିବାକୁ ମିଳିଛି।