ଭୁବନେଶ୍ବର: ଭୁବନେଶ୍ୱର ଉପକଣ୍ଠ ଭରତପୁର ଜିଏ କଲୋନୀରେ ଭରତପୁର ନେଚର ପାର୍କ ଉଦଘାଟିତ । ଉତ୍ତର ବିଧାୟକ ସୁସାନ୍ତ ରାଉତ ଓ ଭୁବନେଶ୍ୱର ମେୟର ସୁଲୋଚନା ଦାସ ଏହାକୁ ଉଦଘାଟନ କରିଛନ୍ତି। ଡେପୁଟି ମେୟର ମଞ୍ଜୁଲତା କହଁର ପ୍ରମୁଖ ଉପସ୍ଥିତ ଥିଲେ। ୫ ଏକର ଜମିରେ ଏହି ନେଚର ପାର୍କଟି ନିର୍ମାଣ ହୋଇଛି। ଏଥିରେ ପିଲାଙ୍କ ଖେଳିବା ପାଇଁ ବିଭିନ୍ନ ପ୍ରକାରର ଦୋଳି ରହିଛି, ଚଲା ପଥ, ମୁକ୍ତାକାଶ ବ୍ୟାୟାମ ଶାଳା, ପାଠାଗାର, ଫୁଡ୍ କୋର୍ଟ, ଯୋଗ ମଣ୍ଡପ, ଓଡ଼ିଶାରେ ପ୍ରଥମ ଥର ପାଇଁ ପୋଷା କୁକୁରଙ୍କ ଖେଳିବା ପାଇଁ ସ୍ବତନ୍ତ୍ର ପାର୍କ ରହିଛି । ପାର୍କ ଭିତରେ ସୁନ୍ଦର ଫୁଲ ବଗିଚା ସହ ସବୁଜିମାରେ ପରିପୂର୍ଣ୍ଣ ହୋଇଛି ପାର୍କ। ପାର୍କ ଉଦଘାଟନ ପରେ ପିଲାମାନେ ପାର୍କରେ ଖେଳୁଛନ୍ତି। ଏହି ପାର୍କ ଟି ଭୁବନେଶ୍ୱର ଉନ୍ନୟନ କର୍ତ୍ତୃପକ୍ଷଙ୍କ ଦ୍ଵାରା ନିର୍ମାଣ କରାଯାଇଛି । ପାର୍କରେ ସୁନ୍ଦର ବ୍ୟବସ୍ଥା ହୋଇଥିବାରୁ ସ୍ଥାନୀୟ ବାସିନ୍ଦା ବେଶ ଖୁସି ଅନୁଭବ କରୁଥିବା କହିଛନ୍ତି ଏହା ସହ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଧନ୍ୟବାଦ ଜଣାଇଛନ୍ତି।
ସାରା ବିଶ୍ବରେ ବଢୁଛି କିଡନୀ ରୋଗୀ ସଂଖ୍ଯା, ରାଜ୍ଯ ସରକାରଙ୍କ ପ୍ରୟାସରୁ ଭଲ ସ୍ଥିତିରେ ଓଡ଼ିଶା
ନନ୍ଦିଘୋଷ ବ୍ୟୁରୋ: ଆଜି ବିଶ୍ୱ କିଡନୀ ଦିବସ । ୨୦୦୬ରୁ ସାରା ବିଶ୍ୱରେ ମାର୍ଚ୍ଚ ମାସର ଦ୍ୱିତୀୟ ଗୁରୁବାର କୁ ଏହି ଦିବସ ରୂପରେ ପାଳନ କରାଯାଇ ଆସୁଛି । କିଡନୀର ଯତ୍ନ ତଥା ସୁରକ୍ଷା ପାଇଁ ସରଳ ଜୀବନଚର୍ଯ୍ୟାର ବାର୍ତ୍ତା ନେଇ ଆଜି ଏସସିବି ବଡମେଡିକାଲ ନେଫରୋଲୋଜି ବିଭାଗ ପକ୍ଷରୁ ଏହି ଦିବସ ପାଳନ କରାଯାଇଛି । ଏହି ରୋଗ ବ୍ୟୟବହୁଳ ତଥା ସମୟ ସାପେକ୍ଷ ହୋଇଥିବା ବେଳେ ରାଜ୍ଯ ସରକାରଙ୍କ ଯୋଗୁଁ ରୋଗୀଙ୍କୁ ମିଳୁଛି ମାଗଣା ଚିକିତ୍ସା । ଏଥିପାଇଁ ସାରା ବିଶ୍ବରେ ଭଲ ସ୍ଥିତିରେ ଅଛି ଓଡ଼ିଶା ।
ସାରା ବିଶ୍ବରେ ବଢୁଛି କିଡନୀ ରୋଗୀ ସଂଖ୍ଯା । ଅସନ୍ତୁଳିତ ଖାଦ୍ଯ ଓ ଜୀବନଚର୍ଯ୍ଯା ବଢାଇଛି ସମସ୍ଯା । ରାଜ୍ଯ ସରକାରଙ୍କ ପ୍ରୟାସରୁ ଭଲ ସ୍ଥିତିରେ ଓଡ଼ିଶା । ସାରାବିଶ୍ୱ ପାଳୁଛି ବିଶ୍ୱ କିଡନୀ ଦିବସ । କଟକ ଏସସିବି ମେଡିକାଲ ବୃକକ ବିଭାଗ ପକ୍ଷରୁ ଏହି ଦିବସର ଅନୁଚିନ୍ତାକୁ ନେଇ ହୋଇଛି ସଚତେତନତା ପଦଯାତ୍ରା । ସୁସ୍ଥ କିଡନୀ ସମସ୍ତଙ୍କ ପାଇଁ ଜରୁରୀ । ଏହାର ସୁରକ୍ଷା ଓ ଯତ୍ନ ପାଇଁ ଶୃଙ୍ଖଳିତ ଜୀବନଚର୍ଯ୍ୟା ପାଳନ କରିବାକୁ ଆଜି ଦିନରେ ସମସ୍ତେ ସକଳ୍ପ ନେବା ଆବଶ୍ଯକ ବୋଲି ବିଶେଷଜ୍ଞ ମତ ଦେଇଛନ୍ତି ।
ବିଶ୍ୱରେ ପ୍ରତି 10 ଜଣରେ ଜଣେ କିଡନୀ ରୋଗୀ ଚି଼ହ୍ନଟ ହେଉଛନ୍ତି । ରୋଗୀଙ୍କ ସଂଖ୍ୟା ବୃଦ୍ଧି ପାଉଥିବାରୁ ବଢୁଛି ଚିନ୍ତା । ଏହାର ଚିକିତ୍ସା ବ୍ଯୟବହୁଳ ଓ ସମୟସାପେକ୍ଷ । ତେବେ ରାଜ୍ଯ ସରକାରଙ୍କ ପ୍ରୟାସରୁ ଓଡ଼ିଶାର ରୋଗୀଙ୍କୁ ମିଳୁଛି ମାଗଣା ଚିକିତ୍ସା । ଏଥିପାଇଁ ବରଦାନ ସାଜିଛି କଟକ ଏସସିବି ମେଡିକାଲ । ମଧୁମେହ ଉଚ୍ଚ ରକ୍ତଚାପ ରୋଗୀଙ୍କ କ୍ଷେତ୍ରରେ ରୋଗ ଅଧିକ ଦେଖା ଦେଉଥିବାରୁ ଲୋକଙ୍କ ସଚେତନ କରିଛନ୍ତି ବିଶେଷଜ୍ଞ । ନିୟମିତ ଖାଦ୍ୟ ଗ୍ରହଣ, ଅଯଧା ପେନ କିଲର ସେବନ ନକରି ଅଧିକ ପାଣି ପିଇବାକୁ ପରାମର୍ଶ ଦେଇଛନ୍ତି ।
ଏଟିଏମକୁ ଯାଉଥିବା ବେଳେ ହୋଇଯାନ୍ତୁ ସାବଧାନ!
ଭୁବନେଶ୍ବର: ସାଇବର ଅପରାଧର ନୂଆ ତରିକା । ଆଖି ପିଛୁଳାକେ ଗାଏବ ହୋଇଯାଉଛି ଟଙ୍କା । ଏଟିଏମକୁ ଯାଉଥିବା ବେଳେ ହୋଇଯାନ୍ତୁ ସାବଧାନ । ନହେଲେ ଆପଣ ହୋଇପାରନ୍ତି ଲୁଟର ଶିକାର । ସାଇବର ଥାନାରେ ହୋଇଥିବା ଅଭିଯୋଗ ଅନୁଯାୟୀ, ଚିନ୍ମୟ କୁମାର ଷଢଙ୍ଗୀ ନାମକ ଜଣେ ବ୍ୟକ୍ତି ଏଟିଏମ୍ ଲୁଟର ଶିକାର ହୋଇଥିଲେ । ଚିନ୍ମୟ ଏଟିଏମକୁ ଟଙ୍କା କାଢ଼ିବାକୁ ଯାଇଥିବା ବେଳେ, ଏଟିଏମ ରେ କାର୍ଡ ଲାଖି ରହି ଯାଇଥିଲା । ପାଖରେ ଛିଡା ହୋଇଥିବା ଜଣେ ଅଜଣା ଵ୍ୟକ୍ତି ଏନେଇ ତାଙ୍କୁ ଗାଇଡ଼ କରିବା ଆରମ୍ଭ କରି ଦେଇଥିଲେ । ଏଟିଏମ ଭିତରେ ପୂର୍ବରୁ ଲାଗିଥିବା ଏକ ଫେକ ହେଲ୍ପ ଲାଇନ ନମ୍ବରରେ କଲ କରିବା ପାଇଁ କହିଥିଲେ । ଚିନ୍ମୟ ହେଲ୍ପ ଲାଇନକୁ କଲ କରିବା ପରେ ଠକ ମାନେ କାର୍ଡର ଡାଟା ମାଗିବା ସହ, ପିନ କୋଡ ମଧ୍ୟ ଏଣ୍ଟ୍ରି କରିବାକୁ କହିଥିଲେ । ଏହାପରେ ଘରକୁ ଆସି ଦେଖିଲା ବେଳକୁ ମୋବାଇଲକୁ ଗୋଟିଏ ପରେ ଗୋଟିଏ ମେସେଜ ଆସିଥିଲା । ହଠାତ ଆକାଉଣ୍ଟରୁ ଟଙ୍କା ଗାଏବ ହୋଇଯାଇଥିଲା । ତେବେ ତଦନ୍ତ ବେଳେ ପୋଲିସ ଜାଣିବାକୁ ପାଇଥିଲା ଯେ, ବିହାରୀ ଗ୍ୟାଙ୍ଗ ଏବେ ଓଡ଼ିଶା ମୁହାଁ ହୋଇଛନ୍ତି । ଆଉ ଟିକିଏ ସୁଯୋଗ ପାଇଲେ ଟଙ୍କା ଲୁଟି ନେଉଛନ୍ତି । ଏମାନେ ବିଶେଷକରି ରିମୋଟ କଣ୍ଟ୍ରୋଲ ଡିଭାଇସକୁ ଏଟିଏମରେ ଲଗାଇ ଦେଉଛନ୍ତି । ଯେଉଁଠାରେ କାର୍ଡ ଭର୍ତ୍ତି କରିବା ମାତ୍ରେ ସେଠାରେ କାର୍ଡଟି ଲାଖିଯାଏ । ଆଉ ତା ସାହାଯ୍ୟରେ ଲୁଟି ନିଅନ୍ତି ଟଙ୍କା । ଘଟଣାରେ ଅଭିଯୁକ୍ତ ଅସଦ ଅଲ୍ଲୀକୁକୁ ଗିରଫ କରାଯାଇଛି । ତାଠାରୁ ୪୦ ହଜାର ସହ atm କାର୍ଡ ଜବତ କରାଯାଇଛି । ତେଣୁ ଏଟିଏମକୁ ଯାଉଥିବା ବେଳେ ଯଦି ଆପଣମାନେ କୌଣସି ଅସୁବିଧାର ସମ୍ମୁଖୀନ ହେଉଛନ୍ତି ତେବେ କେବେ ହେଲେ ଅଜଣା ବ୍ୟକ୍ତିର ସାହାଯ୍ଯ ନ ନେବାକୁ ପୋଲିସ ପରାମର୍ଶ ଦେଇଛି ।
ଆଣ୍ଟି ରାବିସ୍ ଟିକାକରଣ ପରେ ଯୁବତୀଙ୍କ ମୃତ୍ଯୁ
ନନ୍ଦିଘୋଷ ବ୍ୟୁରୋ: ଆଣ୍ଟି ରାବିସ୍ ଟିକାକରଣ ପରେ ଯୁବତୀଙ୍କ ମୃତ୍ଯୁ । ମହାରାଷ୍ଟ୍ର କୋହ୍ଲାପୁରର ଘଟଣା । କୁକୁର କାମୁଡ଼ାର ଶିକାର ହେବା ପରେ ଆଣ୍ଟି ରାବିସ୍ ଟିକା ନେଇଥିଲେ । ଆଣ୍ଟି ରାବିସ୍ ଟିକାର ସମ୍ପୂର୍ଣ୍ଣ କୋର୍ସ ନେଇଥିଲେ । ଟିକାକରଣର ତିନିଦିନ ପରେ ତାଙ୍କର ମୃତ୍ଯୁ ହୋଇଛି । ଏକ ବୁଲା କୁକୁର ଗତ ତିନି ତାରିଖରେ ୨୦ ଜଣଙ୍କୁ କାମୁଡ଼ିଥିଲା । କୁକୁର କାମୁଡ଼ାର ଶିକାର ଯୁବତୀ ମଧ୍ଯ ଶିକାର ହୋଇଥିଲେ । କୁକୁର କାମୁଡ଼ିବା ଦ୍ବାରା ହୋଇଥାଏ ରାବିସ୍ ସଂକ୍ରମଣ । କୁକୁର କାମୁଡ଼ିବାର ୨୪ ଘଣ୍ଟା ମଧ୍ଯରେ ଆଣ୍ଟି ରାବିସ ଭ୍ଯାକ୍ସିନ୍ ନେବା ଜରୁରୀ । ନିୟମିତ ଭାବେ ପୋଷା କୁକୁରର ଟିକାକରଣ ଆବଶ୍ଯକ ।
ବିରାଟଙ୍କୁ ନେଇ ମହମ୍ମଦ କୈଫଙ୍କ ଭବିଷ୍ୟବାଣୀ
ନନ୍ଦିଘୋଷ ବ୍ୟୁରୋ: ଆସନ୍ତା ମାର୍ଚ୍ଚ ୨୨ ତାରିଖରୁ ଆରମ୍ଭ ହେବାକୁ ଯାଉଛି ବିଶ୍ବର ସବୁଠାରୁ ଧନୀ କ୍ରିକେଟ ଲିଗ୍ ଆଇପିଏଲ । ସମସ୍ତ ଟିମର କ୍ୟାମ୍ପ ଆରମ୍ଭ ହୋଇଥିବା ବେଳେ ବିଜୟ ପାଇଁ ଆରମ୍ଭ ହୋଇଛି ଅଙ୍କକଷା । ତେବେ ବିରାଟ କୋହଲିଙ୍କୁ ନେଇ ଭବିଷ୍ୟବାଣୀ କରିଛନ୍ତି ପୂର୍ବତନ ଭାରତୀୟ କ୍ରିକେଟର ମହମ୍ମଦ କୈଫ । ସେ କହିଛନ୍ତି କି, ବିରାଟ ଚଳିତ ଆଇପିଏଲରେ ଦମଦାର ପ୍ରଦର୍ଶନ କରିବେ । ଏହାସହ ଆରସିବି ପ୍ଲେଅଫ୍ ନିଶ୍ଚିତଭାବେ ସ୍ଥାନ ପକ୍କା କରିବ । ଯଦିଓ ଗ୍ରୀନ ଏବଂ ମ୍ୟାକ୍ସଓ୍ବେଲଙ୍କ ଭଳି ଖେଳାଳି ଅଛନ୍ତି ତଥାପି କୋହଲିଙ୍କ ଭୂମିକା ଗୁରୁତ୍ବପୂର୍ଣ୍ଣ ରହିବ । କୋହଲି ଯେତେବେଳେ ବିରତି ନେଇ ଫେରନ୍ତି ସେତେବେଳେ ବଡ଼ ପାଳି ଖେଳିବାରେ ସମର୍ଥ ହୁଅନ୍ତି । ଏଣୁ କୋହଲି ଦୀର୍ଘଦିନ ଧରି ଛୁଟିରେ ରହିଥିବାବେଳେ ଆଇପିଏଲରେ ଫେରିବାକୁ ଯାଉଛନ୍ତି । ଏଣୁ ଆଶା କରାଯାଉଛି କି, ସେ ଦଳକୁ ବିଜୟୀ ପାଳି ଖେଳିବେ । ମାର୍ଚ୍ଚ ୨୨ରେ ଧୋନୀଙ୍କ ନେତୃତ୍ବାଧିନ ଟିମ ଚେନ୍ନାଇ ସୁପରକିଙ୍ଗସକୁ ଭେଟିବ ଆରସିବି । ଦୁଇ ପୂର୍ବତନ ଭାରତୀୟ ଅଧିନାୟକଙ୍କ ମଧ୍ୟରେ ଉଦଘାଟନୀ ମ୍ୟାଚ ଖେଳାଯିବାକୁ ଥିବାବେଳେ ଏହା ବେଶ ସଂଘର୍ଷପୂର୍ଣ୍ଣ ହେବ ବୋଲି କହିଛନ୍ତି କୈଫ୍ ।
ନବୀନ ନିବାସରେ ଗୁରୁତ୍ବପୂର୍ଣ୍ଣ ବୈଠକ, ପହଞ୍ଚିଲେ ନେତା
ଭୁବନେଶ୍ବର: ନବୀନ ନିବାସରେ ବିଜେଡିର ଗୁରୁତ୍ବପୂର୍ଣ୍ଣ ବୈଠକ। ବିଜେଡି ସୁପ୍ରିମୋ ନବୀନ ପଟ୍ଟନାୟକଙ୍କ ଅଧ୍ୟକ୍ଷତାରେ ବୈଠକ। ଏଥିରେ ଦଳର ସମସ୍ତ ଜିଲ୍ଲା ପର୍ଯ୍ୟବେକ୍ଷକ ଓ କୋର କମିଟି ସଦସ୍ଯ ସାମିଲ ହୋଇଛନ୍ତି। ନବୀନ ନିବାସରେ ପହଞ୍ଚିଛନ୍ତି ବିଜେଡି ସାଙ୍ଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ, ମନ୍ତ୍ରୀ ପ୍ରତାପ ଦେବ, ଅତନୁ ସବ୍ୟସାଚୀ ନାୟକ, ଅଶୋକ ପଣ୍ଡା, ପ୍ରୀତିରଞ୍ଜନ ଘଡାଇ, ପୂର୍ବତନ ମନ୍ତ୍ରୀ ପ୍ରସନ୍ନ ଆଚାର୍ଯ୍ୟ, ସାଂସଦ ମାନସ ରଞ୍ଜନ ମଙ୍ଗରାଜ, ସସ୍ମିତ ପାତ୍ର, ବିଧାୟକ ପ୍ରଣବ ବଳବନ୍ତରାୟ, ଅରୁଣ ସାହୁ, ସମ୍ବିତ ରାଉତରାୟ, ସ୍ନେହାଙ୍ଗିନୀ ଛୁରିଆ, ସରକାରୀ ମୁଖ୍ୟ ସଚେତକ ପ୍ରଶାନ୍ତ ମୁଦୁଲି। ବୈଠକରେ ଆଗାମୀ ନିର୍ବାଚନ ପରିଚାଳନା ନେଇ ଆଲୋଚନା କରାଯିବ । ବିଭିନ୍ନ ଆସନ ସହ ସମ୍ଭାବ୍ଯ ପ୍ରାର୍ଥୀ ନେଇ ବିସ୍ତୃତ ଭାବେ ଆଲୋଚନା କରାଯାଇପାରେ । ସେହିପରି ଆସନ୍ତା ସାଧାରଣ ନିର୍ବାଚନ ପାଇଁ ଦଳ ରୋଡମ୍ଯାପ ମଧ୍ଯ ପ୍ରସ୍ତୁତ କରିପାରେ । ସପ୍ତାହେ ତଳେ ନବୀନ ନିବାସରେ ପ୍ରଥମ ବୈଠକ ବସିଥିଲା ।
ଗୁରୁଦାସପୁର ଜେଲରେ କଏଦୀଙ୍କ ମଧ୍ୟରେ ଝଗଡ଼ା, ପୋଲିସ ଉପରେ ଆକ୍ରମଣ
ନନ୍ଦିଘୋଷ ବ୍ୟୁରୋ: ପଞ୍ଜାବର କେନ୍ଦ୍ରୀୟ ଜେଲ ଗୁରୁଦାସପୁରରେ ଅଘଟଣ । ଜେଲରେ ଥିବା ଦୁଇ କଏଦୀ ଗୋଷ୍ଠୀ ମଧ୍ୟ ଝଗଡ଼ା । ସେମାନଙ୍କୁ ଅଟକାଇ ଯାଇଥିବା ପୋଲିସ ଉପରେ ଆକ୍ରମଣ । ଘଟଣାରରେ ୪ ଜଣ ପୋଲିସ କର୍ମଚାରୀ ଆହତ ହୋଇଥିବା ସୂଚନା । ସେପଟେ ଘଟଣାକୁ ଦୃଷ୍ଟିରେ ରଖି ୫ ଜିଲ୍ଲାର ପୋଲିସ ଫୋର୍ସ ଡକାଯାଇଥିବାବେଳେ ସାମରିକ ବାହିନୀ ମଧ୍ୟ ମୂତୟନ କରାଯାଇଛି । ଆହତ ହୋଇଥିବା ୪ଜଣ ପୋଲିସ କର୍ମଚାରୀଙ୍କୁ ମେଡିକାଲରେ ଭର୍ତ୍ତି କରାଯାଇଛି । ଘଟଣାକୁ ନେଇ ଏବେ ଚର୍ଚ୍ଚା ଆରମ୍ଭ ହୋଇଥିବା କଏଦୀମାନଙ୍କ ମଧ୍ୟରେ କାହିଁକି ଝଗଡ଼ା ହେଲା ତାହା ସ୍ପଷ୍ଠ ହୋଇନାହିଁ ।
ଅବସର ନେବା ପରେ ଭାବ ବିହ୍ବଳ ହେଲେ ଧବଲ କୁଲକର୍ଣ୍ଣି
ନନ୍ଦିଘୋଷ ବ୍ୟୁରୋ: ପ୍ରଥମ ଶ୍ରେଣୀ କ୍ରିକେଟରୁ ଅବସର ଘୋଷଣା କଲେ ଧବଲ କୁଲକର୍ଣ୍ଣି । ଫାଇନାଲରେ ବିଜୟ ସହ ଅବସର ନେଇଛନ୍ତି । ଅବସର ପରେ ଭାବ ବିହ୍ବଳ ହୋଇଥିଲେ କୁଲକର୍ଣ୍ଣି । ଫାଇନାଲରେ ମୁମ୍ବାଇ ବିଦର୍ଭକୁ ହରାଇଛି । ଫାଇନାଲରେ କୁଲକର୍ଣ୍ଣି ମୁମ୍ବାଇ ପାଇଁ ଶେଷ ଓ୍ବିକେଟ ଅକ୍ତିଆର କରିଥିଲେ । ସେ ଉମେଶ ଯାଦବଙ୍କୁ ବୋଲ୍ଡ କରି ଦଳକୁ ବିଜୟୀ କରାଇଥିଲେ । ୩୫ ବର୍ଷୀୟ କୁଲକର୍ଣ୍ଣି ୯୬ଟି ପ୍ରଣମ ଶ୍ରେଣୀ କ୍ରିକେଟ ଖେଳିଛନ୍ତି । ଯେଉଁଥିରେ ସେ ୨୮୫ଟି ଓ୍ବିକେଟ ଅକ୍ତିଆର କରିଛନ୍ତି । ୨୦୦୮ ମସିହାରେ ନିଜର ପ୍ରଥମ ଶ୍ରେଣୀ ଡେବ୍ୟୁ କରିଥିଲେ କୁଲକର୍ଣ୍ଣି । ତେବେ ଟିମ ଇଣ୍ଡିଆ ପାଇଁ ୧୨ଟି ଦିନିକିଆ ମଧ୍ୟ ଖେଳିଛନ୍ତି । ଯେଉଁଥିରେ ସେ ୧୯ ଓ୍ବିକେଟ ଅକ୍ତିଆର କରିଛନ୍ତି । ସେପଟେ ୨ଟି ଆନ୍ତର୍ଜାତୀୟ ଟି-୨୦ ମଧ୍ୟ ଖେଳିଛନ୍ତି । ଅବସର ଘୋଷଣା କରିବା ପରେ ରୋହିତ ଶର୍ମା କହିଥିଲେ କି, କୁଲକର୍ଣ୍ଣି ହେଉଛନ୍ତି ମୁମ୍ବାଇର ଯୋଦ୍ଧା ।
ମେଣ୍ଟ ନେଇ ଦେଇଥିବା ନିଷ୍ପତ୍ତି ବଦଳାଇଲେ ମନମୋହନ
ଭୁବନେଶ୍ବର: ମେଣ୍ଟକୁ ନେଇ ବିଜେପି ରାଜ୍ୟ ସଭାପତି ମନମୋହନ ସାମଲଙ୍କ ୟୁଟର୍ଣ୍ଣ। ରାଷ୍ଟ୍ରୀୟ ଦଳର ରାଜ୍ୟ ସଭାପତିଙ୍କ ମନ୍ତବ୍ୟରେ ନାହିଁ ତାଳମେଳ। ମେଣ୍ଟ ନେଇ ଦେଇଥିବା ନିଷ୍ପତ୍ତି ବଦଳାଇଲେ ମନମୋହନ। ରାଜ୍ୟରେ ବିଜେପି ଏକାକୀ ଲଢ଼ିବ ବୋଲି କହିଥିଲେ ମନମୋହନ। ଏବେ ପୁଣି କହୁଛନ୍ତି, ରାଷ୍ଟ୍ରୀୟ ସଭାପତି ଚୂଡ଼ାନ୍ତ ନିଷ୍ପତ୍ତି ନେବେ। ସୋସିଆଲ୍ ମିଡିଆ ଏକ୍ସରୁ କାହିଁକି ୨ ଘଣ୍ଟା ପରେ ପୋଷ୍ଟ ଡିଲିଟ୍ କଲେ ମନମୋହନ ସାମଲ୍। ମନମୋହନ ନିଜେ ନିଜ ବକ୍ତବ୍ୟ ବଦଳାଉଛନ୍ତି। କହିଲେ, ଶୀର୍ଷ ନେତୃତ୍ବ ଯାହା ନିଷ୍ପତ୍ତି ନେବ ମାନିବୁ । ମେଣ୍ଟ ଶବ୍ଦ ନେଇନଥିବା କହିଲେ ମନମୋହନ । ଅର୍ଥକୁ ଅନର୍ଥ ନକରିବାକୁ ସେ ମିଡିଆକୁ ଅନୁରୋଧ କରିଛନ୍ତି । ଅନ୍ଯପଟେ ପାର୍ଟି ଅଫିସରେ ମିଠା ପାର୍ଟି କାହିଁକି ହୋଇଥିଲା ତାହା ସୃଷ୍ଟି କରିଛି ଦ୍ବନ୍ଦ୍ବ । ରାଜ୍ୟରେ ବିଜେପି ଏକାକୀ ଲଢ଼ିବ ବୋଲି କହିଥିଲେ ମନମୋହନ। ଏବେ ପୁଣି କହୁଛନ୍ତି, ରାଷ୍ଟ୍ରୀୟ ସଭାପତି ଚୂଡ଼ାନ୍ତ ନିଷ୍ପତ୍ତି ନେବେ। ବିନା କେନ୍ଦ୍ରୀୟ ନେତୃତ୍ବ ଓ ସଂସଦୀୟ ବୋର୍ଡଙ୍କ ଅନୁମତିରେ ମନମୋହନ ଦେଇଥିଲେ କି ବୟାନ୍। ବାରମ୍ବାର ଗଣମାଧ୍ୟମକୁ ଆସି କାହିଁକି ବୟାନ ଦେବାକୁ ଆଗଭର ହେଉଛନ୍ତି ମନମୋହନ ? ସ୍ଥିର ନିଶ୍ଚିତ ନହୋଇ ରାଜ୍ଯ ସଭାପତି ବିବୃତି ଦଳୀୟ କର୍ମୀଙ୍କୁ ନିରାଶ କରୁନାହିଁ କି ? ଜଣେ ରାଜ୍ୟ ସଭାପତି ହୋଇ ସ୍ପର୍ଶକାତର ପ୍ରସଙ୍ଗରେ ହାଲୁବା ବୟାନ୍ ଦେବାକୁ ନେଇ ଉଠିଛି ପ୍ରଶ୍ନ। ବିଜେପି ରାଜ୍ୟ ସଭାପତି ଯାହା କହୁଛନ୍ତି ତାହାକୁ ନେଇ କର୍ମୀଙ୍କ ମଧ୍ୟରେ ବଢୁଛି ଦ୍ବନ୍ଦ୍ବ। ଇତି ମଧ୍ୟରେ ୩ ଥର ଦିଲ୍ଲୀ ଗଲେଣି ମନମୋହନ ସାମଲ। ହେଲେ ସବୁଥର ଗଣମାଧ୍ୟମକୁ ଭେଟିବା ସହ ନୂଆ ନୂଆ ବୟାନ୍ ଦେଉଛନ୍ତି ମନମୋହନ।
ଲୋକାର୍ପିତ ହେଲା ଅନଲାଇନ୍ ପ୍ରୋତ୍ସାହନ ମ୍ୟାନେଜମେଣ୍ଟ ପ୍ରଣାଳି
ଭୁବନେଶ୍ବର: ଲୋକାର୍ପିତ ହେଲା ଅନଲାଇନ୍ ପ୍ରୋତ୍ସାହନ ମ୍ୟାନେଜମେଣ୍ଟ ପ୍ରଣାଳି । ଆଇଟି ଶିଳ୍ପ ପାଇଁ ଏହା ସହାୟକ ହେବା ସହ ଏଭଳି ପ୍ଲାଟଫର୍ମ ପ୍ରଥମ କରି ସାରା ଦେଶରେ ଆରମ୍ଭ ହୋଇଛି । ଓଡ଼ିଶା ଇ-ଗଭରନାନ୍ସ କ୍ଷେତ୍ରରେ ଏହା ଏକ ଯୁଗାନ୍ତକାରୀ ପଦକ୍ଷେପ ହୋଇଥିବା ବେଳେ ଏହି ପ୍ରଣାଳିକୁ ଓକାକ ପ୍ରସ୍ତୁତ କରିଛି । ଏହି ଅନଲାଇନ୍ ପ୍ରକ୍ରିୟା ଦ୍ବାରା ଆବେଦନ କରି ଉଦ୍ୟୋଗୀ ମାନେ ସେମାନଙ୍କ ପ୍ରୋତ୍ସାହନ ଭିତ୍ତିଭୂମି ପାଇପାରିବେ । ଯକୌଣସି ସମୟରେ ଆବେଦନ ପତ୍ର ଦେଇ ନିଜର ଅପଡେଟ୍ ଜାରି କରିପାରିବେ । ସେହିପରି ନୂତନ ଜିଲ୍ଲା ଓ୍ବେବସାଇଟ୍ ମଧ୍ୟ ମୁଖ୍ୟମନ୍ତ୍ରୀ ଉଦଘାଟନ କରିଛନ୍ତି । ଏହି ମାନଦଣ୍ଡରେ ୩୦ଟି ଜିଲ୍ଲାର ପୋର୍ଟାଲକୁ ବିକଶିତ କରାଯାଇଛି ।