spot_img
Home Blog Page 1890

ସକାଳ ୯ଟା ସୁଦ୍ଧା ୭.୬୯ ପ୍ରତିଶତ ମତଦାନ, ଜାଣନ୍ତୁ କେଉଁଠି କେତେ

ନନ୍ଦିଘୋଷ ବ୍ୟୁରୋ: ରାଜ୍ୟରେ ଚାଲିଛି ଅନ୍ତିମ ପର୍ଯ୍ୟାୟ ମତଦାନ। ସକାଳ ୯ଟା ସୁଦ୍ଧା ୭.୬୯ ପ୍ରତିଶତ ମତଦାନ । ତେବେ ନଜର ପକାନ୍ତୁ କେଉଁଠି କେତେ…

ବିଧାନସଭା ନିର୍ବାଚନମଣ୍ଡଳୀ-

ଆଳି- ୭.୪୦%, ବଡ଼ସାହି- ୫.୩୭%, ବାଲେଶ୍ୱର- ୭.୮୦%, ବାଲିକୁଦା (ଏରସମା)- ୮.୧୮%, ବାଙ୍ଗିରିପୋଷୀ- ୬.୯୪%, ବଡ଼ଚଣା- ୬%, ବରି- ୭%, ବାରିପଦା-୭.୨୫%, ବସ୍ତା-୬.୨୫%, ବାସୁଦେବପୁର-୫.୩୦%, ଭଦ୍ରକ- ୬.୮୫%, ଭଣ୍ଡାରିପୋଖରୀ- ୯.୭୦%, ଭୋଗରାଇ- ୭.୫୧%, ବିଞ୍ଝାରପୁର-୮%, ଚାନ୍ଦବାଲି-୮.୨୦%, ଧାମନଗର- ୯.୩୦%, ଧର୍ମଶାଳା-୯%, ଜଗତସିଂହପୁର-୮.୨୦%, ଯାଜପୁର-୭.୫୦%, ଜଳେଶ୍ୱର- ୭.୪୫, ଯଶିପୁର-୭.୬୧%, କାକଟପୁର-୯.୬୦%, କେନ୍ଦ୍ରାପଡା- ୮.୭୦%, କୋରେଇ-୬.୫୦%, ମହାକାଳପଡା-୭%, ମାହାଙ୍ଗା-୫.୪୦%, ମୋରଡା-୬.୨୫%, ନିଆଳି-୯%, ନୀଳଗିରି-୧୧.୮୦%, ନିମାପଡା-୮.୨୦%, ପାରାଦୀପ-୮.୧%, ପାଟକୁରା-୮.୫୦%, ରାଇରଙ୍ଗପୁର-୭.୫୩%, ରାଜନଗର-୮%, ରେମୁଣା-୬.୧୦, ସାଲେପୁର-୬.୧୦%, ସାରସକଣା- ୭.୯୬%, ସୀମୁଳିଆ-୭.୭୦%, ସୋର-୭.୯୦%, ସୁକିନ୍ଦା-୧୦%, ତିର୍ତ୍ତୋଲ-୮.୫୧%, ଉଦଳା-୭.୯୦%

ଲୋକସଭା ନିର୍ବାଚନମଣ୍ଡଳୀ-

ବାଲେଶ୍ୱର- ୭.୪୬%, ଭଦ୍ରକ-୭.୭୯%, ଜଗତସିଂହପୁର- ୮.୫୪%, ଯାଜପୁର-୭.୭୪%, କେନ୍ଦ୍ରାପଡା-୭.୨୭%, ମୟୂରଭଞ୍ଜ- ୭.୩୩%

 

 

 

ଗୁଣ୍ଡିଚା ମନ୍ଦିର ନାକଚଣା ଦ୍ବାର ନିକଟରେ ଅଗ୍ନିକାଣ୍ଡ, ଜଳିଗଲା ଗେଟ୍ ଓ ବ୍ଯାରିକେଡ୍

ପୁରୀ: ପୁରୀରେ ଭୟାବହ ଅଗ୍ନିକାଣ୍ଡ। ଭୋରରୁ ଗୁଣ୍ଡିଚା ମନ୍ଦିର ନାକଚଣା ଦ୍ବାର ନିକଟରେ ଅଗ୍ନିକାଣ୍ଡ ହୋଇଛି । ନିଆଁ ଲାଗି ହୁତୁହୁତୁ ହୋଇ ଜଳିଲା ଫାଇବର ଗେଟ ଓ ବ୍ଯାରିକେଡ୍ । ନିଆଁ ଏତେ ଭୟଙ୍କର ଥିଲା ଯେ ପାଖକୁ ବି ଯିବା ଅସମ୍ଭବ ହୋଇପଡ଼ୁଥିଲା।

ଅଗ୍ନିକାଣ୍ଡରେ ପ୍ରାୟ ୧୦ଟି ଫାଇବର ଗେଟ୍ ସମ୍ପୂର୍ଣ୍ଣ ଜଳିଯାଇଛି । ଏହାସହ ପାଖରେ ଥିବା ଗଛ ଓ ଅନ୍ଯାନ୍ଯ ସାମଗ୍ରୀ ବି ଜଳିଯାଇଛି। ନାକଚଣା ଦ୍ୱାର ଓ ପାଚେରୀ ବି କ୍ଷତିଗ୍ରସ୍ତ ହୋଇଛି । ଅଗ୍ନିକାଣ୍ଡର କାରଣ ଅସ୍ପଷ୍ଟ ରହିଥିବବେଳେ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଛି।

ପଦ୍ମଶ୍ରୀ ମାଗୁଣି ଚରଣ କୁଅଁରଙ୍କ ପରଲୋକ

ଭୁବନେଶ୍ୱର: ପଦ୍ମଶ୍ରୀ ମାଗୁଣି ଚରଣ କୁଅଁରଙ୍କ ପରଲୋକ। ୮୮ ବର୍ଷ ବୟସରେ ତାଙ୍କର ଦେହାନ୍ତ ହୋଇଛି। ଦୀର୍ଘଦିନଧରି ଅସୁସ୍ଥ ରହି ସେ ଡାକ୍ତରଖାନାରେ ଚିକିତ୍ସିତ ହେଉଥିଲେ । ମଧୁମେହ, ଉଚ୍ଚ ରକ୍ତଚାପ, ଯକ୍ଷ୍ମା ରୋଗରେ ପୀଡ଼ିତ ଥିଲେ ମାଗୁଣି। କିଛିଦିନ ପୂର୍ବେ ଭୁବନେଶ୍ଵରରେ ଚିକିତ୍ସିତ ହୋଇ ଘରକୁ ଫେରିଥିଲେ।

ଆଜି ସକାଳୁ କେନ୍ଦୁଝରଗଡ଼ ପୌରପାଳିକାର ପୁରୁଣା ସହର ସ୍ଥିତ ନିଜ ବାସଭବନରେ ତାଙ୍କର ପରଲୋକ ହୋଇଛି। ମାଗୁଣିଙ୍କ ଦେହାନ୍ତରେ ପୂରା କେନ୍ଦୁଝର ଜିଲ୍ଲାରେ ଶୋକର ଛାୟା ଖେଳିଯାଇଛି। କେନ୍ଦୁଝର ପୁରୁଣା ସହରର ବୈଦ୍ୟରାଜ ସାହିର ମାଗୁଣି ଚରଣ କୁଅଁର।

ପରିଚୟ ତାଙ୍କର କାଠି କଣ୍ଢେଇ କାରିଗର। ବୟସର ଅପରାହ୍ନରେ ବି ମାଗୁଣି କାଠ ଖୋଦେଇ, ମୃଣ୍ମୟୀ ମୂର୍ତ୍ତି ଓ ସିମେଣ୍ଟ ମୂର୍ତ୍ତି ତିଆରିରେ ସିଦ୍ଧହସ୍ତ ଥିଲେ। ଏକାଧାରରେ ସେ ଜଣେ କାଠି କଣ୍ଢେଇ ଶିଳ୍ପୀ, କାଠ, ମାଟି, ପଥର ଓ ସିମେଣ୍ଟର ନିଖୁଣ ମୂର୍ତ୍ତି କାରିଗର। ଜିଲ୍ଲା, ରାଜ୍ୟ ସହ, ଦେଶ ବିଦେଶରେ ତାଙ୍କ କଣ୍ଢେଇ ନୃତ୍ୟର ଆଦର ବେଶ୍ ଅଧିକ ରହିଛି। ବିଗତ ୭୦ବର୍ଷ ହେବ ସେ ନିଜ ସାଧନା ଜାରି ରଖିଥିଲେ, ଗତବର୍ଷ ତାଙ୍କୁ ପଦ୍ମଶ୍ରୀ ସମ୍ମାନରେ ସମ୍ମାନିତ କରାଯାଇଥିଲା ।

୨୦୦୪ ମସିହାରେ ରାଷ୍ଟ୍ରପତିଙ୍କ ଦ୍ବାରା ପ୍ରଦତ୍ତ କେନ୍ଦ୍ର ସଙ୍ଗୀତ ନାଟକ ଏକାଡେମୀ ସମ୍ମାନ, ୨୦୧୩ ମସିହାରେ ଓଡିଶା ସରକାରଙ୍କ ସର୍ବୋଚ୍ଚ ଉପେନ୍ଦ୍ର ଭଞ୍ଜ ସମ୍ମାନରେ ସମ୍ମାନିତ ହୋଇଛନ୍ତି। ୨୦୧୪ ମସିହା ପାଇଁ ଓଡିଶା ନୃତ୍ୟ ଏକାଡେମୀ ପକ୍ଷରୁ ଗୁରୁ ମାଗୁଣି ଚରଣ କୁଅଁରଙ୍କୁ ରୁଚିବୁଦ୍ଧ ସମ୍ମାନରେ ସମ୍ମାନିତ କରାଯାଇଥିଲା।

ଦେଶରେ ୭ମ ପର୍ଯ୍ୟାୟ ମତଦାନ ଆରମ୍ଭ, ଚାଲିଛି ନେତାଙ୍କ ଭାଗ୍ୟ ପରୀକ୍ଷା

ନୂଆଦିଲ୍ଲୀ: ଆଜି ଦେଶରେ ସପ୍ତମ ତଥା ଅନ୍ତିମ ପର୍ଯ୍ୟାୟ ପାଇଁ ମତଦାନ ଆରମ୍ଭ ହୋଇଛି। ଏହି ପର୍ଯ୍ୟାୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସମେତ ବହୁ ହେଭିୱେଟଙ୍କ ଭାଗ୍ୟ ପରୀକ୍ଷା ହେଉଛି।

ଏହି ପର୍ଯ୍ୟାୟରେ ୮ଟି ରାଜ୍ୟର ୫୭ଟି ଲୋକସଭା ଆସନରେ ଭୋଟିଂ ଚାଲିଛି। କଡା ସୁରକ୍ଷା ବ୍ୟବସ୍ଥା ମଧ୍ୟରେ ସକାଳ ସାଢ଼େ ୬ଟାରୁ ଆରମ୍ଭ ହୋଇଛି ମତଦାନ। ଆଜି ଉଭୟ ଉତ୍ତରପ୍ରଦେଶ ଏବଂ ପଞ୍ଜାବରେ ୧୩ଟି, ପଶ୍ଚିମବଙ୍ଗରେ ୯, ବିହାରରେ ୮, ଓଡିଶାରେ ୬, ହିମାଚଳ ପ୍ରଦେଶରେ ୪, ଝାଡଖଣ୍ଡର ୩ ଏବଂ ଚଣ୍ଡିଗଡ଼ର ଏକାକୀ ଲୋକସଭା ଆସନ ପାଇଁ ମତଦାନ ହେଉଛି ।

ବାରାଣାସୀରୁ ପ୍ରତିଦ୍ୱନ୍ଦ୍ୱିତା କରୁଥିବା ପ୍ରଧାନମନ୍ତ୍ରୀ ମୋଦୀ, ହିମାଚଳ ପ୍ରଦେଶର ହମିରପୁରରୁ କେନ୍ଦ୍ର ମନ୍ତ୍ରୀ ଅନୁରାଗ ଠାକୁର, ବିହାରର ପାଟନା ସାହିବରୁ ରବି ଶଙ୍କର ପ୍ରସାଦ ଏବଂ ହିମାଚଳ ପ୍ରଦେଶର ମଣ୍ଡିରୁ ଅଭିନେତା କଙ୍ଗନା ରଣାୱତଙ୍କ ଭାଗ୍ୟ ପରୀକ୍ଷା ଚାଲିଛି । କିଏ ମାରିବ ବାଜି ତାହା ନିର୍ଦ୍ଧାରଣ କରୁଛନ୍ତି ଜନତା।

କଂଗ୍ରେସର ମନୀଷ ତେୱାରୀ ଚଣ୍ଡିଗଡ଼ରୁ ପ୍ରତିଦ୍ୱନ୍ଦ୍ୱିତା କରୁଥିବାବେଳେ ବିକ୍ରମଦିତ୍ୟ ସିଂ ହିମାଚଳ ପ୍ରଦେଶର ମଣ୍ଡି ଏବଂ ବାରଣାସୀରୁ ଅଜୟ ରାୟ ପ୍ରତିଦ୍ୱନ୍ଦ୍ୱିତା କରୁଛନ୍ତି। ମମତା ବାନାର୍ଜୀଙ୍କ ଭଣଜା ତଥା ତୃଣମୂଳ କଂଗ୍ରେସ ସାଂସଦ ଅଭିଷେକ ବାନାର୍ଜୀ ହୀରାଖଣ୍ଡରୁ ପ୍ରତିଦ୍ୱନ୍ଦ୍ୱିତା କରୁଛନ୍ତି।

 

ଓଡ଼ିଶାରେ ଚାଲିଛି ଶେଷ ପର୍ଯ୍ୟାୟ ଭୋଟିଂ, ନେତା ବାଛୁଛନ୍ତି ଜନତା

ଭୁବନେଶ୍ୱର: ଚତୁର୍ଥ ତଥା ଶେଷ ପର୍ଯ୍ୟାୟରେ ଓଡ଼ିଶାର ୬ଟି ଲୋକସଭା କ୍ଷେତ୍ରରେ ମତଦାନ ଆରମ୍ଭ। ମୟୂରଭଞ୍ଜ, ବାଲେଶ୍ବର, ଭଦ୍ରକ, ଯାଜପୁର, କେନ୍ଦ୍ରାପଡ଼ା, ଜଗତସିଂହପୁରରେ ନିର୍ବାଚନ ଅନୁଷ୍ଠିତ ହେଉଛି । ମଇଦାନରେ ରହିଛନ୍ତି ବହୁ ହେଭିୱେଟ । ଏକାଧିକ ମନ୍ତ୍ରୀ, ଟାଣୁଆ ବିଧାୟକ, ରାଜ୍ଯ ବିଜେପି ସଭାପତିଙ୍କ ସମେତ ପୂର୍ବତନ ପିସିସି ସଭାପତି ମଧ୍ୟ କରୁଛନ୍ତି ଭାଗ୍ୟ ପରୀକ୍ଷା ।

ସେହିପରି ୪୨ଟି ବିଧାନସଭା କ୍ଷେତ୍ର ଯଥା ଯଶିପୁର, ସାରସକଣା, ରାଇରଙ୍ଗପୁର, ବାଙ୍ଗିରିପୋଷି, ଉଦଳା, ବଡସାହି, ବାରିପଦା, ମୋରଡା, ଜଳେଶ୍ବର, ଭୋଗରାଇ, ବସ୍ତା, ବାଲେଶ୍ବର, ରେମୁଣା, ନୀଳଗିରି, ସୋର, ସିମୁଳିଆ, ଭଣ୍ଡାରିପୋଖରୀ, ଭଦ୍ରକ, ବାସୁଦେବପୁର, ଧାମନଗର, ଚାନ୍ଦବାଲି, ବିଂଝାରପୁର, ବରୀ, ବଡ଼ଚଣା, ଧର୍ମଶାଳା, ଯାଜପୁର, କୋରେଇ, ସୁକିନ୍ଦା, ନିଆଳି, ସାଲେପୁର, ମାହାଙ୍ଗା, ପାଟକୁରା, କେନ୍ଦ୍ରାପଡ଼ା, ଆଳି, ରାଜନଗର, ମହାକାଳପଡ଼ା, ପାରାଦୀପ, ତିର୍ତ୍ତୋଲ, ବାଲିକୁଦା-ଏରସମା, ଜଗତସିଂହପୁର, କାକଟପୁର, ନିମାପଡ଼ାରେ ମଧ୍ୟ ମତଦାନ ସାବ୍ୟସ୍ତ କରୁଛନ୍ତି ଜନତା ।

କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କୁ ବିଜେଡି ସାଙ୍ଗଠନିକ ସମ୍ପାଦକ ପ୍ରଣବ ପ୍ରକାଶ ଦାସଙ୍କ ଟାର୍ଗେଟ

ନନ୍ଦିଘୋଷ ବ୍ୟୁରୋ: କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କୁ ବିଜେଡି ସାଙ୍ଗଠନିକ ସମ୍ପାଦକ ପ୍ରଣବ ପ୍ରକାଶ ଦାସଙ୍କ ଟାର୍ଗେଟ । ତିନି ଚତୁର୍ଥାଂଶ ସଂଖ୍ୟା ଗରିଷ୍ଠତା ସହ ବିଜେଡି ନିର୍ବାଚନ ଜିତୁଥିବା ଜାଣିସାରିଲେଣି ଧର୍ମେନ୍ଦ୍ର ପ୍ରଧାନ । ଏନେଇ ତାଙ୍କ ମୁଣ୍ଡ କାମ କରୁନଥିବା କହି ଧର୍ମେନ୍ଦ୍ରଙ୍କୁ ତାତ୍ସଲ୍ୟ କରିଛନ୍ତି ପ୍ରଣବ ।  ମୁଖ୍ୟମନ୍ତ୍ରୀଙ୍କ ବିରୋଧରେ ଅଶାଳୀନ ଭାଷା ପ୍ରୟୋଗ, ଅପମାନସୂଚକ ମନ୍ତବ୍ୟ ଦେବା ପରେ ଶେଷରେ ମଞ୍ଚ ଉପରୁ ନିଜ ଭାଷଣରେ ଲୋକଙ୍କୁ ପ୍ରତ୍ୟକ୍ଷ ଭାବେ ଧମକ ଦେବାକୁ ମଧ୍ୟ ପଛାଇ ନାହାନ୍ତି ଧର୍ମେନ୍ଦ୍ର।  ଆଉ ଏବେ ଶେଷରେ ଟଙ୍କା ବାଣ୍ଟିବାର ଅଭିଯୋଗ ଆଣୁଛନ୍ତି । ଏଥିରୁ ସ୍ପଷ୍ଟ ଭାବେ ବାରି ହୋଇ ପଡୁଛି ଧର୍ମେନ୍ଦ୍ର ଭାରି ହତାଶା ଓ ନିରାଶା ମଧ୍ୟରେ ଅଛନ୍ତି । କାରଣ ଓଡ଼ିଶା ବିଜେପି ଏହି ନିର୍ବାଚନ ବହୁତ ଖରାପ ଭାବେ ହାରୁଥିବା ନିଜ ସୋସିଆଲ ସାଇଡରେ ଉଳ୍ଲେଖ କରିଛନ୍ତି ବିଜେଡି ସାଙ୍ଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ।

ମଡର୍ଣ୍ଣ ବୁକ୍ ଡିପୋରୁ ୨ଟି ବହି କିଣିଲେ ନବୀନ

ଭୁବନେଶ୍ବର: ବୁକ୍ ଷ୍ଟୋରରେ ପୁସ୍ତକପ୍ରେମୀ ନବୀନ। ମାସେ ଧରି ମାରାଥନ୍ କ୍ଯାମ୍ପେନ୍ ପରେ ଆଜି ନିର୍ବାଚନୀ ଟେନସନର ଓହ୍ଲାଇଥିଲେ ମୁଖ୍ଯମନ୍ତ୍ରୀ ନବୀନ। ରାତି ପାହିଲେ ଭୋଟ୍ ଦେବେ ୬ ଲୋକସଭା କ୍ଷେତ୍ରର ଭୋଟର। ଆଉ ନେତାଙ୍କର କିଛି ଭୂମିକା ନାହିଁ। ରେଜଲ୍ଟ ପର୍ଯ୍ଯନ୍ତ ଏବେ ରିଲାକ୍ସ ପାଇଁ ଫୁରୁସତ ମିଳିଛି। ତେଣୁ ଏହି ସମୟକୁ ହାତଛଡ଼ା କରି ନାହାଁନ୍ତି ମୁଖ୍ଯମନ୍ତ୍ରୀ ନବୀନ ପଟ୍ଟନାୟକ। ସନ୍ଧ୍ଯା ସାଢେ ସାତଟା ବେଳେ ମାଷ୍ଟରକ୍ଯାଣ୍ଟିନ ସ୍ଥିତ ମଡର୍ଣ୍ଣ ବୁକ ଡିପୋରେ ପହଞ୍ଚିଥିଲେ ନବୀନ। ସାଥୀରେ ଥିଲେ ବିଜେଡିର ବରିଷ୍ଠ ନେତା କାର୍ତ୍ତିକ ପାଣ୍ଡିଆନ୍। ଗାଡ଼ିରୁ ଓହ୍ଲାଇ କମନମ୍ଯାନ୍ ଷ୍ଟାଇଲରେ ବୁକ ଷ୍ଟୋର ଭିତରକୁ ଯାଇଥିଲେ ମୁଖ୍ଯମନ୍ତ୍ରୀ।

ସ୍ମିତହାସ୍ଯ ସହ ବେଶ ଫୁର୍ତ୍ତି ଥିଲେ ମୁଖ୍ଯମନ୍ତ୍ରୀ। ପ୍ରାୟ ଏକ ମାସର ବ୍ଯସ୍ତବହୁଳ ନିର୍ବାଚନ ପ୍ରଚାର ଲାଗି ୪୦ ଡିଗ୍ରୀ ତାପମାତ୍ରାକୁ ଭୃକ୍ଷେପ କରି ନଥିବା ନବୀନ ଆଜି ବହି ଲାଗି ସମୟ ବାହାର କରିବା ସମସ୍ତଙ୍କ ଲାଗି ଚର୍ଚ୍ଚାର କାରଣ ସୃଷ୍ଟି କରିଥିଲା। ବୁକ ଷ୍ଟଲରୁ ମୁଖ୍ଯମନ୍ତ୍ରୀ କିଣିଥିଲେ ଦେବବ୍ରତ ସ୍ବାଇଁଙ୍କ ଦ୍ବାରା ରଚିତ ସିକ୍ରେଟ୍ସ ଅଫ୍ ଶିମିଳିପାଳ ଏବଂ ଚାର୍ଲ୍ସ ଆଲେନଙ୍କ ଲିଖିତ ପୁସ୍ତକ ଆରିୟନ୍ସ। ପ୍ରକୃତିପ୍ରେମୀ ଭାବେ ଜଣାଶୁଣା ନବୀନ ବି ପ୍ରମାଣିତ କରିଥିଲେ ପୁସ୍ତକକୁ ସେ କେତେ ଭଲ ପାଆନ୍ତି। ନବୀନ କେବଳ ଜଣେ ରାଜନେତା ନୁହନ୍ତି ଜଣେ ଆନ୍ତର୍ଜାତିକ ଖ୍ଯାତି ସମ୍ପନ୍ନ ଲେଖକ। ଦ ଗାର୍ଡନ ଅଫ ଲାଇଫ, ଏ ସେକଣ୍ଡ ପାରାଡାଇଜ ଓ ଏ ଡେଜର୍ଟ କିଙ୍ଗଡମ ପୁସ୍ତକ ଲେଖି ବିଶ୍ବ ସାହିତ୍ଯରେ ସୃଷ୍ଟି କରିଛନ୍ତି ସ୍ବତନ୍ତ୍ର ପରିଚୟ।

ସେପଟେ ବୁକ ଷ୍ଟୋର କର୍ତ୍ତୃପକ୍ଷ କହିଛନ୍ତି ବିଜୁ ବାବୁ ମଧ୍ଯ ତାଙ୍କ ବହି ଦୋକାନକୁ ଆସୁଥିଲେ। ବହି କିଣା ସାଙ୍ଗକୁ ସେଠାରେ ଉପସ୍ଥିତ ଲୋକଙ୍କ ସହ କଥା ହୋଇଥିଲେ ନବୀନ। ପିଲାଙ୍କ ସହ ସେଲଫି ନେବା ପରେ ପୁଣି ଫେରିଯାଇଥିଲେ ନବୀନ ନିବାସ। ସେପଟେ ଦୋକାନ ମାଲିକ କହିଛନ୍ତି- ପୂର୍ବରୁ ବିଜୁ ପଟ୍ଟନାୟକ ବି ଏହି ଷ୍ଟୋରକୁ ଆସିଥିଲେ। ମୁଖ୍ଯମନ୍ତ୍ରୀ ନବୀନ ଅଢେଇ ହଜାର ଟଙ୍କାର ପୁସ୍ତକ କିଣିଥିଲେ। ମୁଖ୍ଯମନ୍ତ୍ରୀ ସମ୍ପୂର୍ଣ୍ଣ ଫିଟ ଅଛନ୍ତି ବୋଲି ସେ କହିଛନ୍ତି।

ପ୍ରଶାନ୍ତ ଜଗଦ୍ଦେବଙ୍କ ଜାମିନ ଖାରଜ ପରେ ପୀତାମ୍ବରଙ୍କ ପ୍ରଳାପ!

ନନ୍ଦିଘୋଷ ବ୍ୟୁରୋ: ବିଜେପିର ବାହୁବଳୀ ବିଧାୟକ ପ୍ରାର୍ଥୀ ପ୍ରଶାନ୍ତ ଜଗଦେବଙ୍କ ଜାମିନ୍ ଆବେଦନ ଖାରଜ ହୋଇଯିବା ପରେ ହିତାହିତ ଜ୍ଞାନ ଭୁଲିଗଲେ ତାଙ୍କ ଓକିଲ ତଥା ବିଜେପିର ବରିଷ୍ଠ ନେତା ପୀତାମ୍ବର ଆଚାର୍ଯ୍ଯ। ସେ କହୁଛନ୍ତି ଚାପରେ ପଡି ପୋଲିସ୍ ମିଛ କେସ କରିଛି। ପ୍ରଶ୍ନ ଉଠୁଛି କୋର୍ଟ ମଧ୍ଯ କଣ ଚାପରେ ପଡି ଜାମିନ୍ ନାକଚ କରି ଦେଲେ କି ? ଲୋକେ କହୁଛନ୍ତି ପ୍ରଶାନ୍ତଙ୍କ ଓକିଲ ପୀତାମ୍ବରଙ୍କ ଏହା କେବଳ ପ୍ରଳାପ। ଜଗଦେବଙ୍କ ଜାମିନ୍ ଆବେଦନ ଖାରଜ ହୋଇଯିବା ଖବର ଶୁଣିବା ପରେ ପ୍ରଳାପ କରୁଛନ୍ତି ପୀତାମ୍ବର। ଦୁଇଜଣ ଆଇପିଏସ ଅଫିସରଙ୍କ ପ୍ରତି ଅପଶବ୍ଦ ମଧ୍ଯ ପ୍ରୟୋଗ କରିଛନ୍ତି ପୀତାମ୍ବର। ଏହା ତାଙ୍କୁ କାଠଗଡ଼ାକୁ ଟାଣିପାରେ। ଜଣେ ବରିଷ୍ଠ ଆଇପିଏସ ଅଫିସରଙ୍କୁ କହିଲେ ଅଭ୍ଯାସଗତ ଅପରାଧୀ।

ସାଧାରଣରେ ପ୍ରଶ୍ନ, ପୀତାମ୍ବର ଆଚାର୍ଯ୍ଯ କହି ପାରିବେ କି ଏନେଇ ତାଙ୍କ ପାଖରେ କଣ ପ୍ରମାଣ ଅଛି ? ଅନ୍ଯଜଣେ ଆଇପିଏସ ଅଫିସରଙ୍କୁ କହିଲେ ସେ କୁଆଡ଼େ ବନ୍ଧୁକ ଦେଖାଇ ଲୋକଙ୍କୁ ଭୟଭୀତ କରୁଛନ୍ତି। ବିଧାୟକ ପ୍ରାର୍ଥୀଙ୍କ ପାଇଁ ପୋଲିସ୍ ଗାଡ଼ିରେ ଟଙ୍କା ବାଣ୍ଟୁଛନ୍ତି। ମୁଖ୍ଯମନ୍ତ୍ରୀଙ୍କୁ କହିଲେ ଗୋଇଠା ଖିଆ ମୁଖ୍ଯମନ୍ତ୍ରୀ । ଏ ତିନିଟି ଶବ୍ଦ ମହଙ୍ଗା ପଡିବ କି ପୀତାମ୍ବରଙ୍କୁ ? ପୀତାମ୍ବର ଜଣେ ରାଜନେତା ଓ ଆଇନଜୀବୀ। ପ୍ରଶ୍ନ ଉଠୁଛି ଜଣେ ଆଇନଜୀବୀ ହୋଇ କିଭଳି କହିଲେ ଆଇନ ଅସମ୍ମତ ଶବ୍ଦ ? ଏଭଳି ମାନହାନୀ କଲା ଭଳି ଶବ୍ଦ ବ୍ଯବହାରୀକାରୀଙ୍କ ବିରୋଧରେ ଆଇନରେ ରହିଛି ଦଣ୍ଡବିଧାନର ବ୍ଯବସ୍ଥା, ଏକଥା ଭୂଲି ଗଲେ କି ପୀତାମ୍ବର?

ଅତି ବୁଦ୍ଧିରେ ବାଇ ଭଳି ହୋଇଛି କି ପୀତାମ୍ବରଙ୍କ ପରିସ୍ଥିତି। ସଂପୃକ୍ତ ଆଇପିଏସ ଅଧିକାରୀମାନେ ଏହା ବିରୋଧରେ ନେବେ କି ଆଇନର ଆଶ୍ରୟ ? ଆସନ୍ତାକାଲି ଶେଷ ପର୍ଯ୍ଯାୟ ନିର୍ବାଚନ ଥିଲା ବେଳେ ଏବେ ଚାଲିଛି ସାଇଲେଣ୍ଟ ପିରିୟଡ। ପୀତାମ୍ବରଙ୍କ ସଂପୃକ୍ତ ବକ୍ତବ୍ୟ ଆଦର୍ଶ ଆଚରଣବିଧିର ଉଲଙ୍ଘନ କରୁ ନାହିଁ କି  ? ପୀତମ୍ବରଙ୍କ ମିଡିଆ ପ୍ରତିକ୍ରିୟା ଭୋଟରଙ୍କ ଉପରେ ପ୍ରଭାବ ପକାଇବ ନାହିଁ କି ? ଆଇନଜୀବୀ ବୋଲି ପୀତାମ୍ବରଙ୍କ ପ୍ରଳାପକୁ ପ୍ରଶ୍ରୟ ଦେବ କି ଆଇନ୍ ?

ସ୍ବାଧିନ ପ୍ରାର୍ଥୀଙ୍କ ପାଇଁ ପ୍ରଚାର କରୁଥିବା କନଷ୍ଟେବଳ ସଞ୍ଜୟ କୁମାର ବଳଙ୍କ ବିରୋଧରେ ସିଇଓଙ୍କ ନିକଟରେ ଫେରାଦ ହେଲା ବିଜେଡି

ନନ୍ଦିଘୋଷ ବ୍ୟୁରୋ: ଭୁବନେଶ୍ୱର ସପ୍ତମ ବାଟାଲିଅନରେ କନଷ୍ଟେବଳ ଭାବେ କାର୍ଯ୍ୟରତ କଟକ ଜିଲ୍ଲା ମାହାଙ୍ଗା ଅଞ୍ଚଳର ସଞ୍ଜୟ କୁମାର ବଳଙ୍କ ବିରୋଧରେ ବିଜେଡି ସିଇଓଙ୍କ ନିକଟରେ ଫେରାଦ ହୋଇଛି । ନିଜ ପଦର ଅପବ୍ୟବହାର କରି ସଞ୍ଜୟ ମାହାଙ୍ଗାର ସ୍ୱାଧୀନ ପ୍ରାର୍ଥୀ ଶାରଦା ପ୍ରଧାନଙ୍କ ପାଇଁ ଖୋଲାଖୋଲି ପ୍ରଚାର କରୁଥିବା ଅଭିଯୋଗ ହୋଇଛି। ଯାହାକି ଆଦର୍ଶ ଆଚରଣ ବିଧିର ଖୋଲା ଉଲ୍ଲଙ୍ଘନ। ନିଜ କ୍ଷମତାର ଅପବ୍ୟବହାର କରି ସଞ୍ଜୟ ବଳ ସ୍ୱାଧୀନ ପ୍ରାର୍ଥୀ ଶାରଦାଙ୍କ ପାଇଁ ଭୋଟରଙ୍କୁ ଟଙ୍କା ବାଣ୍ଟିବା ତଥା ଭୋଟରଙ୍କୁ ଧମକାଇବା ଭଳି କାର୍ଯ୍ୟରେ ଲିପ୍ତ ରହୁଥିବା ସିଇଓଙ୍କୁ ବିଜେଡି ପକ୍ଷରୁ ଅଭିଯୋଗ କରାଯାଇଛି। ସଞ୍ଜୟ କୁମାର ବଳଙ୍କ ଏଭଳି କାଣ୍ଡ ନିର୍ବାଚନରେ ଆଇନଶୃଙ୍ଖଳା ପରିସ୍ଥିତି ସୃଷ୍ଟି କରିପାରେ ବୋଲି କୁହାଯାଇଛି । ତେଣୁ ସଞ୍ଜୟ କୁମାର ବଳଙ୍କ ବିରୋଧରେ କାର୍ଯ୍ୟାନୁଷ୍ଠାନ ପାଇଁ ବିଜେଡି ପକ୍ଷରୁ ଦାବି କରାଯାଇଛି।

ଚୋରି ଅଭିଯୋଗରେ ୧୧ ଜଣ ଗିରଫ

ନନ୍ଦିଘୋଷ ବ୍ୟୁରୋ: କୋଟିଏ ଟଙ୍କାର ପାଣି ପାଇପ୍ ଚୋରି ଅଭିଯୋଗରେ ୧୧ ଜଣ ଗିରଫ। ଚନ୍ଦକା ପୋଲିସ ସହାୟତାରେ ଗିରଫ କଲା ସ୍ପେଶାଲ ସ୍କ୍ୱାର୍ଡ । RWSSର ପାଣି ପାଇପ କାମ ଚାଲିଥିବା ବେଳେ ମୂଲ୍ୟବାନ ପାଇପ ଚୋରି ନେଇ ଆସିଥିଲା ଅଭିଯୋଗ। ଏକ ୧୫ ଜଣିଆ ଗ୍ୟାଙ୍ଗ ସାରା ଓଡିଶାରୁ ଏଭଳି ପାଣି ପାଇପ ଚୋରି କରୁଥିବା ଖବର ପାଇବା ପରେ  ସେମାନଙ୍କ ମଧ୍ୟରୁ ୧୧ ଜଣଙ୍କୁ ଗିରଫ କରାଯାଇଛି। ଚୋରି କରିବା ପରେ ଅଭିଯୁକ୍ତ ମନେ ଫର୍ଜି ଡକ୍ୟୁମେଣ୍ଟ ଓ ଚାଲାଣ ତିଆରି କରି ରାୟପୁର, ଭିଲାଇକୁ ଏସବୁ ସପ୍ଲାଏ କରୁଥିଲେ। ସେଠାରେ ପହଁଚିବା ପରେ ପାଇପ ଗୁଡିକୁ ତରଳାଇ ମୋଟା ଅଙ୍କର ଟଙ୍କା ରୋଜଗାର କରୁଥିଲେ ଅଭିଯୁକ୍ତ। ଏହି ଗ୍ୟାଙ୍ଗର ମୁଖ୍ୟ ଅଭିଯୁକ୍ତ ଚନ୍ଦକା ଅଞ୍ଚଳର ସୁଧୀର ବେହେରାକୁ କାବୁ କରିବା ପରେ ପୋଲିସ ପୁରା ଗ୍ୟାଙ୍ଗ ସମ୍ପର୍କରେ ଖବର ପାଇଥିଲା । ରୋଚକ କଥା ହେଉଛି ଗତ କିଛି ଦିନ ତଳେ ଚର୍ଚ୍ଚାରେ ଥିବା ଟୁଙ୍ଗୁରୁ ଭୋଳ ଏହି କେସରେ ଅନ୍ୟତମ ଅଭିଯୁକ୍ତ ବୋଲି ସୂଚନା ଦେଇଛନ୍ତି ଭୁବନେଶ୍ୱର ଡିସିପି। ରାୟଗଡା, ଖୋର୍ଦ୍ଧା, କଟକ ଓ ଗଞ୍ଜାମ ରେ ମଧ୍ୟ ଏମାନଙ୍କ ନାଁ ରେ ଅନେକ କେସ ରହିଛି। ଅଧିକ ତଦନ୍ତ ପାଇଁ ଖୁବଶୀଘ୍ର ଏମାନଙ୍କୁ ରିମାଣ୍ଡରେ ଅଣାଯିବ ବୋଲି କହିଛନ୍ତି ଡିସିପି ।