ନନ୍ଦିଘୋଷ ବ୍ୟୁରୋ: କେନ୍ଦୁଝର ଜିଲ୍ଲା ବାରିଆ ଥାନା ଫୁଲକଅଁଳେଇ ଗ୍ରାମରେ ଅଘଟଣ । ମହୁମାଛି ଆକ୍ରମଣରେ ୧୦ରୁ ଉର୍ଦ୍ଧ୍ବ ଆହତ ହୋଇଛନ୍ତି । ୬ ଜଣଙ୍କୁ ଗୁରୁତର ଅବସ୍ଥାରେ ଭଣ୍ଡା ମେଡିକାଲରେ ଭର୍ତ୍ତି କରାଯାଇଛି । ଫୁଲକଅଁଳେଇ ଗ୍ରାମରେ ୪ ଦିନ ଧରି ଚବିଶ ପ୍ରହର ନାମଯଜ୍ଞ ଚାଲୁ ରହିଥିଲା । ଆଜି ଶେଷଦିନରେ ଗାଁ ମୁଣ୍ଡରେ ରାଧାକୃଷ୍ଣଙ୍କ ମେଳଣ ସମୟରେ ପାଖରେ ଥିବା ଏକ ଗଛରୁ ମହୁମାଛି ଅତର୍କିତ ଆକ୍ରମଣ କରିଥିଲେ । ଗୁରୁତର ମଧ୍ୟରୁ ୨ ଜଣ ଙ୍କ ଅବସ୍ଥା ଶଙ୍କଟାପନ୍ନ ରହିଛି
ଭୁବନେଶ୍ବର ପଳାଶୁଣୀ ଛକରେ ଭୟଙ୍କର ସିରିଜ ଦୁର୍ଘଟଣା
ଭୁବନେଶ୍ବର: ପଳାଶୁଣୀ ଛକରେ ଭୟଙ୍କର ସିରିଜ ଦୁର୍ଘଟଣା । ବୋଲେରୋ, କାର ଏବଂ ପିକଅପ ଗାଡି କୁ ପଛରୁ ଧକା ଦେଲା ଟ୍ରକ । ଦୁର୍ଘଟଣାରେ ୩ ରୁ ଅଧିକ ଲୋକ ଆହତ । ସମସ୍ତଙ୍କୁ ମେଡିକାଲ ରେ ଭର୍ତ୍ତି କରିଛି ପୋଲିସ । ଦୁର୍ଘଟଣା ଘଟାଇଥିବା ଗାଡିକୁ ଜବତ କରି ତଦନ୍ତ କରୁଛି ମଞ୍ଚେଶ୍ୱର ଥାନା ପୋଲିସ । ଦୁର୍ଘଟଣା ହେତୁ ପଳାଶୁଣୀ ଛକରେ ଦୀର୍ଘ ସମୟ ଟ୍ରାଫିକ ଜାମ ହୋଇଛି ।
ଅନୁଗୁଳରେ କାର୍ତ୍ତିକ ପାଣ୍ଡିଆନଙ୍କ ମେଗା ରୋଡ୍ ଶୋ’
ନନ୍ଦିଘୋଷ ବ୍ୟୁରୋ: ଅନୁଗୁଳରେ ବିଜେଡିର ବରିଷ୍ଠ ନେତା କାର୍ତ୍ତିକ ପାଣ୍ଡିଆନଙ୍କ ମେଗା ରୋଡ୍ ଶୋ’ । ରୋଡ୍ ଶୋ’ରେ ଯୋଗ ଦେଇଛନ୍ତି ଶତାଧିକ ଜନତା । ଜନସମୁଦ୍ର ପାଲଟିଛି ଅନୁଗୁଳ ସହର । କାର୍ତ୍ତିକ ପାଣ୍ଡିଆନଙ୍କୁ ଭବ୍ୟ ସମ୍ବର୍ଦ୍ଧନା ଦେବା ସହ ଫୁଲ ପକାଇ ସ୍ବାଗତ କରିଥିଲେ । ବିଜେଡି ପ୍ରାର୍ଥୀଙ୍କ ପାଇଁ ପ୍ରଚାର କରିବା ସହ ଯୋଡ଼ି ଶଙ୍ଖରେ ଭୋଟ ଦେବାକୁ ସେ ଅପିଲ କରିଛନ୍ତି ।
ଆନ୍ଧ୍ରପ୍ରଦେଶର ସମୁଦାୟ ୨୫ ଲୋକସଭା ଆସନ ଓ ସମସ୍ତ ୧୭୫ ବିଧାନସଭା ଆସନରେ ସରିଲା ଭୋଟ୍
ନନ୍ଦିଘୋଷ ବ୍ୟୁରୋ: ଆନ୍ଧ୍ରପ୍ରଦେଶର ସମୁଦାୟ ୨୫ ଲୋକସଭା ଆସନ ଓ ସମସ୍ତ ୧୭୫ ବିଧାନସଭା ଆସନରେ ସରିଲା ଭୋଟ। ୨୫ ଲୋକସଭା ଆସନ ଲାଗି ପ୍ରାର୍ଥୀ ୫୦୩ ଜଣ ଥିବାବେଳେ ୧୭୫ ବିଧାନସଭା ଆସନ ଲାଗି ପ୍ରାର୍ଥୀ ଅଛନ୍ତି ୨, ୭୦୫ ଜଣ। ମଇଦାନରେ YSRCP ନେତା ଜଗନ ମୋହନ ରେଡ୍ଡୀ ଥିବାବେଳେ ସେ ଲଢୁଛନ୍ତି ପୁଲିବେନ୍ଦୁଲା ଆସନରୁ। ଟିଡିପି ନେତା ତଥା ପୂର୍ବତନ ମୁଖ୍ଯମନ୍ତ୍ରୀ ଚନ୍ଦ୍ରବାବୁ ନାଇଡୁ କୁପ୍ପମ ଆସନରୁ ଲଢୁଛନ୍ତି। ପିଠାପୁରମ ବିଧାନସଭା ଆସନରୁ ଲଢୁଛନ୍ତି ଜନସେନା ମୁଖ୍ଯ ପୱନ କଲ୍ଯାଣ। କେବଳ ଓ୍ବାଇଏସଆରସିପି ପୁଣି ସରକାର କରିବ ନା ହେବ ଏନଡିଏ ସରକାର ନା ଇଣ୍ଡିଆ ମେଣ୍ଟ ସରକାର । ୧୭୫ ଆସନ ବିଶିଷ୍ଟ ବିଧାନସଭାରେ ବର୍ତ୍ତମାନ ଓ୍ବାଇଏସଆରସିପିର ସଦସ୍ଯ ସଂଖ୍ଯା ରହିଛି ୧୩୫ । ଏନଡିଏ ସଦସ୍ଯ ସଂଖ୍ଯା ରହିଛି ୨୬ । ସେଥିରେ ଟିଡିପିର ୨୩, ବିଜେପିର ୨, ଜନସେନାର ଜଣେ ବିଧାୟକ ରହିଛନ୍ତି । ତେଣେ ଇଣ୍ଡିଆ ମେଣ୍ଟରେ ଅଛନ୍ତି କଂଗ୍ରେସର ମାତ୍ର ୪ ସଦସ୍ଯ । ୨୦୧୪ରୁ ୨୦୧୯ ରାଜ୍ଯରେ ତେଲଗୁ ଦେଶମ ପାର୍ଟି ସରକାର କରିଥିଲା ଏବଂ ମୁଖ୍ଯମନ୍ତ୍ରୀ ଥିଲେ ଏନ. ଚନ୍ଦ୍ରବାବୁ ନାଇଡୁ ।
୨୦୧୯ରେ ପୂର୍ବତନ ମୁଖ୍ଯମନ୍ତ୍ରୀ ଓ୍ବାଇଏସ ରାଜଶେଖର ରେଡ୍ଡୀଙ୍କ ପୁଅ ଜଗନ ମୋହନଙ୍କ ନେତୃତ୍ବାଧୀନ ଓ୍ବାଇଏସଆରସିପି ରାଜ୍ଯରେ ସରକାରରେ ରହିଛି । ଚଳିତ ନିର୍ବାଚନରେ ଓ୍ବାଇଏସଆରସିପି ଏକାକୀ ନିର୍ବାନନ ଲଢୁଥିବାବେଳେ ଟିଡିପି-ବିଜେପି-ଜନସେନା କରିଥିଲେ ମେଣ୍ଟ । କଂଗ୍ରେସ ଓ ବାମପନ୍ଥୀ ଦଳଙ୍କ ମଧ୍ଯରେ ହୋଇଥିଲା ମେଣ୍ଟ । ଲୋକସଭା କ୍ଷେତ୍ରରେ ବିଜେପି ୬, ଟିଡିପି ୧୭, ଜନସେନା-୨ ଆସନରେ ଲଢିଛନ୍ତି । ବିଧାନସଭା କ୍ଷେତ୍ରରେ ବିଜେପି ୧୦, ଟିଡିପି ୧୪୪, ଜନସେନା ୨୧ ଆସନରେ ଲଢିଛନ୍ତି । ପୁଲିବେନ୍ଦୁଲା ଆସନରୁ ଲଢୁଛନ୍ତି ମୁଖ୍ଯମନ୍ତ୍ରୀ ଜଗନ ମୋହନ ରେଡ୍ଡୀ । ବିଧାନସଭା ମଇଦାନରେ ୬ ପୂର୍ବତନ ମୁଖ୍ଯମନ୍ତ୍ରୀଙ୍କ ପୁଅ ଅବତୀର୍ଣ୍ଣ ହୋଇଛନ୍ତି ।
କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କୁ କାର୍ତ୍ତିକ ପାଣ୍ଡିଆନଙ୍କ ଜବାବ
ନନ୍ଦିଘୋଷ ବ୍ୟୁରୋ: କୋଇଲା ରୟାଲ୍ଟି ବୃଦ୍ଧି ପ୍ରସଙ୍ଗରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଦେଇଥିବା ବିବୃତିର ଜବାବ ଦେଇଛନ୍ତି 5T ଅଧ୍ୟକ୍ଷ ତଥା ବିଜେଡି ବରିଷ୍ଠ ନେତା କାର୍ତ୍ତିକ ପାଣ୍ଡିଆନ। ତାଳଚେରରେ ଥିବା ମହାନଦୀ କୋଲ ଫିଲ୍ଡ ଗତବର୍ଷ ୨୭ହଜାର ୪୫୦ କୋଟି ଟଙ୍କା ଲାଭ କରିଛି। ସେଥିରୁ ଓଡିଶାର ରୟାଲ୍ଟି ଭାଗ ୩୫୦୦ କୋଟି ଓ ଡିଏମଏଫ ପାଣ୍ଠିରୁ ହଜାରେ କୋଟି ଏମତି ଓଡିଶା ପାଇଛି ୪୫୦୦ କୋଟି। ତାଳଚେର ପ୍ରଚାର ସଭାରେ କେନ୍ଦ୍ରମନ୍ତ୍ରୀଙ୍କୁ ଟାର୍ଗେଟ କରି ସେ କହିଥିଲେ ଯେ, ଓଡିଶାର ପାଣି, ପବନ ଓ ମାଟିରୁ ଏମସିଏଲ ୨୭ହଜାର ୪୫୦ କୋଟି ଲାଭ କରୁଛି । କିନ୍ତୁ ରାଜ୍ୟକୁ ମିଳୁଥିବା ଭାଗ ସନ୍ତୋଷଜନକ ନୁହେଁ। ଏ ଟଙ୍କା କୁଆଡେ ଯାଉଛି, କିଏ ନେଉଛି ସେ କଥା ସମସ୍ତେ ଜାଣନ୍ତି। ତେଣୁ ଏବାବଦରେ ପଚାରିଲେ ଧର୍ମେନ୍ଦ୍ର ପ୍ରଧାନ ରାଗିଯାଇ ମୁଖ୍ୟମନ୍ତ୍ରୀଙ୍କୁ ଅସମ୍ମାନ କରୁଛନ୍ତି ଓ ଅଶାଳୀନ କଥା କହୁଛନ୍ତି। ବିଜେଡି କିନ୍ତୁ ତାଳଚେର ଓ ଅନୁଗୁଳର ହକ ପାଇଁ ଲଢେଇ କରିବ। ୨୦୦୪ରୁ କୋଇଲା ରୟାଲ୍ଟି ବଢିଥିଲେ ଓଡିଶା ଏଭିତରେ ୧୦ କୋଟି ରୟାଲ୍ଟି ଓ ଡିଏମଏମ ପାଣ୍ଠିରୁ ଆଉ ୨ହଜାର କୋଟି ମିଳିଥନ୍ତା।ବିଜେପି ନେତାମାନେ ଖାଲି ଦିନରେ ଲଣ୍ଠନ ଦେଖାଉଛନ୍ତି। ଧର୍ମେନ୍ଦ୍ର ପ୍ରଧାନ ବି ସେହି ଲଣ୍ଠନ ନେତାଙ୍କ ସହ ସାମିଲ। ତାଙ୍କ ବଡବାବୁମାନେ ଯାହା କହିବେ ମୁଣ୍ଡିଆ ମାରି ଗ୍ରହଣ କରିବେ ବୋଲି ସେ କହିଛନ୍ତି।
ନିୟମଗିରି ଅଞ୍ଚଳରେ ସୁରୁଖୁରୁରେ ମତଦାନ ସାବ୍ଯସ୍ତ କଲେ ଭୋଟର
ନନ୍ଦିଘୋଷ ବ୍ୟୁରୋ: ଚଳିତ ନିର୍ବାଚନରେ ମାଓ ଅଞ୍ଚଳ ଉପରେ ଥିଲା ସମସ୍ତଙ୍କ ନଜର । ତେବେ ମାଓଗଡ଼ ନିୟମଗିରି ଅଞ୍ଚଳରେ ସୁରୁଖୁରୁରେ ମତଦାନ ସାବ୍ଯସ୍ତ କରିଛନ୍ତି ଭୋଟର । ରାୟଗଡ଼ା ଜିଲ୍ଲା କଲ୍ୟାଣସିଂହପୁର ବ୍ଲକ ପାର୍ସାଲି ପଞ୍ଚାୟତର ୩୪ଟି ଗାଁ ପାଇଁ ଦୁଇଟି ବୁଥ ହୋଇଥିଲା । ବୁଡୁଣି ୧୬ଟି ଗାଁର ଓ ପାର୍ସାଲିରେ ୧୮ଟି ଗାଁର ଡଙ୍ଗରିଆ ମହିଳା ଓ ପୁରୁଷ ଦେଇଛନ୍ତି ଭୋଟ । ମାଓବାଦୀ ଅଞ୍ଚଳ ହୋଇଥିବାରୁ ପାହାଡ଼ ଚାରିପଟେ ଯବାନମାନେ କମ୍ବିଂ ଅପରେସନ ଜୋରଦାର କରିଥିଲେ । ପ୍ରଥମ ଥର ଭୋଟ୍ ଦେଇଛନ୍ତି ତୁଳସୀଘାଟି ଭୋଟର । ମାଓବାଦୀଙ୍କ ନାଲିଆଖି ଯୋଗୁ ଗଣତନ୍ତ୍ରର ପର୍ବରେ ସାମିଲ ହୋଇପାରୁ ନଥିଲେ । ଏବେ କିନ୍ତୁ ମାଓ ଭୟ ନଥିବାରୁ ନିଶ୍ଚିନ୍ତରେ ଭୋଟ୍ ଦେଇଛନ୍ତି । ସେପଟେ କୋରାପୁଟ ଜିଲ୍ଲା ଲମତାପୁଟ ବ୍ଲକର ହନୁମାଳ ମାଓ ଅଞ୍ଚଳରେ ପ୍ରଥମଥର ପାଇଁ ଭୋଟ ଦେଇଛନ୍ତି ଅଞ୍ଚଳବାସୀ । ଲମତାପୁଟ ବ୍ଲକର ୫୩ଟି ପୋଲିଙ୍ଗ ବୁଥରେ ଭୋଟ ଦେବାପାଇଁ ଦେଖିବାକୁ ମିଳିଥିଲା ପ୍ରବଳ ଉତ୍ସାହ । ସେହିପରି କୋରାପୁଟ ଜିଲ୍ଲାର କୋଟିଆରେ ଶାନ୍ତି ଶୃଙ୍ଖଳାର ସହ ସରିଛି ଭୋଟିଂ । କୋଟିଆ ,ତଳକାଣ୍ଟି, ଫଗୁଣସିନେରି, ମାଡକାର୍, ଗଞ୍ଜେଇପଦର, ଗୁମେଲପଦର, ଥୁରିଆ, ଟାଉପଦର, ରଣାସିଂ ଠାରେ ଭୋଟ ଗ୍ରହଣ ପାଇଁ ୯ଟି ବୁଥ କରାଯାଇଥିଲା । ତେବେ ସବୁଠାରୁ ଉତ୍ସାହ ଦେଖିବାକୁ ମିଳିଥିଲା ମାଲକାନଗିରି ଜିଲ୍ଲା ଚିତ୍ରକୋଣ୍ଡା ସ୍ୱାଭିମାନ ଅଞ୍ଚଳରେ । ପ୍ରଥମଥର ପାଇଁ ଗଣତନ୍ତ୍ରର ଏହି ମହାନ ପର୍ବରେ ସାମିଲ ହୋଇ ନିଜ ଅଞ୍ଚଳରେ ଭୋଟ ଦେଇଥିଲେ ସ୍ବାଭିମାନ ଅଞ୍ଚଳବାସୀ । ମାଓବାଦୀଙ୍କ ଭୟରେ ନିର୍ବାଚନରୁ ଅନେକ ସମୟରେ ବଞ୍ଚିତ ଥିବା ଭୋଟର ନିଜ ଅଞ୍ଚଳରେ ଭୋଟ ଦେଇ ଖୁସି ପ୍ରକାଶ କରିଛନ୍ତି । ନୂଆ ଭୋଟରଙ୍କଠାରୁ ଆରମ୍ଭ କରି ବୃଦ୍ଧ ଓ ମହିଳା ସଭିଏଁ ଲମ୍ବା ଧାଡ଼ିରେ ଯାଇ ମତାଧିକାର ସାବ୍ଯସ୍ତ କରିଥିଲେ ।
ବୈଶାଖ ମାସରେ ନୃସିଂହନାଥଙ୍କ ପୀଠରେ ଲାଗି ହେଉଛି ପଖାଳ ଭୋଗ
ନନ୍ଦିଘୋଷ ବ୍ୟୁରୋ: ସାରା ରାଜ୍ଯରେ ବଢ଼ିଚାଲିଛି ଗ୍ରୀଷ୍ମପ୍ରବାହ। ସେହି ଅନୁସାରେ ଜନସାଧାରଣ ଖାଦ୍ୟ ପାନୀୟ ପରିବର୍ତ୍ତନ କରୁଛନ୍ତି। ଏଥିରୁ ବିଭିନ୍ନ ଦେବାଦେବୀ ବାଦ ପଡ଼ିନାହାନ୍ତି। ବୈଶାଖ ମାସର ପ୍ରଚଣ୍ଡ ରୌଦ୍ରତାପ ଯୋଗୁ ବରଗଡ଼ ଜିଲ୍ଲା ନୃସିଂହନାଥ ପୀଠରେ ପଖାଳ ଭୋଗ ଲାଗି ହେବା ସହ ଭକ୍ତଙ୍କୁ ଅର୍ପଣ କରାଯାଉଛି ।
ବରଗଡ ଜିଲ୍ଲାର ଦକ୍ଷିଣ ସୀମାନ୍ତରେ ଅବସ୍ଥିତ ପ୍ରସିଦ୍ଧ ଗନ୍ଧମାର୍ଦ୍ଧନ ପର୍ବତ । ପର୍ବତର ପାଦ ଦେଶରେ ଘଞ୍ଚ ବନାନୀ ଘେରା ପରିବେଶରେ ଅବସ୍ଥିତ ପବିତ୍ର ନୃସିଂହନାଥ ମନ୍ଦିର । ଏଠାରେ ପୂଜା ପାଉଛନ୍ତି ଭଗବାନ ବିଷ୍ଣୁଙ୍କର ଅନ୍ଯତମ ସ୍ବରୂପ ମାର୍ଜାରକେଶରୀ । ତେବେ ବୈଶାଖ ମାସର ପ୍ରଚଣ୍ଡ ଗ୍ରୀଷ୍ମପ୍ରବାହ ଯୋଗୁ ନୃସିଂହନାଥଙ୍କ ପୀଠରେ ହୋଇଛି ସ୍ଵତନ୍ତ୍ର ବ୍ଯବସ୍ଥା । ମହାପ୍ରଭୁ ନୃସିଂହନାଥଙ୍କ ମୁଣ୍ଡରେ ଓଦା କପଡା ଓ ଚନ୍ଦନ ଲେପନ କରାଯିବା ସହ ଅପରାହ୍ନରେ ପଖାଳ ଭୋଗ ଅର୍ପଣ କରାଯାଉଛି । ପ୍ରତିବର୍ଷ ଅକ୍ଷୟ ତୃତୀୟା ଠାରୁ ଦଶମୀ ପର୍ଯ୍ୟନ୍ତ ନୃସିଂହନାଥ ପୀଠରେ ପଖାଳ ଭୋଗ ଲାଗି ହୋଇଥାଏ ।
ଦୀର୍ଘ ବର୍ଷ ଧରି ବୈଶାଖ ମାସରେ ନୃସିଂହନାଥଙ୍କ ପୀଠରେ ଲାଗି ଆସୁଛି ପଖାଳ ଭୋଗ । ସାତଦିନ ଧରି ଲାଗିହୋଇଥାଏ ପଖାଳ ଭୋଗ । ଅପରାହ୍ନରେ ମହାପ୍ରଭୁ ନୃସିଂହନାଥଙ୍କଠାରେ ପଖାଳ ଭୋଗ ଲାଗିବା ପରେ ଭକ୍ତମାନଙ୍କୁ ଦିଆଯାଇଥାଏ । ମନ୍ଦିର କମିଟି ତରଫରୁ ପଖାଳ ଭୋଗ ମାଟି ନିର୍ମିତ ପାତ୍ରରେ ବିନା ମୂଲ୍ଯରେ ଭକ୍ତଙ୍କୁ ଦିଆଯାଉଛି । ତେବେ ମନ୍ଦିରକୁ ଆସୁଥିବା ସମସ୍ତ ଭକ୍ତ ପ୍ରସାଦ ପାଇ ନିଜକୁ ସୌଭାଗ୍ଯ ମନେ କରୁଛନ୍ତି ।
ବିଭିନ୍ନ ଦେବାଦେବୀଙ୍କ ଠାରେ ଭିନ୍ନ ଭିନ୍ନ ପ୍ରକାର ଭୋଗ ଲାଗୁଥିବାବେଳେ ବରଗଡ ଜିଲ୍ଲାର ପ୍ରସିଦ୍ଧ ଧର୍ମପୀଠ ନୃସିଂହନାଥଙ୍କ ଠାରେ ବୈଶାଖ ମାସରେ ଲାଗିଥାଏ ପଖାଳ ଭୋଗ । ଯାହାକୁ ପାଇବା ପାଇଁ ଭକ୍ତ ମାନେ ବହୁ ଦୂରଦୂରାନ୍ତରୁ ଛୁଟି ଆସିଥାନ୍ତି ନୃସିଂହନାଥ ପୀଠକୁ ।
ଅପହଞ୍ଚ ଅଞ୍ଚଳରେ ଦେବଦୂତ ସାଜିଲେ ସ୍ଵେଚ୍ଛାସେବୀ
ନନ୍ଦିଘୋଷ ବ୍ୟୁରୋ: ସୁନ୍ଦରଗଡ଼ ଜିଲ୍ଲା ଲହୁଣୀପଡ଼ା ବ୍ଲକ ଦଲଦଲି ସାହି ଲୋକଙ୍କ ଦୁଃଖ ହେଲା ଦୂର । ଗାଁରେ ଲୋକଙ୍କ ପାଇଁ ଦେବଦୂତ ସାଜିଲେ ସ୍ଵେଚ୍ଛାସେବୀ । ସ୍ବେଚ୍ଛାସେବୀମାନେ ନିଜ ଖର୍ଚ୍ଚରେ ଗାଁରେ ନିର୍ମାଣ କରିଛନ୍ତି ରାସ୍ତା । ଏଥିରେ ସହଯୋଗର ହାତ ବଢ଼ାଇଥିଲେ ସମାଜସେବୀ। ଏନେଇ ଅଞ୍ଚଳବାସୀ ଖୁସି ବ୍ଯକ୍ତ କରିଛନ୍ତି ।
ଅପହଞ୍ଚ ଅଞ୍ଚଳରେ ଦେବଦୂତ ସାଜିଲେ ସ୍ଵେଚ୍ଛାସେବୀ । ଏଣିକି ଗାଁକୁ ପଶିବ ଆମ୍ବୁଲାନ୍ସ । ଉପକୃତ ହେବେ ସୁନ୍ଦରଗଡ ଜିଲ୍ଲା ଲହୁଣୀପଡା ବ୍ଲକ କପଣ୍ଡ ଗାଁର ଦଲଦଲି ସାହି ଲୋକ । ଏଠାରେ ବାସ କରନ୍ତି ୨୫ରୁ ଅଧିକ ପରିବାର । ୩୦ ବର୍ଷରୁ ଅଧିକ ବର୍ଷ ହେବ ସ୍ଥାପିତ ଏହି ସାହିରେ ଭଲ ରାସ୍ତା ନଥିବାରୁ ଲୋକ ଅସୁବିଧାର ସମ୍ମୁଖୀନ ହେଉଥିଲେ । ରୋଗୀଙ୍କୁ ମେଡିକାଲରେ ପହଞ୍ଚାଇବା ପାଇଁ ଖଟିଆର ଆଶ୍ରା ନେବାକୁ ପଡୁଥିଲା । ଏହାକୁ ଦେଖି ଅଞ୍ଚଳର କିଛି ସ୍ଵେଚ୍ଛାସେବୀ ଯୁବକ ନିଜ ଖର୍ଚ୍ଚରେ ରାସ୍ତା ନିର୍ମାଣ କରିଛନ୍ତି । ଏବେ ଏହା ସମଗ୍ର ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି l
ସ୍ଵେଚ୍ଛାସେବୀଙ୍କ ପକ୍ଷରୁ ଗାଁରେ ନିର୍ମାଣ ହୋଇଛି ରାସ୍ତା । ଲୋକଙ୍କୁ ସହାୟତାର ହାତ ବଢାଇଛନ୍ତି ସମାଜସେବୀ ଭରତ ମହାନ୍ତି ଓ ତାଙ୍କ ସାଥି । ସମାଜସେବୀଙ୍କ ପକ୍ଷରୁ ରାସ୍ତାରେ ମାଟି ପକାଇ ଚଳପ୍ରଚଳ ଯୋଗ୍ଯ କରିବା ପରେ ଚିକିତ୍ସା ପାଇଁ ରୋଗୀଙ୍କୁ ମେଡିକାଲ ନେବାକୁ ଅସୁବିଧା ହେଉନାହିଁ ।
ପାଲଲହଡ଼ାରେ ଧର୍ମେନ୍ଦ୍ରଙ୍କୁ ଧୋଇଲେ କାର୍ତ୍ତିକ ପାଣ୍ଡିଆନ
ନନ୍ଦିଘୋଷ ବ୍ୟୁରୋ: ପାଲଲହଡ଼ାରେ ଆମ ଓଡ଼ିଶା ନବୀନ ଓଡ଼ିଶା ଅଧ୍ୟକ୍ଷ କାର୍ତ୍ତିକ ପାଣ୍ଡିଆନଙ୍କ ନିର୍ବାଚନୀ ପ୍ରଚାର । ନିଜ ଅଞ୍ଚଳରେ ଧର୍ମେନ୍ଦ୍ର ପ୍ରଧାନଙ୍କୁ କଟାକ୍ଷ କଲେ କାର୍ତ୍ତିକ ପାଣ୍ଡିଆନ । କହିଲେ ଏହି ଜିଲ୍ଲାରୁ ଜଣେ ୧୦ ବର୍ଷ ହେଲା କେନ୍ଦ୍ରମନ୍ତ୍ରୀ ଅଛନ୍ତି। ଏହା ଓଡିଶା ପାଇଁ ଓ ଜିଲ୍ଲା ପାଇଁ ବହୁତ ଖୁସିର କଥା । ସେ କେନ୍ଦ୍ର ଶିକ୍ଷାମନ୍ତ୍ରୀ ଓ ଦକ୍ଷତା ବିକାଶ ମନ୍ତ୍ରୀ ଅଛନ୍ତି, ଚାହିଁଥିଲେ ଅଞ୍ଚଳରେ ସ୍କୁଲ କଲେଜ ଖୋଲିପାରିଥାନ୍ତେ । କେନ୍ଦ୍ରୀୟ ବିଦ୍ୟାଳୟ ଖୋଲିପାରିଥାନ୍ତେ, ପ୍ରତି ବ୍ଲକ୍ରେ ଦକ୍ଷତା ବିକାଶ କେନ୍ଦ୍ର ଖୋଲିପାରିଥାନ୍ତେ । କିନ୍ତୁ କଲେ ନାହିଁ I ଏ ମାଟିର ପୁଅ ହୋଇ କାହିଁକି ପାରିଲେ ନାହିଁ ? ନିଜ ଗାଁ ସ୍କୁଲକୁ ଯାଇ 5T ରୂପାନ୍ତରଣ ଦେଖି ଆସନ୍ତୁ।
* ମାଗଣାରେ ଉଜ୍ଜଳା ଗ୍ଯାସ ମିଳିବ କହିଥିଲେ ହେଲେ ମିଳିଲା ନାହିଁ, ତେଲ ଦର କମିବ କହିଥିଲେ କିନ୍ତୁ କମିଲା ନାହିଁ।
* ଏ ମାଟିର ବରପୁତ୍ର ପବିତ୍ର ମୋହନ ପ୍ରଧାନ ଙ୍କୁ ଭୁଲି ଗଲେ କେନ୍ଦ୍ରମନ୍ତ୍ରୀ। ନବୀନ ସରକାର ପବିତ୍ର ମୋହନ ଙ୍କୁ ସମ୍ମାନ ଦେଇ ତାଙ୍କର ସ୍ମୃତି ପିଠ ନିର୍ମାଣ କରିବା ସହିତ ତାଳଚେର ମେଡିକାଲ କଲେଜ ଏବଂ ତାଳପଦା ସେତୁ କୁ ପବିତ୍ର ବାବୁ ଙ୍କ ନାମ ରେ ନାମିତ କରିଛନ୍ତି।
- ଯେଉଁ ବ୍ୟକ୍ତିର ସେବା ନୁହେଁ, ରାଜନୀତି କରିବା ପାଇଁ ଇଚ୍ଛା ଥିବ, ସେ କେବେ ବି ଜିତି ପାରିବ ନାହିଁ।
- ନବୀନ ପଟ୍ଟନାୟକ କଥାରେ ନୁହେଁ, କାମରେ ବିଶ୍ବାସ କରନ୍ତି, ବିଜେପି ଭଳି ଲୋକଙ୍କୁ ଲଣ୍ଠନ ଦେଖାନ୍ତି ନାହିଁ
- ମୁଖ୍ୟମନ୍ତ୍ରୀ ଭାବେ ପ୍ରଥମ ଦସ୍ତଖତରେ ୯୦ ପ୍ରତିଶତ ଓଡିଶାବାସୀଙ୍କ ବିଜୁଳି ବିଲ୍ ଛାଡ ହେବ କିନ୍ତୁ ଏହି କଥା ଶୁଣି ବିରୋଧୀ ଦଳ କୁ କରେଣ୍ଟ ଲାଗୁଛି।
- ପାଲଲହଡା ରେ ଆଗରୁ କେବେ ଏତେ ବିକାଶ ହୋଇ ନ ଥିଲା ପାଲଲହଡା ବାସୀଙ୍କୁ ବିକାଶ କାମର ହିସାବ ଦେଲେ।
* ଆଗାମୀ ୨୫ ତାରିଖ ରେ ଯୋଡି ଶଂଖ ରେ ଭୋଟ ଦେଇ ବିଧାୟକ ପ୍ରାର୍ଥୀ ମୁକେଶ ପାଲ ଏବଂ ସାଂସଦ ପ୍ରାର୍ଥୀ ଅବିନାଶ ସାମଲ ଙ୍କୁ ପଚାଶ ହଜାର ଭୋଟ ରେ ବିଜୟି କରିବେ।
କେକେଆରର ଏହି ଭୁଲ ନିଷ୍ପତ୍ତି ନେଇ ଗମ୍ଭୀର କଲେ ଖୁଲାସା
ନନ୍ଦିଘୋଷ ବ୍ୟୁରୋ: ଆଇପିଏଲ ୨୦୨୪ ବେଶ ରୋମାଞ୍ଚକ ହେଉଛି । ପ୍ରଥମ ଦଳ ଭାବେ କୋଲକାତା ନାଇଟ ରାଇଡର୍ସ ପ୍ଲେଅଫରେ ପ୍ରବେଶ କରିଛି । ଏବେ ବାକି ୩ଟି ସ୍ଥାନ ପାଇଁ ୭ ଟିମ ମଧ୍ୟରେ ସଂଘର୍ଷ ଦେଖିବାକୁ ମିଳୁଛି । ତେବେ କୋଲକାତା ଦମଦାର ପ୍ରଦର୍ଶନ କରୁଥିବାବେଳେ ଗମ୍ଭୀରଙ୍କୁ ମଧ୍ୟ ଶ୍ରେୟ ଯାଉଛି । ଗୌତମ ଗମ୍ଭୀର ଟିମର ମେଣ୍ଟର ରହିଥିବାବେଳେ ଦଳର ସଫଳତାକୁ ନେଇ ସେ ଅନେକ ଗୁମର କଥା କହିଛନ୍ତି ।
ଏହାସହ ଗମ୍ଭୀର କୋଲକାତା ନାଇଟ ରାଇଡର୍ସର ଏକ ଭୁଲ ନିଷ୍ପତ୍ତି ସମ୍ପର୍କରେ କହିଛନ୍ତି । ସେ କହିଛନ୍ତି ସୂର୍ଯ୍ୟକୁମାର ଯାଦବ ଏବେ ଦମଦାର ଫର୍ମରେ ରହିଛନ୍ତି । ଗମ୍ଭୀର ଅଧିନାୟକତ୍ବ ସମୟରେ ସେ କୋଲକାତା ନାଇଟ ରାଇଡର୍ସ ଦଳର ସଦସ୍ୟ ଥିଲେ । ମାତ୍ର ୨୦୧୭ରେ କୋଲକାତା ତାଙ୍କୁ ଛାଡ଼ି ଦେଇଥିଲା । ଆଉ ସେ ମୁମ୍ବାଇ ଇଣ୍ଡିଆନ୍ସ ଦଳରେ ଖେଳିଥିବାବେଳେ ଦମଦାର ପ୍ରଦର୍ଶନ ଜାରି ରଖିଛନ୍ତି । ଏହା କେକେଆରର ଏକ ଭୁଲ ନିଷ୍ପତ୍ତି ବୋଲି ଗମ୍ଭୀର କହିଛନ୍ତି ।