ଚମ୍ପୁଆ : ଚମ୍ପୁଆ ଥାନା ତଡୁଆ ବାହାଲ ଦୁର୍ଘଟଣା। ନିକଟରେ ୫୨୦ ଜାତୀୟ ରାଜପଥ ଓଡ଼ିଶା ଇଣ୍ଡଷ୍ଟ୍ରିଆଲ ସିକ୍ୟୁରିଟି ଫୋର୍ସ ( OISF) ଯବାନଙ୍କୁ ନେଇ ଗୁଆଲିରୁ ଘଟଗାଁ ଯାଉଥିବା ଏକ ବସକୁ ପଛରୁ ଧକ୍କା ଦେଇ ଫେରାର ହେଲା ଟ୍ରକ। ଭାରସାମ୍ୟ ହରାଇ ବସଟି ଆଗରେ ଯାଉଥିବା ଅନ୍ୟ ଏକ ଟ୍ରକ ପଛରେ ପିଟି ହେବାରୁ ଗାଡ଼ିରେ ବସିଥିବା ଯବାନ ଆହତ ହେଇଛନ୍ତି। ୧୦ ଜଣଙ୍କୁ ଗଭୀର ଆଘାତ ଲାଗିଛି। ଆହତମାନଙ୍କୁ ଚମ୍ପୁଆ ଡାକ୍ତର ଖାନା ଓ ବାସୁଦେବପୁର ଡ଼ାକ୍ତରଖାନାରେ ଚିକିତ୍ସା ପାଇଁ ଭର୍ତ୍ତି କରାଯାଇଛି। ୨୮ ଯବାନଙ୍କୁ ନେଇ ଏହି ବସଟି ଘଟଗାଁ ଆନୁଆଲ କୋର୍ସ ଫାଇରିଙ୍ଗ ପରୀକ୍ଷା କେନ୍ଦ୍ରକୁ ଯାଉଥିବା ବେଳେ ଏହି ଅଘଟଣ ଅଘଟିଛି।
ବଣାଇଁ ବନଖଣ୍ଡର ତାମଡା ବନାଞ୍ଚଳରେ ୬ ଟି ଗାଁରେ ହାତୀ ଉପଦ୍ରବ
ବଣାଇଁ : ୧୨ ଟିକିଆ ହାତୀପଲଙ୍କ ଉତ୍ପାତ। ଗାଁରେ ପସି ଘର ଭାଙ୍ଗିବା ସହ ଘର ଭତିରେ ଥିବା ଧାନ ଚାଉଳକୁ ନଷ୍ଟ କରୁଛି ହାତୀପଲ। ବଣାଇଁ ବନଖଣ୍ଡ ର ତାମଡା ବନାଞ୍ଚଳରେ ୬ ଟି ଗାଁରେ ପସି ଉତ୍ପାତ ମଚାଉଛନ୍ତି ହାତୀପଲ। ଦିନରେ ଘଞ୍ଚ ଜଙ୍ଗଲରେ ରହୁଥିବା ବେଳେ ରାତିହେଲେ ଗାଁ ମୁହାଁ ହେଉଛନ୍ତି। ଏବେ ଧାନ ଅମଳ ସରିଛି, ଆଉ ଅମଳ ଧାନ ଯେଉଁ ଘରେ ରଖା ଯାଇଛି ସେଇ ଘରକୁ ଆସି ଘର ଭାଙ୍ଗି ରଖା ଯାଇଥିବା ଧାନ ବସ୍ତା କୁ ଶୁଣ୍ଢରେ ଟେକି ନେଇ ଖାଇ ନଷ୍ଟ କରି ଦେଉଥିବା ଅଭିଯୋଗ ହେଉଛି l ଅନ୍ୟପଟେ ହାତୀକୁ ଘଉଡାଇବାକୁ ପ୍ରୟାସ କରାଯାଉଛି ବୋଲି ବନ ବିଭାଗ କର୍ମଚାରୀ କହିଛନ୍ତି। ସରକାରଙ୍କ ଗାଈଡ଼ ଲାଇନ ଅନୁସାରେ କ୍ଷତିପୂରଣ ଦିଆଯିବ ବୋଲି ବନବିଭାଗର ଗ୍ରାମବାସୀ ଙ୍କୁ ପ୍ରତିଶ୍ରୁତି ପରେ ମଧ୍ଯ ଅସନ୍ତୋଷ ବୃଦ୍ଧି ପାଇବାରେ ଲାଗିଛି l
ନିଜ ସ୍ତ୍ରୀ ଭାବି ମହିଳାଙ୍କୁ ପ୍ରପୋଜ କରି ହଟହଟା ହେଲେ ଯୁବକ….
ପୁରୀ : ନିଜ ସ୍ତ୍ରୀ ଭାବି ମହିଳା ମାନଙ୍କୁ ଫୁଲ ଦେଇ ଏବଂ ପ୍ରପୋଜ କରି ହଟହଟା ହେଲେ ଜଣେ ଯୁବକ। ଶ୍ରୀମନ୍ଦିର ଦକ୍ଷିଣଦୁଆର ନିକଟରେ ଜଣେ ଯୁବକ ନିଜ ସ୍ତ୍ରୀ ବୋଲି ଭାବି ଅନ୍ୟ ମହିଳା ମାନଙ୍କୁ ଗୋଲାପ ଫୁଲ ଦେବାରୁ ସୁରକ୍ଷାକର୍ମୀ ଏବଂ କିଛି ଯୁବ ସେବାୟତ ମାନଙ୍କ ହାତରେ ଧରା ପଡିଛନ୍ତି। ପଚାରିଲେ କହୁଛନ୍ତି ମୋ ସ୍ତ୍ରୀ ଭାବି ମୁଁ ଟାଣିହେଇ ମହିଳାଙ୍କୁ ପ୍ରପୋଜ କଲି। ସ୍ୱାମୀ ସ୍ତ୍ରୀ ମଧ୍ୟରେ ପାଟିତୁଣ୍ଡ ହେବାରୁ ମୋ ସ୍ତ୍ରୀ ପଳିଆସିଛି ପୁରୀ। ତେଣୁ ଅନ୍ୟ ମହିଳା ମାନେ ମତେ ମୋ ସ୍ତ୍ରୀ ଭଳି ଲାଗୁଥିବାରୁ ମୁଁ ସେମାନଙ୍କୁ ପ୍ରପୋଜ କରୁଛି। ତେବେ ଶ୍ରୀମନ୍ଦିର ନିକଟରେ ଏଭଳି ଅନେକ ଲୋକେ ବୁଲାବୁଲି କରୁଥିବାରୁ ମହିଳା ମାନେ ସୁରକ୍ଷିତ ମଣୁନାହାନ୍ତି।
ରାଜ୍ୟ ଯୋଗାଣ ମନ୍ତ୍ରୀ କୃଷ୍ଣଚନ୍ଦ୍ର ପାତ୍ରଙ୍କ ସରକାରୀ ବାସଭାବନରୁ ମିଳିଛି ମୃତଦେହ…
ଭୁବନେଶ୍ବର : ମନ୍ତ୍ରୀଙ୍କ ଘରୁ ମିଳିଲା ମୃତଦେହ । ରାଜ୍ୟ ଯୋଗାଣ ମନ୍ତ୍ରୀ କୃଷ୍ଣଚନ୍ଦ୍ର ପାତ୍ରଙ୍କ ସରକାରୀ ବାସଭାବନରୁ ମିଳିଛି ମୃତଦେହ । ମୃତକ ହେଉଛନ୍ତି ଶଙ୍କର୍ଷଣ ନାଗ। ଘର ବଲାଙ୍ଗୀର ଜିଲ୍ଲା ବେଳପାହାଡ଼ । ବିଦ୍ୟୁତ ଆଘାତରୁ ତାଙ୍କର ମୃତ୍ୟୁ ହୋଇଥିବା ସୂଚନା ଦେଇଛି ପୋଲିସ । ଏ ନେଇ ଭୁବନେଶ୍ୱର କ୍ୟାପିଟାଲ ଥାନାରେ ଏକ ଅପମୃତ୍ୟୁ ମାମଲା ରୁଜୁ କରାଯାଇଛି। ମୃତକ ଜଣଙ୍କ ମନ୍ତ୍ରୀଙ୍କ ସହାୟକ ଭାବେ କାମ କରୁଥିଲେ । ମୃତଦେହ ବ୍ୟବଚ୍ଛେଦ ପାଇଁ କ୍ୟାପିଟାଲ ହସ୍ପିଟାଲ ପଠାଯାଇଛି । ତେବେ କେଉଁ ଅବସ୍ଥାରେ ଶଙ୍କର୍ଷଣ ଙ୍କ ମୃତ୍ୟୁ ଘଟିଲା, ସେ ନେଇ ଛାନଭିନ ଚଳାଇଛି କ୍ୟାପିଟାଲ ଥାନା ପୋଲିସ ।
ସ୍କୁଟିରୁ ୧୨ ଲକ୍ଷ ଜବତ, ଦୁଇ ଜଣଙ୍କୁ ଅଟକ ରଖି ତଦନ୍ତ କରୁଛି ପୋଲିସ
ନନ୍ଦିଘୋଷ ବ୍ୟୁରୋ : ବିହାରର ରାଜଧାନୀ ପାଟନାରେ ପୋଲିସ ଏକ ସ୍କୁଟିରୁ ୧୨ ଲକ୍ଷ ନଗଦ ଜବତ କରିଛି। ସ୍କୁଟିର ନମ୍ବର ପ୍ଲେଟ୍ ଗୁଜୁରାଟର। ଜଣେ ଯୁବକ ଏବଂ ଜଣେ ଯୁବତୀ ସ୍କୁଟି ଚଲାଉଥିଲେ। ପୋଲିସ ଉଭୟଙ୍କୁ ହେପାଜତକୁ ନେଇ ଅଧିକ ତଦନ୍ତ କରୁଛି। ଘଟଣାଟି ଦୀଘା ଥାନା ଅଞ୍ଚଳରେ ଘଟିଛି।
ସ୍ଥାନୀୟ ଏସଡିପିଓ କହିଛନ୍ତି ଯେ, ଗୁରୁବାର ଦିନ ପୋଲିସ ରାଜଧାନୀର ଦୀଘା ଥାନା ଅଞ୍ଚଳର ଜୀପ ବ୍ରିଜରେ ଯାନବାହାନ ଯାଞ୍ଚ କରୁଥିଲା। ଏହି ସମୟରେ ପୋଲିସ ଏକ ସ୍କୁଟିକୁ ଅଟକାଇଲା। ସ୍କୁଟିରେ ଗୁଜୁରାଟ ପଞ୍ଜିକରଣ ନମ୍ବର ଥିଲା, ଏବଂ ଜଣେ ଯୁବକ ଏବଂ ଜଣେ ଯୁବତୀ ଆସୁଥିଲା । ପୋଲିସ ସ୍କୁଟରଟି ଯାଞ୍ଚ କରିବା ସମୟରେ ସେମାନଙ୍କୁ ୧୨ ଲକ୍ଷ ୧ ହଜାର ଟଙ୍କା ଥିବା ଏକ ସୁଟକେସ୍ ମିଳିଥିଲା। ଟଙ୍କା ବିଷୟରେ ପଚରାଯିବାରୁ, ଉଭୟ କୌଣସି ସ୍ପଷ୍ଟ ସୂଚନା ଦେଇପାରିଲେ ନାହିଁ। ପରେ ସେମାନଙ୍କୁ ଘଟଣାସ୍ଥଳରୁ ଅଟକ ରଖାଯାଇଥିଲା। ଘଟଣାର ଗମ୍ଭୀରତାକୁ ଦୃଷ୍ଟିରେ ରଖି ବରିଷ୍ଠ ପୋଲିସ ଅଧିକାରୀମାନଙ୍କୁ ଅବଗତ କରାଯାଇଥିଲା। ଆୟକର ବିଭାଗକୁ ମଧ୍ୟ ଅବଗତ କରାଯାଇଛି।
ଅନ୍ୟ ରାଜ୍ୟରୁ ଏକ ସ୍କୁଟର ମିଳିବା ଏବଂ ଏତେ ପରିମାଣର ନଗଦ ମିଳିବା ପୋଲିସର ସନ୍ଦେହକୁ ଆହୁରି ଘନିଷ୍ଠ କରିଛି। ପୋଲିସ ବର୍ତ୍ତମାନ ଏତେ ପରିମାଣର ଟଙ୍କାର ଉତ୍ସ ଏବଂ ଏହାର ଉଦ୍ଦେଶ୍ୟ ବିଷୟରେ ତଦନ୍ତ କରୁଛି। ସେମାନେ ଏତେ ପରିମାଣର ଟଙ୍କା ପରିବହନର ଉଦ୍ଦେଶ୍ୟ ବିଷୟରେ ସୂଚନା ସଂଗ୍ରହ କରିବାକୁ ମଧ୍ୟ ଚେଷ୍ଟା କରୁଛନ୍ତି। ତଦନ୍ତ ପରେ ହିଁ ପ୍ରକୃତ କଥା ଜଣାପଡିବ ।
ରିପୋର୍ଟ ଖୋଲିଲା ୟୁନୁସ୍ ସରକାରଙ୍କ ପୋଲ୍, ବାଂଲାଦେଶରେ ପ୍ରତି ପାଞ୍ଚ ଦିନରେ ଜଣେ ହିନ୍ଦୁଙ୍କ ହୋଇଛି ହତ୍ୟା….
ନନ୍ଦିଘୋଷ ବ୍ୟୁରୋ : ବାଂଲାଦେଶରେ ହିନ୍ଦୁ ମାନଙ୍କ ପ୍ରତି ଆକ୍ରମଣ ହେଉଛି । ପ୍ରତି ପାଞ୍ଚ ଦିନରେ ଜଣେ ହିନ୍ଦୁଙ୍କ ଆକ୍ରମଣ ହେଉଥିବା ଏକ ରିପୋର୍ଟରୁ ଜଣାପଡିଛି । ଏହି ରିପୋର୍ଟ ମାଧ୍ୟମରେ ସଂଖ୍ୟାଲଘୁ ହିନ୍ଦୁଙ୍କ ଉପରେ ଆକ୍ରମଣ ସମ୍ପର୍କରେ ବାଂଲାଦେଶରେ ମହମ୍ମଦ ୟୁନୁସଙ୍କ ମଧ୍ୟବର୍ତ୍ତୀକାଳୀନ ସରକାରଙ୍କ ଭୂମିକାର ପର୍ଦ୍ଦାଫାଶ ହୋଇଛି। ଢାକାସ୍ଥିତ ସଂଖ୍ୟାଲଘୁ ସଂଗଠନଗୁଡ଼ିକ ହିନ୍ଦୁଙ୍କ ଉପରେ ଆକ୍ରମଣ ସମ୍ପର୍କରେ ବାଂଲାଦେଶ ସରକାରଙ୍କ ରିପୋର୍ଟକୁ ମିଥ୍ୟା ବୋଲି ନିନ୍ଦା କରିଛନ୍ତି। ସଂଗଠନ ଦ୍ୱାରା ପ୍ରକାଶିତ ଏକ ନୂଆ ରିପୋର୍ଟ ଅନୁଯାୟୀ, ୨୦୨୫ ମସିହାରେ ବାଂଲାଦେଶରେ ୬୬ ଜଣ ହିନ୍ଦୁଙ୍କୁ ହତ୍ୟା କରାଯାଇଥିଲା। ବର୍ଷସାରା ବାଂଲାଦେଶରେ ହିନ୍ଦୁ ମହିଳାଙ୍କ ଉପରେ ଜୋରଜବରଦସ୍ତ ଯୌନ ନିର୍ଯାତନାର ୨୮ ଟି ଘଟଣା ରିପୋର୍ଟ ହୋଇଛି। ଏହି ସମୟ ମଧ୍ୟରେ ମୌଳବାଦୀମାନେ ୯୫ ଟି ମନ୍ଦିରକୁ ନଷ୍ଟ କରିଛନ୍ତି ।
ଏହି ମାସର ଆରମ୍ଭରେ, ବାଂଲାଦେଶ ସରକାର ଏକ ରିପୋର୍ଟ ପ୍ରକାଶ କରିଥିଲେ ଯେ ବର୍ଷସାରା କେବଳ ୭୧ଟି ଧାର୍ମିକ ଆକ୍ରମଣ ଘଟିଛି। ବାଂଲାଦେଶଭିତ୍ତିକ ସଂଖ୍ୟାଲଘୁ ସଂଗଠନଗୁଡ଼ିକ ଏହି ରିପୋର୍ଟକୁ ଭୁଲ ପ୍ରମାଣିତ କରିବା ପାଇଁ ଏକ ବିସ୍ତୃତ ରିପୋର୍ଟ ପ୍ରକାଶ କରିଛନ୍ତି।
ଏହି ରିପୋର୍ଟରେ କ’ଣ ଅଛି?
୧. ହିନ୍ଦୁ-ବୌଦ୍ଧ-ଖ୍ରୀଷ୍ଟିୟାନ ଏକତା ପରିଷଦ ଦ୍ୱାରା ପ୍ରକାଶିତ ଏକ ରିପୋର୍ଟ ଅନୁଯାୟୀ, ୨୦୨୫ ମସିହାରେ ଧର୍ମ ଆଧାରିତ ୫୨୨ଟି ଘଟଣା ରେକର୍ଡ କରାଯାଇଥିଲା। ପ୍ରତିଦିନ ହାରାହାରି ଦୁଇଟି ଆକ୍ରମଣ ହିନ୍ଦୁମାନଙ୍କୁ ଟାର୍ଗେଟ କରି ହେଉଥିଲା।
୨. ବାଂଲାଦେଶରେ ହତ୍ୟାର ୬୧ଟି ଘଟଣା ରେକର୍ଡ ହୋଇଛି, ଯେଉଁଥିରେ ୬୬ ଜଣ ହିନ୍ଦୁଙ୍କୁ ହତ୍ୟା କରାଯାଇଥିଲା। କେବଳ ଡିସେମ୍ବର ମାସରେ ତିନି ଜଣ ହିନ୍ଦୁ ଯୁବକଙ୍କୁ ହତ୍ୟା କରାଯାଇଥିଲା। ଏହି ସମୟ ମଧ୍ୟରେ ବଳପୂର୍ବକ ଯୌନ ନିର୍ଯାତନାର ୨୮ଟି ଘଟଣା ରିପୋର୍ଟ ହୋଇଛି।
୩. ୨୦୨୫ ମସିହାରେ ହିନ୍ଦୁ ଧାର୍ମିକ ସ୍ଥଳଗୁଡିକରେ ୯୫ ଥର ଆକ୍ରମଣ ହୋଇଥିଲା। ସେମାନଙ୍କର ଦୋକାନ ଏବଂ ଘର ଉପରେ ୧୦୨ ଥର ଆକ୍ରମଣ ହୋଇଥିଲା। ବାଂଲାଦେଶର ଗୋପାଳଗଞ୍ଜ ଏବଂ ମୈମନସିଂ ରୋଡରେ ହିନ୍ଦୁମାନଙ୍କ ଉପରେ ସର୍ବାଧିକ ଆକ୍ରମଣ ହୋଇଥିଲା।
ଏହି ରିପୋର୍ଟ କାହିଁକି ଗୁରୁତ୍ୱପୂର୍ଣ୍ଣ?
୨୦୨୫ ମସିହାର ଶେଷ ଭାଗରେ, ବାଂଲାଦେଶ ସରକାର ଏକ ସାମ୍ବାଦିକ ସମ୍ମିଳନୀ କରିଥିଲେ। ସରକାରଙ୍କ ପ୍ରେସ ପରାମର୍ଶଦାତା ଦାବି କରିଥିଲେ ଯେ ବାଂଲାଦେଶରେ ହିନ୍ଦୁମାନେ ସୁରକ୍ଷିତ ଅଛନ୍ତି। ଏହି ସାମ୍ବାଦିକ ସମ୍ମିଳନୀର ମାତ୍ର ୧୦ ଦିନ ପରେ, ଏକ ସଂଖ୍ୟାଲଘୁ ସଂଗଠନ ଏକ ରିପୋର୍ଟ ପ୍ରକାଶ କରିଥିଲା।
ନିର୍ବାଚନ ମଧ୍ୟରେ ଏହି ରିପୋର୍ଟ ପ୍ରକାଶିତ ହୋଇଛି। ଏଥିରେ କୁହାଯାଇଛି ଯେ ହିନ୍ଦୁମାନେ ସୁରକ୍ଷିତ ଅନୁଭବ କରୁନାହାଁନ୍ତି ଏବଂ ନିର୍ବାଚନ ବର୍ଜନ କରିବା ଉଚିତ।
ବାଂଲାଦେଶରେ କେତେ ଜଣ ହିନ୍ଦୁ ଅଛନ୍ତି?
ସରକାରୀ ପରିସଂଖ୍ୟାନ ଅନୁଯାୟୀ, ବାଂଲାଦେଶରେ ୧୩.୧ ନିୟୁତ ହିନ୍ଦୁ ବାସ କରନ୍ତି। ଖାଗରାଚାରି ଜିଲ୍ଲାରେ ସର୍ବାଧିକ ହିନ୍ଦୁ ବାସ କରନ୍ତି। ବାଂଲାଦେଶର ମୋଟ ଜନସଂଖ୍ୟାର ପ୍ରାୟ ୯ ପ୍ରତିଶତ ହିନ୍ଦୁ ଥିବା ବେଳେ ଦେଶର ଜନସଂଖ୍ୟାର ପ୍ରାୟ ୮୮ ପ୍ରତିଶତ ମୁସଲମାନ।
୧୯୭୧ ମସିହାରେ ବାଂଲାଦେଶ ସ୍ୱାଧୀନ ହୋଇଥିଲା। ୧୯୭୪ ମସିହାରେ ଏକ ଜନଗଣନା କରାଯାଇଥିଲା। ଏହି ଜନଗଣନାରେ, ମୋଟ ଜନସଂଖ୍ୟାର ପ୍ରାୟ ୧୩ ପ୍ରତିଶତ ହିନ୍ଦୁ ଥିଲେ। ୧୯୯୦ ଦଶକରେ ବାଂଲାଦେଶରେ ହିନ୍ଦୁ ଜନସଂଖ୍ୟା ହ୍ରାସ ପାଇଥିଲା।
ବନାରସ ହିନ୍ଦୁ ବିଶ୍ୱବିଦ୍ୟାଳୟରେ ଦୁଇଟି ଛାତ୍ର ଗୋଷ୍ଠୀ ମୁହାଁମୁହିଁ, ପୋଲିସ ଫୋର୍ସ ନିୟୋଜିତ
ନନ୍ଦିଘୋଷ ବ୍ୟୁରୋ : ବନାରସ ହିନ୍ଦୁ ବିଶ୍ୱବିଦ୍ୟାଳୟର କ୍ୟାମ୍ପସ ଅଶାନ୍ତିର ଗନ୍ତାଘର ପାଲଟିବାରେ ଲାଗିଛି। ଆଜି ଦୁଇଟି ହଷ୍ଟେଲର ଛାତ୍ର ମୁହାଁମୁହିଁ ହୋଇଥିଲେ, କିନ୍ତୁ ଜିଲ୍ଲା ପ୍ରଶାସନ ଓ ବିଶ୍ୱବିଦ୍ୟାଳୟ ପ୍ରଶାସନର ସୁରକ୍ଷା ବ୍ୟବସ୍ଥା କୌଣସି ବଡ଼ ଘଟଣାକୁ ରୋକି ଦେଇଥିଲା। BHUରେ ଛାତ୍ର ବିବାଦର ରିପୋର୍ଟ ପରେ, ସୁରକ୍ଷା ଦୃଷ୍ଟିରୁ ଅନେକ ପୋଲିସ ଷ୍ଟେସନରୁ ପୋଲିସ ଫୋର୍ସ ଘଟଣାସ୍ଥଳରେ ମୁତୟନ କରାଯାଇଛି । ବର୍ତ୍ତମାନ BHU ଶାନ୍ତିପୂର୍ଣ୍ଣ ରହିଛି।
ଘଟଣାସ୍ଥଳରେ ଥିବା ଜଣେ ପୋଲିସ ଅଧିକାରୀ କହିଛନ୍ତି ଯେ, ରୁଇଆ ହଷ୍ଟେଲ ଏବଂ ବିର୍ଲା ହଷ୍ଟେଲର ଛାତ୍ରମାନଙ୍କ ମଧ୍ୟରେ କୌଣସି ପ୍ରସଙ୍ଗକୁ ନେଇ ବିବାଦ ହୋଇଥିଲା। ପରବର୍ତ୍ତୀ ବିବାଦରେ କିଛି ଛାତ୍ର ଜଣେ ପୁଅକୁ ଆକ୍ରମଣ କରିଥିଲେ। ଆକ୍ରମଣରେ ଛାତ୍ର ଜଣକ ଆହତ ହୋଇଥିଲେ। ତାଙ୍କୁ ଚିକିତ୍ସା ପାଇଁ ଟ୍ରମା ସେଣ୍ଟରକୁ ପଠାଯାଇଛି।
ଆହତ ଛାତ୍ର ଜଣକ କିଛି ଅଭିଯୁକ୍ତଙ୍କ ନାମ କହିଛନ୍ତି। ସେ କହିଛନ୍ତି ଯେ ଆକ୍ରମଣକାରୀମାନେ ପୂର୍ବତନ BHU ଛାତ୍ର ଯେଉଁମାନେ ଏବେ ବି ହଷ୍ଟେଲ ଦଖଲ କରୁଛନ୍ତି। ସେଠାରେ ରହୁଥିବା ଛାତ୍ରମାନେ ପ୍ରତିଦିନ ବେଆଇନ ଭାବରେ ଗଣ୍ଡଗୋଳ ସୃଷ୍ଟି କରନ୍ତି। ଆହତ ଛାତ୍ରଙ୍କ ପ୍ରାରମ୍ଭିକ ଅଭିଯୋଗ ଆଧାରରେ, ପୋଲିସ ଅଭିଯୁକ୍ତଙ୍କ ବିରୁଦ୍ଧରେ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରୁଛି। ଅନ୍ୟ ଅନେକ ପୋଲିସ ଷ୍ଟେସନର ପୋଲିସ ମଧ୍ୟ ଘଟଣାସ୍ଥଳରେ ଉପସ୍ଥିତ ଅଛନ୍ତି।
ବିର୍ଲା ହଷ୍ଟେଲ ବାହାରେ ଫୋର୍ସ ଠିଆ ହୋଇଛନ୍ତି, ଏବଂ ପ୍ରୋକ୍ଟରଙ୍କ ଟିମ୍ ହଷ୍ଟେଲର କୋଠରୀଗୁଡ଼ିକୁ ଯାଞ୍ଚ କରୁଛନ୍ତି।
ଭୋରରୁ ଓଡ଼ିଶାକୁ ଢାଙ୍କିଦେଲା କୁହୁଡି, ବିଭିନ୍ନ ସ୍ଥାନରେ ଯାତାୟତ ବାଧାପ୍ରାପ୍ତ
ଭୁବନେଶ୍ବର : ଭୋରରୁ ଓଡ଼ିଶାକୁ ଢାଙ୍କିଦେଲା କୁହୁଡିର ଆସ୍ତରଣ । ବିଭିନ୍ନ ସ୍ଥାନରେ ଯାତାୟତ ବାଧାପ୍ରାପ୍ତ । ପୂର୍ବରୁ ସତର୍କତା ଜାରି କରିଥିଲା ପାଣିପାଗ କେନ୍ଦ୍ର । ଆହୁରି ୪ ଦିନ ଲାଗି ରହିବ ଘନ କୁହୁଡି । ଭଦ୍ରକ, କେନ୍ଦ୍ରାପଡ଼ା, ପୁରୀ, ଜଗସିଂହପୁରରେ ଘନ କୁହୁଡି ଦେଖାଯିବାର ପୂର୍ବାନୁମାନ କରିଛି ପାଣିପାଗ କେନ୍ଦ୍ର । ଓଡ଼ିଶାର ଉପକୂଳବର୍ତ୍ତୀ ଜିଲ୍ଲା ପୁରୀ, ଖୋର୍ଦ୍ଧା, ଭଦ୍ରକ, କେନ୍ଦ୍ରାପଡ଼ା, ଜଗସିଂହପୁର , କେନ୍ଦୁଝର, କନ୍ଧମାଳ, ମୟୁରଭଞ୍ଜ, ଗଜପତି, କଟକ, ଗଞ୍ଜାମ ଜିଲ୍ଲାରେ ହାଲୁକାରୁ ମଧ୍ୟମ କୁହୁଡି ଦେଖାଯିବାର ସମ୍ଭାବନା ରହିଛି । ଗତ ୨୪ ଘଣ୍ଟାରେ ଜି ଉଦୟଗିରିରେ ୬.୮ ଡିଗ୍ରୀ ଓ ଫୁଲବାଣୀରେ ୧୦.୫ ଡିଗ୍ରୀ ସର୍ବନିମ୍ନ ତାପମାତ୍ରା ରେକର୍ଡ କରିଛି ପାଣିପାଗ ବିଭାଗ । ଆଗାମୀ ୭ ଦିନ ପର୍ଯ୍ୟନ୍ତ ପାଗ ଶୁଖିଲା ରହିବା ନେଇ ପାଣିପାଗ କେନ୍ଦ୍ର ପକ୍ଷରୁ ସୂଚନା ଦିଆଯାଇଛି ।
ସୁଦୃଢ ହେବ ଭାରତ-ଆରବ ସମ୍ପର୍କ, ଶନିବାର ବସିବ ଭାରତ-ଆରବ ବୈଦେଶିକ ମନ୍ତ୍ରୀ ବୈଠକ
ନନ୍ଦିଘୋଷ ବ୍ୟୁରୋ : ସୁଦୃଢ ହେବ ଭାରତ-ଆରବ ସମ୍ପର୍କ । ଶନିବାର ବସିବ ଦ୍ୱିତୀୟ ଭାରତ-ଆରବ ବୈଦେଶିକ ମନ୍ତ୍ରୀ ବୈଠକ । ଏଥିରେ ବାଣିଜ୍ୟ ଓ ଅର୍ଥନୀତିକୁ ନେଇ ବହୁ ଗୁରୁତ୍ବପୂର୍ଣ୍ଣ ଆଲୋଚନା ହେବା ନେଇ ସୂଚନା ରହିଛି । ଏହି ଶିଖର ସମ୍ମିଳନୀ ପାଇଁ ଅନେକ ଆରବ ଦେଶର ବୈଦେଶିକ ମନ୍ତ୍ରୀ ପହଞ୍ଚି ସାରିଛନ୍ତି । ସୁଦାନ ବୈଦେଶିକ ମନ୍ତ୍ରୀ ମୋହିଲଦିନ ସଲିମ ଅହମ୍ମଦ ଇବ୍ରାହିମ, ପାଲେଷ୍ଟାଇନର ବୈଦେଶିକ ମନ୍ତ୍ରୀ ଭାର୍ସେନ ଆଗାବେକିୟାନ ଏବଂ କୋମୋରୋସର ବୈଦେଶିକ ମନ୍ତ୍ରୀ ମହମ୍ମଦ ଚାନଫିଓ ସମ୍ମିଳନୀରେ ଅଂଶଗ୍ରହଣ କରିବା ପାଇଁ ଭାରତରେ ପହଞ୍ଚିଛନ୍ତି। ଏହି ବୈଠକ ଭାରତ ଏବଂ ୟୁଏଇ ଦ୍ୱାରା ମିଳିତ ଭାବରେ ଅଧ୍ୟକ୍ଷତା କରାଯିବ । ଅନ୍ୟ ଆରବ ଲିଗ ସଦସ୍ୟ ରାଷ୍ଟ୍ରର ବୈଦେଶିକ ମନ୍ତ୍ରୀ ଏବଂ ସଚିବ ଜେନେରାଲ ଅଂଶଗ୍ରହଣ କରିବେ। ଏହି ଗୁରୁତ୍ୱପୂର୍ଣ୍ଣ ଫୋରମର ଏହି ବୈଠକ ୧୦ ବର୍ଷ ପରେ ଅନୁଷ୍ଠିତ ହେଉଛି । ୨୦୧୬ରେ ବାହାରିନରେ ଅନୁଷ୍ଠିତ ହୋଇଥିଲା ଏହାର ପ୍ରଥମ ଶିଖର ସମ୍ମିଳନୀ । ବୈଦେଶିକ ମନ୍ତ୍ରଣାଳୟର ମୁଖପାତ୍ର ରଣଧୀର ଜୟସୱାଲ ଏକ ସୋସିଆଲ ମିଡିଆ ପୋଷ୍ଟରେ ନେତାମାନଙ୍କୁ ସ୍ୱାଗତ କରି କହିଛନ୍ତି ଯେ ସେମାନଙ୍କ ଗସ୍ତ ଭାରତ ଏବଂ ଆରବ ଦେଶ ମଧ୍ୟରେ ସମ୍ପର୍କକୁ ଆହୁରି ମଜବୁତ କରିବ।
ଶାହବାଜ-ମୁନିରଙ୍କୁ ପୁଣି ଟ୍ରମ୍ପଙ୍କ ଝଟକା
ପାକିସ୍ତାନକୁ ପୁଣି ଟ୍ରମ୍ପଙ୍କ ଝଟକା । ବିପଦ ସଙ୍କେତର ମାର୍ଗଦର୍ଶୀକା ତିନିରେ ପାକିସ୍ତାନକୁ ରଖିଛି ଆମେରିକା ପ୍ରଶାସନ । ଏନେଇ ପାକିସ୍ତାନ ଗସ୍ତ କରିବାକୁ ଚାହୁଁଥିବା ଆମେରିକା ନାଗରିକଙ୍କୁ ବାରଣ କରାଯାଇଛି । ଆମେରିକାରରେ ଅପରାଧ, ଆତଙ୍କବାଦ ଏବଂ ଅପହରଣର ବିପଦ ଅଧିକା ଯୋଗୁ ଯାତ୍ରୀମାନଙ୍କୁ ପାକିସ୍ତାନ ଯାତ୍ରା କରିବା ପୂର୍ବରୁ ଦୁଇଥର ଚିନ୍ତା କରିବାକୁ ପରାମର୍ଶ ଦିଆଯାଇଛି । ବିପଦ ସଙ୍କେତର ମାର୍ଗଦର୍ଶୀକା ତିନିର ଅର୍ଥ ହେଉଛି ବିନା ଚେତାବନୀରେ ଆତଙ୍କବାଦୀ ଆକ୍ରମଣ ହୋଇପାରେ। ସାଧାରଣ ଟାର୍ଗେଟରେ ରହିଥାଏ ପରିବହନ କେନ୍ଦ୍ର, ହୋଟେଲ, ବଜାର, ସପିଂ ମଲ୍, ସାମରିକ ଏବଂ ସୁରକ୍ଷା ସ୍ଥଳ, ବିମାନବନ୍ଦର, ଟ୍ରେନ୍, ସ୍କୁଲ, ହସ୍ପିଟାଲ ଭଳି ଅନେକ ଗରୁତ୍ବପୂର୍ଣ୍ଣ ସ୍ଥାନ । ଆତଙ୍କବାଦ ଏବଂ ଅପହରଣ ଯୋଗୁଁ, ବେଲୁଚିସ୍ତାନ ପ୍ରଦେଶ ଏବଂ ଖାଇବର ପଖତୁନଖ୍ୱା ପ୍ରଦେଶକୁ ଯାତ୍ରା କରିବାରୁ ଶକ୍ତ ବାରଣ କରାଯାଇଛି । ଗୋଟିଏ ମାସରେ ଶାହବାଜ-ମୁନିରଙ୍କୁ ଟ୍ରମ୍ପ ଏଭଳି ଗାଇଡ଼ଲାଇନ୍ ଜାରି କରି ଦ୍ୱିତୀୟ ଝଟକା ଦେଇଛନ୍ତି ।