ପାଟକୁରା : ଡେରାବିଶରେ ବଢ଼ି ଚାଲିଛି ସରକାରୀ ଚାକିରି ପାଇଥିବା ଜାଲ ସାର୍ଟିଫିକେଟଧାରୀଙ୍କ ସଂଖ୍ଯା। ଡେରାବିଶ ବ୍ଲକ ଜଅଁରା ବାରିମୂଳ ପଞ୍ଚାୟତର ଏମବିକେ ପୋଷ୍ଟ ପାଇଥିବା ମହିଳା ସ୍ୱୟଂପ୍ରଭା ମିଶ୍ରଙ୍କ ନାମରେ ସାଙ୍ଘାତିକ ଅଭିଯୋଗ। ଶ୍ରୀ ଜଗନ୍ନାଥ ସଂସ୍କୃତ ବିଶ୍ଵବିଦ୍ୟାଳୟ ଓ ବେଲେଶ୍ବର ମହାଦେବ ସଂସ୍କୃତ ମହାବିଦ୍ୟାଳୟର ନାଁକୁ ବ୍ୟବହାର କରି ନକଲି ଶିକ୍ଷାଗତ ପ୍ରମାଣ ପତ୍ର ଜରିଆରେ ଚାକିରି ପାଇଥିବା ନେଇ ହୋଇଛି ଅଭିଯୋଗ। ଜଅଁରା ବାରିମୂଳ ପଞ୍ଚାୟତର ଏମବିକେ ଲାଗି ସ୍ବୟଂପ୍ରଭା ଦେଢ ବର୍ଷ ତଳେ ନକଲି ସାର୍ଟିଫିକେଟ ଦେଇ ଚାକିରି ହାତେଇ ଥିବା ଆରଟିଆଇ ତଥ୍ଯରୁ ଜଣାପଡିଛି। ବେଲେଶ୍ୱର ମହାଦେବ ସଂସ୍କୃତ ମହାବିଦ୍ୟାଳୟ ପକ୍ଷରୁ ଦିଆଯାଇଥିବା ତଥ୍ୟ ଅନୁଯାୟୀ ସେ ସେହି କଲେଜ ରେ ପଢ଼ି ନଥିଲେ। ଅଭିଯୋଗ ଆସିବା ପରେ ଏମବିକେ ପୋଷ୍ଟରୁ ସ୍ବୟଂପ୍ରଭା ଇସ୍ତଫା ଦେଇଛନ୍ତି। ତେବେ ସ୍ବୟଂପ୍ରଭା ଏମବିକରୁ ଇସ୍ତଫା ଦେଇନାହାନ୍ତି ବୋଲି କହିଛନ୍ତି ଡେରାବିଶ ବିଡ଼ିଓ ନମିତା ବାରିକ। ଏନେଇ କାର୍ଯ୍ୟାନୁଷ୍ଠାନ ନିଆଯିବ ବୋଲି ସେ କହିଛନ୍ତି।
ଭୁବନେଶ୍ୱରରେ ଠକ ଦେଉଛନ୍ତି ଚାକିରି, ପୋଷ୍ଟିଂ ଦେବାକୁ କହି ଲୁଟିଲେ ଲକ୍ଷଲକ୍ଷ ଟଙ୍କା
ଭୁବନେଶ୍ବର: ଭୁବନେଶ୍ୱରରେ ଠକ ଦେଉଛନ୍ତି ଚାକିରି । ଲ୍ୟାବ ଟେକନିସିଆନଙ୍କୁ ଚୁନା ଲଗାଇଛି ଜଣେ ଅଭ୍ୟାସଗତ ଠକ । ଟ୍ୱିନସିଟିରେ ଥିବା ବିଭିନ୍ନ ଡାକ୍ତରଖାନାରେ କଣ୍ଟ୍ରାକଚୁଆଲ ପୋଷ୍ଟିଂ ଦେବାକୁ କହି ଲୁଟି ନେଇଛି ଲକ୍ଷ ଲକ୍ଷ ଟଙ୍କା । ଚକାଚକ୍ ଅଫିସ ଆଉ ରିସେପସନିଷ୍ଟ ରଖି ଲୋକଙ୍କ ଆଖିରେ ଅଙ୍ଗୁଠି ଗେଞ୍ଜି ଚଳାଇଥିଲା ରାକେଟ ।
ପୋଲିସ ଚାକିରି ଦେବ କହି ଏକ ଠକେଇ ଘଟଣାରେ ଠକ ଧୂରନ୍ଧର ଜଣକ ମେ ମାସ ୨୦୨୩ ମସିହାରେ ମଞ୍ଚେଶ୍ୱର ପୋଲିସ ଦ୍ୱାରା ଗିରଫ ହୋଇଥିଲା । ଅଭିଯୁକ୍ତ ଦେବବ୍ରତ ପଲ୍ଲେଇ ଜେଲରୁ ମୁକୁଳିବା ପରେ, ପୁଣି ଲୋକଙ୍କୁ ଚୁନା ଲଗାଇଥିବା ଭଳି ଖବର ଏବେ ସାମ୍ନାକୁ ଆସିଛି ।
ଥାନାରେ ମାମଲା ରୁଜୁ ପରେ ପ୍ରେସମିଟ୍ କରି ବର୍ଷିଲେ ଅଭିନେତା ମନୋଜ ମିଶ୍ର
ଭୁବନେଶ୍ବର: ପ୍ରେସମିଟ୍ କରି ଓଲିଉଡ ଇଣ୍ଡଷ୍ଟ୍ରି ଉପରେ ବର୍ଷିଲେ ଅଭିନେତା ମନୋଜ ମିଶ୍ର । ସିନେମା କାହାର ବ୍ଯକ୍ତିଗତ ସମ୍ପତ୍ତି ନୁହେଁ ଆମ ସମସ୍ତଙ୍କର ବୋଲି କହିଛନ୍ତି ମନୋଜ । ‘ପ୍ରଯୋଜକଙ୍କ କ୍ଷତି ହେଲେ ସମସ୍ତଙ୍କର କ୍ଷତି ହେବ । ଯିଏ ଓଡ଼ିଆ ସିନେମାର ଶତ୍ରୁ ସେ ମୋର ଶତ୍ରୁ’ । ‘ରାଣ୍ଡି ପୁଅ ଅନନ୍ତା’ ଫିଲ୍ମର ନାମକରଣ ପାଇଁ ତାତିଛନ୍ତି ଅଭିନେତା । କିଛି ନିର୍ଦ୍ଦେଶକ ଭଲ ଫିଲ୍ମ ନିର୍ମାଣ କରିବାରେ ଧ୍ୟାନ ନ ଦେଇ ଓଲଟା ପ୍ରଯୋଜକଙ୍କୁ ଲୁଟୁଥିବା ସେ ଅଭିଯୋଗ କରିଛନ୍ତି ।
ରାଜ୍ୟରେ ଯେକୌଣସି ଓଡ଼ିଆ ଚଳଚ୍ଚିତ୍ର ମୁକ୍ତିଲାଭ କରୁଛି, ଅଭିନେତା ମନୋଜ ସମ୍ପୃକ୍ତ ସିନେମା, ସିନେ ନିର୍ଦ୍ଦେଶକ, କଳାକାର ଓ ଟେକ୍ନିସିଆନ୍ଙ୍କ ବିରୋଧରେ ଲଗାତାର ଭାବେ ସୋସିଆଲ୍ ମିଡ଼ିଆରେ ବିବାଦୀୟ ମନ୍ତ୍ରବ୍ୟ ରଖୁଛନ୍ତି। ସେ ଓଡ଼ିଆ କଳାକାର ଓ ନିର୍ଦ୍ଦେଶକଙ୍କ ସମ୍ମାନହାନୀ ହେବା ଭଳି ବକ୍ତବ୍ୟ ରଖି ତାହାକୁ ସୋସିଆଲ୍ ମିଡ଼ିଆର ବିଭିନ୍ନ ପ୍ଲାଟଫର୍ମ ଫେସବୁକ୍, ଇନଷ୍ଟାଗ୍ରାମ୍, ଏକ୍ସ ଏବଂ କେତେକ ହ୍ୱାର୍ଟସଆପ୍ ଗ୍ରୁଫ୍ରେ ପ୍ରଚାର କରାଉଛନ୍ତି।
ଓଲିଉଡ୍ରେ କାର୍ଯ୍ୟ କରୁଥିବା କୌଣସି ନିର୍ଦ୍ଦେଶକଙ୍କୁ ନିର୍ଦ୍ଦେଶନା ଜଣାନାହିଁ, କୌଣସି କଳାକାରଙ୍କୁ ଅଭିନୟ ଜଣାନାହିଁ ଏବଂ କୌଣସି ଟେକ୍ନିସିଆନ୍ଙ୍କୁ କଳାକୌଶଳ ଜଣାନାହିଁ ବୋଲି କହି ସମସ୍ତଙ୍କ ଚରିତ୍ର ସଂହାର କରୁଛନ୍ତି। ଏହାର ପ୍ରତିବାଦ କରି କଟକ ସାଇବର ଥାନାରେ ଓଡ଼ିଶା ଟିଭି ଓ ଫିଲ୍ମ ନିର୍ଦ୍ଦେଶକ ସଂଘ ପକ୍ଷରୁ ଏତଲା ଦିଆଯାଇଛି। ସଂଘର ସଭାପତି ତଥା ବରିଷ୍ଠ ନିର୍ଦ୍ଦେଶକ ସବ୍ୟସାଚୀ ମହାପାତ୍ରଙ୍କ ସହିତ ୩୦ରୁ ଅଧିକ ସଂଘର କର୍ମକର୍ତ୍ତା ଥାନାରେ ପହଞ୍ଚି ମନୋଜଙ୍କ ବିରୋଧରେ ଏତଲା ଦେଇଥିଲେ। ସାଇବର ଥାନା ପୁଲିସ ଭାରତୀୟ ନ୍ୟାୟ ସଂହିତା ଅନ୍ତର୍ଗତ ଆଇଟି ଆକ୍ଟ ଲଗାଇ ତଦନ୍ତ ଜାରି ରଖିଥିବା କହିଛି।
ପ୍ରାପ୍ତ ସୂଚନା ଅନୁଯାୟୀ, ଦୀର୍ଘ ଦେଢ଼ ବର୍ଷ ହେବ ଅଭିନେତା ରିଲିଜ୍ ହେଉଥିବା ପ୍ରତ୍ୟେକ ଓଡ଼ିଆ ଫିଲ୍ମ ଉପରେ ତାଙ୍କ ମନ୍ତ୍ରବ୍ୟ ରଖି ଥାଆନ୍ତି। ସେ ତାଙ୍କ ନିଜସ୍ୱ ୟୁଟ୍ୟୁବ୍ ଚ୍ୟାନେଲ୍ ହେଉ କିମ୍ବା କୌଣସି ସୋସଆଲ୍ ମିଡ଼ିଆ ପ୍ଲାର୍ଟଫର୍ମରେ ରିଭ୍ୟୁ କରୁଥିବା ସିନେମା ସମ୍ପର୍କରେ ମତ ଦିଅନ୍ତି। କିନ୍ତୁ ସେ ସବୁ ସୀମା ସରହଦ ଟପି ସିନେ କଳାକାର, ନିର୍ଦ୍ଦେଶକ ଓ ଟେକ୍ନିସିଆନ୍ଙ୍କ ବ୍ୟକ୍ତିଗତସ୍ତରକୁ ଯାଇ ଆକ୍ଷେପ କରନ୍ତି। ଏହି ଭିଡ଼ିଓ ପରବର୍ତ୍ତି ସମୟରେ ଭାଇରାଲ୍ ହୁଏ। ଯହାକି ଓଲିଉଡର ସମ୍ମାନହାନୀ କରୁଥିବା ସଂଘ ଅଭିଯୋଗ କରିଛି।
ୃ
ନିର୍ବାଚନ ରାଲିରେ ମିଥୁନ ଚକ୍ରବର୍ତ୍ତୀଙ୍କ ପକେଟମାର୍, ମଞ୍ଚରୁ ଫେରାଇବାକୁ କଲେ ଅପିଲ୍
ରାଞ୍ଚି: ଝାଡଖଣ୍ଡ ନିର୍ବାଚନ ପ୍ରଚାର ବେଳେ ଅଭିନେତା ତଥା ବିଜେପି ନେତା ମିଥୁନ ଚକ୍ରବର୍ତ୍ତୀଙ୍କ ପକେଟ୍ମାର୍ । ନିରସା ବିଧାନସଭା ଆସନ ପାଇଁ ବିଜେପି ପ୍ରାର୍ଥୀ ଅପର୍ଣ୍ଣା ସେନଗୁପ୍ତାଙ୍କ ଲାଗି ପ୍ରଚାର ପାଇଁ ପହଞ୍ଚିଥିଲେ ମିଥୁନ ଦାଦା । ଏହି ସମୟରେ କେହି ତାଙ୍କ ଠୁ ଲୁଟି ନେଇଛି । ମିଥୁନଙ୍କୁ ଦେଖିବାକୁ ପାଖାପାଖି ଏକ ହଜାରରୁ ଊର୍ଦ୍ଧ୍ବ ଲୋକେ ଏକତ୍ରିତ ହୋଇଥିଲେ । ଭିଡ ନିୟନ୍ତ୍ରଣ କରିବା ପାଇଁ ନା ଏଠାରେ କୌଣସି ବ୍ୟବସ୍ଥା କରାଯାଇଥିଲା ନା ସୁରକ୍ଷା ଦିଆଯାଇଥିଲା ।
ମିଥୁନଙ୍କ ସହ ସେଲଫି ନେବା ପାଇଁ ଭିଡ ଭିତରେ ଠେଲାପେଲା ହୋଇଥିଲା । ଏହି ସମୟରେ ଲୁଟେରା ମିଥୁନଙ୍କ ପକେଟ୍ମାର୍ କରିଛନ୍ତି । ଘଟଣା ବିଷୟରେ ମିଥୁନ ଯେତେବେଳେ ଜାଣିଲେ ସେ ସଙ୍ଗେସଙ୍ଗେ ଅନ୍ୟ ବିଜେପି ନେତାଙ୍କୁ ଜଣାଇଥିଲେ । ମଞ୍ଚ ଉପରୁ ବିଜେପି ନେତା ପକେଟମାର୍ଙ୍କୁ ମିଥୁନ ଦାଦାଙ୍କ ପର୍ସ ଫେରାଇବା ପାଇଁ ନିବେଦନ କରିଥିଲେ । କିନ୍ତୁ ତାଙ୍କୁ ଆଉ ପର୍ସ ମିଳିନଥିଲା । ଏହି କାରଣରୁ ମିଥୁନ କାର୍ଯ୍ୟକ୍ରମ ଶୀଘ୍ର ଶେଷ କରି ଚାଲିଯାଇଥିଲେ ।
ଏଥିମଧ୍ୟରେ ଅଭିନେତା ଓ ଭାଜପା ନେତା ମିଥୁନଙ୍କ ସୁରକ୍ଷା ବଢାଇ ଦିଆଯାଇଛି । CISF ମିଥୁନ ଦାଦାଙ୍କ ସୁରକ୍ଷା ବଢାଇଛନ୍ତି । ନିକଟରେ ମିଥୁନଙ୍କୁ ସୋସିଆଲ ମିଡିଆରେ ଧମକ ମିଳିଛି । ଏହାପରେ ମିଥୁନଙ୍କୁ ୱାଇ ପ୍ଲସ କାଟାଗୋରୀ ସୁରକ୍ଷା ମିଳିଛି ।
୯୦ ବର୍ଷ ପରେ କାର୍ତ୍ତିକ ପୂର୍ଣ୍ଣିମାରେ ଦୁର୍ଲଭ ସଂଯୋଗ, ୩ ରାଶିଙ୍କ ଚମକିବ ଭାଗ୍ୟ
୯୦ ବର୍ଷ ପରେ କାର୍ତ୍ତିକ ପୂର୍ଣ୍ଣିମାରେ ଏହି ତିନି ରାଶି ହେବେ ମାଲାମାଲ୍ । ତିନି ରାଶିଙ୍କ ଉପରେ ଧନ ବୃଷ୍ଟି କରିବେ ଲକ୍ଷ୍ମୀ ନାରାୟଣ । ଏହି ଦୁର୍ଲଭ ସଂଯୋଗ ୯୦ ବର୍ଷ ପରେ ଆସିଥିବା ଜ୍ୟୋତିଷ ଶାସ୍ତ୍ର କହୁଛି ।
ମେଷ
କାର୍ତ୍ତିକ ପୂର୍ଣ୍ଣିମା ଠୁ ଆପଣଙ୍କ ଭଲ ଦିନ ଆରମ୍ଭ ହୋଇଛି । ମା ଲକ୍ଷ୍ମୀ ଓ ଭଗବାନ ବିଷ୍ଣୁଙ୍କ କୃପା ଆପଣଙ୍କ ଉପରେ ବର୍ଷିବ । ଆର୍ଥିକ ଭାବେ ମଜବୁତ ହେବେ । ଚିନ୍ତାମୁକ୍ତ ରହିବେ । ସମାଜରେ ମାନ ସମ୍ମାନ ବଢିବ । ଦୀର୍ଘଦିନ ଧରି ଲାଗି ରହିଥିବା ରୋଗରୁ ମୁକ୍ତି ପାଇବେ ।
ତୁଳା
କ୍ୟାରିଅରରେ ନୂଆ ସୁଯୋଗ ସୃଷ୍ଟି ହେବ । ଧନଧାନ୍ୟରେ ବୃଦ୍ଧି ହେବ । ମା ଲକ୍ଷ୍ମୀ ଓ ଭଗବାନ ବିଷ୍ଣୁ ଆପଣଙ୍କ ଉପରେ ଆଶୀର୍ବାଦ ଅଜାଡି ଦେବେ ।
ମୀନ
ଆୟର ସ୍ରୋତ ବୃଦ୍ଧି ହେବ । ଋଣ ଭାରରୁ ମୁକ୍ତି ପାଇବେ । ବ୍ୟାଙ୍କ ବାଲାନ୍ସ ବୃଦ୍ଧି ହେବ । ସନ୍ତାନ ସନ୍ତତିଙ୍କ ଠୁ ଖୁସି ଖବର ମିଳିବ । କ୍ୟାରିଅରରେ ନୂଆ ସୁଯୋଗ ମିଳିବ । ଚାକିରିଆଙ୍କ ପାଇଁ ଭଲ ସମୟ ଆସିବ । ବ୍ୟବସାୟୀ ବି ଲାଭବାନ ହେବେ ।
ସେୟାର ମାର୍କେଟରେ ହଇଚଇ, ଖସିଲା ଅମ୍ବାନୀ ଆଦାନୀଙ୍କ ସେୟାର
ମୁମ୍ବାଇ: ପୁଣି ଖସିଲା ସେୟାର ମାର୍କେଟ । ବମ୍ବେ ଷ୍ଟକ ଏକ୍ସଚେଞ୍ଜର ୩୦ ସେୟାର ଯୁକ୍ତ ସେନସେକ୍ସରେ ବୁଧବାର ହ୍ରାସ ଘଟିଛି । ୫୦୦ ଅଙ୍କ ପର୍ଯ୍ୟନ୍ତ ଖସିଛି ସେୟାର ବଜାର । ନିଫ୍ଟି ଖୋଲିବା ପରେ ହଠାତ୍ ୧୭୦ ଅଙ୍କ ପର୍ଯ୍ୟନ୍ତ ହ୍ରାସ ଘଟିଥିଲା । ଏହି ହ୍ରାସରେ ମୁକେଶ ଅମ୍ବାନୀଙ୍କ ରିଲାଏନ୍ସ ଠୁ ନେଇ ଗୌତମ ଆଦାନୀଙ୍କ ଆଦାନୀ ପୋର୍ଟ ପର୍ଯ୍ୟନ୍ତ ସେୟାର ହ୍ରାସ ଘଟିଛି । .
ଆଜି ବଜାରରେ ହ୍ରାସ ସହ ୨୩,୮୦୦ ଅଙ୍କ ସହ ବଜାର ଖୋଲିଛି । ମାର୍କେଟରେ ହ୍ରାସକୁ ଦେଖି ସମସ୍ତ ସେକ୍ଟରରେ ସେଲ୍ ଆଉଟ୍ ହେଉଥିବା ଜଣାପଡିଛି । କେବଳ ବ୍ୟାଙ୍କ ନିଫ୍ଟି ସବୁଜ ସଙ୍କେତ ସହ କାରବାର କରୁଛି । ମିଡ୍କ୍ୟାପ୍ ଓ ସ୍ମଲ୍କ୍ୟାପ୍ ସର୍ବାଧିକ ପ୍ରଭାବିତ ହୋଇଛନ୍ତି । ନିଫ୍ଟି ୫୦ର ୩୮ ସେୟାର ହ୍ରାସ ସହ କାରବାର କରୁଛି । ମାତ୍ର ୧୨ଟି ସେୟାରରେ କିଣାବିକା ଦେଖିବାକୁ ମିଳୁଛି ।
ନିଫ୍ଟିରେ ଆଗକୁ ବଢୁଥିବା ଟପ୍ ୫ ସେୟାର ମଧ୍ୟରେ ଏନଟିପିସି, ବଜାଜ ଫାଇନାନ୍ସ, ଏସିଆନ ପେଣ୍ଟସ, ଭାରତୀ ଏୟାରଟେଲ ଓ ଏଚଡିଏଫସି ବ୍ୟାଙ୍କ ରହିଛନ୍ତି । ସେପଟେ ଦ୍ରୁତଗତିରେ ବିଇଏଲ, ଏମ ଆଣ୍ଡ ଏମ, ହିଣ୍ଡାଲକୋ, ହିରୋମୋଟୋ ଓ ଆଇସର ମୋଟର୍ସରେ ହ୍ରାସ ଘଟିଛି ।
ବଜାରରେ ଦ୍ରୁତଗତିରେ ହ୍ରାସ ପାଇଁ ୨ଟି ବଡ କାରଣ ରହିଛି । ବିଦେଶୀ ନିବେଶକଙ୍କ ଲଗାତାର ସେୟାର ବିକ୍ରି ଓ ରିଟେଲ ମହଙ୍ଗା ମାଡରେ ସେୟାର ବଜାରରେ ହ୍ରାସ ଘଟିଛି । ଗତ କିଛି ଦିନ ଧରି ଏଫଆଇଆଇ ଭାରତୀୟ ବଜାରରେ ସେଲ୍ ଆଉଟ୍ କରୁଛି । ମଙ୍ଗଳବାର ଦିନ ମହଙ୍ଗା ମାଡ ନିବେଶକଙ୍କ ଟେନସନ ବଢାଇ ଦେଇଛି । ଫଳରେ ବଜାରରେ ହାହାକାର ସୃଷ୍ଟି ହୋଇଛି ।
ବୁଲଡୋଜର ଆକ୍ସନ ପ୍ରସଙ୍ଗରେ ସୁପ୍ରିମକୋର୍ଟଙ୍କ ବଡ଼ ରାୟ, ଭାଙ୍ଗିବା ସମ୍ପର୍କରେ କାର୍ଯ୍ୟନିର୍ବାହୀ ନେଇପାରିବେନି ନିଷ୍ପତ୍ତି
ନୂଆଦିଲ୍ଲୀ: ବୁଲଡୋଜର କାର୍ଯ୍ୟାନୁଷ୍ଠାନ ଉପରେ ସୁପ୍ରିମକୋର୍ଟ ଏକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ଦେଇଛନ୍ତି। ସେ ବୁଲଡୋଜର ଆକ୍ସନକୁ ନିଷିଦ୍ଧ କରିଛନ୍ତି। ସୁପ୍ରିମକୋର୍ଟଙ୍କ ଏହି ଆଦେଶ କୌ ଣସି ରାଜ୍ୟ ପାଇଁ ନୁହେଁ, ବରଂ ସମଗ୍ର ଦେଶ ପାଇଁ ଅଟେ। ଅଦାଲତ କହିଛନ୍ତି ଯେ କେବଳ ଦୋଷୀ କିମ୍ବା ଅପରାଧିକ ମାମଲାରେ ଅଭିଯୁକ୍ତଙ୍କ ଆଧାରରେ କାହାର ଘର ଭାଙ୍ଗି ପାରିବ ନାହିଁ।
ଏଭଳି ପରିସ୍ଥିତିରେ କର୍ତ୍ତୃପକ୍ଷ ଆଇନକୁ ଅଣଦେଖା କରିପାରିବେ ନାହିଁ ଏବଂ ବୁଲଡୋଜର କାର୍ଯ୍ୟାନୁଷ୍ଠାନ ଗ୍ରହଣ କରିପାରିବେ ନାହିଁ। ମୌଳିକ ଅଧିକାରକୁ ଆଗକୁ ବଢାଇବା ଏବଂ ଆଇନଗତ ଅଧିକାର ହାସଲ କରିବା ପାଇଁ କାର୍ଯ୍ୟନିର୍ବାହୀ ଅଧିକାରୀଙ୍କୁ ନିର୍ଦ୍ଦେଶ ଦିଆଯାଇପାରିବ ବୋଲି କୋର୍ଟ କହିଛନ୍ତି।
ଅଭିଯୁକ୍ତଙ୍କ ବିରୋଧରେ ପଦକ୍ଷେପ ପୂର୍ବରୁ ନିରପେକ୍ଷ ବିଚାର ଜରୁରୀ ବୋଲି କହିଛନ୍ତି ସୁପ୍ରିମକୋର୍ଟ। କର୍ତ୍ତୃପକ୍ଷଙ୍କ ତୁଳନାରେ ଅଧିକାରୀମାନେ ଅଧିକ ସକ୍ରିୟ ହେଉଛନ୍ତି। ଆଇନଗତ ନୀତି ନିୟମକୁ ଉଲ୍ଲଂଘନ କରାଯାଉଛି। ବିଚାର ବିଭାଗକୁ କାର୍ଯ୍ୟନିର୍ବାହୀ ଅଗ୍ରାହ୍ୟ କରିପାରିବନି । ଅଭିଯୁକ୍ତଙ୍କ ବିରୋଧରେ କାର୍ଯ୍ୟାନୁଷ୍ଠାନ ନେଇ ଆଇନଗତ ପ୍ରକ୍ରିୟା ରହିଛି ବୋଲି କହିଛନ୍ତି ସର୍ବୋଚ୍ଚ ଅଦାଲତ।
ଏହି ରାୟ ଦେବାବେଳେ ସୁପ୍ରିମକୋର୍ଟ କହିଛନ୍ତି ଯେ ଏହା ସ୍ପଷ୍ଟ ଯେ କ୍ଷମତାର ଅବାଧ ବ୍ୟବହାରକୁ ଅନୁମତି ଦିଆଯାଇପାରିବ ନାହିଁ। ଯେତେବେଳେ ଜଣେ ନାଗରିକ ଆଇନ ଭଙ୍ଗ କରିଛନ୍ତି, ଆଇନ ଶୃଙ୍ଖଳା ରକ୍ଷା ତଥା ସେମାନଙ୍କୁ ବେଆଇନ କାର୍ଯ୍ୟରୁ ରକ୍ଷା କରିବା ପାଇଁ କୋର୍ଟ ରାଜ୍ୟ ଉପରେ ଦାୟିତ୍ବ ଦେଇଛନ୍ତି। ଏହାକୁ ପାଳନ ନକରିବା ଜନସାଧାରଣଙ୍କ ଆତ୍ମବିଶ୍ୱାସକୁ କ୍ଷୁର୍ଣ୍ଣ କରିପାରେ ଏବଂ ଅରାଜକତା ସୃଷ୍ଟି କରିପାରେ ।
ଅଦାଲତ କହିଛନ୍ତି ଯେ ଆମେ ଦେଖିଛୁ ଯେ ଅଭିଯୁକ୍ତଙ୍କ ମଧ୍ୟ କିଛି ଅଧିକାର ଏବଂ ସୁରକ୍ଷା ରହିଛି । ଆଇନ ଅନୁଯାୟୀ ଆଇନ ଶୃଙ୍ଖଳା ଅନୁସରଣ ନକରି ଅଭିଯୁକ୍ତ କିମ୍ବା ଅପରାଧୀଙ୍କ ବିରୋଧରେ ରାଜ୍ୟ ତଥା କର୍ତ୍ତୃପକ୍ଷ କୌ ଣସି କାର୍ଯ୍ୟାନୁଷ୍ଠାନ ଗ୍ରହଣ କରିପାରିବେ ନାହିଁ । ଏଥିପାଇଁ ଜଣେ ଅଧିକାରୀ ମନମୁଖୀ କାର୍ଯ୍ୟାନୁଷ୍ଠାନ ପାଇଁ ଦାୟୀ ରହିବେ। ସୁପ୍ରିମକୋର୍ଟ କହିଛନ୍ତି ଆଇନକୁ ସମ୍ମାନ ନକରି ନିଆଯାଇଥିବା ବୁଲଡୋଜର କାର୍ଯ୍ୟ ଅସାମ୍ବିଧାନିକ ଅଟେ।
ଆମେରିକା ପ୍ରଶାସନରେ ବଡ଼ ପରିବର୍ତ୍ତନ, ଡିପାର୍ଟମେଣ୍ଟ ଅଫ ଗଭର୍ଣ୍ଣମେଣ୍ଟ ଏଫିସିଏନ୍ସିରେ ମସ୍କ ନିଯୁକ୍ତ
ୱାଂଶିଟନ: ଆମେରିକା ନିର୍ବାଚନ ଜିତି ସାରିଛନ୍ତି ଡୋନାଲ୍ଡ ଟ୍ରମ୍ପ । ଏବେ ଏକ୍ସ ମାଲିକ ଏଲନ ମସ୍କଙ୍କୁ ଗୁରୁ ଦାୟିତ୍ବ। ସେହିପରି ବିବେକ ରାମସ୍ବାମୀଙ୍କ ଉପରେ ଭରସା ରଖିଛନ୍ତି ଆମେରିକାର ନବନିର୍ବାଚିତ ରାଷ୍ଟ୍ରପତି ଡୋନାଲଡ ଟ୍ରମ୍ପ। ପ୍ରଶାସନରେ ସ୍ବଚ୍ଛତା ଆଣିବା ଲାଗି ଡିପାର୍ଟମେଣ୍ଟ ଅଫ ଗଭର୍ଣ୍ଣମେଣ୍ଟ ଏଫିସିଏନ୍ସିରେ ମସ୍କ ଓ ରାମସ୍ବାମୀଙ୍କୁ ନିଯୁକ୍ତି ଦେଇଛନ୍ତି ଟ୍ରମ୍ପ। ସରକାରୀ ସ୍ତରରେ ଅମଲାତାନ୍ତ୍ରିକ ନିୟନ୍ତ୍ରଣ, ଅତ୍ୟଧିକ ନିୟାମକ ବ୍ଯବସ୍ଥା ହ୍ରାସ, ଅଯଥା ବ୍ୟୟବରାଦ ରୋକିବା, ସଂଘୀୟ ସଂସ୍ଥାଗୁଡିକୁ ପୁନର୍ଗଠନ କରିବା ଲାଗି ଏହି ନିଯୁକ୍ତି ଦିଆଯାଇଛି। ସେପଟେ ବିଶ୍ବର ସବୁଠାରୁ ଶକ୍ତିଶାଳୀ ଗୁଇନ୍ଦା ସଂସ୍ଥା ସିଆଇଏର ନିର୍ଦ୍ଦେଶକ ଭାବେ ନ୍ଯାସନାଲ ଇଣ୍ଟେଲିଜେନ୍ସର ପୂର୍ବତନ ନିର୍ଦ୍ଦେଶକ ଜନ ରାଟକ୍ଲିଫଙ୍କୁ ନିଯୁକ୍ତି ଦେଇଛନ୍ତି ଟ୍ରମ୍ପ। ଭାରତୀୟ ବଂଶୋଦ୍ଭବ କାଶ୍ଯପ କାସ୍ ପଟେଲ ଏହି ପଦବୀ ପାଇବେ ବୋଲି ଚର୍ଚ୍ଚା ଚାଲିଥିଲା।
ଟ୍ରମ୍ପଙ୍କ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଉଦ୍ଦ୍ୟୋଗପତି ଏଲନ ମସ୍କ ଓ କନଜରଭେଟିଭ ନେତା ତଥା ବ୍ୟବସାୟୀ ବିବେକ ରାମାସ୍ବାମୀଙ୍କୁ ସରକାରୀ ଦକ୍ଷତା ବିଭାଗର ନେତୃତ୍ବ ନେବା ପାଇଁ ଭିଡିଓରେ କହିଛନ୍ତି ଟ୍ରମ୍ପ ।ମସ୍କ ଓ ଟ୍ରମ୍ପ ନିର୍ବାଚନ ପ୍ରଚାର ବେଳେ ସରକାରୀ ଖର୍ଚ୍ଚ କମ କରିବା ପାଇଁ ପ୍ରତିଶ୍ରୁତି ଦେଇଥିଲେ । ସରକାରୀ ତାନାଶାହୀ ଶେଷ କରିବା ସହ ଅନାବଶ୍ୟକ ଖର୍ଚ୍ଚ କମ କରିବା ପାଇଁ ଏହି ବିଭାଗ ସାହାଯ୍ୟ କରିବ ।
ଟ୍ରମ୍ପ ସରକାରର ଯେଉଁ ବିଭାଗରେ ମସ୍କ କାମ କରିବେ ତାର ନାମ ଡୋଗ୍ ରହିବ । ମସ୍କଙ୍କ ସହ ଜଡିତ ଇଣ୍ଟରନେଟ ମିମ୍ ଓ କ୍ରିପ୍ଟୋକରେନ୍ସୀ ସହ ଏହି ନାମ ଜଡିତ । ନାମ ଘୋଷଣା ପରେ ମସ୍କ ଏକ୍ସରେ ପୋଷ୍ଟ କରିଛନ୍ତି ଯେ ‘‘ଗଣତନ୍ତ୍ରକୁ ଧମକ, ନା ପ୍ରଶାସନିକ ଅଧିକାରୀଙ୍କୁ ଧମକ ।’’ସେହିପରି ରାମାସ୍ବାମୀ ସଙ୍ଘୀୟ ଏଜେନ୍ସୀରୁ ବ଼ଡ ଛଟେଇ ପାଇଁ ଘୋଷଣା କରିସାରିଲେଣି । ମସ୍କ କହିଛନ୍ତି ସଙ୍ଘୀୟ ବଜେଟରୁ ସେ ୨ ଟ୍ରିଲିଅନ ଡଲାର ଖର୍ଚ୍ଚ କମ କରିବାକୁ ଚାହୁଁଛନ୍ତି ।
କେନ୍ଦ୍ର ସଡ଼କ ପରିବହନ ଓ ରାଜପଥ ମନ୍ତ୍ରୀ ନୀତୀନ ଗଡ଼କରୀଙ୍କ ହେଲିକପ୍ଟର ଯାଞ୍ଚ
ମୁମ୍ବାଇ: କେନ୍ଦ୍ର ସଡ଼କ ପରିବହନ ଓ ରାଜପଥ ମନ୍ତ୍ରୀ ନୀତୀନ ଗଡ଼କରୀଙ୍କ ହେଲିକପ୍ଟର ଯାଞ୍ଚ। ମହାରାଷ୍ଟ୍ର ଲାଟୁରରେ ଗଡକରୀଙ୍କ ଚପରକୁ ଯାଞ୍ଚ କରିଛନ୍ତି ନିର୍ବାଚନ କର୍ତ୍ତୃପକ୍ଷ। ଶିବସେନା ୟୁବିଟି ନେତା ଉଦ୍ଧବ ଠାକରେଙ୍କ ଦୁଇଟି ବ୍ଯାଗକୁ ୟାବତମାଲ ଓ ଲାଟୁରରେ ଯାଞ୍ଚ କରାଯିବା ପରେ ଗଡକରୀଙ୍କ ହେଲିକପ୍ଟର ବି ଯାଞ୍ଚ କରାଯାଇଛି। ମହାରାଷ୍ଟ୍ରରେ ନିର୍ବାଚନ ପ୍ରଚାର କାର୍ଯ୍ୟରେ ଯାଇଥିବାବେଳେ ଗଡକରୀ ଯାଞ୍ଚର ସମ୍ମୁଖୀନ ହୋଇଥିଲେ।
ପୂର୍ବରୁ ଗତ ସୋମବାର ଉଦ୍ଧବଙ୍କ ବ୍ଯାଗ ଯାଞ୍ଚକୁ ନେଇ ବିବାଦ ସୃଷ୍ଟି ହୋଇଥିଲା। ନିର୍ବାଚନ ପ୍ରକ୍ରିୟାରେ ତାଙ୍କୁ ଟାର୍ଗେଟ କରାଯାଉଛି ବୋଲି ଅଭିଯୋଗ କରିଥିଲେ ଉଦ୍ଧବ। ରାଜ୍ଯରେ ନିର୍ବାଚନ ଆଚରଣ ବିଧି କାର୍ଯ୍ୟକାରୀ ହେବା ପରେ ନିର୍ବାଚନ ଅଧିକାରୀ ଯାଞ୍ଚ ପ୍ରକ୍ରିୟା ଜାରି ରଖିଛନ୍ତି। ଉଦ୍ଧବ କହିଥିଲେ- ସେ ହେଉଛନ୍ତି ପ୍ରଥମ ନେତା ଯାହାଙ୍କ ବ୍ଯାଗ ଯାଞ୍ଚ ହୋଇଛି। ବିରୋଧୀଙ୍କୁ ଟାର୍ଗେଟ କରାଯାଉଛି ବୋଲି ଅଭିଯୋଗ କରିଥିଲା ମହାବିକାଶ ଅଘାଡି।
୧୫ କୋଟି ଠକେଇ ମାମଲାରେ ଝାଡଖଣ୍ଡ ହାଇକୋର୍ଟଙ୍କ ଧୋନିଙ୍କୁ ନୋଟିସ
ରାଞ୍ଚି: ମହେନ୍ଦ୍ର ସିଂ ଧୋନିଙ୍କୁ ଝାଡଖଣ୍ଡ ହାଇକୋର୍ଟ ନୋଟିସ ଜାରି କରିଛନ୍ତି। ନଭେମ୍ବର ୧୨ରେ ଟିମ୍ ଇଣ୍ଡିଆର ପୂର୍ବତନ ଅଧିନାୟକ ଏହି ନୋଟିସ୍ ଗ୍ରହଣ କରିଛନ୍ତି । ଠକେଇ ମାମଲାରେ ତାଙ୍କ ପକ୍ଷ ଉପସ୍ଥାପନ କରିବାକୁ ନୋଟିସ୍ରେ ନିର୍ଦ୍ଦେଶ ଦିଆଯାଇଛି। ଧୋନିଙ୍କ ପୂର୍ବତନ ଅଂଶୀଦାର ମିହିର ଦିୱାକର ଏବଂ ସୋମିଆ ଦାସ, ଆର୍କା ସ୍ପୋର୍ଟସ ଆଣ୍ଡ ମ୍ୟାନେଜମେଣ୍ଟ ଲିମିଟେଡରେ ନିବେଶକ ଅଟନ୍ତି। ଧୋନି ତାଙ୍କ ବିରୋଧରେ ଠକେଇ ମାମଲା ଦାୟର କରିଛନ୍ତି। ଧୋନି ଜାନୁଆରୀ ୫ରେ ଏହି ମାମଲା ଦାୟର କରିଥିଲେ। ଧୋନିଙ୍କ ସମାନ ଅଭିଯୋଗ ବିରୋଧରେ ମିହିର ଏବଂ ସୋମିଆ ମଧ୍ୟ ଏକ ପିଟିସନ ଦାଖଲ କରିଥିଲେ।
ପୂର୍ବତନ ଭାରତୀୟ ଅଧିନାୟକ ଧୋନିଙ୍କ ବ୍ୟବସାୟିକ ସହଯୋଗୀ ଭାବେ ଜଣାଶୁଣା ସୋମିଆ ଦାସ ଏବଂ ମିହିର ଦିୱାକର ଧୋନିଙ୍କ ଜଣେ ଭଲ ବନ୍ଧୁ ମଧ୍ୟ । ଏହି ବର୍ଷ ଜାନୁଆରୀରେ ଧୋନି ଅଭିଯୋଗ କରିଥିଲେ ଯେ ଉଭୟେ ତାଙ୍କ ନାମର ଅପବ୍ୟବହାର କରି ୧୫ କୋଟି ଟଙ୍କା ଠକେଇ କରିଛନ୍ତି ।
ଅନ୍ୟପଟେ ମିହିର ଦିୱାକର ଏବଂ ସୋମିଆ ଦାସ ଏହି ଘଟଣାରେ ଝାଡଖଣ୍ଡ ହାଇକୋର୍ଟଙ୍କ ନିକଟକୁ ଯାଇ ସେଠାରେ ରାଞ୍ଚିର ଜୁଡିସିଆଲ ମାଜିଷ୍ଟ୍ରେଟଙ୍କ ନିଷ୍ପତ୍ତିକୁ ଚ୍ୟାଲେଞ୍ଜ କରିଛନ୍ତି। ସମାନ ମାମଲା ହାଇକୋର୍ଟରେ ଶୁଣାଣି ହୋଇଥିଲା। ଏବେ ଦେଖିବାକୁ ବାକି ରହିଲା ଧୋନି ନୋଟିସ ପାଇବା ପରେ କେତେ ଦିନ ତାଙ୍କ ପକ୍ଷ ଉପସ୍ଥାପନ କରିବେ। କାରଣ ଯେଉଁ ତାରିଖ ସୁଦ୍ଧା ସେମାନଙ୍କ ମାମଲା ଉପସ୍ଥାପନ କରିବାକୁ ନିର୍ଦ୍ଦେଶ ଦିଆଯାଇଛି ସେ ସମ୍ବନ୍ଧରେ କୌଣସି ଠୋସ୍ ସୂଚନା ନାହିଁ।
ଧୋନି ଏବେ ଆଇପିଏଲ୍ ୨୦୨୫ ଖେଳିବା ପାଇଁ ପ୍ରସ୍ତୁତି ଜାରି ରଖିଛନ୍ତି । ଆସନ୍ତା ସିଜିନ ପାଇଁ ସିଏସକେ ତାଙ୍କୁ 4 କୋଟି ଟଙ୍କାରେ କିଣିଛି ।