ଭଦ୍ରକ : ଧାମନଗରରେ ପହଞ୍ଚିଲେ ପୋଲିସ ଡିଜି ୱାଇ.ବି. ଖୁରାନିଆ। ଭଦ୍ରକ ଓ ଧାମନଗରରେ ସେ କରିବେ ସ୍ଥିତି ସମୀକ୍ଷା। ତାଙ୍କ ସହ ଅଛନ୍ତି ବରିଷ୍ଠ ଅଧିକାରୀଙ୍କ ସମେତ ଭଦ୍ରକ ଜିଲ୍ଲାପାଳ ଓ ଏସପି। ଧାମନଗର ପରେ ସେ ଭଦ୍ରକରେ ସ୍ଥିତି ସମୀକ୍ଷା କରିବେ। ସେପଟେ ଧାମନଗର ଅଞ୍ଚଳରେ କୋହଳ ହୋଇଛି କଟକଣା । ଧାମନଗର ଓ ଦୋବଲରେ ଧାରା ୧୬୩ ଧାରାକୁ ସାମାନ୍ଯ କୋହଳ କରାଯାଇଛି । ଏହି ଦୁଇ ଅଞ୍ଚଳରେ ସକାଳ ୬ଟାରୁ ରାତି ୮ଟା ଯାଏଁ ଦୋକାନ ବଜାର କଟକଣା ମଧ୍ଯରେ ଖୋଲିବାକୁ ପ୍ରଶାସନ ଅନୁମତି ଦେଇଛି । କୌଣସି ସ୍ଥାନରେ ୨ରୁ ଅଧିକ ଲୋକ ଭିଡ ନକରିବା, ବୈଠକ ଓ ରାଲି ନକରିବାକୁ ନିର୍ଦ୍ଦେଶ ଦିଆଯାଇଛି । ପରିସ୍ଥିତିକୁ ଦେଖି ପରବର୍ତ୍ତୀ ସମୟରେ ଇଣ୍ଟରନେଟ ସେବା ଉପରେ ନିଷ୍ପତି ନିଆଯିବ ବୋଲି କହିଛନ୍ତି ପୂର୍ବାଞ୍ଚଳ ଡିଆଇଜି ସତ୍ୟଜିତ ନାଏକ । ସ୍ଥିତିରେ ସୁଧାର ଆସୁଥିବାବେଳେ ଗିରଫଦାରୀ ସଂଖ୍ଯା ବୃଦ୍ଧି ପାଇଛି । ଏଯାଏଁ ମାମଲାରେ ଭଦ୍ରକରୁ ୧୦ ଧାମନଗରରୁ ୧୭ ଜଣ ମୋଟ ୨୭ ଜଣଙ୍କୁ ଗିରଫ କରାଯାଇଛି ।
ଜଣେ ଛାତ୍ରୀ ଶିକ୍ଷୟିତ୍ରୀଙ୍କ ଗୋଡ଼ ମୋଡ଼ିବା ଘଟଣାରେ ପ୍ରଧାନ ଶିକ୍ଷୟିତ୍ରୀ ନିଲମ୍ବିତ
କଟକ : ନନ୍ଦିଘୋଷ ଟିଭିର ମହାପ୍ରଭାବ। ଜଣେ ଛାତ୍ରୀ ଶିକ୍ଷୟିତ୍ରୀଙ୍କ ଗୋଡ଼ ମୋଡ଼ିବା ଘଟଣାରେ ପ୍ରଧାନ ଶିକ୍ଷୟିତ୍ରୀ ନିଲମ୍ବିତ। କଟକ ଜିଲ୍ଲା ହରିଅନ୍ତା ପଞ୍ଚାୟତ ତିରଣପଦା ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ସବିତା ମହାନ୍ତିଙ୍କ ଗୋଡକୁ ଜଣେ ଛାତ୍ରୀ ମୋଡ଼ୁଥିବା ଘଟଣା ସଂପର୍କରେ ପ୍ରଥମେ ନନ୍ଦିଘୋଷ ଟିଭିରେ ଖବର ପ୍ରସାରିତ ହୋଇଥିଲା । ଏହି ଘଟଣାର ତଦନ୍ତ କରି ବ୍ଲକ ଶିକ୍ଷାଧିକାରୀ କୁନ୍ତଳା ଖଟୁଆ ପ୍ରଧାନ ଶିକ୍ଷୟିତ୍ରୀଙ୍କୁ ନିଲମ୍ବନ କରିଥିବା ଦର୍ଶାଇଛନ୍ତି । ପ୍ରଧାନ ଶିକ୍ଷୟିତ୍ରୀ ଶ୍ରୀମତୀ ମହାନ୍ତି ଶ୍ରେଣୀ ଗୃହରେ ଶୋଇଥିବା ବେଳେ ଜଣେ ଛାତ୍ରୀ ତାଙ୍କ ପାଦ ମୋଡୁଥିବା ଏବଂ ଶ୍ରେଣୀ ଗୃହରେ ଏକ ବାଡ଼ିରେ ସେ ପିଲାମାନଙ୍କୁ ପିଟୁଥିବାର ଦୁଇଟି ଭିଡିଓ ଭାଇରାଲ ହୋଇଥିଲା।
ଦୁର୍ଗାପାଙ୍ଗା ପଞ୍ଚାୟତରେ ଝାଡ଼ାବାନ୍ତି ଆତଙ୍କ
ବାଲିଗୁଡା : କନ୍ଧମାଳ ଜିଲ୍ଲା କୋଟଗଡ଼ ବ୍ଳକ ଦୁର୍ଗାପାଙ୍ଗା ପଞ୍ଚାୟତରେ ଝାଡ଼ାବାନ୍ତି ଆତଙ୍କ । ଏଯାଏଁ ୫ଜଣଙ୍କ ମୃତ୍ୟୁ ଘଟିଥିବା ସରକାରୀ ସୂତ୍ରରୁ ସୂଚନା। ହେଲେ କାଣିବାରୁ ଅଞ୍ଚଳର ୧୨ ଜଣଙ୍କ ମୃତ୍ୟୁ ଘଟିଥିବା ଗ୍ରାମବାସୀଙ୍କ ପକ୍ଷରୁ କୁହାଯାଇଛି । ସେପଟେ ଏବେବି ଅଞ୍ଚଳର ୨୦ ରୁ ଉର୍ଦ୍ଧ୍ୱ ଲୋକେ ଆକ୍ରାନ୍ତ ଥିବା ସୂଚନା ମିଳିଛି । ଗତ କିଛିଦିନ ହେବ କୋଟଗଡ଼ ବ୍ଲକ୍ ଅନ୍ତର୍ଗତ ଦୁର୍ଗାପାଙ୍ଗା ପଞ୍ଚାୟତର କାଣିବାରୁ, ସିନ୍ଧିବାଲି, ବାଣିପାଙ୍ଗା, ଡିମିଲି, ସାକାରଜୋଡ଼ି ଆଦି ଅଞ୍ଚଳର ଲୋକେ ଝାଡ଼ାବାନ୍ତିରେ ଆକ୍ରାନ୍ତ ହୋଇଥିବା ଜଣାପଡ଼ିଛି । କୋଟଗଡ଼ ଓ ବାଲିଗୁଡ଼ା ଡାକ୍ତରଖାନାରେ କିଛି ଲୋକ ଚିକତ୍ସିତ ହେଉଥିବା ବେଳେ ଗାଁ ରେ ଅନେକ ଲୋକ ଆକ୍ରାନ୍ତ ଥିବା ଜଣାପଡ଼ିଛି । ଗାଁକୁ ଭଲ ରାସ୍ତା ନଥିବାରୁ ପହଞ୍ଚିପାରୁନି ଆମ୍ବୁଲାନ୍ସ। ଫଳରେ ଠିକ୍ ସମୟରେ ଲୋକେ ଡାକ୍ତରଖାନାରେ ପହଞ୍ଚିପାରୁନଥିବା କହିଛନ୍ତି ଅଞ୍ଚଳବାସୀ । ସେପଟେ ଘଟଣା ସମ୍ପର୍କରେ ଖବରପାଇ ସ୍ବାସ୍ଥ୍ୟ ବିଭାଗର ୫ଟି ଟିମ୍ ଗାଁରେ ପହଞ୍ଚି ସ୍ଥିତି ଅନୁଧ୍ୟାନ କରିବା ସହ ରୋଗୀଙ୍କୁ ଚିକିତ୍ସା କରୁଥିବା କୋଟଗଡ଼ ଚିକିତ୍ସା ଅଧିକାରୀ ସୂଚନା ଦେଇଛନ୍ତି । ଗାଁ ରେ ବିଶୁଦ୍ଧ ପାନୀୟ ଜଳର ବ୍ୟବସ୍ଥା ନଥିବାରୁ ଲୋକେ ନଦୀ,ନାଳ ପାଣି ପିଇ ରୋଗରେ ଆକ୍ରାନ୍ତ ହେଉଥିବା ଗାଁ ଲୋକଙ୍କ ନିକଟରୁ ସୂଚନା ମିଳିଛି ।
ଝିଅ ହେଲା ବୋଲି ସ୍ତ୍ରୀକୁ ଘରେ ତାଲା ପକାଇଲେ ସ୍ବାମୀ
ବାଲେଶ୍ବର : ବାଲେଶ୍ବର ରେମୁଣାରେ ଦେଖିବାକୁ ମିଳିଛି ଅଭାବନୀୟ ଘଟଣା। ଝିଅ ହେଲା ବୋଲି ସ୍ତ୍ରୀକୁ ଘର ଭିତରେ ତାଲା ପକାଇଲେ ସ୍ବାମୀ । ସୂଚନା ପାଇ ପୋଲିସ ଘଟଣା ସ୍ଥଳରେ ପହଞ୍ଚି ତାଲା ଭାଙ୍ଗି ମହିଳାଙ୍କୁ ଉଦ୍ଧାର କରିଛି। ୨୦୧୧ ମସିହାରେ ବସନ୍ତ ସାହୁଙ୍କ ସହିତ ମହିଳାଙ୍କ ବିବାହ ହୋଇଥିଲା । ପରେ ପରେ ସେ ୨ଟି ଝିଅକୁ ଜନ୍ମ ଦେଇଥିଲେ । ଝିଅ ଜନ୍ମକୁ ନେଇ ପରିବାରେ ମହିଳାଙ୍କ ଉପରେ ନିର୍ଯାତନା ଆରମ୍ଭ ହୋଇଥିଲା । ଏମିତିକି ଜଣେ ନିକଟ ସମ୍ପର୍କିୟାଙ୍କୁ ଦ୍ବିତୀୟ ବିବାହ କରିବାକୁ ସ୍ତ୍ରୀଙ୍କୁ ଛାଡ଼ପତ୍ର ଦେବାକୁ ବସନ୍ତ କୋର୍ଟର ଆଶ୍ରୟ ନେଇଛନ୍ତି । ଗତକାଲି ଏହି ମାମଲାରେ କାଉନସେଲିଂ ପାଇଁ ଉଭୟ ପକ୍ଷଙ୍କୁ ଥାନାକୁ ଡ଼କାଇଥିଲେ । ଥାନାରୁ ଫେରିବା ପରେ ମହିଳାଙ୍କ ସମେତ ଦୁଇ ଝିଅଙ୍କୁ ସ୍ବାମୀ ବସନ୍ତ ସାହୁ ଘର ଭିତରେ ତାଲା ପକାଇଥିବା ଅଭିଯୋଗ ହୋଇଛି । ଗାଁ ଲୋକେ ପ୍ରତିବାଦ କରିବାରୁ ୮ ଘଣ୍ଟା ପରେ ପୋଲିସ ପହଞ୍ଚି ତାଲା ଭାଙ୍ଗି ସୁନୀତା ଓ ଦୁଇ ଝିଅଙ୍କୁ ଉଦ୍ଧାର କରିଛି।
ଅଭିନେତା ଗୋବିନ୍ଦାଙ୍କ ଦେହରେ ଗୁଳି
ମୁମ୍ବାଇ : ବଲିଉଡ ଅଭିନେତା ଗୋବିନ୍ଦା ଆହତ। ନିଜ ଗୁଳିରେ ନିଜେ ଆହତ ହୋଇଛନ୍ତି ଗୋବିନ୍ଦା। ନିଜ ଲାଇସେନ୍ସ ପ୍ରାପ୍ତ ବନ୍ଧୁକରୁ ଭୁଲ୍ ବଶତଃ ଗୁଳି ବାଜିବାରୁ ସେ ଆହତ ହୋଇଛନ୍ତି । ସୂଚନା ଆଧାରରେ ,ସକାଳ ପ୍ରାୟ ୪ଟା ୪୫ମିନିଟ୍ ରେ ଗୋବିନ୍ଦା ନିଜର ବନ୍ଧୁକ ସଫା କରୁଥିବା ବେଳେ ଏହି ଘଟଣା ଘଟିଛି । ଆହତ ଅବସ୍ଥାରେ ତାଙ୍କୁ ମୁମ୍ବାଇର କ୍ରିଟିକ୍ କେୟାର୍ ହସ୍ପିଟାଲରେ ଭର୍ତ୍ତି କରାଯାଇଛି । ଗୋବିନ୍ଦାଙ୍କର ଆଣ୍ଠୁରେ ଗୁଳି ବାଜି ଅଧିକ ରକ୍ତସ୍ରାବ ହୋଇଛି। ତେବେ ସେ ବିପଦମୁକ୍ତ ଥିବା କୁହାଯାଇଛି।..
‘ଦେବରା’ କାହିଁକି ‘କଲ୍କି’ ପରି ଯାଦୁ ଦେଖାଇ ପାରିଲା ନାହିଁ? ଜାଣନ୍ତୁ ପାଞ୍ଚୋଟି କାରଣ…
ନନ୍ଦିଘୋଷ ବ୍ୟୁରୋ : ୨୦୨୨ ମସିହାରେ ‘RRR’ ସହିତ ଧମାଲ କରିଥିବା ଜୁନିଅର NTR ବର୍ତ୍ତମାନ ତାଙ୍କର ନୂଆ ଚଳଚ୍ଚିତ୍ର ପ୍ରେକ୍ଷାଳୟକୁ ଆସିଛି । ସେ ‘ଦେବରା’ ନାମକ ଏକ ଚଳଚ୍ଚିତ୍ର ଆଣିଛନ୍ତି, ଯାହା ପାନ ଇଣ୍ଡିଆର ଫିଲ୍ମ ଅଟେ । କୋରତାଲା ଶିବଙ୍କ ନିର୍ଦ୍ଦେଶନାରେ ନିର୍ମିତ ଏହି ଚଳଚ୍ଚିତ୍ରରେ ଅନେକ ଆକ୍ସନ୍ ଦେଖିବାକୁ ମିଳିଛି । ଫିଲ୍ମଟି ଭଲ ବ୍ୟବସାୟ ମଧ୍ୟ । ଏହି ଚଳଚ୍ଚିତ୍ର ପ୍ରଥମ ସପ୍ତାହ ଶେଷରେ ୩୦୪ କୋଟି ଟଙ୍କା ସଂଗ୍ରହ କରିଛି । ତେବେ ଏହି ରୋଜଗାର ସାଉଥ ସୁପରଷ୍ଟାର ପ୍ରଭାସଙ୍କ ଫିଲ୍ମ ‘କଲ୍କି ୨୮୯୮ AD ‘ ଠାରୁ କମ୍ ଅଟେ।
‘କାଲ୍କି ୨୮୯୮ AD’ ଏହାର ପ୍ରଥମ ସପ୍ତାହ ଶେଷରେ ସାରା ବିଶ୍ୱରେ ୫୫୫ କୋଟି ଟଙ୍କା ଆୟ କରିଥିଲା । ‘କଲ୍କି’ ଚାରି ଦିନର ପ୍ରଥମ ସପ୍ତାହ ଶେଷ ହୋଇଥିଲା, କାରଣ ଏହି ଚଳଚ୍ଚିତ୍ରଟି ଗୁରୁବାର ରିଲିଜ ହୋଇଥିଲା ଏବଂ ଶୁକ୍ରବାର ଦିନ ‘ଦେବରା’ ପ୍ରେକ୍ଷାଳୟରେ ମୁକ୍ତିଲାଭ କରିଥିଲା । ଏଭଳି ପରିସ୍ଥିତିରେ ‘ଦେବରା’ ମାତ୍ର ତିନି ଦିନ ପାଇଁ ପ୍ରଥମ ସପ୍ତାହ ଶେଷ ହୋଇଥିଲା ।
ସେଥିପାଇଁ ଦୁହେଁ ତିନି ଦିନର କଲେକସନ ବିଷୟରେ କହିବାକୁ ଗଲେ, ତିନି ଦିନରେ ‘କଲ୍କି’ର ରୋଜଗାର ମଧ୍ୟ’ ଦେବରା’ଙ୍କ ତୁଳନାରେ ଅଧିକ ଥିଲା । ପ୍ରଥମ ତିନି ଦିନରେ ‘କଲ୍କି’ ୪୧୫ କୋଟି ଟଙ୍କା ସଂଗ୍ରହ କରିଥିଲା । ଏହାର ଅର୍ଥ ହେଉଛି ‘ଦେବରା’ ଠାରୁ ୧୧୧ କୋଟି ଟଙ୍କା ଅଧିକ । ଏପରି ପରିସ୍ଥିତିରେ, ଆସନ୍ତୁ ଜାଣିବା କିଛି ପଏଣ୍ଟ ମାଧ୍ୟମରେ ଯେଉଁଠାରେ ‘ଦେବରା’ ଭୁଲ୍ ହୋଇଛି, ଯେଉଁଥିପାଇଁ ଏହି ଚଳଚ୍ଚିତ୍ରଟି ‘କଲ୍କି’ ଠାରୁ ପଛରେ ଥିଲା |
ଲିଡ୍ ହିରୋ- ଯଦି ଏହା କୁହାଯାଏ ଯେ ପାନ୍ ଇଣ୍ଡିଆ ଚଳଚ୍ଚିତ୍ରକୁ ପ୍ରଥମ ଦକ୍ଷିଣ ଭାରତୀୟ ଅଭିନେତା ପ୍ରଭାସଙ୍କ ବ୍ୟତୀତ ଅନ୍ୟ କେହି ନୁହଁନ୍ତି। ୨୦୧୭ ରେ ରିଲିଜ୍ ହୋଇଥିବା ତାଙ୍କ ଫିଲ୍ମ ‘ବାହୁବଳୀ’ ପରେ ପାନ୍ ଇଣ୍ଡିଆ ସିରିଜ୍ ଆରମ୍ଭ ହୋଇଥିଲା । ତେବେ ପ୍ରଭାସ ଏହା ପରେ ମୁକ୍ତିଲାଭ କରିଥିବା ସମସ୍ତ ଚଳଚ୍ଚିତ୍ରରେ ସେ କିଛି ବିଶେଷ ପ୍ରଦର୍ଶନ କରିପାରିନଥିଲେ । ଅବଶ୍ୟ, ‘କଲ୍କି’ ଏହି କାର୍ଯ୍ୟ ସମାପ୍ତ କଲା । ଏଭଳି ପରିସ୍ଥିତିରେ ସେହି ଚଳଚ୍ଚିତ୍ର ଅଧିକ ଟଙ୍କା ରୋଜଗାର କଲା । ତଥାପି, ‘ଦେବରା’ରେ’ କଲ୍କି ‘ଭଳି ରୋଜଗାର ନାହିଁ କିମ୍ବା ଜୁନିଅର ଏନଟିଆରରେ ପ୍ରଭାସଙ୍କ ଭଳି ଷ୍ଟାରଡମ୍ ନାହିଁ ।
ଅଭିନେତ୍ରୀ- ଦୀପିକା ପାଦୁକୋନ୍ ‘କଲ୍କି’ରେ ମହିଳା ଲିଡ୍ ଏବଂ’ ଦେବରା’ରେ ଜାନଭୀ କପୁର ଥିଲେ` ଜୁନିଅର NTR ଏବଂ ପ୍ରଭାସଙ୍କ ପରି ଏହି ଦୁଇ ଅଭିନେତ୍ରୀଙ୍କ ମଧ୍ୟରେ ମଧ୍ୟରେ ଏକ ଷ୍ଟାରଡମ୍ ପାର୍ଥକ୍ୟ ଅଛି । ଗୋଟିଏ ପଟେ ଦୀପିକା ଗତ ୧୭ ବର୍ଷ ଧରି ବଲିଉଡରେ କାମ କରୁଥିବାବେଳେ ଅନ୍ୟ ପଟେ ଜାନଭୀ ଫିଲ୍ମ ଇଣ୍ଡଷ୍ଟ୍ରିରେ ପ୍ରବେଶ କରିବାର ମାତ୍ର ୬ ବର୍ଷ ବିତିଛି। ଏଭଳି ପରିସ୍ଥିତିରେ ଦୀପିକାଙ୍କ ଖ୍ୟାତିର ଲାଭ ମଧ୍ୟ ‘କଲ୍କି’ ପାଇଲା |
କନସେପ୍ଟ- ଉଭୟ ଚଳଚ୍ଚିତ୍ରର କାହାଣୀ ମଧ୍ୟ ପରସ୍ପରଠାରୁ ଅଲଗା । ଯଦି ଆପଣ ‘ଦେବରା’ ଦେଖନ୍ତି ତେବେ ଆପଣ ବୁଝିପାରିବେ ଯେ ଏହା ଏକ ସାଧାରଣ ଦକ୍ଷିଣ ଭାରତୀୟ ଚଳଚ୍ଚିତ୍ର ଏବଂ ଆପଣ ପୂର୍ବରୁ ଏପରି ଚିତ୍ର ଦେଖିଥିବେ ।ତେବେ ହିନ୍ଦୁ ପୁରାଣ ‘କଲ୍କି’ରେ ବ୍ୟବହୃତ ହୋଇଥିଲା, ଯାହା ସେହି ଚଳଚ୍ଚିତ୍ରକୁ ଟିକିଏ ଭିନ୍ନ କରିଥାଏ । କନସେପ୍ଟରେ ଭିନ୍ନ ହେବା ମଧ୍ୟ ସେହି ଚଳଚ୍ଚିତ୍ର ପାଇଁ ଲାଭଦାୟକ ପ୍ରମାଣିତ ହୋଇଥିଲା |
ବଜେଟ୍- ଉଭୟ ଚଳଚ୍ଚିତ୍ରର ବଜେଟରେ ଏକ ପାର୍ଥକ୍ୟ ଅଛି । ଯଦି ଏକ ରିପୋର୍ଟକୁ ବିଶ୍ବାସ କରାଯାଏ, ‘କାଲ୍କି’ ୬୦୦କୋଟି ଟଙ୍କା ବଜେଟରେ ନିର୍ମିତ ହୋଇଥିବାବେଳେ ‘ଦେବରା’ ତାହାର ଅଧା ବଜେଟରେ ନିର୍ମିତ ହୋଇଛି । କୁହାଯାଉଛି ଯେ ‘ଦେବରା’ ୩୦୦ କୋଟି ଟଙ୍କାରେ ତିଆରି ହୋଇଛି। ବଜେଟ୍ ଦୃଷ୍ଟିରୁ ଏକ ବଡ ଚଳଚ୍ଚିତ୍ର ହେବା ମଧ୍ୟ ‘କଲ୍କି’ ପାଇଁ ଏକ ପ୍ଲସ୍ ପଏଣ୍ଟ ଥିଲା ।
ପ୍ରମୋସନାଲ୍ ଷ୍ଟ୍ରାଟେଜୀ- ‘ଦେବରା’କୁ’ କଲ୍କି ‘ପରି ବଡ଼ ଆକାରରେ ପ୍ରୋତ୍ସାହିତ କରାଯାଇନଥିଲା । ରିପୋର୍ଟ ଅନୁଯାୟୀ, ‘କଲ୍କି’ର ନିର୍ମାତାମାନେ ପଦୋନ୍ନତି ପାଇଁ ୪୦-୬୦ କୋଟି ଟଙ୍କା ଅଲଗା ବଜେଟ୍ ପ୍ରସ୍ତୁତ କରିଥିଲେ ।ଚଳଚ୍ଚିତ୍ର ବିଷୟରେ ଅଧିକ କ୍ରେଜ୍ ସୃଷ୍ଟି କରିବାକୁ ନିର୍ମାତାମାନେ ରିଲିଜ୍ ହେବାର ୨୫ ଦିନ ପୂର୍ବରୁ ପ୍ରତିଦିନ ଫିଲ୍ମ ସହିତ ଜଡିତ ଏକ ଅପଡେଟ୍ ଦେବା ଆରମ୍ଭ କରିଥିଲେ । ନିର୍ମାତାମାନେ ସୋସିଆଲ ମିଡିଆ ମାଧ୍ୟମରେ ପ୍ରତିଦିନ ଏକ ନୂଆ ଅପଡେଟ୍ ସେୟାର କରୁଥିଲେ ।| ଏଭଳି ପରିସ୍ଥିତିରେ ଫିଲ୍ମକୁ ନେଇ ଏକ ବଡ ଗୁଜବ ସୃଷ୍ଟି ହୋଇଥିଲା ।
ବିଗିଡିଲା ରଜନୀକାନ୍ତଙ୍କ ସ୍ବାସ୍ଥ୍ୟବସ୍ଥା, ଚେନ୍ନାଇର ଘରୋଇ ହସ୍ପିଟାଲରେ ଭର୍ତ୍ତି
ଚେନ୍ନାଇ : ସୋମବାର ବିଳମ୍ବିତ ରାତିରେ ସୁପରଷ୍ଟାର ରଜନୀକାନ୍ତଙ୍କ ସ୍ୱାସ୍ଥ୍ୟ ହଠାତ୍ ଖରାପ ହୋଇଯାଇଥିଲା । ଏହା ପରେ ତାଙ୍କୁ ଚେନ୍ନାଇର ଏକ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଛି । ଚେନ୍ନାଇ ପୋଲିସର କହିବାନୁସାରେ, ପେଟରେ ଯନ୍ତ୍ରଣା ଭୋଗିବା ପରେ ତାଙ୍କୁ ଡାକ୍ତରଖାନା ନିଆଯାଇଥିଲା ।ରଜନୀକାନ୍ତଙ୍କ ଅବସ୍ଥା ସ୍ଥିର ଥିବା ଡାକ୍ତରଖାନା ସୂତ୍ରରୁ ଜଣାପଡିଛି ।
ରଜନୀକାନ୍ତ ଏବଂ ଅମିତାଭ ବଚ୍ଚନଙ୍କ ‘ଭେଟ୍ଟିୟାନ’ର ଟ୍ରେଲର ୨ ଅକ୍ଟୋବରରେ ରିଲିଜ ହେବାକୁ ଯାଉଛି` ଏହି ଚଳଚ୍ଚିତ୍ରଟି ଅକ୍ଟୋବର ୧୦ରେ ପ୍ରେକ୍ଷାଳୟରେ ମୁକ୍ତିଲାଭ କରିବ । ନିକଟରେ ଫିଲ୍ମର ନିର୍ମାତା ରଜନୀକାନ୍ତଙ୍କ ଏକ ନୂଆ ପୋଷ୍ଟର ରିଲିଜ କରିଥିଲେ, ଯେଉଁଥିରେ ସେ ବହୁତ ଷ୍ଟାଇଲିଶ୍ ଲୁକରେ ନଜର ଆସିଛନ୍ତି ।
ଚଳଚ୍ଚିତ୍ର ‘ଭେଟ୍ଟିଆନ୍’ରେ ରଜନୀକାନ୍ତଙ୍କୁ ଏକ ଏନକାଉଣ୍ଟର ବିଶେଷଜ୍ଞ ଭୂମିକାରେ ଦେଖିବାକୁ ମିଳିଥିବା ବେଳେ ଅମିତାଭ ବଚ୍ଚନଙ୍କ ଚରିତ୍ର ଏନକାଉଣ୍ଟର ବିଶେଷଜ୍ଞଙ୍କ ବିପକ୍ଷରେ ଅଛି । ଏହି ଚଳଚ୍ଚିତ୍ରକୁ ପ୍ରଶଂସକମାନେ ଉତ୍ସାହର ସହିତ ଅପେକ୍ଷା କରିଛନ୍ତି ।
ରୋମାଞ୍ଚକର ସ୍ଥିତିରେ କାନପୁର ଟେଷ୍ଟ, ମ୍ଯାଚ ଜିତିବା ଲକ୍ଷ୍ଯରେ ଟିମ୍ ଇଣ୍ଡିଆ
ନନ୍ଦିଘୋଷ ବ୍ୟୁରୋ : ରୋମାଞ୍ଚକର ସ୍ଥିତିରେ କାନପୁର ଟେଷ୍ଟ । ଆଜି ଭାରତ-ବାଂଲାଦେଶ ଶେଷ ଟେଷ୍ଟର ଶେଷ ଦିନ । ମ୍ଯାଚ ଜିତିବା ଲକ୍ଷ୍ଯରେ ରହିଛି ଟିମ୍ ଇଣ୍ଡିଆ । ଆଜି ବାଂଲାଦେଶକୁ ଶୀଘ୍ର ଆଉଟ୍ କରି ବିସ୍ଫୋରକ ବ୍ଯାଟିଂ ବଳରେ ବିଜୟ ପାଇଁ ରଣନୀତି କରିଛି ଭାରତ । ମ୍ଯାଚ ଜିତିବା ପାଇଁ ଆଜି ରୋହିତ ବାହିନୀ ପୂରା ଦମ୍ ଲଗାଇଦେବ । ଗତକାଲି ଚତୁର୍ଥ ଦିନରେ ଦେଖିବାକୁ ମିଳିଥିଲା ରନ ବର୍ଷା । ଟେଷ୍ଟରେ ଟି-ଟ୍ବେଣ୍ଟି ଧମାକା ଦେଖାଇଥିଲେ ଟିମ ଇଣ୍ଡିଆ ପ୍ଲେୟାର । ବର୍ଷା ଯୋଗୁଁ ତୃତୀୟ ଦିନ ଖେଳ ବାତିଲ ହେବାରୁ ସେହି ସମୟ ଭରଣା କରିବାକୁ ଚତୁର୍ଥ ବିସ୍ଫୋରକ ବ୍ୟାଟିଂ କରିଥିଲା ଭାରତ। ପ୍ରଥମ ଇଂନିସରେ ମାତ୍ର ୩୪.୪ ଓଭରରେ ୯ ୱିକେଟ ହରାଇ ୨୮୫ ରନ କରି ପାଳି ଘୋଷଣା କରିଛି । ଜୟସ୍ଵାଲ ୫୧ ବଲରୁ ଧୂଆଁଧାର ୭୨ ରନ କରିଥିବା ବେଳେ କୋହଲି ୩୫ ବଲରୁ ୪୭, ରାହୁଲ ୪୩ ବଲରୁ ୬୮ ରନ କରିଛନ୍ତି। କାନପୁର ଟେଷ୍ଟରେ ଟିମ୍ ଇଣ୍ଡିଆ କରିଛି ଏକାଧିକ ରେକର୍ଡ । ଟେଷ୍ଟରେ ୩ ଓଭରରୁ ୫୦ ରନ୍ ହାସଲ କରିବାରେ ପ୍ରଥମ ଦଳ ହୋଇଛି ଭାରତ । ସେହିପରି ଟେଷ୍ଟରେ ଦ୍ରୁତ ୧୦୦ ଓ ୨୦୦ ରନ୍ ହାସଲ କରିଛି । ୧୦.୧ ଓଭରରୁ ୧୦୦ ଓ ୨୪.୨ ଓଭରରୁ ୨୦୦ ରନ୍ ହାସଲ କରିଛି ଭାରତ । ୧୯ ବଲରୁ ଦୃତ ୫୦ ରନର ଭାଗିଦାରୀ ବି ହୋଇଛି । ଗୋଟିଏ ଇନିଂସରେ ୮.୨ ହାରରେ ରନ୍ ସଂଗ୍ରହ ମଧ୍ଯ କରିଛି ଟିମ୍ ଇଣ୍ଡିଆ । ଟେଷ୍ଟରେ ପ୍ରଥମ ଥର ଜଣେ ଓପନର ପ୍ରଥମ ଦୁଇ ବଲକୁ ଛକା ମାରିଛନ୍ତି । କ୍ଯାପଟେନ ରୋହିତ ରୋହିତ ଶର୍ମା ଖେଳିଥିବା ପ୍ରଥମ ଦୁଇ ବଲକୁ ଛକା ମାରି ରେକର୍ଡ କରିଛନ୍ତି । ଗୋଟିଏ ବର୍ଷରେ ସର୍ବାଧିକ ୯୬ଟି ଛକା ମାରିବାର ରେକର୍ଡ କରିଛନ୍ତି । ଗତକାଲି ଖେଳ ଶେଷ ସୁଦ୍ଧା ବାଂଲାଦେଶ ୧୧ ଓଭରରେ ୨ ୱିକେଟ ହରାଇ ୨୬ ରନ କରିଛି । ଏବେ ବି ଟିମ୍ ୨୬ ରନରେ ପଛୁଆ ଅଛି।
ଆସୁଛି ବଡ଼ ବର୍ଷା, ୪ ଓ ୫ ତାରିଖ ଠାରୁ ବଢିବ ବର୍ଷାର ପରିମାଣ
ଭୁବନେଶ୍ବର : ଗତ ଦୁଇଦିନ ହେଲା ରାଜ୍ଯରେ ଚାଲିଛି ଖରାବର୍ଷାର ଲୁଚକାଳି ଖେଳ । ପ୍ରବଳ ଖରା ସାଙ୍ଗକୁ ଅକସ୍ମାତ ହେଉଛି ବିଜୁଳି ଘଡ଼ଘଡ଼ି ସହ ବର୍ଷା । ଆଜି ବର୍ଷା ନେଇ ୧୦ଟି ଜିଲ୍ଲାକୁ ୟେଲୋ ଆଲର୍ଟ ଜାରି କରାଯାଇଛି । ମୟୂରଭଞ୍ଜ, କେନ୍ଦୁଝର, ଗଞ୍ଜାମ, ଗଜପତି, ମାଲକାନଗିରି, କୋରାପୁଟ, ନବରଙ୍ଗପୁର, ରାୟଗଡ଼ା, କଳାହାଣ୍ଡି ଓ କନ୍ଧମାଳକୁ ସତର୍କତା ଜାରି କରିଛି ଆଞ୍ଚଳିକ ପାଣିପାଗ କେନ୍ଦ୍ର । ୪ ଓ ୫ ତାରିଖ ଠାରୁ ବର୍ଷାର ପରିମାଣ ବଢିବ । ସେହିପରି ଏଥର ବର୍ଷାରେ ଭିଜିବ ଦଶହରା । ଆସନ୍ତା ସପ୍ତାହରେ ପୁଣି ସୃଷ୍ଟି ହେବ ଲଘୁଚାପ । ୪ରୁ ୧୦ ତାରିଖ ମଧ୍ୟରେ ପଶ୍ଚିମ କେନ୍ଦ୍ରୀୟ ବଙ୍ଗୋପସାଗରରେ ଲଘୁଚାପ ସୃଷ୍ଟି ନେଇ ଆକଳନ କରିଛି ଆଇଏମ୍ଡି । ଉତ୍ତର-ଉପକୂଳରେ ପ୍ରବଳ ବର୍ଷା ସମ୍ଭାବନା ରହିଛି । ଘୂର୍ଣ୍ଣିବଳୟ ପରେ ହିଁ ଲଘୁଚାପର ଗତିପଥ ସ୍ପଷ୍ଟ ହେବ । ବାତ୍ଯା ସିଜନ ଥିବାରୁ ସିଷ୍ଟମ ଉପରେ ଆଇଏମ୍ଡିର ସ୍ବତନ୍ତ୍ର ନଜର ରହିଛି । ବର୍ତ୍ତମାନ ସୁଦ୍ଧା ରାଜ୍ୟରୁ ଫେରିନି ମୌସୁମୀ । କିନ୍ତୁ ସମ୍ଭାବ୍ୟ ଲଘୁଚାପ ସୃଷ୍ଟି ନେଇ ଆଇଏମ୍ଡିର ଦୀର୍ଘମିଆଦି ଆକଳନ ପୂଜା ମଣ୍ଡପ ସଦସ୍ୟଙ୍କ ଛନକା ବଢାଇଛି ।
ଆଜିଠୁ ଦେଶରେ ଲାଗୁ ହେଉଛି ଅନେକ ନୂଆ ନିୟମ
ନନ୍ଦିଘୋଷ ବ୍ୟୁରୋ : ଆଜିଠୁ ଦେଶରେ ଲାଗୁ ହେଉଛି ଅନେକ ନୂଆ ନିୟମ । ଯାହାକି ଆପଣଙ୍କ ବଜେଟକୁ ବଢାଇଦେବ । ଏଲପିଜି ସିଲିଣ୍ଡରଠାରୁ ଆରମ୍ଭ କରି କ୍ରେଡିଟ କାର୍ଡ, ସୁକନ୍ଯା ସମୁଦ୍ଧି ଏବଂ ପିପିଏଫ ଆକାଉଣ୍ଟ ଆଦି କ୍ଷେତ୍ରରେ ବଡ଼ ପରିବର୍ତ୍ତନ ହେଉଛି । ଆଜିଠୁ ଶ୍ରମିକମାନଙ୍କ ପାଇଁ ସର୍ବନିମ୍ନ ମଜୁରୀରେ କରାଯାଇଥିବା ପରିବର୍ତ୍ତନକୁ ଲାଗୁ କରାଯିବ । ସୁକନ୍ଯା ସମୃଦ୍ଧି ସ୍କିମ ସହିତ ଏକ ପ୍ରମୁଖ ନିୟମ ପରିବର୍ତ୍ତନ କରାଯାଇଛି । ଏହି ନିୟମ ଅନୁଯାୟୀ କେବଳ ଝିଅମାନଙ୍କର ଆଇନଗତ ଅଭିଭାବକମାନେ ପ୍ରଥମ ଦିନରୁ ଏହି ଆକାଉଣ୍ଟଗୁଡ଼ିକ ପରିଚାଳନା କରିପାରିବେ । ନୂତନ ନିୟମରେ ଯଦି କୌଣସି ଝିଅର ଏସଏସୱାଇ ଆକାଉଣ୍ଟ ତାଙ୍କ ଆଇନଗତ ଅଭିଭାବକଙ୍କ ଦ୍ବାରା ଖୋଲାଯାଇନାହିଁ ତେବେ ସେଭଳି ଆକାଉଣ୍ଟକୁ ପିଲାଙ୍କ ବାପାମାଆ କିମ୍ବା ଆଇନଗତ ଅଭିଭାବକଙ୍କୁ ହସ୍ତାନ୍ତର କରିବାକୁ ପଡ଼ିବ । ଅନ୍ଯପଟେ ଡାକ ବିଭାଗରେ କ୍ଷୁଦ୍ର ସଞ୍ଚୟ ଯୋଜନା ଅଧୀନରେ ପରିଚାଳିତ ପିପିଏଫ ଯୋଜନାରେ ୩ଟି ପ୍ରମୁଖ ପରିବର୍ତ୍ତନ ହେଉଛି । ଏକରୁ ଅଧିକ ଆକାଉଣ୍ଟ ଥିବା ଲୋକଙ୍କ ବିରୋଧରେ କାର୍ଯ୍ଯାନୁଷ୍ଠାନ ଗ୍ରହଣ କରାଯିବ । ଏହାବ୍ଯତୀତ ଏହି ଯୋଜନାରେ ନାବାଳକଙ୍କୁ ପୋଷ୍ଟ ଅଫିସ ସେଭିଂ ଆକାଉଣ୍ଟ ଅନିୟମିତ ଆକାଉଣ୍ଟ ଉପରେ ସୁଧ ପ୍ରଦାନ କରାଯିବ ଯେପର୍ଯ୍ଯନ୍ତ ବ୍ଯକ୍ତିଗତ ଆକାଉଣ୍ଟ ଖୋଲିବାକୁ ଯୋଗ୍ଯ ନହୋଇଛନ୍ତି । ସେମାନଙ୍କୁ ୧୮ ବର୍ଷ ପରେ ପିପିଏଫ ସୁଧହାର ପ୍ରଦାନ କରାଯିବ ।