ନନ୍ଦିଘୋଷ ବ୍ୟୁରୋ: ନିର୍ଦ୍ଦୟ ହେଲା ସୁଧ ବେପାରୀ । ସୁଧ ପରିଶୋଧ କରିବାରେ ବିଳମ୍ବ ହେବାରୁ ମାରି ଦେଇଥିବା ଅଭିଯୋଗ । ମଧ୍ୟପ୍ରଦେଶରୁ ଆସିଛି ଏଭଳି ଖବର । ପୁଅର ଫିସ୍ ଭରିବା ପାଇଁ ବାପା ଉଦ୍ଧାର କରିଥିଲେ । ମାତ୍ର ଦେବାରେ ବିଳମ୍ବ ହେବାରୁ ଋଣଦାତା ପିଟିପିଟି ହତ୍ୟା କରିଛି । ପୋଲିସ ଏହି ଘଟଣାରେ ୨ ଜଣ ଅଭିଯୁକ୍ତଙ୍କୁ ଗିରଫ କରିଛି । ସୁଧ ଦେଇଥିବା ବ୍ୟକ୍ତି ଏବଂ ତାଙ୍କ ସାଙ୍ଗ ମିଶି ମାଡ଼ ମାରିଥିଲେ । ଗୁରୁତର ଆହତ ବ୍ୟକ୍ତିଙ୍କୁ ମେଡିକାଲରେ ଭର୍ତ୍ତି କରାଯାଇଥିଲା । ଚିକିତ୍ସାଧିନ ଅବସ୍ଥାରେ ତାଙ୍କର ମୃତ୍ୟୁ ହୋଇଛି ।
ପୋଲିସ ଖବର ଅନୁଯାୟୀ, ମୃତ ବ୍ୟକ୍ତି ଜଣକ ପୁଅର ପାଠପଢ଼ା ପାଇଁ ୨୦ ହଜାର ଟଙ୍କା ଉଦ୍ଧାର ନେଇଥିଲେ । ସେ ଏକ ସେଲୁନରେ କାମ କରୁଥିବାବେଳେ ପରିବାର ବହୁ କଷ୍ଟରେ ଚଳୁଥିଲା । ଏଣୁ ଟଙ୍କା ସୁଝିବା ପାଇଁ ଯେଉଁ ସମୟ ଦେଇଥିଲେ ସେହି ସମୟ ମଧ୍ୟ ପରିଶୋଧ କରିପାରିନଥିଲେ । ଏଣୁ ସୁଧ ଦେଇଥିବା ବ୍ୟକ୍ତି ଜଣକ ତାଙ୍କୁ ଏକ ମନ୍ଦିର ନିକଟକୁ ଦେଖା କରିବାକୁ ଡାକିଥିଲେ । ଏହାପରେ ସାଙ୍ଗ ସହ ମିଶି ନିର୍ଦ୍ଧୁମ ମାଡ଼ ମାରିଥିଲେ ।
