ନନ୍ଦିଘୋଷ ବ୍ୟୁରୋ: ଅନ୍ଧା କାନୁନ ବୋଲି ଆଉ କହି ହେବନି। କାରଣ ଆଇନ ଆଖିରେ ଆଉ ଅନ୍ଧ ପୁୁଟୁଳି ବନ୍ଧା ହୋଇନି। ନ୍ୟାୟର ଦେବୀଙ୍କ ଆଖିରୁ ଏବେ ସେହି ଅନ୍ଧ ପୁଟୁଳିକୁ ଖୋଲି ଦିଆଯାଇଛି। ସେ ସ୍ପଷ୍ଟ ଭାବେ ସବୁ ଦେଖି ପାରୁଛନ୍ତି। ସୁପ୍ରିମକୋର୍ଟରେ ଥିବା ନ୍ୟାୟଦେବୀଙ୍କ ମୂର୍ତ୍ତିକୁ ନୂଆ ରୂପ ଦିଆଯାଇଛି। ତାଙ୍କ ଆଖିରୁ ଅନ୍ଧ ପୁଟୁଳିକୁ ହଟାଇ ଦିଆଯାଇଛି। ତା ସହିତ ତାଙ୍କ ହାତରେ ଏବେ ଶୋଭା ପାଉଛି ଦେଶର ସମ୍ବିଧାନ। ଆଗରୁ ଏକ ଖଣ୍ଡା ଥିଲା। ଏହାର ଅର୍ଥ ଦଣ୍ଡ ବଦଳରେ ସମସ୍ତଙ୍କୁ ନ୍ୟାୟ ମିଳିବ ବୋଲି କୁହାଯାଇଛି। ସୁପ୍ରିମକୋର୍ଟ ବିଚାରପତିଙ୍କ ଲାଇବ୍ରେରିରେ ଦେଖିବାକୁ ମିଳିଛି ଏହି ଦୃଶ୍ୟ। କାହା ପ୍ରତି ପକ୍ଷପାତ ନ କରିବାର ସଂକେତ ସ୍ଵରୂପ ନ୍ୟାୟର ଦେବୀଙ୍କ ଆଖିରେ କପଡ଼ା ବନ୍ଧା ଯାଇଥିଲା। କିନ୍ତୁ ଏହାକୁ ସମାଲୋଚନା କରାଯାଇଥିଲା। ଅନ୍ଧପୁଟୁଳି ହଟିବା ଦ୍ଵାରା ଦେଶର ନ୍ୟାୟ ବ୍ୟବସ୍ଥାରେ ଅନେକ ପରିବର୍ତ୍ତନ ହେବ ବୋଲି କୁହାଯାଇଛି। ସ୍ଵଚ୍ଛତା ଆସିବ ବୋଲି କୁହାଯାଇଛି।
ପ୍ରତିଭା ରାୟଙ୍କ ‘ସୁଭଦ୍ରାର ଠିକଣା’କୁ ନେଇ ଚର୍ଚ୍ଚା
ନନ୍ଦିଘୋଷ ବ୍ୟୁରୋ: ସୁଭଦ୍ରା ଯୋଜନାକୁ ନେଇ ସାରା ରାଜ୍ୟରେ ଚର୍ଚ୍ଚା। ବିରୋଧୀଙ୍କ ଅଭିଯୋଗ- ବିଜେପି ସରକାର ସୁଭଦ୍ରା ଯୋଜନାରେ ମହିଳାଙ୍କୁ ସ୍ଵାବଲମ୍ବୀ କରିବା ପରିବର୍ତ୍ତେ ଯୋଜନାଟା ହିଁ ପ୍ରହସନରେ ପରିଣତ ହୋଇଛି। ମହିଳାମାନେ ହନ୍ତସନ୍ତ ହେବାର ଚିତ୍ର ସାରା ରାଜ୍ୟରେ ଦେଖିବାକୁ ମିଳିଛି। ଏତିକି ବେଳେ ସୁଭଦ୍ରାର ଠିକଣା ଖୋଜୁଛନ୍ତି ବିଶିଷ୍ଟ ସାହିତ୍ୟିକ ପ୍ରତିଭା ରାୟ। କିଏ ସେହି ସୁଭଦ୍ରା, କାହିଁକି ତାଙ୍କୁ ଖୋଜୁଛନ୍ତି ପ୍ରତିଭା ରାୟ – କାରଣ କଣ। ତାଙ୍କୁ ଯଦି ପ୍ରତିଭା ରାୟ ଭେଟନ୍ତି, କଣ କହିବେ।
ବିଶିଷ୍ଟ ସାହିତ୍ୟିକ ପ୍ରତିଭା ରାୟଙ୍କ ଏକ ଲେଖାକୁ ନେଇ ଚର୍ଚ୍ଚା। ସୁଭଦ୍ରାର ଠିକଣା। ଏହି ଶୀର୍ଷକରେ ପ୍ରତିଭା ରାୟଙ୍କ ଏକ ଲେଖା ପ୍ରକାଶ ପାଇଛି। ଜଣେ ସୁଭଦ୍ରାକୁ ଖୋଜୁଛନ୍ତି ପ୍ରତିଭା ରାୟ। ରାଜ୍ୟ ସରକାରଙ୍କ ଯୋଜନା ସୁଭଦ୍ରା ପାଇଁ ଆବେଦନ ବେଳେ ସାରା ରାଜ୍ୟରେ ଅନେକ ବିଭ୍ରାଟ ଦେଖିବାକୁ ମିଳିଥିଲା। ଅକଥନୀୟ ହଇରାଣ ହୋଇଥିଲେ ମହିଳାମାନେ। ସେତିକି ବେଳେ ଗଣମାଧ୍ୟମରେ ଜଣେ ମହିଳା ଏପରି କଥାଟିଏ କହିଲେ, ଯାହା ପ୍ରତିଭା ରାୟଙ୍କୁ ବହୁତ ପ୍ରଭାବିତ କରିଥିଲା। ସେଥିପାଇଁ ସେହି ମହିଳା ସାଜିଛନ୍ତି ପ୍ରତିଭା ରାୟଙ୍କ ଲେଖାର ନାୟିକା। ମହିଳା ଜଣକ କହିଥିଲେ, ଆମର ସୁଭଦ୍ରା ଯୋଜନା ଟଙ୍କା ଆବଶ୍ୟକ ନାହିଁ। ଆମେ ଖଟି ଖାଇ ସମ୍ମାନର ସହି ବଞ୍ଚି ଆସିଛୁ ଏବଂ ବଞ୍ଚିପାରିବୁ। ତେଣୁ ସରକାର ସୁଭଦ୍ରା ଯୋଜନା ବନ୍ଦ କରନ୍ତୁ। କିନ୍ତୁ ମଦ ବି ପୁରା ବନ୍ଦ କରନ୍ତୁ। ମଦ ପାଇଁ ଦାରିଦ୍ର୍ୟ ବଢୁଛି, ପରିବାର ଭାଙ୍ଗୁଛି। ନିଜ ଗୋଡ଼ରେ ଛିଡ଼ା ହୋଇ ସ୍ଵାବଲମ୍ବୀ ହେବାକୁ ମହିଳା ଜଣକ ଯେଉଁ ସ୍ଵାଭିମାନ ଦେଖାଇଛନ୍ତି, ସେଥିପାଇଁ ତାଙ୍କୁ ଧନ୍ୟବାଦ ଜଣାଇଛନ୍ତି ପ୍ରତିଭା ରାୟ । ତାଙ୍କର ଏହି ଲେଖାକୁ ବିଜେଡି ସ୍ଵାଗତ କରିବା ସହିତ ବିଜେପି ସରକାର ଉପରେ ବର୍ଷିଛି। ସାଂସଦ ସୁଲତା ଦେଓ ଅଭିଯୋଗ କରିଛନ୍ତି, ସୁଭଦ୍ରା ଯୋଜନା ନାଁରେ ବିଜେପି ସରକାର ମହିଳାଙ୍କୁ ଠକିଛନ୍ତି ଏବଂ ସ୍ଵାବଲମ୍ବୀ ହେବାରୁ ବଞ୍ଚିତ କରିଛନ୍ତି।
ସୁଭଦ୍ରାର ଠିକଣା ଲେଖାରେ ପ୍ରତିଭା ରାୟ ଦେଖାଇଛନ୍ତି ସୁଭଦ୍ରା ଯୋଜନାରେ ସାମିଲ ହେବା ପାଇଁ ଧାଡ଼ିରେ ଠିଆ ହୋଇ ମହିଳାମାନେ କିପରି ଅଚେତ ହୋଇ ପଡୁଥିଲେ। ତା ଛଡ଼ା ବର୍ଷକୁ ୨ଟି କିସ୍ତିରେ ୧୦ ହଜାର ଟଙ୍କା ମିଳିଲେ, ସେଥିରେ ମହିଳାମାନେ କିପରି ସ୍ଵାବଲମ୍ବୀ ହୋଇପାରିବେ ବୋଲି ପ୍ରଥମରୁ ପ୍ରଶ୍ନ ଉଠି ଆସିଛି। ବରିଷ୍ଠ କଂଗ୍ରେସ ନେତା ଶରତ ରାଉତ କହିଛନ୍ତି- ପ୍ରତିଭା ରାୟଙ୍କ ଲେଖାକୁ ପଢନ୍ତୁ ମୁଖ୍ୟମନ୍ତ୍ରୀ ଓ ଦୁଇ ଉପମୁଖ୍ୟମନ୍ତ୍ରୀ। ସୁଭଦ୍ରା ଯୋଜନାର ଲୋଭ ଦେଖାଇ ବିଜେପି କ୍ଷମତାକୁ ଆସିବା ପରେ ମହିଳାଙ୍କୁ ବିଜେପି ଠକି ଦେଇଛି ବୋଲି ସେ କହିଛନ୍ତି। ଏହାର ଜବାବରେ ମନ୍ତ୍ରୀ କୃଷ୍ଣଚନ୍ଦ୍ର ମହାପାତ୍ର କହିଛନ୍ତି, ସୁଭଦ୍ରା ଯୋଜନାରେ ମହିଳାମାନେ ବେଶ ଖୁସି। ଏହାକୁ ହଜମ କରିପାରୁ ନାହାନ୍ତି ବିରୋଧୀ।
ସୁଭଦ୍ରା ଯୋଜନାରେ ମହିଳାଙ୍କୁ ମିଳିବ ଦିନକୁ ମାତ୍ର ୨୭ ଟଙ୍କା। ଏଥିରେ ମହିଳାମାନେ କିପରି ଉଦ୍ୟୋଗୀ ହେବ ବୋଲି ଆରମ୍ଭରୁ ପ୍ରଶ୍ନ କରିଥିଲେ ବିରୋଧୀ। ସୁଭଦ୍ରା ଯୋଜନାରେ ସାମିଲ ହେବାକୁ ଓ କିସ୍ତି ପାଇବାକୁ ମହିଳାମାନେ କିପରି ହନ୍ତସନ୍ତ ହୋଇଛନ୍ତି, ତାର ହଜାର ହଜାର ଚିତ୍ର ଚିତ୍ର ଦେଖିଛନ୍ତି ସମସ୍ତେ। ଠିକ୍ ଏତିକି ବେଳେ ମହିଳାଙ୍କ ମର୍ଯ୍ୟାଦା, ସ୍ଵାଭିମାନ ଓ ଅଧିକାର ପାଇଁ ସବୁବେଳେ କଲମ ଚାଳନା କରିଥିବା ପ୍ରତିଭା ରାୟଙ୍କ ଲେଖା ସୁଭଦ୍ରାର ଠିକଣା ଯୋଜନାର ବାସ୍ତବତାକୁ ପଦାରେ ପକାଇଛି।
ଡିଜିଟାଲ ଯୁଗରେ ମୋବାଇଲକୁ ପହଞ୍ଚି ପାରୁନି ନେଟଓ୍ବର୍କ, 5-G ଯୁଗରେ 2-G ଏଠି ସାତ ସପନ
ନନ୍ଦିଘୋଷ ବ୍ୟୁରୋ: ଦେଶ ତଥା ରାଜ୍ୟରେ ଏବେ ଚାଲିଛି ଡିଜିଟାଲ ସରକାର l ଗାଁ ଠାରୁ ସହର ସବୁଠାରେ ଡିଜିଟାଲ ଇଣ୍ଡିଆର ନାରା l କିନ୍ତୁ ବାସ୍ତବରେ ଆଜି ପର୍ଯ୍ୟନ୍ତ ଡିଜିଟାଲ ଇଣ୍ଡିଆ କେବଳ ଏକ ଡାଇଲଗରେ ସୀମିତ l ଆଜିବି ଗାଁ ଗହଳିର ଲୋକେ ପାଉନାହାନ୍ତି ମୋବାଇଲ ସେବା l ଯାହାକୁ ନେଇ ଦେଖିବାକୁ ମିଳିଛି ଅସନ୍ତୋଷ ।
ଡିଜିଟାଲ ଯୁଗରେ ମୋବାଇଲକୁ ପହଞ୍ଚି ପାରୁନି ନେଟଓ୍ବର୍କ । 5-G ଯୁଗରେ 2-G ଏଠି ସାତ ସପନ । ଗାଁଠୁ ଦୂରକୁ ଗଲେ ଉଠୁଛି ଟାଓ୍ବାରର ଗୋଟିଏ କଣ୍ଟା । ଜରୁରି ସମୟରେ କଲ୍ କରି ହେଉନଥିବାରୁ ସମସ୍ୟାରେ ରୋଗୀ । ୨୦୨୪ରେ ୧୯୮୦ ମସିହା ଭଳି ଦିନ କାଟୁଛନ୍ତି ଲୋକ । କାମାକ୍ଷାନଗର ଉପଖଣ୍ଡର ଆଦିବାସୀ ଅଧ୍ୟୁସିତ ବାମ ପଞ୍ଚାୟତବାସୀ ମୋବାଇଲ ସେବାରୁ ବଞ୍ଚିତ ହୋଇଛନ୍ତି । ପଞ୍ଚାୟତରେ ୩୦୦୦ ରୁ ଅଧିକ ଲୋକ ବସବାସ କରୁଥିଲେ ମଧ୍ୟ ଇଣ୍ଟରନେଟ ଓ ମୋବାଇଲ ସେବା ଏମାନଙ୍କ ପାଇଁ ଦିବାସ୍ବପ୍ନ ପାଲଟିଛି । ଘର ଭିତରେ ମୋବାଇଲ ନେଟୱାର୍କ ଆସୁନଥିବାରୁ ପାହାଡ଼, ଜଙ୍ଗଲ ଓ ବଡ଼ ଗଛରେ ଚଢି ମୋବାଇଲରେ କଥା ହେଉଛନ୍ତି ଲୋକେ l ପିଲା ପାଠ ପଢାରେ ବି ସମସ୍ୟା ସୃଷ୍ଟି ହେଉଛି । ବହୁବାର ଅଭିଯୋଗ ସତ୍ବେ ଏଠାରେ ଟାଓ୍ବାର ଟିଏ ସ୍ଥାପନ ହୋଇପାରୁନି ।
ପଞ୍ଚାୟତବାସୀ ମୋବାଇଲ ସେବା ପାଇବା ପାଇଁ ପ୍ରାୟ ୬ ରୁ ୭ କିଲୋମିଟର ଦୂରରେ ଥିବା ଝିଲି ପଞ୍ଚାୟତ ଉପରେ ନିର୍ଭର କରନ୍ତି l ମୋବାଇଲ ସେବା ପାଇବା ପାଇଁ ଗ୍ରାମବାସୀ ମାନେ ବିଭିନ୍ନ ସମୟରେ ପ୍ରଶାସନକୁ ଜଣାଇଥିଲେ ମଧ୍ୟ ଆଜି ପର୍ଯ୍ୟନ୍ତ କୌଣସି ପ୍ରତିକାର ବ୍ୟବସ୍ଥା ହୋଇ ପାରିନାହିଁ l ଯାହା ଫଳରେ ଆଜିର ଡିଜିଟାଲ ଇଣ୍ଡିଆ ସହ ଏମାନଙ୍କ କୌଣସି ସମ୍ପର୍କ ନଥିବା ମନେ ହୁଏ l
ଆଜିର ସମୟରେ ସମାଜର ପ୍ରତ୍ୟୋକ ବ୍ୟକ୍ତି ପାଇଁ ମୋବାଇଲ ବିଶେଷ ମହତ୍ୱ ରଖୁଥିବା ବେଳେ ଏଥିରୁ ବଞ୍ଚିତ ବାମ ପଞ୍ଚାୟତ l ଜଙ୍ଗଲ ଓ ପାହାଡ଼ ମଝିରେ ଥିବା ଏହି ଗାଁ ଲୋକେ କିଭଳି ମୋବାଇଲ ସେବା ପାଇପାରିବେ ସେଥିପାଇଁ ବ୍ୟବସ୍ଥା କରିବାକୁ ରାଜ୍ୟସରକାରଙ୍କୁ ଅନୁରୋଧ କରାଯାଇଛି l
ଚାଷୀଙ୍କୁ ପ୍ରତାରଣା କଲେ କେନ୍ଦ୍ର ସରକାର
ନନ୍ଦିଘୋଷ ବ୍ୟୁରୋ: ଚାଷୀଙ୍କୁ ପ୍ରତାରଣା କଲେ କେନ୍ଦ୍ର ସରକାର। ରବି ଋତୁ ଲାଗି ବଢିଲାନି ଧାନର ସର୍ବନିମ୍ନ ସହାୟକ ମୂଲ୍ଯ। ଧାନଚାଷ କୃଷକଙ୍କ ଆର୍ଥିକ ମେରୁଦଣ୍ଡ ହୋଇଥିବା ସତ୍ତ୍ବେ କେନ୍ଦ୍ର କ୍ଯାବିନେଟରେ ଧାନର ଏମଏସପି ବୃଦ୍ଧି ନେଇ ହେଲାନି କୌଣସି ନିଷ୍ପତ୍ତି। ଧାନର ଏମଏସପି ବଢାଇବା ଲାଗି ବାହସ୍ଫୋଟ ମାରୁଥିଲେ ସରକାର। ହେଲେ ସରକାର ଶେଷ କରିଛନ୍ତି ପ୍ରତାରଣା। ସେପଟେ କେନ୍ଦ୍ର ସରକାର ବିଭିନ୍ନ ଫସଲର ସର୍ବନିମ୍ନ ସହାୟକ ମୂଲ୍ୟ ବି ବୃଦ୍ଧି କରିଛନ୍ତି। ଗହମର ଏମଏସପି କ୍ବିଣ୍ଟାଲ ପିଛା ୧୫୦ ଟଙ୍କା ବୃଦ୍ଧି କରାଯାଇଛି। ପୂର୍ବରୁ ଗହମ କ୍ବିଣ୍ଟାଲ ପିଛା ଦର ୨ ହଜାର ୨୭୫ ଥିବାବେଳେ ବର୍ତ୍ତମାନ ଏହା ହେବ ୨ ହଜାର ୪୨୫ ଟଙ୍କ। ସେହିପରି ସୋରିଷର ଏମଏସପି ୩୦୦ ଟଙ୍କା ବଢାଯାଇଛି। ଆଗରୁ ଥିଲା ୫୬୫୦ ଟଙ୍କା ଥିଲା। ଏବେ ହେଲା ୫୯୫୦। ସେହିପରି ଚଣାର ଏମଏସପି ୨୧୦ ଟଙ୍କା ବୃଦ୍ଧି ହୋଇଛି।
ସିସିଟିଭି ନଜରରେ ରହିବ ପୁରୀ ସହର
ନନ୍ଦିଘୋଷ ବ୍ୟୁରୋ: ପୁରୀକୁ ଜଗିବ ସିସିଟିଭି। ସିସିଟିଭି ନଜରରେ ରହିବ ପୁରୀ ସହର । ୬୦୦ରୁ ଅଧିକ ହାଇ କାପାସିଟ୍ ସିସିଟିଭି ସର୍ଭେଲାନ୍ସରେ ରହିବ ସହର। କମାଣ୍ଡ ଏବଂ କଣ୍ଟ୍ରୋଲ ରୁମ୍ ସହିତ ଯୋଡିହେବ ସମସ୍ତ ସିସିଟିଭି । ମହାବାତ୍ୟା ଫନିରେ ଅଚଳ ହୋଇଥିଲା ସହରର ସମସ୍ତ ସିସିଟିଭି । ଓବିସିସି ମାଧ୍ୟମରେ ସରକାରଙ୍କୁ ପ୍ରସ୍ତାବ ଦିଆଯାଇଛି ବୋଲି କହିଛନ୍ତି ପୁରୀ ଜିଲ୍ଲାପାଳ। ସହରକୁ ଅପରାଧମୁକ୍ତ, ସୁରକ୍ଷିତ ଓ ଟ୍ରାଫିକ ସୁପରିଚାଳନା ପାଇଁ ସିସିଟିଭି ଲଗାଇବା ନେଇ ହୋଇଛି ସ୍ୱତନ୍ତ୍ର ଖସଡା। ଶ୍ରୀମନ୍ଦିର, ବଡଦାଣ୍ଡ, ସମୁଦ୍ରକୂଳ, ପୁରୀର ପ୍ରବେଶପଥ ଓ ସାହି ଗଳିକନ୍ଦିକୁ ଜଗିବ ସିସିଟିଭି।
ସରକାର ଗଠନ କରିବେ ଆଇନ ସମୀକ୍ଷା କମିଶନ
ନନ୍ଦିଘୋଷ ବ୍ୟୁରୋ: ଖୁଵଶୀଘ୍ର ରାଜ୍ୟ ସରକାର ଗଠନ କରିବେ ଲ’ ରିଭିଜନ କମିଶନ । ଯେଉଁ ଆଇନ ଉପରେ ସରକାର ଚାଲେ ସେସବୁ ଆଇନଗୁଡିକର ନବୀକରଣ ଅବା ପୁନର୍ବିନ୍ୟାସ ଆବଶ୍ୟକତା ଅଛି । ତେଣୁ ମାସେ କିମ୍ବା ଦେଢମାସେ ଭିତରେ ଲ’ ରିଭିଜନ କମିଶନ ଗଠନ ହେବ ବୋଲି କହିଛନ୍ତି ଆଇନ ମନ୍ତ୍ରୀ ପୃଥ୍ୱୀରାଜ ହରିଚନ୍ଦନ । ଯଦି କେଉଁ ଆଇନ ଅପ୍ରାସଙ୍ଗିକ କିମ୍ବା ଅଦରକାରୀ ହୋଇପଡିଛି ତାହାର ସମୀକ୍ଷା ଦରକାର । ଏଥିପାଇଁ ଲ’ ରିଭିଜନ କମିଶନ ଗଠନ ହେବା ଜରୁରୀ ବୋଲି କହିଛନ୍ତି ପୃଥ୍ବୀରାଜ । ସେହିପରି ସୂଚନା ଅଧିକାର ଆଇନକୁ ଅଧିକ ସଶକ୍ତ କରାଯିବ । ଆଇନରେ ଦରକାର ପଡିଲେ ସଂଶୋଧନ କରାଯିବ । ସରକାରଙ୍କୁ ଭୁଲ ଠିକ ବିଷୟରେ ସୂଚେଇ ଦେବା କାମ ହେଉଛି ସୂଚନା ଅଧିକାର କର୍ମୀଙ୍କର । ତେଣୁ ରାଜ୍ଯରେ ସେମାନଙ୍କ ନାମରେ ଥିବା ମାମଲାର ସରକାର ପୁରର୍ବିଚାର କରିବେ ବୋଲି କହିଛନ୍ତି ପୃଥ୍ବୀରାଜ ।
ଆଲବମରେ ସୁଯୋଗ ଦେବାକୁ କହି ଯୁବତୀଙ୍କ ସହ ଠକେଇ
ନନ୍ଦିଘୋଷ ବ୍ୟୁରୋ: ଆଲବମରେ ସୁଯୋଗ ଦେବାକୁ କହି ଯୁବତୀଙ୍କ ସହ ଠକେଇ । ଅଭିନେତ୍ରୀଙ୍କ ଠାରୁ ଟଙ୍କା ଠକି ନେଲେ ନକଲି ପ୍ରଡ୍ୟୁସର । ସୋସିଆଲ ମିଡିଆରେ ପ୍ରଥମେ ପ୍ରେମ ନିବେଦନ ଓ ପରେ ଠକେଇ । ଏଭଳି ସଙ୍ଗୀନ ଅଭିଯୋଗ ଆସିଛି ରାଜଧାନୀ ଭୁବନେଶ୍ବରରୁ । ଆଲବମ ହିରୋଇନ ଏ ନେଇ ଥାନାର ଦ୍ୱାରସ୍ଥ ହୋଇଛନ୍ତି । ଚନ୍ଦକା ଥାନାରେ ଏତଲା ଦେବା ସହ ଦୋଷୀ ବିରୋଧରେ କାର୍ଯ୍ୟାନୁଷ୍ଠାନ ଦାବି କରିଛନ୍ତି । ଏ ନେଇ ଅଧିକ ଆଲୋଚନା କରିଛନ୍ତି ଆମ ରିପୋର୍ଟର ମାନସ ମହାପାତ୍ର ।
ଗହମର MSP କ୍ଵିଣ୍ଟାଲ ପିଛା ୧୫୦ ଟଙ୍କା ବୃଦ୍ଧି
ନନ୍ଦିଘୋଷ ବ୍ୟୁରୋ: କେନ୍ଦ୍ର ସରକାର ବିଭିନ୍ନ ଫସଲର ସର୍ବନିମ୍ନ ସହାୟକ ମୂଲ୍ୟ ବି ବୃଦ୍ଧି କରିଛନ୍ତି। ଗହମର ଏମଏସପି କ୍ବିଣ୍ଟାଲ ପିଛା ୧୫୦ ଟଙ୍କା ବୃଦ୍ଧି କରାଯାଇଛି। ପୂର୍ବରୁ ଗହମ କ୍ବିଣ୍ଟାଲ ପିଛା ଦର ୨ ହଜାର ୨୭୫ ଥିବାବେଳେ ବର୍ତ୍ତମାନ ଏହା ହେବ ୨ ହଜାର ୪୨୫ ଟଙ୍କ। ସେହିପରି ସୋରିଷର ଏମଏସପି ୩୦୦ ଟଙ୍କା ବଢାଯାଇଛି। ଆଗରୁ ଥିଲା ୫୬୫୦ ଟଙ୍କା ଥିଲା। ଏବେ ହେଲା ୫୯୫୦। ସେହିପରି ଚଣାର ଏମଏସପି ୨୧୦ ଟଙ୍କା ବୃଦ୍ଧି ହୋଇଛି।
କେନ୍ଦ୍ର ସରକାର ଦେଲେ ଦୀପାବଳି ଉପହାର, ୩ ପ୍ରତିଶତ ବଢ଼ିଲା ମହଙ୍ଗା ଭତ୍ତା
ନନ୍ଦିଘୋଷ ବ୍ୟୁରୋ: ସରକାରୀ କର୍ମଚାରୀ ଓ ପେନସନଭୋଗୀଙ୍କୁ କେନ୍ଦ୍ର ସରକାରଙ୍କ ଦୀପାବଳି ଉପହାର। ମହଙ୍ଗା ଭତ୍ତା ବଢ଼ାଇଛନ୍ତି କେନ୍ଦ୍ର ସରକାର। ୩ ପ୍ରତିଶତ ବୃଦ୍ଧି କରାଯାଇଛି ମହଙ୍ଗା ଭତ୍ତା। ଏହା ଦ୍ଵାରା ମହଙ୍ଗା ଭତ୍ତା ୫୦ରୁ ୫୩ ପ୍ରତିଶତକୁ ବୃଦ୍ଧି ହୋଇଛି। ଏବେ କେନ୍ଦ୍ର ସରକାରଙ୍କ ଅଧୀନରେ କାମ କରୁଥିବା ସରକାରୀ କର୍ମଚାରୀ ସେମାନଙ୍କ ମୂଳ ଦରମାର ୫୩ ପ୍ରତିଶତ ମହଙ୍ଗା ଭତ୍ତା ପାଇବେ। ଏସଂପର୍କିତ ପ୍ରସ୍ତାବକୁ କେନ୍ଦ୍ର କ୍ୟାବିନେଟ ଅନୁମୋଦନ କରିଛି। ଜୁଲାଇ ପହିଲାରୁ ଏହା ଲାଗୁ ହେବ। ଅର୍ଥାତ ଜୁଲାଇ ମାସର ଦରମାରେ ପିଛିଲା ଭାବେ ଲାଗୁ ହେବ।
ଗତ ୩ ମାସର ଦରମା ସହିତ ବର୍ଦ୍ଧିତ ମହଙ୍ଗା ଭତ୍ତା ଅକ୍ଟୋବର ମାସର ଦରମାରେ ମିଶି କରି ଆସିବ। ଏହି ନିଷ୍ପତ୍ତିରେ କେନ୍ଦ୍ର ସରକାରଙ୍କୁ ଅଧିକ ୯ ହଜାର ୪୪୮ କୋଟି ଟଙ୍କା ଖର୍ଚ୍ଚ କରିବାକୁ ପଡ଼ିବ। ଉପକୃତ ହେବେ ୪୯ ଲକ୍ଷ କର୍ମଚାରୀ ଓ ୬୫ ଲକ୍ଷ ପେନସେନଭୋଗୀ। ଦେଶର କଞ୍ଜୁମର ପ୍ରାଇସ୍ ଇନଡେସ୍କ ଅନୁସାରେ ମହଙ୍ଗା ଭତ୍ତା ନିର୍ଦ୍ଧାରଣ କରାଯାଇଥାଏ। ପ୍ରତି ବର୍ଷ ୨ ଥର ଲେଖାଏଁ ମହଙ୍ଗା ଭତ୍ତା ବୃଦ୍ଧି କରାଯାଇଥାଏ। ଗତ ମାର୍ଚ୍ଚରେ ଡିଏ ବଢ଼ିଥିଲା ୪ ପ୍ରତିଶତ।
ଦକ୍ଷତା ବିକାଶ ନିଗମ ଦୁର୍ନୀତି ମାମଲାରେ ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀ ଏନ୍ ଚନ୍ଦ୍ରବାବୁ ନାଇଡୁଙ୍କୁ କ୍ଲିନଚିଟ୍
ହାଇଦ୍ରାବାଦ : ବହୁଚର୍ଚ୍ଚିତ ୩୭୧ କୋଟି ଟଙ୍କାର ଦକ୍ଷତା ବିକାଶ ନିଗମ ଦୁର୍ନୀତି ମାମଲା। ପ୍ରବର୍ତ୍ତନ ନିର୍ଦ୍ଦେଶାଳୟ ପକ୍ଷରୁ ଆନ୍ଧ୍ରପ୍ରଦେଶ ମୁଖ୍ଯମନ୍ତ୍ରୀ ଏନ ଚନ୍ଦ୍ରବାବୁ ନାଇଡୁଙ୍କୁ ମିଳିଛି କ୍ଲିନଚିଟ। ଏହି ଦୁର୍ନୀତି ପ୍ରସଙ୍ଗକୁ ନେଇ ଗତ ୨୦୨୩ରେ ଗିରଫ ହୋଇଥିଲେ ନାଇଡୁ। ତତକାଳୀନ ମୁଖ୍ଯମନ୍ତ୍ରୀ ୱାଇ ଏସ ଜଗନମୋହନ ରେଡ୍ଡୀଙ୍କ ସରକାର ଶିକାର ହୋଇଥିବା ଚନ୍ଦ୍ରବାବୁ ଗିରଫ ହେବା ସହ ୫୩ଦିନ ଜେଲରେ ଥିଲେ। ସେ ଗତବର୍ଷ ଅକ୍ଟୋବର ୩୧ରେ ଜାମିନରେ ମୁକୁଳିଥିଲେ। ଚାର୍ଜସିଟରେ ଡିଜାଇନଟେକ ସିଷ୍ଟମସ ପ୍ରାଇଭେଟ ଲିମିଟେ ଓ ଅନ୍ଯମାନଙ୍କ ନାମ ଦର୍ଶାଇଥିଲା ଇଡି। ଏହା ସହ ୨୩ କୋଟି ୫୦ ଲକ୍ଷ ଟଙ୍କାର ସମ୍ପତ୍ତି ଆଟାଚ କରିଥିଲା ଇଡି ।