ପୁରୀ : ଚୂଡ଼ାନ୍ତ ହେଲା କାର୍ତ୍ତିକ ମାସ ବାଳଧୂପ ନୀତିକାନ୍ତି । ଆସନ୍ତା ୧୪ ତାରିଖରୁ ନଭେମ୍ବର ୧୫ ତାରିଖ ପର୍ଯ୍ଯନ୍ତ ଶ୍ରୀଜିଉଙ୍କ କାର୍ତ୍ତିକ ମାସ ବାଳଧୂପ ନୀତି ଅନୁଷ୍ଠିତ ହେବ । ରାଈଦାମୋଦର ବେଶରେ ଦର୍ଶନ ଦେବେ ମହାପ୍ରଭୁ । ଏଥିପାଇଁ ସ୍ବତନ୍ତ୍ର ନୀତିନିର୍ଘଣ୍ଟ କରାଯାଇଛି । ପ୍ରତିଦିନ ଭୋର ୪ଟାରେ ଦ୍ବାର ଫିଟା ଓ ରାତି ୧୨ଟାରେ ପହୁଡ଼ ହେବ । ଗତକାଲି ବସିଥିବା ଛତିଶାନିଯୋଗ ବୈଠକରେ ଏହି ନୀତିନିର୍ଘଣ୍ଟରେ ମୋହର ବାଜିଛି । ରାଧା ଦାମୋଦର ବେଶ ଆଶ୍ୱିନ ଶୁକ୍ଳ ଏକାଦଶୀରୁ ଆରମ୍ଭ ହୋଇ କାର୍ତ୍ତିକ ଶୁକ୍ଳ ଦଶମୀ ପର୍ଯ୍ୟନ୍ତ ଅନୁଷ୍ଠିତ ହେବ । ଏହାପରେ ପଞ୍ଚୁକ ଚାଲିବ। ତେବେ ଚଳିତବର୍ଷ ୪ ଦିନ ପଞ୍ଚୁକ ପଡୁଛି । ଏଣୁ ଚଳିତବର୍ଷ ପଞ୍ଚୁକ ସମୟରେ ମହାପ୍ରଭୁଙ୍କର ଲକ୍ଷ୍ମୀନୃସିଂହ ବେଶ ଅନୁଷ୍ଠିତ ହେବ ନାହିଁ । ନଭେମ୍ବର ୧୧ ତାରିଖ ଦିନ ଅବକାଶ ପରେ ମହାପ୍ରଭୁ ହରିହର ଓ ୧୨ ତାରିଖରେ ଠିଆକିଆ ବା ଲକ୍ଷ୍ମୀନାରାୟଣ ବେଶ ସହିତ ହରି ଉତଥାପନ ନୀତି ରହିଛି । ୧୩ରେ ବାଙ୍କଚୁଡ଼ ବା ବାମନ ବେଶ ଥିବାବେଳେ ଏହିଦିନ ଗରୁଡ଼ ଉତ୍ଥାପନ ନୀତି ମଧ୍ୟ ପଡିଛି । ୧୪ରେ ଡାଳିକିଆ ବା ତ୍ରିବିକ୍ରମ ବେଶ ରହିଥିବା ବେଳେ ଏହା ପରଦିନ ଅର୍ଥାତ୍ ଚତୁର୍ଦ୍ଦଶୀରେ ଲକ୍ଷ୍ମୀନୃସିଂହ ବେଶ ହେବା କଥା । ମାତ୍ର ଚଳିତବର୍ଷ ଏଥିରେ ବ୍ୟତିକ୍ରମ ଘଟିଛି । ତେଣୁ ଏଥର ଲକ୍ଷ୍ମୀନୃସିଂହ ବେଶ ଦର୍ଶନରୁ ବଞ୍ଚିତ ହେବେ ଭକ୍ତ । ପଞ୍ଚୁକର ଶେଷ ଦିନ ଅର୍ଥାତ୍ ନଭେମ୍ବର ୧୫ରେ ମହାପ୍ରଭୁଙ୍କ ସୁନାବେଶ ତଥା ରାଜାଧିରାଜ ବେଶ ଅନୁଷ୍ଠିତ ହେବ । ଦୀପାବଳି ଅମାବାସ୍ୟାଠାରୁ ପଞ୍ଚୁକ ମଧ୍ୟରେ ସୋମବାର ପଡିଲେ ବଡ଼ ଠାକୁରଙ୍କ ବାଡ଼ରେ ହରିହର ବେଶ ହେବାର ବିଧି ରହିଛି । ଏହାଛଡ଼ା ଭକ୍ତ ଏବଂ ହବିଷ୍ୟାଳୀଙ୍କ ଶୃଙ୍ଖଳିତ ଦର୍ଶନ ଉପରେ ଅଧିକ ଗୁରୁତ୍ୱ ଦିଆଯାଇଛି । ସେହିପରି ବାଳଭୋଗ, ଠିକ୍ ସମୟରେ ମହାପ୍ରସାଦ ବାହାରିବା ଏବଂ ପଞ୍ଚୁକରେ ଭିଡ଼ ନିୟନ୍ତ୍ରଣ ଉପରେ ଆଲୋଚନା କରାଯାଇଛି ।
ଟାୟାର ପ୍ରେସର୍ ଟାଙ୍କି ଫାଟି ଜଣେ ମୃତ, ଦୁଇ ଆହତ
ଖୋର୍ଦ୍ଧା : ଟାୟାର ପ୍ରେସର୍ ଟାଙ୍କି ଫାଟି ମିସ୍ତ୍ରୀ ମୃତ, ଦୁଇ ଆହତ । ଖୋର୍ଦ୍ଧା ଦଧିମାଛ ଗାଡ଼ିଆ ଛକରେ ଘଟିଛି ବଡ଼ ଅଘଟଣ । ମାଆ ଭଗବତୀ ଟାୟାର ପ୍ରେସର ନାମକ ଦୋକାନରେ ସକାଳୁ ଟାୟାର ପ୍ରେସର୍ ଦେଉଥିବା ବେଳେ କୌଣସି କାରଣରୁ ଟାଙ୍କି ବିସ୍ଫୋରଣ ହୋଇଥିଲା । ବିସ୍ଫୋରଣର ତୀବ୍ରତା ଏତେ ଅଧିକ ଥିଲାଯେ ବୋମାମାଡ଼ ଭଳି ଶବ୍ଦ ହୋଇଥିଲା । ଅଘଟଣାରେ ଗ୍ଯାରେଜ ମିସ୍ତ୍ରୀଙ ମୃତ୍ଯୁ ହୋଇଛି । ମୃତକ ହେଲେ ନବଘନ ପରିଡ଼ା । ଦୁଇ ଆହତଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି । ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ କରୁଛି ।
ଜନ୍ମଦିନରେ କେକ୍ ଖାଇ ୫ବର୍ଷ ଶିଶୁର ଚାଲିଗଲା ଜୀବନ, ଡାକ୍ତରଖାନାରେ ବାପା-ମା‘
ବେଙ୍ଗାଲୁରୁ : କର୍ଣ୍ଣାଟକର ବେଙ୍ଗାଲୁରୁରେ ୫ବର୍ଷର ଶିଶୁର ଜନ୍ମଦିନ ଉତ୍ସବରେ ଶୋକର ଛାୟା ଖେଳିଗଲା । ଜନ୍ମଦିନର କେକ୍ ଖାଇବା ପରେ ପିଲାଟିର ଅଳ୍ପ ସମୟ ମଧ୍ୟରେ ମୃତ୍ୟୁ ଘଟିଥିବାବେଳେ ତାଙ୍କ ପିତାମାତାଙ୍କ ସ୍ୱାସ୍ଥ୍ୟ ଅବସ୍ଥା ବିଗିଡି ଯାଇଥିଲା। ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି । ଡାକ୍ତରଙ୍କ କହିବାନୁସାରେ, ଉଭୟଙ୍କୁ ଆଇସିୟୁରେ ଭର୍ତ୍ତି କରାଯାଇଛି ।ଘ ଟଣା ସମ୍ପର୍କରେ ସୂଚନା ପାଇବା ପରେ ପୋଲିସ ଘଟଣାସ୍ଥଳରେ ପହଞ୍ଚି ଘଟଣାର ତଦନ୍ତ ଆରମ୍ଭ କରିଥିଲା । ଏହା ଜାଣିବାକୁ ମିଳିଛି ଯେ ଶିଶୁର ପିତାମାତା ସ୍ବିଗିରେ ଜନ୍ମଦିନର କେକ୍ ଅର୍ଡର କରିଥିଲେ।
ଏଭଳି ପରିସ୍ଥିତିରେ ପୋଲିସ ସ୍ବିଗି ଏବଂ କେକ୍ ତିଆରି ବେକେରୀ ବିରୋଧରେ ମାମଲା ରୁଜୁ କରିଛି । ଏହି ଘଟଣା ବେଙ୍ଗାଲୁରୁର କେପି ଆଗ୍ରାହାରା ପୋଲିସ୍ ଷ୍ଟେସନର ଇନ୍ତିଲିପାଡିରେ ଘଟିଛି । ଏକ ୫ ବର୍ଷର ଶିଶୁର ଜନ୍ମଦିନ ଥିଲା । ଏଭଳି ପରିସ୍ଥିତିରେ ତାଙ୍କ ପିତାମାତା ସ୍ବିଗିରେ ଏକ କେକ୍ ଅର୍ଡର କରିଥିଲେ ଏବଂ କିଛି ସମୟ ପରେ ଡେଲିଭରି ବଏ ମଧ୍ୟ କେକ୍ ଆଣି ଦେଇଥିଲେ । ଏହା ପରେ ପୁରା ପରିବାର ଶିଶୁର ଜନ୍ମଦିନ ପାଳନ କରିଥିଲେ ଏବଂ କେକ୍ ଖାଇଥିଲେ । କେକ୍ ଖାଇବାର କିଛି ସମୟ ପରେ ଶିଶୁର ସ୍ୱାସ୍ଥ୍ୟ ଖରାପ ହେବାକୁ ଲାଗିଲା ।
ଏଭଳି ପରିସ୍ଥିତିରେ ପରିବାର ଲୋକେ ତାଙ୍କୁ ଡାକ୍ତରଖାନା ନେଇଥିଲେ। ଏହି ସମୟରେ ପିତାମାତାଙ୍କ ସ୍ୱାସ୍ଥ୍ୟ ମଧ୍ୟ ଖରାପ ହୋଇଯାଇଥିଲା। ତାଙ୍କ ଅବସ୍ଥା ଦେଖି ଡାକ୍ତରମାନେ ତୁରନ୍ତ ତାଙ୍କୁ ଆଇସିୟୁରେ ଭର୍ତ୍ତି କରିଥିଲେ ଏବଂ ଲକ୍ଷଣ ଅନୁଯାୟୀ ଚିକିତ୍ସା ଆରମ୍ଭ କରିଥିଲେ। ଏହି ସମୟରେ ପିଲାଟିର ମୃତ୍ୟୁ ହୋଇଥିଲା। ଡାକ୍ତରଙ୍କ ଅନୁଯାୟୀ ଶିଶୁର ପିତାମାତାଙ୍କ ଅବସ୍ଥା ବିଗିଡି ଯାଇଥିଲା, କିନ୍ତୁ ବର୍ତ୍ତମାନ ସେମାନଙ୍କ ଅବସ୍ଥା ସ୍ଥିର ରହିଛି। ତାଙ୍କୁ କେବଳ ଆଇସିୟୁରେ ରଖାଯାଇଛି।
ସୂଚନା ପାଇବା ପରେ ପୋଲିସ ଘଟଣାସ୍ଥଳରେ ପହଞ୍ଚି ଘଟଣାର କାରଣ ଅନୁସନ୍ଧାନ କରିଥିଲା। ଏହି ସମୟରେ ଶିଶୁର ପିତାମାତାଙ୍କଠାରୁ ସମ୍ପୂର୍ଣ୍ଣ ସୂଚନା ପାଇବା ପରେ ପୋଲିସ ବେକେରୀ ଏବଂ ସ୍ବିଗିକୁ ନୋଟିସ ଜାରି କରିଛି ! ପୋଲିସର ସୂଚନାନୁସାରେ, ଘଟଣାର ତଦନ୍ତ ଚାଲିଛି। ଏହା ସହିତ କେକର ଏକ ନମୁନା ମଧ୍ୟ ଫୋରେନସିକ୍ ଲ୍ୟାବକୁ ପଠାଯାଇଛି ।
ଯେତେବେଳେ ଅମିତାଭ ବଚ୍ଚନ ଭିଡ଼ରେ ରେଖାଙ୍କ ପାଇଁ ଏମିତି କଲେ, ସେତେବେଳେ ଚର୍ଚ୍ଚା ଜୋର ଧରିଥିଲା !
ନନ୍ଦିଘୋଷ ବ୍ୟୁରୋ : ବଲିଉଡର ମେଗାଷ୍ଟାର ଅମିତାଭ ବଚ୍ଚନ ତାଙ୍କ ଅଭିନୟ ସହିତ ପ୍ରତ୍ୟେକ ଥର ପ୍ରଶଂସକଙ୍କ ହୃଦୟ ଜିତିଛନ୍ତି । ଆଜି ବି ତାଙ୍କୁ ଅନେକ ବଡ ଫିଲ୍ମରେ ଦେଖିବାକୁ ମିଳିଛି ।ଯଦିଓ ଅମିତାଭ ବଚ୍ଚନ ଅନେକ ବଲିଉଡ ଅଭିନେତ୍ରୀଙ୍କ ସହ ଫିଲ୍ମରେ କାମ କରିଛନ୍ତି, କିନ୍ତୁ ସେଠାରେ କେବଳ କିଛି ଅଭିନେତ୍ରୀ ଅଛନ୍ତି, ଯେତେବେଳେ ତାଙ୍କ ସହ ଯୋଡି ହୁଅନ୍ତି ବକ୍ସ ଅଫିସରେ ବହୁତ ହିଟ୍ ହୋଇଛି । ୱାହିଦା ରହମାନ, ଜିନତ ଅମାନ, ପରଭିନ ବାବିଙ୍କ ସହ ବିଗ୍ ବି ଅନେକ ହିଟ୍ ଫିଲ୍ମ ଦେଇଛନ୍ତି। ସେମାନଙ୍କ ମଧ୍ୟରୁ ଜଣେ ହେଉଛନ୍ତି ରେଖା, ଯାହାଙ୍କ ସହ ଅମିତାଭ ବଚ୍ଚନଙ୍କ ଯୋଡି ସୁପର ହିଟ୍ ହୋଇଥିଲା । ଉଭୟ ୧୦ ରୁ ଅଧିକ ଚଳଚ୍ଚିତ୍ରରେ ଏକାଠି କାମ କରିଛନ୍ତି । ସେଥିମଧ୍ୟରୁ ଗୋଟିଏ ହେଲା ‘ଗଙ୍ଗା କି ସୌଗନ୍ଧ’ ।ଏହି ଚଳଚ୍ଚିତ୍ରର ସୁଟିଂ ସମୟରେ ଅମିତାଭ ବଚ୍ଚନ କ୍ରୋଧିତ ହୋଇଥିଲେ ।
୧୦ ଫେବୃଆରୀ ୧୯୭୮ ରେ ‘ଗଙ୍ଗା କି ସୌଗନ୍ଧ’ ମୁକ୍ତିଲାଭ କରିଥିଲା` ଏହି ଚଳଚ୍ଚିତ୍ରର ସୁଟିଂ ସମୟରେ ଅମିତାଭ ବଚ୍ଚନ ଏବଂ ରେଖାଙ୍କ ସମ୍ପର୍କକୁ ନେଇ ଫିଲ୍ମ କରିଡରରେ ଏକ ଆଲୋଚନା ଆରମ୍ଭ ହୋଇଥିଲା । ବାସ୍ତବରେ, ଏହି କାହାଣୀ ଲେଖକ ୟାସିର ଉସମାନଙ୍କ ପୁସ୍ତକରେ ମଧ୍ୟ ଅନ୍ତର୍ଭୁକ୍ତ ହୋଇଥିଲା, ଯିଏ ରେଖାଙ୍କ ଜୀବନୀ ଲେଖିଥିଲେ ।
ରେଖା ପାଇଁ ଅମିତାଭ ବଚ୍ଚନ କ’ଣ କରିଥିଲେ?
ଏ ସବୁ ଘଟଣା ୧୯୭୭ ମସିହାର । ଫିଲ୍ମ ‘ଗଙ୍ଗା କି ସୌଗନ୍ଧ’ର ସୁଟିଂ ଜୟପୁର ନିକଟରେ ଚାଲିଥିଲା। ସେହି ସମୟର ଦୁଇ ଶ୍ରେଷ୍ଠ ତାରକାଙ୍କୁ ଦେଖିବା ପାଇଁ ଏକ ବିରାଟ ଜନସମାଗମ ହୋଇଥିଲା ` ବାସ୍ତବରେ ଫିଲ୍ମର ବାହାଘର ସୁଟିଂ ଚାଲିଥିଲା । ଏଭଳି ପରିସ୍ଥିତିରେ ଶୁଟିଂ ଦେଖିବାକୁ ଆସିଥିବା ଲୋକମାନଙ୍କ ମଧ୍ୟରୁ ଜଣେ ରେଖାଙ୍କ ଉପରେ ମନ୍ତବ୍ୟ ଦେବା ଆରମ୍ଭ କଲେ । ଟିମ୍ ତାଙ୍କୁ ଅନେକ ଥର ଚେତାବନୀ ଦେଇଥିଲା, କିନ୍ତୁ ସେ ଏହାକୁ ଗ୍ରହଣ କରିବାକୁ ପ୍ରସ୍ତୁତ ନଥିଲେ ।ସେ ନିରନ୍ତର ଅଭିନେତ୍ରୀଙ୍କ ଉପରେ ମନ୍ତବ୍ୟ ଦେଉଥିଲେ । ଏହି ପୁସ୍ତକ ଅନୁଯାୟୀ, ରେଖା ଉପରେ ମନ୍ତବ୍ୟ ଦେଉଥିବା ବ୍ୟକ୍ତିଙ୍କ ଉପରେ ଅମିତାଭ ବଚ୍ଚନ ବହୁତ ରାଗିଥିଲେ । ସୁଟିଂ ସମୟରେ ସେ ତାଙ୍କୁ ମଧ୍ୟ ପିଟିଥିଲେ ।
ଏହା ପରେ ଅମିତାଭ ବଚ୍ଚନ ଏବଂ ରେଖାଙ୍କ ସମ୍ପର୍କକୁ ନେଇ ଅନେକ ଗୁଜବ ଥିଲା । ଫିଲ୍ମ ମାଗାଜିନରେ ଉଭୟଙ୍କ ବିଷୟରେ ଅନେକ ଲେଖା ହୋଇଥିଲା । ଏପରିକି ପ୍ରଶ୍ନ ଉଠିଥିଲା ଯେ ଶ୍ରେଷ୍ଠ ଅମିତାଭ ବଚ୍ଚନ କାହିଁକି ରେଖା ପାଇଁ ଲଢୁଛନ୍ତି? ଦୁହିଁଙ୍କ ମଧ୍ୟରେ କ’ଣ ଚାଲିଛି? କିନ୍ତୁ ଏହି ମାମଲା ପରେ ଗୁଜବ ବନ୍ଦ ହୋଇପାରିଲା ନାହିଁ, ସେମାନଙ୍କ ସମ୍ପର୍କ ହେଡଲାଇନରେ ରହିଲା । ଏହା ସତ୍ତ୍ବେ ଉଭୟ ପକ୍ଷରୁ କୌଣସି ପ୍ରତିକ୍ରିୟା ଆସିନଥିଲା ।
ବଢୁଛି ଶିଳ୍ପା ଶେଟ୍ଟୀଙ୍କ ପାଇଁ ଅଡୁଆ ! ଅଭିନେତ୍ରୀଙ୍କ ବିରୋଧରେ ମାମଲା ରୁଜୁ
ନନ୍ଦିଘୋଷ ବ୍ୟୁରୋ : ବଲିଉଡ ଅଭିନେତ୍ରୀ ଶିଳ୍ପା ଶେଟ୍ଟୀ ତାଙ୍କ ଚଳଚ୍ଚିତ୍ର ଏବଂ ଫିଟନେସ ପାଇଁ ଚର୍ଚ୍ଚାରେ ରହିଛନ୍ତି । କିନ୍ତୁ ଏବେ ବିହାରର ମୁଜାଫରପୁରର ସିଜେଏମ୍ କୋର୍ଟରେ ଶିଳ୍ପା ଶେଟ୍ଟୀଙ୍କ ବିରୋଧରେ ଏକ ମାମଲା ରୁଜୁ ହୋଇଛି। ଶିଳ୍ପାଙ୍କ ସହିତ ଆହୁରି ୪ ଜଣଙ୍କ ନାମ ମଧ୍ୟ ଏଥିରେ ଅନ୍ତର୍ଭୁକ୍ତ ହୋଇଛି | ଓକିଲ ସୁଧୀର ଓଝା ଶିଳ୍ପା ଏବଂ ଅନ୍ୟ ୪ ଜଣଙ୍କ ବିରୋଧରେ ଏହି ମାମଲା ଦାୟର କରିଛନ୍ତି ।
ନଭେମ୍ବର ୧୧ ରେ ଏହି ମାମଲାର ଶୁଣାଣି ହେବ। ଧାରା ୨୨୩,୧୮୯ (୭) ୧୮୯ (୬) ୧୯୧ (୧) ୧୯୦,୬୧ (୧) ୨୮୦,୨୭୨,୧୯୮,୧୯୯(ଖ) (ଗ) ଅନୁଯାୟୀ ଏକ ମାମଲା ପଞ୍ଜିକୃତ ହୋଇଛି । ତେବେ ଶିଳ୍ପାଙ୍କ ବିରୋଧରେ ଏହି କାର୍ଯ୍ୟାନୁଷ୍ଠାନ ଗ୍ରହଣ ହେବାର କାରଣ ଅତ୍ୟନ୍ତ ଆଶ୍ଚର୍ଯ୍ୟଜନକ । ଯଦି ସମଗ୍ର ବିଷୟ ବିଷୟରେ କହିବାକୁ ଗଲେ, ତେବେ ମୁଜାଫରପୁରର କାଲାମ ବାଗ ଚକ୍ ନିକଟରେ କଲ୍ୟାଣ ଜୁଏଲର୍ସଙ୍କ ଶୋ’ରୁମକୁ ଉଦଘାଟନ କରାଯାଉଥିଲା ଯେଉଁଠାରେ ଅଭିନେତ୍ରୀଙ୍କୁ ମୁଖ୍ୟ ଅତିଥି ଭାବରେ ନିମନ୍ତ୍ରଣ କରାଯାଇଥିଲା । ଶିଳ୍ପାଙ୍କ ଆଗମନ ଖବର ପାଇବା ମାତ୍ରେ ସେଠାରେ ବହୁ ସଂଖ୍ୟାରେ ଲୋକ ଏକତ୍ରିତ ହୋଇଥିଲେ ।
ସୁଧୀର ଓଜା କହିଛନ୍ତି ଯେ ସେ ନିଜେ ଏହି ଜାମରେ ଅଟକି ଯାଇଛନ୍ତି । ଏହାକୁ ସୁଚିନ୍ତିତ ଭାବେ ପ୍ରଶାସନ ଅବରୋଧ କରିଥିଲା । ସେ କହିଛନ୍ତି ଯେ ପ୍ରଶାସନିକ ସ୍ତରରେ କାର୍ଯ୍ୟକ୍ରମ ଆୟୋଜନ କରିବାକୁ ଅନୁମତି ଦିଆଯାଇଛି । କିନ୍ତୁ ଲୋକଙ୍କୁ ଏହି ରାସ୍ତା ଦେଇ ଯିବାକୁ ପଡିବ । ଏହି କାର୍ଯ୍ୟକ୍ରମ ସମୟରେ ଟ୍ରାଫିକ ସିଗନାଲ ମଧ୍ୟ ବନ୍ଦ ହୋଇଯାଇଥିଲା, ଯାହା ଲୋକଙ୍କ ପାଇଁ ଅଧିକ ଅସୁବିଧା ସୃଷ୍ଟି କରିଥିଲା । ଟ୍ରାଫିକରେ ଅଟକି ରହିଥିବାରୁ ଅନେକ ଲୋକ ଗୁରୁତ୍ୱପୂର୍ଣ୍ଣ କାମ ହରାଇଲେ । ଟ୍ରାଫିକରେ ଅଟକି ରହିଥିବାରୁ ତାଙ୍କ ସ୍ୱାସ୍ଥ୍ୟ ଅବସ୍ଥା ବିଗିଡି ଯାଇଥିବା ସୁଧୀର ଓଜା କହିଛନ୍ତି ।
ଯବାନଙ୍କୁ ଅପହରଣ କଲେ ଆତଙ୍କବାଦୀ, ସର୍ଚ୍ଚ ଅପରେସନ ଜାରି
ନନ୍ଦିଘୋଷ ବ୍ୟୁରୋ : ଅନନ୍ତନାଗ ଜିଲ୍ଲାରେ ଜଣେ ଯବାନଙ୍କୁ ଅପହରଣ କଲେ ଆତଙ୍କବାଦୀ । କୋକରନାଗ ଅଞ୍ଚଳର ଶଙ୍ଗାରୁ ଜଣେ ଟେରିଟୋରିଆଲ୍ ଆର୍ମି ଯବାନଙ୍କୁ ଆତଙ୍କବାଦୀମାନେ ଅପହରଣ କରିଛନ୍ତି । ଅନ୍ୟ ଜଣେ ଟେରିଟୋରିଆଲ୍ ଆର୍ମି ଯବାନ ଅପହରଣ ହେବା ପରେ ଖସିଯିବାରେ ସଫଳ ହୋଇଥିଲେ ।ଭାରତୀୟ ସେନା ଏବଂ ଜାମ୍ମୁ କାଶ୍ମୀର ପୋଲିସର ମିଳିତ ଟିମ୍ ଏହି ଅଞ୍ଚଳରେ ବ୍ୟାପକ ସର୍ଚ୍ଚ ଅପରେସନ୍ କରୁଛି । ଯବାନଙ୍କ ବିଷୟରେ କୌଣସି ସୂଚନା ପାଇବା ପାଇଁ ଆଖପାଖ ଅଞ୍ଚଳରେ ଖୋଜା ଚାଲିଛି ।
୨୦୨୦ ମସିହାରେ ଆତଙ୍କବାଦୀମାନେ ଏଭଳି ଭୟଭୀତ କାର୍ଯ୍ୟ କରିଥିଲେ। ତା’ପରେ କାଶ୍ମୀରରେ ଟେରିଟେରାଲ୍ ଆର୍ମି ଯବାନ ଶାକିର ମଞ୍ଜୁର ବାଗେଙ୍କୁ ଅପହରଣ କରାଯାଇଥିଲା । ଏହି ଘଟଣାର ପାଞ୍ଚ ଦିନ ପରେ ପରିବାର ଲୋକ ଘର ନିକଟରେ ଶାକିରଙ୍କ ପୋଷାକ ପାଇଥିଲେ । ଏହି ଘଟଣା ୨ ଅଗଷ୍ଟରେ ହୋଇଥିଲା । ତା’ପରେ ୨୪ ବର୍ଷୀୟ ଶାକିର ବାଗେ ଦକ୍ଷିଣ କାଶ୍ମୀରର ଶୋପିଆନ୍ ହରମାନରେ ଥିବା ତାଙ୍କ ଘର ନିକଟରେ ନିଖୋଜ ହୋଇଯାଇଥିଲେ ।
ଆତଙ୍କବାଦୀମାନେ ତାଙ୍କୁ ଅପହରଣ କରି ନେଇଥିଲେ । ଶାକିର ତାଙ୍କ ଘରକୁ ଯାଇଥିଲେ। ଅପହରଣ ସହିତ ଆତଙ୍କବାଦୀମାନେ ମଧ୍ୟ ଯବାନଙ୍କ କାରକୁ ପୋଡି ଦେଇଥିଲେ। ଦକ୍ଷିଣ କାଶ୍ମୀରର ବାଲାପୁରରେ ୧୬୨-ଟିଏରେ ଶାକିରଙ୍କୁ ନିୟୋଜିତ କରାଯାଇଥିଲା । ବହୁ ଖୋଜାଖୋଜି ପରେ ମଧ୍ୟ ତାଙ୍କର ସନ୍ଧାନ ମିଳିପାରିଲା ନାହିଁ । ଏକ ବର୍ଷ ପରେ ସେପ୍ଟେମ୍ବରରେ ଶାକିରଙ୍କ ମୃତଦେହ ମିଳିଥିଲା ।
ଦବିଲା ନିର୍ମାଣଧୀନ ବ୍ରିଜ ପ୍ରୋଟେକ୍ସନ ୱାଲ
ନିମାପଡା : ପୁରୀ ଜିଲ୍ଲା ନିମାପଡା ବ୍ଲକ ଅଧିନ ଧନୁଆଁ ପଂଚାୟତ ବଉଳପଦା ନିକଟରେ ଦବିଲା ନିର୍ମାଣଧୀନ ବ୍ରିଜ ପ୍ରୋଟେକ୍ସନ ୱାଲ । ଘଟଣା ସ୍ଥଳରେ ହଟହଟା ହେଲେ ବିଭାଗୀୟ ଯନ୍ତ୍ରୀ । ଗ୍ରାମ୍ୟ ଉନ୍ନୟନ ବିଭାଗ ପକ୍ଷରୁ ଧନୁଆଁ ପଂଚାୟତ ଭୁଆଁ ଛକ ଠାରୁ ମୁଖ୍ୟମନ୍ତ୍ରୀ ସଡକ ଯୋଜନାରେ ବଉଳପଦା ଭାୟା ସୁନୁଗୋରଡି ୫କିମି ରାସ୍ତା ନିର୍ମାଣ କାମ ଚାଲିଛି । ଏଥିପାଇଁ ୫କୋଟି ୨୫ଲକ୍ଷରୁ ଉର୍ଦ୍ଧ୍ବ ଟଙ୍କା ବ୍ୟୟବରାଦ କରାଯାଇଛି । ଏହି ୫କିମି ରାସ୍ତା ମଧ୍ୟରେ ବଉଳପଦା ଠାରେ ସ୍ତାନୀୟ ଲୋକଙ୍କ ଦୀର୍ଘଦିନ ଦାବି ଅନୁଯାୟୀ ଏକ ବ୍ରିଜ ନିର୍ମାଣ କାର୍ଯ୍ୟ ଆରମ୍ଭ କରାଯାଇଛି । ହେଲେ କାର୍ଯ୍ୟ ଶେଷ ନହଉଣୁ ବ୍ରିଜର ଗୋଟିଏ ପାର୍ଶ୍ଵ ପ୍ରୋଟେକ୍ସନ ୱାଲ ଭୁଶୁଡି ଥିବା ବେଳେ ଆଉ ଗୋଟିଏ ପାର୍ଶ୍ଵ ବିପଦ ଶଙ୍କୁଳ ଅବସ୍ଥାରେ ରହିଛି। ନିର୍ମାଣ କାର୍ଯ୍ୟ ଶେଷ ପୂର୍ବରୁ ଭୁଶୁଡିବା ଏବେ ବ୍ରିଜର ସ୍ଥାୟିତ୍ୱକୁ ନେଇ ବଡ ପ୍ରଶ୍ନବାଚି ସୁଷ୍ଟି କରିଛି। ଏନେଇ ଗ୍ରାମବାସୀ ପୂର୍ବରୁ ବିଭାଗୀୟ ଯନ୍ତ୍ରୀଙ୍କୁ ଜଣାଇଥିଲେ ମଧ୍ୟ କେହି ସେମାନଙ୍କ ଅଭିଯୋଗକୁ କର୍ଣ୍ଣପାତ କରିନାହାନ୍ତି । ଅପର ପକ୍ଷରେ କାମ କରୁଥିବା ଠିକାଦାର ମଧ୍ୟ ବିଭିନ୍ନ ସମୟରେ ଅଭିଯୋଗ କରୁଥିବା ସ୍ଥାନୀୟ ବସିନ୍ଦାଙ୍କୁ ଧମକ ଚମକ ଦେଉଥିବା ଜଣାପଡିଛି । ଯୋଉ ବ୍ରିଜ ଉପରେ ମାଟି ପଡିଲେ ତାହାର ପ୍ରୋଟେକ୍ସନ ୱାଲ ଭୁଶୁଡି ପଡୁଛି ତାହାର ସ୍ଥାଇତ୍ୱ କେତେଦିନ ତାହା କେବଳ ବିଭାଗୀୟ ଯନ୍ତ୍ରୀଙ୍କୁ ହିଁ ଜଣାଥିବ ବୋଲି ଅଂଚଳ ବାସୀ କହିଛନ୍ତି। ଏହାର ଖବର ପାଇ ସହକାରୀ ଯନ୍ତ୍ରୀ ଘଟଣା ସ୍ଥଳକୁ ଯାଇଥିବା ବେଳେ ସ୍ଥାନୀୟ ଲୋକେ ଦୁଇ ଘଣ୍ଟା ଧରି ଅଟକ ରଖିଥିଲେ । ସାଧାରଣ ଲୋକଙ୍କ ପ୍ରଶ୍ନ ବାଣରେ ସହକାରୀ ଯନ୍ତ୍ରୀ ଜଣଙ୍କ ଏକ ପ୍ରକାର ଘାଇଲା ହୋଇଛନ୍ତି । ଏହାର ଏକ ଉଚ୍ଚ ସ୍ତରୀୟ ତଦନ୍ତ ଦାବି ଅଂଚଳ ବାସୀ କରିଛନ୍ତି । ବିଭାଗୀୟ ଅଧିକାରୀ ଏହି ସଂକ୍ରାନ୍ତରେ ଆମ କ୍ୟାମେରା ସାମ୍ନାରେ ମୁହଁ ଖୋଲିବାକୁ ରୋକଠୋକ ମନା କରିଦେଇଛନ୍ତି ।
ଟି-୨୦ ମହିଳା ବିଶ୍ବକପରେ ଭାରତ-ଶ୍ରୀଲଙ୍କା ଟକ୍କର
ନନ୍ଦିଘୋଷ ବ୍ୟୁରୋ : ଆଜି ଟି-୨୦ ମହିଳା ବିଶ୍ବକପରେ ଭାରତ-ଶ୍ରୀଲଙ୍କା ଟକ୍କର । ସନ୍ଧ୍ଯା ୭ଟାରୁ ଆରମ୍ଭ ହେବ ମ୍ଯାଚ । ଅନ୍ଯତମ ଟାଇଟଲ ଆଶାୟୀ ଭାରତ ଏବେ ସେମିଫାଇନାଲରେ ପ୍ରବେଶ କରିବାକୁ ସଂଘର୍ଷ କରୁଛି । ଲିଗ୍ ମ୍ଯାଚରେ ପ୍ରଥମେ ନ୍ଯୁଜିଲାଣ୍ଡଠାରୁ ୫୮ରନର ବଡ଼ ବ୍ଯବଧାନରେ ପରାସ୍ତ ହୋଇଥିବାରୁ ଦଳର ରନରେଟ କମ ରହିଛି । ଆଜି ଭାରତ ଶ୍ରୀଲଙ୍କା ସହ ଶେଷ ଲିଗ୍ ମ୍ଯାଚ୍ ଖେଳିବ । ଏହି ମ୍ଯାଚର ପ୍ରଦର୍ଶନ ଉପରେ ଭାରତର ସେମିଫାଇନାଲ ସ୍ବପ୍ନ ନିର୍ଭର କରୁଛି । ଏଣୁ ଆଜିର ମ୍ଯାଚକୁ ଭାରତ ବଡ଼ ବ୍ଯବଧାନରେ ଜିତି ସେମିଫାଇନାଲକୁ ଯିବାକୁ ଆଶା ରଖିଛି । ପୂର୍ବରୁ ଭାରତର ଦୁଇ ଖେଳାଳି ପୂଜା ଓ ଅଧିନାୟକ ହରମନପ୍ରୀତ ଆହତ ହୋଇଛନ୍ତି । ଏମାନେ ଶ୍ରୀଲଙ୍କା ବିପକ୍ଷ ମ୍ଯାଚ ଖେଳିବେ କି ନାହିଁ ତାହା ସ୍ପଷ୍ଟ ହୋଇନି । ତେବେ ତୃଟି ସୁଧାରି ଆଜି ଭାରତୀୟ ଟିମ୍ ସେମିଫାନାଲ ପାଇଁ ଭଲ ଖେଳିବ ବୋଲି ଆଶା ରଖିଛି । ସେପଟେ ଶ୍ରୀଲଙ୍କା ମଧ୍ଯ ଟିମ୍ ଇଣ୍ଡିଆକୁ ଜବାବ ଦେବାକୁ ରଣନୀତି ପ୍ରସ୍ତୁତ କରିଛି ।
ଭାରତ ବାଂଲାଦେଶ ମଧ୍ୟରେ ହେବ ଟକ୍କର
ନନ୍ଦିଘୋଷ ବ୍ୟୁରୋ : ଆଜି ଭାରତ ବାଂଲାଦେଶ ମଧ୍ୟରେ ଟକ୍କର। ଟି ଟ୍ଵେଣ୍ଟି ସିରିଜରେ ଖେଳାଯିବ ଦ୍ଵିତୀୟ ମ୍ୟାଚ। ଦିଲ୍ଲୀର ଅରୁଣ ଜେଟଲୀ ଷ୍ଟାଡିୟମରେ ଖେଳାୟିବ ଏହି ମ୍ଯାଚ। ଭାରତୀୟ ସମୟ ସଂଧ୍ୟା ସାଢେ ୭ଟାରେ ଆରମ୍ଭ ହେବ ମ୍ୟାଚ।ଆଜିର ମ୍ୟାଚ ଜିତି ସିରିଜ ବିଜୟ ଲକ୍ଷ୍ୟରେ ରହିଛି ଟିମ ଇଣ୍ଡିଆ। ଟି-ଟ୍ଵେଣ୍ଟି ସିରିଜର ପ୍ରଥମ ମ୍ୟାଚ୍ ଜିତି ୧-୦ରେ ଆଗୁଆ ରହିଛି ଟିମ ଇଣ୍ଡିଆ। ଆଜିର ମ୍ୟାଚ ଜିତିରେ ଜିତିଲେ ୨-୦ ପଏଣ୍ଟରେ ମ୍ଯାଚ ଜିତି ସିରିଜ ବିଜୟ ହେବ ଭାରତ। ଆଜିର ମ୍ୟାଚ ଯଦି ବାଂଲାଦେଶ ଜିତେ ତେବେ ଆସନ୍ତା ୧୨ ତାରିଖ ମ୍ୟାଚ ହେବ ନିର୍ଣ୍ଣାୟକ ମ୍ୟାଚ। ହାଇଦ୍ରାବାଦର ରାଜୀବ ଗାନ୍ଧୀ ଷ୍ଟାଡିୟମରେ ଖେଳାଯିବ ଏହି ମ୍ୟାଚ। ସୂର୍ଯ୍ୟକୁମାର ଯାଦବଙ୍କ ନେତୃତ୍ଵରେ ପଡ଼ିଆକୁ ଓହ୍ଲାଇବ ଦଳ। ଟିମ ଇଣ୍ଡିଆ ସ୍କ୍ଵାଡରେ ସଂଜୁ ସାମସନ, ଅଭିଷେକ ବାନାର୍ଜୀ, ନୀତୀଶ ରେଡ୍ଡି, ହାର୍ଦିକ ପାଣ୍ଡ୍ୟା, ରିୟାନ ପରାଗ, ରିଙ୍କୁ ସିଂହ, ଜୀତେଶ ଶର୍ମା, ତିଲକ ବର୍ମା,ଭଳି ଧୂଆଧାର ବ୍ଯାଟ୍ସମ୍ଯାନ ଅଛନ୍ତି। ୱାସିଂଟନ ସୁନ୍ଦର ଏବଂ ବରୁଣ ଚକ୍ରବର୍ତ୍ତୀ, ରବି ବିଷ୍ଣୋଇ ପରି ସ୍ପିନର ରହିଛନ୍ତି। ଦଳରେ ଅର୍ଶଦୀପ ସିଂ, ମୟଙ୍କ ଯାଦବ, ଏବଂ ହର୍ଷିତ ରାଣା ଭଳି ସ୍ପେଶାଲିଷ୍ଟ ଫାଷ୍ଟ ବୋଲର ରହିଛନ୍ତି।
ବିଜେପି ସରକାରଙ୍କ ମିଛ ପ୍ରତିଶ୍ରୁତି ପ୍ରତିବାଦରେ ୫ ଶହ କିଲୋମିଟର ପଦଯାତ୍ରା
ବଲାଙ୍ଗୀର : ବିଜେପି ସରକାରଙ୍କ ମିଛ ପ୍ରତିଶ୍ରୁତି ପ୍ରତିବାଦରେ ୫ ଶହ କିଲୋମିଟର ପଦଯାତ୍ରା । ନିର୍ବାଚନ ପୂର୍ବରୁ କଳାହାଣ୍ଡି ଜିଲ୍ଲାରେ ଦୀର୍ଘ ବର୍ଷରୁ ଥିବା ସମସ୍ୟାର ସମାଧାନ ପାଇଁ ପ୍ରତିଶ୍ରୁତି ଦେଇଥିଲେ ବିଜେପି ନେତା । ଧର୍ମଗଡ଼ ଉପଖଣ୍ଡକୁ ଜିଲ୍ଲା ମାନ୍ୟତା, ବିଧବା, ବିକଳାଙ୍ଗ ଓ ୬୦ ବର୍ଷରୁ ଊର୍ଦ୍ଧ୍ବ ବୃଦ୍ଧବୃଦ୍ଧାଙ୍କୁ ୩ ହଜାର ଟଙ୍କା ଭତ୍ତା, ସୁଭଦ୍ରା ଯୋଜନାରେ ପ୍ରତ୍ୟକ ମହିଳାଙ୍କୁ ସାମିଲ କରିବା ସହ ୫୦ ହଜାର ଟଙ୍କାର କ୍ୟାସ୍ ଭାଉଚର, ଦଳିତ ବର୍ଗକୁ ସ୍ଵତନ୍ତ୍ର ସହାୟତା ପରି ଅନେକ ପ୍ରତିଶ୍ରୁତି ଦିଆଯାଇଥିଲା । କିନ୍ତୁ ସରକାରଙ୍କୁ ଆସିବା ପରେ ଧୋକା ଦେଇଛନ୍ତି I ତେଣୁ କରି ବିଜେପି ସରକାରଙ୍କ ମିଛ ପ୍ରତିଶ୍ରୁତି ବିରୋଧରେ ୨୫ ଦଫା ଦାବୀ ନେଇ କଳାହାଣ୍ଡି ଜିଲ୍ଲା ଗୋଲାମୁଣ୍ଡା ବ୍ଲକରୁ ଭୁବନେଶ୍ବର ପର୍ଯ୍ୟନ୍ତ ୫ ଶହ କିଲୋମିଟର ପଦଯାତ୍ରା କରିଛି ଜନ ସଂଗ୍ରାମ ସମିତି I ସମିତିର ସଭାପତି ସେଉଲ ମଙ୍ଗରାଜଙ୍କ ନେତୃତ୍ବରେ ୨୫ ଜାଣିଆ ଟିମ ଚାଲିଚାଲି ଭୁବନେଶ୍ବର ବାହାରିଛନ୍ତି I ଗାନ୍ଧୀ ଜୟନ୍ତୀରୁ ଗୋଲାମୁଣ୍ଡା ଠାରୁ ପଦଯାତ୍ରା ଆରମ୍ଭ ହୋଇଥିବା ବେଳେ ୫ ଦିନରେ ୧୭୦ କିଲୋମିଟର ପଦଯାତ୍ରା କରି ବଲାଙ୍ଗୀର ପହଁଞ୍ଚିଛନ୍ତି ।