ନନ୍ଦିଘୋଷ ବ୍ୟୁରୋ: ଡୋନାଲ୍ଡ ଟ୍ରମ୍ପଙ୍କୁ ତୃତୀୟ ଥର ଲାଗି ହତ୍ଯା ଉଦ୍ଯମ ଅଭିଯୋଗ । ରାଷ୍ଟ୍ରପତି ନିର୍ବାଚନ ପୂର୍ବରୁ ଡୋନାଲ୍ଡ ଟ୍ରମ୍ପଙ୍କୁ ହତ୍ୟା କରିବାର ଷଡଯନ୍ତ୍ର କରିଥିଲା ଇରାନ ! ଇରାନର ଜଣେ ବ୍ଯକ୍ତିଙ୍କ ବିରୋଧରେ ଲାଗିଛି ମାମଲା ।
ଇରାନର ରିଭଲ୍ଯୁସନାରୀ ଗାର୍ଡ୍ସ କର୍ପସ ପକ୍ଷରୁ ଟ୍ରମ୍ପଙ୍କୁ ହତ୍ଯା କରିବା ଲାଗି ଯୋଜନା କରାଯାଇଥିଲା ବୋଲି ଅଭିଯୋଗ ହୋଇଥିବାବେଳେ ଜଣେ ଇରାନୀୟଙ୍କ ବିରୋଧରେ ମାମଲା ରୁଜୁ ହୋଇଛି । ଗତ ଅକ୍ଟୋବର ୭ରେ ଟ୍ରମ୍ପଙ୍କୁ ହତ୍ଯା କରିବା ଲାଗି ଫାରହାଦ ଶାକେରିଙ୍କୁ ଇରାନର ରିଭଲ୍ଯୁସନାରୀ ଗାର୍ଡସ୍ କର୍ପସ୍ ପକ୍ଷରୁ ନିର୍ଦ୍ଦେଶ ଦିଆଯାଇଥିଲା । ମାତ୍ର ଫାରହାଦ ଏହା ଘଟାଇବାକୁ ସକ୍ଷମ ହୋଇନଥିଲେ ବୋଲି ତଦନ୍ତକାରୀ ସଂସ୍ଥା କହିଛି ।
ଆଟର୍ଣ୍ଣି ଜେନେରାଲ ମେରିକ ବି. ଗାର୍ଲାଣ୍ଡ କହିଛନ୍ତି- ଟ୍ରମ୍ପଙ୍କୁ ହତ୍ଯା କରିବା ଲାଗି ଏକ ଅପରାଧିକ ନେଟଓ୍ବର୍କ ସହ କାର୍ଯ୍ଯ କରିବା ଲାଗି ଫାରହାଦଙ୍କୁ ଇରାନ ନିର୍ଦ୍ଦେଶ ଦେଇଥିଲା । ମାତ୍ର ତାହା ଘଟିପାରି ନଥିଲା । ଆଇଆରଜିସିକୁ ଆମେରିକା ଏକ ଆତଙ୍କବାଦୀ ସଂଗଠନର ମାନ୍ଯତା ଦେଇସାରିଛି । ଫାରହାଦ ବର୍ତ୍ତମାନ ଇରାନରେ ଥିବା ଆଶଙ୍କା କରିଛି ତଦନ୍ତକାରୀ ସଂସ୍ଥା ।
ଗତ ଜୁଲାଇ ୧୩ରେ ନିର୍ବାଚନ ପ୍ରଚାର ବେଳେ ତାଙ୍କ ଉପରକୁ ଗୁଳିମାଡ କରାଯାଇଥିଲା । ଟ୍ରମ୍ପଙ୍କ କାନରେ ଗୁଳି ବାଜିଥିବା ସତ୍ତ୍ବେ ସେ ବର୍ତ୍ତି ଯାଇଥିଲେ।
