ନନ୍ଦିଘୋଷ ବ୍ୟୁରୋ: ବଲିଉଡ କଲାକାରମାନେ ପ୍ରାୟତଃ ନିଜର ଲାଇଫ ଷ୍ଟାଇଲ ପାଇଁ ଚର୍ଚ୍ଚାରେ ରହିଥାନ୍ତି । ଗଣମାଧ୍ୟମରେ ହେଡଲାଇନ ପାଲଟୁଥିବା କଳାକାରଙ୍କ ବହୁ ଖରାପ ଅଭ୍ୟାସ ମଧ୍ୟ ବିଭିନ୍ନ ସମୟରେ ପ୍ରକାଶ ପାଇଥାଏ । ଏମିତି କିଛି କଳାକାର ଅଛନ୍ତି ଯେଉଁମାନଙ୍କ ଖରାପ ଅଭ୍ୟାସ ତାଙ୍କ କ୍ୟାରିୟର ଉପରେ ବହୁ ପ୍ରଭାବ ମଧ୍ୟ ପକାଇଛି । ତେବେ ଆସନ୍ତୁ ଏମିତି କିଛି କଳାକାରଙ୍କ ଖରାପ ଅଭ୍ୟାସ ସମ୍ପର୍କରେ ଜାଣିବା ।

ଫରଦୀନ ଖାନ: ୯୦ ଦଶକରେ ବେଶ ଜଣାଶୁଣା ତଥା ଚକୋଲେଟ୍ ହିରୋ ଭାବେ ଜଣାଶୁଣା ଫରଦୀନ ଖାନଙ୍କ ଖରାପ ଅଭ୍ୟାସ ତାଙ୍କୁ ପରଦାରୁ ମଧ୍ୟ ହଜାଇ ଦେଇଥିଲା । ମଦ ପିଇବା ଭଳି ଖରାପ ଅଭ୍ୟାସ ତାଙ୍କ କ୍ୟାରିୟର ଉପରେ ବଡ଼ ପ୍ରଭାବ ପକାଇଛି । ଡ୍ରଗ୍ସ ମାମଲାରେ ମଧ୍ୟ ତାଙ୍କ ନାମ ଉଠିଥିଲା । ଏହି ନିଶା ନେବା କାରଣରୁ ଏମିତି ଏକ ସମୟ ଥିଲା ତାଙ୍କୁ କାମ ମଧ୍ୟ ମିଳିନଥିଲା । ଯଦିଓ ଏବେ ସେ ପୁଣିଥରେ ନିଜର କ୍ୟାରିୟର ଗଢ଼ିଛନ୍ତି ତଥାପି ସେ ଚର୍ଚ୍ଚାରେ ରହିଥିଲେ ।

ସଞ୍ଜୟ ଦତ୍ତ : ବଲିଉଡର ଜଣାଶୁଣା ଅଭିନେତା ସଞ୍ଜୟ ଦତ୍ତଙ୍କୁ କିଏ ବା ନଜାଣେ । ତେବେ ଏହି ବର୍ଷିୟାନ ଅଭିନେତା ମଦ୍ୟପାନ ଏବଂ ସିଗାରେଟ ପ୍ରତି ଦୁର୍ବଳତା ରଖିଥିଲେ । ଯାହାକି ସେ ଅନେକ ସମୟରେ ଇଣ୍ଟରଭିୟ୍ୟୁ ସମୟରେ ମଧ୍ୟ ପ୍ରକାଶ କରିଛନ୍ତି । ତେବେ ସ୍ତ୍ରୀ ମାନ୍ୟତାଙ୍କ କଥାରେ ନିଶାରୁ ଦୂରେଇ ରହିବା ସହ ନିଜର କ୍ୟାରିୟର ପ୍ରତି ଧ୍ୟାନ ମଧ୍ୟ ଦେଇଛନ୍ତି ।

ଶାହାରୁଖ ଖାନ : ବଲିଉଡ ବାଦଶାହା ଭାବେ ପରିଚିତ ଶାହାରୁଖ ଖାନ ମଧ୍ୟ ଏକଦା ସିଗାରେଟ ଅଧିକ ପରିମାଣର ଟାଣୁଥିଲେ । ମାତ୍ର ସେ ଏହି ଅଭ୍ୟାସକୁ ଛାଡ଼ି ଦେଇଥିବା ନିଜର ଜନ୍ମଦିନ ଅବସରରେ ଫ୍ୟାନ୍ସକୁ ଜଣାଇଛନ୍ତି ।

କରିନା କପୁର: ନଖ କାମୁଡ଼ିବା ଅଭ୍ୟାସ ଏକ ଖରାପ ଅଭ୍ୟାସ । ଯାହାକି କରିନା ସବୁବେଳେ କରିଥାନ୍ତି ବୋଲି ନିଜେ ମଧ୍ୟ କହିଛନ୍ତି । ମାତ୍ର ଏବେ ସେ ସେହି ଅଭ୍ୟାସ ଛାଡ଼ି ଦେଇଥିବା କହିଛନ୍ତି ।

ଅମୀର ଖାନ୍ : ମିଷ୍ଟର ପରଫେକ୍ଟ ଅମୀର ଖାନଙ୍କ ପ୍ରଥମ ପତ୍ନୀ କିରଣ ଏକ ସାକ୍ଷାତକାର ସମୟରେ କହିଥିଲେ କି, ଅମୀର ପ୍ରତ୍ୟେକ ଦିନ ଗାଧୋଇ ନଥାନ୍ତି ।

ଜନ ଆବ୍ରାହମ : ଜନ ଆବ୍ରାହମଙ୍କ ଏକ ଖରାପ ଅଭ୍ୟାସ ଥିଲା କି, ସେ ସବୁବେଳେ ଗୋଡ଼ ହଲାନ୍ତି । ବସିବାବେଳେ ଗୋଡ଼ ହଲାଇବା ଏକ ଅଭ୍ୟାସ ହୋଇଥିଲା । ଏବେ ସେ ଏହି ଅଭ୍ୟାସକୁ ବଦଳାଇବାକୁ ଚେଷ୍ଟା କରୁଛନ୍ତି ।