ପଶ୍ଚିମବଙ୍ଗରେ ୫୮ ଲକ୍ଷ ଭୋଟର ବାଦ୍। SIR ପରେ ପ୍ରକାଶ ପାଇଥିବା ଚିଠା ଭୋଟର ତାଲିକାରୁ ୫୮ ଲକ୍ଷ ୨୦ ହଜାର ୮୯୮ ଭୋଟର ବାଦ୍ ପଡ଼ିଥିବାର ସୂଚନା ମିଳିଛି। ମାସେ ଧରି ସାରା ରାଜ୍ୟରେ ଏସଆଇଆର୍ ହୋଇଥିଲା। ଏହା ପରେ ନିର୍ବାଚନ କମିଶନରୁ ପକ୍ଷରୁ ପ୍ରକାଶ ପାଇଛି ଚିଠା ଭୋଟର ତାଲିକା। ଏଥିରେ ୫୮ ଲକ୍ଷ ଭୋଟରଙ୍କ ନାଁ ନ ଥିବା ଜଣାପଡ଼ିଛି। କିନ୍ତୁ ଯେଉଁମାନେ ବାଦ୍ ପଡ଼ିଛନ୍ତି ସେମାନଙ୍କର ଅଲଗା ତାଲିକା ପ୍ରକାଶ ପାଇ ନାହିଁ। ଯେଉଁମାନଙ୍କ ନାଁ ନାହିଁ, ସେମାନେ ଚାହିଁଲେ ଆପତ୍ତି ଅଭିଯୋଗ କରିପାରିବେ। ଆସନ୍ତା ଫେବୃଆରୀ ୨୬ରେ ପ୍ରକାଶ ପାଇବ ଚୂଡ଼ାନ୍ତ ତାଲିକା। ଏହି ତାଲିକାରେ ଏହି ତାଲିକାରେ ୨୪ ଲକ୍ଷ ୧୫ ହଜାର ୮୫୩ ଭୋଟରଙ୍କୁ ମୃତ ଘୋଷଣା କରାଯାଇଛି। ଏହା ସହ ୧୯ ଲକ୍ଷ ୮୮ ହଜାର ୭୬ ଜଣ ଅନ୍ୟତ୍ର ଚାଲିଯାଇଥିବା ଦର୍ଶାଯାଇଛି। ତାଲିକାରେ ୧୨ ଲକ୍ଷ ୨୦ ହଜାର ୩୮ ଜଣଙ୍କୁ ନିଖୋଜ ଦର୍ଶାଯାଇଥିବାବେଳେ ୧ ଲକ୍ଷ ୩୦ ହଜାର ୩୨୮ ଜଣଙ୍କୁ ଜାଲ୍ ଡୁପ୍ଲିକେଟ ଭୋଟର ଦର୍ଶାଯାଇଛି। ଅନ୍ୟାନ୍ୟ କାରଣ ଦର୍ଶାଇ ୫୭ ହଜାର ୬୦୪ ଜଣଙ୍କୁ ତାଲିକାରୁ ବାଦ ଦିଆଯାଇଛି।
ରାଉରକେଲାରେ ଚାକିରି ଦେବା ନାଁରେ ୪୦ ଲକ୍ଷ ଟଙ୍କା ଠକେଇ
ରାଉରେକଲାରେ ଚାକିରି ଦେବା ନାଁରେ ବଡ଼ ଠକେଇ ଅଭିଯୋଗ । ରେଳବାଇ ସହିତ ବିଭିନ୍ନ ସରକାରୀ ଓ ବେସରକାରୀ ସଂସ୍ଥାରେ ଚାକିରି ଦେଵା ନାମରେ ଶିକ୍ଷିତ ଯୁବକ ଯୁବତୀଙ୍କୁ ଠକେଇ ନେଇ ଅଭିଯୋଗ ହୋଇଛି । ୪୦ ଲକ୍ଷ ଟଙ୍କା ଠକେଇ ହୋଇଛି । ଘଟଣାରେ ଜଣେ ଅଭିଯୁକ୍ତକୁ ଗିରଫ କରିଛି ରାଉରକେଲା ଛେଣ୍ଡ ଥାନା ପୋଲିସ। ରେଳବାଇ ସହିତ ବିଭିନ୍ନ ସରକାରୀ ଓ ବେସରକାରୀ ସଂସ୍ଥାରେ ଚାକିରି ଦେଵାକୁ କହି ଜାଲି ନିଯୁକ୍ତିପତ୍ର ଦେଇ ଠକୁଥିଲା କୋରାପୁଟ ଜୟପୁର ଅଞ୍ଚଳର ସନ୍ତୋଷ କୁମାର ସାହୁ । ତା ପାଖରୁ ବହୁ ପରିମାଣର ଜାଲି ନିଯୁକ୍ତି ପତ୍ର, ବେକାର ଯୁବକ ଯୁବତୀଙ୍କ ଆବେଦନ ପତ୍ର, ବିଭିନ୍ନ ଜାଲି ଡକ୍ୟୁମେଣ୍ଟ ଓ ଦୁଇଟି ମୋବାଇଲ ଫୋନ ଜଵତ କରାଯାଇଛି।
ଶ୍ରୀଲଙ୍କାର କିମ୍ବଦନ୍ତୀ କ୍ରିକେଟ ତାରକା ଅର୍ଜୁନ ରଣତୁଙ୍ଗା ହୋଇପାରନ୍ତି ଗିରଫ
ଶ୍ରୀଲଙ୍କାର କିମ୍ବଦନ୍ତୀ କ୍ରିକେଟ ତାରକା ଅର୍ଜୁନ ରଣତୁଙ୍ଗା ହୋଇପାରନ୍ତି ଗିରଫ। ମନ୍ତ୍ରୀ ଥିବାବେଳେ ହୋଇଥିବା ତୈଳ ଦୁର୍ନୀତି ମାମଲାରେ ସେ ହୋଇପାରନ୍ତି ଗିରଫ। ଏହି ଦୁର୍ନୀତି ଯୋଗୁ ଶ୍ରୀଲଙ୍କା ରାଜକୋଷରୁ ୮୦୦ ନିୟୁତ ଟଙ୍କା କ୍ଷତି ଘଟିଥିଲା ବୋଲି ଅଭିଯୋଗ ହୋଇଥିଲା। ସିଲନ ପେଟ୍ରୋଲିୟମ କର୍ପୋରେସନ ବା ସିପିସି ଏହି କ୍ଷତି ସହିଥିଲା। ସ୍ପଟ ଟେଣ୍ଡରରେ ଜାଲିଆତି ହୋଇଥିବା ନେଇ ଅଭିଯୋଗ ହୋଇଥିଲା। ଏହି ଅଭିଯୋଗରେ ବି ସାମିଲ ଅଛନ୍ତି ଅର୍ଜୁନଙ୍କ ଭାଇ ଧମିକା। ତାଙ୍କୁ ପ୍ରଥମ ଅଭିଯୁକ୍ତ ଦର୍ଶାଯାଇଛଇ। ସିଲନ ପେଟ୍ରୋଲିୟମ କର୍ପୋରେସନର ଅଧ୍ୟକ୍ଷ ଧମିକା ଥିବାବଳେ ଅର୍ଜୁନ ରଣତୁଙ୍ଗା ଥିଲେ କେନ୍ଦ୍ର ପେଟ୍ରୋଲିୟମ ସମ୍ପଦ ବିକାଶର ମନ୍ତ୍ରୀ। ଧମିକାଙ୍କୁ ୧ ନିୟୁତ ଟଙ୍କା ବଦଳରେ ଜାମିନ ଦିଆଯାଇଛି। ଅଭିଯୋଗ ଅନୁସାରେ ୨୦୧୭-୨୦୧୮ ବର୍ଷ ଲାଗି ସିପିସି ପକ୍ଷରୁ ଦୀର୍ଘସୂତ୍ରୀ ଟେଣ୍ଡର ଆହ୍ବାନ କରାଯାଇଥିଲା। ମାତ୍ର ଅଧିକ ଦରରେ ପଡିଥିବା ଟେଣ୍ଡରକୁ ମଞ୍ଜୁରୀ ମିଳିଥିଲା। ଏହି ଦୁର୍ନୀତି ଯୋଗୁ ରାଜକୋଷ ୮୦୦ ନିୟୁତ ଡଲାର କ୍ଷତି ସହିଥିଲା।
ମନରେଗାରେ ଗତ ୫ ବର୍ଷରେ କୌଣସି ବି ରାଜ୍ୟକୁ ମିଳିନାହିଁ ପୂରା ୧୦୦ ଦିନର କାମ, ଜାଣନ୍ତୁ ସମ୍ପୂର୍ଣ୍ଣ ତଥ୍ୟ
କେନ୍ଦ୍ର ସରକାର ମନରେଗାକୁ ସମାପ୍ତ କରି ‘ବିକଶିତ ଭାରତ-ଗ୍ୟାରେଣ୍ଟି ଫର ରୋଜଗାର ଆଣ୍ଡ ଆଜୀବିକା ମିଶନ (ଗ୍ରାମୀଣ) ବିଲ, ୨୦୨୫ ଆଣିବାକୁ ପ୍ରସ୍ତୁତ ହେଉଛନ୍ତି । ମାତ୍ର ମନରେଗାଗା ଅଧୀନରେ ରାଜ୍ୟର ଶ୍ରମିକମାନଙ୍କୁ ୧୦୦ ଦିନର କାମ ଉପଲବ୍ଧ ହୋଇପାରିନାହିଁ । ଏନେଇ ଆସିଥିବା ରାଜ୍ୟମାନଙ୍କର ତଥ୍ୟ ଏବେ ସମସ୍ତଙ୍କୁ ତାଜୁବ୍ କରିଦେଇଛି । କେନ୍ଦ୍ର ସରକାର ୨୦୦୫ରେ ମହାତ୍ମା ଗାନ୍ଧୀ ରାଷ୍ଟ୍ରୀୟ ଗ୍ରାମୀଣ ଗ୍ୟାରେଣ୍ଟି କାନୁନ (MGNREGA) ଆରମ୍ଭ କରିଥିଲେ । ମୋଦୀ ସରକାର ମନରେଗା ବଦଳରେ ଏକ ରୋଜଗାର ଯୋଜନା ଆଣିବାକୁ ଯାଉଛନ୍ତି । ସଂସଦର ଚଳିତ ଶୀତକାଳୀନ ଅଧିବେଶସନେର ଏହି ବିଲ ଅଣାଯାଇଛି । ଏହି ନୂଆ ସ୍କିମ ଅଧିନରେ ୧୨୫ ଦିନର ରୋଜଗାର ଗ୍ୟାରେଣ୍ଟି ରହିବ, ଅନ୍ୟପକ୍ଷରେ ପୂର୍ବ ସ୍କିମରେ ୧୦୦ ଦିନର ରୋଜଗାର ଦିଆଯାଉଥିଲା । ମାତ୍ର ଗତ ୫ ବର୍ଷର ତଥ୍ୟ ଦେଖିଲେ ଜଣାପଡ଼ୁଛି, ସାରା ଦେଶରେ କୌଣସି ବି ରାଜ୍ୟରେ ଆଭରେଜ ୧୦୦ ଦିନର ରୋଜଗାର ଦିଆଯାଇନାହିଁ ।
୧୦୦ ଦିନର ରୋଜଗାର ଯୋଜନା ସମାପ୍ତ କରି କେନ୍ଦ୍ର ସରକାର ଏବେ ନୂଆ ସ୍କିମ ଆଣିବେ । ସେଥିରେ ୧୨୫ ଦିନର କାମର ବ୍ୟବସ୍ଥା ରହିଛି । ତା’ର ନାମ ବିକଶିତ ଭାରତ-ଗ୍ୟାରେଣ୍ଟି ଫର ରୋଜଗାର ଆଣ୍ଡ ଆଜୀବିକା ମିଶନ (ଗ୍ରାମୀଣ) (VB-G Ram G) ବିଲ, ୨୦୨୫ ନିର୍ଦ୍ଧାରିତ କରାଯାଇଛି । ୧୦୦ ଦିନର ରୋଜଗାର ପାଇଥିବା ଗୋଟିଏ ବି ରାଜ୍ୟ ନାହିଁ । ମନରେଗାରେ ୫ ବର୍ଷର ତଥ୍ୟ ଦେଖିଲେ ଜଣାପଡ଼ୁଛି, ଶ୍ରମିକଙ୍କୁ ୫୦ ଦିନର କାମ ମଧ୍ୟ ଦିଆଯାଇନାହିଁ ।
ଗତ ୫ ବର୍ଷର ରାଷ୍ଟ୍ରୀୟ ହାର ଦେଖିଲେ, ୨୦୨୦-୨୧ରେ ୫୧ ଦିନ, ୨୦୨୧-୨୨ରେ ୫୦ ଦିନ, ୨୦୨୨-୨୩ରେ ୪୭ ଦିନ, ୨୦୨୩-୨୪ରେ ୫୨ ଦିନ ଓ ୨୦୨୪-୨୫ରେ ୫୦ ଦିନର କାମ ଦିଆଯାଇଛି । ଗୋଆରେ ବର୍ଷ ୨୦୨୪ରେ ଶ୍ରମିକଙ୍କୁ ହାରାହାରି କେବଳ ୨୪ ଦିନର ରୋଜଗାର ଦିଆଯାଇଛି । ମିଜୋରାମରେ ଶ୍ରମିକଙ୍କୁ ସର୍ବାଧିକ ୯୪ ଦିନର ରୋଜଗାର ମିଳିଛି । ଉତ୍ତରପ୍ରଦେଶରେ ଗତ ୫ ବର୍ଷରେ ୫୧ ଦିନରୁ ଅଧିକ କାମ ଦିଆଯାଇନାହିଁ । ବିହାର, ହରିୟାଣା, ପଞ୍ଜାବ ଓ ଗୁଜରାଟରେ ଏହି ତଥ୍ୟ ୫୦ ଦିନରୁ କମ୍ ରହିଛି ।
ନ୍ୟାସନାଲ ହେରାଲଡ ମାମଲା: ବରିଷ୍ଠ କଂଗ୍ରେସ ନେତ୍ରୀ ସୋନିଆ ଗାନ୍ଧି ଓ ସାଂସଦ ରାହୁଲ ଗାନ୍ଧିଙ୍କୁ ଆଶ୍ବସ୍ତି
ବହୁଚର୍ଚ୍ଚିତ ନ୍ୟାସନାଲ ହେରାଲଡ ମାମଲା। ବରିଷ୍ଠ କଂଗ୍ରେସ ନେତ୍ରୀ ସୋନିଆ ଗାନ୍ଧି ଓ ସାଂସଦ ରାହୁଲ ଗାନ୍ଧିଙ୍କ ବିରୋଧରେ ପ୍ରବର୍ତ୍ତନ ନିର୍ଦ୍ଦେଶାଳୟ ପକ୍ଷରୁ ଦାୟର ଚାର୍ଜସିଟକୁ ଗ୍ରହଣ କରିବାକୁ ଅଗ୍ରାହ୍ୟ କଲେ ଦିଲ୍ଲୀ କୋର୍ଟ। ବେଆଇନ ଅର୍ଥ କାରବାର ନିରାକରଣ ଆଇନ ବା ପିଏମଏଲଏ ଅନୁସାରେ ଦାୟର ଅଭିଯୋଗ ଯଥାର୍ଥ ନୁହେଁ ବୋଲି କହିଛନ୍ତି ରାଉସ ଆଭେନ୍ୟୁ କୋର୍ଟର ସ୍ବତନ୍ତ୍ର ଜଜ ବିଶାଳ ଗଗନେ। ଏହା ଏକ ପ୍ରାଇଭେଟ ଅଭିଯୋଗ ଅନୁସାରେ ହୋଇ ନଥିବା ସହ ଏହା ଏକ ଏଫଆଇଆର ହୋଇ ନଥିବାରୁ ଏହାକୁ କୋର୍ଟ ଗ୍ରହଣ କରିପାରିବେ ନାହିଁ। ଗତ ୨୦୨୨ ଅଗଷ୍ଟ ୩ ତାରିଖରେ ନ୍ୟାସନାଲ ହେରାଲଡ ଅଫିସ ସିଲ୍ କରିଥିଲା ଇଡି। ପରେ ୨୦୨୫ ଏପ୍ରିଲ ୧୫ରେ ସୋନିଆ, ରାହୁଲ ଓ ସାମ ପିଟ୍ରୋଡାଙ୍କ ବିରୋଧରେ ଇଡି ଚାର୍ଜସିଟ ଦାଖଲ କରିଥିଲା। ଗତ ଏପ୍ରିଲ ୧୬ରେ ସୋନିଆ ଓ ରାହୁଲଙ୍କୁ ସମନ ଜାରି କରିବାକୁ ମନା କରିଥିଲେ ଦିଲ୍ଲୀ କୋର୍ଟ। ଆଜି ମାମଲାର ଶୁଣାଣି କରି ସୋନିଆ ଓ ରାହୁଲଙ୍କ ବିରୋଧରେ ଇଡି ପକ୍ଷରୁ ଦାଖଲ ଚାର୍ଜସିଟକୁ ଗ୍ରହଣ କରିନାହାନ୍ତି କୋର୍ଟ।
ଚାଷୀଙ୍କୁ ବେଆଇନ ଭାବେ ଗିରଫ କରାଯାଇଥିବାରୁ ଦୃଢ଼ ପ୍ରତିବାଦ କଲା ବିଜେଡି
ପୁରୀ ବ୍ରହ୍ମଗିରି ଚଉଦ ମଉଜା ଅଞ୍ଚଳର ଚାଷୀମାନଙ୍କୁ ପୁରୀ ଜିଲ୍ଲା ପ୍ରଶାସନ ଏବଂ ପୋଲିସ ବେଆଇନ ଭାବରେ ଗିରଫ କରାଯାଇଥିବାରୁ ଏହାର ଦୃଢ଼ ପ୍ରତିବାଦ କରିଛନ୍ତକି ପୂର୍ବତନ ମନ୍ତ୍ରୀ ତଥା ବିଜୁ ଜନତା ଦଳର ଉପସଭାପତି ସଞ୍ଜୟ କୁମାର ଦାସବର୍ମା। ସେ ବ୍ରହ୍ମଗିରି ଥାନା ପରିସରରେ ଅହୋରାତ୍ର ଧାରଣା ଦେଇଛନ୍ତି। ଚଉଦ ମଉଜା କେନାଲକୁ ନେଇ ଗତକାଲି ପ୍ରଶାସନ ଓ ଗ୍ରାମବାସୀ ମୁହାଁମୁହିଁ ହୋଇଥିଲେ। ହରିଦାସପୁର ଗ୍ରାମବାସୀ ରାସ୍ତା ଅବରୋଧ କରିଥିଲେ। ଏହା ପରେ ପୋଲିସ ୬୦ ଜଣଙ୍କୁ ଉଠାଇ ନେଇଥିଲା। କେନାଲ ଖୋଳାକୁ ନେଇ ସୃଷ୍ଟି ହୋଇଥିଲା ଉତ୍ତେଜନା। ଚାଷୀଙ୍କୁ ଡରାଇ ଧମକାଇ ଜିଲ୍ଲା ପ୍ରଶାସନର କେନାଲ ଖୋଳୁଥିବାର ଅଭିଯୋଗ ହୋଇଥିଲା। ୩୦ ବର୍ଷ ଧରି ବ୍ରହ୍ମଗିରି ବ୍ଲକ ହରିଦାସପୁର ଏବଂ କୁସୁବେଣ୍ଟି ଗାଁ ମଧ୍ୟରେ କେନାଲକୁ ନେଇ ବିବାଦ ଲାଗି ରହିଛି ।
IPL ନିଲାମ ତାଲିକାରେ ଦୁଇ ଓଡ଼ିଆ କ୍ରିକେଟର
IPL ନିଲାମ ତାଲିକାରେ ଦୁଇ ଓଡ଼ିଆ । ସାମିଲ ହେଲେ ୨ ଓଡ଼ିଆ କ୍ରିକେଟର । ସ୍ଵସ୍ତିକ ସାମଲ ଓ ରାଜେଶ ମହାନ୍ତି । ସ୍ଵସ୍ତିକ ସାମଲ ହେଉଛନ୍ତି ବ୍ୟାଟସମ୍ୟାନ । ରାଜେଶ ମହାନ୍ତି ହେଉଛନ୍ତି ବୋଲର୍ । ଆଜି ଆଇପିଏଲ୍ ନିଲାମ ଅଛି । ଆବୁଧାବିରେ ହେବ ନିଲାମ ।
ଖୋଲା ମାର୍କେଟରେ ଧାନ ବିକିଲେ ସମ୍ବଲପୁରର ଚାଷୀ
ଖୋଲା ମାର୍କେଟରେ ଧାନ ବିକିଲେ ସମ୍ବଲପୁରର ଚାଷୀ। ରାଜ୍ୟ ସରକାର ଧାନ କିଣୁନଥିବାରୁ ସେମାନେ ଖୋଲା ମାର୍କେଟରେ ଧାନ ବିକିଛନ୍ତି। ସତସତିକା ନୁହେଁ, ପ୍ରତୀକାତ୍ମକ ଭାବେ ସେମାନେ ଏପରି ଖୋଲା ମାର୍କେଟରେ ଧାନ ବିକ୍ରି କରି ପ୍ରତିବାଦ କରିଛନ୍ତି। ଆଜି ସମ୍ବଲପୁରରେ ଏପରି ଅଭିନବ ପ୍ରତିବାଦ କରିଛନ୍ତି ଚାଷୀ। ସହରର ବିଭିନ୍ନ ସ୍ଥାନରେ ଚାଷୀମାନେ ବସି ପ୍ରତୀକାତ୍ମକ ଭାବେ ଖୋଲା ମାର୍କେଟରେ ଧାନ ବିକିଛନ୍ତି। ସେମାନେ ଅଭିଯୋଗ କରିଛନ୍ତି ସରକାର ବୋଧହୁଏ ଏ ବର୍ଷ ଧାନ ଆଉ କିଣିବେ ନାହିଁ, କିଣି ପାରିବେ ନାହିଁ। ଚାଷୀଙ୍କୁ ଏଯାଏ ଟୋକନ ଦିଆଯାଇନାହିଁ। ବାଧ୍ୟ ହୋଇ ଆତ୍ମହତ୍ୟା ପରି ଚରମ ପଦକ୍ଷେପ ନେବାକୁ ନେବୁ ବୋଲି ସେମାନେ କହିଛନ୍ତି। ଯୋଗାଣ ମନ୍ତ୍ରୀଙ୍କ କଥାକୁ ମଧ୍ୟ ସେମାନେ କଡ଼ା ନିନ୍ଦା କରିଛନ୍ତି। ମଣ୍ଡିରେ ବିକି ନ ପାରିଲେ, ଖୋଲା ମାର୍କେଟରେ ଧାନ ବିକ ବୋଲି ମନ୍ତ୍ରୀ କହିଥିଲେ ବୋଲି ଚାଷୀମାନେ ଅଭିଯୋଗ କରିଛନ୍ତି।
ପେଟ୍ରୋଲିୟମ ମନ୍ତ୍ରଣାଳୟ କର୍ମଚାରୀଙ୍କ ସୁରକ୍ଷା ନେଇ ଉଦବେଗ ପ୍ରକାଶ କଲେ ରାଜ୍ୟସଭା ସାଂସଦ ମାନସ ରଞ୍ଜନ ମଙ୍ଗରାଜ
ନନ୍ଦିଘୋଷ ବ୍ୟୁରୋ: ପେଟ୍ରୋଲିୟମ ମନ୍ତ୍ରଣାଳୟ ଅନ୍ତର୍ଗତ ତୈଳ ବିଶୋଧାନାଗାର, ତୈଳଡିପୋ, ଟର୍ମିନାଲ ଏବଂ ଏଲପିଜି ବଟଲିଂ ପ୍ଲାଣ୍ଟରେ କାର୍ଯ୍ୟରତ କର୍ମଚାରୀଙ୍କ ସୁରକ୍ଷା ନେଇ ଉଦବେଗ ପ୍ରକାଶ କରିଛନ୍ତି ରାଜ୍ୟସଭା ସାଂସଦ ମାନସ ରଞ୍ଜନ ମଙ୍ଗରାଜ । ଏ ସଂକ୍ରାନ୍ତରେ ରାଜ୍ୟ ସଭାରେ ଅଣତାରକା ଚିହ୍ନିତ ପ୍ରଶ୍ନ ମାଧ୍ୟମରେ ମାନସ ମଙ୍ଗରାଜ ବିଭାଗୀୟ ମନ୍ତ୍ରୀଙ୍କୁ ଏନେଇ ପ୍ରଶ୍ନ କରିଛନ୍ତି । ବିଭାଗୀୟ ମନ୍ତ୍ରୀ ଏହାର ଉତ୍ତରରେ କହିଛନ୍ତି ଯେ, ୨୦୨୩-୨୪ରେ ରିଫାଇନାରୀ ଗୁଡ଼ିକରେ କାର୍ଯ୍ୟରତ କର୍ମଚାରୀଙ୍କ ମଧ୍ୟରୁ ୧୬ ହଜାର ୭୧ ଜଣ ଓ ୨୦୨୪-୨୫ରେ ୨୦ ହଜାର ୧୪୪ ଜଣଙ୍କୁ ସୁରକ୍ଷା ପରିଚାଳନା ପ୍ରଶିକ୍ଷଣ ଦିଆଯାଇଛି । ସେହିଭଳି ୨୦୨୩-୨୪ରେ ଡିପୋ ଓ ଟର୍ମିନାଲର ୨ ହଜାର ୩୧୧ ଜଣ କର୍ମଚାରୀ ଓ ୨୦୨୪-୨୫ରେ ୨ ହଜାର ୪୪୧ ଜଣ କର୍ମଚାରୀଙ୍କୁ ପ୍ରଶିକ୍ଷଣ ଦିଆଯାଇଛି ।
୨୦୨୩-୨୪ରେ ଏଲପିଜି ବଟଲିଂ ପ୍ଲାଣ୍ଟରେ ୨ ହଜାର ୫୬୩ ଜଣ କର୍ମଚାରୀ ଓ ୨୦୨୪-୨୫ରେ ୨ ହଜାର ୫୯୧ ଜଣ କର୍ମଚାରୀଙ୍କୁ ସୁରକ୍ଷା ପରିଚାଳନା ପ୍ରଶିକ୍ଷଣ ପ୍ରଦାନ କରାଯାଇଛି । ଶ୍ରମିକ ଓ କର୍ମଚାରୀଙ୍କ ସୁରକ୍ଷା ସମ୍ପର୍କରେ କଣ ଗାଇଡ ଲାଇନ୍ ରହିଛି ଓ ସେସବୁର କାର୍ଯ୍ୟକାରୀତା ନେଇ ନିୟମିତ ଯାଞ୍ଚ ହେଉଛି କି ନାହିଁ ବୋଲି ମଧ୍ୟ ସାଂସଦ ମାନସ ମଙ୍ଗରାଜ ପ୍ରଶ୍ନ କରିଥିଲେ । ଏହାର ଉତ୍ତରରେ ବିଭାଗୀୟ ମନ୍ତ୍ରୀ କହିଛନ୍ତି ଯେ, ଏକ୍ସପ୍ଲୋସିଭ ଆଇନ୍ ୧୮୮୪, ଏସଏମପିଭି ଆଇନ ୨୦୧୬, ଗ୍ୟାସ ସିଲିଣ୍ଡର ଆଇନ ୨୦୧୬ , ପ୍ରଟ୍ରୋଲିୟମ ଆଇନ ୧୯୩୪ ଏବଂ ପେଟ୍ରୋଲିୟମ ନିୟମ ୨୦୧୬ କାର୍ଯ୍ୟକାରୀ କରାଯାଇଛି । ପେଟ୍ରୋଲିୟମ ଓ ପ୍ରକୃତିକ ଗ୍ୟାସ ନିୟାମକ ବୋର୍ଡ –PNGRB ଆଇନ ୨୦୦୬ ଏବଂ ଅକୁପେସନାଲ ସେପ୍ଟି ହେଲ୍ଥ ଆଣ୍ଡ ଓ୍ବାର୍କିଂ କଣ୍ଡିସନ୍ ବୋର୍ଡ ୨୦୨୦ କାର୍ଯ୍ୟକାରୀ ହୋଇଛି । ସମସ୍ତ ଆଇନ, ନିୟମ ଏବଂ ବୋର୍ଡର କାର୍ଯ୍ୟକାରୀତା ନେଇ ମଧ୍ୟ ନିୟମିତ ବ୍ୟବଧାନରେ ଯାଞ୍ଚ କରାଯାଉଛି ।
କିଏ ଏହି ଖେଳାଳି ? ଯାହାଙ୍କୁ ଛାଡ଼ି ବାକି ସମସ୍ତେ ଖେଳିବେ ବିଜୟ ହଜାରେ ଟ୍ରଫି…
ନନ୍ଦିଘୋଷ ବ୍ୟୁରୋ: ଘରୋଇ କ୍ରିକେଟକୁ ପ୍ରୋତ୍ସାହନ ଦେବା ପାଇଁ ବିସିସିଆଇ ଏକ ବଡ଼ ନିଷ୍ପତ୍ତି ନେଇଛି । ସମସ୍ତ ଆନ୍ତର୍ଜାତୀୟ ଖେଳାଳି ମଧ୍ୟ ଘରୋଇ କ୍ରିକେଟରେ ଅତି କମରେ ୨ଟି ମ୍ୟାଚ ଖେଳିବା ପାଇଁ ନିର୍ଦ୍ଦେଶ ଦେଇଛନ୍ତି । ଯାହାକୁ ନେଇ ବିଭିନ୍ନ ଚର୍ଚ୍ଚା ମଧ୍ୟ ହୋଇଥିଲା । ତେବେ କୋହଲି, ରୋହିତ, ଶୁଭମନ ଗିଲ୍, ଜଶପ୍ରିତ ବୁମରା ଏବଂ କେ.ଏଲ ରାହୁଲଙ୍କ ଭଳି ଖେଳାଳି ମଧ୍ୟ ଭାଗ ନେବାକୁ ଯାଉଛନ୍ତି । ଆସନ୍ତା ଡିସେମ୍ବର ୨୪ରୁ ଆରମ୍ଭ ହୋଇ ଜାନୁଆରୀ ୧୮ ପର୍ଯ୍ୟନ୍ତ ଚାଲିବ । ତେବେ ଏହି ଟୁର୍ଣ୍ଣମେଣ୍ଟରେ କେବଳ ଜଣେ ଖେଳାଳିଙ୍କୁ ଛାଡ଼ିଛି ବିସିସିଆଇ । ସେ ହେଉଛନ୍ତି ଶ୍ରେୟସ ଆୟାର । ଅଷ୍ଟ୍ରେଲିଆ ବିପକ୍ଷ ମ୍ୟାଚ ସମୟରେ ସେ ଆହତ ହୋଇଥିଲେ । ଏବେ ସେ ଚିକିତ୍ସିତ ହେଉଥିବାବେଳେ ତାଙ୍କୁ ବିଶ୍ରାମ ଦିଆଯାଇଛି । ଦକ୍ଷିଣ ଆଫ୍ରିକା ବିପକ୍ଷ ସିରିଜ ପରେ ନ୍ୟୁଜିଲାଣ୍ଡ ବିପକ୍ଷରେ ମ୍ୟାଚ ଖେଳିବ ଭାରତ । ଏଣୁ ଏହା ପୂର୍ବରୁ କିଛି ଖେଳାଳିମାନେ ଯାଇ ଖେଳିବେ ।