ନନ୍ଦିଘୋଷ ବ୍ୟୁରୋ: ଅଲଗା ହେବାକୁ ଯାଉଛନ୍ତି ଇଣ୍ଡିଆର ଷ୍ଟାର କ୍ରିକେଟର ୟୁଜବେନ୍ଦ୍ର ଚହଲ ଏବଂ ତାଙ୍କ ପତ୍ନୀ ଧନଶ୍ରୀ ବର୍ମା ! ବର୍ତ୍ତମାନ ଏହି ଦମ୍ପତ୍ତିଙ୍କ ଛାଡପତ୍ର ହେବାକୁ ଯାଉଛି ବୋଲି ଚର୍ଚ୍ଚା ଜୋର ଧରିଛି । ତେବେ ଏହା ପଛରେ କେତେ ସତ୍ୟତା ଅଛି ତାହା ଜଣାପଡିନାହିଁ । ଏହାସହିତ ଦୁହେଁ ଛାଡପତ୍ର ବିଷୟରେ ମୁହଁ ଖୋଲିନାହାନ୍ତି । ତେବେ ଚର୍ଚ୍ଚା ଭିତରେ ଉଭୟ ସୋସିଆଲ ମିଡିଆରେ ପରସ୍ପରକୁ ଅନଫଲୋ କରିବା ସହିତ ନିଜ ନିଜ ସୋସିଆଲ ମିଡିଆରୁ ସେମାନଙ୍କର ବିବାହ ଫଟୋ ଡିଲିଟ କରିଛନ୍ତି ।
ଛାଡପତ୍ରର ଚର୍ଚ୍ଚା ଭିତରେ ୟୁଜବେନ୍ଦ୍ର ଚହଲଙ୍କୁ ବର୍ତ୍ତମାନ ଏକ ରହସ୍ୟମୟୀ ଝିଅ ସହିତ ଦେଖିବାକୁ ମିଳିଛି । ଯେଉଁଠାରେ ଚହଲ କ୍ୟାମେରା ଦେଖିବା ମାତ୍ରେ ମୁହଁ ଲୁଚାଇ ଦେଇଥିଲେ । ମୁମ୍ବାଇର ଜୁହୁରେ ଏକ ରହସ୍ୟମୟୀ ଝିଅ ସହିତ ନଜର ଆସିଥିଲେ । ଏକ କାରରେ ଚହଲଙ୍କୁ ସେ ଝିଅ ସହିତ ଦେଖିବାକୁ ମିଳିଥିଲା । ଯେତେବେଳେ ମିଡିଆଙ୍କ କ୍ୟାମେରାରେ ସେ ନଜର ଆସିଲେ ସେତେବେଳେ ଭାରତୀୟ କ୍ରିକେଟର ତାଙ୍କ ମୁହଁ ଲୁଚାଇ ଦେଇଥିଲେ । ସେବେଠାରୁ ଏହି ରହସ୍ୟମୟୀ ଝିଅ ଧନଶ୍ରୀ ଏବଂ ଚହଲଙ୍କ ଛାଡପତ୍ରର କାରଣ ବୋଲି ଆଲୋଚନା ହେଉଛି।
୨୦୨୩ ମସିହାରେ, ଧନଶ୍ରୀ ଇନଷ୍ଟାଗ୍ରାମରେ ଚହଲଙ୍କ ସର ନେମକୁ ହଟାଇ ଦେଇଥିଲେ। ସେ ଏକ ପୋଷ୍ଟ ମଧ୍ୟ ସେୟାର କରି ଲେଖିଥିଲେ ନୂଆ ଜୀବନ ଆସୁଛି । ସେତେବେଳେ ମଧ୍ୟ ସେମାନଙ୍କ ସମ୍ପର୍କକୁ ନେଇ ବିଭିନ୍ନ ପ୍ରକାରର ଆଲୋଚନା ହୋଇଥିଲା । ଟାଇମ୍ସ ଅଫ୍ ଇଣ୍ଡିଆର ଏକ ରିପୋର୍ଟ ଅନୁଯାୟୀ ଉଭୟଙ୍କ ଛାଡପତ୍ର ହେବା ନିଶ୍ଚିତ । ହେଲେ ଏହାର ଆନୁଷ୍ଠାନିକ ଘୋଷଣା ଏପର୍ଯ୍ୟନ୍ତ ହୋଇନାହିଁ।
ଏହି ଯୋଡ଼ିଙ୍କ ପ୍ରେମ କାହାଣୀ ନୃତ୍ୟରୁ ଆରମ୍ଭ ହୋଇଥିଲା। ଲକ୍ଡାଉନ୍ ସମୟରେ ଉଭୟ ପରସ୍ପରର ନିକଟତର ହୋଇଥିଲେ। ଏକାଠି ନାଚୁ ନାଚୁ ଦୁହେଁ ବିବାହ କରିବାକୁ ନିଷ୍ପତ୍ତି ନେଇଥିଲେ। ଡିସେମ୍ବର ୨୦୨୦ରେ ବୈଦିକ ରୀତିନୀତିରେ ଦୁହିଁଙ୍କ ବିବାହ ବେଶ ଧୁମ୍ଧାମ୍ରେ ହୋଇଥିଲା।
