ଭୁବନେଶ୍ବର : ଆକ୍ସନ ମୋଡରେ ଟିମ୍ ପିନାକ । ବଡ଼ ଦିନରେ ବଡ଼ ସଫଳତା । କ୍ରିମିନାଲଙ୍କୁ ଆକ୍ସନ ପୂର୍ବରୁ ପୋଲିସର ରିଆକ୍ସନ । ଗ୍ରୀଲ କଟା ଗ୍ୟାଙ୍ଗକୁ ବି ଘାଇଲା କଲା ପୋଲିସ୍ । ରାଜଧାନୀରେ ଡନ୍ ବନୁଥିଲେ । ମେସିନ୍ ଧରି କ୍ରାଇମ୍ କରିବା ପାଇଁ ମୌକା ଖୋଜୁଥିଲେ । କିନ୍ତୁ ସେମାନଙ୍କ ହିରୋଗିରି ପୂର୍ବରୁ ଘାଇଲା କରିଦେଇଛି ପିନାକଙ୍କ ସ୍କ୍ବାଡ।  ବନ୍ଧୁକ ମୁନରୁ ଲଘୁ ଖଣିଜ ଲୁଟ ଉଦ୍ୟମ ଓ ରାଜଧାନୀର ୪ ଥାନା ଅଞ୍ଚଳରୁ ଲୁଟ୍ କରିଥିବା ବଡ଼ ଅପରାଧୀ ଗ୍ୟାଙ୍ଗକୁ କାବୁ କରିଛି କମିଶନରେଟ ପୋଲିସ । ଡିସିପି ପିନାକ ମିଶ୍ରଙ୍କ ନିର୍ଦ୍ଦେଶକ୍ରମେ ଗତ ଦୁଇଦିନ ହେଲା ରାତିରେ ରାଜଧାନୀର ବିଭିନ୍ନ ସ୍ଥାନରେ ଚାଲିଥିଲା ଚେକିଂ, ବ୍ଳକିଂ ଓ ନାକାବନ୍ଦୀ । ଏହି ସମୟରେ ଏକ ଧଳା ରଙ୍ଗର ଟାଟା ହ୍ୟାରିୟର ଗାଡ଼ିରେ ସନ୍ଦିଗ୍ଧ ଅବସ୍ଥାରେ ଧରା ପଡିଥିଲେ ୫ ଯୁବକ । ଅଭିଯୁକ୍ତ ଭବାନୀ ପ୍ରସାଦ ମହାନ୍ତି, ଏସ.କେ ରେହମତ ଅଲ୍ଲୀ, ଏମଡି ଜାକିର, ଦୀପକ କୁମାର ସାହୁ, ଚନ୍ଦନ ପ୍ରଧାନଙ୍କୁ ଏହି ଘଟଣାରେ ଗିରଫ କରାଯାଇଛି । ସେମାନଙ୍କ ଠାରୁ ୫ ଟି ମାଉଜର, ୧୫ ଟି ଗୁଳି, ୭ ଟି ମୋବାଇଲ, ୮୪ ହଜାର ଟଙ୍କା ଜବତ କରାଯାଇଛି ।

ଏହି ପେଶାଦାର ଅପରାଧୀଙ୍କ ନାଁ ରେ ଖୋର୍ଦ୍ଧା, କଟକ, ଜଗତସିଂହପୁରରେ ମର୍ଡର ଠାରୁ ଅପହରଣ ପର୍ଯ୍ୟନ୍ତ ସଙ୍ଗୀନ କେସ ଥିବା ବେଳେ ଆବଶ୍ୟକ ସ୍ଥଳେ ଏମାନଙ୍କୁ ରିମାଣ୍ଡରେ ଅଣାଯିବ ବୋଲି ଜଣାପଡିଛି । ସେପଟେ ପୋଲିସ ପାଇଁ ଗତକିଛି ଦିନ ମୁଣ୍ଡବିନ୍ଧାର କାରଣ ପାଲଟିଥିବା ସିନ୍ଧିଚୋରି ଘଟଣାର ପର୍ଦ୍ଦାଫାସ କରିଛି ପୋଲିସ । ଏୟାରପୋର୍ଟ, ତମାଣ୍ଡୋ, ମଞ୍ଚେଶ୍ୱର, ଭରତପୁର ରେ ଏହି ଅଭିଯୁକ୍ତ ମାନେ ଗ୍ରୀଲ କାଟି ଲୁଟୁଥିଲେ । ସେମାନଙ୍କ ଠାରୁ ୧୦୨ ଗ୍ରାମ ସୁନା , ଫରେନ ମନି, ନଗଦ ଟଙ୍କା, ଦାମୀ ମୋବାଇଲ , ବ୍ରାଣ୍ଡେଡ ଘଣ୍ଟା ଆଦି ଜବତ କରାଯାଇଛି । ଆଗାମୀ ଦିନରେ ନୂଆବର୍ଷ ଥିବା ବେଳେ ଆଗକୁ ଅପରେସନ ଆହୁରି ଜୋରଦାର ହେବ ବୋଲି ସୂଚନା ଦେଇଛନ୍ତି ପୋଲିସ କମିଶନର ଓ ଡିସିପି । କମିଶନରେଟ ପୋଲିସର ସୁରକ୍ଷା, ଆଇନ ଶୃଙ୍ଖଳା ପରିସ୍ଥିତି ନେଇ ଗତ କିଛିଦିନ ହେଲା ଅନେକ ପ୍ରଶ୍ନ ସାମ୍ନାକୁ ଆସିଥିବା ବେଳେ ଏଭଳି ଅପରାଧୀ ଗ୍ୟାଙ୍ଗ ଠାବ ଘଟଣା ରାଜଧାନୀବାସୀଙ୍କ ପାଇଁ ଆଣିଦେଇଛି ଆସ୍ୱସ୍ତି ।

ଭୁବନେଶ୍ବର : ଜିରୋ ନାଇଟରେ ପୋଲିସର ଜିରୋ ଟଲରାନ୍ସ । ସେଲିବ୍ରେସନ କର, କିନ୍ତୁ କ୍ରାଇମ କରନି । ମତୁଆଲା ହୁଅ, କିନ୍ତୁ ନିୟମ ଭାଙ୍ଗନି । ବାର, ପବ, ହୋଟେଲରେ ହେବ ବ୍ୟାପକ ଚେକିଂ । ଉତ୍ସାହ ଉଦ୍ଦୀପନା ସହ ଆସୁଛି ନୂଆବର୍ଷ । ଜିରୋ ନାଇଟ ସେଲିବ୍ରେସନ ପାଇଁ ଶେଷ ପର୍ଯ୍ୟାୟରେ ପହଞ୍ଚିଛି ପ୍ରସ୍ତୁତି । ୨୦୨୪ କୁ ବିଦାୟ ସହ ୨୦୨୫ ମସିହାକୁ ସ୍ୱାଗତ ପାଇଁ ଉତ୍ସାହର ସହ ସଭିଏଁ ଅପେକ୍ଷା କରିଥିବା ବେଳେ   ସୁରକ୍ଷା ବ୍ୟବସ୍ଥା ନେଇ ଅଣ୍ଟା ଭିଡ଼ିଛି କମିଶନରେଟ ପୋଲିସ । ଚେକିଂ, ବ୍ଲକିଂ ସାଙ୍ଗକୁ ହେବ ନାକାବନ୍ଦୀ । ନନ୍ଦିଘୋଷ ଟିଭିକୁ Exclusive ଇଣ୍ଟରଭିୟୁ ବେଳେ ଏକଥା କହିଛନ୍ତି ପୋଲିସ କମିଶନର । ନିଶାଶକ୍ତଙ୍କ ବିରୋଧରେ ହେବ ଦୃଢ଼ ଆକ୍ସନ । ବ୍ୟାପକ ହେବ ଡ୍ରଙ୍କ ଆଣ୍ଡ ଡ୍ରାଇଭ୍ ଏଭିକ୍ସନ । କିଛି ହୋଟେଲ ଓ ଖାଲି ସ୍ଥାନରେ ଜିରୋ ନାଇଟ୍ ସେଲିବ୍ରେସନ ପାଇଁ ଅନୁମତି ମିଳିଛି । ଅବକାରୀ ବିଭାଗ ସହ ଆଲୋଚନା ସରିଛି । ଏଣୁ ଆଇନ ଶୃଙ୍ଖଳା ପରିସ୍ଥିତି ବଜାୟ ରଖିବା ପାଇଁ ଟୁଇନ ସିଟି ପୋଲିସ ପୁରା ପ୍ରସ୍ତୁତ ଥିବା କହିଛନ୍ତି କମିଶନର ।

ସେପଟେ ୮ ତାରିଖରୁ ରାଜଧାନୀରେ ହେବାକୁ ଯାଉଛି ପ୍ରବାସୀ ଭାରତୀୟ ସମ୍ମିଳନୀ । ଦେଶ ଓ ଦେଶ ବାହାରୁ ଭିଭିଆଇପିଙ୍କ ଗସ୍ତକୁ ଦୃଷ୍ଟିରେ ରଖି କମିଶନରେଟ ପୋଲିସ, ଓଡିଶା ପୋଲିସ ସହାୟତାରେ ସୁରକ୍ଷା ବ୍ୟବସ୍ଥା ନେଇ ଆଲୋଚନା କରିଛି । ସେହିପରି ଗତ ବର୍ଷ ଫିଜିକାଲ କ୍ରାଇମ ଠାରୁ ବହୁ ମାତ୍ରାରେ ବଢିଚାଲିଥିବା ସାଇବର ମୁକାବିଲା ନେଇ କମିଶନରେଟ ପୋଲିସ ପକ୍ଷରୁ ସଚେତନ କରିଛନ୍ତି ଏସ. ଦେବଦତ୍ତ ସିଂ । ଅଧିକ ଲୋଭରୁ ଦୂରେଇ ରହିବା ସହ ଠକେଇର ଶିକାର ହେଲେ ଗୋଲ୍ଡେନ ଆୱାର  ମଧ୍ୟରେ ନିକଟସ୍ଥ ଥାନାରେ ଅଭିଯୋଗ କିମ୍ବା ସାଇବର ପୋଲିସ ଦ୍ୱାରା ଦିଆଯାଇଥିବା ଟୋଲ ଫ୍ରି ନମ୍ବରରେ କଲେ ଅଦୃଶ୍ୟ ଠକକୁ ଧରାଯାଇପାରିବ ବୋଲି କହିଛନ୍ତି ପୋଲିସ କମିଶନର ।