ନନ୍ଦିଘୋଷ ବ୍ୟୁରୋ: ସମ୍ବଲପୁର ସହରରେ ଜବରଦଖଲ ଉଚ୍ଛେଦ ପ୍ରକ୍ରିୟା ଜାରି । ସମ୍ବଲପୁରର ମୋତୀଝରଣ ଏରିଆରେ ଜବରଦଖଲ ପାଇଁ ୧୬୩ ଧାରା ଲାଗୁ ହୋଇଛି । ମୋତିଝରଣ ଇରିଆରୁ ୨୦୦ମିଟର ପର୍ଯ୍ୟନ୍ତ ୧୬୩ଧାରା ଲାଗୁ ହୋଇଛି । କୌଣସି ଅପ୍ରିତିକର ଘଟଣା ପାଇଁ ବ୍ୟାପକ ପୋଲିସ ମୁତୟନ କରାଯାଇଛି।
ଆଜିଠୁ ଯୁକ୍ତ ୨ ପ୍ରାକ୍ଟିକାଲ୍ ପରୀକ୍ଷା, ଜାନୁଆରୀ ୧୨ ତାରିଖ ଯାଏଁ ଚାଲିବ
ନନ୍ଦିଘୋଷ ବ୍ୟୁରୋ: ଆଜିଠୁ ଯୁକ୍ତ ୨ ପ୍ରାକ୍ଟିକାଲ୍ ପରୀକ୍ଷା । ଏହା ଜାନୁଆରୀ ୧୨ ତାରିଖ ଯାଏଁ ଚାଲିବ। ଚଳିତ ବର୍ଷ କଳା, ବିଜ୍ଞାନ, ବାଣିଜ୍ୟ, ଧନ୍ଦାମୂଳକ ଓ ଦୂରନିରନ୍ତର ବିଭାଗରେ ଦୁଇ ଲକ୍ଷରୁ ଅଧିକ ଛାତ୍ରଛାତ୍ରୀ ପ୍ରାକ୍ଟିକାଲ୍ ଓ ପ୍ରୋଜେକ୍ଟ ପରୀକ୍ଷା ଦେବେ। ବିଜ୍ଞାନ ବିଭାଗରେ ସର୍ବାଧିକ ୧ଲକ୍ଷ ୨୫ ହଜାର ଏବଂ କଳା ବିଭାଗରେ ପ୍ରାୟ ୧ ଲକ୍ଷ ପରୀକ୍ଷାର୍ଥୀ ରହିଛନ୍ତି। ଜାନୁଆରୀ ୧୨ ପର୍ଯ୍ୟନ୍ତ ଚାଲିବାକୁ ଥିବା ପରୀକ୍ଷାର ୬୦ ମାର୍କ, ୫୦ ମାର୍କ ଓ ୩୦ ମାର୍କ ବିଶିଷ୍ଟ ପ୍ରାକ୍ଟିକାଲ ବିଷୟ ଲାଗି ୩ ଘଣ୍ଟା ଏବଂ ୧୫ ମାର୍କର ପ୍ରାକ୍ଟିକାଲ ପରୀକ୍ଷା ପାଇଁ ଦୁଇ ଘଣ୍ଟା ଅବଧି ରହିଛି । ବିଜ୍ଞାନ ବିଭାଗର ୧୨ଟି, କଳା ବିଭାଗର ୮, ବାଣିଜ୍ୟ ବିଭାଗର ଦୁଇ, ଧନ୍ଦାମୂଳକ ବିଭାଗର ୧୦ରୁ ଅଧିକ ବିଷୟରେ ପ୍ରୋଜେକ୍ଟ ପରୀକ୍ଷା ହେବ। ପରୀକ୍ଷାର ୩୦ ମିନିଟ୍ ପୂର୍ବରୁ ପରୀକ୍ଷାର୍ଥୀ କେନ୍ଦ୍ରରେ ପହଞ୍ଚିବା ଆବଶ୍ୟକ।
ପରୀକ୍ଷାରେ କୌଣସି ପ୍ରକାର ସମସ୍ୟା ଉପୁଜିଲେ, ତୁରନ୍ତ ପରିଷଦ ପରୀକ୍ଷା ନିୟନ୍ତ୍ରକଙ୍କ ଦୃଷ୍ଟିକୁ ଆଣିବାକୁ କୁହାଯାଇଛି। ପ୍ରାକ୍ଟିକାଲ୍ ପରୀକ୍ଷାରେ ସ୍ଵଚ୍ଛତା ଆଣିବା ଦିଗରେ ଉଚ୍ଚମାଧ୍ୟମିକ ଶିକ୍ଷା ପରିଷଦ ବା ସିଏଚଏସଇ ପଦକ୍ଷେପ ନେଇଛି। ପରୀକ୍ଷା ସରିବା କ୍ଷଣି ଉଚ୍ଚମାଧ୍ୟମିକ ବିଦ୍ୟାଳୟ ବା ଯୁକ୍ତ ୨ କଲେଜ କର୍ତ୍ତୃପକ୍ଷ ଜାନୁଆରୀ ୧୦ରୁ ୨୫ ତାରିଖ ମଧ୍ୟରେ ଇଣ୍ଟରନାଲ ଆସେସ୍ମେଣ୍ଟ ଓ ପ୍ରାକ୍ଟିକାଲ ପରୀକ୍ଷାର ମାର୍କ ସାମ୍ସ ପୋର୍ଟାଲରେ ଦାଖଲ କରିବେ । ପ୍ରାକ୍ଟିକାଲ୍ ପରୀକ୍ଷାର ଉତ୍ତରଖାତା ଓ ମାର୍କ ଫଏଲ୍ରେ ଏକ୍ସଟରନାଲ୍ ପରୀକ୍ଷକଙ୍କ ଦସ୍ତଖତ ରହିବା ବାଧ୍ୟତାମୂଳକ । ନ ହେଲେ ପରୀକ୍ଷାର୍ଥୀଙ୍କ ପରୀକ୍ଷାଫଳ ସ୍ଥଗିତ ରଖାଯିବ ଏବଂ ଏଥିପାଇଁ କେନ୍ଦ୍ର ସୁପରିନଟେଣ୍ଡେଣ୍ଟ ଦାୟୀ ରହିବେ। ଜାନୁଆରୀ ୨୭ରୁ ଫୋବୃଆରୀ ୪ ମଧ୍ୟରେ ଜିଲ୍ଲା ଅନୁଯାୟୀ କଲେଜଗୁଡ଼ିକରେ ଛାତ୍ରଛାତ୍ରୀଙ୍କ ପ୍ରାକ୍ଟିକାଲ ମାର୍କର ହାର୍ଡକପି ପରିଷଦ ନିକଟରେ ଦାଖଲ କରିବେ । ଧାର୍ଯ୍ୟ ସମୟ ପରେ ଆସିଥିବା ପ୍ରାକ୍ଟିକାଲ ରେକର୍ଡ ଗୁଡ଼ିକୁ ଗ୍ରହଣ କରାଯିବନାହିଁ। ସମସ୍ତ କେନ୍ଦ୍ରରେ ପରୀକ୍ଷା ପାଇଁ ଆବଶ୍ୟକୀୟ ଡକ୍ୟୁମେଣ୍ଟ ପହଞ୍ଚିସାରିଛି।
୧୨୭୬ଟି ସରକାରୀ ଓ ଅନୁଦାନପ୍ରାପ୍ତ କଲେଜ ସମେତ ୪୭୫ଟି ସେଲ୍ଫ ଫାଇନାନସିଂ କଲେଜରେ ପ୍ରାକ୍ଟିକାଲ ପରୀକ୍ଷା ଅନୁଷ୍ଠିତ ହେବ । ପରୀକ୍ଷା ପୂର୍ବରୁ ସମସ୍ତ କେନ୍ଦ୍ରରେ ସିସିଟିଭିକୁ ସୁନିଶ୍ଚିତ କରାଯାଇଛି। ପରୀକ୍ଷା ସମେତ ମୂଲ୍ୟାୟନ, ମାର୍କ ଫଏଲ୍ରେ ମାର୍କ ଚଢ଼ାଇବା, ଉତ୍ତରଖାତା ସଂଗ୍ରହ, ପରୀକ୍ଷକଙ୍କ ରିପୋର୍ଟ, ଉତ୍ତରଖାତା ପ୍ୟାକେଟ୍ ସିଲ୍ ପରି ବିଭିନ୍ନ କାର୍ଯ୍ୟକ୍ରମ ସିସିଟିଭି ନଜରରେ ହେବ । ସେଲ୍ଫ ଫାଇନାଲିଂ ବିଦ୍ୟାଳୟଗୁଡ଼ିକ ସିସିଟିଭି ଫୁଟେଜ୍ର ସିଡି ଡିଭିଡି ପରୀକ୍ଷା ନିୟନ୍ତ୍ରକଙ୍କ କାର୍ଯ୍ୟାଳୟରେ ଦାଖଲ କରିବେ । ପ୍ରାକ୍ଟିକାଲ ପରୀକ୍ଷା ହେବାକୁ ଥିବା ଗୋଟିଏ ଗୃପ୍ରେ ସର୍ବାଧିକ ୨୪ ଜଣ ପରୀକ୍ଷାର୍ଥୀ ରହିପାରିବେ । ପରୀକ୍ଷା କେନ୍ଦ୍ରରେ ପର୍ଯ୍ୟାପ୍ତ ପାନୀୟ ଜଳ ସୁବିଧା ଓ ଫାଷ୍ଟ୍ ଏଡ୍ ଉପଲବ୍ଧ ହେବାର ଆବଶ୍ୟକତାକୁ ପୂରଣ କରାଯାଇଛି। ପ୍ରାକ୍ଟିକାଲ ହେବାକୁ ଥିବା ଲାବରେଟୋରିରେ ଭେଣ୍ଟିଲେଟେଡ୍ ସୁବିଧା, ପର୍ଯ୍ୟାପ୍ତ ଆଲୋକୀକରଣ, ସେଲ୍ଫ ଫାଇନାନ୍ସ୍ ବିଦ୍ୟାଳୟରେ ସିସିଟିଭି କାର୍ଯ୍ୟକାରୀ ହେବ। ବାଧ୍ୟତାମୂଳକ ଓ ଅଗ୍ନିକାଣ୍ଡ ଭଳି ସମସ୍ୟାର ମୁକାବିଲା ପାଇଁ ବ୍ୟବସ୍ଥା କରିବାକୁ କୁହାଯାଇଛି। କୌଣସି କେନ୍ଦ୍ରରୁ ଅନିୟମିତତା ଅଭିଯୋଗ ଆସିଲେ, ପରିଷଦର ଅଧିକାରୀମାନେ ଗସ୍ତ କରିବେ।
ମୃତ ଚାଷୀଙ୍କ ପରିବାରକୁ ଏକ ଲକ୍ଷ ଟଙ୍କାର ସହାୟହା ଦେଲେ ବିଜେଡି ସୁପ୍ରିମୋ ନବୀନ ପଟ୍ଟନାୟକ
ନନ୍ଦିଘୋଷ ବ୍ୟୁରୋ: ଜଗତସିଂହପୁର ଜିଲ୍ଲା ବାଲିକୁଦା ବ୍ଲକ ସାରଣା ଗାଁର ମୃତ ଚାଷୀ କୃତିବାସ ସ୍ୱାଇଁଙ୍କ ପରିବାରକୁ ସହାୟତା ପ୍ରଦାନ କଲେ ବିରୋଧୀ ଦଳ ନେତା ନବୀନ ପଟ୍ଟନାୟକ। ମୃତକଙ୍କ ପରିବାରକୁ ଭେଟିବା ପରେ ଏକ ଲକ୍ଷ ଟଙ୍କାର ସହାୟତା ରାଶି ପ୍ରଦାନ କରିଛନ୍ତି ନବୀନ । ବାଲିକୁଦା ଏରସମା ବିଧାୟକ ମୃତକଙ୍କ ପରିବାରକୁ ଭେଟି ଏହି ସହାୟତା ରାଶି ପ୍ରଦାନ କରିଛନ୍ତି । ବର୍ତ୍ତମାନ ସୁଦ୍ଧା ସରକାରଙ୍କ ପକ୍ଷରୁ କୌଣସି ସହାୟତା ପ୍ରଦାନ କରାଯାଇନଥିବାରୁ ଅସନ୍ତୋଷ ପ୍ରକାଶ ପାଇଛି । ଲଗାଣ ବର୍ଷା ଓ ଲଘୁଚାପଜନିତ ବର୍ଷାରେ ସୁନାର ଫସଲ ନଷ୍ଟ ହେବା ପରେ ଚାଷୀ କୃତିବାସ ଋଣ ଶୁଝିବା ଚିନ୍ତାରେ ବେକରେ ରଶି ଲଗାଇ ସୋମବାର ରାତିରେ ଆତ୍ମହତ୍ୟା କରିଥିଲେ । ଏହି ଖବର ଶୁଣି ଦୁଃଖ ପ୍ରକାଶ କରିଥିଲେ ପୂର୍ବତନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ମଙ୍ଗଳବାର ବାଲିକୁଦା ବ୍ଲକ ଅଞ୍ଚଳ ଗସ୍ତ ସମୟରେ ମୃତ ଚାଷୀଙ୍କ ଘରକୁ ଯାଇ ପରିବାରକୁ ସମବେଦନା ଜଣାଇଥିଲେ।
କାହିଁକି ଏମିତି କହିଲେ ଗମ୍ଭୀର, ଟିମ ଇଣ୍ଡିଆରେ ଠିକଠାକ ଚାଲିନି କି ?
ନନ୍ଦିଘୋଷ ବ୍ୟୁରୋ: ଟିମ ଇଣ୍ଡିଆ ବର୍ଡର ଗାଭାସ୍କର ଟ୍ରଫି ଖେଳିବା ପାଇଁ ଏବେ ଅଷ୍ଟ୍ରେଲିଆ ଗସ୍ତରେ ରହିଛି । ଦଳର ନୈରାଶ୍ୟଜନକ ପ୍ରଦର୍ଶନ ଜାରି ରହିଥିବାବେଳେ ୨-୧ରେ ପଛୁଆ ରହିଛି ଭାରତ । ତେବେ ଦଳର ପ୍ରଦର୍ଶନ ଉପରେ ପ୍ରଭାବ ପକାଇଛି କନ୍ଦଳ । ଏଭଳି ଚର୍ଚ୍ଚାକୁ ନେଇ କିଛିଦିନ ଗଣମାଧ୍ୟମରେ ମଧ୍ୟ କିଛି ଖବର ଦେଖିବାକୁ ମିଳିଥିଲା । ତେବେ ଏହାରି ଭିତରେ ଗଣମାଧ୍ୟମ ସମ୍ମୁଖରେ ନିଜର ପ୍ରତିକ୍ରିୟା ରଖିଛନ୍ତି ମୁଖ୍ୟ କୋଚ ଗୌତମ ଗମ୍ଭୀର ।
ଗମ୍ଭୀର କହିଛନ୍ତି କି, ଡ୍ରେସିଂ ରୁମରେ ହେଉଥିବା ବିବାଦ ଡ୍ରେସିଂରୁମରେ ରହୁ । କୋଚ ଏବଂ ଖେଳାଳିଙ୍କ ମଧ୍ୟରେ ହେଉଥିବା ବିବାଦ ସେହି ଡ୍ରେସିଂରୁମରେ ରହିବା ଉଚିତ ବୋଲି କହିଛନ୍ତି ଗମ୍ଭୀର । ଏହାସହ ସେ କହିଛନ୍ତି କି, ଏବେ ସବୁକିଛି ଠିକ ଅଛି । ଆସନ୍ତାକାଲି ଆମେ ମଇଦାନକୁ ଓହ୍ଲାଉଛୁ ଦଳ ଅଷ୍ଟ୍ରେଲିଆକୁ ଟକ୍କର ଦେବାକୁ ସମ୍ପୂର୍ଣ୍ଣ ପ୍ରସ୍ତୁତ ରହିଛି ବୋଲି କହିଛନ୍ତି । ସେପଟେ ପ୍ରେସମିଟରେ ଗମ୍ଭୀରଙ୍କ ରୋହିତଙ୍କ ସମ୍ପର୍କରେ ପଚରା ଯାଇଥିଲା । ସିଡନୀ ଟେଷ୍ଟର ପ୍ଲେଇଙ୍ଗ-୧୧ରେ ରୋହିତ ରହିବେ ତ ? ଏହାର ଉତ୍ତରରେ ଗମ୍ଭୀର କହିଥିଲଷ କି, ପିଚ ଏବଂ ଟସ ସମୟରେ ଆମେ ପ୍ଲେଇଙ୍ଗ ୧୧ ଘୋଷଣା କରିବୁ । ପିଠିରେ ଯନ୍ତ୍ରଣା କାରଣରୁ ଆକାଶ ଦୀପ ସିଡନୀ ଟେଷ୍ଟରୁ ବାଦ ପଡ଼ିଛନ୍ତି । ତାଙ୍କ ସ୍ଥାନରେ ହର୍ଷିତି ରାଣା କିମ୍ବା ପ୍ରସିଦ୍ଧ କିଷ୍ଣା ଦଳରେ ସ୍ଥାନ ପାଇବେ ।
ଇସ୍ରାଏଲର ଏୟାରଷ୍ଟ୍ରାଇକରେ ୨୮ ପାଲେଷ୍ଟିନୀୟଙ୍କ ମୃତ୍ୟୁ
ନନ୍ଦିଘୋଷ ବ୍ୟୁରୋ: ଗାଜା ଉପରେ ଇସ୍ରାଏଲର ଜୋରଦାର ହମଲା। ଇସ୍ରାଏଲର ଏୟାରଷ୍ଟ୍ରାଇକରେ ୨୮ ପାଲେଷ୍ଟିନୀୟଙ୍କ ମୃତ୍ୟୁ ଘଟିଛି। ଶରଣାର୍ଥୀ କ୍ଯାମ୍ପ ଉପରେ ହମଲାରେ ଯାଇଛି ୨୮ ପାଲେଷ୍ଟିନୀୟଙ୍କ ଜୀବନ। ଜବାଲିଆ ଓ ବୁରେଜ ଶରଣାର୍ଥୀ କ୍ୟାମ୍ପ ଉପରେ ହୋଇଥିଲା ହମଲା। ଖାନ ୟୁନିସ ସହର ଉପରେ ମଧ୍ୟ ହମଲା ହୋଇଥିବା ଜଣାପଡିଛି। ମୃତକଙ୍କ ମଧ୍ୟରେ ଅଧିକାଂଶ ମହିଳା ଓ ଶିଶୁ ରହିଥିବା ଜଣାପଡିଛି। ହମାସ ଆତଙ୍କୀଙ୍କୁ ଟାର୍ଗେଟ କରି ଆକ୍ରମଣ କରିଥିବା କହିଛି ଆଇଡିଏଫ। ଦୀର୍ଘ ୧୫ ମାସରୁ ଅଧିକ ସମୟ ହେଲାଣି ଦୁଇ ଦେଶ ମଧ୍ୟରେ ଲାଗି ରହିଛି ଯୁଦ୍ଧ। ତେବେ ଇସ୍ରାଏଲ ସେନା କେବଳ ହମାସ ଆତଙ୍କୀଙ୍କୁ ଟାର୍ଗେଟ କରିଥିବା କହିଛି।
ଗାଜାର ଜବାଲିଆରେ ହୋଇଥିବା ଆକ୍ରମଣରେ ୭ ଜଣଙ୍କ ମୃତ୍ଯୁ ଘଟିଛି। ସେମାନଙ୍କ ମଧ୍ୟରେ ଜଣେ ମହିଳା ଓ ୪ ଜଣ ଶିଶୁ ରହିଛନ୍ତି। ବୁରେଜ ଅଂଚଳରୁ ଇସ୍ରାଏଲ ଉପରେ ରକେଟ ହମଲା ହୋଇଥିଲା। ଏହାର ଜବାବ ଦେବାକୁ ଯାଇ ଏହି ଆକ୍ରମଣ ହୋଇଥିବା କହିଛି ଆଇଡିଏଫ୍। ଇସ୍ରାଏଲ-ଗାଜା ଯୁଦ୍ଧରେ ବର୍ତ୍ତମାନ ସୁଦ୍ଧା ୪୫ ହଜାରରୁ ଅଧିକ ପାଲେଷ୍ଟିନୀୟଙ୍କ ଯୁଦ୍ଧରେ ମୃତ୍ଯୁ ଘଟିଛି। ଏମାନଙ୍କ ମଧ୍ୟରୁ ଅଧାରୁ ଅଧିକ ମହିଳା ଓ ଶିଶୁ। ପ୍ରବଳ ଥଣ୍ଡାରୁ ତମ୍ବୁରେ ରହୁଥିବା ଶରଣାର୍ଥୀ ଅତି ଦୟନୀୟ ଅବସ୍ଥାରେ ରହୁଥିବା କହିଛନ୍ତି ଗାଜାର ସ୍ଵାସ୍ଥ୍ୟ ମନ୍ତ୍ରାଳୟ
ବାଣୀ ବିହାର ଛକ ନିକଟ ରାସ୍ତା କଡ଼ରେ ଥିବା ଘର ଭାଙ୍ଗିଦେଲେ…
ନନ୍ଦିଘୋଷ ବ୍ୟୁରୋ: ଘର ଭାଙ୍ଗିଲେ ସରକାର। ବିଏମସି ଟିମ୍ କଲା ଉଚ୍ଛେଦ। ବାଣୀ ବିହାର ଛକ ନିକଟ ରାସ୍ତା କଡ଼ରେ ଥିବା ଘର ଭାଙ୍ଗିଦେଲେ ସରକାର। ରାସ୍ତା ପାର୍ଶ୍ବରୁ ଜବରଦଖଲ ଉଚ୍ଛେଦ ବେଳେ ଅସନ୍ତୋଷ ଦେଖିବାକୁ ମିଳିଛି। ପ୍ରଥମେ ଥଇଥାନ ନକରି କାହିଁକି ଉଚ୍ଛେଦ ପାଇଁ ବାଧ୍ୟ କରାଗଲା ବୋଲି ଅଭିଯୋଗ କରିଛନ୍ତି ବସ୍ତି ବାସିନ୍ଦା। ପିଲାଛୁଆଙ୍କୁ ନେଇକି କୁଆଡେ ଯିବୁ ବୋଲି କହିଛନ୍ତି ବସ୍ତି ବାସିନ୍ଦା। ପ୍ରବାସୀ ଭାରତୀୟ ଦିବସ ପଇଁ ସହରକୁ ସୁନ୍ଦର କରାଯାଉଛି। ସେଥିପାଇଁ ବଳି ପଡୁଛନ୍ତି ବସ୍ତି ବାସିନ୍ଦା
ଆଜି ହିନ୍ଦୁ ସନ୍ଥ ଚିନ୍ମୟ କୃଷ୍ଣଦାସଙ୍କ ଜାମିନ ଶୁଣାଣି
ନନ୍ଦିଘୋଷ ବ୍ୟୁରୋ: ବାଂଲାଦେଶରେ ଗିରଫ ହିନ୍ଦୁ ସନ୍ଥ ଚିନ୍ମୟ କୃଷ୍ଣଦାସଙ୍କ ଆଜି ଜାମିନ ଶୁଣାଣି। ଚଟଗାଓଁ ମେଟ୍ରୋପଲିଟାନ କୋର୍ଟରେ ଆଜି ଜାମିନର ହେବ ଶୁଣାଣି। ବାଂଲାଦେଶ ଅଦାଲତରୁ ନ୍ୟାୟ ପାଇହବାକୁ ଆଶା ରଖିଛନ୍ତି ଇସକନ କର୍ତ୍ତୃପକ୍ଷ। ତେବେ ଜାମନ ଶୁଣାଣି ପୂର୍ବରୁ ଚିନ୍ମୟ କୃଷ୍ଣଦାସଙ୍କ ଓକିଲ ରବୀନ୍ଦ୍ର ଗୋଷ ଅସୁସ୍ଥ ହୋଇପଡିଛନ୍ତି। ତାଙ୍କୁ କୋଲକାତାର ଏସଏସକେଏମ ହସ୍ପିଟାଲରେ ଭର୍ତ୍ତି କରାଯାଇଛି। ଏଥିଯୋଗୁ ସେ କୋର୍ଟରେ ହାଜର ହେବା ସମ୍ଭାବନା କମ ରହିଛି। ଇସକନ କୋଲକାତା ଅନୁଷ୍ଠାନର ମୁଖପାତ୍ର ରାଧାରମଣ ଦାଶ ବାଂଲାଦେଶ କୋର୍ଟରୁ ନ୍ୟାୟ ପାଇବେ ବୋଲି ଆଶା କରିଛନ୍ତି। ଗତ ୨୭ ନଭେମ୍ବରରେ ବାଂଲାଦେଶ ପୋଲିସ ଇସକନ ସନ୍ଥ ଚିନ୍ମୟ କୃଷ୍ଣଦାସଙ୍କୁ ଗିରଫ କରିଥିଲା। ଏହାର ପରଦିନ ଚଟଗାଓଁ କୋର୍ଟରେ ମାମଲାର ଶୁଣାଣି ନେଇ ଅଦାଲତ ପରିସରରେ ଜୋରଦାର ହଙ୍ଗାମା ହୋଇଥିଲା। ଏହି ସମୟରେ ସୈଫୁଲ ଇସଲାମ ଅଲିଫ ନାମକ ଜଣେ ଆଇନଜୀବୀଙ୍କ ମୃତ୍ଯୁ ଘଟିଥିଲା। ଏହା ପୂର୍ବରୁ ଚିନ୍ମୟ କୃଷ୍ଣଦାସଙ୍କ ଓକିଲଙ୍କୁ କୋର୍ଟରେ ହାଜର ହେବାକୁ ଦିଆଯାଇନଥିଲା।
ଅନ୍ତିମ ଟେଷ୍ଟରେ ଖେଳିବେନି ମିଚେଲ ମାର୍ସ, ଡେବ୍ୟୁ କରିବେ ଏହି ଯୁବ ଖେଳାଳି
ନନ୍ଦିଘୋଷ ବ୍ୟୁରୋ: ବର୍ଡର ଗାଭାସ୍କର ଟ୍ରଫିର ଅନ୍ତିମ ମ୍ୟାଚ ପାଇଁ ସମ୍ଭାବ୍ୟ ଦଳ ଘୋଷଣା କରିଛି । ଦଳର ଅଭିଜ୍ଞ ଖେଳାଳି ଅନ୍ତିମ ମ୍ୟାଚରେ ବାହାରେ ରହିଛନ୍ତି । ତାଙ୍କ ବଦଳରେ ଯୁବ ଖେଳାଳି ଡେବ୍ୟୁ କରିବାକୁ ଯାଉଛନ୍ତି । ଏହି ଯୁବ ଖେଳାଳି ହେଉଛନ୍ତି ବିଉ ଓ୍ବେବଷ୍ଟର । ୪୬୯ତମ ପୁରୁଷ ଖେଳାଳିଭାବେ ଅଷ୍ଟ୍ରେଲିଆ ପାଇଁ ଡେବ୍ୟୁ କରିବାକୁ ଯାଉଛନ୍ତି ଓ୍ବେବଷ୍ଟର । ଦଳର ଅଧିନାୟକ ପାଟ କମିନ୍ସ ପ୍ରେସମିଟ୍ କରି ପ୍ଲେଇଙ୍ଗ ୧୧ ସମ୍ପର୍କରେ ସୂଚନା ଦେଇଛନ୍ତି । ଷଷ୍ଠ ସ୍ଥାନରେ ବ୍ୟାଟିଂର ବିକଳ୍ପ ହେବେ ବୋଲି କୁହାଯାଇଛି । ମାର୍ଶ ଏହି ସିରିଜରେ ଭଲ ପ୍ରଦର୍ଶନ କରିଥିବାବେଳେ ତାଙ୍କ ବଦଳରେ ଯୁବ ଖେଳାଳିଙ୍କୁ ସୁଯୋଗ ଦିଆଯାଇଛି ।
ମିଚେଲ ମାର୍ଶଙ୍କ ପାଦରେ ଆଘାତ ଲାଗିଥିବାରୁ ତାଙ୍କୁ ବିଶ୍ରାମ ଦିଆଯାଇଛି । ଶୁକ୍ରବାର ଅନ୍ତିମ ଟେଷ୍ଟ ଖେଳାଯିବାକୁ ଥିବାବେଳେ ଏହା ଉଭୟ ଦଳ ପାଇଁ ବେଶ ଗୁରୁତ୍ବ ବହନ କରୁଛି । କାରଣ ଏହି ଟେଷ୍ଟ ହାରିଲେ ଭାରତ ସିରିଜ ହାରିବ । ଅନ୍ୟପଟେ ମ୍ୟାଚ ଯଦି ଡ୍ର ହୁଏ ତାହେଲେ ସିରିଜ ବରାବର ରହିବ । ଅଷ୍ଟ୍ରେଲିଆ ଏବେ ୨-୧ରେ ଆଗୁଆ ରହିଛି । ଭାରତୀୟ ଖେଳାଳିଙ୍କ ପ୍ରଦର୍ଶନ ଯେଭଳି ରହିଛି ଏଥିରେ ଉନ୍ନତି ଆସିବ ବୋଲି ଫ୍ୟାନ୍ସମାନେ ଆଶା ରଖିଛନ୍ତି ।
ଶୀତଦିନେ ଆପଣମାନେ ଆବଶ୍ୟକତା ଠାରୁ ଅଧିକ ଅଦା ଖାଉନାହାନ୍ତି ତ? ଜାଣନ୍ତୁ ଏହାର କ୍ଷତି ବିଷୟରେ…
ପ୍ରତ୍ୟେକ ଭାରତୀୟ ଘରେ ଘରେ ଅଦାର ବ୍ୟବହାର କରିଥାନ୍ତି । ଚା’ରେ ଏହାର ବ୍ୟବହାର କରାଯିବା ସହିତ ଅନେକ ଖାଦ୍ୟର ସ୍ବାଦ ବୃଦ୍ଧି ପାଇଁ ମଧ୍ୟ ଏହାର ଉପଯୋଗ କରାଯାଇଥାଏ । ଥଣ୍ଡା ସିଜିନରେ ଇମ୍ୟୁନିଟି ବୁଷ୍ଟ କରିବା ଓ ସର୍ଦ୍ଦି-କାଶରୁ ମୁକ୍ତି ପାଇବା ପାଇଁ ଅଦାକୁ ବ୍ୟବହାର କରାଯାଇଥାଏ । ଏଥିରେ ରହିଥିବା ଔଷଧୀୟ ଗୁଣ ଆମର ସ୍ବାସ୍ଥ୍ୟ ପାଇଁ ବରଦାନ ସାବ୍ୟସ୍ତ ହୋଇଥାଏ । ମାତ୍ର ଅତ୍ୟଧିକ ମାତ୍ରାରେ ଅଦାର ବ୍ୟବହାର ଆମର ସ୍ବାସ୍ଥ୍ୟ ପାଇଁ କ୍ଷତିକାରକ ହୋଇପାରେ । ତେଣୁ ଅଦା ସେବନର ପାର୍ଶ୍ବପ୍ରତିକ୍ରିୟା ବିଷୟରେ ଆସନ୍ତୁ ଜାଣିବା ।
୧- ପେଟରେ ଗ୍ୟାସ ସୃଷ୍ଟି ସମସ୍ୟା
ଅଧିକ ଅଦା ସେବନ କରିବା ଫଳରେ ପେଟରେ ଗ୍ୟାସ ସୃଷ୍ଟି ସମସ୍ୟା ହୋଇପାରେ । ଏହାକୁ ଅଧିକ ଖାଇବା ଫଳରେ ପେଟ ଯନ୍ତ୍ରଣା, ଗ୍ୟାସ ସମସ୍ୟା ସୃଷ୍ଟି ହୋଇପାରେ ।
୨- ରକ୍ତ ପତଳା ହୋଇପାରେ
ଅଧିକ ମାତ୍ରାରେ ଅଦା ସେବନ ଆମର ରକ୍ତକୁ ପତଳା କରିବା ଦିଗରେ କାମ କରିଥାଏ । ଏହି କାରଣରୁ ଚୋଟ ଲାଗିଲେ ରକ୍ତର ଜବାଟ ଶୀଘ୍ର ସୃଷ୍ଟି ହୋଇ ପାରିନଥାଏ ।
୩- ଗର୍ଭଧାରଣ
ଗର୍ଭବତୀ ମହିଳାମାନେ କମ୍ ଅଦା ସେବନ କରିବା ଉଚିତ । ଅଧିକ ଅଦା ସେବନ କରିବା ଫଳରେ ଗର୍ଭଧାରଣରେ ବିପଦ ସୃଷ୍ଟି ହୋଇଥାଏ ।
୪- ଲୋ ବ୍ଲଡ ପ୍ରେସର ସମସ୍ୟା
ଯେଉଁ ଲୋକଙ୍କ ଠାରେ ଲୋ ବ୍ଲଡ ପ୍ରେସର ସମସ୍ୟା ରହିଥାଏ, ସେମାନେ କମ୍ ମାତ୍ରାରେ ଅଦା ସେବନ କରିବା ଉଚିତ୍ । ରକ୍ତକୁ ପତଳା କରିବାର ଗୁଣ ଅଦାରେ ରହିଥାଏ । ଏପରି ସ୍ଥିତିରେ ଏହା ଲୋ ବ୍ଲଡ ପ୍ରେସରର ସମସ୍ୟାକୁ ଆହୁରି ବଢ଼ାଇପାରେ ।
୫- ଡାଇବେଟିସ
ଅଧିକ ଅଦା ସେବନ କରିବା ଫଳରେ ଶୁଗର ସ୍ତର କମ୍ ହୋଇପାରେ । ଯେଉଁମାନଙ୍କର ଡାଇବେଟିସ ସ୍ତର କମ୍, ସେମାନେ ଅଧିକ ଅଦା ସେବନରୁ ଦୂରେଇ ରହିବା ଉଚିତ ।
୬- ଚର୍ମ ସମ୍ବନ୍ଧୀୟ ସମସ୍ୟା
ଆବଶ୍ୟକତା ଠାରୁ ଅଧିକ ଅଦା ଖାଇବା ଫଳରେ ଚର୍ମ ସମ୍ବନ୍ଧୀୟ ସମସ୍ୟା ହୋଇପାରେ । ଏହି କାରଣରୁ କୁଣ୍ଡିଆ, ଆଖି ଲାଲ, ଆଖି କୁଣ୍ଡାଇ ହେବା ଓ ଗଳା ସମ୍ବନ୍ଧୀୟ ସମସ୍ୟା ହୋଇପାରେ ।
ସାଧାରଣ ଲୋକମାନେ ୧-୨ ଗ୍ରାମର ଅଦା ସେବନ କରିବା ସ୍ବାସ୍ଥ୍ୟ ପାଇଁ ଲାଭକାରୀ ହୋଇଥାଏ । ଏହାକୁ ଆପଣମାନେ ଚା’ କିମ୍ବା ଖାଦ୍ୟରେ ମିଶାଇ ପାରିବେ । ମାତ୍ର ଏହାର ଅତ୍ୟଧିକ ଉପଯୋଗରୁ ଦୂରେଇ ରହିବେ ।
୨୦ ବର୍ଷିୟ ଯୁବକଙ୍କ କମାଲ, ସୃଷ୍ଟି କଲେ ନୂଆ ରେକର୍ଡ଼
ନନ୍ଦିଘୋଷ ବ୍ୟୁରୋ: କଥାରେ ଅଛି କଷ୍ଟ କଲେ କୃଷ୍ଣ ମିଳେ । ଏହି ଉକ୍ତିକୁ ପ୍ରମାଣ କରି ଆଉ ଏକ ନୂଆ ଇତିହାସ ସୃଷ୍ଟି କରିଛନ୍ତି ୨୦ ବର୍ଷର ଭାରତୀୟ ଯୁବକ । ଗୋରିଚେନ୍ ପର୍ବତ ଉପରକୁ ଯାଇ କଲେ ରେକର୍ଡ଼ ।ପୁଣି ଥରେ ଚର୍ଚ୍ଚାରେ ଅଛନ୍ତି ତେଲେଙ୍ଗାନାର ୨୦ ବର୍ଷିୟ ପର୍ବତାରୋହୀ ଭୁକି ଯଶଓ୍ବନ୍ତ ନାୟକ। ଗୋରିଚନ ପର୍ବତକୁ ଚଢି ରେକର୍ଡ଼ କରିବାରେ ସବୁଠାରୁ କନିଷ୍ଠ ବ୍ୟକ୍ତି ହେଉଛନ୍ତି ଯଶଓ୍ବନ୍ତ । ଯଶଓ୍ବନ୍ତ ୬ ହଜାର ୪୮୮ ମିଟର ଉଚ୍ଚତାର ପର୍ବତ ଚଢି ଏହି ଇତିହାସ ସୃଷ୍ଟି କରିଛନ୍ତି । ଯଶଓ୍ବନ୍ତ ତେଲେଙ୍ଗାନାର ଏକ ଆଦିବାସୀ ଅଞ୍ଚଳରୁ ଆସିଛନ୍ତି । ଯେଉଁଠି ଅନେକ ସଂଘର୍ଷ କରିବା ପରେ ସେ କିଛି ଲୋକଙ୍କ ସାହାର୍ୟ୍ୟ ନେଇ ସେ ଏହି ଯାତ୍ରା ଆରମ୍ଭ କରିଥିଲେ । ନିଜ ର କଠିନ ପରିଶ୍ରମ ଦ୍ବାରା ସେ ଏହି ସଫଳତା ପାଇଛନ୍ତି ।
ଯଶୱନ୍ତ ମାତ୍ର ୧୬ ବର୍ଷ ବୟସରେ ଭୁବନଗିରିର ରକ୍ କ୍ଲାଇମ୍ବିଂ ସ୍କୁଲ୍ ଟ୍ରେନିଂ ଇନଷ୍ଟିଚ୍ୟୁଟରୁ ତାଙ୍କର ଏହି ଯାତ୍ରା ଆରମ୍ଭ କରିଥିଲେ। ଯଶଓ୍ବନ୍ତ ନାୟକଙ୍କୁ ଭାରତୀୟ ହିମାଳୟ ସେଣ୍ଟର ଫର ଆଡଭେଞ୍ଚର ଆଣ୍ଡ ଇକୋଟୋରିଜିମ୍ (ଓଐଉଇଋ) ରୁ ତାଲିମ ନେବାକୁ ମଧ୍ୟ ସୁଯୋଗ ମିଳିଛି। ଯଶୱନ୍ତ ଏହି ଆରୋହଣ ପାଇଁ ପ୍ରତିଦିନ ଶାରୀରିକ ପରିଶ୍ରମ କରନ୍ତି ଜ୍ଝ ସେ କହିଥିଲେ ଯେ ମୁଁ ପ୍ରତିଦିନ ସକାଳେ ଦୈାଡ଼େ, ଏବଂ ପରେ ପ୍ରାୟ ୨ ଘଣ୍ଟା ପାଇଁ କିଛି ବାୟାମ କରେ । ସେ କହିଥିଲେ ଯେ ମୁଁ ମୋର ଖାଦ୍ୟ ନିଜେ ପ୍ରସ୍ତୁତ କରେ। ଯଶୱନ୍ତଙ୍କ ସ୍ୱପ୍ନ ହେଉଛି ଏଭରେଷ୍ଟ ପର୍ବତ ଏବଂ ୭ ମହାଦେଶର ୭ ଟି ସର୍ବୋଚ୍ଚ ଶିଖର ଉପରକୁ ଚଢିବାଜ୍ଝ ଯଶଓ୍ବନ୍ତ ହାସଲ କରିଥିବା ଏହି ସଫଳତା ପାଇଁ ତାଙ୍କ ପରିବାର ସହିତ ପୁରା ଗାଁ ତାଙ୍କ ପାଇଁ ଗର୍ବିତ ।
କିପରି ଥିଲା ଯଶଓ୍ବନ୍ତଙ୍କର ଏହି ଆରୋହଣ:
ଗୋରିଚେନ୍ ପର୍ବତର ଆରୋହଣ ୧୯ ସେପ୍ଟେମ୍ବର ୨୦୨୪ ରେ ହୋଇଥିଲା। ୟଶୱନ୍ତ ନାୟକ, ପ୍ରସିଦ୍ଧ ଟ୍ରାନ୍ସକେଣ୍ଡ ଆଡଭେଞ୍ଚର କମ୍ପାନୀ ସହିତ ଏହି ଚ୍ୟାଲେଞ୍ଜ କରି ଶିଖରରେ ସଫଳତାର ସହ ପହଞ୍ଚିବାରେ ପ୍ରଥମ ନାଗରିକ ଦଳର ଅଂଶ ହୋଇଥିଲେ। ସମଗ୍ର ପଥଟି ବିପଦରେ ପରିପୂର୍ଣ୍ଣ ଥିଲା, ଖାଲି ପଥର ଏବଂ ବିପଜ୍ଜନକ ସମୁଦ୍ର ଗ୍ଲାସିରଗୁଡିକ ଏହି ଅସୁବିଧାକୁ ଯୋଡିଥିଲା । ଏହି ବାଧାବିଘ୍ନ ସତ୍ତ୍ୱେ ସେ ତାଙ୍କର ଆରୋହଣ ସମାପ୍ତ କରିଥିଲେ ।
ଗୋରିଚେନ୍ ଶିଖର କେଉଁଠାରେ ଅବସ୍ଥିତ ଏବଂ ଏହାର ଉଚ୍ଚତା କ’ଣ?
ଗୋରିଚେନ୍ ଶିଖର ଅରୁଣାଚଳ ପ୍ରଦେଶର ତାୱାଙ୍ଗ ଜିଲ୍ଲାରେ ଅବସ୍ଥିତ ଏକ ପର୍ବତ ଶିଖର । ପୂର୍ବ ଭାରତ ଏବଂ ଅରୁଣାଚଳ ପ୍ରଦେଶରେ ଏହି ଶିଖର ସର୍ବାଧିକ ଜ୍ଝ ଯାହାର ଉଚ୍ଚତା ସମୁଦ୍ର ପତ୍ତନଠାରୁ ୨୧,୨୮୩ ଫୁଟ (୬,୪୮୮ ମିଟର) ଜ୍ଝ ଏହା ତିବ୍ଦତର ସୀମା ନିକଟରେ । ଏହି ଶିଖରଟି ତୁଷାର ଆଚ୍ଛାଦିତ ଏବଂ ଏହାର କଠିନ ଅଞ୍ଚଳ ପାଇଁ ଜଣାଶୁଣା । ଏହାକୁ ଅତିକ୍ରମ କରିବା ପ୍ରତ୍ୟେକ ପର୍ବତାରୋହୀଙ୍କ ସ୍ୱପ୍ନ, ଲୋକମାନେ ଅନେକ ଚେଷ୍ଟା ପରେ ହିଁ ଏହାକୁ ଅତିକ୍ରମ କରିବାକୁ ସକ୍ଷମ ହୋଇପାରନ୍ତି ।