ମୁମ୍ୱାଇ : ବଲିଉଡରେ ଚାଞ୍ଚଲ୍ୟ ।  ସୁପରଷ୍ଟାର ସୈଫ ଅଲ୍ଲି ଖାନଙ୍କୁ ନେଇ ଏକ ବଡ଼ ଘଟଣା ସାମ୍ନାକୁ ଆସିଛି । ମୁମ୍ବାଇ ବାନ୍ଦ୍ରା ସ୍ଥିତ ଘରେ ରାତି ପ୍ରାୟ ସାଢେ ୨ଟାରେ ଚୋର ପଶି ତାଙ୍କ ଉପରେ ଛୁରୀରେ ଆକ୍ରମଣ କରିଛି । ଏହି ଘଟଣା ଏବେ ସବୁଠି ଚାଞ୍ଚଲ୍ୟ ସୃଷ୍ଟି କରିଛି । ତାଙ୍କ ଉପରେ ୬ଥର ଛୁରୀରେ ଆକ୍ରମଣ କରାଯାଇଥିବା ସୂଚନା ମିଳିଛି । ସୈଫଙ୍କ ହାତ, ପିଠି  ଏବଂ ବେକରେ ଆଘାତ ଲାଗିଛି ।  ଯାହା ମଧ୍ୟରୁ ମେରୁଦଣ୍ଡ ନିକଟରେ ୨ଟି ଗଭୀର ଆଘାତ ଲାଗିଛି । ଆହାତ ଅବସ୍ଥାରେ ତାଙ୍କୁ ମୁମ୍ୱାଇର ଲୀଲାବତୀ ହସ୍ପିଟାଲରେ ଭର୍ତ୍ତି କରାଯାଇଛି । ତାଙ୍କ ସର୍ଜରୀ ପରେ ତାଙ୍କ ସ୍ୱାସ୍ଥ୍ୟବସ୍ଥା ସମ୍ପର୍କରେ ସମ୍ପୂର୍ଣ୍ଣ ତଥ୍ୟ ଜଣାପଡିବ । ଏହାରି ମଧ୍ୟରେ ସୈଫଙ୍କ ଘରେ ଚୋର ପଶିଥିବା ଖବରକୁ ନେଇ ସୋସିଆଲ ମଡିଆରେ ପ୍ରଶ୍ନର ଝଡ଼ ଦେଖିବାକୁ ମିଳିଛି । ଏବଂ  ତାଙ୍କ ଫ୍ୟାନ୍ସଙ୍କ  ମଧ୍ୟରେ ହଇଚଇ ସୃଷ୍ଟି ହୋଇଯାଇଛି । ଚୋରି ଥିଓରୀକୁ କେହି ମଧ୍ୟ ବିଶ୍ୱାସ କରୁନାହାନ୍ତି ।  କେହି କେହି ଏହି ଆକ୍ରମଣ ପଛି କିଛି ଅନ୍ୟ କାରଣ ଥିବା ସନ୍ଦେହ କରୁଛନ୍ତି ।

ଅନ୍ୟପଟେ ସୂଚନା ମୁତାବକ, ମୁମ୍ୱାଇ ପୋଲିସ ନିଜ ବୟାନରେ କହିଛି ଯେ, ବିଳମ୍ୱିତ ରାତିରେ ଜଣେ ଅଜଣା ବ୍ୟକ୍ତି ଅଭିନେତା ସୈଫ ଅଲ୍ଲି ଖାନଙ୍କ ଘରେ ପଶି ଯାଇଥିଲା  । ଏବଂ ଚାକରାଣୀ ସହ ଯୁକ୍ତି ତର୍କ କରୁଥିଲା । ଏହି ସମୟରେ ସୈଫ ଘଟଣାରେ ହସ୍ତକ୍ଷେପ କରିବା ଏବଂ ବୁଝାସୁଝା କରିବାକୁ ଚେଷ୍ଟା କରିବା ବେଳେ ଦୁର୍ବୃତ୍ତ ଜଣକ ତାଙ୍କୁ ଛୁରୀରେ ଆକ୍ରମଣ କରିଥିଲା  ।  ବର୍ତ୍ତମାନ ମାମଲାର ଯାଞ୍ଚ କରୁଛି ପୋଲିସ ।

ଏହି ଖବର ସାମ୍ନାକୁ ଆସିଲା ପରେ ସବୁଠି ଚାଞ୍ଚଲ୍ୟ ଖେଳିଯାଇଛି ।  ସୋସିଆଲ ମିଡିଆରେ ଲୋକେ କମେଣ୍ଟ କରିଛନ୍ତି । ଟ୍ୱିଟରରେ ଏବେ #SaifAliKhan ଟ୍ରେଣ୍ଡ କରୁଛି । ଜଣେ ୟୁଜର୍ସ କମେଣ୍ଟରେ ଲେଖିଛନ୍ତି ଯେ, ଏହା ଚୋରି ମାମଲା ପରି ଲାଗୁନାହିଁ, ମୁମ୍ୱାଇରେ କୌଣସି ସେଲିବ୍ରେଟି ଘରେ ପଶିବା ଏତେ ବି ସହଜ ନୁହେଁ ।’ ସେହିଭଳି ଆଉଜଣେ ୟୁଜର୍ସ ଲେଖିଛନ୍ତି , ଏଭଳି ଘଟଣାକୁ ନେଇ ଆନେକ ପ୍ରଶ୍ନ ସୃଷ୍ଟି ହେଉଛି । ୨୪/୭ ଘଣ୍ଟା କଡ଼ା ସୁରକ୍ଷା ବଳୟରେ ରହୁଥିବା ଘରେ କିପରି ଚୋର ପଶି ପାରିବ? ସାଧାରଣ ଲୋକଙ୍କ କଲୋନୀରେ ତ ୨୪ ଘଣ୍ଟା ଜଗୁଆଳି ଥାଏ  । ତେବେ ଏଭଳି ସେଲିବ୍ରେଟିଙ୍କ ଘରେ ପଶିବା ପାଇଁ ତ ଅନେକ ସୁରକ୍ଷା କବଚ ଥିବ । ଏହାକୁ ଭେଦ କରି ଜଣେ ଦୁର୍ବୃତ୍ତ କିଭଳି ପଶିବ ?

ଖ

ସେପଟେ କରୀନା କପୁର ଖାନ ଏବଂ ସୈଫଙ୍କ ଟିମ୍ ତରଫରୁ ପ୍ରତିକ୍ରିୟା ରହିଛି ଯେ, ସୈଫଙ୍କ ହାତ, ପିଠି ଆଦିରେ ଗଭୀର ଆଘାତ ଲାଗିଛି । ସେଥିପାଇଁ ତୁରନ୍ତ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି । ପରିବାରର ଅନ୍ୟ ସଦସ୍ୟ ସୁରକ୍ଷିତ ଅଛନ୍ତି । ଏହା ପୋଲିସର ମାମଲା ଅଟେ ଏଥିପାଇଁ ଧୈର୍ଯ୍ୟ ରଖନ୍ତୁ ।