ଢେଙ୍କାନାଳ: ଢେଙ୍କାନାଳ ସଦର ବ୍ଲକ ଆରଦା ଗ୍ରାମରେ ଅଜଣା ରୋଗ । ଅଜଣା ରୋଗରେ ୨୫ ଛେଳିଙ୍କ ମୃତ୍ୟୁ ଘଟିଛି । ଛେଳି ଗୁଡିକ ବିଲରେ ଚରିବା ବେଳେ ଗୋଟିଏ ପରେ ଗୋଟିଏ ଛେଳିଙ୍କ ମୃତ୍ୟୁ ହୋଇଥିଲା । ମୃତର କାରଣ ଅସ୍ପଷ୍ଟ ରହିଛି । ଛେଳି ଚରିବା ବେଳେ ହିଁ ଗୋଟିଏ ପରେ ଗୋଟିଏ ଛେଳି ଗଳି ପଡ଼ି ମୃତ୍ୟୁ ହେଉଥିବା ଲୋକ କହିଛନ୍ତି । ତାପମାତ୍ରା ବୃଦ୍ଧି ଯୋଗୁଁ ଛେଳି ମୃତ ହେଉଚି ବୋଲି ସନ୍ଦେହ କରାଯାଉଛି ।
ମାର୍ଚ୍ଚ ୧୫ ପୂର୍ବରୁ ଆବେଦନ କରନ୍ତୁ: SBIରେ ପୂରଣ ହେବ ୧୧୯୪ଟି ପଦବୀ
ଏସବିଆଇ ତରଫରୁ ଆସିଛି ଏକ ନିଯୁକ୍ତି ସୁଯୋଗ । ୧୧୯୪ଟି ପଦବୀ ପୂରଣ ହେବ । ଏଥିପାଇଁ ମାର୍ଚ୍ଚ ୧୫ ଆବେଦନର ଅନ୍ତିମ ତାରିଖ ରହିଛି । ଇଛୁକ ପ୍ରାର୍ଥୀମାନେ ଏସବିଆଇର ଅଫିସିଆଲ ଓ୍ବେବସାଇଟ https://www.onlinesbi.sbi/ କୁ ଯାଇ ଆବେଦନ କରିପାରିବେ । କନକରେଣ୍ଟ ଅଡିଟର ବା ସମବର୍ତ୍ତୀ ଲେଖା ପରୀକ୍ଷକ ପଦରେ ନିଯୁକ୍ତି ଦିଆଯିବ । ଇଣ୍ଟରଭ୍ୟୁ ଆଧାରରେ ପ୍ରସ୍ତୁତ କରାଯାଇଥିବା ମେରିଟ ଜରିଆରେ ଯୋଗ୍ୟ ପ୍ରାର୍ଥୀଙ୍କୁ ଚୟନ କରାଯିବ । ଆବେଦନ ପାଇଁ ଆଉ ମାତ୍ର ଗୋଟିଏ ଦିନ ବାକି ରହିଥିବା ବେଳେ ଇଛୁକ ପ୍ରାର୍ଥୀମାନେ ଆବେଦନ କରିପାରିବେ ।
ବ୍ୟାଙ୍କର ବିଜ୍ଞପ୍ତି ମୁତାବକ, ଆବେଦନକାରୀ ସେବାନିବୃତ ହେବା ଜରୁରୀ । ସେବାନିବୃତ ପୂର୍ବରୁ ସ୍ବଇଚ୍ଛାରେ ସେବାନିବୃତ / ତ୍ୟାଗପତ୍ର / ନିଲମ୍ବିତ ବା ବ୍ୟାଙ୍କ ଛାଡ଼ିଥିବା ଅଧିକାରୀ ଏହି ନିଯୁକ୍ତି ପାଇଁ ଯୋଗ୍ୟ ହେବେ ନାହିଁ । ଏସବିଆଇ ଓ ତା’ର ଇ-ସହଯୋଗୀ ବ୍ୟାଙ୍କଗୁଡ଼ିକର ଅଧିକାରୀ ଯେଉଁମାନେ MMGS-III, SMGS-IV/V ଓ TEGS-VI ଭାବେ ସେବାନିବୃତ୍ତ ହୋଇଥିବେ, ସେମାନେ ଏହି ନିଯୁକ୍ତି ପାଇଁ ଯୋଗ୍ୟ ହେବେ । ପ୍ରାର୍ଥୀଙ୍କୁ ସର୍ବନିମ୍ନ ୧ ବର୍ଷ ଓ ସର୍ବାଧିକ ୩ ବର୍ଷ ବା ୬୫ ବର୍ଷ ବୟସ ପର୍ଯ୍ୟନ୍ତ ନିଯୁକ୍ତି ଦିଆଯିବ । ଚୟନ ଇଣ୍ଟରଭ୍ୟୁ ଆଧାରରେ କରାଯିବ । ବ୍ୟାଙ୍କ ଦ୍ବାରା ଗଠିତ ଶର୍ଟଲିଷ୍ଟିଂ କମିଟି ଶର୍ଟଲିଷ୍ଟିଂ ନିୟମ ଧାର୍ଯ୍ୟ କରିବ । ତା’ପରେ ପ୍ରାର୍ଥୀଙ୍କୁ ସାକ୍ଷାତକାର ପାଇଁ ଡକାଯିବ ।
ଟିମ୍ ଇଣ୍ଡିଆ ପାଇଁ ହୋଲି ଶୁଭ: ରଙ୍ଗର ପର୍ବରେ ଗର୍ଜିଥିଲା ବିରାଟଙ୍କ ବ୍ୟାଟ, ହୋଲିର ବିଜୟ ଇତିହାସକୁ ମନେପକାଉଛି ଭାରତୀୟ ଦଳ
ମାର୍ଚ୍ଚ ୧୪ରେ ଦେଶର ଅଧିକାଂଶ ସ୍ଥାନରେ ହୋଲି ଉତ୍ସବ ବଡ଼ ଧୂମଧାମରେ ପାଳିତ ହେଉଛି । ତେବେ ରଙ୍ଗର ଏହି ପର୍ବ ହୋଲି ଟିମ୍ ଇଣ୍ଡିଆର ନୀଳ ଜର୍ସ ପାଇଁ ବେଶ ଶୁଭ ବୋଲି କୁହାଯାଉଛି । ଆଜିର ଦିନରେ ଭାରତୀୟ ଟିମ୍ ଦମଦାର ପ୍ରଦର୍ଶନ କରିଥିଲା । ୧୫ ବର୍ଷ ଭିତରେ ଭାରତ ହୋଲି ଦିନରେ ୨ଟି ମ୍ୟାଚ ଖେଳିଥିବା ବେଳେ ସେଥିମଧ୍ୟରୁ ଦୁଇଟି ଯାକ ମ୍ୟାଚରେ ତୁଫାନୀ ବିଜୟୀ ହାସଲ କରିଥିଲା । ଏହା ଏକ ବଡ଼ ସଂଯୋଗ ଯେ, ଉଭୟ ମ୍ୟାଚ ଓ୍ବେଷ୍ଟଇଣ୍ଡିଜ ବିପକ୍ଷରେ ଖେଳିଥିଲା ଭାରତ । ସେହି ସମୟରେ ବିରାଟ କୋହଲିଙ୍କ ବ୍ୟାଟ୍ ଖୁବ୍ ଗର୍ଜିଥିଲା । ଉକ୍ତ ବିଜୟରେ ବିରାଟ ବଡ଼ ଭୂମିକା ନିର୍ବାହ କରିଥିଲେ ।
୨୦୧୧ ଦିନିକିଆ ବିଶ୍ବକପରେ ମାର୍ଚ୍ଚ ୨୦ରେ ହୋଲି ଅବସରରେ ଭାରତ ଓ୍ବେଷ୍ଟଇଣ୍ଡିଜକୁ ପରାସ୍ତ କରିଥିଲା । ବିରାଟ ଯୁବରାଜଙ୍କ ସହ ମିଶି ୧୨୨ ରନର ଭାଗିଦାରରୀ କରିଥିଲେ । ବିରାଟ ୫୯ ରନ୍ ସଂଗ୍ରହ କରିଥିବା ବେଳେ ଯୁବରାଜ ୧୧୩ ରନ୍ କରିଥିଲେ । ଭାରତ ୨୬୮ ରନର ଲକ୍ଷ୍ୟ ଧାର୍ଯ୍ୟ କରିଥିବା ବେଳେ ଜାହିର ଖାନ ୩ଟି ଓ୍ବିକେଟ ଅକ୍ତିଆର କରିଥିଲେ । ଉକ୍ତ ମ୍ୟାଚକୁ ଭାରତ ୮୯ ରନରେ ଜିତିନେଇଥିଲା । ସେହିପରି ୨୦୧୫ ବିଶ୍ବକପରେ ହୋଲିରେ ଓ୍ବେଷ୍ଟଇଣ୍ଡିଜ ବିପକ୍ଷରେ ଖେଳାଯାଇଥିବା ମ୍ୟାଚରେ ଭାରତ ବିଜୟୀ ହୋଇଥିଲା । ଓ୍ବେଷ୍ଟଇଣ୍ଡିଜ ୧୮୨ ରନରେ ସୀମିତ ରହିଥିଲେ ହେଁ ଭାରତ ୬ଟି ଓ୍ବିକେଟ ହରାଇଥିଲା । ଉକ୍ତ ମ୍ୟାଚରେ ମଧ୍ୟ ବିରାଟ ସଙ୍କଟମୋଚକ ସାଜିଥିଲେ । ଉଭୟ ମ୍ୟାଚରେ ଭାରତ ବିଜୟୀ ହେବା ସହ ହୋଲି ଶୁଭ ହୋଇଥିଲା ।
ଟ୍ରେନ ଦୁର୍ଘଟଣା: ଟ୍ରକକୁ ୫୦୦ ମିଟର ପର୍ଯ୍ୟନ୍ତ ଘୋଷାଡ଼ି ନେଲା ଦ୍ରୁତବେଗରେ ଆସୁଥିବା ଟ୍ରେନ!
ମହାରାଷ୍ଟ୍ରର ଜଲଗାଓଁରେ ଘଟିଯାଇଛି ଏକ ଟ୍ରେନ ଦୁର୍ଘଟଣା । ଏକ ଗହମ ବେଝେଇ ଟ୍ରକ ରେଲଓ୍ବେ ଫାଟକ ଭାଙ୍ଗି ଟ୍ରାକ ଉପରେ ଚଢ଼ିଯାଇଥିଲା । ଏହି ସମୟରେ ଦୁର୍ଭାଗ୍ୟକୁ ଟ୍ରେନ ଆସିଯାଇଥିଲା । ଟ୍ରେନ ଚାଳକ ତୁରନ୍ତ ଏମର୍ଜେନ୍ସି ବ୍ରେକ ଲଗାଇଥିଲେ, ମାତ୍ର ତାହା ଅଟକି ନଥିଲା । ଟ୍ରେନ ଆଗରେ ଫସିଥିବା ଟ୍ରକଟି ୫୦୦ ମିଟର ପର୍ଯ୍ୟନ୍ତ ଘୋଷାଡ଼ି ହୋଇ ଚାଲିଯାଇଥିଲା । ଆଜି ସକାଳ ୪.୩୦ ସମୟରେ ଏହି ଦୁର୍ଘଟଣା ଘଟିଥିଲା । ତେବେ ଏହି ଦୁର୍ଘଟଣାରେ କାହାର କିଛି କ୍ଷତି ହୋଇନଥିବା କୁହାଯାଇଛି ।
ସୂଚନା ମୁତାବକ, ବୋଦବଡ ରେଳ ଷ୍ଟେସନ ନିକଟରେ ସକାଳ ୪.୩୦ ସମୟରେ ଅମରାବତୀ ଏକ୍ସପ୍ରେସ ଏକ ଗହମ ବୋଝେଇ ଟ୍ରକକୁ ଧକ୍କା ଦେବା ସହ ପାଖାପାଖି ଅଧ କିମି ପର୍ଯ୍ୟନ୍ତ ଘୋଷାଡ଼ି ନେଇଥିଲା । ଟ୍ରକ ଚାଳକ ବନ୍ଦ ରେଲଓ୍ବେ ଗେଟକୁ ଭାଙ୍ଗି ଟ୍ରାକ ପାର କରିବାକୁ ପ୍ରୟାସ କରୁଥିବା ସମୟରେ ଏହି ଦୁର୍ଘଟଣା ଘଟିଥିଲା । ଟ୍ରେନକୁ ଦ୍ରୁତ ବେଗରେ ଆସି ଟ୍ରକକୁ ଟକ୍କର ଦେଇଥିଲା ।
ରାଜଧାନୀରେ ନିଶାସକ୍ତ ଯୁବତୀଙ୍କ ହାଇଡ୍ରାମା: ପୋଲିସ ୨ ଘଣ୍ଟା ଧରି ନାକେଦମ୍
ଭୁବନେଶ୍ବର: ରାଜଧାନୀ ଭୁବନେଶ୍ବରରେ ନିଶାସକ୍ତ ଯୁବତୀଙ୍କ ହାଇଡ୍ରାମା । ଗତକାଲି ରାତିରେ ଚନ୍ଦ୍ରଶେଖରପୁରର ଏକ ମଦ ଦୋକାନ ସମ୍ମୁଖରେ ଯୁବତୀଙ୍କ ଉତ୍ପାତ ଦେଖିବାକୁ ମିଳିଛି । ପୋଲିସ ଖବର ପାଇ ଯୁବତୀଙ୍କୁ ଉଦ୍ଧାର କରି ହସ୍ପିଟାଲ ନେଇଥିଲା । ହେଲେ ସେଠାରେ ମଧ୍ୟ ପୋଲିସକୁ ନାକେଦମ କରିଥିଲେ ନିଶାସକ୍ତ ଯୁବତୀ । ପ୍ରାୟ ୨ ଘଣ୍ଟା ଧରି ଚାଲିଥିଲା ଏହି ହାଇଡ୍ରାମା । ଯୁବତୀ ଜଣଙ୍କ ଏକ ସମ୍ଭ୍ରାନ୍ତ ପରିବାରର ହୋଇଥିବା ବେଳେ ଏଭଳି ଉତ୍ପାତ ସମସ୍ତଙ୍କୁ ତାଜୁବ କରିଛି । ଫାଇନ ପରେ ଯୁବତୀଙ୍କୁ ପୋଲିସ ଛାଡିଥିବା ଦେଖିବାକୁ ମିଳିଛି ।
IPL 2025 ପୂର୍ବରୁ ଦିଲ୍ଲୀ କ୍ୟାପିଟାଲ୍ସର ଅଧିନାୟକଙ୍କ ନାମ ଘୋଷଣା, କିଏ ସେହି ଖେଳାଳି?
ନୂଆଦିଲ୍ଲୀ: ଇଣ୍ଡିଆନ ପ୍ରିମିୟର ଲିଗ (IPL)ର ଆଗାମୀ ସିଜିନ ପାଇଁ ଆଉ ପାଖାପାଖି ୧ ସପ୍ତାହ ବାକି ରହିଛି । ଏହା ମଧ୍ୟରେ ଆଇପିଏଲ ୨୦୨୫କୁ ନେଇ ଏକ ବଡ଼ ଖବର ସାମ୍ନାକୁ ଆସିଛି । ଦିଲ୍ଲୀ କ୍ୟାପିଟାଲ୍ସ (DC) ତା’ର ଅଧିନାୟକଙ୍କ ନାମ ଘୋଷଣା କରିଛି । ଅଲରାଉଣ୍ଡର ଅକ୍ଷର ପଟେଲ ଆଇପିଏଲ ୨୦୨୫ରେ ଦିଲ୍ଲୀର ନେତୃତ୍ବ ନେବେ । କେଏଲ ରାହୁଲ ଦିଲ୍ଲୀ କ୍ୟାପିଟାଲ୍ସର ଅଧିନାୟକ ହେବେ ବୋଲି ପ୍ରଥମେ ଅନୁମାନ କରାଯାଉଥିଲା । ମାତ୍ର ଏବେ ଅକ୍ଷରଙ୍କ ମୁଣ୍ଡରେ ହାତୀ ସୁନା କଳସ ଢାଳିଛି । ଆଇପିଏଲ ୨୦୨୫ର ନିଲାମୀରେ ଦିଲ୍ଲୀ ଅକ୍ଷରଙ୍କୁ ୧୪ କୋଟି ଟଙ୍କାରେ କିଣିଥିଲା । ଏବେ ଫ୍ରାଞ୍ଚାଇଜି ତାଙ୍କୁ ଏକ ବଡ଼ ଦାୟିତ୍ବ ଦେଇଛି । ଟି-୨୦ କ୍ରିକେଟରେ ଅକ୍ଷର ୧୬ଟି ମ୍ୟାଚରେ ବରୋଦାର ନେତୃତ୍ବ ନେଇଛନ୍ତି । ସେଥିମଧ୍ୟରୁ ଟିମ ୧୦ଟି ମ୍ୟାଚରେ ବିଜୟୀ ହୋଇଥିଲା ।
ଅକ୍ଷର ଗତ ଆଇପିଏଲ ସିଜିନରେ ଏମ. ଚିନ୍ନାସ୍ବାମୀ ଷ୍ଟାଡିୟମରେ ରୟାଲ ଚାଲେଞ୍ଜର୍ସ ବେଙ୍ଗାଲୁରୁ (RCB) ବିପକ୍ଷରେ ଦିଲ୍ଲୀର ଅଧିନାୟକ ଦାୟିତ୍ବ ନେଇଥିଲେ । ସେତେବେଳେ ଦିଲ୍ଲୀକୁ ୪୭ ରନରେ ପରାଜୟର ସାମ୍ନା କରିବାକୁ ପଡ଼ିଥିଲା । ଅଧିନାୟକ ଭାବେ ସେ ୩୬.୪୦ ଆଭରେଜରେ ୩୬୪ ରନ ସଂଗ୍ରହ କରିଥିଲେ । ସେହି ଅବଧିରେ ତାଙ୍କର ସର୍ବାଧିକ ସ୍କୋର ୫୭ ରହିଥିଲା, ଯାହାକି ସେ ଗତ ସିଜିନରେ ଆରସିବି ବିପକ୍ଷରେ ସଂଗ୍ରହ କରିଥିଲେ । ଟି-୨୦ କ୍ରିକେଟରେ ଅକ୍ଷର ଅଧିନାୟକ ଥାଇ ୨୯.୦୭ ଆଭରେଜରେ ୧୩ଟି ଓ୍ବିକେଟ ଅକ୍ତିଆର କରିଥିଲେ । ଦିଲ୍ଲୀ କ୍ୟାପିଟାଲ୍ସର ଅଧିନାୟକ ପଦ ସମ୍ଭାଳିବା ସମ୍ମାନର ବିଷୟ ବୋଲି ଅକ୍ଷର କହିଛନ୍ତି ।
କନ୍ଧମାଳ କଳିଙ୍ଗା ଘାଟିରେ ବସ ଦୁର୍ଘଟଣା: ଦୁର୍ଘଟଣାରେ ୧୬ ଯାତ୍ରୀ ଆହତ
ଫୁଲବାଣୀ: କନ୍ଧମାଳ କଳିଙ୍ଗା ଘାଟିରେ ବସ ଦୁର୍ଘଟଣା। ଖମ୍ବେଶ୍ଵରୀ ନାମକ ଏକ ଘରୋଇ ବସ୍ ଦୁର୍ଘଟଣାଗ୍ରସ୍ତ ହୋଇଛି। ଭୋର ୫ଟା ସମୟରେ ବସଟି ଦୁର୍ଘଟଣାଗ୍ରସ୍ତ ହୋଇଥିଲା। ଦୁର୍ଘଟଣାରେ ୧୬ ଯାତ୍ରୀ ଆହତ ହୋଇଥିବା ଜଣାପଡିଛି। ଆହତମାନଙ୍କୁ ନିକଟସ୍ଥ ଭଞ୍ଜନଗର ମେଡିକାଲରେ ଭର୍ତ୍ତି କରାଯାଇଛି । ବସଟି ଛତିଶଗଡ଼ର ରାୟପୁରରୁ ବ୍ରହ୍ମପୁର ଅଭିମୁଖେ ଆସୁଥିବାବେଳେ ଦୁର୍ଘଟଣା ଘଟିଥିଲା। ବସରେ ପ୍ରାୟ ୪୦ରୁ ଅଧିକ ଯାତ୍ରୀ ଥିଲେ।ଘଟଣା ସ୍ଥଳରେ ଅଗ୍ନିଶମବାହିନୀ ପହଞ୍ଚି ଆହତ ଯାତ୍ରୀଙ୍କୁ ଉଦ୍ଧାର କରି ଆମ୍ବୁଲାନ୍ସ ଯୋଗେ ଭଞ୍ଜନଗର ମେଡିକାଲରେ ଭର୍ତ୍ତି କରିଥିଲେ। ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଚଳାଇଛି ।
ପୁରୀରେ ମଟନ ବଜାର ଖାଁ ଖାଁ: କ’ଣ ପାଇଁ ଛେଳି ମାଂସ ଖାଇବାକୁ ପଛଘୁଞ୍ଚା ଦେଉଛନ୍ତି ଗ୍ରାହକ?
ପୁରୀ: ପୁରୀରେ ମଟନ ବଜାର ଖାଁ ଖାଁ । ଛେଳି ମାଂସ ଖାଇବାକୁ ପଛଘୁଞ୍ଚା ଦେଉଛନ୍ତି ଗ୍ରାହକ । ସତ୍ୟବାଦୀ ଜୟା ଢ଼ାବାରେ ଗୋ ଚର୍ବି ମିଶାଯିବା ଖବର ଗଣମାଧ୍ୟମରେ ପ୍ରକାଶ ପରେ ଚିନ୍ତାରେ ଲୋକେ । ଫଳରେ ସମସ୍ତଙ୍କ ମନରେ ମଟନ ଖାଇବାକୁ ନେଇ ପୂର୍ବରୁ ଥିବା ଆଗ୍ରହ କମିବାରେ ଲାଗିଛି । ଜୟା ଢାବା ଘଟଣା ପରେ ସନାତନ ଧର୍ମ ତଥା ସାମାଜିକ ସ୍ତରରେ ସମସ୍ତଙ୍କ ମନରେ ମଟନ ପ୍ରତି ଘୃଣାଭାବ ସୃଷ୍ଟି ହୋଇଛି । ଶ୍ରୀକ୍ଷେତ୍ର ବାସୀଙ୍କ ମନରେ ଦ୍ୱନ୍ଦ୍ୱ ବଢ଼ିବାରେ ଲାଗିଥିବା ବେଳେ ଏହାର ଦୂରୀକରଣ ନେଇ ପ୍ରଶାସନର ପଦକ୍ଷେପକୁ ସାଧାରଣରେ ନାପସନ୍ଦ କରାଯାଇଛି । ମାଂସ ଟେଷ୍ଟ ରିପୋର୍ଟ ଆସିବାରେ ବିଳମ୍ବ ତଥା ପ୍ରଶାସନିକ କ୍ଷେତ୍ରରେ ଘଟଣାକୁ ନେଇ ନିଆଯାଉଥିବା ପଦକ୍ଷେପ ସନ୍ତୋଷ ଜନକ ନଥିବା ଅଭିଯୋଗ ହୋଇଛି । ଶୀଘ୍ର ଏ ଦିଗରେ ସଠିକ ପଦକ୍ଷେପ ନେବାକୁ ବୁଦ୍ଧିଜୀବୀଙ୍କ ମହଲରେ ଦାବି ହୋଇଛି ।
ଏହି ଚର୍ଚ୍ଚିତ ଘଟଣାର ପ୍ରକୃତ ସତ୍ୟ ପଦାକୁ ଆସିନଥିବା ବେଳେ କିଛି ଲୋକ ପ୍ରାୟଶ୍ଚିତ କରିବା ନେଇ ମୁଣ୍ଡନ ହେଉଥିବା ଦୃଶ୍ୟ ସମାଜରେ ଏକ ଭିନ୍ନ ବାର୍ତ୍ତା ପ୍ରଦାନ କରିଛି l ଏହି ଘଟଣା ପାଇଁ ପ୍ରଶାସନର କିଛି ବିଭାଗକୁ ଦାୟୀ କରିଛନ୍ତି ବୁଦ୍ଧିଜୀବୀ । ବହୁ ପୂର୍ବରୁ ଶ୍ରୀକ୍ଷେତ୍ର ପୁରୀରେ ପୌରସଂସ୍ଥା ଓ ପଶୁ ସମ୍ପଦ ବିଭାଗ ପକ୍ଷରୁ କଂସେଇ ଖାନାର ପ୍ରଚଳନ ରହିଥିବା ବେଳେ, ସାଧାରଣ ଲୋକେ ଏଥିରୁ ବେଶ ଉପକୃତ ହେଉଥିଲେ । ଧର୍ମକୁ ଆଖି ଠାର ଭଳି ଏବେ କଂସେଇ ଖାନା କାଗଜ କଲମରେ ଚାଲୁଛି। ରାସ୍ତା ଘାଟରେ କଟାଯାଉଛି ମଟନ। ଦୀର୍ଘ ୧୫ ବର୍ଷରୁ ଅଧିକ ସମୟ ହେବ ପୁରୀରେ କଂସେଇ ଖାନା କାର୍ଯ୍ୟକ୍ଷମ ନଥିବା ନେଇ ପଶୁ ସମ୍ପଦ ଅଧିକାରୀ ମତ ରଖିଛନ୍ତି । ଗୋ ସୁରକ୍ଷା ନେଇ ସରକାରଙ୍କ ପକ୍ଷରୁ ଏକ ସ୍ୱତ୍ରନ୍ତ୍ର ଆଇନ ରହିଛି। କିନ୍ତୁ ଏହାକୁ କଡା କଡି ଭାବେ ପାଳନ କରାଯାଉନଥିବାରୁ ଗୋ ଚାଲାଣ ଓ ଗୋ ହତ୍ୟା ବୃଦ୍ଧି ପାଉଥିବା ଅଭିଯୋଗ ହୋଇଛି ।
ତାମିଲନାଡୁରେ ବଢ଼ିଲା ଭାଷା ଯୁଦ୍ଧ: ରୁପି ସିମ୍ବଲ ହଟାଇଲେ ତାମିଲନାଡୁ ମୁଖ୍ୟମନ୍ତ୍ରୀ ଷ୍ଟାଲିନ
ଚେନ୍ନଇ: ତାମିଲନାଡୁରେ ବଢ଼ିଲା ହିନ୍ଦୀ ଭାଷା ବିବାଦ। ଏପରିକି ରାଜ୍ୟ ବଜେଟରେ ବି ପଡିଛି ଏହାର ପ୍ରତିଫଳନ। ସାରା ଦେଶରେ ପ୍ରଚଳିତ ଟଙ୍କାର ସାଙ୍କେତିକ ଚିହ୍ନକୁ ହଟାଇ ଦେଇଛନ୍ତି ଷ୍ଟାଲିନ। ପୂର୍ବରୁ ବଜେଟରେ ହିନ୍ଦୀ ଅକ୍ଷରର ଟଙ୍କା ସିମ୍ବଲକୁ ହଟାଇ ତାମିଲ `ରୁ’ କରିଛନ୍ତି। ୨୦୨୪ ବଜେଟରେ ସେ ଟଙ୍କାର ହିନ୍ଦୀ ସିମ୍ବଲକୁ ରଖିଥିବାବେଳେ ୨୦୫-୨୬ ବଜେଟରେ ତାମିଲ ଶବ୍ଦ ରୁ ଲେଖିଛନ୍ତି। ତାମିଲ ଭାଷାର ବ୍ୟାପକ ବ୍ୟବହାର କରିବା ଲାଗି ଷ୍ଟାଲିନ ଏହି ପଦକ୍ଷେପ ନେଇଛନ୍ତି। ୨୦୨୩-୨୪ ବଜେଟରେ ବି ଟଙ୍କାର ସିମ୍ବଲ ରହିଥିଲା। ମାତ୍ର ଚଳିତ ବଜେଟରେ ଏହି ସିମ୍ବଲ ହଚାଇଛନ୍ତି ଷ୍ଟାଲିନ। ଏହି ବହୁଚର୍ଚ୍ଚିତ ଟଙ୍କାର ସିମ୍ବଲକୁ ଆଇଆଇଟି ଗୁଆହାଟୀର ଜଣେ ପ୍ରଫେସର ଉଦୟ କୁମାର ପ୍ରସ୍ତୁତ କରିଥିଲେ। ବଡ଼କଥା ହେଉଛି ସେ ଡିଏମକେର ଜଣେ ନେତାଙ୍କ ପୁଅ ଥିଲେ। କୌଣସି ଏକ ରାଜ୍ୟ ଟଙ୍କାର ଜାତୀୟ ସିମ୍ବଲକୁ ରଦ୍ଦ କରିବାରେ ତାମିଲନାଡୁ ପ୍ରଥମ ରାଜ୍ୟ ଭାବେ ପରିଗଣିତ ହୋଇଛି। ରାଜ୍ୟ ସରକାରଙ୍କ ଏହି ନିଷ୍ପତ୍ତିକୁ ସମାଲୋଚନା କରିଛନ୍ତି ତାମିଲନାଡୁ ବିଜେପି ସଭାପତି କେ. ଆନାମଲାଇ।
ପାଣିରେ ବୁଡି ଭିସୁଟର ଜଣେ ଛାତ୍ରଙ୍କ ମୃତ୍ୟୁ
ବୁର୍ଲା: ପାଣିରେ ବୁଡି ଭିସୁଟର ଜଣେ ଛାତ୍ରଙ୍କ ମୃତ୍ୟୁ । ମୃତ ଛାତ୍ର ଜଣଙ୍କ ହେଲେ ପ୍ରିୟାଂଶୁ ପ୍ରକାଶ ବେହେରା । ତାଙ୍କ ଘର ଢେଙ୍କାନାଳ ଜ଼ିଲ୍ଲାରେ ହୋଇଥିବା ବେଳେ ସେ ସିଭିଲ ଇଞ୍ଜିନିୟରିଂରେ ପ୍ରଥମ ବର୍ଷର ଛାତ୍ର ଥିଲେ । ଆଜି ଅନ୍ୟ ସାଙ୍ଗ ମାନଙ୍କ ସହ ସମ୍ବଲପୁର ବୁର୍ଲା ସ୍ଥିତ ଅଠର ହଜାର କେନାଲକୁ ଗାଧୋଉଥିବା ପାଇଁ ଯାଇଥିଲେ । ସେଠାରେ ଗାଧୋଉଥିବା ବେଳେ ଅସାବଧାନତା ହେତୁ ପାଣିରେ ବୁଡ଼ିଯାଇଥିଲେ । ଅନ୍ୟ ସହପାଠୀମାନେ ତାଙ୍କୁ ଉଦ୍ଧାର କରିଥିଲେ ।