ପୂର୍ବତନ ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀଙ୍କ ଏକ ଆପତ୍ତିଜନକ ଫଟୋ ସୋସିଆଲ ମିଡିଆରେ ଭାଇରାଲ ହୋଇଛି । ଯାହାକୁ ଇନ୍ଦିରା ଗାନ୍ଧୀଙ୍କ ପ୍ରକୃତ ଫଟୋ ବୋଲି ଦାବି କରାଯାଉଛି ।
ପୋଷ୍ଟରେ କ’ଣ ଦାବି କରାଯାଇଛି ?
-ତେବେ ଏନେଇ ଜଣେ ୟୁଜର ଏକ୍ସରେ ଏହି ଫଟୋକୁ ପୋଷ୍ଟ କରି ଭାଜପା ସାଂସଦ ଏବଂ ଅଭିନେତ୍ରୀ କଙ୍ଗନା ରାଣାଓ୍ବତଙ୍କୁ ଟ୍ୟାଗ କରି ପ୍ରଶ୍ନ କରିଛନ୍ତି ଯଦି ‘ଇମରଜେନ୍ସି’ ଇନ୍ଦିରା ଗାନ୍ଧୀଙ୍କ ଉପରେ ଆଧାରିତ ତାହେଲେ ଇନ୍ଦିରା ଗାନ୍ଧୀଙ୍କ ଏଭଳି ରୂପକୁ କାହିଁକି ପରିବେଷଣ କରାଯାଇନାହିଁ ?
ସିଂ ସାବ୍ ନାମକ ହ୍ୟାଣ୍ଡେଲ କଙ୍ଗନାଙ୍କ ଟିମକୁ ଟ୍ୟାଗ୍ କରି ଲେଖା ଯାଇଥିଲା ଯେ, ‘‘ମୋର ବିଶ୍ୱାସ ଯେ@kanganaTeam ନିଜ ପ୍ରପୋଗଣ୍ଡା ଫିଲ୍ମରେ ଇନ୍ଦିରା ଗାନ୍ଧୀଙ୍କ ବେଶ୍ୟାବୃତ୍ତି ଦିଗର ଉଜାଗର କରିଥିବେ । ଏହା ସବୁକିଛି କେଜିବି ଏଜେଣ୍ଟଙ୍କ ‘ଦ ମିତ୍ରୋଖିନ-କେଜିବି ଇନ୍ ଦ ୱାର୍ଲଡ’’ ନାମକ ପୁସ୍ତକରେ ରହିଛି ।
ତେବେ କ’ଣ ଏଭଳି ଦାବିରେ କୌଣସି ସତ୍ୟତା ରହିଛି ? ନା ଏଭଳି ଦାବିରେ କୌଣସି ସତ୍ୟତା ନାହିଁ । ଏହା ମିଥ୍ୟା । ଏହା ଏକ AI ଜେନେରେଟେଡ ଚିତ୍ର ଅଟେ ..
ଆମକୁ କଣ ମିଳିଲା :
ସର୍ବପ୍ରଥମେ ଆମେ ଦାବିରେ ଉଲ୍ଲେଖ ହୋଇଥିବା ପୁସ୍ତକ ‘‘ ଦି ମିତ୍ରୋଖିନ’’ କେଜିବି ସ ଓ୍ବାର୍ଲ୍ଡ ପୁସ୍ତକ ପଢିଲୁ..
-ଆମେ ଏହି ପୁସ୍ତକଟିକୁ ନିଶୁଳ୍କ ଇ-ଲାଇବ୍ରେରୀରୁ ଡାଉନଲୋଡ କରିଥିଲୁ । ପରେ ଭାରତ ବିଷୟରେ ଉଲ୍ଲେଖ ଥିବା ସବୁ ଅଂଶକୁ ପଢିଥିଲୁ । ଏହି ପୁସ୍ତକରେ ବାସିଲି ନିକିତିଚ ମିତ୍ରୋଖିନଙ୍କ ଅନୁଭବ ବର୍ଣ୍ଣିତ ହୋଇଛି । ଯିଏ କେଜିବିର ପୂର୍ବ ଅଭିଲେଖପାଳ ଥିଲେ । ଯିଏ ସୋଭିଏତ ସଙ୍ଘର ପତନ ପରେ ୟୁନାଇଟେଡ କିଙ୍ଗଡମ ପଳାଇଆସିଥିଲେ ।
-ଅଧ୍ୟାୟ-୧୭ରେ , ଯାହାର ଶୀର୍ଷକ ଥିଲା ‘‘ ଭାରତ ସହିତ ବିଶେଷ ସମ୍ବନ୍ଧ’’ , ଭାଗ-୧: ଭାରତୀୟ ରାଷ୍ଟ୍ରୀୟ କଂଗ୍ରେସର ସର୍ବୋଚ୍ଚତା, ଏଥିରେ ଋଷ ଏବଂ ଭାରତ ସମ୍ବନ୍ଧୀୟ ସମେତ ପୂର୍ବ ଋଷୀୟ ସୁରକ୍ଷା ଏଜେନ୍ସି କେଜିବିର ପ୍ରଭାବ ବିଷୟରେ ଉଲ୍ଲେଖ କରାଯାଇଛି ।
-ଏଥିରେ ଭାରତ ବିଷୟରେ ଦୁଇଟି ଭାଗରେ ଉଲ୍ଲେଖ କରାଯାଇଛି । ଏଥିରେ ଶ୍ରୀମତୀ ଇନ୍ଦିରା ଗାନ୍ଧୀ ଓ ଋଷୀୟଙ୍କ ସହିତ କୌଣସି ବ୍ୟକ୍ତିଗତ ସମ୍ବନ୍ଧ ବିଷୟରେ କିଛି ଉଲ୍ଲେଖ କରାଯାଇ ନାହିଁ ।
-ଇଣ୍ଡେକ୍ସ ସେକ୍ସନରେ ଏକ ଚିତ୍ରର ଏକ ଅଂଶ ଅଛି । ସେହି ସେକ୍ସନରେ ଶ୍ରୀମତୀ ଇନ୍ଦିରା ଗାନ୍ଧୀଙ୍କ ଏକ ଫଟୋ ଦେଖାଯାଇଛି । ତାଙ୍କ ସହିତ ଦୁଇଜଣ ପୁରୁଷ ଛିଡା ହେଇଛନ୍ତି ।
– ଏଥିରେ ଲେଖା ଯାଇଛି ଯେ, ‘‘ ଇନ୍ଦିରା ଗାନ୍ଧୀଙ୍କ ବିରୁଦ୍ଧରେ ଲମ୍ବା ସମୟ ପର୍ଯ୍ୟନ୍ତ ଚାଲୁଥିବା ଆକର୍ଷଣ ଅଭିଯାନର ଏକ ପ୍ରକରଣ । ନୂଆଦିଲ୍ଲୀ ରେସିଡେନ୍ସିର ବିକ୍ଟର ଚେରକାଶିନ ଏବଂ ସୋଭିଏତ କଳାକାର ଇଲ୍ୟା ଗ୍ଲେଗୁନୋବ ଇନ୍ଦିରା ଗାନ୍ଧୀଙ୍କ ଫଟୋରେ ଅଛନ୍ତି ।
– ଏହି ପୁସ୍ତକରେ ଭାଇରାଲ ହୋଇଥିବା ଇନ୍ଦିରା ଗାନ୍ଧୀଙ୍କର କୌଣସି ଫଟୋ ଉପଲବ୍ଧ ନାହିଁ
-ଆମେ ଭାଇରାଲ ହୋଇଥିବା ଫଟୋକୁ ଗୁଗଲରେ ସର୍ଚ୍ଚ କରିବା ପରେ ଜାଣିବାକୁ ପାଇଲୁ ଯେ, ଏହାକୁ ଡେବିଏଣ୍ଟ ଆର୍ଟରେ ଅପଲୋଡ କରାଯାଇଥିଲା । ଯାହା କଳାକାର ଏବଂ କଳା ପ୍ରେମୀଙ୍କ ପାଇଁ ଏକ ଡିଜିଟାଲ ପ୍ଲାଟଫର୍ମ ଅଟେ । ଯେଉଁଠାରେ ଉପଭୋକ୍ତାମାନେ ପ୍ରତିଦିନ ହଜାର ହଜାର ଅନୋଖା କଳାକୃତି ପ୍ରସ୍ତୁତ କରିଥାଆନ୍ତି । ଯେଉଁଠାରେ ପେଣ୍ଟିଙ୍ଗ, ମୂର୍ତ୍ତି ସମେତ ଡିଜିଟାଲ ରଚନା, ପିକ୍ସେଲ କଳା ଏବଂ ଫିଲ୍ମ, ଏନିମେ ସାମିଲ ଅଟେ ।
-ତେବେ ‘‘HerSofterSide’’ ନାମକ ଏକ ୟୁଜର ଇନ୍ଦିରା ଗାନ୍ଧୀଙ୍କର ଏହି ଫଟୋକୁ ୨୦୨୩ରେ ଅପଲୋଡ କରିଥିଲେ ।
(ଏହି ଷ୍ଟୋରୀଟିକୁ ଶକ୍ତି କଲେକ୍ଟିଭରୁ ଉଦୃତ )
AI –ଡିଟେକ୍ସନ ଓ୍ବେବସାଇଟ- ଆମେ ଏହି ଫଟୋକୁ ଦୁଇଟି AI-ଡିଟେକ୍ସନ ଓ୍ବେବସାଇଟ ଯେମିତିକି ହାଇଭ ମଡରେସନ ଏବଂ ସାଇଟଇଞ୍ଜିନ AIରେ ଚଲେଇଥିଲୁ । ଦୁଇଟି ପ୍ଲାଟଫର୍ମରେ ଫଟୋଟି AI ଦ୍ବାରା ନିର୍ମିତ ବୋଲି ପ୍ରମାଣିତ ହେଲା ।
ଭାଇରାଲ ହେଉଥିବା ଫଟୋରେ କୌଣସି ସତ୍ୟତା ନାହିଁ । ଏହା AI ଦ୍ବାରା ଜେନେରେଟ କରାଯାଇଛି ।
