ନନ୍ଦିଘୋଷ ବ୍ୟୁରୋ: ଚାଷୀଙ୍କ ପିଛା ଛାଡ଼ୁନି ସମସ୍ୟା। କାଳ ବୈଶାଖୀ ବର୍ଷା, ପବନ ଉଜାଡି ଦେଲା ରବି ଫସଲ। । ପୁରୀ ଜିଲ୍ଲା ଅସ୍ତରଙ୍ଗ ଓ କାକଟପୁର ବ୍ଲକ ଅଞ୍ଚଳର ଘଟଣା। କିଛି ଦିନ ତଳେ ଟମାଟୋ ଚାଷ ନଷ୍ଟ ହୋଇଥିବା ବେଳେ ବର୍ତମାନ କାଳବୈଶାଖୀ ଉଜାଡି ଦେଇଛି ରବି ଫସଲ । ଏକର ଏକର ମୁଗଫସଲ ଶହ ପନିପରିବା ଫସଲ ମଧ୍ୟ ନଷ୍ଟ ହୋଇଛି । ଚଳିତ ବର୍ଷ ଦେବୀ ନଦୀ ଅବବାହିକା ଶହ ଅସ୍ତରଙ୍ଗ ଅଞ୍ଚଳ ବେଗୁନିଆବସ୍ତ, ନଈଗୁଆଁ, ଓସ୍ତପୁର, ଝାରିଆ ସମେତ ବିଭିନ୍ନ ଗାଁରେ ହେକ୍ଟର ହେକ୍ଟର ବିଲରେ ମୁଗ ଚାଷ କରିଥିଲେ । ଅଧିକାଂଶ ଚାଷୀ ଅନ୍ୟ ଜାଗାକୁ ଲିଜ ଆକାରରେ ଆଣି ଋଣ କରି ଚାଷ କରିଥିଲେ । କାଳ ବୈଶାଖୀ ବର୍ଷା ପାଈଁ ବ୍ୟାପକ ଫସଲ ନଷ୍ଟ ହୋଇଛି। ଉପୁଡ଼ା ହୋଇନଥିବା ମୁଗ ଛୁଇଁରେ ପାଣି ପଶି ଯିବାରୁ ସେଥିରୁ ଗଜା ବାହାରିଲାଣି । ବିଲରୁ ପାଣି ନିଷ୍କାସନ ହେବାରେ ମଧ୍ୟ ସମୟ ଲାଗିବ। ଆଗକୁ ଆଉ ବର୍ଷା ହେଲେ ସମ୍ପୂର୍ଣ୍ଣ ନଷ୍ଟ ହୋଇଯିବାର ସମ୍ଭାବନା ଦେଖାଦେଇଛି । ଋଣ କରି ଫସଲ କରିଥିବା ଚାଷୀ କିଭଳି ଭାବେ ଋଣ ପ୍ରରିଷୋଧ କରିବେ ସନେଇ ମୁଣ୍ଡରେ ହାତ ଦେଇ ବସିଛନ୍ତି ।
ଜଗତସିଂହପୁର-ଜନତାକୋଠି ବହି ଗୋଦାମରେ ଭୟାବହ ଅଗ୍ନିକାଣ୍ଡ
ନନ୍ଦିଘୋଷ ବ୍ୟୁରୋ: ଜଗତସିଂହପୁର ଜିଲ୍ଲା ଜନତାକୋଠି ବହି ଗୋଦାମରେ ଭୟାବହ ଅଗ୍ନିକାଣ୍ଡ । ବୁକ ଆଣ୍ଡ ସାହୁ ଏଜେନ୍ସି ଗୋଦାମରେ ଅଗ୍ନିକାଣ୍ଡ ହୋଇଛି । ଅଗ୍ନିକାଣ୍ଡରେ ଦୁଇ ଜଣ ଗୁରୁତର ହୋଇଛନ୍ତି । ସେମାନଙ୍କୁ କଟକ ବଡ଼ ମେଡିକାଲକୁ ସ୍ଥାନାନ୍ତର କରାଯାଇଛି । ଅଗ୍ନିକାଣ୍ଡର କାରଣ ଅସ୍ପଷ୍ଟ ରହିଥିବା ବେଳେ ଅଗ୍ନିଶମ ବାହିନୀ ପକ୍ଷରୁ ନିଆଁ ଲିଭା ଯାଉଛି । ସେପଟେ ବାଲିକୁଦା ପୋଲିସର ଘଟଣାର ତଦନ୍ତ ଜାରି ରହିଛି ।
ବରୀ ପୋଲିସକୁ ସଫଳତା, ବିପୁଳ ପରିମାଣର ମଦ ଜବତ
ନନ୍ଦିଘୋଷ ବ୍ୟୁରୋ: ଯାଜପୁର ଜିଲ୍ଲା ବରୀ ପୋଲିସକୁ ସଫଳତା । ବିପୁଳ ପରିମାଣର ଦେଶୀ, ବିଦେଶୀ ଚୋରା ମଦ ଜବତ କରିଛି ବରୀ ପୋଲିସ । ନାଥପୁର ଅଞ୍ଚଳରେ ଚୋରା ମଦ ବ୍ୟବସାୟ ନେଇ ଅଭିଯୋଗ ହୋଇ ଆସୁଥିଲା । ଏନେଇ ଗତକାଲି ବରୀ ପୁଲିସର ଏକ ଟିମ ନାଥପୁର ଅଞ୍ଚଳରେ ଚଢାଉ କରି ବିପୁଳ ପରିମାଣର ଦେଶୀ ବିଦେଶୀ ମଦ ଜବତ କରିଛି । ବରୀ ପୋଲିସ ଗତକାଲି ସନ୍ଧ୍ୟାରେ ଦୁଇ ଚୋରା ମଦ ବ୍ୟବସାୟୀଙ୍କୁ ଗିରଫ କରିବା ସହ ସେମାନଙ୍କ ନିକଟରୁ ବିପୁଳ ପରିମାଣର ମଦ ଜବତ କରିଛି । ବ୍ୟବସାୟୀ ଦୁଇଜଣ ଧାରପୁର ଅଞ୍ଚଳର ହୋଇଥିବା ବେଳେ ବରୀ ଅଞ୍ଚଳର ବିଭିନ୍ନ ସ୍ଥାନରେ ଚୋରା ମଦ ବ୍ୟବସାୟ କରୁଥିଲେ ।
ସରସ୍ବତୀ ଶିଶୁମନ୍ଦିରର ହଷ୍ଟେଲରେ ଛାତ୍ରଙ୍କୁ ମାଡ଼
ନନ୍ଦିଘୋଷ ବ୍ୟୁରୋ: ଶିଶୁ ମନ୍ଦିର ଛାତ୍ରଙ୍କୁ ଅମାନୁଷିକ ମାଡ଼ । ସମ୍ବଲପୁର ସ୍ଥିତ ଏକ ସରସ୍ବତୀ ଶିଶୁମନ୍ଦିରର ହଷ୍ଟେଲରେ ଜଣେ ଛାତ୍ରଙ୍କୁ ମାଡ଼ ମରାଯାଇଛି । ଶିକ୍ଷକ ରଶ୍ମି ରଂଜନ ନାୟକ ଜଣେ ସପ୍ତମ ଶ୍ରେଣୀ ଛାତ୍ରଙ୍କୁ ମାଡ଼ ମାରିଥିବା ଅଭିଯୋଗ ହୋଇଛି । ଆହତ ଛାତ୍ରଙ୍କୁ ମେଡିକାଲରେ ଚିକିତ୍ସିତ ହେବାକୁ ପଡ଼ିଛି । ଏନେଇ ଛାତ୍ରଙ୍କ ଅଭିଭାବକ ଥାନାରେ ଲିଖିତ ଅଭିଯୋଗ କରିଛନ୍ତି । ଶିକ୍ଷକ ରଶ୍ମି ରଂଜନ ନାୟକ ପାଖାପାଖି ୧୦ରୁ ଅଧିକ ଛାତ୍ରଙ୍କୁ ମାଡ ମାରିଥିବା ଛାତ୍ର କହିଛନ୍ତି ।
ସୁଶାନ୍ତ ସିଂଙ୍କ ହତ୍ୟାର କୌଣସି ପ୍ରମାଣ ନାହିଁ, ଜାଣନ୍ତୁ CBIର କ୍ଲୋଜର ରିପୋର୍ଟରେ ରହିଛି କଣ ?
ନନ୍ଦିଘୋଷ ବ୍ୟୁରୋ: ବଲିଉଡ ଅଭିନେତା ସୁଶାନ୍ତ ସିଂହ ରାଜପୁତଙ୍କ ମୃତ୍ୟୁ ମାମଲାରେ ପାଞ୍ଚ ବର୍ଷ ପରେ ସିବିଆଇ କ୍ଲୋଜର ରିପୋର୍ଟ ଦାଖଲ କରିଛି। ଏହି ମାମଲାର ତଦନ୍ତ ସମୟରେ, ସିବିଆଇ ହତ୍ୟାର କୌଣସି ପ୍ରମାଣ ପାଇଲା ନାହିଁ। କ୍ଲୋଜର ରିପୋର୍ଟରେ ସୁଶାନ୍ତ ସିଂହ ରାଜପୁତ ଆତ୍ମହତ୍ୟା କରିଥିବା କୁହାଯାଇଥିଲା। ସିବିଆଇ ତଦନ୍ତରେ ରିଆ ଚକ୍ରବର୍ତ୍ତୀଙ୍କୁ କ୍ଲିନ୍ ଚିଟ୍ ମିଳିଛି। ସୁଶାନ୍ତ ସିଂହ ରାଜପୁତ ଜୁନ୍ ୨୦୨୦ରେ ଆତ୍ମହତ୍ୟା କରିଥିଲେ।
ଏହି ମାମଲାରେ ଦୁଇଟି ପୃଥକ କ୍ଲୋଜର ରିପୋର୍ଟ ଦାଖଲ କରାଯାଇଛି। ସୁଶାନ୍ତଙ୍କ ବାପା ରିଆ ଚକ୍ରବର୍ତ୍ତୀଙ୍କ ବିରୋଧରେ କରିଥିବା ଅଭିଯୋଗ ଏବଂ ସୁଶାନ୍ତଙ୍କ ପରିବାର ବିରୋଧରେ ରିଆଙ୍କ ଅଭିଯୋଗ ଉଭୟ ମାମଲାରେ ଏକ କ୍ଲୋଜର ରିପୋର୍ଟ ଦାଖଲ କରାଯାଇଛି। ପ୍ରଥମ କ୍ଲୋଜର ରିପୋର୍ଟ ମୁମ୍ବାଇରେ ଦାଖଲ କରାଯାଇଥିବା ବେଳେ ଦ୍ୱିତୀୟ କ୍ଲୋଜର ରିପୋର୍ଟ ପାଟନାରେ ଦାଖଲ କରାଯାଇଛି। ସୁଶାନ୍ତଙ୍କ ବାପାଙ୍କ ଦ୍ୱାରା ଗୋଟିଏ ମାମଲା ଦାୟର କରାଯାଇଥିଲା, ଯାହା ଅଭିନେତାଙ୍କୁ ଆତ୍ମହତ୍ୟା ପାଇଁ ପ୍ରୋତ୍ସାହିତ କରିବା ସହିତ ଜଡିତ, ଯେତେବେଳେ ଦ୍ୱିତୀୟ ମାମଲା ସୁଶାନ୍ତଙ୍କ କଥିତ ପ୍ରେମିକା ରିଆ ଚକ୍ରବର୍ତ୍ତୀ ତାଙ୍କ ଭଉଣୀମାନଙ୍କ ବିରୁଦ୍ଧରେ ଦାୟର କରିଥିଲେ।
ସୁଶାନ୍ତଙ୍କ ମୃତ୍ୟୁ ପାଇଁ କେହି ଦାୟୀ ନୁହଁନ୍ତି – ସିବିଆଇ
ରିପୋର୍ଟ ଏବଂ ସୂତ୍ର ଅନୁସାରେ, ରିଆ ଏବଂ ତାଙ୍କ ପରିବାରକୁ କ୍ଲିନ୍ ଚିଟ୍ ଦିଆଯାଇଛି। ସୁଶାନ୍ତ ସିଂହ ରାଜପୁତଙ୍କୁ ଆତ୍ମହତ୍ୟା ପାଇଁ କେହି ପ୍ରବର୍ତ୍ତାଇଥିଲେ ବୋଲି ପ୍ରମାଣିତ କରିପାରିବା ଭଳି କୌଣସି ପ୍ରମାଣ ସିବିଆଇ ପାଇନାହିଁ। ଅର୍ଥାତ୍ ସୁଶାନ୍ତ ସିଂହ ରାଜପୁତଙ୍କ ମୃତ୍ୟୁ ପାଇଁ କେହି ଦାୟୀ ନୁହଁନ୍ତି। ଏବେ କୋର୍ଟ ନିଷ୍ପତ୍ତି ନେବେ ଯେ ରିପୋର୍ଟକୁ ଗ୍ରହଣ କରିବେ ନା ଏଜେନ୍ସିକୁ ଅଧିକ ତଦନ୍ତ କରିବାକୁ ନିର୍ଦ୍ଦେଶ ଦେବେ।
ପ୍ରବାସୀଙ୍କ ବିରୋଧରେ ଅଧିକ ଉଗ୍ର ହେଲା ଆମେରିକାର ଟ୍ରମ୍ପ ପ୍ରଶାସନ
ନନ୍ଦିଘୋଷ ବ୍ୟୁରୋ: ପ୍ରବାସୀଙ୍କ ବିରୋଧରେ ଅଧିକ ଉଗ୍ର ହେଲା ଆମେରିକା ଟ୍ରମ୍ପ ପ୍ରଶାସନ । ଆଉ ୫ ଲକ୍ଷ ୩୦ ହଜାର କ୍ୟୁବା, ହାଇତି, ନିକାରାଗୁଆ ଓ ଭେନିଜୁଏଲା ନାଗରିକଙ୍କୁ ଫେରାଇ ଦେବା ଲାଗି ଆମେରିକା ନେଇଛି ନିଷ୍ପତ୍ତି । ଖୁବ୍ ଶୀଘ୍ର ସେମାନଙ୍କର ଆଇନଗତ ସୁରକ୍ଷା ହଟାଇଦିଆଯିବ ବୋଲି ସୂଚନା ମିଳିଛି । ଏହି ଚାରି ରାଷ୍ଟ୍ରର ଯେଉଁ ପ୍ରବାସୀମାନେ ଅକ୍ଟୋବର ୨୦୨୨ରୁ ଆମେରିକାରେ ରହୁଥିଲେ ଏବଂ ଦୁଇ ବର୍ଷ ଲାଗି ପରମିଟ ପାଇଥିଲେ ସେମାନଙ୍କଠାରୁ ଆଇନଗତ ସୁରକ୍ଷା ହଟାଇଦିଆଯିବ ବୋଲି କୁହାଯାଇଛି । ଆସନ୍ତା ଏପ୍ରିଲ ୩୦ କିମ୍ବା ନୋଟିସ ଜାରି ହେବାର ୩୦ ଦିନ ପରେ ସେମାନେ ଆମେରିକାରେ ଆଉ ରହିବାର ଯୋଗ୍ୟତା ହାସଲ କରିବେ ନାହିଁ ।
ପୂର୍ବତନ ରାଷ୍ଟ୍ରପତି ଜୋ ବାଇଡେନଙ୍କ ସମୟରେ ପ୍ରଦାନ କରାଯାଇଥିବା ପାରୋଲ ନୀତିକୁ ଟ୍ରମ୍ପ ପ୍ରଶାସନ ରଦ୍ଦ କରିବା ପରେଲକ୍ଷ ଲକ୍ଷ ପ୍ରବାସୀ ଆମେରିକା ଛାଡିବା ନିଶ୍ଚିତ ହୋଇଛି । ସେପଟେ ଆମେରିକାରେ ରହୁଥିବା ଭାରତୀୟ ଛାତ୍ରମାନେ ଆମେରିକୀୟ ନିୟମ ଅନୁସାରେ ରହିବା ଲାଗି ପରାମର୍ଶ ଦେଇଛି କେନ୍ଦ୍ର ବୈଦେଶିକ ବ୍ୟାପାର ମନ୍ତ୍ରାଳୟ । ପୂର୍ବରୁ ହମାସ ଲିଙ୍କ୍ ଅଭିଯୋଗରେ ରଞ୍ଜନୀ ଶ୍ରୀନିବାସନ ନାମ୍ନୀ ଜଣେ ଛାତ୍ରୀଙ୍କୁ ପଠାଇଦିଆଯାଇଥିବାବେଳେ ବାଦର ଖାଁ ସୁରୀ ନାମକ ଅନ୍ୟ ଜଣେ ଛାତ୍ରଙ୍କ ଉପରେ ସମଧରଣର ବିପଦ ରହିଛି । ଯଦିଓ ଭାରତ ଫେରିବା ଉପରେ କୋର୍ଟ ସ୍ଥଗିତାଦେଶ ଦେଇଛନ୍ତି ତଥାପି ତାଙ୍କ ଉପରୁ ବିପଦ ଟଳି ନାହିଁ । ଆମେରିକାରେ ବହୁ ସଂଖ୍ୟକ ଭାରତୀୟ ଛାତ୍ର ପଢୁଥିବାରୁ ଆଇନକାନୁନ ପ୍ରତି ସଜାଗ ହେବା ଲାଗି ପରାମର୍ଶ ଦିଆଯାଇଛି ।
ଜିତିଲା RCB, ଖୁସି ହେଲେ ହାର୍ଦ୍ଦିକ ପାଣ୍ଡ୍ୟା
ନନ୍ଦିଘୋଷ ବ୍ୟୁରୋ: ଶନିବାରଠାରୁ ଆଇପିଏଲ ୨୦୨୫ର ସିଜିନ ଆରମ୍ଭ ହୋଇଛି । ଉଦଘାଟନୀ ମ୍ୟାଚରେ ଡିଫେନ୍ଡି ଚାମ୍ପିୟନ କୋଲକାତା ନାଇଟ ରାଇଡର୍ସର ହୋମ ଗ୍ରାଉଣ୍ଡରେ ଇଡେନ ଗାଡେନରେ RCB ଘରୋଇ ଦଳକୁ ପରାସ୍ତ କରିଛି । ତେବେ ବିଜୟରୁ ଅଭିଯାନ ଆରମ୍ଭ କରିଥିବା RCBର ବିଜୟରେ ବେଶ ଖୁସି ଜଣା ପଡ଼ିଛନ୍ତି ମୁମ୍ବାଇ ଇଣ୍ଡିଆନ୍ସର ଅଧିନାୟକ ହାର୍ଦ୍ଦିକ ପାଣ୍ଡ୍ୟା । ତେବେ ଏହି ଖୁସି ପଛରେ ରହିଛନ୍ତି କୁନାଲ ପାଣ୍ଡ୍ୟା । ବଡ଼ଭାଇ ବାଙ୍ଗାଲୋର ଦଳରେ ରହିଥିବାବେଳେ ପ୍ରଥମ ମ୍ୟାଚରେ ଦମଦାର ପ୍ରଦର୍ଶନ କରିଛନ୍ତି । ସେ ୩ ଓ୍ବିକେଟ ଅକ୍ତିଆର କରି କୋଲକାତାର ବ୍ୟାଟ୍ସମ୍ୟାନଙ୍କୁ ଧରାଶାୟୀ କରିଛନ୍ତି । ଏହି ଖୁସିରେ ଭାଇଙ୍କୁ ଶୁଭେଚ୍ଛା ଜଣାଇବା ସହ ଇନଷ୍ଟାରେ ଏକ ଷ୍ଟୋରୀ ସେୟାର କରିଛନ୍ତି ହାର୍ଦ୍ଦିକ ।
ଆଜି ଭଙ୍ଗ ହେବ କାନାଡା ପାର୍ଲାମେଣ୍ଟ
ନନ୍ଦିଘୋଷ ବ୍ୟୁରୋ: ଆଜି ଭଙ୍ଗ ହେବ କାନାଡା ପାର୍ଲାମେଣ୍ଟ । ସଂସଦ ଭଙ୍ଗନେଇ ଗଭର୍ଣ୍ଣର ଜେନେରାଲଙ୍କୁ ସୁପାରିସ କରିବେ ପ୍ରଧାନମନ୍ତ୍ରୀ ମାର୍କ କାର୍ଣ୍ଣି । ଏହା ସହ ଆସନ୍ତା ଏପ୍ରିଲ୨୮ କିମ୍ବା ମେ ୫ରେ ନିର୍ବାଚନ ନେଇ କରିପାରନ୍ତି ଘୋଷଣା । ଜଷ୍ଟିନ ଟ୍ରୁଡୁଙ୍କ ପରେ ପ୍ରଧାନମନ୍ତ୍ରୀ ଭାବେ ଦାୟିତ୍ବ ନେବାର କିଛି ଦିନ ଅନ୍ତେ ପାର୍ଲାମେଣ୍ଟକୁ ଭଙ୍ଗ କରିପାରନ୍ତି କାର୍ଣ୍ଣି । ପ୍ରଧାନମନ୍ତ୍ରୀ ଭାବେ ଦାୟିତ୍ବ ନେବା ପରେ ସେ ନୂଆ କ୍ୟାବିନେଟ ନିଯୁକ୍ତ କରିଥିଲେ । ଆମେରିକା ସହ ଟ୍ରେଡ ଓ୍ବାର ଚାଲିଥିବାବେଳେ କାନାଡା ନିର୍ବାଚନ ଅନେକ ଗୁରୁତ୍ବ ବହନ କରିବ । ସେପଟେ ସାନି ନିର୍ବାଚନ ଲାଗି ପ୍ରସ୍ତୁତ ହେଲେଣି ଲିବରାଲ, କଞ୍ଜରଭେଟିଭ ଓ ନ୍ୟୁ ଡେମୋକ୍ରାଟିକ ପାର୍ଟି । ଲିବରାଲ ପାର୍ଟି ପକ୍ଷରୁ ଅନେକ ହାଇପ୍ରୋଫାଇଲ ବ୍ୟକ୍ତିଙ୍କୁ ପ୍ରାର୍ଥୀ କରାଯାଉଛି । ସେମାନଙ୍କ ମଧ୍ୟରେ ଅନ୍ୟତମ ହେଉଛନ୍ତି ପୂର୍ବତନ ଭାଙ୍କୋଭର ମେୟର ଗ୍ରିଗର ରବର୍ଟସନ । ୬୦ ବର୍ଷ ବୟସ୍କ ତଥା ବ୍ୟାଙ୍କ ଅଫ ଇଂଲଣ୍ଡର ପୂର୍ବତନ ଗଭର୍ଣ୍ଣର ମାର୍କ କାର୍ଣ୍ଣିଙ୍କ ଲାଗି ଏହି ନିର୍ବାଚନ ଅଗ୍ନିପରୀକ୍ଷା ବୋଲି କୁହାଯାଉଛି ।
ବରଗଡ଼ କୋର୍ଟ ସମ୍ମୁଖରୁ ଅପହରଣ ଅଭିଯୋଗ
ନନ୍ଦିଘୋଷ ବ୍ୟୁରୋ: ବରଗଡ଼ କୋର୍ଟ ସମ୍ମୁଖରୁ ଅପହରଣ ଅଭିଯୋଗ । ଝାରସୁଗୁଡାର ନିରଞ୍ଜନ ସୁନାଙ୍କୁ ଅପହରଣ କରାଯାଇଥିବା ନେଇ ଟାଉନ ଥାନାରେ ଅଭିଯୋଗ କଲେ ପରିବାର ଲୋକେ । ଏକ ଜମି ବିକ୍ରି ମାମଲାର ଶୁଣାଣୀ ବେଳେ ନିରଞ୍ଜନଙ୍କୁ ବରଗଡ଼ କୋର୍ଟ ସମ୍ମୁଖରୁ ମମତା ଅଗ୍ରୱାଲ ଓ ତାଙ୍କ ସ୍ୱାମୀ ଅପହରଣ କରିଥିବା ଅଭିଯୋଗ ହୋଇଛି । ଅଭିଯୋଗ ପରେ ପୋଲିସ ତାଙ୍କୁ ଉଦ୍ଧାର କରିଥିବାବେଳେ ମାଡ଼ପିଟ କରିବା ସହ ଏକ ହୋଟେଲରେ ରଖିଥିବା ନିରଞ୍ଜନ ଅଭିଯୋଗ କରିଛନ୍ତି । ଅନ୍ୟ ପଟେ ମମତାଙ୍କ ଠାରୁ ୨୮ ଲକ୍ଷ ଟଙ୍କା ଜମି ବିକ୍ରି କରିବା ପାଇଁ ଆଡଭାନ୍ସ ନେଇଥିବା ଓ ଫେରାଇ ନଥିବା ମମତା ଜଣାଇବା ସହ ନିରଞ୍ଜନ କୋର୍ଟ ସମ୍ମୁଖରେ ମମତାଙ୍କୁ ଖରାପ ବ୍ୟବହାର ଦେଖାଇଥିବା ପାଲଟା ଅଭିଯୋଗ କରିଛନ୍ତି । ଏନେଇ ବରଗଡ଼ ପୋଲିସ୍ ତଦନ୍ତ ଜାରି ରଖିଛି ।
ଆସିଲା ମର୍ଚ୍ଚାଣ୍ଟ ନାଭି ଅଫିସର ସୌରଭ ରାଜପୁତଙ୍କ ପୋଷ୍ଟମର୍ଟମ ରିପୋର୍ଟ : ଛାତିରେ ଛୁରୀ ଭୁସି କରିଥିଲେ ହତ୍ୟା
ନନ୍ଦିଘୋଷ ବ୍ୟୁରୋ: ଆସିଲା ହତ୍ୟାର ଶିକାର ହୋଇଥିବା ମର୍ଚ୍ଚାଣ୍ଟ ନାଭି ଅଫିସର ସୌରଭ ରାଜପୁତଙ୍କ ପୋଷ୍ଟମର୍ଟମ ରିପୋର୍ଟ। ପତ୍ନୀ ମୁସକାନ ରାସ୍ତୋଗୀ ଓ ପ୍ରେମିକ ସାହିଲ ଶୁକ୍ଳା ଅତି ବୀଭତ୍ସ ଭାବେ ସୌରଭଙ୍କୁ ହତ୍ୟା କରିଥିଲେ। ସୌରଭଙ୍କ ମୁଣ୍ଡକୁ କାଟି ଦିଆଯାଇଥିାବବେଳେ ହାତ ଦୁଇଟିକୁ ବି କାଟି ଦିଆଯାଇଥିଲା। ଦୁଇ ଗୋଡକୁ ପଛପଟୁ ବଙ୍କେଇ ଦିଆଯାଇଥିଲା। ଡ୍ରମ ଭିତରେ ଶବକୁ ପ୍ୟାକ କରିବା ଲାଗି ଏପରି କରାଯାଇଥିଲା। ଅତ୍ୟଧିକ ରକ୍ତସ୍ରାବ ଯୋଗୁ ତାଙ୍କର ମୃତ୍ୟୁ ଘଟିଥିଲା। ଗତ ମାର୍ଚ୍ଚ ୪ ତାରିଖରେ ସୌରଭଙ୍କୁ ନିଶା ଦେବା ପରେ ତାଙ୍କ ଛାତିରେ ଛୁରୀ ଭୁସି ହତ୍ୟା କରାଯାଇଥିଲା। ଶରୀରରୁ ଚର୍ମ ଉତାରି ଦିଆଯିବା ପରେ ଶବକୁ ଏକ ଡ୍ରମରେ ପୂରାଇ ସିମେଣ୍ଟରେ ସିଲ୍ କରିଦିଆଯାଇଥିଲା। ପରେ ସେମାନେ ହିମାଚଳ ପ୍ରଦେଶ ସିମଲାକୁ ବୁଲିବାକୁ ଚାଲିଯାଇଥିଲେ। ଅପରାଧକୁ ଘୋଡ଼ାଇବା ଲାଗି ସୌରଭଙ୍କ ଫୋନରୁ ସେମାନେ ମେସେଜ ଦେଇଥିଲେ। ଗତ ମାର୍ଚ୍ଚ ୧୮ ତାରିଖରେ ହତ୍ୟାକାଣ୍ଡ ସମ୍ପର୍କରେ ଜଣାପଡିଥିଲା।