ବିଜେପି ପ୍ରାର୍ଥୀଙ୍କୁ ପ୍ରଶ୍ନ କଲେ ଲୋକ, ଆକ୍ରମଣ କରିବା ସହ ଜୀବନରୁ ମାରି ଦେବାକୁ ଧମକ ଦେଲେ କର୍ମୀ

ନନ୍ଦିଘୋଷ ବ୍ୟୁରୋ: ପରାଜୟ ଭୟରେ ରକ୍ତମୁଖା ପାଲଟୁଛି ବିଜେପି । ବିଜେପି ପ୍ରାର୍ଥୀଙ୍କୁ ପ୍ରଶ୍ନ କଲେ ଲୋକଙ୍କୁ ଆକ୍ରମଣ କରିବା ସହ ଜୀବନରୁ ମାରିଦେବାକୁ ବିଜେପି କର୍ମୀ ଧମକ ଦେଉଥିବା ଅଭିଯୋଗ ହୋଇଛି । ଆଠଗଡ ଅନନ୍ତପୁର ଗାଁରେ ଆଜି ବିଜେପି ପ୍ରାର୍ଥୀ ପ୍ରଚାର କରୁଥିବା ବେଳେ ଗ୍ରାମବାସୀ ତାଙ୍କୁ ବିରୋଧ କରିଥିଲେ । ନିର୍ବାଚନ ଆସିବାରୁ ବିଜେପି ପ୍ରାର୍ଥୀଙ୍କ ଦେଖାମିଳିଥିବାରୁ ଲୋକଙ୍କ ମଧ୍ୟରେ ଅସନ୍ତୋଷ ଦେଖବାକୁ ମିଳିଥିଲା । ଏନେଇ ରାଲିକୁ ଗାଁ ଭିତରକୁ ପ୍ରବେଶ କରିବାକୁ ବାରଣ କରିଥିଲେ ଲୋକେ । ଫଳରେ ବିଜେପି ପ୍ରାର୍ଥୀ ଫେରିଯାଇ ଅନନ୍ତପୁର ଥାନରେ ଆକ୍ରମଣ ହୋଇଥିବା ମିଛ ଏଫଆଇ ଆର ଦେଇଥିବା ଅଭିଯୋଗ ହୋଇଥିଲା । ସେହି ସମୟରେ  ଗ୍ରାମବାସୀ ଏବଂ କିଛି ବିଜେଡି କର୍ମୀ ଥାନାରେ ପହଞ୍ଚି ପାଲଟା ଅଭିଯୋଗ କରିଥିଲେ । ଏଥିରେ ଉତ୍ୟକ୍ତ ହୋଇ ବିଜେପି କର୍ମୀ କିଛି ସାଧାରଣ ଲୋକ ଏବଂ ବିଜେଡି କର୍ମୀଙ୍କୁ ଆକ୍ରମଣ କରିଛନ୍ତି । ବିଜେପି କର୍ମୀଙ୍କ ଢେଲା ମାଡ଼ରେ ଦୁଇଜଣ ଆହତ ହୋଇଛନ୍ତି । ବିଜେପି କର୍ମୀ ମାନେ ବିଜେଡି କର୍ମୀଙ୍କ ଆଠରୁ ଅଧିକ ଗାଡି ଭାଙ୍ଗିଥିବା ଦେଖିବାକୁ ମିଳିଛି l ଘଟଣା ସ୍ଥଳରେ କଟକ ଜିଲ୍ଲା ଅତିରିକ୍ତ ଏସ୍ପି ପହଞ୍ଚି ପରିସ୍ଥିତିକୁ ନିୟନ୍ତ୍ରଣକୁ ଆଣିଛନ୍ତି । ଘଟଣାର ତଦନ୍ତ ପାଇଁ ପୋଲିସକୁ ନିର୍ଦ୍ଦେଶ ଦେଇଛନ୍ତି । …