ବ୍ରଜରାଜନଗର ଦଖଲ ପାଇଁ ବିଜେଡିର ଜୋରଦାର ପ୍ରସ୍ତୁତି

1 min read

ଝାରସୁଗୁଡା: ଉପନିର୍ବାଚନରେ ବ୍ରଜରାଜନଗର ଦଖଲ ପାଇଁ ପୂରା ଜୋର ଲଗାଇ ଦେଇଛି ଶାସକ ଦଳ ବିଜେଡି । ଆସନ୍ତା ୩୧ ତାରିଖରେ ହେବାକୁ ଥିବା ନିର୍ବାଚନ ପାଇଁ ଚାଲିଛି ଜୋରଦାର ପ୍ରସ୍ତୁତି । ଆଜି ବେଲପାହାଡଠାରେ ବିଜେଡି ପକ୍ଷରୁ ଏକ କର୍ମୀ ସମ୍ମିଳନୀ ଅନୁଷ୍ଠିତ ହୋଇଥିଲା । ଏଥିରେ ଆଗାମୀ ନିର୍ବାଚନ ପାଇଁ ଆଲୋଚନା କରାଯାଇଛି । ଏହି ଅଵସରରେ ବିଧାୟକ ପ୍ରାର୍ଥୀନୀ ଅଳକା ମହାନ୍ତି, ଅତାବିରା ବିଧାୟିକା  ସ୍ନେହାଙ୍ଗିନୀ ଛୁରୀଆ, କଟକ ମେୟର ସୁବାଷ ସିଂ, ଜିଲ୍ଲା ବିଜେଡିର ସହ ପର୍ଯ୍ୟବେକ୍ଷକ ବିଷ୍ଣୁ ପ୍ରସାଦ କେଡ଼ିଆ ପ୍ରମୁଖ ଉପସ୍ଥିତ ଥିଲେ l

କିଶୋର ମହାନ୍ତିଙ୍କ ପରଲୋକ ପରେ ଏହି ଆସନଟି ଖାଲି ପଡିଥିଲା । ବିଜେଡି ସ୍ବର୍ଗତ ମହାନ୍ତିଙ୍କ ପତ୍ନୀ ଅଳକା ମହାନ୍ତିଙ୍କୁ ପ୍ରାର୍ଥୀ କରିଛି । ସେହିପରି ବିଜେପି ପକ୍ଷରୁ ରାଧାରାଣୀ ପଣ୍ଡା ଏବଂ କଂଗ୍ରେସ ପକ୍ଷରୁ କିଶୋର ପଟେଲ ମୈଦାନକୁ ଓହ୍ଲାଇଛନ୍ତି । ମୁଖ୍ୟମନ୍ତ୍ରୀଙ୍କ ସ୍ବଚ୍ଛ ଓ ବିକାଶ କାମକୁ ନେଇ ବିଜେଡି ପଡିଆକୁ ଓହ୍ଲାଇଛି । ଦଳର ନେତା, ମନ୍ତ୍ରୀଙ୍କଠାରୁ ଆରମ୍ଭ କରି ସାଧାରଣ କର୍ମୀମାନେ ଅଳକାଙ୍କୁ ଜିତାଇବାକୁ ଲାଗିପଡିଛନ୍ତି । ଅନ୍ୟପଟେ ବିରୋଧୀ ଅଳକାଙ୍କ ବିଜୟ ଗାଡିକୁ ଅଟକାଇବାକୁ ଯୋଜନା କରୁଛନ୍ତି । ରାଜ୍ୟ ନେତାଙ୍କ ବଦଳରେ ଏହି ଦୁଇ ଜାତୀୟ ଦଳ ପଡୋଶୀ ରାଜ୍ୟର ନେତାଙ୍କ ଭରସାରେ ବ୍ରଜରାଜନଗର ଦଖଲ କରିବାକୁ ଯୋଜନା କରୁଛନ୍ତି ।

[DISPLAY_ULTIMATE_SOCIAL_ICONS]