ଭୁବନେଶ୍ବର: ପରାଜୟ ଭୟରେ ରକ୍ତମୁଖା ବିଜେପି। ପଦମପୁରରେ ବିଜେଡି କର୍ମୀ ସଂଜୁ ବରିହାଙ୍କୁ ଆକ୍ରମଣ ଘଟଣାରେ ରାଜ୍ୟ ନିର୍ବାଚନ ଅଧିକାରୀଙ୍କୁ ଭେଟିଛି ବିଜେଡି ଟିମ୍। ଗତକାଲି ପଦମପୁର ବ୍ଲକ ଦହିଗାଁ ପଞ୍ଚାୟତର ବୁବୁଡ଼ା ଗାଁରେ ବିଜେଡି କର୍ମୀ ସଞ୍ଜୁ ବରିହାଙ୍କୁ ବିଜେପି କର୍ମୀ ରିଙ୍କୁ ମେହେର ଓ ତାଙ୍କ ସହଯୋଗୀ ମରଣାନ୍ତକ ଆକ୍ରମଣ କରିଥିଲେ।
ଗୁରୁତର ଅବସ୍ଥାରେ ସଞ୍ଜୁଙ୍କୁ ଭିମସାରକୁ ସ୍ଥାନାନ୍ତର କରାଯାଇଛି। ଘଟଣା ନେଇ ସିଇଓଙ୍କୁ ଆକ୍ରମଣର ପ୍ରମାଣ ଦେଇଛି ବିଜେଡି ପ୍ରତିନିଧି ଟିମ୍। ତୁରନ୍ତ ରିଙ୍କୁ ମେହେର ଓ ତାଙ୍କ ସହଯୋଗୀଙ୍କୁ ଗିରଫ ପାଇଁ ଦାବି ଜଣାଇଛି ବିଜେଡି। ବିଜେପି ଅଭ୍ୟାସଗତ ଅପରାଧୀଙ୍କୁ ଧରି ପ୍ରଚାର ଚଳାଇଛି। ବିଜେପି DNAରେ ହିଂସା ରହିଛି। ପୂର୍ଵରୁ ବିଜେଡି ନେତା ସୁଶାନ୍ତ ସିଂଙ୍କ ଉପରେ ମଧ୍ୟ ବିଜେପୁର ଉପନିର୍ବାଚନ ବେଳେ ମରଣାନ୍ତକ ଆକ୍ରମଣ ହୋଇଥିଲା।
ଜେଲରୁ ବେଲରେ ଆସି କିଛି ନେତା ମାଷ୍ଟରମାଇଣ୍ଡ ଭାବେ କାମ କରୁଛି। ପରାଜୟ ଭୟରେ ବିଜେପି ଏଭଳି ଆକ୍ରମଣ କରିଥିବା ବିଜେଡି ଅଭିଯୋଗ କରିଛି । ରିଙ୍କୁ ମେହେରଙ୍କ ପଛରେ କିଏ, ସେନେଇ ତଦନ୍ତ କରିବାକୁ ଦାବି କରିଛି।
