ଭୋଟର ଦୁଆରେ ପଖାଳ ଖାଇଲେ ବର୍ଷା ସିଂ ବରିହା

ପଦମପୁର: ଗାଁ ଗାଁ ପଡ଼ା ପଡ଼ା ବୁଲୁଛନ୍ତି ବିଜେଡି ପ୍ରାର୍ଥୀ ବର୍ଷା ସିଂ ବରିହା  । ଭୋଟରଙ୍କ ସହ ମିଶୁଛନ୍ତି, କାମ କରିବାର ସୁଯୋଗ ମାଗୁଛନ୍ତି  । ସାଧାରଣ ଲୋକଙ୍କ ସହ ମିଶିବାର ତରିକା ତାଙ୍କୁ ଲୋକଙ୍କ ନିକଟତର କରିଛି  । ଆଜି  ପଦମପୁରରେ ପ୍ରଚାର କରିବା ସମୟରେ ବର୍ଷା ଭୋଟରଙ୍କ ଦୁଆରେ ବସି ପଖାଳ ଖାଇଥିଲେ  । ଯାହା ତାଙ୍କୁ ସାଧାରଣ ଲୋକଙ୍କ ସହ ଜଡ଼ିତ କରିଛି  । ସ୍ଥାନୀୟ ଅଞ୍ଚଳରେ ପ୍ରାର୍ଥୀଙ୍କ ସରଳତାକୁ ନେଇ ଚର୍ଚ୍ଚା ହେଉଛି  ।

ଉପନିର୍ବାଚନ ପାଇଁ ଜୋରାଦାର ପ୍ରଚାର କରୁଛି ବିଜେଡି । ବାପା ବିଜୟ ରଞ୍ଜନ ସିଂ ବରିହାଙ୍କ ଜନ୍ମଦିନରେ ଫଟୋରେ ଫୁଲ ମାଳ ଦେଇ ଗାଁ ଗାଁ ବୁଲୁଛନ୍ତି ବିଜେଡି ପ୍ରାର୍ଥୀ ବର୍ଷା ସିଂ ବରିହା । ବାପାଙ୍କ ଦେହାନ୍ତ ପରେ ଭାଙ୍ଗିପଡ଼ିଥା ବର୍ଷାଙ୍କ ପ୍ରତି ବଢୁଛି ସମର୍ଥନ । ଝିଅ ଭଳି ଆପଣାଇନେଇଛନ୍ତି ଗାଁ ଲୋକ । ବର୍ଷାଙ୍କୁ ଜିତାଇବାକୁ ପଣ କରିଛନ୍ତି ମହିଳାମାନେ । ଚଣ୍ଡିଭଟାରେ ଦେଖିବାକୁ ମିଳିଛି ବର୍ଷାଙ୍କ ପ୍ରତି ଭଲପାଇବାର ଏକ ନିଆରା ଦୃଶ୍ୟ । ଆଖିର ଲୁହ ପୋଛିଦେଇ ଗୋଟିଏ କଂସାରେ ପଖାଳ ଖୁଆଇଦେଉଛନ୍ତି ମହିଳା ।