ପଦ୍ମପୁର ଉପନିର୍ବାଚନରେ ବିଜେଡି ପ୍ରାର୍ଥୀଙ୍କ ପାଇଁ ପ୍ରଚାର କରିବେ ବିଜେବି କଲେଜ ଛାତ୍ରଛାତ୍ରୀ

ଭୁବନେଶ୍ୱର: ପଦମପୁର ଉପ ନିର୍ବାଚନରେ ବିଜେଡିର ପ୍ରାର୍ଥୀ ହୋଇଛନ୍ତି ବିଜେବି କଲେଜର ପୂର୍ବତନ ଛାତ୍ରୀ ବର୍ଷା ସିଂ ବରିହା । ବର୍ଷା ସିଂ ବରିହାଙ୍କୁ ଟିକେଟ ପ୍ରଦାନ କରିଥିବାରୁ ବିଜେଡି ସୁପ୍ରିମୋ ନବୀନ ପଟ୍ଟନାୟକଙ୍କୁ ଧନ୍ୟବାଦ ଜଣାଇଛନ୍ତି ବିଜେବି କଲେଜ ବିଜୁ ଛାତ୍ର ଜନତା ଦଳ କ୍ୟାମ୍ପସ ୟୁନିଟ୍ । ବାପା ତଥା ପଦମପୁରର ପୂର୍ବତନ ବିଧାୟକ ବିଜୟ ରଂଜନ ସିଂ ବାରିହାଙ୍କ ଦେହାନ୍ତ ପରେ ତାଙ୍କ ସୁକନ୍ୟା ବର୍ଷାଙ୍କୁ ପ୍ରାର୍ଥୀ କରାଯାଇଥିବାରୁ ବିଜେଡିର ବିଜୟ ସୁନିଶ୍ଚିତ ହେବ ବୋଲି ସେମାନେ କହିଛନ୍ତି । ବର୍ଷାଙ୍କ ସପକ୍ଷରେ ପ୍ରଚାର ପାଇଁ ମଧ୍ୟ ବିଜେବି କଲେଜର ଛାତ୍ରଛାତ୍ରୀଙ୍କ ଏକ ପ୍ରତିନିଧି ଦଳ ପଦମପୁର ଯାଇ ଡୋର ଟୁ ଡୋର ପ୍ରଚାର କରିବେ ବୋଲି ସେମାନେ କହିଛନ୍ତି ।